ما هو المعيار ؟

Quote: قيقراوي وقت تقرا ليهو مداخلة في موضوع يحتاج مباشرة فتمرق بحمد قبااال ما تدخل خوجلي زاااتو

. . ياخ مالك عاوز تزعل مننا حبيبنا الذي نحب ويعلم اننا نحب و لكن لا يدري مداه . . المفكر ( الشاب ) الاديب الاريب ، الحسيب النسيب ( دي كسبها من خؤؤلته لحمور الباقي كلو عرق جبين و كد يمين ، مرات مرات بس شمال على احكام الكيبورد ) ناشط حقوق الانسان البوردي والمتخصص في الكتابات الجندرية و النسوية اخيراً في البوست دا
يا عزيزي لو ما السائل سناء خالد . . و ما ادراك ما سناء خالد ، الزولة البعزها جداً . . كان عملت اضان الحامل طرشاء
ياخ ما قلنا ليكم بطلو الـ ER !! . . ديل شنو الرهط ديل . . كرهتونا السودان و خيالستان ذاتو ياخ !!
اسي في ذمتك في دخلتك المتل " طيرة المسطول " ما طلعت بأي ي ي ي شي ؟
حليلو قبلو . . مجهودي ( التنويري ) طلع ( جمرة خبيثة ) ساي

يا ود الزين راجع حديث شيخ الجماعة الوهابية في ردي لسيدي البدوي اعلاه . .
قلنا ليكم هنا كان فكيت دو بلصقوا ليك الدامة. . احرف حريف هنا بتسيك باربعة آسات . .
انا قبل كدا - في ضمنة - ميس قفلا و البلاطة في يدي
لكن طلعنا باتفاقية سلام في الآخر ، فحواها انو لا يستطيع منعي أقرا ليهو ، لأني ما بقدر - حسب زعمه - و هو ما يقرأ لي لانو ما عندو زمن . . برضو حسب زعمو . . اعتقد كدا فير جداً . . و من يوما الكل مبسوط . . و الزلابية للجميع . . المافي شنو ؟ *
يا عمك الثيمة في البوست دا الفتك بالابانة . . و من قولة تيت
معيار بتاع الساعة كم ؟
انا غايتو المعايير الوحيدة المالية عيني هي " معايير المحاسبة المالية " . . لانها حاجة واقعية ، ممكنة ، مجربة ، متعوب فيها ، معتنى بها للآخر و هي مقبولة و قاعد تتطور ، و الماركتنغ ( الحصول على اكسبتنس عام ) ليها مبذول فيهو جهد و عما قريب بجي الهمبريب اليانكي . . كان ما مصدقني اسمع باضانك اهو بالمرة يا رهط نكون ساعدناكم في الـ ER . . و ساعدنا الباحث ميس . . او نكون اديناهو فاكتور جديد يخليهو يعيد البحث في الحط من شأن الاضان دي . . الزلابية للجميع




استاذ عبد الله ACCA
د. بانقا برضو ACCA . . دا براهو ناجر ليهو معيارين في المعايير السعودية " الاطراف ذات العلاقة" معيار المحاسبة و المراجعة
قليك في " ديبيت " شديد . . لانو كل ما عرض نطاق المعيار كل ما كان مشرور . . شفت كيف ؟
يجينا محمد الحسن داير يعمل ليهو معيار هنا بروس و سمبلا ساااااااي . . البركة بس ما دخّلنا في سجعتو الزي نداء الباعة في الاسواق بتاعة : تأديب الادباء ، تثقيف المثقفين ، تنوير المستنيرين . . الخ الخ . . الخمج و الطنقعة دي . . برضو يا داليا تقولي لي ما " ملجة " ؟!
باقي ليهو بس يقول محاسبة المحاسبين . . اها دي بقى برا معايير ما بتبقى تب . . جهز معاييرك انت دا في روحك و ابقى مارق . . .
نحن جاهزين بمعاييرنا
و اولها " العرض و الإفصاح " . . تفصح عن هدفك و تبطل الفتك باإبانة البتسو فيهو دا و تعرض قضيتك في اول مداخلة . . و الحساب ولد و بت
قبل دا كلو آآآآآمحمد كان عدلت معيارك بتاع " ضيق الزمن " يبقى تكلمنا . . سمح ؟

-----

د. رحاب خليفة
ازيك ياخ و فاقدينك بالجد
و الله لا يُفتى في ( المحاسبة ) و انت في المدينة

لكن نعمل شنو لمحمد الحسن الشابكنا معيار معيار معيار سبعة صفحات دا !! . . و هو ذاتو مخالف معاييرنا التعبانين فيها

مسئولة من الخير . . انت قصة الاسم الرباعي - لي علي مالك - دي شنو كمان ؟

(عدل بواسطة قيقراوي on 05-14-2010, 09:10 AM)
(عدل بواسطة قيقراوي on 05-14-2010, 09:54 AM)