ما هو المعيار ؟

Quote: السلام عليكم,, رجعت الخرطوم الحمد لله, والليله صحيت أربعه ونص صباحا, لأني أمبارح كمّلت النوم, والظاهر كمان فرق التوقيت مؤثر معاي, المهم جيت قريت الكلام برواقه وحابه أرد عليهو باختصار: بس قبل ما أرد حابه أعرف يا تري لو فتحنا النقاش مره تانيه حتعملي بقولتك الشهيره: Amany Elamin Quote: Quote: تدخلي نقاش و لمن يغلبك تقارعي الحجه بالحجه، تجدعي الحاجات في الواطه و تمشي تتبكي لي your Dear Brother Bakriو تقولي ظلموني 31-03-2009, 08:39 م Rihab Khalifa وللا حتركزي للنقاش ؟ نقطه تانيه: Quote: Quote: سلام يا اماني امسحي كلمة "اعتذار" و اكتبي بدلها كلمة "يد ممدودة للمضي قدما"، و اعتبري كلامي ما زال قائما بحذافيرة امال انتي قايلاني كتبت مداخلتي الفوق دي ليه؟ و ليك انتي بالذات؟ ما لي جنس الكلام الزي ده! طيب أهو ده مثال حي لعدم الأمانه ,,, كاتبه مداخله طويله عريضه كررتي فيها كلمة اعتذار في حقي خمسه مرات , ولما أقول ليك ما اعتذرت تقولي لي أمسحي وعدّلي واعتبري ؟؟؟؟ هي مداخلتي وللا مداخلتك؟ تمسحي وتعدلي انتي, أنا ما بعتبر أنا بقرأ المكتوب قدّامي ,, يادكتوره, وين الدقه والامانه في مداخلتك عاليه؟ وين القراءه السليمه والنقل السليم؟؟؟ أكتب ليك يد بيضاء للمضي قدما تكتبيها اعتذار؟ لما ألفت انتباهك لخطأ وقعتي فيهو, الصحيح انك تعدّلي انتي مداخلتك بما يقوّم الخطأ البيّن الوقعتي فيهو, ده باعتباره خطأ حسن نيه منّي ساكت ,, (عدل بواسطة Amany Elamin on 09-07-2010, 04:37 ص) (عدل بواسطة Amany Elamin on 09-07-2010, 04:50 ص)

اولا: نقطة اني شكوتك لبكري و بكري انذرك، و ربطها بما حدث ببوست اشراقة لما شكتني سناء خالد و انذرني بكري بخصوصها;

ثانيا: اتهامك لي بعدم الامانة و استنادا علي مكاتبه بيني و بينك في بوست المعيار مكوته اعلاه الا و هي اني استعملت كلمة "اعتذار"، بدلا عن جملة"يد بيضاء للمضي قدما"، في ردي عليك.

اولا
1.1 شكوي رحاب لاماني
القصة بسيطة وواضحة و لا توجد لها تفاصيل خارج هذا البوست
اماني قالت لرحاب كتابة في بوست المعيار انتي كذبتي مرتين، و عند سؤالها اكثر من مرة بواسطة اكثر من عضو هناعن هذا الكذب، لم تستطيع اماني ان تاتي باي ادله تثبت كلامها

النقطة دي انا وضحت حيثياتها سابقا في نفس البوست ده و ضميري مرتاح من ناحيتها حاليا*، واقول كلامي ده بكل وعي و من غير مكابرة، لانك ببساطة للان لم و لن تاتي، في هذا البوست او غيرة بدليل اني كذبت و مرتين كما قلتي، و دي ما قصة محتاجة ليها لت و عجن، الكلام كله مكتوب و موضح هنا و في بوستات ليها لينكات في بوست المعيار ده و يقدر الكل ان يقروا و يحكمو عليها و ايماني بقدرة الوسطية علي القراية و الفهم الصحيح ايمان عالي و لا تقلقني البته، و كلي اندهاش و استياء من قدرتك علي تجاهل قدرة الناس علي القراية و الحكم بانفسهم، مش كده و بس، انتي حابة تفرضي وصايتك عليهم لترجمة كلام مكتوب ببوستات يمكن للكل قرايته كما قلت في ردي السابق عليك!


1.2 شكوي سناء لرحاب في بوست اشراقة، و مقارنتها بشكوي رحاب لاماني في بوست المعيار

Quote: Quote: تدخلي نقاش و لمن يغلبك تقارعي الحجه بالحجه، تجدعي الحاجات في الواطه و تمشي تتبكي لي your Dear Brother Bakriو تقولي ظلموني 31-03-2009, 08:39 م Rihab Khalifa

انتي اسي الفهمتيه من الكوت اعلاة الموجة لسناء ده انه الشكوي عموما ضعف؟ او غلط؟ او تضر بقضية الجندر؟ ابدا!
الشكوي الفي غير محلها و مبنية علي ادعاءات غير صحيحة و تلفيق هي ما ينطبق عليه وصفي اعلاة. الشكوي علي وجة العموم ليس فيها ما يسيء، و تعليقي اعلاة ينتقد سلوك سناء بشكوي في غير محلها، لكن شكوتي لبكري عنك، كانت في محلها. طبعا، البينة علي من ادعي و علية ابين دعواي ادناة عسي و لعل ان يقفل الباب ده، علي الاقل بيني و بين نفسي اكون مرتاحة اني بينت اساس كل هذه المشاكل.

يا اماني انا و بكل امانة ما عارفة هل انتي فعلا ما واعية لمضمون ما تقراية و تكتبية؟ يعني الحصل بداية من بوست ميادة و مرورا ببوست اشراقة و انتهاء ببوست المعيار ماواضح ليك؟ ام تتصنعين عدم معرفتك للحقيقة الموجودة كتابة هنا في المنتدي امام الكل طامحة لطمس الحقائق؟
مقارنتك شكوي سناء لي بشكوتي لك، فيها طمس لحقائق مهمة
انا والله للان لا ادري سبب شكوي سناء لي!! يعني بالعربي كده، امشي راجعي البوست المكتوب **و شوفي لو انا غلطت عليها غلط يستوجب شكواها، و اقول قولي هذا وانا طامعة انا اتعلم ان اري الاشياء بعين مختلفة. و يا سناء خالد، انا و بكل اريحية و حتي تطيب نفسك و نفس اماني الامين ادعوك ان تحدثيني عن سبب تقدمك بالشكوي ضدي، و اتعهد بالاعتذار علنا في بوست حدادي مدادي في حالة وجود ما يستوجب.
انا سافترض حسن نيتك يا اماني و ساخذ بالاحتمال الاول، انك فعلا بتقري الكلام ده و ما واقع ليك لاي سبب من الاسباب، و ساقوم بالشرح ادناة بالتفصيل، حتي تتضح الامور، علي الاقل بالنسبة لعزيزك القاريء القاعدة تشرحي ليه ده، و لو في اي حاجة في كلامي ده ما مظبوطة بالله ما تقيفي، جيبي بسطونتك و تعالي فهميني الكلام الصاح.... اييي، زي نظام الابلات cannot help it, t is an occupational hazzard after all

الغريبة في موضوع شكوي سناء لرحاب دي، اني طرف اصيل في القصة و في اعتقادي في ساعتها اني اتظلمت، و لكن بالرغم من ده كله، تجاوزت الموضوع بمجرد انتهاء البوست لانه اعتبرت انه علي بلاطة كده اني شلت حقي بيدي و طلبت من سناء عدم الخلط بين مواضيعها مع دكتورة نجاة و نقاشي معها، و و في اعتقادي لن تجدي في اي بوست او اي مداخلة لي بعد كتابة ردي لسناء فيه مطاعنات او تلميحات او حتي عباطات مباشرة او غير مباشرة، دغرية او ملولوة مرتبطة به، لاني اعتبرته اتقفل, الا اذا اعتبرتي مداخلتي الرابطة بين بوست المعيار ده و ما حدث ببوست ميادة انها مداخلة كانت موجهة لسناء و ده اعتقاد خاطيء كما بينت سابقا. ابتعادا عن الشبهات انا وصلت لدرجة اني ابتعدث عن بوستات لاخوات كريمات كسمارت انا و مريم الحسين احب التداخل معهن بمجرد ما لاحظت تواجدكم الدائم في البوستات دي، عشان اتقي شبهة ان اقول اي تعليق يحسب علي انه مطاعنة.

وصف بعض اصدقائي المهتمين بتهذيب و تشذيب وجودي ردي قبل الاخير و الاتي بعد ان انذرني بكري في بوست اشراقة لسناء بانه قاسي بعض الشيء، و لكنه في نظري لم يتجاوز حدود الادب او حاول فبركة الحقائق او الكذب او الالتفاف، و كل البوستات و اللينكات موجودات لاي انسان ليراجعهم.

شكوي سناء لبكري بخصوص رحاب
كل تفاصيل الخلاف المضحك ده، البدا من سبعتاشر شهر تقريبا توجد هنا، عزيز اماني القاريء اعفص هنا يا قول ناس المنتدي لملخص مشكلة اماني و خلافي السابق مع سناء: Re: التحرشات الجنسية: محاولة لرؤية ماخلف الاشياء..!!
ردي كان مطول عن قصد، تحسبا لظروف زي دي و عشان ما تضيع الحقائق، و ردي الحالي ايضا تفصيلي، لنفس الاعتبارات.

و باختصار شديد ميادة كمال تلقت ايميل خارجي فيه شتائم جنسية لها، تحاور الناس في البوست المعني عن ضرورة عرض الرسالة و تباينت وجهات النظر، في محاولة لسناءخالد لاقناع ميادة بسحب الرسالة ذكرت سناء ان غالبية القراء طلبوا من ميادة سحب الايميل البذيء التلقتة، و فضولا مني احصيت من البوست المنشور علنا (١)عدد من طلبو منها سحب الايميل و قارنته (٢) بعدد من لم يطلبو او طلبو منها العكس، ووجدت ان حجة سناء مبنية علي فرضية غلط، وصححت ليها المعلومة في لحظتها، فما كان من سناء بدل ان تصحح كلامها الا ان رفضت ما قلتة و شككت في طريقة عدي و اتهمتني باني اعد من الهامش عشان اطلع نظريتي صاح!!! فمشيت و عديت تاني للتاكد، و طلبت منها الا تتهمني جزافا بالتزوير، لانه سناء وكل القراء وقتها و للان بامكانهم عد المتداخلين ووجهة نظرهم، و ببساطة شديدة اثبات كذبي من عدمة و قامت القيامة من الوكت داك. needless to say I had no theory then, I was falsifing her theory

تخيل يا عزيزي القاريء انه كل المشكلة دي سببها كلمة؟ اي والله، كلمة "اغلبية"!!
I guess lesson learned for me, "majority" or "minority", who cares? Everyone make-up your own statistics and go with it!x

الغريب انه في التلاتة بوستات رحاب لم تشتم او تسيء لاي منكن، و كان بامكاني سابقا و بامكاني الان كيل اطنان من الشتائم و البعض كان سيراها مستحقة، و اجي كمان اختمها باعتذار او مد يد ملولو زي ما سويتي كده، و لكني لست بفاعلة يا اماني، لاني احسب الشتائم موقف انسان عاجز، عجز ان يبين الانسان بالحجة و الدليل مقاصدة و عجز عن ان تتسع الرؤيا لتشمل رؤية الاخرين، و عجز عن قراية الخير في الناس

ثانيا
حكاية استعمالي لكلمة "اعتذار" بدلا عن جملة"يد بيضاء للمضي قدما" و تصنيفها كعدم امانة من ناحيتي
طيب، ليك حق يا اماني و من غير اي لف او دوران في حكاية الدقة دي، اعتذر منك، لاستعمال كلمة اعتذار. ما تجي يا سناء عليك الله تشبكيني انتي ما اعتذرتي و ما ابصرش. this is a very straightforward apology, and meant wholeheartedly
دقة دي افهمها، ليك فيها حق، انا كده بيني و بين نفسي قبل كل شيء، فعلا شايفة انه كان من عدم الدقة ان اوظف كلمة اعتذار بدل كلمة مد يد بيضاء، خصوصا في حوار مع شخص يتربص بك، مع ان استبدال الكلمتين لا يعمل اي فرق في مداخلتي كما بينت سابقا.

لكن:
هل انت واعية انك انتي من تسببتي في عدم الفهم ده؟
قبل ما تجي رحاب و تستعمل كلمة اعتذار، كتب ملاسي ووصف مداخلة اماني بانها اعتذار:

Quote: لو كنت مكان رحاب لما قبلت اعتذار أماني Hussein Mallasi. 05-06-2010, 01:43 م

ملاسي ده كتب اعتذار زي رحاب ولا كتب مد يد بيضاء بلا بلا بلا؟
كتب اعتذار يارحاب!
ومش ملاسي ده تحديدا وجة خطابة لرحاب بان لا اقبل اعتذاراماني؟
ايوة يا رحاب!
فما كان رد اماني لملاسي؟ هل اماني دي في لحظتها صححت لملاسي كلامه بانه ما قدمتة ما اعتذار، بل مد يد بلا بلا بلا؟
لا، ما حصل!
هل اماني اتهمت ملاسي بعدم الامانة؟
لا.
او بعدم الدقة؟
ابدا.
هل حتي وجهته توجية حنون يا ملاسي ما تلخبط، بما انه انا ما اعتذرات؟
لا، ما حصل!!!

الحصل شنو؟
اماني قالت لملاسي الاتي:

Quote: صحيح القراءه بالنيّات, أعــد (عدل بواسطة Amany Elamin on 05-06-2010, 02:03 م) (عدل بواسطة Amany Elamin on 05-06-2010, 02:06 م) Amany Elamin 05-06-2010, 01:59 م

كلمة "اعد" دي علي ما اذكر كانت ملونة باللون الاحمر، عشان ما تبقي علي قصة عدم الامانة الطالعة موضة اليومين ديل.

فما كان من اماني الا و اجابتة برد مبهم يحتمل اكثر من وجة و لا ينفي فهم ان مد اليد للمضي قدما ده قد يفهم علي انه نوع من الاعتذار كما فهم حسين و فهمت رحاب!
طيب يا اماني، رحاب دي بتسالك الان عن اسباب تغيير رد فعلك و استعمال كلمات "كعدم امانة" او "عدم دقة" لوصف رحاب و ليس لوصف ملاسي؟
انا عندي من النظريات ما يكفي لتوضيح اسباب تباين ردودك، و لكن احتفظ بيها لنفسي حاليا
اسي عليكم الله دي ما بوست محمد الحسن ده all over again?x

يا اماني يا دقيقة
اناعشان ما ادخل في سفسطتك دي من البداية واقطع ليك منطق التلاعب بالالفاظ، ما ناقشتك في الفرق بين مد اليد البيضاء و الاعتذار و تبعات الفرق ده، و اختصرتك بان قلت ليك، ياخ كان دي او دي ما تفرق، بدلي الكلمتين و انتي بتقري، ملاحظة؟ مش و انتي بتكتبي، و انتي بتقري! و ركزي في المهم، بعدين اصلها كان فارقة معاك كده شديييد، اعتذار، مد يد بيضاء، او مد كراع لون زينب، مش كان اولي بك تصحيح ملاسي من البداية عشان الخلط الجائز ده ما يستقر في اذهان القاريء؟
و بعد ده كله، انا طرفي ده واجبي ان اخلية و كما اسلفت اعلاه، اعتذر لك عن استعمالي كلمة اعتذار بدلا عن كلمة مد يد بيضاء ، اعتذارا واضح ما ارجع فيه ابدا، مع تاكيد انه الفرق بين الكلمتين لا يؤثر علي محتوي مداخلتي بتاتا.

Quote: عندك رغبه نطوي الصفحه دي, مرحب بيك, عندك رغبه تقعدي تدخلي بحمد وتطلعي بخوجلي الله معاك Amany Elamin

خليني افكر في الحته دي و برجع ليك
هي الصفحات دي تفتحيها انتي بمزاجك و تجي تطالبي بقفلها بمزاجك؟
منو الفتح صفحات مشكلة قديمة لا دخل لها بالبوست ده اصلا؟
منو الجلب لينكات من حمد طويت منذ اكثر من سنة و نصف لقصور في تفكيرة و سوء ظنه بالناس، و طلع بيها بخوجلي ليبرر تفكير اعوج؟
منو الادعي امكانية قراية نوايا الناس؟
وقتك الخايفة عليه ده من البداية لمن كانت عندك القدرة علي اتهام الناس كان ما مهم، و الان عند امكانيتي الرد علي اقاويلك بقي مهم؟
ايوة، عندي رغبة اطوي الصفحة البائسة دي، و في الحقيقة انا طويتها منذ اكثر من سنة و نصف، و طويتها بوضوح و بنظافة و بترتيب علي الاقل بيني و بين نفسي
بعدين يعني شنو طي الصفحات البتقوليه ده؟
انتي لم تكوني طرف بمشكلتي مع سناء اصلا و لم يحدث لي خلاف معك قبل الان ما قدرتي تطوي صفحة خلاف لي مع صديقة ليك عمرها اكثر منذ سنة و نصف تقريبا، و الان انتي طرف اصيل في خلاف معي، دايراني اصدق انه عندك القدرة انك تطوي الصفحة دي؟ يا سبحان الله










_______________________
* اقول حاليا، لانه اطمع و اطمح انه تكون عندي القدرة في يوم من الايام، ان اصل حال الكثير من ناس البورد ده، ممن يترفعوا عن الصغائر من باب المياسرة.

** روابط للبوستات الاتنين الحصل فيهم نقاش مع سناء سابقا:

يا هذا...كلامي أصابك في مقتل..وإستفزك..لن تخوفني ألفاظك...وجد الفاظ غير لائقة)

Re: التحرشات الجنسية: محاولة لرؤية ماخلف الاشياء..!!