ما هو المعيار ؟

Quote: Quote: المهم أنا لم أضعك ضمن الجماهير (((الثورية ))) التي أفتى لها قائدها عبد الكريم بفتواه الأخلاقية الشهيرة . تلك الثورة بقيادة عبد الكريم وتحت لوائه محسن خالد ود. بلة موسى . محمّد الحسن ---------- يفكوهوا من الكضبة دي، يلزق في الجنبها! إنَّا لله! ما شايف يا كيكي!؟ تأمَّل في هذا الكذَّاب الأشر. متى تحدَّثتُ أنا عن هويتك ولو بحرف واحد فقط!؟ ياهو دا كيكي، القدَّامنا دا، لا شريك له، مَسَكَك من قرنك ولاحَك في الهواء لمَّا رأسك حَاذَى ضنبك، وختّاك على أرض هذا البورد طاااخ. والثكاليج رَقَدَت هبطرش، وصدر منك ما كانت أشباهه وأمثاله، أنا عيان، "ها أموت" جيبوا لي النشاة، هببوني، وينو الحكيم؟ والجماعة واجهوا جرستك دي، ببرود يبحث عن نهاية لتجنياتك، وظلمك واتهاماتك بالباطل، زي شنو؟ زي اتهامك لعبد المنعم بجريمة قتل، واجهوك ببرود للعدالة، أشباهه وأمثاله، يسمّك في حكيم، عندنا هنا داية بس. ومسكك كيكي الحاااضر دا، وولَّدك "هويتك" المنكورة زي الشينة دي ولادة، بالحااار، بالحبل، والله لييييي. أنا لمّا استلمتك في البوست داك، إنت كنت واضع الكارنيه بتاعك Already، والحبل والثكاليج مرميات جنبك. والله إنَّ أذاك للعالمين قد قَلَّ بعد حبل كيكي ذلكم. لأنَّك بقيت زيك وزي أخواتك وأخوانك الهنا ديل. دييك تيسير عووضة، بت سميرة، وداك محسن ود البتولا، وديك داليا بت حافظ، وداك محمّد ود الصايم "المشليق". وداااك صاحبي وأخوي قيقراوي العزيز. بقيت في الحذية مع الناس، وأي زول معروف هو منو، ومسؤول من كلامه ويمكن مقاضاته لو اعتدى. لكن يا كيكي، شوف لينا بصارة للكضب بتاع الزول دا، حكاية عجيبة مرة واحدة، وموضوع مستحمي لدرجة بطّالة خالص خالص. دي ما عندك ليها حبل!؟ ----- ودي أوَّل مرة في حياتي بتكلّم عن هويتك الفلفصها منك عبد الكريم فلفصة، يا كذاب. أنا ماني ضهبان منك، ومن زماان، لكن ما عندي بَيِّنات، وحياتي كلّها لم أتحدث في شأن لا أمتلك عليه بَيِّنات. فإن نَجَا ظالم من عقابٍ ما، عندي، لهو أفضل من وقوع برئ في مأثمة وتجريم. فما حصل يوم واحد فتحت خشمي بكلمة عن هويتك، بتبهت وتكضب مالك!؟ يا أخوانا وأخواتنا ما تفرنقعوا لشؤون دنياكم، لإن تبعتم فارغة هذا الرجل وأزواجه من نظير ملاسي، لضاعت عليكم الدنيا والآخرة، العاجلة والآجلة، إنّي لكم من الناصحين. السلام عليكم ورحمة الله