ما هو المعيار ؟

Quote: ركِّز في ونسة المعايير يا حبشي، هسّع لو جيتك متلّب هنا، بتقول واااي داير أموت، وألا نسيت!؟ بتاعة نجاة محمّد علي دي، ما تعمل فيها بحتَّها إنت، أنا بحتُّها بنفسي معتذراً عنها، وقد اعتذرت عنها من قبل سنين، وقبل أيام جبتها أنا بيدي في بوست الكوشرثيا، الذي لفحتها منه، ولا يهمك الاعتذار عنها الذي كان مجاوراً لها، ومحاولة التطهر منها، أبداً، يهمك الحط من أقدار الناس، وإلصاقهم بخطاياهم حتى الموت. لِمَ؟ إنت شديد العقاب أكتر من الله وألا نارك أعرض من حقتو، عشان تتوطأ النقد لها والاستغفار عنها، الكان مكتوب جنبها بيدي لا بيد عمرو، وتمعطو منها!؟ هل الهدف هو إصلاح البشر، أم تعييرهم ووصمهم؟ دا مش عدم أمانة؟ ياهو عدم الأمانة ذاتو، من ضنبو لقرونو. أنا بحتّها بضراعي، وبعثتها من التاريخ، ألا تقتضي الأمانة عليك أن تشير لذلك!؟ ودا مشهاد إنت ما بتقدر عليه، ونجاة ذاتها ما بتقدر عليه، وحسن موسى ما بقدر عليه وبولا ما بقدر عليه، وشوييية بس البقدروا عليه؟ أخطأتُ فيها!؟ نعم أخطأت، وسحبتها واعتذرتُ عنها. لأنّني يهمني إصلاح حالي قبل الناس، أبحث عن الاستقامة بكل طاقة أوتيتُها، وأنت تبحث عن اللولوة بكل طاقة وإن لم تؤتَها. فروق يا زول، وما تشفتن، خلّي نارك قدر {مُطَّالتك}، الخلاء ملان، و{المافي شنو!؟} يا عملات قيقراوي. لا تطرحني مع ناس الجندر، أنا عمري ما طرحت نفسي في الحتة دي، ولي تفاكير، منها ما أبديتُه ومنها ما لم يحن أوانه بعد، لا تجوّز لي التحاقي بهم هكذا، بالإلزاق الذي تقصه وتلزقه كيفما اتفق هذا! وكلامك عن الجزارة والجزارين في بوست كبّر بينما رحاب تلمح إلى تلك التهمة الجادة جداً، لم يكن يدل على أي أخلاق من قبلك، ولا استقامة، ولا سواء، ولا نبل، ولا عدل، ولا أثارة مسلمين ولا نصارى ولا يهود، ولا فرسان ولا سعاليق ، ولا ولا، وهذه من نوع القواصم لدي، وقد غفرتُها لك كرماً ونبلاً من عندي، فلا تعد للحديث عن ذلك الكلام، كي لا آتي و{أوسِّع فتقو} كما قال العبّادي. وشاركك في الذنب ملاسي، صدّقني توقّعت، أن يقول أحدكما لرحاب، أنت أو ملاسي، محسن خالد ما بعمل كدا، خصمنا أيوة، لكن ما بعمل كدا، ودي ما شيمو، ولا دربو، ولا مشهادو في الحياة. فخيّبتما منكما، في، نبل الخصوم وشرفهم، لو إنت وملاسي ممكن يطير بيكما جبريل ما، من موضع الونسات و{الخمج والانسياطة}، لموضع خصوم لي! إنت شايل الخُدعة الخبيثة التي حدثت لروزمين والكاتب المغربي، تحوم بيها من مكان لمكان، ومتغابي العرفة في الخُدعة الخبيثة التي حدثت لرحاب وأنا مالك؟ كدي ورينا الأسباب لذلك!؟ بتاعة محمّد عثمان، دي نجر أخضر من رأسك، وبخشم الكضب المهيل، هاتِ حديثي فيها، لأنني قلتُها ساخراً من تبني صاحبك "الصحفي" لها. بطِّل التلفيق. هو مين فينا (الأوفيندد) أنا وألا صاحبك؟ إياك أن تكتب خلاصات عني، لو أردت نسبة أي كلام لي، فهاتِه في أصله، فهمتَ وألا أحلّو ليك بالدِرِب؟ يا محمد كلامي لرحاب عن جلب الحديث، لا يشملك، ولا يشبه ما أتت به رحاب، وليس فيه أي تناقض، أنت كنت تزوّر علي علناً كلام غيري وتضعه لي، ولا تعتذر عن ذلك، وكنت تشتمني صباح مساء، وتلف وتدور، وتظلم، وتقل أدبك، ولم تترك منكراً لم تفعله في حقي. بينما العلاقة بيني ورحاب لم تكن بالأصل موجودة، وحينما ناقشتها لم يكن بيننا من سخرية متبادلة، ولا سوء أدب ولا مخاشنات، كالذي كان بيني وبينك، فدع عنك مقايسة كل سجمك ورمادك الكنت بتعملو معاي، بما جرى بيني وبين رحاب. لقد بدأت أتعامل معك بطريقة جديدة، في حدود إبداء الملاحظات والتعليقات، وبحذف كل المرذولات التي كنت تردمها بيني وبينك، هسّع لو حابب ترجع النقطة ديك، بتاعة تجي تلزق أي كلام عني، ما عندي مانع. قلتَ من قبل، ما معناه، بأنَّك أخطأت في حق الكثيرين، واعتذرت، ولي أنا شخصياً اعتذرت وسامحتُك، بما يفهم منه أنّك تنوي الإلتفات إلى ما يفيد الناس، بدون شغل "أنا مجنون، وأنا ديك عدة دا" بتاعك الزمان داك. لو غيّرت إبداء حسن النيات بتاعك دا، كلّمنا، وتلقانا جاهزين. أظنك بتعرف إنو كتاباتك دي، ما ماشي يغلبني ما هو مدفون في طواياها، هسع تزويرك لوقائع بوست كبّر دا بتقصد منو شنو!؟ هل أنا كنت قاعد أناقش فيك إنت، وألا قاعد أناقش في كبّر ورحاب!؟ هل إنت زول مما جيت البورد دا، عندو نقاش؟ أبداً، وقسماً عظماً، ياهو تشيل ليك سطر من زول وتقعد تزازيهو. جيب ردودي عليك من بوست كبر، امشِ جيبها، لأني كنت قاطعت الرد عليك، جيب النص النثري الشعري المهدى لك ولملاسي، عشان تشوف عيبك وعيبو، اليخسي، الكعب بالحيل. راجع الوووب حقك دا، عشان ما تضطرني أخليك تضربو تاني: الخرطوم خمر شديدة الإسكار ونسوان يرتدين الدروع في شوارع...وام في المنبر ) صور