ما هو المعيار ؟

Quote: ثانياً: لم تكن المشكلة فى أن الرأى إقصائى أساساً ... فالرأى أو الحكم الإقصائى يمكن الرد عليه دائماً ... ولكن كانت المشكلة فى المعيارية ... فعندما تؤثر معاييرك الخاصة على حرية تعبير عضو فإمّا أن ننبهك أو نفعّل اللائحة ... ولكن عندما يكون لك معيارين أخلاقيين متناقضين تجاه الكتابة الإيحائية ... فهنا تظهر مشكلة المعيارية .... وهنا يولد التساؤل: ما هو المعيار؟

اولا معايري انا ما جيت شريتها تبرعا، سألوا و رديت، و كنت مخيرة كان ممكن جدا ما ارد،
حتعملوا لي شنو؟
و ده بيرد على النقطة القلتها فوق و فيها تحت تحت اني فرضت معياري ...

سؤال: البوست ده الفتحو منو؟
جواب: استاذ لولوة ود الموية و المعروف بمحمد إي سليمان
و تيب؟

و راي انا درعتو طازجا من الفرن في وقتو
وبأقولو تاني خلي بالك، و الزارعنا غير الله يجي يقلعنا، الخايف منو؟
ده رأي ياخ! رأي ..
راء .. ألف ... ياء ... مقبقبني مالك وقت الراي ده عندك مقدس؟
هل انا قلت علقوها من حلقها ولا تشو ليها كي بوردها بالنار؟
حسي انت ما اقصيتني؟
يعني انا ما عندي مشاعر ممكن تتجرح من الاقصاء ده؟
ولا علشان بكتب جملتين على بعض؟ لوووووولز

Quote: فعندما تؤثر معاييرك الخاصة على حرية تعبير عضو فإمّا أن ننبهك أو نفعّل اللائحة

عليك الله فعل اللائحة! النبي ... الرسول فعّل اللائحة و خليني انتقل لمضارب الفيس بووك
و الحق الناس الزينين لووووووووووووووول
ولا أقول ليك .. دقوني كي بورديا و معطو لي مداخلاتي و شمعو لي الباسويرد بالشمع الاحمر!

تفعل لائحة ياتو مصنع (مكرونة) يا اخوي؟ اللائحة دي ماصوها زمااااان يوم اكل الثور الابيض
كام عضو اساء لاسرة عضو في المنبر ده؟
كام زول اتعرض لملاحقات شخصانية و اغتيال شخصية؟
كام زول شتم زول في وضح النهار و اللائحة متمحنة و تعاين ساي؟

القوانين دي إله عجوة بيتاكل في أول ملف و اسأل ناس تانية من معيارهم في
عدلهم ...

في كلام فوق في مداخلة القديمة وشكلك ما قريتو، لم تأت لحوار موش؟
قلت رقابة ذاتية لاننا كبيرين و واعين، ولا كيف؟ يا ربي استمرئتم الرقابة و الاضطهاد؟

ثم ثانيا يا اخي معياري الأخلاقي واحد يا تبارك، ما تفك الكلام ساي و تباري السيرة يا اللخو،
مافي كلام ايحائي انا بساندو، و فرّقت ليك بين ما اعتبره نص قابل للقراءة و التصنيف
بالنسبة لي في مداخلة سابقة لاساسي ... نوع الكلام ده ما بحبو لا في حياتي لا في المنبر
اسأل أي زول بيعرفني بيوريك طبعي، وده ما للاستهلاك المنبري، ده قراري الشخصي
البيريحني و متصالحة معاه تماما .. انا ما رايحة لي هوية اخلاقية و جاية افتشها في المنبر...

و الاتهام الفكوها قبيل فندّناهو، يا تثبتوهو يا كمان ترخو الحجة دي ... شنو تبادل الادوار ده؟
حابتدي من الاول كل مرة ولا شنو؟ اي نعم فاضية و القراية خلصت بس ما قدر ده!
وقتي ثمين ياخ بالعدم احضر التلفزيون بدل اعادة التدوير ..
حاول تقراني بحيادية و غطي اسمي و اقرأ الكلام بتجرد، نصيحة مجربة عند اتباعها
تتحقق امنيتك خلال ثلاثة ايام!

______

انا للمرة المليون بكرر انو انا متحاشية الشخصانية و منال في عضمها ما خصمي،
لأنو لو قاصداها ممكن جدا امشي الارشيف اتناول لي كوتين تلاتة
و نعمل ليها تشريح زي العجب و ساعتها بتنادو البوليس أو النظام العام
أيهما أقرب لمخرج الطوارئ لوووووولز


الحوار لو بقى في حتة الاخلاق و تعريف الاخلاق بشكل موضوعي بيفيد الكل ...
ما تخذلني و تضعضع أملي في حوار مثمر ...
ياخي احترم تضعضع دي على الاقل