|
|
 Re: ما هو المعيار ؟ (Re: سارة علي)
|
| Quote: حاسي بإنها فضفاضة جدا وما تنفع لضبط حالات مختلفة |
لا لا ..
ضبـط ..؟؟
يا ود البشـرى دي زبده البوسـت كـلو ..
كلمـه (ضبـط) دي ..
ماعندنا هنا بوليس حركه عشان يقعد يساسق في الاعضاء كلو زول بيكتب شنو ..
وحكايه لوائـح البورد دي ما مفعـله ..
(كـل نفس بما كسبت رهينه) ... يعني كـل زول معلق من باسويردو ..
كلام ود البشرى .. يحاسب بيهو ود البشرى (او ود الصايم في الحالات الحرجـه )
كلام دلـوش محاسبه بيهو دلوش وهكـذا ..
د كــللللو تحت مظله (احفظوا لينا حق الاعتراض على الحاجات الما بتعجبنـا)
بمعنى : انا وساره ومريم (مثلا) حياءنـا وفطرتنا الانسانيه بتخلينا محرجين من كتابات الزميله منال..
يبقى من حقنا نعترض عليهو ونسجل اعتراضنا دا بدون ما يفسر كلامنا على انو (تكالب , غيـره نسائيه ... الـخ)..
الاعتراض دا ,ما بنقدر من خلالو نسحب باسويرد زول ولا نحذف بوست ولا نوقفو من الكتابه ولا نمنع منو الاكسجيـن ..!!
لكن على الاقل نسجـل موقف..
نقول دا ما عاجبنا .. (وذلك اضعـف الايمـان) ..
النجيضـه : مافي زول يقدر (يمنع) زول انو يكتب
في نفس الوقت : مافي زول (يمنع) زول انو يعترض على كتابه زول ..!!
-------------------
انت داير البوست دا يحصل الصفحه الكم ..؟؟ (:
| |
 
|
|
|
|
|
|
|
 Re: ما هو المعيار ؟ (Re: تيسير عووضة)
|
Quote: القرموط تمبس ..
ياخى بطل الكماين .... خلاص زريتنى يعنى؟ ارشششك .. كوميديأن في نافوخكن |
كماين شنو يا عصام وزرزرة شنو .. ياخ ..؟
كان عايز ازرزرك كان زرزرتك في مطار الخرطوم صالة الوصول .. لانو شكلك كدا على بعضك بيشبه الجواسيس
لكن الكمين دا أنا عاملو لي (الأمبوبة) كوستاوي لانو ا،ا بعتبرو هو ومعاهو كم واحد كدا معضلة المكان الما فوقو معايير دا .. تلقاهو لابس طاقيتو ومتدسي ليهو ورا كلام بتاع زول قبيح .. ويجيك بالليل شديد يوم السبت يكتب ليك كلام زي الشايفو دا .. وبكرة الصباح يوم الأحد يقوليك نحن ماشين الليلة حفلة بي سلمى العسل ..
بعدين بالمناسبة:
في واحد شيوعي هنا في البورد دا عامل فيها بتاع ثورات وتغييرات .. قبل كدا جا لقانا متلميين في بوست بنناقش تفاصيل حياتيه .. بي اخوانيات ممكن توصل بيه اي فكرة .. الكلام دا كان بعيدا عن السياسة .. وهو طبعا قال إنو كاتب ومحلل ، وبتاع شعارات ..
تخيل جا قال شنو:
جا قالينا جايين هنـا تتونسو مع البنات ..
ختاها لينا طااخ كدا من غير معايير ..
من وقتها .. أن البوصلة بتاعت المعايير بتاعتي اتكسرت والشوكة الجواها ديك محلات طارت ما عرفتها .. المهم اصبحت اطالب الزول داك في اي مكان بي بوصلة جديدة .. فيها اشارة للمعيار .. مش بقولو ليك السهم يشير إلى الشمال اها انا عايزو يعمل لي بوصلة بي سهم يشير للمعيار ..
اي نعم بعض الأخوات وقتها اعترضن على كيفية اطلاق المعيار على عواهنه .. لكن البوصلة لسة مكسورة.
ودي الحاجات البتكره الزول في المعايير ..
| |
|
|
|
|
|
|
|
|
 Re: ما هو المعيار ؟ (Re: خدر)
|
يا خدر .. المعيار هو المعلقة .. زي ما قالت الأخ تايسا؟
___
عارفكم بتاعين جرجرة .. المعلقة بتاعت اللهط .. ما بتاعت الشعر!
الشعر البقولوها الشعراء .. ما الشعر البسرحوهو وعكس صلعة خدر!
| |
|
|
|
|
|
|
|
|
 Re: ما هو المعيار ؟ (Re: محمد عبد الماجد الصايم)
|
ردا علي سؤالك يا خدر في البوست المسمي (المزمار) حول الجنس الذي ياتي في صورة ادبية .
في اعتقادي الشخصي ( يظل الجنس هو الجنس ذلك الذي يثير الغرائز ويلهب المشاهر ويستفز الحاجة الاساسية لدي الانسان , ان كتب ضمن سياق ادبي او قدم علي الاطلاق, ان تم ابتذاله او تم التحليق به وحفه بالصور الادبية , هناك فرق واضح بين الكتابة التعليمية والكتابة الدرامية الادبية والشعرية , مجئ الصورة الجنسية ضمن اطار ادبي وحبكة درامية او روائية مدعاة لاستفزاز مشاعر القارئ والهاب حاجته خاصة وان الجنس جاء مصورا تم تقديمه في اطار عام وخلق حوله جوا درامية يجعله اقرب الي التصور والتخيل , الجنس الفاضح الذي يكتب بابتذال قد لا يكون مستفزا مثلما يفعل الجنس الدرامي او الادبي , لذا تجدني هنا اقول ان الجنس الذي ياتي في صورة ادبية يجد الاحتفاء به لانه يلامس اشواق المحتفين به فيجدون له العذر والتبرير حتي يصل البعض الي درجة الاحتفاء به بينما الجنس المبتذل الذي لم يجتهد مطلقه في خلق صورة او خلفية درامية له يظهر لنفس المحتفين بالصور الجنسية الادبية يظهر لهم بصورة صادمة يذهبون مباشرة الي انه شيئ خادش للحياء وغير محتمل .)
| |
|
|
|
|
|
|
|
|
|
Re: ما هو المعيار ؟ (Re: اساسي)
|
وعطفا علي مداخلتي اعلاه حول الجنس الذي يظهر في شكل ادبي والجنس الفاضح ان مثلا الاخت المكرمة عزاز شامي عند نشر الاخت الكريمة اشراقة مصطفي ( وللعلم ) اني من المعجبين بكتاباتها جدا , نجد ان الاخت عزاز علقت علي كتابات الاخت اشراقة المنقولة في هذا البوست بواسطة محمد سليمان ان ( المرأة انسان ) بينما نجد كل الاستهجان بل والهجوم الصارخ علي منال لكتابتها في ذات الموضوع الذي تناولته الاخت اشراقة من الاخت عزاز نفسها التي ووضح ان المراة في حالة الاخت اشراقة انسان بينما في حالة الاخت منال ؟؟؟؟؟؟ لا ادري ماذا صارت هنا المراة .
والشاهد علي ذلك بصورة اكثر جلاء هو رد فعل الاخرين ومحركهم الداخلي تجاه كتابة الشخص ومحاكمتها داخل انفسهم لا كما ظهرت للعامة , فمثلا الاخت الكريمة داليا حافظ تداخلت في بوستات الاخت منال اكثر من مرة وبتواريخ مختلفة وتعاملت مع كتابة منال بصورة عادية جدا ولكن عادت بعد شهر واستدركت موضحة موقفها ان مداخلاتها في البوست المعني لم يقصد منها اي تفسير آخر.دا بيعني إنو ما كل الناس بتقرأ كتابات منال بهذا الفهم. الذي وصل الي الاخوات اللائي يرين في البعض ( انسانية ) بينما لا يرينها في اخريات .
| |
|
|
|
|
|
|
|
|
|
Re: ما هو المعيار ؟ (Re: اساسي)
|
((((محاكمة النص...والاخلاق
محاكمة النص ..والتذوق
محاكمة النص والدين
محاكمة النص...والاعراف
محاكمة النص ..والمعين الثقافي
كلها قنابل مع غيرهاشكلت معضلت تاريخية ضد الكتابة كفعل انساني يتيح له تفريغ ذاااته وفلسفته الخاصة
في شان حياته الخاصة او في شوون الكون الاخري....رحلة غذتها دماء وشيدت لها سجون للراي ومقابر جماعية مافي من اوطان احبها الكاتب
او الشاعر او المغني..)))))
(((اسئلة للتامل..
هل هنالك سقف مهما كان نوعه للشجن الخاص...
اي بمعني هل هنالك محاكم للاشجان والاحلام...؟؟؟
زمن الذي عليها ان يقيمها ؟؟
وباي سقف))))
حباب السراويل والكمنجات...!!!!
كتبه الأخ عبدالكريم الامين احمد
| |
|
|
|
|
|
|
|
|
|
Re: ما هو المعيار ؟ (Re: سارة علي)
|
Quote: الغريبة ماف زول جاب سيرة صور منال
انا شايفها صور ايحائية
فيها بودى لانجويج
شنو ليكم! |
لقيتك بتاع مشاكل يا احمد التجاني هههههههههههههههه
| Quote: يا حسين تكويتك للكلام دا برضو مقارنة.. و ما في خلاف بين كلام مريم (الوسط بين كلامي و كلام نهال)..و بين كلامي..لا واحدة متساهلة لا التانية متطرفة..بس في ناس عندها Guts و قدرة على الاحتمال.. (و يمكن آمال عظام زي نهال) ..أنا ما عندي! |
سن سن، وحاتك اسمها قوة راس، وعواره (ده وصف لخياري  [/IMG] )... لكن ممكن في في نهاية الحد، أصل لحلّك... ممكن مثلا أضع اعتبارات زي، اولادي... لكن لو علي انا، اقعد اناطح "التور" لحدي ما واحد فينا يتعب ....
منال... بجديّة شوية.. المشكلة موش في انك بتكتبي عن الرومانسية... كتيرين كتبوا عن محبة ومشاعر، مافي حد اتكلم معاهم... انت زاتك قبل كده، كتبتي بوست عن الرومانسية عن السودانيين، واتداخلنا معاك.. وبتذكّر كنا انا ود.سلافا العاقب.. اصلا لو المشكلة الرومانسية، سلافا العاقب دي كانوا فتحوا في عشرين بوست.... بس اعملي بحث بإسمها، واقري ليها من طرف، حتلقي كتابة كلها رومانسية ومحبّة واحتفاء بزوجها.... لكن الكل بحترمها... تفتكري ليه؟
على صعيد آخر... قلت لي طبيخ! ..! والسواطه البتسوي فيها ديك نودّيها وين؟ (معليش يا امبده ما قدرته اقاوم اخت الوش)
| |
|
|
|
|
|
|
|
|
|
Re: ما هو المعيار ؟ (Re: سارة علي)
|
Quote: صاح كلامك يا نهال، ما حأسيب ليهم المكان... سواءا الزميلة المامحترمه، ولا الشفة
المشبوهه لكن بعمل على اني اميّز نفسي عنها.. واعترض عليها.. واقول انه السلوك ده غلط
مريم بت الحسين |
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
اساسي،
سلامات و سعدت برؤية تاني نكمل حوار ...
| Quote: وعطفا علي مداخلتي اعلاه حول الجنس الذي يظهر في شكل ادبي والجنس الفاضح ان مثلا الاخت المكرمة عزاز شامي عند نشر الاخت الكريمة اشراقة مصطفي ( وللعلم ) اني من المعجبين بكتاباتها جدا , نجد ان الاخت عزاز علقت علي كتابات الاخت اشراقة المنقولة في هذا البوست بواسطة محمد سليمان ان ( المرأة انسان ) بينما نجد كل الاستهجان بل والهجوم الصارخ علي منال لكتابتها في ذات الموضوع الذي تناولته الاخت اشراقة من الاخت عزاز نفسها التي ووضح ان المراة في حالة الاخت اشراقة انسان بينما في حالة الاخت منال ؟؟؟؟؟؟ لا ادري ماذا صارت هنا المراة . |
(1) تظل المرأة انسان، برغم اختلاف الرؤى و المشارب ...لم تُسلب انسانية أحد هنا
(2) لانتفاء وجه المقاربة بين نصوص د. اشراقة و كتابة منال، تنتفي المقارنة...
(3)انت لا تتحرج من أن تبدي اعجابك بنصوص الدكتورة اشراقة، ولكن في هذا البوست تحرجت من مجرد نقلي للنصوص و انزعحت جدا...
فتأمل*....
أدناه، اعتراضك على نقلي نصوص منال بعد ان حلفت انت أيمانا مغلطة انه لوكتبت احدانا ممن يعترضن الآن لازجت لنا آيات الشكل و التبرير :
| Quote: طيب مافي داعي كان تنقليها او تقربيها يا عزاز , علي العموم لم اقرأ لك كتابة مثلها ولا للاخوات , ولكن رايك يهمني جدا كما اسلفت في مثل اغنية محمد منير المنشورة في المنبر هنا والايحاءات التي فيها . |
_______
| Quote: والشاهد علي ذلك بصورة اكثر جلاء هو رد فعل الاخرين ومحركهم الداخلي تجاه كتابة الشخص ومحاكمتها داخل انفسهم لا كما ظهرت للعامة , فمثلا الاخت الكريمة داليا حافظ تداخلت في بوستات الاخت منال اكثر من مرة وبتواريخ مختلفة وتعاملت مع كتابة منال بصورة عادية جدا ولكن عادت بعد شهر واستدركت موضحة موقفها ان مداخلاتها في البوست المعني لم يقصد منها اي تفسير آخر.دا بيعني إنو ما كل الناس بتقرأ كتابات منال بهذا الفهم. الذي وصل الي الاخوات اللائي يرين في البعض ( انسانية ) بينما لا يرينها في اخريات |
.
أكرر، لم تُسلب انسانية أحد هنا ... كما أن تلميحك بان فهم لغة بوستات منال الإيحائية
مرده (شفتنة) مننا، تكرر غير مرة يا اساسي، وهو درب لا يمكني الانسياق خلفه...
بينت في هذا الخيط الكثير من منطلقاتي لرفض كتابة منال الايحائية،
وبينت في أكثر من عشر مداخلاات سابقة انها لا ترقى لمستوى نص أدبي لتشملها
عين الصفح و (الرضا) عن النص الأدبي، ولا هي نفسها طارحة نفسها شاعرة أو أديب
هي طارحة نفسها (انثى استثنائية) راجعها هي في طرحها في نفسها
لا تحاسبني على رأي فيما عرضته علينا ...
لا تدع حب المحاججة يحيد بك عن جادة الموضوعية ...
___________
*حقوق الملكية محفوظة لملاسي
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
سلام على الجميع
فكرة معظم الناس في البوست معارضين أو مدافعين منطلقة من دوافع مختلفة مبرر لها بمسميات بعينها لكن الحقيقةـ وده مجرد زعم ـ أنو اليتكلم هو اللاوعي فينا ، وعدم التصالح بين ما تربينا عليه والإسقاطات الإجتماعية والدينية وبين أفكارنا الخاصة جدا التي تبنيناها لاحقا ..و لن أسميه تناقضا هنا بقدر ما هو شيء بحتاج لشغل كتير على ذاتنا حتى نستطيع أن نسمي الأشياء بشكل أوضح ..ونختبر قوة اعتقادنا في أفكارنا الخاصة ،عن نفسي وحتى أكون صادقة سألت مرة منال في أحد بوستاتها عن مشكلتها تحديدا ؟،وكان سؤالي جادي؟ المهم الإجابات أخذت منحى تاني ،أكتر شيء كان خالعني في الموضوع أنها عرفت نفسها بانها" متزوجة " ، حتقولوا لي يعني لو ما كانت متزوجة كان ممكن تعمل كدة ؟ حأقول ليكم ده ما بيت القصيد ..المشيت ليهو انو منال ما سعيدة في زواجها أو ما مستقرة عشان كدة هي متخبطة ـ ده كان مجرد تحليل ـ و الواحدة أي واحدة في عز أزمة زي دي ممكن تعمل حاجات ما واعية ليها ..، وده كلو خيالات شطحت ليها وأمكن ما في داعي ليها ..، عن نفسي منا ل البتقولو و البتعملو منسوب ليها شخصيا أو للنيك نيم بتاعا .(.بستفزني مرات ما بكضب على الله ) ،لدرجة أني سالت عنها أحدى الأخوات ؟ لكنها بضحكني مرات تانية لمن تنقلب الحاجات لحركات نسائية من شاكلة "الغيرة " و"رفع الضغط " ، و"المغارز" وما متأكدة لو كانت استخدمت الكلمة الأخيرة ولا لأ ، عشان كدة بلقى أنها لمن ترمي ليك بنقبلة زي دي بكون قدامك حل من أتنين يا تفقد منطق، يا تفقد منطق ،..عشان كدة فكيت دربها ..وكنت ناوية أعتذر ليها على حدتي معاها كم مرة ..لسبب كبير أنو ظني اتعدى كتابتها ليها شخصيا ..نفس الشيء الممكن يحصل معاي ، ومع غيري ..!
وبالنسبة لسودانيز أون لاين ..غريب جدا أنو مرات نتكلم عنها كمكان بلا قيمة واصبح "ملجة " الخ ،و مرات نديها إعتبار كأنها مكان مقدس (وين المعايير؟)
الخلاصة :
منال تكتب ونص كلام ده زاتو أو غيرو حيعجبني ؟ ، ما حيعجبني أو ما دايما حيعجبني ، ..وقد أعترض لكن هل ده بشكل فرق لديها على الأقل بقول امكن أه و امكن لأ ..!
مافي استاندر في سودانيز ..لا من حيث اللغة المتداولة ..ولا حتى النقاش ولا طرايقو ...، تبقى الطريقة العادلة من وجهة نظري انو كلو ما تكتب كلام تتناقش فيهو نقاش للميس ـده موش منبر حوارـ ..يا وصلنا لنتيجة يا بكري سحب البوست ـ و ده البحصل عادة أما يتفسر كيف ؟ ده لو اشتفلنا بيهو تكون طريقة تفكيرنا محتاجة مراجعة ..
مابعرف لكن مرات بقول كتير بتختلط جوانا مشاعر الفوقية والإحساس بالأنا مع مؤشرات الصاح والغلط
والضماير ..
كلام الفوق ده ما نقد لشخص معين بقدر ماهو تفكير بصوت عالي ونقد ذاتي ..
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
Quote: (3)انت لا تتحرج من أن تبدي اعجابك بنصوص الدكتورة اشراقة، ولكن في هذا البوست تحرجت من مجرد نقلي للنصوص و انزعحت جدا...
فتأمل*....
أدناه، اعتراضك على نقلي نصوص منال بعد ان حلفت انت أيمانا مغلطة انه لوكتبت احدانا ممن يعترضن الآن لازجت لنا آيات الشكل و التبرير :
ـــــــــــ
طيب مافي داعي كان تنقليها او تقربيها يا عزاز , علي العموم لم اقرأ لك كتابة مثلها ولا للاخوات , ولكن رايك يهمني جدا كما اسلفت في مثل اغنية محمد منير المنشورة في المنبر هنا والايحاءات التي فيها . |
خلينا نثبت حاجة مهمة قبل ما نمشي لي قدام في الحوار يا عزاز , انا هنا لم اتحرج مطلقا من نقلك لحديث منال وكتاباتها ورايت ان النقطة هذه تم تفسيرها بصورة سطحية جدا من قبل البعض في اني اعترضت متحرجا , انا تسائلت بوضوح ما دامت هذه الكتابة ( مقرفة ) البخليك تمسكيها شنو وتشتهدي بيها وتعيدي نشرها هذا كان سؤالي الاسنكاري وليس الاعتراضي .
| |
|
|
|
|
|
|
|
|
|
Re: ما هو المعيار ؟ (Re: اساسي)
|
كتبت الاخت عزاز
Quote: بينت في هذا الخيط الكثير من منطلقاتي لرفض كتابة منال الايحائية،
وبينت في أكثر من عشر مداخلاات سابقة انها لا ترقى لمستوى نص أدبي لتشملها
عين الصفح و (الرضا) عن النص الأدبي، ولا هي نفسها طارحة نفسها شاعرة أو أديب
هي طارحة نفسها (انثى استثنائية) راجعها هي في طرحها في نفسها
لا تحاسبني على رأي فيما عرضته علينا ... |
مجرد سؤال: يعني إنتي متصالحة جدا مع نص إشراقة رغم إباحيته العالية جدا عشان جاء في شكل شعر وغير متصالحة مع كتابت منال لانها جاءت مجردة؟
| |
|
|
|
|
|
|
|
|
|
Re: ما هو المعيار ؟ (Re: اساسي)
|
حبيبنا الاساسي
ياخي الناس هنا معترضة لي حاجة واحده بس
انو كتابات منال عبارة عن سم صافي ومركز والكتابات الاخرى عبارة عن عسل بس في نصو يوجد سم يعني خاتين السم في الدسم اها الناس بتعاين بتشوف عسل وممكن تاكل عادي دون ملاحظة السم في العسل
اها البيصيبو السم من وسط العسل اكيد يكون ماقال بسم الله اوما خت الرحمن في قلبو
تحياتي
زاتوووو
| |
|
|
|
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
يا ود الصايم يا معلم
تقرا البوست ده مع البوست بتاع حميده
كضابين اون لاين
تفهم المنبر ده صاح
يا معلم بلا معيار بلا بطيخ
الناس دي شغاله بامزجتها ما بي الصاح والما صاح والمبدأ والما مبدأ
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
مع كامل دعمي و اتفاقي مع الاخوات هنا
البوست ده ذكرني كوبر
هذا قبر الأحياء,
وبيت الأحزان
, وتجربة الأصدقاء
وشماتة الأعداء
لكنه اصبح لصقع الجرة اقرب
.
| |
|
|
|
|
|
|
|
|
|
Re: ما هو المعيار ؟ (Re: الأمين لعوتة)
|
تحياتي لكل الاخوه والاخوات
استمتع جدا بهذا الحوار وارجو ان يتواصل ....(الموضوع خطير)
اطرح سوالين للاخوات المعترضات (سناء ,عزاز,مريم وتيسير) ارجو اجابتة:
ماهي مشكلتنا مع الجنس ..كجزئية في حياتنا?
ما مدى ثقتنا في قدرة كل شخص منا علي قبول او رفض مايقراء هنا او هناك..?
.....ملاحظة:تتحدثن بصيغة الجماعة(او التعظبم) في معظم مداخلاتكن.....
الاخت عزاز
Quote: *وصفك لنصوص د. اشراقة بانها اباحية عالية،
لا يختلف عن وصفنا لكتابة منال بانها ايحائية
وما دمت اعطيت نفسك حق (وصف) كتابة "بإباحية" ومع ذلك بتعجبك،
ما بتقدر تمنع اننا نصف كتابة منال بأنها "ايحائية" وما بتعجبنا،
|
هل هذا هو المعيار
.
*ان المبادئ قد تستخدم للظلم ,للتبرير, للتعظيم , للتحقير او لاخفاء المساوئ..فشخصان يحملان نفس المبادئ باستطاعتهما استخدامها بشكل مختلف جزرياً.(تيتشه)
*ان المعايير وضعت من اجل ان تخترق....ان تكون انسانا فهذا ايضا واجب.(قراهام قرين)
عذرا للمقاطعة..
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
قيقا سلام
Quote: انت قايلة الملجة كلمة كعبة ؟
و منو القال الملجة ما عندها قيمة ؟!
يا زولة ؟!! |
ياخ أحسن الظن فيني أنا أمدرمانيةـ حقيقة ما تعصب ـ يعني لوما بعرف الملجة مفروض يرجعوا لي قروشي  ، لمن نستخدم تعبير ملجة ساي بنقصد بيها حتى فوضى أو لامة سلعة من كل نوع زي سوق الملجة ، وأنا قصدتها كمقابل للمقدس المفروض ما يلم ..، ترادف بلا قيمة مع الملجة أمكن ما كان ظابط معاك حق ..
| Quote: قصة " الملجة " دي جبتها انا دا |
ما شفت كلامك ، أو مر علي سريع وتشابه علي البقر
| |
|
|
|
|
|
|
|
|
|
Re: ما هو المعيار ؟ (Re: الأمين لعوتة)
|
Quote: ((((محاكمة النص...والاخلاق
محاكمة النص ..والتذوق
محاكمة النص والدين
محاكمة النص...والاعراف
محاكمة النص ..والمعين الثقافي
كلها قنابل مع غيرهاشكلت معضلت تاريخية ضد الكتابة كفعل انساني يتيح له تفريغ ذاااته وفلسفته الخاصة
في شان حياته الخاصة او في شوون الكون الاخري....رحلة غذتها دماء وشيدت لها سجون للراي ومقابر جماعية مافي من اوطان احبها الكاتب
او الشاعر او المغني..)))))
(((اسئلة للتامل..
هل هنالك سقف مهما كان نوعه للشجن الخاص...
اي بمعني هل هنالك محاكم للاشجان والاحلام...؟؟؟
زمن الذي عليها ان يقيمها ؟؟
وباي سقف))))
|
شكرا يا اي سليمان لجلب تداعيات معركة الكمنجات والسراويل..
وامسك عندك واااحد كوت كبير وعريض يمكنك ان تطمبر وتزمبر (والقول لمحسن خالد)بيهو بعد كم سنة كده لو الله حيانا..
-------
لو صبرت شوية كنت ح تتناول وجبة بوست بعنوان (حباب كدايس منال وكواريكها)..
فحق منال في الكتابة حق اصيل يمنحها اسم مرورها الي هذا المكان حق كتابة ما تود دون حجر ودون وصاية ودون اقصاء
باي داعي من الدواعي- ايدلوجبة-ذوقية- دينية وهلم جرية من المنصات التي يتم الانطلاق منها لكي يكون الفعل الاساسي هو الاقصاء والبتر..
...
بت مجذوب رائدة (القلة ادبين) في الادب السوداني كانت نفاج انطلق منه الوعي الاقصائي في السودان لمصادرة وااحدة من اروع الكتابات في موسم الهجرة للشمال بدواعي ان لسانها فاكي وزولة مطلوقة... ولايزال ذلك الوعي يتربص بالنصوص التي تاتي في قالب مشحون بالقلة ادب
(حمور - محسن خالد- اشراقة مصطفي واخريين)..
قد يقول قائل ذلك ادب وهذه كتابات..؟؟
اقول ان الادب ايضا كتابات... طالما هو حروف يتلاقها القاري في الحالتين..
اذن الدعوي لمصادرة حروف مخطوطة علي مساحة بدواعي هي دعوة سلطوية ووصائية مهما تسربلت من اسباب ومبررات
| |
|
|
|
|
|
|
|
|
|
Re: ما هو المعيار ؟ (Re: الأمين لعوتة)
|
المعيار هو ان "لايصح إلا الصحيح" و إن حاك في نفسك حائك لتتبع خلاف ذلك.
و ان يؤخذ الحديث مجردا من قائله مهما كان الرأي فيه و الإتفاق
او الإختلاف معه او الميل القلبي تجاهه و يوزن.
ما يجي واحد يقول ما هو المعيار للصحيح.
عندنا واحد زمان عامل فيها شاعر مصر يجي كل مره يسمعنا قصيده
و كان يجد منا الشجب و النقد دائما,جاءنا مره و قال اسمعوا ماذا
قال شوقي وبعد ان اكمل صفق له الجميع و هللوا و إبتهجوا بالشعر الجيد
و ذكروه بشعره الردئ فما كان منه إلا ان قال و الله دا برضو شعري!!
| |
|
|
|
|
|
|
|
|
|
Re: ما هو المعيار ؟ (Re: صلاح مختار)
|
كتب ملاسي في الون تو الذي يشهده هذا البوست بصحبة اي سليمان
| Quote: لو لم تنسب لروزمين لظننتها لأحد متداخلي بوستات منال!! |
وعبر قوقلة خطافية ورمانسية ايضا وجدنا الاتي في محضر سجلات المتداخلين في رومانسيات منال..
ماهو المعيار الذي يجعل قائل المقولة المفترض هو شخص اخر غير (محمداي سليمان)
--------------------------------
تاني يا ملاسي وصحبه لمن تعملو ون تو في زول حاولو العبو الون صاح التو اصح كما لعبها حمد والديبة ذات يوم ليس من ايام الهلال بل من ايام الاهلي مدني
بوست محضور وكدي خلونا نقرا بالله وما تهابشونا كثير فالراي بتاعي ياهو دااااكا (كما يقول ناس الخراطيم) في الحالتين منال واشراقة
| |
|
|
|
|
|
|
|
|
|
Re: ما هو المعيار ؟ (Re: عبدالكريم الامين احمد)
|
سلام يا كيكي
انت في ميس و لا في ابصلعة دا ذاتو !!
عاين صورتك الختيتا دي فوق فيها شنو ؟
اها يا عزاز الشاشات الاجبارية دي كيف ؟
اقلو منال بتعمل بوست الدخول ليهو ما اجباري
لكن جنس الدعايات الاجبارية دي كيف ؟
| |
|
|
|
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
ود الصايم يا عمك
ما كفاية الضحكة اليمين دي
شنو يا عمك حارق الاتو دا هنا
و لا عشان فصلوا ليك معيار كبس و حصري لاستخدامو 
------
احراج شديد يا عمك
الناس دي بتتكلم سااااااي هنا يا عمك
معيار بتاع شنو ياخ !
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
| Quote: القول المهم هنا... إنه كتابات الاخت منال ما ممكن نصنفها، يعني لا هي أدب لا هي فن ولا حتى علم.... والقصد منها غير معلن... يعني البوست بتاع البصل ده... لولا إني فهمت من كلام بقية الاخوه انه بوست سيء، ما كنت فهمته اي شي!! |
الصديقة مريم بنت الحسين.. حبابك
خارج الزفة.. و على جنب
اها يا مريم لو جوك تاني عشرة اخوة و اخوات و قالوا ليك البصل ما اسقاط جنسي..يعني ح تسمعي كلامهم برضو؟..
الفكرة ..كوني نفسك فقط..و اثق في قدرتك على ذلك..!!
لأنو بالطريقة دي ح يجوا ناطين عليك و علينا منظراتية ذهنية القطيع اياها..و بعدين نبقى في حيص بيص..
فكرة الناس البتحتج عن الديموقراطية و الليبرالية..و الجبت ليهم مثلك بتاع الراقصة السورية..و العري و ما ادراك ما العرى.. اشمعنا سورية..و اشمعنا امريكا؟..
في بلد اسمو السودان يا مريم يا صديقة.. فيهو ثقافات فكرة اللبس تب ما داخلة في حساباتها ( شعب الكاونارو في جبال النوبة)..و في شعوب تانية (الغريبة مسلمة و بتصلي و بتصوم و حافظة لفروجها)و بتدعي ليها جذور عربية زي الراقصة السورية..و المرأة بتكون متعرية (صدرها ملط يا مريم..لا ستيانة..ولا جونلة..ولا طرحة ساكت)..و مافي مشكلة..و ده كلو في بلد نفاق نظامها السياسي بيقول أنها محكومة بالشريعة الإسلامية..!!.. اها ديل ننكرهم..ولا نجي نقول والله الإخوة والأخوات ما شافوههم عشان كده بره الحساب؟..
يتخيل لي بيكون كويس لو عرفنا نحن شنو كسودانيين و سودانيات..و العندنا شنو من ثقافات.. بعداك المفاكرة هينة..
و دمت يا مريم يا صديقة
كبر
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
| Quote: عاين صورتك الختيتا دي فوق فيها شنو ؟ |
هلا يا قيقا
والصورة ياخي صورة بكري وما علي المكبشر الا الكبشرة الامينة..
والغريبة الاعلانات الفوووق قاعدة تتحرك بسرعة وكل مرة بتجيب ليها اعلان غير
وماعارف الماتشنغ ده حصل كيف ومتين وليييه ...؟؟
وسيرفر بكري ده الظاهر عليهو هووو زااااتو متواطي مع قوي المني مني والرومانس الاسفيري
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
سلام للجميع
لي كم يوم كده أخش أقرا بوست الحبشي ده و اتخارج ، مره أسرح و مره أفرح و مره تغلبني القرايه لكن في كل مره شايف نفس الحاجه :
كل الناس - اللهم إلا أخانا الذي نحب و لا يعلم بحبنا - محمد النور كبر ، كل الناس - أو هكذا بدا لي - انتقدت كتابات منال ، و مافي زول - أو هكذا بدا لي - في البوست ده تحديدا قال منال تمشي بيتهم !!
يبدو إنو كل الناس متفقه و لا تدري انها متفقه !!!
نفس المنطق البدي منال الحق في كتابة ما تشاء ، بدي باقي الناس الحق في نقدها : مشكلتنا كلها في إنو مافي زول عندو الحق يسيئ ليها او يقول ليها أمشي بيتكم !!!!
مستغرب من الهجوم علي الحبشي في جيبتو لنص د. اشراقه ، لانو جابو في محلو تماما - بغض النظر عن نيتو - و شايف الناس خلت الموضوع الأساسي في النقطه دي و مسكو في نية الحبشي و كماينو الأسفيريه !
عن نفسي لو جبتو أكتر النصوص ايحائيه من كتابات منال و ختيتو جنبها كلام د. اشراقه داك و ما كتبتو تحتو الكلام ده قالو منو ، والله بال DNA ما يتفرزو !!!!
----------
سيدنا و أمجد ، ياخي ما تراعو للناس البتحبكم و تحترمكم دي !
| |
|
|
|
|
|
|
|
|
|
Re: ما هو المعيار ؟ (Re: أمين محمد سليمان)
|
أمين محمد E سليمان ..
| Quote: أخانا الذي نحب و لا يعلم بحبنا - محمد النور كبر ، كل الناس - أو هكذا بدا لي - انتقدت كتابات منال |
(والله لمن جيت اقتبس .. ما قدرت اتجاوز "أخانا الذى نحب")
أصالة عن نفسى .... أحب وأشجع طريقة الأخت منال فى كبسلة الأفكار والمشاعر، واختزالها فى لغة إيحائية بصور فانتازية جميلة ... تذكر بمغارز الكشتينة وهلال مريخ وصراع نوبة ... وهلم جرا من شفتنات المشاعر التى تذكر بأن هذا العالم لا زال جميلاً وجديراً بالحياة المرحة والممتعة وغير الجادة بتاتاً ....
منال ... You rock ....
(وما كان فى داعى تحرجنا مع "اللذين فى قلوبهم مرضٌ، فزادهم الله مراضا")
... المهم ....
| |
|
|
|
|
|
|
|
|
|
Re: ما هو المعيار ؟ (Re: أمين محمد سليمان)
|
| Quote: نفس المنطق البدي منال الحق في كتابة ما تشاء ، بدي باقي الناس الحق في نقدها : مشكلتنا كلها في إنو مافي زول عندو الحق يسيئ ليها او يقول ليها أمشي بيتكم !!!! |
اصلوا ما قلنا شي يا امين
ولا مختلفين لكن حق الناس في نقد منال .. هل هو حق لي ناس معينين موجه لي منال فقط
بمعني
يعني وكت زول يمارس الحق ده وينتقد مثلا ( خت ليك زول براك ) بطلعوه اغلب الناس الانتقدوا منال متخلف ليه ؟؟!!
والبنتقد (منال) بمرقوه بطل ليه ؟؟؟
عشان كده البوست ده ذكي جدا
المعيار في انتقاد الناس شنو ؟
كلامك الفوق ده مطلوق وبدون معايير .. يعني اي زول يحق ليه يكتب اي شي .. واي زول تاني يحق ليه ينتقده باي طريقة
ما اختلفنا
طيب مستوى النقد يكون شنو وكيف ولى ياتو مدى ... امشي بيتكم دي ما عندها طرق كتيره وبتوقف على مدى تحمل الزول المنتقدنه ..
انا غايتو فهمي انه محمد قاصد
معيار حدود الكتابة الممكن نقول انها خرجت من الزوق والعلم وحتى الهظار شنو ؟
ومعيار انتقاد الكتابة دي شنو؟؟؟ومطلوق لي ياتو مدي ؟؟؟
يعني لو زول كتب في الجنس مثلا بصورة اباحية .. هل بكون فاض عن المعيار
ولو جا زول رد ليه بانه سب ليه الدين .. هل بكون عنده حق ولا كمان هو زاتو فاض عن معيار الرد
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
الكنت قايلو "شفت" ...
Quote: يعني لو زول كتب في الجنس مثلا بصورة اباحية .. هل بكون فاض عن المعيار
ولو جا زول رد ليه بانه سب ليه الدين .. هل بكون عنده حق ولا كمان هو زاتو فاض عن معيار الرد |
بيكون "فاض" عن معيار التامنة ... وقطع الزلط وجا اشتغل بى معيار السابعة!
انت مش عندك انتخابات؟
امشى ذاكر ....
(ما بتذكّر القال ليك كدا منو ... لاكين عجبنى ليك!)
... المهم ....
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
والله يا تبارك مزاكز
كتبت خطاب للمفوضة عاوز قروش الانتخابات عاوزه قروش .. الدور الفات اشتغلوا شغل فردنة ما اظنهم بعملوها تاني
اها بما انو المفوضية ضيعت لي مجهود .. رسلتو ليك في التقرير الا اشتغلت بيه ولا عبرتني ما قيمته تقريبا 35 مليون
وبما انها هي السبب في الاخطاء التي ادت للاعادة
فانا عاوز قروش اشتغل بيها الاعادة
ولا حا اشتكي المفوضية للمحكمة الدستورية
_________________
بالنسبة للمعيار
وينو شارع الظلط هنا في المنبر ده
عشان ما نقطع الحدود ويواكدوا علينا اولاد الباطنية
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
Salam brother Abd Al-Kareem
| Quote: ماهو المعيار الذي يجعل قائل المقولة المفترض هو شخص اخر غير (محمداي سليمان) |
Thanks for divulging the eminence of my response to her posts .x
You made feel proud. Many thanks .x
This what I wrote in that post:x
Quote: دراسة: مشاهدة الأفلام الرومانسية تضُر بالعلاقة الزوجية
وجدت دراسة أجرتها مجموعة من العلماء في جامعة Heriot Watt الأسكتلندية، أن كثرة مشاهدة الناس للأفلام الرومانسية، قد تدفعهم إلى توقع المزيد من الإيجابيات غير الواقعية في علاقتهم الزوجية في الحياة.
وأشارت الدراسة التي أجراها فريق مختص في دراسة العلاقات الزوجية، على 40 فيلماً رومانسياً، صدروا في هوليوود بين عامي 1995 و2005، إلى أن العديد من المشاكل التي يشكو منها الأزواج في جلسات الاستشارة الزوجية، تتماشى مع المشاكل التي تطرحها هذه الأفلام. |
Re: ***** المشـــاهدة لغـير المتـــزوجات فقــط ****
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
Quote: اها يا مريم لو جوك تاني عشرة اخوة و اخوات و قالوا ليك البصل ما اسقاط جنسي..يعني ح تسمعي كلامهم برضو؟..
الفكرة ..كوني نفسك فقط..و اثق في قدرتك على ذلك..!!
لأنو بالطريقة دي ح يجوا ناطين عليك و علينا منظراتية ذهنية القطيع اياها..و بعدين نبقى في حيص بيص..
فكرة الناس البتحتج عن الديموقراطية و الليبرالية..و الجبت ليهم مثلك بتاع الراقصة السورية..و العري و ما ادراك ما العرى.. اشمعنا سورية..و اشمعنا امريكا؟..
في بلد اسمو السودان يا مريم يا صديقة.. فيهو ثقافات فكرة اللبس تب ما داخلة في حساباتها ( شعب الكاونارو في جبال النوبة)..و في شعوب تانية (الغريبة مسلمة و بتصلي و بتصوم و حافظة لفروجها)و بتدعي ليها جذور عربية زي الراقصة السورية..و المرأة بتكون متعرية (صدرها ملط يا مريم..لا ستيانة..ولا جونلة..ولا طرحة ساكت)..و مافي مشكلة..و ده كلو في بلد نفاق نظامها السياسي بيقول أنها محكومة بالشريعة الإسلامية..!!.. اها ديل ننكرهم..ولا نجي نقول والله الإخوة والأخوات ما شافوههم عشان كده بره الحساب؟..
يتخيل لي بيكون كويس لو عرفنا نحن شنو كسودانيين و سودانيات..و العندنا شنو من ثقافات.. بعداك المفاكرة هينة..
و دمت يا مريم يا صديقة |
الاستاذ كبّر... شكراً.. ولي شرف التداخل معك...
المسألتين مختلفتين تماماً... الناس العرانين ديل ما شايفين في عريهم مشكلة... ومجتمعهم كله متناسق مع العرف ده، وما عنده معاهم مشكلة... وما داموا في قراهم، مافي شي بعكّر صفوا فهمهم ده (على الاقل نظرياً).... وما حيصحوا يوم يلقوا انه غلط وحرام ولا يصح انهم يمشوا كده من غير لبس!في اليوم الفيهم واحده تقرر انها تمشي الخرطوم، حيوصوها أهلها البعرفوا الخرطوم، ويوقولوا ليها انستري... ولو جا زول من الخرطوم، النوع البشوف كشف الشعر مصيبة داك، وجا شافهن، اول يوم حيلاوز.. تاني يوم حيلاوز.. يمكن يعدّي أول شهرين ملاوز... بعداك المسألة البشوفها مسببه ليه مشكلة دي، يا مشى خلاها، يا قعد واتعوّد عليها...
انا جبته سيرة السورية باعتبارها قصة في بلد ديموقراطي بحترم القانون.. وانه امريكا رمز الحرية برضها ما بترضى سلوك فاضح زي ده في الطرق العامة، حتى لو استبطن أهداف اخرى..
بالنسبة لنظرية القطيع فيما يخص البوست المذكور، حأقول ليك انها منطبقة علي وانا معترفه بيها، بدليل اني قلت اني ما فهمته المشكلة وين إلا لما الناس قالوا في مشكلة... وفي حالتي، ما حاجه غريبة، باعتبار اني عشت برّه السودان، وفي حاجات كتيرة ما بفهمها، على اختلاف مواضيعها! اها، قلت وقت الناس قالوا انه البصل ممكن يكون فيه إيحاء زي ده، معناها عندهم كده...بلغة الsemiotics، البصل رمز ممكن انه يكون عنده معنى مباشر، ومعنى بيترجمه interpretant، إلي هو انا.. وانا ما فهمته في البداية غير انه البصل البنعرفه ده... ولو استثنينا تأثير القطيع في الحته دي، انا بقول ليك، انه في بوستات تانية، انا دي الشهادة عربية، فهمتها انها غير لائقة.. وعلّقته فيها .. واتضايقته من وجودها...
انا طبعا بينت سابقاً انه انا ما بنادي بطرد منال... ولا احمل تجاهها أي مشاعر سلبية... ولكني فقط أعترض على ما تكتبه... ومن توحي به....
داليا كباشي، give me five، يا صاحبتي........
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
تبارك المهم ، سلام يا أخانا و رايك فوق العين و الراس ، الغربيه إنو أخانا الذي نحب و لا يعلم بحبنا ذاتو ما قال إنو عاجبهو كتابات منال ، كلامو - لو متذكر صاح - إنو حقها - مطلقا - انها تكتب ما تشاء !
-------------
سلامات يا شفتنه
Quote: اصلوا ما قلنا شي يا امين
ولا مختلفين لكن حق الناس في نقد منال .. هل هو حق لي ناس معينين موجه لي منال فقط
بمعني
يعني وكت زول يمارس الحق ده وينتقد مثلا ( خت ليك زول براك ) بطلعوه اغلب الناس الانتقدوا منال متخلف ليه ؟؟!!
والبنتقد (منال) بمرقوه بطل ليه ؟؟؟ |
و منو قال إنو في بورد بكري ده في عدل ، خليه بورد بكري الدنيا ذاتها ما فيها عدل !!!
الناس البشوفو كلام منال إيحائي و ابن ستين كلب و نفس الكلام كان جاء من زول تاني هدي و رضي و ود حلال ، دي مشكلتهم هم ، ما مشكلتنا نحن :
يا شفتنه يا أخوي : الموضوع ده والله أبسط من البساطه نحن بنعقد فيهو ساي : منال تكتب الديراهو و الناس تنتقدها بالدايراهو طالما كان النقد بدون اساءه أو إقصاء !!!
| |
|
|
|
|
|
|
|
|
|
Re: ما هو المعيار ؟ (Re: كمال عباس)
|
يا شفتنه كل زول معيارو براهو البتشوفو إنت كعب احتمال أنا ما أشوف فيهو مشكله ، عشان كده قلنا الناس تكتب الدايراهو و تنتقد الديراهو طالما ما في إقصاء ، مافي معيار واحد جامع الناس كلها في هذا المكان !!
-------------------
يا ود البشري ، بوستك ده بيثبت تماما إنو حتي لو الليله لقينا معيار ، ممكن بكره يتغير : والله في كلام زمن ما كنا في الجامعه كان قلة أدب عديييل هسي بتقال عادي !!!
| |
|
|
|
|
|
|
|
|
|
Re: ما هو المعيار ؟ (Re: أمين محمد سليمان)
|
Quote: المعيااااااااااااااااااااار
وينو المعيار ؟
كلو زول شايل معيارو وحايم بروج ليه ورات عاوز يفرضو
قال ليكم ما هو المعيااااااااااااااااااااااار ؟ |
ههههههههههههههههههههههههههههههههههههههههههههههههههه
| |
|
|
|
|
|
|
|
|
|
Re: ما هو المعيار ؟ (Re: بدر الدين اسحاق احمد)
|
قاعد يقرا بينا يعني يا بدر الدين
هاهاهاهاهاهاهاهاهاهاها
والله احتمال خصوصا لو ربطناه مع البوست حقق الجقق داك بتاع الون نايت سكس والفل تايم سكس وما ادراكما الشرحوه ليه ناس خدر بهناك والسال منو محمد ده زاتو
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
الأعزاء بنين وبنات ( طبعا اساسي وود الصايم ما بينهم )
والاخوة والاخوات..
مدخل:
على الرغم مما أثاره وبثيره هذا البوست من نقاش ثر وممتع ظللت اتابعه عن كثب ..
لم اشا استعجال المشاركة فيه لسبب نوه اليه البعض بطريقة مباشرة أو غير مباشرة ..
تعلق بهدف الأخ محمد مفترع البوست ..
وما ان كان فعلا يحرص على معرفة المعيار الذاتي الذي يقاس علية العمل الكتابي في هذا البورد..
أم أن حراكة لا يتعدى مجرد الرغبة في ابراز تناقض تقييمنا لما نقرأ او يكتب..
دفعني لتغليب هذا الاعتقاد متابعتي لعدد من بوستات الاخ محمد بالعناوين التالية:
المفارقة الجنســية: نـعم ((للعــدل)) لا ((للمســاواة ))
بتاريخ 10/ 2009.
كيف تختارين أفضل شريك لحياتك/كيف تختارأفضل شريكة لحياتك(إثبات رياضي لا يناسب الجندر
بتاريخ 31/ 3/ 2010.
هل يتسبب facebook في انتشار المرض الجنسي" الزهري"؟
بتاريخ 1/ 4/2010.
نواعير الليط واصطياد القراميط أو فيما أحب وأكره 1 2
بتاريخ/ 5/4/2010.
وأخيرا بوست كيف استطاعت عضوية المؤتمر الوطني فعل ذلك ؟
بتاريخ 8/ 5 وهو البوست الاحق لبوست المعيار هذا ..
مع استصحاب حسن النية - يمكن القول أن للأخ محمد ملكة نقدية موهوبة ..
سدت مخارجها للأسف تخصصات أخرى ربما رياضية ، برمجيات ، استاتستك الخ..
لو لاها لكان له في مجالس النقد ومدارسها شأن..
ولعل تلك الموهبة المحجورة وجدت ضالتها فيما تبثه الاسافير..
فنفذت تعبّر عن وجودها لا بطرائق النقد الأدبي المعلومة بل بمنهج احصائي..
قراءة هذا البوست دون اعتبار لما قبله من بوستات للأخ محمد ..
يربك حاسة التعرف نحو غاياته..
ومن ثمّ تصب المحصلة في غير ماعونها فتفيض عنه او تقل ..
اعتقادي هذا لن يكن اعتباطا اذا ما قرن بتصريح محمد التالي :
Quote: ليتنا نتعاون جميعا لمحو الأمية العلمية ويقصد بالأمية العلمية الجهل بالحد الأدنى من المعارف الأساسية التي يفترض أن يحملها الفرد المتوسط وتكون كافية لتمكينه من ممارسة حقوقه الديموقراطية بكفاءة.
من جانبي فقد نذرت مشاركاتي في هذا الموقع لتركز على تثقيف المثقفاتية وتعليم العلمانيين وتنوير المستنيرات وتأديب الأدباء وإعلام الإعلاميات وتصفيح الصحفيين .
وسوف أبدأ بسقف من الطموح متواضع ومحدود يستهدف فقط شريحة الكتاب وأصحاب الرأي الذين يخاطبون الجمهور صباح مساء ويؤثرون تأثيرا كبيرا في آراء الناس وأفكارهم. |
( بوست المشار اليه اعلاه).
وسواء كان قصد الأخ محمد منصرفا لذلك أم لا مضى النقاش في اتجاه قيمي..
ليس هدفه بالضرورة محاكمة مشاعر الأخت منال او حقها في الكتابة ..
أو رؤى منتقديها و ابراز تناقضاتهم ..
بل اكتشاف القيم المعيارية الراسخة في وجداننا ..
التى تمكننا من تقييم ذاتي وتقدير فرداني لاي عمل كتابي ..
كنص يتسم بالقبول أو الاستهجان والرفض..
ولعل هذا ما اتجه اليه مؤشر النقاش مؤخرا..
بعد مداولات اتسمت بطابع الاتهام والدفوع النافيه..
بالجد كدا ما هو المعيار؟
سؤال لا يملك احد اجابة قاطعة عليه وذلك ببساطة لعدم وجود (استاندر) متفق عليه ..
لا في أي وسط اجتماعي او جماعات فكرية او ادبية ..
بحسبانه معيار ينفيه ابتداءا طبيعة العلوم النظرية بينما تجيزه مجالات العلوم التطبيقية..
ولكي تتسع الفائدة المعرفية أعود للصيغة التى اورد بها محمد سؤاله..
Quote: ما هو المعيار؟؟..
الفيصل شنو ؟
الحياء ؟ !!!!!؟؟؟
الأخلاق ؟؟؟!!!
|
ثم قرن تساؤله بمداخلتين لكل من عزاز وتيسير فيما كتبته منال..
والسؤال في سياق دلالته موجه للمعترضين على اسلوب منال..
غير ان السؤال بالصيغة التي ورد بها يردف بين مفهومين لا ينفصلان ..
(فالحياء) مكون نفسي خلقي ولا يشكل معيارا قائما بذاته بمعزل عن الأخلاق..
كيف يعرف الفكر الأخلاق ؟
في الفكر اللاتيني جاء التعريف كما يلي:
Morality ( from the Latin moralities)- Manner, character,proper behavior.
A system of conduct and ethics that is virtuous.
أي نظام للسلوك والطبائع الفاضلة.
للأخلاق حالات رئيسة حسية وصفية (Descriptive sense)
وهي التي تشير إلى القيم الشخصية والثقافية ..
ومدونات قواعد السلوك أو العادات الاجتماعية ..
التي تميز بين الحق والباطل في المجتمع البشري..
أما الحاسة المعيارية Normative sense
فهي التي تشير لما هو صواب اوخطأ ..
ويمكن قياسها بالحالة المثالية لشخص سوي في ظروف معنوية معينة..
انظر -(Wikipedia – Free Encyclopedia )
وهذا المعيار يختلف عن المعيار السلوكي لدى فقهاء القانون ..
الذين يبنونه على معيار الرجل العادي في المجتمع ..
يرى المفكرون والفلاسفة بانه لا يوجد معيار محدد قاطع لقياس السلوك ..
بغية تقيمه كعمل اوقول صائب ام غير صائب ..
اذا ان ذلك مرهون بمجموعة القيم العقائدية والعادات وفق سياق اجتماعي تأريخي..
لذلك فهم يفضلون استخدام النسبية في تقيمهم..
الفكر الاسلامي العربي يعرف الاخلاق لغة بالسجية والطبع..
وهو من حيث كونه علم موضوعه احكام قيمية تتعلق بالأعمال التي توصف بالحسن او القبح..
وقد عرفها الأمام الغزالي ( احياء علوم الدين ) (بأنها هيئة داخل النفس راسخة عنها تصدر الافعال بسولة ويسر من غير حاجة الى فكر ورويّة ، سميت تلك الهيئة خلق حسنا ، واذا كانت تصدر افعال سيئة سميت خلق سيئا.)
أما ( الحياء ) فخصلة من خصال النفس البشرية ..
تدرج ضمن منظومة الطبائع الاخلاقية المكتسبة الأخرى كالصدق ، المروءة ..الخ..
بعد هذا المدخل ادلف لموضوعة البوست أي معيارنا كقراء حول ما تكتبة منال..
وقبل الشروع في الاجابة يتعين عليّ التعرف ما ان كانت كتابات منال..
تدخل ضمن تعريفات النص والى أي النصوص تنتمي ؟..
بالمختصر المفيد اشير هنا لمفهوم النص الذي قال به الفيلسوف الفرنسي (بول ريكو)..
(ما تركزوا على الاسم كتير) ..
المهم قال شنو؟ النص هو الخطاب الذي نثبّته بالكتابة..
هذا التعريف الواسع البسيط يشمل فيما يشمل كتابات منال..
بحسبانها خطابات تم تثبيتها بالكتابة..
أما كونها ادبية ام لا فذاك ما يجيب عنه تعريف النص الأدبي..
الذي قيل عنه نص فني يخلو من الحقائق والفرضيات العلمية ..
يخاطب الوجدان ويعمل على ايقاظها بما يحتويه من حاسة فنية وطاقة جمالية خلاقة ..
سواء من حيث البنية اللغوية والبلاغية أوالفكرية اوالصور الحسية..
فالقطعة الأدبية الرائعة تدفعك خاتمتها لتحدث كاتبها في سرك..
( هذا عين ما كنت افكر فيه واستشعره دون أن املك قدرة التعبير عنه) ..
اذاُ قراءة النص الأدبي تتم وفق الذائقة المعرفية والخصوصية النفسية والاجتماعية لكل متلقي..
فالنص الذي يبهرني ويحتوي مشاعري قد لا يكون كذلك عند غيري..
لقد اضحى النص الأدبي يميّز الآن بمنهجين احدهما بنيوي والآخر اجتماعي..
وقد عثرت في معرض بحثي في اضابير الشبكة العنكبوتية ..
على مقال رائع لكاتبه (محمد يوب) بعنوان تحديد مفهوم النص الأدبي..
يشرح فيه مفهوهم النص الأدبي على ضوء المنهج البنيوي والاجتماعي..
ادرجه لكم للفائدة..
Quote: مفهوم النص عند المنهج البنيوي
إن النص كما يتفق كثير من النقاد البنيويين عبارة عن مدونة لغوية سواءأكانت مكتوبة أو منطوقة ويتعاملون معها على أساس أنها شبكة مغلقة لهابداية ونهاية غير خاضعة للسياق الاجتماعي و الأخلاقي فهم يحاربون هذه الجوانب انطلاقا من رفضهم لكل معيار أيديولوجي في تعريف النص أو تقييمه, مهتمين فقط بالجانب الشكلي في النص الأدبي وهو الذي سماه جاكبسون بأدبيةالنص الأدبي وهي حسب قوله ( إن موضوع العلم الأدبي ليس هو الأدب وإنماالأدبية أي ما يجعل من عمل ما عملا أدبيا) و الاهتمام بالشكل ودراسته دراسة علمية تهدف إلى أليلة المنهج وجعله قائما على أسس علمية بحثة تستفيدمن العلوم التجريبية المعاصرة, فيحاولون استخلاص القواعد و القوانين المكونة للنص الأدبي في حالته السكونية الثابتة عير خاضع لتأثير الذات الدارسة ولا لتأثير المحيط الاجتماعي, وهو بذلك مستقل بذاته و كل التغيرات التي يتعرض لها تتم من داخله ومن البنيات المكونة له ، وهذه الطبيعة شمولية معتمدة على ما سماه سيسير ( الضبط الذاتي ) أي أن النص يتحكم في نفسه و ينمو من تلقاء ذاته و يستدعي من الدارس عدم تقسيمه و تجزيئه إلى وحداته الصغرى المكونة له ، لأن عزل هذه الوحدات اللغوية بعضها عن البعض الآخر يؤدي إلى تشويه في النص ، ولذلك نجد تودوروف يرد على أصحاب تحليل الخطاب و من بينهم هاريس لكونهم يقسمون النص إلى أجزائه الصغرى لأن الوحدة في استقلالها و عزلها لا تعطي أي معنى ، فكلمة الخبز مثلا لا يمكن فهمها مستقلة بل يجب البحث عن مدلولها في إطار البنية ككل لأنها قد تعني الخبز الحقيقي و قد تعني القربان أو أشياء أخرى متعددة في الواقع الاجتماعي .
و النص في نظرهم يتصف بالغرابة و هي عملية تخلق دلالات متعددة للكلمة الواحدة لأن طبيعة النص غير منسجمة إنها مليئة بالثنائيات الضدية موت / حياة بناء / خراب، ولعل هذه التناقضات هي التي تحدث هذه الغرابة و الغموض وهذا لا يعني أن النص يتصف بالتعتيم و الضبابية التي يتيه فيها القارئ و لكن هذه الغرابة نوتر النص و تجعله يتضمن أكثر من دلالة لذلك فإنه يستوجب مفسرا أو ناقدا ليفسره بواسطة الدراسة الداخلية لمكوناته الفنية و الجمالية .
و النص الأدبي يدخل في حوار مع النصوص السابقة له و يستفيد منها و هي التي سماها رولان بارث النصوص الغائبة و هي لا تحضر في شكلها الحقيقي و لكن في صورة مختلفة لا يؤخذ منها إلا مضمونها مثل : حضور بعض الكتابات الروائية في رواية مدام بوفاري .
مفهوم النص عند المنهج الاجتماعي
إن المنهج الاجتماعي عرف تغيرات متعددة في مضامينه الفكرية و ذلك عبر فترات متلاحقة من الزمن وكان في فترة زمنية ينظر إلى النص من خلال زاوية معينة وفي ضوء أيديولوجية محددة نابعة من مبادئ و أسس يرتكز عليها هذا المنهج .
لعل السمة الغالبة في نظرة المنهج الاجتماعي للنص هي رفضه التعامل معه باعتباره بنية لغوية مغلقة , إن هذا التعامل الضيق يتنافى مع المبادئ الماركسية التي يتبناها ويحرس على تطبيقها في تعامله مع الظاهرة الأدبية وينظر إلى النص الأدبي باعتباره مضمونا أيديولوجيا يعكس واقع الطبقات الاجتماعية المختلفة و على الناقد أن يكشف هذا الصراع في النص الأدبي غاضاالطرف عن كل المقومات الفنية التي يعتبرها النقاد الاجتماعيين بمثابة وعاءفقط يصب فيه الأديب أفكاره، لأن ( المنهج الاجتماعي يؤمن قطعا بأن التحليل الداخلي للعمل الأدبي لن يوصلنا إلى القبض على الدلالة المركزية للنص أي الكشف عن الرؤية )
و لعل أهم فكرة طرحها المنهج الاجتماعي و حث على توفرها في النص الأدبي ، واعتبرت من أهم مبادئه التي نادى بها ، ألا وهي فكرة الانعكاس في العمل الأدبي ، بمعنى أن كل نص من النصوص الأدبية يعكس الواقع الاجتماعي و التغيرات الطارئة عليه لكن هذا الانعكاس يبقى في حدود الآلية التي تعتبر أن النص الأدبي بالضرورة تصوير و انعكاس للبنية التحتية .
غير أن هذه النظرة الميكانيكية للانعكاس الأدبي تعتبر متجاوزة في نظر لوكاتش الذي اعتبر أن ( الفن تعبير غير مباشر عن الصراعات الاجتماعية في أي مجتمع ) ،لأن هناك علاقة جدلية بين هاتين البنيتين ، بين البنية التحتية و البنية الفوقية ، فالأولى تؤثر في الثانية و الثانية تؤثر في الأولى في إطار تجاوب و تحاور جدلي لا يظهر فيه الانسجام الذي يحتم هذه النظرة الانعكاسية ، ولذلك نجد بأن الواقع قد يكون مزدهرا لكن الأدب غير مزدهر و العكس صحيح .
و قد استفاد لوكاتش من لينين الذي يعتبر أول من طرح فكرة الانعكاس الجدلية عندما درس أعمال دوستويفسكي الروائية فرأى أن الأديب لا يملك القدرة على عكس الواقع وفق مبدأ المحاكاة الأرسطية ( أي تقليد الواقع بشكل حرفي مرآوي للواقع )
و انطلاقا من هذه النظرة السريعة لمفهوم الانعكاس عند لوكاتش و عند أصحاب المنهج الاجتماعي نلاحظ الدفعة القوية التي ساهم بها جورج لوكاتش في طرح هذا المفهوم النقدي بجديته وصرامته بعيدا عن التفسيرات الضيقة التي تنفي عن الأديب حرية التصرف في التعامل مع الواقع الاجتماعي و بالتالي تنفي قدرته على التخيل لأن المبدع ليس آلة تعكس ما تلتقطه أمامها من الصور و المآثر بل هو إنسان يتخيل و يتذوق ، ولذلك نجد حضور العالم المتخيل في النص الأدبي . |
http://www.aklaam.net/forum/showthread.php?t=33969)
مقال آخر لا يقل أهمية للكاتب محمد الترهوني بعنوان النص المحكي وازدواجية اللغة ..
جاء فيه :
Quote: النص المحكي هو تحويل لغة الحياة اليومية إلى شيء سحري ، وأريد أن أشدد هنا على كلمة نص محكي وليس قصيدة محكية ،ذلك لأن لفظة (قصيدة) عند العرب تعني قطعة منظومة لها وزن وقافية وتدل على معنى، أما لفظة نص وبحسب قاموس (لاروس) : هو عينة من السلوك الالسني وان هذه العينة يمكن أن تكون مكتوبة أو محكية وكل نص هو بشكل ما بلاغة أي أنه يمتلك وظيفة تأثيرية، وبهذا الاعتبار فالبلاغة تمثل منهجاً للفهم النصي مرجعه التأثير، وعندما نفكر حسب البلاغة فإننا ننظر، مبدئياً، الى النص من زاوية نظر المستمع/ القارئ وتجعله تابعاً لمقصدية النص، ففي النموذج البلاغي للتواصل يحتل الخطاب المقام الأول بدون منازع وحول معرفة كيفية بناء النص تقترح البلاغة نموذجاً من خمس خطوات يصف مختلف مراحل بناء النص في تتابعها وهذا هو النموذج ، حسب بارت :-
1 - الإيجاد : تحضير ما يقال . 2 - الترتيب : تنظيم المادة المتحصل عليها .
3 - العبارة : إضافة المحسنات البلاغية
4 - الذاكرة : الرجوع الى الذاكرة .
5 - الإلقاء : تشخيص الخطاب شأن الممثل : الحركات، والإنشاد .
ان هذا النموذج لبناء النص لايعني إمكانية حسمه، فنصيته لا يمكن حسمها، لآن النص مستقل عن سماعه/ قراءاته وتأويلاته، عند الممارسة العملية فقط يجعل النص نفسه ذا معنى، وهذا يبين خطأ الرأي القائل بأن المتكلم يملك معنى جاهزاً، إن المعنى يولد في تلك اللحظة لحظة النطق بالذات، والمعنى حقيقة ثابتة للنص، تتجسم في كلمة أو مجموعة كلمات يتجاوز معناها قصدأ معيناً ويمكن أن يفهمها في بنيتها كل فرد يحسن تلك للغة، أن الكلمات تؤدي الى الصور الذهنية حين نحلم بها أحلام شعراء المحكية، وهذه الكلمات التي نحلم بها هي كلمات لغة الحياة اليومية ولكن حين أقرأ فأنا لا أحلم، بل أحل الرموز، ولا يمكن أن يحلم رجل الشارع بكلمات اللغة المعيار الأرفع منزلة لأن ذلك الحلم لن يكون ملكاً له، بل ملك الاستعمال الجيد للكلمات .
إذا نحن اتفقنا على أن الكلام واقعة أسلوبية، فان الكلام عن النص المحكي لن يكون إلا في إطار الحديث عن الأسلوب،، صحيح أن كل أسلوب أدبي يميل كي يصبح أسلوباً فردياً، وهذا ينطبق على النص المكتوب، ولكن يجب أن لا ننسى التمييز بين الأسلوب والكتابة، فالانزياح عن مستوى الإيصال لخلق الشعرية في النص المكتوب يتم في إطار قانون اللغة المعيار وبشروطها التاريخية، أما الانزياح فيما يخص النص المحكي فينظر إليه على مستوى المزاج، والوسط الاجتماعي، والكم الثقافي ، إنها طريقة في الكلام أكثر حيوية، ومقدرة على جعل اليومي أكثر غنى بالمعنى من خلال كلمات مختارة، ومثيرة للانتباه، إن الأثر الذي يحدثه النص المكتوب على القارئ مشروط بثقافة خارجة عن النص، مصدرها هو معرفة الكاتب بلغته، في حين أن النص المحكي ينحاز الى ثقافة اليومي، فهو يتحدث عن كل شيء بلسان الشيء نفسه، لهذا فالمنطوق ذاته هو المقصود في النص المحكي وليس مرجعه، وعملية تأويل النص المحكي ييسرها ازدواجية اللغة، لهذا يسخر النص المحكي الكلمات التي ينظر إليها كأداة إيصال بسيطة وأدنى منزلة لتصوير رؤية جماهيرية للعالم . |
)http://www.alshames.com/details.asp?Id=7240&Page=16(
على ضوء ما جاء بعالية فان محاكمة نص ما سواء كان ادبيا او مجرد نص محكي بمعيار الأخلاق..
تقابلها صعوبات عديدة لكون الأخلاق Normative sense تشير لما هو صواب اوخطأ..
ولهذه الخاصية يرى الاسكولرز بانه لا يوجد معيار محدد قاطع ..
يقاس عليه العمل لتقرير صوابه من خطئه ..
لكون ذلك مرهون بمجموعة القيم الفكرية والعادات وفق السياق الاجتماعي والتأريخي للفرد..
لذلك فهم يفضلون استخدام النسبية في تقيمهم (كما فعل الاستاذ كبر في مداخلاته)..
وباعمال معيار النسبية فيما تكتبه منال أجد تباينا في ذائقة المتلقين ..
فمنهم من يتقبله ومنهم من يستهجنه..( كتابات المتداخلين معها تشير)..
غير ان الغاية من هذا البوست كما نوهت في المدخل..
لم تكن تستهدف مثل هذا الحديث المطول حول الاخلاق ..
بقدر ما كان هدفه مساءلة المنتقدات لمنال عن معيارهن الذاتي ..
استنادا على مواقفهن من نصوص أخرى مقاربة ان لم تكن مشابهة ..
وفق ما يشير الية سياق الطرح العام من مفترع البوست وكوتاته المستجلبة..
وللامانة لم تتح لى الفرصة لمتابعة مكاتيب الأخت منال بصورة منتظمة..
ولكن في حدود ما اطلعت عليه انتابني احساس اولي متشكك ..
ما ان كانت شخصية حقيقية ام اعتبارية..
غير أن حديث الدكتورة داليا الكباشي ازاح عنى الشك ..
فايقنت أنها تملك جرأة غير معهودة وشجاعة ادبية ..
تدفعها للتعبير بعفوية ودون حرج ..
عن احاسيسها ومشاعرها واحداث محيطها اليومي بلغة محكية ..
ولا تفضل كبتها كما تشير مداخلتها في هذا البوست..
دون أن تضع بالاُ للقيود الاجتماعية ..
ولا أدرى ان كان في مقدورها الحكي بهذه الطريقة..
في لقاءاتها المباشرة بصديقاتها واصدقائها..
فان كانت تفعل فهي اذا قد تبنت منهجا من الصراحة ..
لم تبلغ مدارجه مجتمعاتنا المحافظة بعد..
وان وجد فمبلغ ظني انه كان لا يتعدى اسرار محيط الصداقات الانثوية الحميمة ..
لقد اجمع الكل بانه لا يملك أي منا حق اقصاء الآخر..
كما لا يحجر عنا احد حق انتقاد اوابداء الراي فيما يكتب ..
وان كان من ضروب النقد ابراز عيوب النص ..
ومواطن الضعف فيه وفق قواعد المنهج..
فهو بلا شك يساعد في تصحيح مسيرة الكاتب..
وهذا هو المأمول من هذا النقاش..
..
هريت ليكم عيون ود الصايم وملاسي ..( الوشوش حجروها)
المعذرة .
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
يا وليد الشفت صباح الخير
Quote:
يا امين
شايف ادوك حقك المعوم في الحلة التانية
ان شاء الله تكون فهمت حاجة |
أخوك الأيام دي متابعته نص كم للمنبر وفاتت علينا يآخ
بالله الحقنا برابط .. إشارة .. رسالة بالماسنجر .. أي حاجة بس عشان نمشي نعرف الحاصل
امين دا زولنا يآخ لو اخد معلوم في أي حتة لازم نمشي نزيد ليهو فيهو :)
| |
|
|
|
|
|
|
|
|
|
Re: ما هو المعيار ؟ (Re: بدر الدين اسحاق احمد)
|
أخي الكريم محمد إي سليمان (الحبشي)..
أمبارح في صديقة علقت ضاحكة بأني بناديك الحبشي و هي تعتقد أنه اسم أطلقه عليك الزملاء (لأنك تحب إثارة المشاكل) على حد قولها.. استغرابها منبعه على ما أعتقد انها بتلمس في بقية خطابي لك احترام لا يتلاءم مع (اللقب المشاكس).. قلت ليها انو دا كان توقيعك انت نفسك لفترة طويلة.. و خوفاً من اني أكون وقعت في خلط و من ثم غلط و الغلط ما من صفة الحبشي بل من تنميطها تنميط خاطيء..رجعت و عملت بحث و اطمأنيت لإني ما غلطت.. الحمدلله... و لصديقتي هذا الاقتباس..من كتابات الحبشي..
Quote: د. فــــــوز:
الأدعياء.. ظاهرة اجتماعية خطيرة: رغم ما نعيشه من تقدم تقني ونهضة علمية شاملة جعلت الحياة أكثر راحة وسهولة، إلا أننا ندفع في الوقت ذاته ضريبة ذلك في مجالات شتى، يحلو للبعض أن يسلط عليها ضوءاً باهراً، ويضخم صغيرها بعدسات مكبرة إما لنفسية خاصة يحملها بين جنبيه، أو لأهداف يسعى لتحقيقها مستفيداً من قانون العرض والطلب، فكلما ازداد القلق مثلاً وازداد معه البحث غير المتبصر عن الحلول والتلهف لأسباب النجاة، انتشر الأدعياء الذين يزعمون أنهم يملكون الحقيقة ويقدمونها للراغبين الذين يقبلون عليها واهمين أنها طوق النجاة وطريق السعادة والطمأنينة
أراك تفضحينهم
الحبشي |
______________________
استغربت استشهادك بمداخلات الأستاذ كبر.. و احتفاءك بها... برغم تناقض موقفيكما..!
الأستاذ كبر حسبما فهمت يؤيد الحرية مطلقة بلا معايير و لا ضوابط و يعتقد أنها إن حدتها حدود..أي حدود.. لا تصبح حرية!
موقفك (حسب فهمي أيضاً) يؤاخذ الذين صمتوا من قبل أو دافعوا عن (نص) إشراقة (الذي لم يرق لي أنا أيضاً) أو نص روزمين أو قصة حمور .. الذين ارتأيت أنت و أعتقد ملاسي أيضاً يؤيدك في الرأي .. يؤاخذهم على عدم اتساق المواقف..صمتهم عن ذاك.. استنكارهم لهذا .. و تتساءل عن المعيار! مع تثبيتك للاتفاق عن تجاوز (منال) و سوء ما تكتبه!
و موقفك الواضح لي أنك مع وضع حدود لحرية الكتابة و تنادي بتطبيقها على الجميع.. (أدباء..شعراء..علماء.. أو مجرد سمار و باحثين عن اللهو بريئه و خبيثه!)..
إذن أنت تقف على الجانب المعاكس تماماً للأخ كبر..و لا أدري أين نقطة الالتقاء غير أشخاص من تنتقدون!
على الجانب الآخر يقف الأخ عبدالكريم (كيكي) أقرب لموقف الأستاذ كبر..و مع ذلك فأنتما تتبادلان حرب الاقتباسات بلا هوادة..!! فلا أدري ما الذي يجعل كلام الأستاذ كبر أصوب في رأيك..لدرجة شكره على الدروس الجميلة عن الديموقراطية و عدم التناقض!
...
أرجوك أخي محمد لا تراهن على ذكائي لفهم هذا التناقض! لأنه خانني!
| |
|
|
|
|
|
|
|
|
|
Re: ما هو المعيار ؟ (Re: تيسير عووضة)
|
يا شفتنه !!! Quote: يا امين
شايف ادوك حقك المعوم في الحلة التانية
ان شاء الله تكون فهمت حاجة |
غايتو حقي المعلوم ده شكلو مكيف كترة ناس !!!
يومديك بله موسي جاب الكوت و ختاهم لي في بوستين حقاتي !!!
----------
الواحد شماتو كتار و ما جايب خبر !!
----------
غايتو الله لا جاب يوم وقعتي !!!
----------
| |
|
|
|
|
|
|
|
|
|
Re: ما هو المعيار ؟ (Re: أمين محمد سليمان)
|
كتبت عزاز
Quote: راجع كلامي أعلاه يا أساسي، لم أشر اشارة لتصالحي مع نص حتى لو راق لي،
(أقبله) كنص أدبي قابل للنقد من حيث اللغة، المفردة، المدرسة، الصوت الداخلي، و المعاني |
طيب البخليكي شنو تدافعي عن نص إنتي نفسك غير متصالحة معه؟ مجاملة او صداقة ولا من اجل الشهرة كدا ساكت ؟ ( نص اشراقة وتعقيبك بان المراة انسان )
وليه ما تعتبري نص منال هترشة قابلة للنقد.عايتو إذا إنتي وتيسير بتقولن إنو نص منال بيسيئ ليكن، فإنتن بالفهم ده بتسيئن لمفهوم الليبرالية والعلمانية والنسوية والجندرة الطارحنو علينا في المنبر ده والاشغلتونا بيهو ازمان .
| |
|
|
|
|
|
|
|
|
|
Re: ما هو المعيار ؟ (Re: اساسي)
|
كتب كيكي
Quote: شكرا يا اي سليمان لجلب تداعيات معركة الكمنجات والسراويل..
وامسك عندك واااحد كوت كبير وعريض يمكنك ان تطمبر وتزمبر (والقول لمحسن خالد)بيهو بعد كم سنة كده لو الله حيانا..
-------
لو صبرت شوية كنت ح تتناول وجبة بوست بعنوان (حباب كدايس منال وكواريكها)..
فحق منال في الكتابة حق اصيل يمنحها اسم مرورها الي هذا المكان حق كتابة ما تود دون حجر ودون وصاية ودون اقصاء
باي داعي من الدواعي- ايدلوجبة-ذوقية- دينية وهلم جرية من المنصات التي يتم الانطلاق منها لكي يكون الفعل الاساسي هو الاقصاء والبتر..
...
بت مجذوب رائدة (القلة ادبين) في الادب السوداني كانت نفاج انطلق منه الوعي الاقصائي في السودان لمصادرة وااحدة من اروع الكتابات في موسم الهجرة للشمال بدواعي ان لسانها فاكي وزولة مطلوقة... ولايزال ذلك الوعي يتربص بالنصوص التي تاتي في قالب مشحون بالقلة ادب
(حمور - محسن خالد- اشراقة مصطفي واخريين)..
قد يقول قائل ذلك ادب وهذه كتابات..؟؟
اقول ان الادب ايضا كتابات... طالما هو حروف يتلاقها القاري في الحالتين..
اذن الدعوي لمصادرة حروف مخطوطة علي مساحة بدواعي هي دعوة سلطوية ووصائية مهما تسربلت من اسباب ومبررات |
يا كيكي شكرا انك إتفقت معنا نحن الذين إتهمنا بالظلامية مقابل العلمانيات والجندريات والنسويات واليساريات.
شكرا كيكي ستحفظ لك الاجيال القادمة إتساق مواقفك فيما ستحتار وتصاب بالإرتباك في توصيف مواقف المستنيرين والمستنيرات الاخرين.
موقف التقدميين الذي لخصه الفلتة احمد التجاني بقوله (مشروع الانقاذ الحضارى اثمرت مجهوداته وكمان يخطو متقدما تحت حراسة القوى الحديثة )
| |
|
|
|
|
|
|
|
|
|
Re: ما هو المعيار ؟ (Re: اساسي)
|
ليه حاسة انو راسي دة انفتح نصين..
اتجاوزا لينا حتة من حقها ومن حقنا ,,
لانو النقاش لو استمر بالمنوال دة ما حنصل لي نتيجة , كل فرد بيدافع عن وجهه نظر وتقييم لاشياء بتختلف من واحد للتاني..
السؤال الوااااااضح..
انتو فهمتو شنو من بوستات منال..؟؟
ممكن انا والباقيات غلطانين وغلب علينا سوء الظن..
الاجابة مهمة لانها بتقود لمحور نقاش تاني,,,,
ــــــــــــــــــــــــــــــــــــــــــ
اتساءل وكلي يقين ان اغلبكم لا يجروء علي اعطاء اجابة (بدون لولوة)..
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
حلل بعض المحللين و (نظروا) أن المعترضين و المعترضات لديهم دوافع مختلفة للاعتراض!!
أجد الحديث عن اختلاف الدوافع هذا ..حديث غير موضوعي و ما عندو أساس! لأن كل من اعترض هنا في رأيي اعترض لأنهم يرون ما يكتب سيء و غير لائق ..و يسيء و يقلل من قيمة المكان الذي على سوء ما يأتي فيه (حتى الشتائم و التعريض بأعراض الناس.. ) ..لم يصل إلى هذه المرحلة من قبل (حسب إطلاعي) و إن شارف الوصول..فلم يقابل بالصمت و القهقهة و الغمزات الغير بريئة! لطالما وقف شخص ما و استنكر ما رآه خطأ!!
نماذج بجحة:
Quote: وما اسعدنى وانت زائرى المسائى ياصديق
تحياتى ... |
Quote:
معتصم محمد صالح
رغم انو الفيديو ماظهر
لكن !!!
الروعة انك زول عنيد
والدهشة فيك . لمن افارقك بشتهيك ..
شكرا للمرور ....
(عدل بواسطة منال on 01-05-2010, 05:35 م)
(عدل بواسطة منال on 02-05-2010, 06:26 ص) |
..
الشيء الذي أعجب له هو أن من ينتقدون المعترضات و المعترضين.. هم الذين ينطلقون من قناعات متباينة تماماً.. فمنهم من يرى أن من حق منال أن تكتب ما تريد(كبر و كيكي).. و منهم من يحس بالخجل و الحرج لمساهماته في بوستات منال..و يرغب في تخليص نفسه من حرجه و لو على حساب مبادئه (و يا أساسي..نعم..أعنيك!) ..منهم من يتفق مع المعترضات تماماً..و لكن له منهن و له من بعضهن موقف..(الحبشي و ملاسي)..و منهم من يتحدث بمثالية لا تشبه الواقع (هنا) ..مع أنهم في حديثهم قد أدانوا منال ضمنياً بأكثر مما أدانته بها المعترضات .. (قيقراوي و نهال)!!
و بالرغم من أن شخص واحد لم يأت للدفاع عن ما (تفعله) منال اقتناعاً (بصحته).. و لا حتى مرتادي بوستاتها و لا (المعنيين بها).. إلا أن المجهود الضخم الذي بذله (المعترضين و المعترضات) على اعتراض (المعترضات و المعترضين..الأولانيين!!) لا يصب في مصلحة أي شخص سوى منال نفسها .. الشيء الذي تدركه هي و (مبسوطة بيهو) و لا يدركه من قدموا قناعاتهم و مبادئهم قربان لكسب نقاش.. أو حوار الطرشان هذا!!
و يا كبر و سمارت مع احترامي لرأيكم.. و للحرية بالمعنى الأنيق.. حدثتمونا عن الحريات المطلقة .. لو جارتكم أو جاركم كان زول سوء (كلاكيت تاني مرة ..إعادة تمثيل مشهد (الجار) ).. و علق يافطة في الشارع قدام بيتك..لكن في الشارع..و عليها سهم بيأشر على بيته هو و سماه (باسم التجارة بتاعتو)..موقفك يا كبر ..و موقفك يا سمارت من حرية جارك أو جارتك حيكون شنو؟ نهال و قيقا ..السؤال ليكم برضو..!
المسألة الغرض منها ليس التشبيه و لا التشنيع بل الغرض منها.. استكشاف القناعات حول مسمى الحرية..و لو سمحتوا تكونوا صادقين مع أنفسكم..
المعطيات للمسألة : جار أو جارة يملك بيت (تجارة أجساد)
يافطة (في الشارع ..أمام منزلك) عليها سهم يشير إلى منزل جارك بكل وضوح!!
سؤال تاني لسكان أمريكا الشمالية.. هل يستطيع أحدكم أن يكتب مقال في الدول التي تقيمون فيها يشكك فيه في أرقام المحرقة اليهودية (مثلاً) و ينشر له تحت بند حرية التعبير؟؟ إن نشر ماذا سيترتب عليه؟ هل توجد حرية مطلقة؟ ما هي نتائج الحرية (الواسعة) الممارسة في تلك الدول الآن؟ تقول سمارت أنها ستؤدي إلى رفع الحظر عن تعاطي الحشيش!!
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
كتبت سناء خالد
| Quote: و منهم من يحس بالخجل و الحرج لمساهماته في بوستات منال..و يرغب في تخليص نفسه من حرجه و لو على حساب مبادئه (و يا أساسي..نعم..أعنيك!) |
ببساطة دا كلام فارغ ما عنده اي سند موضوعي انما افتراض , بالمناسبة لم اشارك في بوستات منال من قبل الا بعد مداخلة عزاز وشاركت بمداخلة واحدة حسب ما فهمته من سياق بوست الشايقي لا ما تفضلتن مشكورات وتنويرنا به من ايحاءات اقر انها فاتت علي في وقتها .
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: كتبت عزاز
Quote: راجع كلامي أعلاه يا أساسي، لم أشر اشارة لتصالحي مع نص حتى لو راق لي،
(أقبله) كنص أدبي قابل للنقد من حيث اللغة، المفردة، المدرسة، الصوت الداخلي، و المعاني
طيب البخليكي شنو تدافعي عن نص إنتي نفسك غير متصالحة معه؟ مجاملة او صداقة ولا من اجل الشهرة كدا ساكت ؟ ( نص اشراقة وتعقيبك بان المراة انسان ) |
صباحات الله بيضا يا أساسي ...
يا اساسي، النقد إيجاب وسلب لا يُبنى على المشاعر الشخصية و مفردات زي مصالحة
الشهرة دي لعلها من كتابة سودانيس أون لاين؟
يضحك نهارك يا قولة محسن خالد البتوافقوا عمياني كده ما دام وافق نقده هواك
| Quote: وليه ما تعتبري نص منال هترشة قابلة للنقد.عايتو إذا إنتي وتيسير بتقولن إنو نص منال بيسيئ ليكن، فإنتن بالفهم ده بتسيئن لمفهوم الليبرالية والعلمانية والنسوية والجندرة الطارحنو علينا في المنبر ده والاشغلتونا بيهو ازمان . |
الله يرضى عليك، حاكمني من خلال ما أكتب لا ما تتخيل، انا لم أقل أن كتابة "منال" بتسيء لينا،
و افرز تاني الضمائر في الحكي، "نا" دي قاصد بيها انا و الكاشف أخوي ولا الحركة النسوية ؟
الحقيقة يا اساسي انا حريصة على اكمال الحوار معاك و مع كل المعارضين لينا،
بس حكاية تغيب و تجي شايل غنيمة نصها رأي مسبق و نصها تاميهو موية و اتفاقات مع رؤى منقي منها البيعجبك زي كيس التسالي فده ما بيودينا لحتة يا سيدي الكريم...
حدد لي هنا انت داير حوار نوصل فيها لارضية ونحترم فيها قرارات بعض و نستفيد
ولا بتبحث عن معركة فيها منتصر وخاسر؟
انا والله ما بابحث عن انتصار، ده رأي بينتو فوق في كل مداخلة،
قبلتو حبابك، ما قبلتو برضو حبابك و بنستفيد من الاختلاف ..
رديت ليك فوق لي نص اشراقةباعتبروا نص و ليه كلام منال "ونسة" .. كلام كيكي فوق انو اي كتابة نص ده برجع ليهو بالمهلة تاني، ويا سيدي لو تشابهت عليك صفات الكتابة و شايف انو اي كتابة كده وبما فيها كتابة حوائط دورات المياه كلها كتابة من مبدأ المدردم كلو ليمون، فعديلة ليك ونقيف هنا في مواضيع النقد الأدبي و امشي من دربك ادي منال نوط الكتابة و ميدالية السعفة الذهبية .. لانو التصنيف مؤلم شديد لزول قرأ أدب و شهد حوارات و سجالات لتصنيف نص ادبي انو رواية ولا قصة قصيرة، عبدالرحمن منيف نتف ايام عمره علشان يخرج رواية برغم انف النقاد بشخصية واحدة، و بفعله خالف تصنيفات الرواية و تعدد الشخوص كمكون اساسي لها... و الناس تقوم و تقعد شنو الفرق بين قصيدة و نثر، و مدارس و عوالم تجي انت و اخوك كيكي كده بجر باسويرد تلمو الناس ديل في قفة واحدة؟
مؤلم ... وموجع شديد
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
يا جماعة سرّعوا من وتيرة المعايير شوية ياخ!
شايف بريمة دا ممكن يقدّ ليكم البورض في أي لحظة!!
وبعدين دايرين ننداح في بوست خدر ياخ!
تقوموا تجو تطبقوا علينا المعايير لا إيدنا لا كراعنا!
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
Quote: غايتو حقي المعلوم ده شكلو مكيف كترة ناس !!!
يومديك بله موسي جاب الكوت و ختاهم لي في بوستين حقاتي !!!
----------
الواحد شماتو كتار و ما جايب خبر !!
----------
غايتو الله لا جاب يوم وقعتي !!! |
عشان تأمن بس
قلنا ليكم البورد ده زي الحلة
الناس بتكتب وتقرا فيه بي نفسياتها ما بي عقولها .. قليلين جدا السايقاهم مواقفهم المستنده على تفكيرهم موش على احاسيسهم
المهم يا ابوي الى ان يستقيم الوضح .. اعاقل بفرز كيمانو .. زول النفسيات تتنفس معاه .. وزول العقلانية تتعقل معاه .. والمكشكش تتكشكش معاه ..
والمكشكش شديييييييييييييد تجليه
| |
|
|
|
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
ده معيار سارة
Quote: منال دي ما عندها موضوع مزاج مني ساي برد عليها هي ولا استجرأ ارد علي الباقين..
مزاج بس منال دي برضووو ما عندها موضوع وكترتا..
وخصوصا انا سارة دي بوصلة معياري ما بتلف وتدور الا علي بوستات منال.. |
تسلمى ياسرورة نفس المشاعر انا زاتى بوصلتى دايما بتفتش ليك
كان شفتى يومداك فى دبى خفت اركب القطر مع انو كان نفسى اركبو
اتمنيتك تكونى معاى قلت ياحليل سرورة حسى لو معاى كان شجعتنى
لكن تتعوض ونركبو سوا حبيبتى ...
انتى يختى سناء دى ماله نفسه قايم كدى
قولى ليها ارتاحى حبه بعدين بتجيها شحتفة روح وخمة نفس
| |
|
|
|
|
|
|
|
|
|
Re: ما هو المعيار ؟ (Re: البدري عبد الله)
|
انتو عزاز وين ؟؟؟
تتزكرى ياعزاز البوست الشتمتى فيهو الرجل النقى تبلدينا ؟؟
اديكى سر ؟؟
كل ما اتزكرو بخجل اخيييييييي على النبذ الكان فيهو
غايتو انا رغم انى رومانسية لكن كان فى راجل نهرنى ببكى طوالى
| |
|
|
|
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
| Quote: ببساطة دا كلام فارغ ما عنده اي سند موضوعي انما افتراض , بالمناسبة لم اشارك في بوستات منال من قبل الا بعد مداخلة عزاز وشاركت بمداخلة واحدة حسب ما فهمته من سياق بوست الشايقي لا ما تفضلتن مشكورات وتنويرنا به من ايحاءات اقر انها فاتت علي في وقتها . |
عن إذنك يا ود الصايم..
شر البلية!
مالك متبري من المشاركة قدر دا؟ و بتبررها كمان.. مالها بوستات منال ؟ عيبها لي ؟
_______________
أساسي ما تتحسس..و ما في داعي للشكر .. ما فيها حاجة أكان نورتك و فهمتك.. زي أختك الكبيرة! لقيتك بعد مداخلة عزاز برضك بريء و غشيم.. !
عارف الدور دا فيك شييييين ليه؟
لأنه كلام الرجال الأنا لقبتهم بمقنعي الكاشفات..
عمران حسن صالح..
قمر بوبا
الزول ذاتو..
ما فهمك.. جيت تفهم و تتنور من مداخلات عزاز (البرضو شكلها ما فهمتك) و سارة و سناء و أماني و تيسير!
____________
الله يزيل ما بيك و يخفف عليك يا أخونا في الله السماني!!
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
لا لست متبري ولكن لارد افتراضك ان موقفي من اجل ابعاد شبهة عني وتنازعي داخل نفسي , وكوني اقول الحقيقة تظل هي الحقيقة كما اراها وكما حدثت لا كما تفترضين انت افتراضا وتحاكميني علي افتراضك لذا اسبقت اعلاه بان ما تقولينه كلام فاضي وتظل مداخلتك اعلاه ايضا كلام فارغ لا اصل له الا افتراضاتك
بالمناسبة وعشان اكون واضح في الحتة دي انا قريت في ذلك البوست مداخلتان الاولي صدر البوست والثانية مداخلة الاخت عزاز وبعدها رددت ولم اعود الي البوست وقرائته كله الا بعد ان اخبرني احدهم ان هناك ( شمطة نسوان) في ذلك البوست , شفت كيف انك بتفترضي افتراضا .
شكرا للدعوات اخت سناء والتي انا بحاجة اليها
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
يا اساسي و عزاز و باقي المتداخلين الكرام و سيد البوست محمد الحسن، متابعة النقاش و عاجبني
الما عاجبني حصر النقاش في انه كلام منال ما ادب و كلام اشراقة، مثلا، ادب
و لو تم تعريف كلام منال بانه ادب، تبقي محلولة؟
طيب لاختصار السكة كان القصة كده
ناقشو لينا هل كلام منال ادب ام لا، غايتو انا حسب معظم التعاريف اللقيتها، كلامها يعتبر ادب:
a kind of representation that is purposive in itself and, though without an end, nevertheless promotes the cultivation of the mental powers for sociable communication.
Kant, Critique of Judgment, Guyer translation, section 44
_______________
انا لي راي في بوستات منال و يستند علي مرجعية معينة، و لكن احتفظ بحقي في عدم التعبير عن رايي حاليا، كممارسة لحقي في حرية التعبير
______________
يا عزاز، كلام الحائط لو في تواليت او في حيطة سااكت، مجموعة كبيرة، بما فيهم انا، نعتبرة ادب، لاسباب كثيرة و بنمشي ليهو معارض و نحضر محاضرات و ده لا يشمل القرافييتي بس :)
دي ليست محاولة مني لتعريف كتابة منال بانها ادب، و لكن لتوضيح مزالق الركون لتعاريف غير متفق عليها حتي بين الكلشر الواحد، كالادب و الفن
_____________
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
الاخت عزاز
اذن فسري لي مدولات تعليقك علي كتابة الاخت اشراقة ان ( المراة انسان ) والتي وصفتها انا بتصالح مع النص ورفضتيه انت , التصالح مع النص يعني قبوله والاعجاب به وايجاد المبررات لتمريره بتعليقك اعلاه والذي يتضمن في ثناياه اعتراف بان النص (غير تقليدي ) وغير تقليدي هذه اتمني ان تكون واضحة كفاية , قصة غيابي عن البوست من الامس هو لوعكة صحية المت بي ابعدتني عن النت , لذا عدت من حيث اخر مداخلاتك الموجهة لشخصي , ولكن لا اخفيك اني بدات اتعجب والحوار مع الاخوات في انهن يجتهدن في استبطان ما وراء الكتابة اكثر منه ما هو مكتوب , فحديثك عن البحث عن الانتصار وحديث الاخت سناء خالد عن حرجي من المداخلات في بوستات منال والتي لا توجد لي اصلا مداخلات في بوستاتها سوى واحدة وضحتها اعلاه واشارات الاخت تيسير الكثيرة الي عدم تصديقها جديتي كل هذا يجعلني اتعجب جدا !
لك ان تصدقي اني هنا للحوار حول اثبات مفاهيم معينة واثبات ان المعايير المتخذة في هذا المنبر لا يقاس عليها بل هي مقاييس ضيزى لا يعتد بها , الي درجة ان البعض بسهولة يمكن ان يلتف علي قناعاته من اجل نصرة شخصية .
وقد قمت بفتح بوست لخصت فيه محركي الفعلي للحوار هنا وموقف العلمانين واللبراليين واليسار ودعاة الجندر
| |
|
|
|
|
|
|
|
|
|
Re: ما هو المعيار ؟ (Re: emad altaib)
|
ــــ
كتب كمال عباس:
| Quote: التأكيدعلي الحرية الفردية وحق التعبير ولكن مع ضرورة إقتران ذلك بالمسؤو لية والضوابط والمحددات التي تنظم وتشذب |
وأين كانت ضرورة الضوابط والمحددات التي تنظم وتشذب عندما كنت تسأل وتتفنن في الإسئلة عن التمتع بالأماء وشري الجواري ؟! ولربما فيها إثارة أكثر من بوست البصل والكدايس.
| |
|
|
|
|
|
|
|
|
|
Re: ما هو المعيار ؟ (Re: emad altaib)
|
وين (أمبوبــة) الاختبار .. كوستــاوي ...؟
أو بي صورة أوضـح:
وين (أمبوبــة) المعيـار .. كوستــاوي ...؟
لو كان الأمبوبة كوستاوي في تجلياته الطبيعية .. لكن اصبح معيار تقيل ونموذج لهذا البوست .. وكان حل ليكم معضلة المعايير الأفقية والراسية دي ..
لكن تقول شنـو بس .. كتابة الطويل في بوستات زي دي ما بتلقى اذن صاغية من الذين يقرأون بي (اضنينم)..
إنتو البوست دا ما فوقو .. تجريديين ولا حتى سرياليين ... ؟؟
لانو بي اختصار شديد الواحد بقى حاسي بي نفسو قاعد ساااي في البورد دا ما ناقش اي حاجة خليك من إنو ينقش أبو النوم ..
ماف شيـــوعي يفكفك لي مداخلتي دي كاتبه بي ياتو معيـار ..؟
ووين مجـــدي نفخوووو .. وعصام الزين في نسخته المعدلة الجينات وراثيا كبعاتي
اهــا
مجــدي دا براوو كدا .. معيار اربعة وعشرين بحريني ..
ملحوظة:
يا لهذا الصباح الذي تبدو فيه معالم الفلس واضحة جليه .. تبوظ الاعصاب ..
ماف زول من الخواجات البره ديل يرسل لينـا .. أوتار جيتار كلاسيك .. يستفيدو منكم شنو وكيف .. ولماذا..
| |
|
|
|
|
|
|
|
|
|
Re: ما هو المعيار ؟ (Re: العوض المسلمي)
|
السلام عليكم ورحمة الله
الأخت الكريمة سمارت_أنا
أشكر لك مشاركتك
الأخ الكريم كبر وجدت حوارك ممتعا جدا ودروسك التي قدمتها عن الديموقراطية تنويرية .
الأخ الكريم العوض المسلمي
شكر ا للمتابعة .
الأخت الكريمة الدكتورة سناء
أتفق معك على ضرورة ترك الدوافع والنوايا جانبا ومناقشة المطروح .
بالنسبة لموضوع اللقب فقد شرحته أكثر من مرة وله صلة بجامعة الخرطوم .
الكلام الذي جلبته هو للأستاذة د. فوز بنت عبد اللطيف كامل كردي أستاذة
العقيدة والمذاهب المعاصرة في جامعة الملك عبد العزيز بجدة .
وهي معدّة ومشرفة على موقع الفكر العقدي الوافد ومنهجية التعامل معه على الإنترنت.
وقد تعلمت من هذه الدكتورة الكثير من طرائق التفكير النقدي والتحليل المنهجي .
http://drfouz.com/?p=161
| |
|
|
|
|
|
|
|
|
|
Re: ما هو المعيار ؟ (Re: محمد عبد الماجد الصايم)
|
| Quote: وأين كانت ضرورة الضوابط والمحددات التي تنظم وتشذب عندما كنت تسأل وتتفنن في الإسئلة عن التمتع بالأماء وشري الجواري ؟! ولربما فيها إثارة أكثر من بوست البصل والكدايس. |
وقام رماها رَّب
| |
|
|
|
|
|
|
| |
داليا الكباشى
محمد عبد الماجد الصايم
تيسير عووضة
tmbis
خدر
اساسي
احمد التجانى احمد
Mohamed E. Seliaman
Hussein Mallasi
مريم بنت الحسين
محمد عادل
داليا حافظ
ALZOLZATOO
osama fadlalla
قيقراوي
عبدالكريم الامين احمد
ABUHUSSEIN
Kabar
أمين محمد سليمان
تبارك شيخ الدين جبريل
كمال عباس
smart_ana2001
محمد البشرى الخضر
عمر صديق
بدر الدين اسحاق احمد
محمد على طه الملك
HAIDER ALZAIN
هاشم الحسن
سارة علي
البدري عبد الله
Rihab Khalifa
العوض المسلمي
emad altaib
فيس بوك
تويتر
انستقرام
يوتيوب
بنتيريست