|
شمس الدين احمد الفكي...خريج معامل 1982...اكيد قضينا اجمل ايام العمر في المعهد... (Re: Siddig A. Omer)
|
الاخ شمس الدين احمد الفكي
وصلنى الايميل ادناه من الاخ شمس الدين،، له كل الشكر و الحب و التقدير و ذاد هذأ الثؤثيق القاً و رحب و اعطانى دفعة من الحماس لاواصل فشكراً له و لكل ابناء و بنات دفعته الذين لا بد يزورون هذأ الثؤثيق متمنياً لهم دوام التواصل و التوفيق...
صديق ___________________________________________________________________________________________________________________________
لك التحية الاخ صديق ...وشكرا على صبرك ومثابرتك.....أنا شمس الدين احمد الفكي...خريج معامل 1982...اكيد قضينا اجمل ايام العمر في المعهد...دفعتنا كانت كوكتيل جميل...سكنت بداخلية الشهداء – ام درمان ثم الحلة الجديدة – غرفة 2 - حاليا أعمل بالرياض – السعودية- مستشفى الملك فيصل التخصصي.. ..هنا في الرياض يوجد مجموعة كبيرة من خريجي المعهد..كل الكليات ..نتواصل مع الكثير منهم....دفعتنا في المعامل
محي الدين سليمان محي الدين – يعمل بكلية الطب جامعة الخرطوم
د. وفاء صالح - تعمل بجامعة الخرطوم
نادية حسن خاطر(كسلا) – جامعة السودان
لطفي الطيب احمد ( الدمام – مصنع تايد)
نوال بشرى – متزوجة من لطفي
المرحوم بدوي ابراهيم التوم-شبشة
المرحوم الطيب الصادق – شبشة
المرحوم النجومي العطايا – الطالباب
المرحوم بشير صادق المهدي- ام درمان
نادية احمد (شندي)
درية عمر الطيب – حلة عباس
امال الزاكي- بورتسودان
قسمة عبد الرحمن – بورتسودان
سامية ابراهيم – المعمل الطبي – جامعة الجزيرة
نجاة بكري – المعمل الطبي – جا معة الجزيرة
اسماعيل المدني – ود الحداد -الدومة
السماني حسن – الجزيرة
الفاتح محمد ابراهيم – قنب –أين هو؟
عوض شاطر – جامعة السودان
بابكر حسين – حجر العسل
نهى عابدين – دبي
ماريا سيد احمد –عطبرة - اين هي ؟؟
عبد العظيم شيخ ادريس – واوستي
محمد عثمان شاهين –ام درمان - اين هو؟؟
امال خلف الله – عطبرة
ايمان عثمان خوجلي – شمبات
جليلة ابراهيم – شمبات
للأسف فقدنا الإتصال بالكثير منهم...نتمنى أن يكون هذا البوست فرصة لتواصل جديد مع أناس شكلوا جزء غير يسير من الزمن الجميل....سأواصل بأذن الله
لك الشكر ونامل من الجميع التواصل
+966504102875
[B][email protected]
| |
|
|
|
|
|
|
شلة الانس....سوف أحكى عنها (Re: Siddig A. Omer)
|
شلة الانس....سوف أحكى عنها
حكى لى احدهم و ولن اذكر اسماءهم حتى ازيد من شوقهم لمعرفة اى واحد منهم ذكر لى هذه الواقعة و التى حدثت قبل عدة ايام "بمبانى مطاحن سيغا" بالخرطوم بحرى:
مبارك شمبول يطالع سودانيزونلاين وهذأ البوست الذى اعمل به وحدى وهو يتطلع الى صورة عارف نجم الدين فى العام 1087 فى بورتسودان والتى ظهر فيها كمن انُكر عليه الاكل و حتى خالى من لحم الدنيا و يتحسر و يقول لنفسه " بالله عليك دها عارف مديرنا؟؟؟؟"....طبعاً عارف هو مدير المجموعة المالية و التى يعمل بها مبارك شمبول...ولطفى...وشلة من خريجى معهد الكليات و هو مديرهم.... وكان صديقى الذى حكى الى هذأ الحدث يقف بجانبهم عندما صاح به لطفى "أبودقن"...."يا مبارك عليك الله اقفل الانترنت دها قبل ما عارف اشوفك و انت بتشوف فى صورتو زمان يقوم اقطع عيشنا ,,,وارفدنا" هاهاهاهاهاهاهاهاهاه
و الله شلة الانس صحيح........
صديق - المجنون
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
Re: شلة الانس....سوف أحكى عنها(2)
و الله "حرقتنى" الا أن اعيد نشر الصورة "للمقارنة"......شمبول ما عليك و الله القى ليك أحسن شغل فى قطر...ما عليك.
عارف زمان و هسع:
عارف و محمد الامين شرف الدين بمكتب عارف العام ديسمبر 2008
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
مش قلت ليكم الجاى اجمل و اروع و الله الا اخليكم تحولوأ القروش البنرسله بالعكس من السودان عشان ما انزل صوركم و انتوأ بتلعبوأ الكورة فى داخلية "الحلة الجديدة"... وجائيييييكم بالمثير.....
و الله ما تشاركونى بالصور الجميلة الا اعملها....واحد بسروال وواحد " بردأ" وواحد بالجلابية...وواح بلعب بالعراقى.... وهلم جر....يا منجيييقا....
صديق - منجييقا
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
النصرى أمين النصرى
ما سوف اورده هنا حصلتها عليه من مكتية النصرى أمين النصرى بسودانيزونلاين وس وف اوردها بمداخلاته من بعض المعهديون كما هو:
الصفحة الاولى بتاريخ: 2005.1.14
فالى التؤثيق:
كتب النصرى أمين:
قبل جلوسى لامتحان الشهاده الثانويه كنت اردد كلمات الشاعر التجانى يوسف بشير "هو معهدى وان ابيت ......(لا ازكر بقيه البيت) و المقصود هو المعهد الفنى و ليس المهد العلمى ... الفرق بينهما ان الاول هو معهد الكليات التكنلوجيه او Khartoum Polytechnic .... كتبت كليات الدراسات التجاريه رغبه اولى... كانت الرغبه الثانيه كليه الدراسات التجاريه بكليه الدراسات الاضافيه(دراسه مسائيه).. الرغبه الثالثه كليه القانون جامعة الخرطوم.... و لتحقيق تلك الرغبه العجيبه للدراسه فى المعهد قمت باختيار مواد معينه للشهاده السودانيه تقودنى مباشره للمعهد... فالاضافه للمواد الاساسيه من عربى و دين و حساب قمت باختيار كيمياء و جغرافيا و احياء... وفعلا تحقق الحلم و تم قبولى فى المعهد بكلية الدراسات الاضافيه...
اربع سنين من اجمل سنوات حياتى..... نلت بعدها بكالريوس فى محاسبة التكاليف.....
لاذلت ازكر اساتذه اجلاء اكن لهم كل احترام وتقدير احمد صديق, النقر,لويس,ابراهيم,بشير,عبدالعظيم,الازهرى وغيرهم كنا احداعشر عند التخرج اسماعيل,مصطفى,الطاهر,بخارى,محمدحسن,بونام,ساره,خلف الله,محمدمحمود وابراهيم(فك الله اسره) اين هم الان؟... فقدت الاتصال بمعظمهم و لااعرف شيئا عنهم!!
قضينا ايام جميله... فى امبده..و السيركل... حفلات شرحبيل .. ناس الفنون و جنونهم... مدير المعهد و اهتمامه المبالغ بالتشجير و الزهور.. ناس البيتيك و قرايتم الحاره... ايام ....ايام
لسوء الحظ تم تغيير الاسم الى جامعة السودان للعلوم و التكنلوجيه نواصل
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و تداخل معه الاديب الشاعر الاخ نصار الحاج: بتاريخ: 2005.1.14
يا سلام عليك يا النصريوانت تعيدني لذلك البهاء وتلك الأماكن حيث تخرجت من ذات المكان بكالريوس كلية الدراسات التجارية - صباح تصور : نحن آخر دفعة تخرجت باسم معهد الكليات التكنولوجية وما زال هو الاسم المحبب جداً لنفسي وانا مثلك تماماً أحببت المعهد قبل دخوله وكانت معارض كلية الفنون التشكيلية من العلامات التي عرفتني به اولا وثانيا كان " شريف الناير " صديق وزميل شقيقي الأكبر في المرحلة المتوسطة والثانوية يدرس به في سنته الاولى ويحضر لنا بالمنزل ومن خلاله تعرفت أكثر على كلية الدراسات التجارية، خاصة واني كنت بالمدارس التجارية الثانوية وفي ذلك الوقت كنت في انتظار ظهور نتائج الشهادة السودانية بعد ان امتحنت من مدرسة كوستي التجارية الثانوية وبالفعل كان رغبتي الأولى وحظيت بدخوله وكما أشرت كانت من اجمل سنوات الدراسة كنا 29 في قسم المحاسبة المالية و 7 في محاسبة التكاليف . ولك الود والمحبة . وتلويحة وتحية لكل الزملاء والاصدقاء .
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و تداخل معهم الاخ أبوالريش (محمـد عثمـان سـليمـان على) بتاريخ 2005.
وكتب:
الأخ الفاضل النصـرى..
ياخى ماقلت لينـا الكلام دا كان سنـة كم؟
لكن ولا يهمك، فعبارة "و المقصود هو المعهد الفنى" تعنى الكثيـر وبالمناسبـة ترجمتهـا كانت KTI وليس plytechnic
المهـم أنا زاتى درست فى كليـة الدراسـات الإضافيـة.. وكمان محاسبـة تكاليف أيـه رأيك؟
بس ما كنت تبـع المعهـد، ولكن فى قســم الإعـداد لإمتحانات ULCI (Union of Lanchshire and Cheshire Institutes) وأخذت مادة الـ Industrial Costing
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
ورد عليهم النصرى أمين....المرتــــــاح:
الاخ العزيز نصار
تحيه طيبه
اولا تقبل تحيات حبيبنا جلال محمد حسين الذى تفرزنت اطرافه من البرد. صدقنى كنت استمتع بكل يوم اقضيه هناك , وقد ساعدنى ذلك فى صناعه قائمه مهوله من الاصدقاء من دفعات الصباح والمساء. قمت بتصوير حفل استقبال دفعتكم 1985(من المساء) فى شريط فيديو لا زلت احتفظ به و ساقوم بنقل لقطات منه هنا انشالله .
علمت من جلال ان عدد كبير من خريجى الثمانينات يعملون فى الخليح, ارجو ان تبلغهم سلامى (ناس مجيغه وترارى و محمدالامين وكاواسماعيل و الباقين بدون فرز.
تحياتى و اكيد حنلتقى تانى(بس اوع من الشعر) النصرى
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
ورد عليهو مامون أحمد ______________________________________________
لمن جينا كانت البيرسري 8 جنيهات
اها زادوها لـ 16 جنيه وكان ميز الsts
وميز المقرن..والجنوبي..ومعمل الخرسانه..وقاعات التجارة وبنات السكرتاريا وكلاب الحراس وسنما غرب..وبار الخرطوم الجديدة
كده كيف؟ __________________________________________
مامون ياخى انت مازولنا زاتك....انت وين
صديق
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
ثم تداخل معهم الاخ بشرى الطيب... وشكلو كان بتاع سياسة و انتخابات _________________________________________________________________________
عدت في مساء يوم من كلية الدراسات الزراعية- شمبات معهد شمبات الزراعي سابقاوطلابها يستعدون لخوض إنتخابات إتحاد طلاب جامعة السودان غدا الاحد 16/1 نتمني أن يكون النصر حليف القوي الوطنية والديمقراطية ممثلة في قائمة التحالف الوطني الطلابي ,وسوف أعود لبعض الذكريات هناك
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
ورد عليه النصرى: __________________________________
Quote: وقاعات التجارة\وبنات السكرتاريا |
طبعا زهور احمد الامين عبدالرحمن و بنات السكرتاريه كانو الحاجه الوحيده الجميله وسط وجوه عابسه كالحه مهمومه بامتحانات شبه اسبوعيه ومقرر دراسى تنوء منحمله الجبال.
ازكر و نحن فى الصف الثانى وعند امتحان الفتره ان الاستاذ المراجع الازهرى وكان يدرسنا محاسبه ماليه ... احضر احدى الاسئله من امتحانات الزماله البريطانيه...و كان تفسيره انه علينا من الان التحضير للحصول على الزماله.
ايام..
غايتو يا مامون الفيك اتعرفت
انحنا ناس المساء ما كان عندنا بيرسرى لكن ازكر كنت بجى المعهد فى سنه تانيه وشال معاى جنيهين...كنت بشترى عصير لخمسه انفار و شاى و ابحبح و اركب مواصلات و ارجع بالباقى
ايام
شكرا يامامون على المرور
النصرى
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و رد عليه مامون أحمد __________________________________
اخوي النصري
والله كنا بنشفق علي اصحابنا ناس التجاره من كترة فرايتم والديسمس الطوالي شغال لكن نحنا ناس الفنون لا عندنا قراية ولا يحزنون بنصحى الساعة تسعة وتمشي تفتش الاستاذ وين توريه العملتو في سهرة امس ويديك شغل تجيبو بعد تلاته يوم اها تحوم وتحوم..بس تشتغل بطريقتك والساعة ستة ندور المزازيك في النجيلة وهاك يا لمة بنات الفرع[/B]..فريع البان ميز المقرن كل جمعه ضبيحةالرحلات.. وكل يوم مكان والبيرسري بعد حق الميز ماتعرف تودي الباقي وين غايتو السعادة مابتدوم
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
ورديت علي مامون الآن ___________________________
يا مامون ما انتو لو ما كنتوأ قاعدين معنا برسمكم الجميل و فنكم الاصيل كنا إدسمسنـــا زمــــــان....لولا كلية الفنون لفقد المعهد القه و حبه و حنينته فلقد كنتم جزءاً اصيل من الجمال الذى شجعنا أن نكون ما نحنا عليه الان، بل ما نحمله من الفة و حبنا لبعضنا البعض و لا أنسى كيف تكون جلاسات النجيلة و مصطفى سيد أحمد و هو يحمل عوده و يدندن فى نجيلة كلية الفنون عندما يضيق الحال به وبنا و بالوطن الكبير....لا انسى القامة...و الهامة التى تعلمنا منها الكثير البروفيسر رباح والبروفيسر أحمد الطيب زين العابدين و لا انسى الاخ سيد أملس فى قتاله العنيف من اجل الحرية و الديمقراطية فى السودان و لا أنسى الانسان الودود سيد بركة و المرضى "ودابليس" و لا انسى على الامين ..,.. و لو عددتهم هنا لصرت اكتب عن كلية الفنون و الزرع العظيم الذى غرزته فينا لحب الجمال و اللون وضربة الفرشة و تصفية الروح من عناء التعب فى التحصيل حتى نكون نحنا الآن...كما نحن......
صديق - الدوحة
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و رد من الاخ إسماعيل حميم .....أنتو الناس ديل "اتلحسوأ" و لا شنو....مشوأ وين؟؟؟ _________________________________________ أخي الحبيب النصري
لامفر لك من الذكريات الندية .... ترياق الروح، بغيابك وبعدك عن عزة - بمشيئته تعالي - لسنين عددا !!! ليس لنا إلا سؤاله لك بالعود الأحمد الذي قد يُتيح لك تلمس أطياف الذكريات وعلَك تجدها باقية محسوسه وإن أكل عليها الدهر.
المعهد الفني معهد الكليات التكنولجيا جامعة السودان
ذلك الصرح الضخم الذي لا يخفي دوره في التعليم العالي في السودان، هو مرحلة هامة جداً في نظام التعليم العالي الفني وله أثر كبير في منظومة العمل والتنمية، نحتاجه اليوم أكثر في السودان ولكن بشكله القديم ....... لكِ ولنا الله ياااااااا عـــــزة.
وانا في لمرحلة الثانوية كان يدفعني شقيقي الاكبر – الذي يدرس بجامعة أثينا/اليونان - دفعاً إتجاه معهد الكليات التكنلوجيا حتي أحببتة، ولكن شاء الله لي الدراسة بجمهورية مصر العربية، ومازل قلبي متعلق به إلي أن شفي الله غليلي - وأنا موظف في بدايةمرحل العمل - بـ دبلوم محاسبة في كلية الدراسات الإضافية 88 – 1990 كان له عظيم الأثر في حياتي العملية. إنها جد لذكريات جميلة امتعك الله بها يا حبيب!!!! ونواصل!!!!!!!!!!
إسماعيل حميم
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و رد عليهمالاخ عبد الباقي الجيلي _________________________________________ النصري أمين يا سينيرنا
تحياتي نديات نداوة زهور قاعات أمبدة
وطريات طراوة بنات السكرتارية والكورسات
وحميمات حميمية جلسات البنشات حول السيركل
حتماً سيكون هذا البوست متنفساً لنا نلجه كلما تملكتنا سخافة هجير نجد والخليج وكلما
تملككم صقيع كندا ..
تحياتي لأسرتكم الكريمة ..
وتقبل تحيات الأخ محمد محمود علي أمين (محمد نقة)
وتليفونه ..
00966502855042 جوال
أو تليفون مكتب
009661275275 التحويلة 2900 حيث سترد عليك سكرتيرته الفليبينية الحسناء !!
ونواصل ________________________________
تخريمةمنى:
Quote: النصري أمين يا سينيرنا
|
ياخى قول "يا جدنا" يا "حبوبتنا"...أى حاجة....
Quote: تحياتي نديات نداوة زهور قاعات أمبدة
وطريات طراوة بنات السكرتارية والكورسات
وحميمات حميمية جلسات البنشات حول السيركل
|
عبدالباقى أخوى ....... والله دها "بكى" اثيرى...الله أكون فى عونك.....
و عنا ياخى....ليه تعمل كدها و نحنا نسينا زمــــــان....يا له من زمان....
أهههههههههههههههههه.....ذكرتنى البينشـــــات......يالله....يا حليل خلطة البينشات
[U]تخريمة تانية:
قلنا نشاركك "البكى"
صديق - البعيد
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و رد عليه الاخ عمر الفاروق شيخ الدين و الظاهر عليهو "برضو" كان بكاى ذى أخونا عبدالباقى الجيلى:
____________________________________________________________________________________
الأخ النصري :
بعد التحية ..بعض البوستات قد يكون الغرض منها بعض الخصوصية وامكن كمان مشاركة بعض الناس فيها بعينهم ولكن وجدتني مجبرا للتسلل لداخل البوست لانك تتكلم عن الاب الشرعي لجامعة السودان للعلوم والتكنولوجيا (معهد الكليات)..ولاننا الجيل الحديث لتلك الجامعة المفخرة .. احكي وقول لينا يا عمنا النصري عن الزمن القديم ونحن بنحكي ليك عن الزمن الجديد ليها ونقارن .. غايتو البينشات زادت شدييييييييييييييييييييييييد ...
بجيك انشاء الله
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و رد عليهم الاخ ايهاب الطيب ____________________________________________
الاستاذ النصري.. والاخوة الاعزاء:
معهد الكليات التكنولوجية صرح علمي.. و منارة سامقة في بلادي..
كان لي شرف التخرج من كلية هندسة المعمار تحت مسمي جامعة السودان للعلوم والتكنولوجياعام 1999.. ومهما اختلفت الاسماء اوتعاقبت عليه فسيظل منارة اشعاع في شتي ضروب المعرفه
لك التحية.. ولكل من تخرج من تلك البقعة...
ولنجعل هذا البوست واحة يتكئ عليها خريجي المعهد,,,,
وحتما لي عودة ,,,
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و ظهر مجدى الشبندر.......بالمناسبة مجدى بدء معاى البوست و مما "عرس" تانى ما شوفتو....مجدى "أوع" تكوت مت!!!! وينك ياخى.......تحياتى لمريم و الاسرة
_________________
الاستاذ النصري
لم يبق شئ سوي الذاكرة وللذاكرة ظل حالة لا ظل الا ظلها تشكل منا يسقط فينا ظل منا والينا ننعم فية بين الفينة والفينة
لك الشكر وانت تستفز الذاكرة وتصيبها بنزيف عال .معهد الكليات التكنولوجية تاريخ ومكان لهم اثر كبير في قطار ذاكرتي محطة مقدسة الئ اقف عندها كثيرا لاتزود منها .تلك البوابة التي تستقبلك برحابة بعض بائعات التسالي والفول المدمس تجدهم حول الباب وعندما نمر بهم يقدمون اليك او بالاحري نتناول شيئا من بضاعتهم بإستئذان خفيف .ندخل الباب وامامك مكاتب الجمعيات الاكاديمية تلك التي تشهد حوارا ممتعا بين الطلاب اثناء فترة الراحة لها مني تقدير خاص .عم مصطفي ربنا يرحمه بائع وصانع جيد للشاي يمارس الكرم الحاتمي عندما تقول لة الحساب بكرة يا عم مصطفي .نمر بتلك الشجيرات التي تشهد اركان النقاش ذلك الحوار الجيد بين مختلف التنظيمات حتي الكيزان .منها نتوجة الي الكافتريات .عم سيد واخرون .السيركل كلية الفنون .الاس تي اس .نجيلة المسرح .معارض الفنون .دار الاتحاد .حاجة زهرة بائعة الشاي .الكنيسة .انور .هباني كلها معالم ضخمة في ذاكرتي .
مجدي شبندر __________________________________________
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
النصرى أمين "برد" فى كندأ و زاغ من البوست و خلاؤهو للشباب و كتب الاتئ: ______________________________________________________________________________________
يا ســــــــــــلام عليكم سعيد برؤيتكم هنا فى السيركل
اها من حسى نتفق ..البوست دى ما حقى.... وبرفع يدى منه.... البوست ده... حقنا كلنا .... كل خريجى المعهد... فرصه للتلاقى ....و الزكريات وبحث عن اصدقاء دراسه طال غيابهم...
النصرى
| |
|
|
|
|
|
|
Re: شلة الانس....سوف أحكى عنها (Re: Siddig A. Omer)
|
و انا زاتى "زائغ" و بجيكم صادى لما أنتهى من فرز صور "المنجييغا" _______________________________________________________________________________
مشكور (عمنا) النصري .. طبعا زمان بنقول ليك اخونا لكن بعد طلعتوا انتو ناس (معهد الكليات) ونحن ناس (جامعة السودان) ملاحقة الكتوف بقت صعبة شوية ... المتأكد منو يا نصري انو معهد ولا جامعة السودان هي من انظف بل الانظف علي الاطلاق في جميع مباني جمهورية السودان تجد العاملين من الساعة 4 صباحا داخل حرم الجامعة واتحدي من يقول انه يجد ورقة او قمامة ملقاة في الارض ..احلي تنسيق هو بالمعهد او الجامعة ..حدائق زهور محلاة بنحت طلاب كلية الفنون .. اي برلوم يدخل الجامعة لازم يتبرلم بي انو اذا ماشي امبدة لازم يركب من السوق العربي عشان يلحق المحاضرة لانو امبدة بعيدة ..وامبدة الي الان هي ملاز العاشقين سرا لانها بعيدة وماف زول بيجيب خبرك ..امبدة الان اخي النصري زاحمكم فيها ناس القبول الخاص واصبحت حكرا لي كلية المختبرات الطبية بينما يتنقل ناس الدراسات التجارية ما بين امبدة و كلية الدراسات الاضافية ( مدرسة المقرن الثانوية سابقا)... الازهري يطلب من الطلاب ان يكتبو حل الامتحان باللغة الانجليزية ... علي بيزنس لا تزال لهجته مصرية (التلاقة للتلاجة ..) كافتريا كرور(ما عارف كنتو بتسموها شنو انتو؟) لسة فيها ملاح المشكل لقمة تجيك بطاطس ولقمة مكرونة ولقمة فاصوليا ... كافتريا عمال الان هي ملتقي الحناكيش من بيرقر ولي فوق .. كفتيريا المقصورات (في ركن الجتمعة الجنوبي الشرقي) اصبحت ملتقي الكيزان والبيحوم بي هناك زول شبهة ..ويقال انها اصبحت معتقل طلابي ... المسارح ااااااااااااااااااااه علي المسارح اصبحت نايمة نوم اهل الكهف اخر حفلات اتعملت فيها بي ابو عركي وشرحبيل وسنة 94 وبعدها استلم الكيزان الاتحاد ولغوا الحفلات بي قرار جمهوري لكن رجعت في 2003 مع بداية السلام لكن بي فنانين الزمن ده بكري المغربي فرفور ووووو.. البوابات تم فصلها البوابة الرئيسية مدخل للبنات فقط ..البوابات الصغيرة للاولاد .. البينشات تم فصلها في زمن الهوس الكيزاني بينش للبنات وبينش للاولاد ... بعض الاساتذة يفصل الاولاد عن البنات في القاعة الاولاد يمين والبنات شمال ..
بجيك تاني انشاء الله وللتعريب ده قضية كبييييييييرة
عمر الفاروق شيخ الدين
| |
|
|
|
|
|
|
عفراء أحمد عابدين (Re: Siddig A. Omer)
|
وصلتنى الرسالة ادناه من الاخت عفراء أحمد عابدين (أو عفراء سند كما نعرفها)، احد جيل العمالقة من الزمن الجميل، نعم مرحب بجيل العمالقة من الزمن الجميل، عفراء تخرجت من كلية الدراسات التجارية بالدراسات الاضافية نعم كانت دفعت جيل العمالقة عمر الباقر، على التلب، أحمد محمود، أمين يوسف عمر، سهير سعد، أسامة الخواض و كثيرون سوف ذكرهم بالتفصيل
اترجمها بالعربية
الاخ صديق
اسمى عفراء أحمد عابدين من خريجى 1992 بالرغم من أن زملاء دراستى من العام 1986 هم عمر الباقر رحاب أحمد، على التلب، أسامة الخواض، سهير سعد، و الزملاء عند التخرج، بالرغم من اننى تخرجت وانا كنت اعمل فى البنك و انا اكبر منهم بكثير، المعز الشايب، نهى السنى. أنا فى الولايات المتحدة وقد تخرجت من جامعة جورج تاون و قد وفقت فى درجتين من الماجيستر و اعمل فى احد اكبر 100 شركة فى الولايات المتحدة، و أنا ادين بكل ذلك الى معهد الكليات التكنولوجية و فخورة جداً بنفسى كأحد خريجى ذلكم الصرح العملاق.
وصية لك أخى صديق بأن تستمر فى هذأ العمل و بنفس الروح الطيبة واتمنى أن تتحدث أكثر عن نجاحاتنا فى الحياة و كيف جعلنا ذلك الصرح العملاق نفخر بانفسنا و به.
رجاءاً المساعدة فى الحصول على رقم المعز الشايب
عفراء سند الولايات المتحدة فرجينيا موبايل: (703)678-6718
-----Original Message----- From: Afraa Sanad [mailto:[email protected]] Sent: 18 November 2008 18:04 To: [email protected] Subject: Khartoum Polytechnic
Hi Siddiq My name is Afraa Ahmed Abdin, I am a graduate of 1992, although my peers are 1986, Omar Albaqir, Rihab Ahmed Ali Altilib, Osama Alkhawad, Suhair Saad and all the great people, my peers when I graduated and to some extend my friends"I was a lot older than them and I was a bank employee" are Almoiz Shayb and Nuha Alsunni, I am in USA now graduated from Georgetown University have two master degrees and working in one of the best 100 companies in the United States, I owe it all to Khartoum Polytechnic, so proud of my self and my institute, keep your spirit up and talk more about our great achievements in life and how being a part of that place make us all proud.
PS: I need Almoiz contact info. Afraa Sanad USA Virginia (703)678-6718
| |
|
|
|
|
|
|
أيمن أحمد ابراهيم (Re: Siddig A. Omer)
|
أيمن أحمد ابراهيم
وصلنى الايميل ادناه من الاخ أيمن و انا شار له كثيراً مروره و محتاج لصور ناس دفعتك و أكيد عندك من الذكريات التى اتمنى أنا اشاركه معك هنا.
شكراً لك أيمن و لنا عودة اكيد....
_________________________________________________
الاخ صديق
دلنى الاخ مبارك شمبول على هذا البوست قبل يومين وفوجئت حقيقه بوجوده فانا احد\ القراء المداومين لسودانيزاونلاين
انا من جيل شهد العصر الذهبى لمعهد الكليات التكنلوجيه
اخر من درس بالانجليزى وشهد ال STS وجلس فى كافتريا العمال وشرب من شاى الاغبش وتناول العشاء فى الحله الجديده (الفسيخ والكوارع من تمبس)
اخر من تداول حكايات نفخو وطرائفه
وحاكى ابو الزهور فى طريقه كلامه
وتمتع بالصفر وجوارها سورى فى تستات عبدالفتاح
وحضر حفلات المكتبه القبطيه
وجكس فى الفرع
وخلط فى محل الشاى خلف قسم التصميم الصناعى
وحضر حفلات الاستقبال بوردى وود اللمين وشرحبيل ومصطفى وثنائى العاصمه ورقص مع النقر حتى الصباح
ايامها كانت كل الدراسات التجاريه بسنينها الاربعه لا تتجاوز المائه طالب وطالبه
حضرنا رابطه معجبى كارمن بت هندسيه وكونا رابطه معجبى ماريانا شقيقتها فى تجاريه واقمنا سرادق العزاء عندما غادرتنا قبل ان
تكمل العام معظم المارين فى هذا البوست اعرفهم شكلا واسما
وبعضهم عرفتهم شكلا.
اعمل الان فى شركة سيقا مع عارف نجم الدين ومبارك ولطفى
اسعد ابراهيم (محى الدين) من اعز اصدقائى
ورثت عنهم الغرفه 8 فى الحله الجديده هو وعمار وعبدالمحسن ومحمد على وعمر بحر ونور الله ناصر
وقد كانت غرفه لها تاريخ
مكتوب على بابها (يوجد بالغرفه فنان)
وقد كان ذاك الفنان مجدى البشير الشبندر (الفنان الذى فرض نفسه)
ذكريات لن تمحى بسهوله
سأعود
ايمن احمد ابراهيم
ابمن تكاليف
ايمن البرلوم
ايمن القضارف
دفعه 89
خريج تكاليف
حصلت على زمالة التكاليف من لندن (قابلت هناك الاستاذ مبارك يس والمرحوم عبدالله سليمان )
ماجستير فى نظم المعلومات المحاسبيه _جامعه السودان
_____________________________________________
Aiman Ahmed Ibrahim
ٍSenior Managment Accountant
_________________________________________________________
Sayga Food Industries
P.O.Box 807 Khartoum-Sudan
Finance Department
Tel: 85 220 191
[email protected]
| |
|
|
|
|
|
|
أحمد محمد على (أحمد كوستى) (Re: Siddig A. Omer)
|
أحمد محمد على (أحمد كوستى)
أحمد أخوى و طوالى "ذهجان" من السودان و من "الحكومة"...يقينه بأن أى حكومة تمر بالسودان حكومة "فاسدة" لانها لا تنظر الى ابناءه..نظرة عطف و حنان كما تنظر الى مناظريها.... ويفتكر بأن السودان ما "حق" الحكومة بل "حق" ابنائه "جميعاً". أحمد أخوى انت قائل السودان دها المدينة الفاضلة بتاعت "افلاطون" ......
ذهبت ابحث عنه فى الFacebook فوجدت "صورته"....أحمد... وليس السودان......لكنى برضو سعيد.....على الاقل "عترت" عليه حياً...وعرفت... أنو أحمد ما ...مات من "الكمد" على السودان الكبير.....
تخرج معنا فى العام 1987 و عملنا فى ديوان الضرائب قبل أن نفترق....و لم اعتر عليه الا فى ال Facebook يا مان اذا متابع رسل ايميلك على ايميلى المائل......صديق منجييغا - القبيل....
| |
|
|
|
|
|
|
محمد مبارك (Re: Siddig A. Omer)
|
محمد مبارك...اتصل على اليوم الولايات المتحدة و هو من خريجى معهد الكليات التكنولوجية العام 1982 وكان قد قضى فترة طويلة فى السعودية ثم هاجر الى الولايات المتحدة قبل سنتان و قد تخرج فى كلية الدراسات التجارية - قسم المحاسبة.
اعطانى دفعة لكى أواصل فى كتابة هذا البوست.
على فكرة هذأ البوست ما زال فى بدايته و سوف اتئيكم قريباً بالكثير انشاء الله.
شكراً اخى محمد المبارك و لك كل احتراماتى و تقديرى و سوف اورد كل تفاصيل عنوانك عندما استلمها على الايميل..انشاء الله.
صديق
| |
|
|
|
|
|
|
ايمن أحمد ابراهيم (Re: Siddig A. Omer)
|
ايمن أحمد ابراهيم
وصلتنى الرسالة التالية من الاخ ايمن:
_________________________________________________________________________
الاخ صديق
زارنا اليوم بمطاحن سيقا الاخ مبارك ياسين ورأيت ان اشرككم فى هذه الصور
يظهر فى الصور
مبارك شمبول
مبارك ياسين
لطفى صالح العوض
محمد عباس فارس (خريج 95 تكاليف ) يجلس بينى وبين شمبول
وايمن أحمد ابراهيم (شخصى الضعيف بالقميص الازرق)
__________________________________________________________
و صور.........................هاكم ليها
مبارك اعمل حسابك....لطفى..."بفتشك"
انت يا لطفى ....مالك بقيت.."كدها"
أيمن يا زول يا جميل....شكراً كتير....لكن "مبارك" .."تعبان"
تكاليف مين و الناس "نائمين"
لطفى صالح العوض أبن أبى وأمى..ليك شوق "بحور"...جائييك...لعندك
مبارك البريطانى و لا "السودانى".....يانى "حميد القبيل"
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
Quote: محمد مبارك...اتصل على اليوم الولايات المتحدة و هو من خريجى معهد الكليات التكنولوجية العام 1982 وكان قد قضى فترة طويلة فى السعودية ثم هاجر الى الولايات المتحدة قبل سنتان و قد تخرج فى كلية الدراسات التجارية - قسم المحاسبة.
اعطانى دفعة لكى أواصل فى كتابة هذا البوست.
على فكرة هذأ البوست ما زال فى بدايته و سوف اتئيكم قريباً بالكثير انشاء الله.
شكراً اخى محمد المبارك و لك كل احتراماتى و تقديرى و سوف اورد كل تفاصيل عنوانك عندما استلمها على الايميل..انشاء الله.
صديق |
يا ود المبارك وينك ياأخى ،، بالله مشيت طلعت بأمريكا ،، والله سألين منك كثيراَ هنا وعلمت فقط من هذه المداخلة بأنك هنالك فى بلاد العم سام ،، يا أخى والله أعتقد جاذماَ بأن عصرنا فى المعهد هو العصر الذهبى بدون أى جدال ،، شوية ناس فى التجارة وشويتين فى الهندسة ومتفرقات فى الفنون والسكرتاريا والمساحة والمعامل والنسيج ،، نعرف بعضنا بعضاَ كما ألإخوان فى منزل واحد ،، نحب بعضنا مثل الإخوان وبعضٍ من الحب الآخر الذى ينتهى بالزواج ( على غرار البيع المنتهى بالتمليك ) أو تذكر الراسى والعقيد عبدالله زينكو والمرحوم الدرديرى وقُندر والإخوات العزيزات وداد وآمنة وإخلاص وإخلاص وعايدة وحسونة وسكينة وسكينة وفاطمة ووووووووووووو ،، ياسلام أبهة والله .
هنالك من ذكر شيئاَ عن البيرسرى فى المداخلات السابقة ،، يا أخى والله كنا نحن بنصرف على أهلنا وليس العكس ،، ده طبعاَ بعد أن كنا نزور الأطلس والليدو والحلة والقرشى ووووووووووووو ،، يا أخى يا شقى والله مشتاقون شديد ،، من الهيصة دى كلها لقيت واحد قريب جداَ مننا وهو الأخ هبانى ولكنه للأسف توقف عن الكتابة ولا أعلم إن كان متعمداَ أم موقوفاَ ،، المهم بالله لو لقيت فرقة أدينا سلك ،، تلفونى معاك وسبق أن أتصلت بى مليون مرة قبل أن تهج إلى هنالك
شاكرون لصاحب البوست والتحية لجميع المتداخلين ،،،
ماهر محمد صالح
| |
|
|
|
|
|
|
Re: الى خريجى معهد الكليات التكنولوجية.......أجمعوا هنــــــا..... (Re: Siddig A. Omer)
|
محمد المهل والدكتور الشاعر مبارك بشير و شخصى و بيننا صداقات مشتركة...وكأن فخرنا أنا و المهل لقاء د. مبارك وتناقشنا فى الهم الكبير....كيف نلتقى فى سودان واحد موحد...ونعود كما كنا....
د. مبارك شاعر "عرس الفداء"...و "عيوناتك"...و "يانسمة يا جاية من الوطن"......و....و..... لكنه يهوى..الهدوء...نحن....
كان معنا...عطراً فواح...جمل احساسينا....المضطربة......بى آلم الفراق.......
| |
|
|
|
|
|
|
|