|
|
 السودانيون في مسقط .. منهم.. وإليهم (صور)
|
سلام جاكم يا أهلنا في سودانيز أون لاين.
يسرني أن أعلن عن افتتاح هذا البوست بلإشتراك مع صديقي الحبيب حيدر أمين.
سيكون البوست مخصصالأخبار وأنشطة جاليتنا السودانية بمسقط داحل ناديهاالعتيد وخارجه.
وأدعو جميع أخواني بورداب مسقط لإثرائه بوصفهم شركاء أصليين فيه. كما أرحب
بمساهمات غير البورداب من سلطنة عمان واعتبرهم شركاء بالوكالة حيث يمكنهم المساهمه
عبرالايميل، ونتعهد بنشرها أولا بأول.
يهدف البوسط إلى توثيق رابطتنا الأخوية والإنسانية، وتوثيق عرى الألفة والمودة فيما
بيننا في سلطنة عمان من جهة، وبين جميع مواطنينا السودانيين في شتى أنحاء المعمورة
من جهةأخرى، ولذلك أخترنا له العنوان أعلاه.
|
|
 
|
|
|
|
|
|
|
|
Re: السودانيون في مسقط .. منهم.. وإليهم (صور) (Re: حيدر امين)
|
أستاذنا الجليل مربي الأجيال محمد أحمد الخضر (ود الخدر)،
عهدناك قائدا المبادرات الإعلامية وسط مجتمع الجالية السودانية بالسلطنة وكانت البداية ،
إن لم تخذلني الذاكرة الخؤون ، نشرات صغيرة توزع على الأفراد لحظة التوافد إلى دار النادي
وتطورت إلى مجلة (الدعاش ) التي كانت مرآة حقيقية لنشاطات الجالية بعمان الجميلة وأخبار
مجتمع الجالية ، هنا أذكر مساهمات عزيزنا الأستاذ محمد سعيد شلي الله يطراهو بالخير، وكانت عملا
يتلقفه الجميع ويضيف إلى مساءات النادي الخضراء حتى كادت الدعاش أن تدخل السوق الرمادية.
أحييك يا سيدي وأنت تواكب التطور التقني فتنشر دعاشك عبر الشبكة إلى سيدني وتندلتي وميسيساقا
والكلاكله وكاليفورنيا وكتم وكلكتا والنهود فتصل الأهل والصحاب بعضهم ببعض وتجمع بالأسافير
ما فرقته Gulfair وأخواتها. أتمنى على المولى أن يمكننا من مشاركتك نسج الود والتواصل
على نول صنعه الخاطر قبل الأنامل ، ولأعضاء المنبر نغني مع مارسيل خليفة شدو الهمة الهمة قوية
يا بحرية هيلا هيلا.
محبتي.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: اسامة الكاشف)
|
حبيبنا وأستاذنا ود الخضر ...
عشان الناس خارج مسقط ما يحتجوا .. خليها { السودانيون في عُمان.. منهم.. وإليهم (صور)}
طبعاً واحد زي حالاتنا كدة .. لسة الذكريات بتدغدغه ... عشان كدة لو ركزتا لينا فيما يخص (الصور)، وبعد تعريفنا بالأجيال* الما حضرناها.. عايزين نشوف كمان قدامى المحاربين ونستعيد ذكرياتنا معاهم.
الله يجعلكم دايماً ملمومين.
_______
* كلمة أجيال هنا لا علاقة لها بالعوامل السنية، ولكن بمن عاصرناهم، ومن أتوا بعدنا ..... عشان شيقوق ما يعمل فيها صغير
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح شلبي)
|
الاستاذ محمد احمد الخضر والاستاذ حيدر أمين
بعد واجب التحيات والاحترامات
صباح اليوم دخلت علي بوست الاستاذ حيدر امين
وقلت ما دام البوست عن اهلنا في السلطنة لازم اشوفه وأعرف أخبار الأحباء
وكنت ارغب في ترشيح الاستاذين ود الخضر وشيقالو كان في الامكان الترشيح من خارج السلطنة
وطبعا اكتشفت ان الانتخابات اجريت وتم الفرز فنقول للجميع مبروك وتهانينا الحارة
مع امنياتنا بالعمل لهؤلاء المغتربين (المغلوبين علي امرهم).
ومبروك البوست وبالتوفيق ان شاء الله.
صباح اليوم سعدت بمحادثة هاتفية مع الأخ شيقا وتحدثنا طويلا عن الندوة التي اقمناها في الدوحة بعنوان " مفهوم العدالة الانتقالية تحث فيها الدكتور سليمان علي بلدو والاستاذ صالح محمود المحامي والدكتورة مريم الصادق المهدي.
لكم كل الود،،،
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: سيف الدولة كامل)
|
لا توجد صور يا عمو ولا الشغلانية اثارة اعلامية و؟
استاذنا حسن طه اطال الله في عمره سعدت صباح اليوم بمكالمة منه خلتني فرحان ومفرهد طيلة ساعات الدوام مش زيك يا ود الخدر معاى وبعييييييييد
ات قايلو سنجك اكان لاقاك كدا تخليهو واكان لاقاك ......... هييييييييييع تقص حلقومو
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: عماد الشبلي)
|
أستاذنا ود الخدر،
أرى أن تعليق شيقوق لايخلو من صحة وغرض في آن،
على أية حال بحثت في أرشيفي فوجدتك مع الرجل الخلوق الأخ السماني الوسيلة
أثناء زيارته الأخيرة لمسقط ، قلنا سيد البوست ، من تعوزه التصاوير so far،
يجب أن يكون أول من تزين صورته البوست عسى تأتينا الصور بعد (فتحة الخشم) دي ،
شايف د. خالد محمد نور يراقب من بعيد،
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
شكرا ليك استاذنا ود الخضر
عملت معلم علوم بمدرسة الابيض الاعدادية1986-1987
معلم احياء بمدرسة الامام الصلت بن مالك الثانويةبالمصنعة 1987-1997
معلم احياء بمدرسة الامام ناصر بن مرشد الثانوية بالرستاق 1997-2000
مشرف تربوي لمادة الاحياء بالتربية والتعليم بالرستاق 2000-2007
شاركت في تقديم درس علي الهواء بتلفزيون السلطنة2002-2005
شاركت في وضع امتحان الشهادة الثانوية في مادة الاحياء2002-2003و2003-2004
شاركت فس تقييم مناهج الاحياء للمرحلة الثانوية.
سيف الدولة كامل
نيويورك
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: سيف الدولة كامل)
|
الاخ سيف
Quote: دحين اخونا الامين يوسف فضل المرجي
زول دوبة زميل دراسة عندك اخباره |
ها زول ات جابك علينا بهناك شنو وكمان بقيت تعرف ناس فضل المرجى ودوبة
الراجل ده ابوه كان صاحبي ومعاى طوالي في مكتبي بتاع المحاماة بالدندر ويبدو الامين الان في المملكة السعودية
ات بتعرف ناس دوبة ولا دى خوة مدارس؟
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
| Quote: تصوير وتوثيق عصام نوح , ,,, ياربى الندوه الجاى عن شنو ,, الزاكى عبدالحميد و تفكير بصوت عالى |
حيدر العزيز:
ها هو حلمك قد تحقق بنجاحك في فتح هذا البوست..
ولكن!!
ولكن نجاحه أولاً وأخيراً يعتمد عليك
عارف ليه؟
لأنك صاحب الفكرة وصاحب الفكرة لازم يتعب وراها
عشان تنجح وإنت يا سيدي النجاح ما تفتشلو..
بس سن كميرتك وبطاريتها تكون دايماً مليانة
وشيقوق يكون بعيد عشان عينو حارة وكدا!
تحياتي
الزاكي
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الزاكى عبد الحميد)
|
الأساتذة الكرام / محمد أحمد الخضر
و أحمد أمين
و بورداب سلطنة عمان
أحييكم على هذا الاجتماع الطيب و الجهد التوثيقي المقدر
أتمنى لكم اجتماعا مرحوما و تفرقا معصوما و ألا يجعل بينكم
شقيا و لا محروما ، أحببت إزجاء التحية لكم ، و أرجو أن تبلغوا
سلامي لأخي و زميلي الدكتور أحمد القرشي عبد الرحمن و من معه
من المربين الأجلاء خاصة من كان بمدرسة خورطقت الثانوية .
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
لأرباب محمد المرتضى:
Quote: قلنا سيد البوست ، من تعوزه التصاوير so far،
يجب أن يكون أول من تزين صورته البوست عسى
تأتينا الصور بعد (فتحة الخشم) دي |
شكرا يا أرباب على اللقطة الما خمج،
أهو التصاوير بدت تترى يا ود شيقوق يا مسنوح.
سيف الدولة كامل:
Quote: المسنوح ود شيقوق فاكهة المنبر
يستاهل جائزة اظرف بوردابي, نحن اتقابلنا
لكن المسنوح مع الحبش نساني |
فاكهة المنبر ما في شك، بس يخلي جنو المصرم الركبو على كبر.
شيقوق:
| Quote: انت وبس امي ذاتها نسيتها يا مسنوح |
أها خم وصر يا سيف الدولة !!
سيف الدولة:
Quote: انا مولود في الخرطوم غرب شارع
الاسبتالية بين شارع الحرية وعلي
عبد اللطيف ان شاء الله وقع ليك |
يمين أفحمت زولك بضربة قاضية.
Quote: تحياتي للاحبة عبد الرحمن الشيخ
عمر عقيد,الشيخ جاد المولي
محمد الطيب السعيد,عصام نوح
مولانا اسامة شدو |
سأبلغ تحياتك إلى المذكورين، لكن مولانا أسامة انتهت إعارته وسافر إلى السودان
وعلمت أنه سيعود لمدة 3 شهور ريثما ينتهي أولاده من عامهم الدراسي.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
Quote: عشان تنجح وإنت يا سيدي النجاح ما تفتشلو..
بس سن كميرتك وبطاريتها تكون دايماً مليانة
وشيقوق يكون بعيد عشان عينو حارة وكدا!
|
وكمــــان كنّا نتوقــع ملخص ما للمحاضـــرة ... يشتمل علــى أحــدث ما وصــل إليه العلم فى التعامــل مع هذه المشكلــة.
هــذا الملخصّ يمكن الحصــول عليه إمّا من المحاضــر نفســه أو من مقــدم الندوة لصلته الوثيقة بموضــوعها.
أرى أن الأخ/ سيف الدولة كامل قـــد استن سنة حميدة بذكـــر ملخص لحياته المهنية بعمان ... فلنعتبرها ضربة البداية ولتبدأوا لنا
بسيرة الرواد فى السلطنة ومجالات عملهم لإعطاء مزيد من الحيوية للبوست لحين رفده بأخبار النشاطات الأخرى.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: أبوبكر أبوالقاسم)
|
| Quote: يا ريت أخونا الزاكي يكتب للقراء سطرين أو ثلاثة عن مضمون المحاضرة |
أهم ما في المحاضرة يا أستاذ ود الخدر
إن البلهارسيا (وتنسب لمكتشف المرض وهو ألماني
إسمه Bilharz ) نوعان:
البولية وأعراضها خروج دم مع البول
ومعوية وأعراضها تضخم في البطن وبروزها بشكل
لافت) وضمور في أعضاء الجسم تدريجياً ويؤدي للوفاة
ما لم يتناول المريض العلاج)..الدواء متوفر (وما غالي!)
لكن أهم وسيلة للقضاء على المرض ومنع انتشاره
ردم الترع ورفع توعية الناس القاطنين حول هذه الترع
بالعمل على منع انتشار الجرثومة ..
دي حاجة بسيطة وبعدين بطلب من البروف إنو
يدينا ملخص لو دعت الضرورة..
ديل السطرين المطلوبات يا أستاذ ابن الخدر..
الباقي يتمو شيقوق لأنو كان بسأل كتير
تقول راقدلو فوق راي!
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: أبوبكر أبوالقاسم)
|
عبد الرحمن الطقي:
Quote: أرجو أن تبلغوا سلامي لأخي و زميلي الدكتور أحمد القرشي عبد الرحمن
و من معه من المربين الأجلاء خاصة من كان بمدرسة خورطقت الثانوية |
نشكرك كثيرا أخي عبد الرحمن على دعواتك الصالحة، ونرجو أن نكون عند حسن ظنك بنا.
سنبلغ سلامك إلى الدكتور أحمد القرشي ونرجو أن يكون قد اطلع على
مداخلتك الكريمة ليبادلك التحية، خاصة وهو من بورداب مسقط المرموقين.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: أبوبكر أبوالقاسم)
|
أبوبكر أبو القاسم:
Quote: وكمــــان كنّا نتوقــع ملخص ما للمحاضـــرة ... يشتمل علــى أحــدث ما وصــل إليه العلم فى التعامــل مع هذه المشكلــة.
هــذا الملخصّ يمكن الحصــول عليه إمّا من المحاضــر نفســه أو من مقــدم الندوة لصلته الوثيقة بموضــوعها.
أرى أن الأخ/ سيف الدولة كامل قـــد استن سنة حميدة بذكـــر ملخص لحياته المهنية بعمان ... فلنعتبرها ضربة البداية ولتبدأوا لنا
بسيرة الرواد فى السلطنة ومجالات عملهم لإعطاء مزيد من الحيوية للبوست لحين رفده بأخبار النشاطات الأخرى. |
شكرا أستاذ أبو بكر على تواصلك معنا وحفاوتك بهذا البوست.
أتفق معك على ضرورة نشر ملخص للمحاضرات، وسنحاول الاتصال
بالبروف المحاضر ليتكرم بمدنا بملخص لمحاضرة الأمس، وسيكون
هذا ديدنامستقبلا، وإذا تعذر ذلك، سنحاول من جانبنا سد هذه الثقرة ما أمكن.
مع نشر ملخص لسيرة المحاضر الذاتية.
أقتراحك بذكر ملخص لسيرة الرواد مطروح للنقاش، ونرجو أن يتجاوب معه المعنيون.
نكرر الشكر لك ومرحبا بك دائما مشاركا أصيلا.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
أستاذنا الكبير الجليل ود الخضر. أهنئك والأخ حيدر أمين على مجهوداتكما التي هي من طبعكما. فما أنهيتما عطاءً إلاّ وأبدلتماه خيراً منه عطاءً. لا شك أن النادي أصبح له موقع بدون إيجار. هنيئاً لكم يا مسقطاب أو عُماناب (كما يحلو للأخ العزيز محمد أبو العزائم وأطمئنه بأنه ما زال عمانابي وإن بعدت المسافة والصحيح أن يكون أسم البوست "السودانيون ممن ارتبط بعمان ... منهم وإليهم")هنيئاً لكم بهذه الملحمة المهمة و"سر سر يا ود الخضر"
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
الزاكي عبد الحميد:
Quote: دي حاجة بسيطة وبعدين بطلب من البروف إنو
يدينا ملخص لو دعت الضرورة.. |
وبذلك تكون قد استجبت مشكورا لا قتراح الأخ أبوبكر أبو القاسم
ونحن إن شاء الله مستعدون من جانبنا لنشر ملخص كل محاضرة مع السيرة الذاتية
للمحاضر وسوف نتفق على الطريقةالتي يمكن أن يتم بها ذلك.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد ابراهيم قرض)
|
| Quote: لكم التهنئة والشكر على هذا الجهد المشترك الرائع ذكرتوني بالعربية التي طلعت جديدة إنتاج مشترك بين المارسيدس والجاكوار حاجة رهيبة وأسمها مارسيكوار وعشان كدا ح نسمي البوست بإسم محمد حيدر أحمد أمين الخضر |
عمار تحياتى
فى الاول ورينا منو المرسيدس ومنى الجاكوار,,, لانها بتفرق كتير
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
ود الخدر
Quote: وصل إلى السلطنة مولانا محمد حمد أحمد أبو سن نائب رئيس القضاء
السوداني مترئسا وفدالسودان للمشاركة في مؤتمر التفتيش القضائي
العربي المنعقد هذا العام في مسقط. |
الف مرحب بمولانا محمد احمدابو سن والوفد القضائي الزائر نتمنى لهم اقامة طيبة بالسلطنة
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
Quote: عمار محجوب
جاييك اصبر لي. |
ربما تكون مداخلته أعلاه هي المشاركة الوحيدة في المنبر التي تناسى فيها ، مؤقتا ، نوستالجيته والمحبوبة توتي
التي استعاض عنها بطرفة البنز والجاغوار،
في الصورة أدناه كان الحديث عن توتي في (ندوه) مصغره في النادي ، بالطبع إفتتاح كبري توتي تسبب في غضبة عمار المضرية.
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: حيدر امين)
|
| Quote: بعدين يا حيدر صورك رائعة وجميلة لكن تاني تعال قول لي أقرأ لينا قرآن ولا إعلان (وجايبين ليكم آية ليها علاقة بالبلهاسيا ذاتها .. أكتر من كدة نعمل ليكم شنو ؟؟؟ ) ولا الكاميرا ما كانت متوفرة في الإفتتاح على العموم الجايات أكتر من الرايحات |
الجايات كتيره والبوست مولع نار
ولسه عدد كبير من بورداب مسقط
ما شرفونا والناس فى إنتظارهم
الصور بتجى بالرواقه,, بس الصبر
اما بخصوص المحاضره امس نعم من الشفقه
الكاميره جات من غير بطاريه, وقدر ماجريت كارفور
واللولو , ثم جينتكو العريمى مافى فائده
وكتر خير السنى بداء فى التصوير من الموبايل
ولمن وصلت كانت حتة اكبر بلد فيهو البلهارسياوفى المغرب حوالى 4 حالات فقط
شى يسد النفس,,والغريب فى الامر انو البلهارسيا اول ما ظهرت كانت فى مدرسة الحرطوم الابتدائيه
كما قال البروف وبعد ذلك بداء الانتشار.
صورة الاستاذ المرتضى حتخليك تجهز موضوع الندوه القادمه,, والزاكى بسمع فى الكلام ده
وشكرا على المداخله والاشاده,,,, محمد حيدر احمد امين الخضر
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
الطيب شيقوق الفنان. استراحتك الظريفة في محلها وفعلاً الواحد بيحتاج لكباية قهوة أثناء متابعة البوست الذي يجبرك لمواصلة القراءة حتى النهاية.بس ما وريتنا الشافع ده جرى من ياتو كشة! ولا الجرية دي جزء من الرقصة؟. باقي الأجيال الجديدة دي خلت العرضة وبقت تجينا بأشكال وأصناف من الرقصات.إمكن يكون اسم الرقصة زاتها " الكشة جاتكم"
واصل أبو الطيب في استراحاتك التي لا تمل
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: سيف الدوله محمد أحمد)
|
عمار محجوب:
Quote: ونحن بإذن الله سنكون عربات بقية القاطرة وطبعا في ناس ح يكونوا
عربة فرامل وفي ناس في عربات الصالون المجهزة وآخرون موزعون على درجاته
المختلفة من نوم إلى رابعة |
الله يكفينا شر عربات الفرامل. ومرحبا ببقية عربات القاطرة التي نرجو لها أن تتوقف في كل محطة دون تمييز.
Quote: لكن تاني تعال قول لي أقرأ لينا قرآن ولا إعلان (وجايبين ليكم
آية ليها علاقة بالبلهاسيا ذاتها .. أكتر من كدة نعمل ليكم شنو ؟؟؟ ) |
يا حيدر اتلومت طب مع شيخ عمار. أقترح إخطاره للحضور يوم الأربعاء
ومعه الآية المختارة لإعادة التصوير!!
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
الأرباب محمد المرتضى:
Quote: في الصورة أدناه كان الحديث عن توتي في (ندوه) مصغره في النادي ،
بالطبع إفتتاح كبري توتي تسبب في غضبة عمار المضرية |
الصورة معبرة ما في ذلك شك. هل تعلم أن حيدر اقترح على عمار تقديم محاضرة عن توتي؟
أقترح على جميع أصحاب الكاميرات الاستعداد التام لتغطية هذا الحدث الهام،
والله يكون في عون الزاكي!!
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
[B] سلام وتحية الاستاذ والعم ود الخضر وتحية لك استاذى حيدر ، كل التوفيق لكم فى استمرارية ونجاح هذا البوست والذى سوف يساعد ويوثق نشاطات النادى ، ونأمل ان يكون باعثا للهمة والاضافة فى شتى المجالات ونتمنى ايضا ان يكون جاذبا لفئات اخرى لتصبح من صناع هذا التجمع الاصيل .
كل الود واكيد الاحترام
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
| Quote: والله يكون في عون الزاكي!! |
الحدث قطع شك أكبر من مجرد
محاضرة في النادي..
بعدين عمار الأيام دي مشغول لتجهيز
محاضرة للأسبوع بعد القادم يعني 19/4..
عمار من كترة ماهو مشغول
بالمحاضرة الجاية ما في فاضي لتوتي
ولا حتى شمبات..
عمار خايف عديل كدا بالواضح لأنو المحاضرة
الجاية مصيرية بالنسبة ليهو..
ما في زول عارف السبب غير قريبه
رجل توتي الأول في عمان: د. الهادي..
عمار خلي الموضوع سر حتى تفاجئهم..
تحياتي ليكم كلكم (فردن فردن)
ان شاء الله دايما تامين وسالمين يا
أهل السودان في عمان..
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الزاكى عبد الحميد)
|
Quote: عمار خلي الموضوع سر حتى تفاجئهم..
|
سمعا وطاعة أخي الحبيب الأديب الزاكي عبدالحميد ح نخلي الموضوع سر ولكن نستأذنكم في حجز المحاضرة التالية يوم 26 أبريل 2009 لعمل محاضرة نحن كأبناء توتي في الداخل والخارج في أمس الحاجة لعرضها لنستمع منكم عما يمكن أن يعيننا في مواجهة الخطر الذي يتهدد جزيرتنا الحبيبة بعد الكبري
أرجو شاكرا قبول الإقتراح المثني عبر هذا البوست بالسماح لنا بعرض مرئي لمستقبل توتي بعد الكبري والمحاضرة جاهزة في الأصل وستقدم في توتي نفسها ولكن مطلوب عرضها في الخارج للإستماع للأراء حول ما سيرد فيها من تصور إستراتيجي لمستقبل توتي بعد الكبري فهل نأمل في موافقتكم الكريمة أخي الحبيب الزاكي ولا نمشي معسكر الممانعة
الأخ العزيز أبو النسب الأستاذ محمد المرتضي أيها الإنسان الرائع ذو الخلق الرفيع ولمعلومية من لا يعلم فقد إتصل بي هذا الرجل ذو الأخلاق العالية فور إنزاله لصورتي المثيرة للجدل وأبدى إستعداده لحذفها أن كان لدي أعتراض حولها ولكني بسبب هذا المستوى الرفيع من أخلاق هذا الرجل العظيم أقبل نشرها بكل رحابة صدر على الرغم من أن أحدهم أتصل بي هذا الصباح وسألني عن علاقتي بآية الله هاشمي رفسنجاني لمجرد ملاحظته خروج الشعر من عمامتي على طريقة رفسنجاني .. على العموم وقعوا معنا هنا لإقامة محاضرة عن توتي وتصويرها ونشرها على الموقع بصورة مرتبة وأنيقة وسنريكم من الأزياء والكلام ما لم يخطر على بالكم .. لكم التحايا وفي إنتظار رد أخونا الزاكي
سلام .. عمار
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: عمار زكي)
|
| Quote: أرجو شاكرا قبول الإقتراح المثني عبر هذا البوست بالسماح لنا بعرض مرئي لمستقبل توتي بعد الكبري والمحاضرة جاهزة في الأصل وستقدم في توتي نفسها ولكن مطلوب عرضها في الخارج للإستماع للأراء حول ما سيرد فيها من تصور إستراتيجي لمستقبل توتي بعد الكبري فهل نأمل في موافقتكم الكريمة أخي الحبيب الزاكي ولا نمشي معسكر الممانعة |
عمار يا ايها العزيز:
توتي في العين والراس..
أي وقت بعد 26 أبريل لأن الدكتور مصطفى القاضي
محاضرته عن السدود في السودان يوم 26/4..
تحياتي من قبل ومن بعد..
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الزاكى عبد الحميد)
|
Quote: على العموم وقعوا معنا هنا لإقامة محاضرة عن توتي وتصويرها ونشرها على الموقع بصورة مرتبة وأنيقة وسنريكم من الأزياء والكلام ما لم يخطر على بالكم .. لكم التحايا وفي إنتظار رد أخونا الزاكي
سلام .. عمار |
كان موقعنا ده ماعندنا مانع واصلو الاقتراح جاى من هنا , اما اذا كان موقع آخر فعندنا كلام تانى
يعنى زى ناس حقوق الملكيه وكده لكن لو فيها دفع النشوف شريكى رايه شنو؟؟
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: Osama Mirghani)
|
يااساتذة التغيير واضح في مستوي اللجنة الجديدة والصور السمحة فخلاص الحتاتيين راحو واهو الموسم ابتدء بمحاضرة علمية مش بليلة حت .. لازم تدعو اللجنة العمومية لاجتماع خاص للتعدييل في لوائح الانتخابات بحيث لا يرشح مرة اخري لاي سكرتارية اي واحد بقضي اجازتو في سوق الناقة وبيوزع حلاوة طحنية للبنوت من دكان عمو ويكون سببا في ان تيمس عمو يغرز في النهر الجاف والقرود تصاحبو .. قال مستشار اسواق مالية اهي طاحت واسجمت ومادووف زاغ بالبليونات والميزانيات عايزة تريولنات والتفنيش علي وش من يشييل والطيارات اتقرشت والعربات بالكوم في المطارات وبيزات نهي ..انتو بس قولو "حوالينا وما علينا" بس لما تشوفو عرريب البردانة البرد الدنيا كلها .. والحاضر يكلم الغائب .. قال اسواق مالية قال .. اها املاها نبق ودوم مدام الريالات راحت .....
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: abubakr)
|
Quote: محمد أحمد الخضر
تاريخ التسجيل: 14-07-2008
مجموع المشاركات: 893
Re: السودانيون في عُمان.. منهم.. وإليهم (صور) (Re: أيمن دياب)
أيمن دياب.
حبابك والجابك يجيب عقابك.
لكن قول لي: ايمن، شيقوق، ومرتضى
الأسماء ديل البلمهم شنو؟
واللا ياهو السودان؟!
|
المستشار ود شيقوق.. رفاعي.. وود عمي لزم.. دمنا وااااااحد وطبعنا واحد...
والمستشار محمد المرتضى.. قريبنا شديد.. وقول ليهو نحنا أهلك ناس الكاملين..
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: أيمن دياب)
|
أهلاً بالجميع ،
والشكر موصول لصاحبي المبادرات
ومخرجي الروائع ،
الأستاذ / استاذنا ، وزميلنا بعدها ، العالم ود الخضر،
ولصديقنا وزميلنا ،
الذي يدعي أن أخاه "الأكبر" كان تلميذنا ،
الأستاذ الفنان حيدر أمين .
فإلى الأمام للمزيد من الإبداع .
تحياتي
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: dardiri satti)
|
سيف الدولة - يا سليل الفراديس
| Quote: الطيب شيقوق الفنان. استراحتك الظريفة في محلها وفعلاً الواحد بيحتاج لكباية قهوة أثناء متابعة البوست الذي يجبرك لمواصلة القراءة حتى النهاية.بس ما وريتنا الشافع ده جرى من ياتو كشة! ولا الجرية دي جزء من الرقصة؟. باقي الأجيال الجديدة دي خلت العرضة وبقت تجينا بأشكال وأصناف من الرقصات.إمكن يكون اسم الرقصة زاتها " الكشة جاتكم" |
وحاة النبي انا شدة الوليد ده ما مكيفني خلاني مرات اقوم براي اسكر الابواب واشغل ليك اليو تيوب وارقص معاهو حتى لما يأخد الترسة الاخيرة دى انا برضى باخدها معاهو علا اسند في الباب .
لقيتني كيف ود الخدر؟
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
ابن العم ايمن دياب
| Quote: المستشار ود شيقوق.. رفاعي.. وود عمي لزم.. دمنا وااااااحد وطبعنا واحد... |
ابشر يا قريبي بس البوست ده سيادو قالوا عندو مشهاد وخايفين يفك مشهادو . دحين اكان داير ود اعمك تعال لاحقو في بوستاتو بهناك شنق طاقيتك والعب الصقرية ومحل رهيفة تنقد .
اها يا اخونا ودعتكم الله وثقوا وخلونا في بالكم شدييييييد .
وين الرطاني ؟؟
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
ابشر يا قريبي بس البوست ده سيادو قالوا عندو مشهاد وخايفين يفك مشهادو . دحين اكان داير ود اعمك تعال لاحقو في بوستاتو بهناك شنق طاقيتك والعب الصقرية ومحل رهيفة تنقد .
اها يا اخونا ودعتكم الله وثقوا وخلونا في بالكم شدييييييد .
ودشيقوق عايز اعمل انقلاب ولا بقى منشق
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
عمار:
Quote: فهل نأمل في موافقتكم الكريمة أخي الحبيب الزاكي
ولا نمشي معسكر الممانعة |
الزاكي أعمل حسابك، كل شي ولا معسكر الممانعة.
حيدر:
| Quote: قالوا فيها دفع النشوف شريكى رايه شنو؟؟ |
من يدفع لمن؟ طبعا انت عارف صاحبك عمار أمورو بيعرف يظبطا تمام،
أوعك تسمعوا حكاية الدفع دي بعدين يطالبنا بأتعاب.
درديري ساتي:
| Quote: فإلى الأمام للمزيد من الإبداع |
شكرا يا درديري يا زميل. بس أرجوك خلي الكسل
وخليك معان على الخط دائما
| |
|
|
|
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
الباشمهندس أبو بكر:
| Quote: قال اسواق مالية قال .. اها املاها نبق ودوم مدام الريالات راحت ..... |
نورت البوست يا باشمهندس بل المنبر بأكمله.
قصدك العريبي، مش؟
ما تخاف عليهو دا واقع من السماء سبعين مرة.
بالمناسبة دي في زيارتي الأخيرة للقاهرة قلت لسائق التاكسي
الذي طالبني بأكثر من حقه. "انت قايلني شنو؟ يمين أنا واقع
من السما سبعين مرة".
رد عليّ بسرعة: حمد لله على السلامة يا بيه !!!
| |
|
|
|
|
|
|
| |
محمد أحمد الخضر
الزاكى عبد الحميد
الطيب شيقوق
عمر الفاروق عبد الله الشيخ
حيدر امين
MOHAMMED ELSHEIKH
محمد المرتضى حامد
اسامة الكاشف
محمد أبوالعزائم أبوالريش
الفاتح شلبي
حسن طه محمد
أبوبكر أبوالقاسم
سيف الدولة كامل
عماد الشبلي
عبد الرحمن الطقي
سيف الدوله محمد أحمد
الرشيد شلال
Osama Mirghani
abubakr
فيس بوك
تويتر
انستقرام
يوتيوب
بنتيريست