|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: Amjed)
|
Quote: يا بقال انتو شغلكم ده افطار ولا خم رماد ؟؟؟؟؟؟ والله التقول قال ليكم رمضان ده سنه
انا غايتو واعد لى زول امش عليهو وهو زولا مهم فى الافطار ده ؟؟؟؟ بس ربك يستر ما تشيلنى
نومه تودينى فى ستين داهيه ... يا جماعه فى برنامج غذائى فى رمضان مجرب وهو مفيد وصحى
فى الافطار عليك فقط ب 2 ملعقه عصيده + 2 ملعقه كبكبى او بليله + جغمتين شوربه + كباية عصير
فقط لا غير جرب وشوف الفرق على ان تكون الوجبه الرئيسيه هى العشاء النتيجه تشعر بحيويه ورشاقه
وتصلى التراويح وانت مرتاح لذا اقترح 2 جردل عصير + 4 قدح عصيده وشوية بلح وبليلهوكفى الله المومنين القتال
انت عارف يا بقال نفسى كان اشارك بام جنقر لكن ربك ما وفق لتحضيرها
رمضان كريم وبالتوفيق يوب نهار |
الف مرحب بيك ايوب نهار وتشرفنا في الافطار ولاول مرة تلتقي بزملاءك واخوانك وتتعرف معهم مرحب بيك يا ايوب
تعال لي في البيت نمشي مع بعض وبعدين نمشي لنهار عثمان نهار ناخده معانا
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
Quote: طارق جبريل وصديق الموج زكرتوني المرة المشاطة الزمان بتجي تمشط النسوان في البيوت وتقع ليك في الولاد الصغار دعا زي حقكم دا |
بكرى ابوبكر نصيحة لوجه الله
بكرى الخير وانعام حيمورة ديل بسفو حا يخربوا ليك الحوش بالتمباك عشان كده امنع الفطور ده من اجل صحة البئية. بقال بزرع التمباك عديل فى دارفور.. ايزابيلا بعد المويات بتطرش الحلومر طوالى بكرى نحن ناس اخوانك انا وطارق جبريل ده وبنحب ليك الخير عشان كده ما تخليهم يخربوا ليك الحوش وامنع هولاء الدخول الى حوشك العامر والحساده من وراء القصد،،،
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
ممدوح ابارو
ميادة كمال
محي الدين جبريل
طارق أحمد خالد
حمور زيادة
ناهد علي
بدر الدين اسحاق احمد
محمد الطيب حسن
إسماعيل وراق
اسماعيل التاج
Yassir Tayfour
essam&amal
محمد عادل
ناذر محمد الخليفة
mohanad haimoura
عباس محمد ابراهيم
طارق ميرغني
طلال اسماعيل
Abulbasha
محمد غلامابي
دوت مجاك
المكاشفي الخضر الطاهر
ayman haroun
عليكم بتحديد ما ترونه مناسباً لكم
واي زول ما ذكرنا اسمه وما اديناهو التزام عليه بتحديد التزامه بنفسه
الشير 10 جنية من كل زول احتياطي لتغطية برنامج ما بعد الافطار ( الساوند + الاورغ )
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
Quote: رحاب ياخ انتي براك بتريدي المطاولات لو لفيتيهو كفتايه كفتايه بدل كفتايايه كفتايايه بخلص سريع |
حمور درويش يا زول لا مطاولات لا معارضات، زول ما بحب درويش كفته البطاطس ليهو شنو عليك الله زاتك؟
Quote: والله حاسي بيك يا رحاب وعارفك مغيوظة لشنو.. انا شخصيا متضامن مع المراة فى شهر رمضان واقف ضد الذكورية والرقاد للمساء عشان يصحوهم للفطور عاش كفاح المراة المناضلة الرمضانية عاش كفاح .. الاعمال الشاقة الرمضانية عاشت .. عاشت .. وعاشو الجماعة البشيلو صينية الفطور جاهزة __________ غايتو فطوركم دا الا يجيب لينا قوش جو الحوش |
تبدليهم تضامن بي اماره كفته البطاطس الخفيفه؟ keep digging
Quote: بالله زول يمسك تبلدينا دة منى، اقول ليه، اليوم دة برنامجى كلو ملخبط و ما فاضية، يقول لى كفتة بطاطس الخفيفة دى.... امنت بالله، حسة البطيخ مالو؟؟؟ |
هاله حسن تبلدينا قاطع كلامه ده من سفنجاتو، كفته البطاطس خفيفه خفه حبوبتي بنت المني
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
Quote: من ناحية تلقوا الباب مقفول مابتلقوهوا بعدين في بوردابي قال ممكن يتلب لو اتقفل (البوردابي اسمه طارق اللمين) يا محاسن ونوال وسعاد الصدف (وش ضاحك بجوع كده) اعلن انضمامي لحركة (ابت)... فلما استحكمت حلقاتها ... (ابت تاني). دي واحد.. اها اتنين... الواحد بقا من مايخش (المطعم ) ده.... عفوا.. قصدي (البوست) ده انزيمات الهضم تبدا تتفرز في بطنه والكلام قد يسبب للعبد لله نقصان (الاثني عشر لحداشر او تسعه) وزلك لشروع البطن في هضم نفسها علشان كده البرنامج المصلحب مهم اتوقع (واتمني) وعارف انه ما (نيل المطالب بالتمني).. ان تكون من ضمن (اجندة) الاحتفال تنوير البورداب عن ماتم انجازه في مشروع جمعية سودانيزاونلاين الخيريه والاستفاده من جلسة حوش بكري لتزليل ماوقف من عقبات امام المناط بهم تفعيل الامر لانه بصراحه النداءات (العااااااجله) اصبحت تمر عليها الشهور والجميع في انتظار (الجسم السليم) للتحرك السليم ومثال لذلك سهيلة في العناية المتوسطة بمستشفي معهد ناصر .. .. (توجد صور)
حاجه اخيره... بقال سحب مداخلاته ليه,..؟ ولو بقال ما جا نحن ما بنجي ابت.. ابت.. حتي الشبط
|
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
Quote: بكرى ابوبكر نصيحة لوجه الله
بكرى الخير وانعام حيمورة ديل بسفو حا يخربوا ليك الحوش بالتمباك عشان كده امنع الفطور ده من اجل صحة البئية. بقال بزرع التمباك عديل فى دارفور.. ايزابيلا بعد المويات بتطرش الحلومر طوالى بكرى نحن ناس اخوانك انا وطارق جبريل ده وبنحب ليك الخير عشان كده ما تخليهم يخربوا ليك الحوش وامنع هولاء الدخول الى حوشك العامر والحساده من وراء القصد،،، |
انشا الله تكون اتفشيت يا ود الموج انتظر الصور بعدين سمح وجهز اللبراكس انت وطارق
| |
|
|
|
|
|
|
Re: فطور بورداب الخرطوم السنوي السبت 13 رمضان (( حوش بكري ابوبكر )) ببحري (Re: ابراهيم بقال سراج)
|
جماهير حركتنا الابتية الابية
في هذه اللحظات التاريخية من عمر الشعوب . التي تصنع فيها مجدها و تسجل اسمها بحروف من ضؤ في كتاب الانسانية و هي تحكي عن عظمة الفعل الانساني الذي تأباها يدعوكم مجلسكم الثوري الي الزحف نحو جبهات القتال من اجل الغد الاروع لنا و لمستقبل شعبنا و استقلاله و كرامته و مجده و ذلك بالتوجه مباشرة الي ارض المعركة ببحري
و انا لمنصورون او منصورين
م.س الحركة
| |
|
|
|
|
|
|
|