ما أحلى ساعات اللقاء...

Quote: غريبة !!! انتي مش عاملة رجيم.. لزومو شنو التكاليف والا بس عاجباكي" غريبة ممكونة وجيرانها"

Quote: حسي الزمن إتغير..لكن نحنا (( ناس بحري )) ما إتغيرنا....بس إتطورنا شوية..

ممكونة ؟؟ بلاهي طلعتي من بحري ؟؟ وانا اقول الطعامة دي كلها شنو ؟؟

انا صرتي مدفونة في حلة حمد .. وقضيت طفولتي كلها داخلة بحمد وطالعة بخوجلي ولمن ازهج بامشي الدناقلة شمال عشان اسرق النبق من

الشجرة الكبيرة الفي بيت الفنان الرائع ابو داوؤد الله يرحمو ... ولمن ازهج شديد بامشي الشعبية ولا الصافية في بيوت الخالات

والاخوال ..هسة لمن تقوم علي الحالة امي الله يديها العافية بتقول اكيد الشافعة الادوها الصرة تدفنها دفنتها في شارع الشلالية

اوعى يكون في معانا شلالي هنا .. تبقى مشكلة جاهزة ...

Quote: لكن - يعلم الله- ما بحب إلا كعك الله و الرسول دا..

والله انا زاتي باحب كعكة زمان الفيها الرحمة ...كبيرة شوفتها ساكت تشبع .. بالسمسم المحمص وطعم الملح وريحة دوا الكعك

مش زي كعك هسة دي ..حاجة كدي حقت جوع ... عاملة زي المليم الزمان ... مخربشة بالشوكة وبتنفض السكر ...قالوا الكعكة الكبيرة موضة

قديمة ... ( بلدي ) خالص .. وما استايل ...انا غايتو باحب البلدي وباكره الاستايل ...

والله يا ممكونة اتلومنا جد ... الظاهر انجرفنا ورا ريحة الكعك ونسينا انو دة بوست الغنا ...

معليش يا جماعة رمضان دخل العضم وبقينا نهضرب بالكعك ...

اها الغنا وين يا ابوبكر ؟؟؟