Re: هكذا يفهمك قلبي يا ماركس (Re: عاصم الحزين)
طرقات مهندمه .. يبدو ان هنالك من هو في باب بيتنا .. فتحت انف صحياني من نومه طوييييييييله .. كم اشتهي كوب ماء .. قهوه .. شاي .. و ... طرقات انزعجت من تأخري ... بهروله حميمه .. باتجاه نافذة النشيد .. فتحت حلمي الي اخر قطرة ندي .. وجدته كوركت : اوووو العم ماركس .. شنو بدري كده الليله قال : كنت وين ما سامع الحضور الابيض دا من بلاد ما وراء الشوق الابيض برضو .. سرييييييييييع البس هدوم وعيك .. عندنا مشوار قلت : ومعاك ماشيين في السكه نمد من سيرتك للجايين .. دقيقه واكون جاهز .. بس .. حنمشي وين؟ قال : الابيّض قلت : شنو ؟ قال : ما تندهش .. من زماااان عندي رغبه امشي للكردافه ديل .. انتجّ في الرمله الدقاقه .. اونسهم .. واحكي عن الجليد .. ويحكوا لي عن ضحكلة انسانهم رغم كل هذا الشقاء قلت : جمييييييييل . .................. .................. وصلنا السوق الشعبي قطعنا تزكرتين بالبص السياحي (.....) كان العم ماركس يترنّم باحدي اغنيات عبد الرحمن عبد الله .. مندمج حتي تمام الارتواء .. قلت : ايها العم ماركس .. معليش .. حأقطع عليك متعة ان تغنّيك بلاد الغرب .. عندي حاجه محيّراني !! قال : لك الانتباه يا حزيني .. قل كما تشاءك الرحله قلت : يا عمّي اكتمل للندي صباحه .. وبانت عورة ألوان الورده .. ومع ذلك لا تتفتّح لتصيب انفي ببعض الشذي !؟؟ قال : اتقصد الثورة ؟ قلت : مالي اراها بعيده .. وحيناً اراها قريبه .. المنظومات والاحزاب السياسيه اشعلت زيت مصابيحها .. المعارضون كثر ..نحتفل كل غيظ باكتوبر .. بابريل .. ب..... سافر من سافر .. وبقي من اعلن احتماله لمكر الحاكمين .. وقدرة عافية النضال علي المزيد من الاشتعال .. حتّي الحكومه دايره تزوغ .. كل صباح نقرأ عن فضائح السادة الجدد... كل صباح اسأل الشعب وين ؟... الثوره وين؟ ال........... وين ؟ رغم كل ما بدا من ظرف موضوعي لنعلن للشوارع هتافنا ونروي الارض من دمنا حين نرصف للحرية طريقاً جديد ... قال : امهلني يا حزين مقدار سؤال ولتنداح حنيناً بعده كما تشتهيك الاجابه . قلت : لك هذا قال : ما الثورة ؟ قلت : تآكل الحلم بالعافية وكدنا ننطفئ .. اذاً ربما هي ادراكنا لضرورة الانقلاب علي الوضع السائد وتغييره للافضل . قال : وكيف للشرارة ان تنبت ليندلع حريق الاحتفال ؟ قلت : ليستريح سؤالك ... اعرف ان للثورة الاجتماعية قانونها الاساسي حتي تشرق شموس التغيير المناسبه وترتّب بضوء العدالة حياتنا .. اعني عشان تكون في ثوره .. لازم يكون هنالك محرّض لوريد دمها .. يعني ازمه ثوريه علي نطاق المجتمع .. والازمه دي بتتجلّي مظاهرها في ان فئات الشعب الغلبانه اشعلت فتيل هيجانها ولا تريد ان تحيا علي الاشكال القائمة للسلطه من ناحيه .. من الجانب التاني نجد ان الفئات الحاكمة ذاتها اضحت عاجزه عن ادارة شئونالدولة وغلبا التسويهو ..نهب .. تسلّط .. قمع .. وغيره ... وهذا ما يمكن ان نسميه بالظرف الموضوعي والضروري لتولد الثورة من رحم الممكن من نضال .... بس لازم يتوفر العامل الذاتي وهو عمل الاحزاب الثورية بين عموم طبقات الشعب وتربيتها و تنظيمها لينعرك وعي الاماكن الطاعمة للجماهير في بوتقة الصراع الطبقي لتوضح الجبهات وحدود خطوط التماس بين المواقف السياسية لكل طبقة وفئه .. لا حياد ... كل قوي المجتمع تمارس السياسه ..... و..... تنفرز الكيمان . قال ماركس : اها يا الشاطر .. بحسب كلامك لا بد من توفر الشروط او الظروف الموضوعيه.. التي تنضج في اناء صراع أضدادها بصوره مستقله عن ارادة وادراك مختلف طبقات و فئات المجتمع .. وبرضو شرط الظرف الذاتي ... وهنا عندي ليك سؤال .. تفتكر شنو العلامات الدّاله علي تمام نضوج الظروف الموضوعيه ؟؟ قلت : اولاً عندما يعجز الحكّام .. الطبقة المسيطره .. السلطه ..عن الاستمرار في ضخ البريق المناسب في جسد الطريقة التي بها يحكمون .... وثانياً عندما ترفض الجماهير الغلبانه المضطهده الاشكال القديمه والسائده لحكم الطبقه او الفئه المسيطره البتحيك ثياب الالام والمؤامرات ضد معني الحياة.. وثالثاً عندما يتسع مجال رؤية الجماهير وتنشط في حقل السياسه وتشتل بذرة استعدادها للعمل الثوري.. ها يا عم ماركس دي علامات نضج الظروف الموضوعية لتنفجر الثوره .. اذا توفر العامل الذاتي ( الحزب الطليعي .. الاحزاب الثوريه ..ادراك الشعب لضرورة التغيير وتنظيم صفوفه واستعداده للنضال ) قال : لك ان تصفّق لك العصافير يا بني .... لكن انا عندي مداخله صغيره وداير اشير لخطأ فيما يخص مسألة نشاط الجماهير السياسي واستعدادها للعمل الثوري . قلت : يا سلااااااام قل يا عمّي لتنجو الفكرة الطاعمة من رهق التطبيق المشاتر لما يجب ان تكون عليه الاشياء بحسب المتغيّرات الحاليه . قال : انت معاي في انّو التغيير الثوري ما بتم الّا بعمل جماهيري ..بالتالي فإنّ اعتبار نشاط الجماهير السياسي ضمن الشروط الموضوعية التي تنتج بصوره مستقله عن ادراك ورؤية مختلف الطبقات والاحزاب فيهو خطأ .. ودا ببساطه لأنو النتيجه المارقه منّو بتكون انتعال حزاء الانتظار وترقّب تحرّك هتاف الجماهير بأتجاه الشوارع بعفويه بدلاً من امتطاء صهوة جواد التحرّك الايجابي لرفع وعيها واستعدادها للعمل الثوري التمام وبالتالي التأثير الحقيقي علي مجمل تطوّر العمليه الثوريه ... طبعاً في ظل الانظمه الدكتاتوريه بتكون في ضروره للتأمين حتي تفشل محاولة اخترق الصفوف الجوّانيه للاحزاب الطليعيه والثوريه .. بس في ذات لحظة ترتيب الحيشان الجوّه لهذه المنظومات السياسيه البتعمل علي رفع وعي الجماهير وقيادتها لازم ننتبه لأن مكان العمل الثوري هو الشارع ويجب تنظيمه والتعلّم منه وتعليمه وابتداع طرق جديده للنضال بدل الارتكان لظروف التأمين والسريّه في العمل الثوري وبالتالي الابتعاد عن نواة حركة الشعب قلت : ايوااا... فهمت الآن لماذا كان التغيير غير مناسب عقب اكتوبر 64 وابريل 84 ... لأن التغيير الذي تلاهما لم يكن اكتر من تغيّر وجوه السلطه الحاكمه مع بعض الديمقراطيه ...هذه الديمقراطيه التي ضاق بها ماعون الطبقات الحاكمه والمسيطره المفروض تكون جايه من اجل الشعب فانقلبو عليها .. ودا لأنو القوي اليمينية ما كان عندها حل انساني للازمه السياسية والاجتماعية والاقتصادية ولم يكن لدي شوارع حلمها ما يكفي من الجرأة لتقديم حلول ليبراليه بعد ثورات اكتوبر..ابريل لأنها تعلمت بالتجارب الطويله ان القوي الديمقراطيه رغم كل الخسائر في تمام مناداتها بالحريه والعداله والمساواه تستطيع ان تستغل كل ما هو متاح من فرص الحريات الديمقراطيه لتوسيع نشاطها وانتزاع المزيد من الحقوق الانسانيه والحياتيه والسياسيه قال ماركس : الجماعه ديل نسونا عديييييييييل كدا .. دحين دا مش بص سياحي .. يعني خدمات ..شاي ..مويه بارده .. فطور...؟!!! ( طبعاً العم ماركس كان فاطر ) قلت : ايها العم ماركس لرمضان تفاصيله فيما يخص الرحيل .. والبلد لسّه ما دخلت حوش احترام اختلاف الآخر عنك ...و .... قال : لكن ... قلت : اهي ديييييك الابيّض قرّبنا ليها ..واسكت يا عمّي ما تجيب لينا الهوا .. قال : الهوا !!!!؟؟؟؟ ايّ لغه هذه .. وايّ تعبير تنهدش له نواصي بلاد الشعر هذا .. الهوا !!!؟؟؟؟ قلت : لك العتبي حتي ترضي الاوكات جوّاك .. وللشعر منّي جزيل انطامي من الكلام المغتغت وفاضي وخمج . وصلنا الابّيض متعبين كنّا وغدٍ للحكي بريق. وسلام الي مطلع الامر (عدل بواسطة عاصم الحزين on 11-05-2003, 02:53 PM)

العنوان	الكاتب	Date
هكذا يفهمك قلبي يا ماركس	عاصم الحزين	10-29-03, 10:34 PM
Re: هكذا يفهمك قلبي يا ماركس	Tumadir	10-29-03, 11:36 PM
Re: هكذا يفهمك قلبي يا ماركس	أبو ساندرا	10-30-03, 11:55 AM
Re: هكذا يفهمك قلبي يا ماركس	nada ali	10-30-03, 12:18 PM
Re: هكذا يفهمك قلبي يا ماركس	dreams	10-30-03, 07:21 PM
Re: هكذا يفهمك قلبي يا ماركس	عاصم الحزين	10-31-03, 02:32 AM
Re: هكذا يفهمك قلبي يا ماركس	عاصم الحزين	10-31-03, 03:22 AM
Re: هكذا يفهمك قلبي يا ماركس	عاصم الحزين	10-31-03, 08:31 PM
Re: هكذا يفهمك قلبي يا ماركس	doma	10-31-03, 09:27 PM
Re: هكذا يفهمك قلبي يا ماركس	hammama	10-31-03, 09:47 PM
Re: هكذا يفهمك قلبي يا ماركس	elsharief	10-31-03, 09:51 PM
Re: هكذا يفهمك قلبي يا ماركس	Abuobaida Elmahi	11-01-03, 01:28 AM
Re: هكذا يفهمك قلبي يا ماركس	safwan13	11-01-03, 01:36 AM
Re: هكذا يفهمك قلبي يا ماركس	متوكل بحر	11-01-03, 03:40 AM
Re: هكذا يفهمك قلبي يا ماركس	Sidgi Kaballo	11-01-03, 03:47 AM
Re: هكذا يفهمك قلبي يا ماركس	عاصم الحزين	11-01-03, 07:26 PM
Re: هكذا يفهمك قلبي يا ماركس	عاصم الحزين	11-01-03, 08:49 PM
Re: هكذا يفهمك قلبي يا ماركس	عاصم الحزين	11-01-03, 10:05 PM
Re: هكذا يفهمك قلبي يا ماركس	خالد عويس	11-01-03, 10:37 PM
Re: هكذا يفهمك قلبي يا ماركس	طارق اسماعيل	11-01-03, 10:53 PM
Re: هكذا يفهمك قلبي يا ماركس	7aganya	11-01-03, 11:35 PM
Re: هكذا يفهمك قلبي يا ماركس	عاصم الحزين	11-02-03, 11:01 AM
Re: هكذا يفهمك قلبي يا ماركس	عاصم الحزين	11-02-03, 12:36 PM
Re: هكذا يفهمك قلبي يا ماركس	tmbis	11-02-03, 12:56 PM
Re: هكذا يفهمك قلبي يا ماركس	عاصم الحزين	11-02-03, 12:45 PM
Re: هكذا يفهمك قلبي يا ماركس	Ahlalawad	11-02-03, 01:26 PM
Re: هكذا يفهمك قلبي يا ماركس	doma	11-02-03, 02:19 PM
Re: هكذا يفهمك قلبي يا ماركس	al7`rafi	11-02-03, 06:30 PM
Re: هكذا يفهمك قلبي يا ماركس	أبوالزفت	11-03-03, 08:04 AM
Re: هكذا يفهمك قلبي يا ماركس	عاصم الحزين	11-03-03, 03:48 PM
Re: هكذا يفهمك قلبي يا ماركس	doma	11-03-03, 04:06 PM
Re: هكذا يفهمك قلبي يا ماركس	عاصم الحزين	11-04-03, 03:06 AM
Re: هكذا يفهمك قلبي يا ماركس	عاصم الحزين	11-04-03, 02:53 PM
Re: هكذا يفهمك قلبي يا ماركس	عاصم الحزين	11-04-03, 03:42 PM
Re: هكذا يفهمك قلبي يا ماركس	عشة بت فاطنة	11-05-03, 10:25 AM
Re: هكذا يفهمك قلبي يا ماركس	nada ali	11-05-03, 01:01 PM
Re: هكذا يفهمك قلبي يا ماركس	عاصم الحزين	11-05-03, 02:26 PM
Re: هكذا يفهمك قلبي يا ماركس	Elmosley	11-05-03, 04:25 PM
Re: هكذا يفهمك قلبي يا ماركس	khider	11-05-03, 07:31 PM
Re: هكذا يفهمك قلبي يا ماركس	عاصم الحزين	11-06-03, 02:11 PM
Re: هكذا يفهمك قلبي يا ماركس	عاصم الحزين	11-06-03, 03:42 PM
Re: هكذا يفهمك قلبي يا ماركس	مراويد	11-06-03, 02:45 PM
Re: هكذا يفهمك قلبي يا ماركس	عاصم الحزين	11-07-03, 01:58 PM
Re: هكذا يفهمك قلبي يا ماركس	عاصم الحزين	11-07-03, 11:21 PM
Re: هكذا يفهمك قلبي يا ماركس	dreams	11-08-03, 00:11 AM
Re: هكذا يفهمك قلبي يا ماركس	عاصم الحزين	11-08-03, 08:06 PM
Re: هكذا يفهمك قلبي يا ماركس	عاصم الحزين	11-10-03, 00:00 AM
Re: هكذا يفهمك قلبي يا ماركس	عاصم الحزين	11-16-03, 11:37 PM
Re: هكذا يفهمك قلبي يا ماركس	عاصم الحزين	11-17-03, 02:42 PM
Re: هكذا يفهمك قلبي يا ماركس	ود عقاب	11-17-03, 02:59 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]