|
|
 Re: الأخ فيصل محمد خليل وصديق الموج والملا عمر وجميع الأحباب بلا تحفظ (Re: د.محمد عبد الله الريح)
|
| Quote: لو إنت مغرم بالعناد أنا بالي زي ليل الشتا |
هنا الشاعر ببالغ عديل كده زيو وزي أبو الطيب المتنبئ لمن قال "أنا الذي نظر الأعمي إلى أدبي وأسمعت كلماتي من به صمم ، لأنو لا يمكن أخلاقنا تكون بهذا الطول فنحن خلقه قرفانين وزهجانين من كل شئ حولينا وأخلاقنا ضيقة وما رياضية ده أنا لو كنت مكان الحكم خالد عبد الرحمن كان طردت أقل شئ 5 من لاعبي مباراة القمة وكان طردت نص الجمهور وبرضو بطرد البوليس ، بدل ما يعاين للجمهور زي بواليس الدنيا كلها قاعد يعاين للكورة ما أصلو همه الأكبر الملح في كل شئ لمن بقينا لمن نشوف بوليس نفتكروا جرة فسيخ من كترة الملح.
أما في قول الشاعر لو درت شلهتي وأزاي أنا روحي خلقة مشلهته ، فأقول مستعينا بالله نفترض يا عم شمس الدين إنو كان داير غير كده هل كان ذلك ممكن فعلاً يعني إفرض زي ما قال حكيم مثلاً يعني إنو ما كان داير شلهتك حا تكون ما مشلهت يعني والله تتشلهت وتبقي الشلهتة ما بقيت يا شمس الدين.
تهرب نرسل ليك تزوغ؟ دي حكاية فعلاً ملفـتة
هنا يظهر لنا ما يعرف في قواعد اللغة بفعل الشرط وجواب الشرط غير أن فعل الشرط مجهجه وغير واضح أو كما يقول الفرنجة standing on the fence يعني إنت في الأساس بترسل ليهو لي أما حالة كونه يزوغ ما أن يصله المرسال هذا يعضد شكوكي عن نواياك وطبيعة المرسال المشا وما جا فيمكن تكون عاوز تدين منو أو تكون طالبو قروش وهو إحتمال ضعيف.
روحي المطفطفة تشتهيك تبراك وإنت تشلتا
البيت ده غير الشلوت ما في شئ عجبني لأنني ماخد شلوت قبل كده ما بتنسي أبداً وبلاش تحكوها أهو شلوت وإنتهي
أنا من برودك يا لئيم أعصابي ديمة مكتكتة
هنا أيضاً مبالغة مع حرارة الجو والإنقطاع المتكرر للتيار الكهربائي ذو الفولتات المائتان وعشرون وزيادة أسعار الكهرباء فلم نعرف الكتكته ولن نعرفها بعد اليوم والعايز يكتكت ممكن بس من حاجات تانيه وليس من البرد
تعبت عيوني وحوصت الجيلي سايي يثبتا
إذا حوصت عيون المرء في الحب فقم عليها متماً وعويلا.
رجعت بعد سفراً طويل بقت العيون هي محطتا
أهم شئ تكون دافع الضرائب والإلتزامات الحكومية
كرعيني لمن لاقتك اتسمرت في فجتا
هذا يثبت بالدليل القاطع أنك لم تكمل جرعات التطعيم من شلل الأطفال وأن شهادتك طلعت بي واسطه ساكت زيها وزي الشهادات والعمل الطيب في بلادي.
لامن مشيت اتحركت يمكن مشيتك دفرتا
هو طبعاً يمكن تكون واقف في حته متحدره يعني دردقت وكده زيك وزي أى أمجاد وده قانون من قوانين الطبيعة يعني ما في شئ خارق للعادة هنا.
عزالي قالوا بقيت هزيل وافكاري ديمة ملخبتة
أما عن حالة كونك هزيل فالهزال له الكثير من الأسباب في بلادي أدناها الملاريا
وأنا قلت ليهم مالو نان ياعورا؟ ما هي دي لذتا
هنا صاحب العقل يميز منو العوير من شجر العوير من ورد الحمير
آه لو تعضيني الحليوة عشان أبروز عضتا
هنا يشبه الشاعر نفسه ببرجيت باردو وجماعة حقوق الإيه كده مش عارف فالتحية للعم شمس على هذه الإضاءة
إن شاءالله تفركني وتلايقني واموت في حلتا
وهي في تقديري المتواضع ميته بشعة ، فيمكن لي أن أموت ركن أما أن أموت في الحلة وفي التكل فاللهم لا تجعلني من الذين يموتون مثل هذه الميتة.
وكمان تشلخني وتقيف شلوفتي تحضر دقتا
الأمر هين في زماننا هذا ويمكن أن يدقو ليك شلوفتك ويشلخوك ويرسمو ليك كمية بتاعة وشم في كافة أنحاء جسمك وهو ما يعرف بالتاتو
شاراني لكن ما بزح أنا داير اشوف بس آخرتا
ما هي أخرتا إنك تزح أو تقيف لمن راسك يدوش أيهما أسبق
|
|
 
|
|
|
|
|
| العنوان |
الكاتب |
Date |
| الأخ فيصل محمد خليل وصديق الموج والملا عمر وجميع الأحباب بلا تحفظ | د.محمد عبد الله الريح | 08-17-06, 05:34 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | ALGARADABI | 08-17-06, 05:57 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | فيصل محمد خليل | 08-18-06, 01:34 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | د.محمد عبد الله الريح | 08-18-06, 04:19 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | Balla Musa | 08-18-06, 04:48 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-19-06, 02:41 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-19-06, 09:23 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-20-06, 04:54 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | ابوحراز | 08-20-06, 05:49 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | إسحاق بله الأمين | 08-20-06, 08:39 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-20-06, 08:43 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | حمزاوي | 08-20-06, 05:56 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | Mohamed Abdelgaleel | 08-21-06, 05:28 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | صديق الموج | 08-20-06, 08:04 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | فيصل محمد خليل | 08-20-06, 02:59 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-22-06, 03:41 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-21-06, 04:49 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-23-06, 02:59 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | almulaomar | 08-24-06, 01:20 AM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | د.محمد عبد الله الريح | 08-24-06, 01:23 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | khaleel | 08-24-06, 02:34 PM |
| Re: الأخ فيصل محمد خليل وصديق الموج والملا عمر وجميع الأحباب بلا تحفظ | د.محمد عبد الله الريح | 08-24-06, 03:10 PM |
|
| |
almulaomar
فيس بوك
تويتر
انستقرام
يوتيوب
بنتيريست