|
|
|
 Re: (( وبعدين !!! )) .. العنوان على طريقة الأخ حسين ملاّسي (Re: لؤى)
|
Quote:
حا أسأل عن بلد رايح
وأفتّش عن بلد سايح
حا أسأل وأسأل عن أمانينا
أمانينا اللي ما بتدّينا
صوت صايح
****
حا أسكن كلّ نخلاتنا
إذا جانا الزمن لافح
وأكتب عن بلد مجروح
وعارف الجارحو ليه جارح
وأبكي على بلد ممدوح
وعارف الماسكو ما مادح
وأحلم بي حلم مسروق
لا هو الليلة لا أمبارح
****
أعلّق في جناح سفري
جوابات لي زمن فجري
لكلّ مضاجع الأحزان
وأضفـّر من شجر بلدي
بروقاً مارقة من صدري
وأسأل عن بلد غاطس
لحدّ الليلة في الوجعة
أنط فوق سرجي وأتحزّم
أقوم من وقعة لي وقعة
وتبقى الفوتة هي الرجعة
****
وأخت إيدي البتوجعني
على السأم البراجعني
وأسأل يا وطن يا بيتنا
ليه شوقك مواجهني
وليه حبّك مجهجهني
وليه تاريخ زمن خاسر
موكّر لسّه في شجني
حا أكتب لي شدر مقطوع
مسادير يمكن يتحرّك
خطابات لي طفل مجدوع
يقوم يجري ويقع يبرك
وأصرخ يا وطن يا بيتنا
ليه ماتبقى لينا الساس
قدر ما تجري في شرياننا
يبقالنا الشكك ترباس
أقولّك يا وطن رايح
أقولّك يا وطن آمر
سلام النفس ما كافر
|
ياسلااااااااااااااااااااااااااااام علي الحنان المتدفق والروعة المتناهية...
يديك ألف عافية
| |
 
|
|
|
|
|
|
|
|
Re: (( وبعدين !!! )) .. العنوان على طريقة الأخ حسين ملاّسي (Re: لؤى)
|
أخي العزيز لؤي
أعانك الله
جرائم الإنترنيت هي موضوع كبير .. ويجري نقاشه بصورة مستمرة .. والسرقات جزء من تلك الجرائم. ولكن للأسف لا يزال في القانون قصور في التعامل مع مثل هذا النوع من الجرائم، وما حدث معك هو تعدي على ملكية فكرية واضح.
غايتو نقول .... الإختشوا ماتوا
________________________________________
أنا في البعيد مشتاق لهمسة من الوطن يا نسمة 
| |
|
|
|
|
|
|
|
|
|
Re: (( وبعدين !!! )) .. العنوان على طريقة الأخ حسين ملاّسي (Re: لؤى)
|
يا زول من منتدى لى اخر بقت كثيرة وعادية لامن بطلنا نزرهم
المصيبة داخل المنتدى الواحد يلبد ويقراء ويسمع وبعد ساعة
يغير العنوان ويكتب نفس الموضوع وياخد ليه تانى ساعة يعمل فيها
حريف يدخل يعلق فى الموضوع المسروق منه ويخت وصلة من الموضوع المسروق بقوة عين
مع نسيان الفترة الذمنية دة كان ما مشى الارشيف جاب موضوع قديم وغير العنوان( دى ايام الافلاس بتحصل),
ناس ما نصيحة.
_______________________________________________________________-
امانى ياخ الزولة الخاتة صورة الوالدة دى زولة صاحبتنا وانا سألتها
وهى كتبت فى المنتدى قالت مافى صورة عاجباها الا صورة ام الجندرية
حاسة بيها زى امها وعاجباها بس كانت تشاورك.
| |
|
|
|
|
|
|
| |
لؤى
رشا سالم
نهي محسن أبوراس
Alsa7afa_30
الجندرية
خدر
محمد أبوالعزائم أبوالريش
عبد الدائم سيد أحمد
mansur ali
الملك
فيس بوك
تويتر
انستقرام
يوتيوب
بنتيريست