|
|
 Re: الشهيد المناضل الشفيع أحمد الشيخ (Re: عبدالماجد فرح يوسف)
|
ضياع الدم / أو الدم الضائع
محمد الحسن حسن سالم (حميد)
زي دم البُشرى الوديع
أحمد القرشي وصحابو
هاشم الواضح حبابو ..
وابتسامات الربيع
زي دم المحجوب وجوزيف .. طيب العشرة الشفيع
سيدي المحمود مشاعر .. أمنا الطفلة .. وجميع
ما انكنس بالروح ترابو .. رشّا بي دمو ودموعو
دفّا بي ضمة ضلوعو .. حين سقط بالنار صريع
فيهو ما استكتر شبابو .. لا تعذر بي عَقابو
ولا حسب للموت حسابو .. لاقاهو في غبطة وشجيع
دمو كان عربون لدمك .. ودمِّ جايي ..
همو عاش انساني همك للنهاية
يا زبون الشارع الما بيرضى ظلمك .. وعزمو عزمك .. يا هوايا
خوفي يا منبث في حلمك ..
فينا من ينبتّ نجمك .. خوفي في كل الربيع
ما نلقى نسمك .. وننسى رسمك .. حتى اسمك .. يا بديع
يا كوان أهلو الفقارى .. ونارها في البرد الصقيع
يا ملاذهم .. يا وجيع
راحة المشتاق لضمّك .. وانت زولك مستطيع
خوفي يا علي يا ابن أمك .. خوفي دمك من يضيع
أيوة يا أطهر عريس .. يا وريث كل الشرائع والشعائر والطقوس
وانت سعداً .. لام مواكب
المناكب في المناكب
القطارات ... المطارات .. البحارات .. المراكب
والصحارى .. كرنفالات المدارات .. مهرجانات الكواكب
والفقارى بالفرح .. زي السكارى ..
العصي الصقرية والسوط والمواويل والزغاريد .. البلاليل
المناديل التأشِّر
خوفي من مرضى النفوس
الأباليس النجوس
الجواسيس اللصوص
يشغلوك بالقرمصيص .. ولما تبرى الداره بابشر .. هُمّ يختطفوا العروس
___________ لافراحك يزفِّر .. نورك المشرق بصيص
من سمح محياك ينفِّر .. حافي جايع .. ودون قميص
في زحام سوقات تدفِّر .. من بعد سيرة ورقيص
أو تكاد تشبه غناي .. البائس الرث .. الرخيص
البالي والمهزوم معاي .. لما انت تروح فطيس
العديل والزين مقطّم .. بي ضريرتو الحُق محطّم
والوتر خانس تعيس
الطيور شُدرن يبيس
كل فرع ساوالا ميتم .. وانت زولك مستطيع
خوفي يا علي يا ابن امك .. خوفي دمك من يضيع
خوفي من غفلتنا اكتر .. ونحنا عزّل .. محض محضر
بعض منشور .. عرض بوستر
أو قصائد جوة دفتر
الوتر بينن مدردر
ميكرفونات .. صوت مودّر
في زمن لاهوت وعسكر
وانت زولك مستطيع
خوفي يا على يا ابن امك .. خوفي دمك .. من يضيع
وخوفي من عزلتنا عنو
شعبنا الإنساني ظنو
والتعالي الماهو منو
خوفي اكتر .. من تواصل خطوة يفتر
خوفي عذراً يا حبيبنا .. من ديالكتيك مدجّل
سيل ضجيج الأيدولوجيا اللاّقِّي والليل المهرجل
نهج عجّل ... بالتسامح والتصالح والتصافح ... والصراع زي المؤجل
يا حمام الوعي أكبر .. بي اللي خنجر واللي منجل
يا جواد الشارع الدم المبجل .. كالحمى
بدأ الوقت المكرس للنماء
انتهى الموت الإضافي كما
آن للفارس فيك أن يترجل كالدمى
آن للراجل فيك أن يتفرس في السماء
والتراب الما اترمى
والسحاب الما هما
أو يحمّر بالغبينة .. في الشعارات المهينة
العمائم والتمائم .. وينو دينا ؟؟؟
ده البيصطاد الحمائم من عوينا
البيقتاد النسائم والغمائم من جبينا
ونحنا نعتاد السمائم والهزائم والسكينة
والسكاتات الحزينة على العمايل والمهازل والتفاهات المشينة
وننتظر حسم المسائل من كتر كضب .. وما بيجينا
سُبّة في أُولي الأمر فينا
في مقاطيع المدينة
سُبّة في بعض القبائل .. سُبّة في كل القطيع
لما يا ود أمي تارك من اصابعينا ويضيع
سُبّة في البفرش عليك .. يرضى بالوضع الوضيع
والبيقبل فدية فيك .. بيت إيجارك يبقى دارك من قصر سلطان مريع
آه يا علي يا ابن امك ... خوفي دمك من يضيع
يا حُلانا ومُشتهانا .. المر فراقك .. مر مريع
كل حاجة ولا الحقارة وفيك يا واحد جميع
المغابين والفقارى .. يلقوا ايه ساعة تضيع
يبقوا زي طير الصحارى ينسوا صيادهم سريع
وانت زولك مستطيع .
خوفي يا علي يا ابن امك .. خوفي دمك من يضيع
آه دمك لو يضيع
ياما تتسع الحياة .. لما خلق الناس تضيق
وتنفجر في القال حياة .. والجاء للتاريخ يعيق
من وليدات حلتك لي بنيات الفريق
تدخل البسمة اللّتك ... تمرق الحزن الغريق
يا شمس هبدت بكانا .. شان توقينا الحريق
أو أريج البرتكانة .. فاح يشهينا الرحيق
خطوتك سبقت خطانا .. دار تورينا الطريق
ويبقى في الآخر لقانا .. والوطن فوق يا رفيق
..
لا يحيق المكر السيء إلا ....
الزمان العفو عنهم فات .. ولّى
والزمان الثأر ..رد الصاع .. حلّ
فالذي لم يعرف الإنسان .. لن يعرف الله
أيها المبعوث فينا .. بالتجلة
سلم الدرب عليك .. الشعب صلى
خُذهُمُ بين يديك .. يا إلهي ما أُحيلى
شهداء الوطن الآتين .. يللا
يللا غنو ... ولا تضنوا ..
غنو للباسق كأنو .. شيل تميراتاً تكنو
رغم إنو .. المطور ما ترّو عنو
والرياح ما ريحنو
الحجار الفي قلوبن .. تندهش للحتحتنو
وحين تصنقع للمعلق ده اللوامين وهطنو
فوق جريداً مو مفرق .. لمة الزافين يهنو
شوكن السهم المطرق .. والصبيط نشاب حننو
التقول لا طير جاء حلق .. لا إيديات لقطنو
من نجاضو تقول محرق .. وماهو شيل مرسوم تظنو
في امو خلقة رب معتق .. خمر باخوس محننو
ساقن الفي الطين مغرق .. ثابت اكتر صبّحنو
سبّح التربال ورقرق .. من كَتر ما فرّحنو
غنا صفق يللا غنو .. يللا غنو
في السنين في اياماً اصدق ..... بالتعب ظلمك محنو
بالعرق يللا غنو
غنو عقبالكم جميع
غنو فالكم ما بيضيع
|
|
 
|
|
|
|
|
| العنوان |
الكاتب |
Date |
 الشهيد المناضل الشفيع أحمد الشيخ | عبدالماجد فرح يوسف | 01-20-05, 10:28 AM |
| Re: الشهيد المناضل الشفيع أحمد الشيخ | sultan | 01-20-05, 11:18 AM |
| Re: الشهيد المناضل الشفيع أحمد الشيخ | عبدالماجد فرح يوسف | 01-20-05, 02:50 PM |
| Re: الشهيد المناضل الشفيع أحمد الشيخ | Dr. Moiz Bakhiet | 01-20-05, 03:00 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-20-05, 03:06 PM |
| Re: الشهيد المناضل الشفيع أحمد الشيخ | merfi | 01-20-05, 04:20 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-22-05, 03:35 PM |
 Re: الشهيد المناضل الشفيع أحمد الشيخ | Raja | 01-22-05, 04:44 PM |
| Re: الشهيد المناضل الشفيع أحمد الشيخ | saif massad ali | 01-22-05, 05:16 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:30 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:27 PM |
| Re: الشهيد المناضل الشفيع أحمد الشيخ | Fadel Alhillo | 01-22-05, 07:00 PM |
| Re: الشهيد المناضل الشفيع أحمد الشيخ | Ahmed Omer | 01-23-05, 00:08 AM |
| Re: الشهيد المناضل الشفيع أحمد الشيخ | صباح حسين | 01-23-05, 00:19 AM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:37 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:43 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:34 PM |
| Re: الشهيد المناضل الشفيع أحمد الشيخ | Salwa Seyam | 01-23-05, 05:50 AM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:52 PM |
| Re: الشهيد المناضل الشفيع أحمد الشيخ | عبد الوهاب المحسى | 01-23-05, 06:33 AM |
| Re: الشهيد المناضل الشفيع أحمد الشيخ | saif massad ali | 01-23-05, 07:51 AM |
| Re: الشهيد المناضل الشفيع أحمد الشيخ | sultan | 01-23-05, 10:47 AM |
| Re: الشهيد المناضل الشفيع أحمد الشيخ | elsharief | 01-23-05, 12:30 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 02:13 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 02:04 PM |
| Re: الشهيد المناضل الشفيع أحمد الشيخ | abookyassarra | 01-23-05, 11:42 PM |
| Re: الشهيد المناضل الشفيع أحمد الشيخ | عبدالماجد فرح يوسف | 01-24-05, 01:57 PM |
 Re: الشهيد المناضل الشفيع أحمد الشيخ | Raja | 01-25-05, 09:48 AM |
| Re: الشهيد المناضل الشفيع أحمد الشيخ | Abdalla Hussain | 01-25-05, 10:32 AM |
 Re: الشهيد المناضل الشفيع أحمد الشيخ | sultan | 01-25-05, 11:58 AM |
| Re: الشهيد المناضل الشفيع أحمد الشيخ | Abdelrahman Elegeil | 02-04-05, 00:33 AM |
| Re: الشهيد المناضل الشفيع أحمد الشيخ | wadalzain | 02-04-05, 03:01 AM |
| Re: الشهيد المناضل الشفيع أحمد الشيخ | Abdelrahman Elegeil | 02-04-05, 08:46 AM |
| Re: الشهيد المناضل الشفيع أحمد الشيخ | Abdelrahman Elegeil | 02-04-05, 09:20 AM |
| Re: الشهيد المناضل الشفيع أحمد الشيخ | حسن النور محمد | 02-08-05, 08:27 AM |
| Re: الشهيد المناضل الشفيع أحمد الشيخ | elsawi | 02-08-05, 06:08 PM |
| Re: الشهيد المناضل الشفيع أحمد الشيخ | domdom | 02-10-05, 01:34 AM |
| Re: الشهيد المناضل الشفيع أحمد الشيخ | خضر حسين خليل | 02-10-05, 03:39 AM |
| Re: الشهيد المناضل الشفيع أحمد الشيخ | خضر حسين خليل | 02-10-05, 04:22 AM |
| Re: الشهيد المناضل الشفيع أحمد الشيخ | Raja | 02-16-05, 09:10 AM |
| Re: الشهيد المناضل الشفيع أحمد الشيخ | عبدالماجد فرح يوسف | 04-21-05, 02:16 PM |
| Re: الشهيد المناضل الشفيع أحمد الشيخ | خالد العبيد | 04-21-05, 10:51 PM |
|
| |
خضر حسين خليل
فيس بوك
تويتر
انستقرام
يوتيوب
بنتيريست