|
|
 Re: ..نجمــات .. نجــوم الغــد (Re: الملك)
|
Quote: اليوم 14*2
قطع شكــ الزولة دى رصيدها قطع |
واليوم 24 يا ناجي وما منك خبر .. أظن رصيدك أنت الراح فيها ..
خــدر مافيش . وتماضر برضو مافيشة . وأنا كلما أقول انزل باقي الملفات دي ..
تمسكني الحالة اياهــا..اقصد بالحالة إياهــا .. البتشبه حالتك تلك
( أعفي ) لي ياخ
| |
 
|
|
|
|
|
|
|
 Re: ..نجمــات .. نجــوم الغــد (Re: tmbis)
|
تمبس وخدر وتماضر:
بالمناسبة غلبني عديييييييييل وقدر ما اقول ما اتاوق بي هنا عشان اسيب العيش لي خبازينو لكن بيغلبني..
تعرف يا تمبس البت حرم دي(البت التانية) غناية اكتر من عافية وعافية غناية شديد (راجعوا بوست اول ما ظهرت عافية واخوكم قال ليكم عافية دي حا تضرب السوق)..
حرم دي بتغني مرتاحة راحة ما عادية وممكن تطلع بي صوتا ده في اي مساحة وفي اي درجة والحبببببة ما بتجيها عكس عافية المرات كتيييييييييرة بتتعب شديد في العالي لأنو عافية دي خلقوها تغني في الهادئ والرايق
ولو عايز بالجد تستمتع بي البت عافية دي اسمع " لو عايز تسيبنا جرب وانت سيبنا" ..
حرم دي يا تماضر ظلمتيها ياخ البت ما خاشة في دور كمال ترباس البت حقيقة كانت متأثرة لي درجة كبييييييرة بي صوت ندى القلعة وهو بالمناسبة ما تقليد لي ندى القلعة لكن فيهو شي من صوت ندى خصوصاً في اغاني الحماسة ..
طبعاً هي صوتها بكل تأكيد افضل واجمل بي كتييييييير من ندى القلعة لكن زي ما قلت ليك شكلها كانت بتسمع اغاني الحماسة من ندى القلعة ..
بعدين انا شايف بقت في زي لخبطة بين الزول الرايق في غناهاو والزول الجامد ..
البت حرم دي رايقة في الغنا وما جامدة وعندها احساس خفي كده لو ركزت فيهو بتحسو من جوووووووة ..
بالجد انا بقرا الاحساس ده في كسرة عينها وهي بتغني ..
ممكن شوييييييية كده عندها حبة خجل وده بيعكش نوع تربية معين جاية بيهو من البيت ..
بي صراحة البت دي بحس فيها بساطة القرية وناس القرية ليي ما عارف..
عموماً وزي ما اتحديت في عافية دي زماااااااااان انا حالياً اراهن على البت حرم دي كمان ..
بالمناسبة عافية حسن دي غناية شدييييييييد وماشة صاح جدا في طريقها الفني ..
عندها عيب وااااااااااااااااااااحد بس لو حلتو بتكون ما عندها مشكلة ..
ما بتعرف تلبس !!!!
بتجي لابسة لبس زي الكأنها ماشة الجامعة ..
تخريمة :
يا تمبس والله حرام عليييييييييييييييييييك ..
انا بالعكس قلت ليكم البت الوحيدة البتعرف تغني هي عافية ..
القلت ما بتعرف تغني ولحدي اسة ما مقتنع بيها هي البت التانية الإسمها سارة القاعدة معاهم في الطرف دي..
انت اظنك ملخبط والبخور ريحتو قامت بيك ..
انتو مرة كتبتو عن سارة دي وانا جيت قلت ليكم انتبهو لي واحدة اسمها عافية وسيبكم من سارة دي..
كدي راجع الارشيف وشوف بوست بناديها ..
يا حليلك يا تمبس ...
احرق البخور ده حرقو الجيلي..
| |
|
|
|
|
|
|
|
|
 Re: ..نجمــات .. نجــوم الغــد (Re: عبدالله شمس الدين مصطفى)
|
ياسلالام يا عبد الله شمس الدين
ضربت في الأوتار الحساسة جدا .. واصبتني في ذكرى ..
| Quote: مفروض تكون فى جهة مسؤولة و مهتمة ، يا حليل قصر الشباب و الأطفال ، برغم كل شئ كان لفتة ذكية و بارعة ، و قد نجح فى رعاية و صقل الكثير من المبدعين ، ونجحت التجربة فى إيصال رسالتها. |
قصر الشباب والأطفال المؤسسة التعليمية الفريدة في نوعهــا هي أحدى المؤسسات التربوية التي اضافت الكثير للشباب والأطفال وفرخت وصغلت الكثير من الجيل المتواجد بالساحة الان .. كانت محطة قصر الشباب والأطفال من المحطات المميزة التي تقدم العلم النظري والعملي بإحترافية عالية جدا من رعاية الطفل وفق جدولة مدروسة يراعى فيها كل الجوانب النفسية ومعدلات الذكاء وعوامل الترفيه والجوانب الوطنية كانت بجانب الأكاديميات مساحة لصغل الموهبة بالطرق العلمية السليمة .. برنامج الطفل كان يخاطب وعي الطفل ويطوره بما يتوافق بسنه ، برنامج الشباب ايضا يسهم في تقديم السند اللازم وتأهيل الشاب ليكمل مشواره بمساعدة منهجية .. بالتغول على قصر الشباب والأطفال وإضعافه عن قصد وتحويله إلى دور لا علاقة لها بما قام من أجله .. فقدت الثقافة السودانية والطفل والشباب من الجنسين .. صرح عظيم جدا ساعد على بناء شريحة من الأمة في فترة زمنية بنظام تربوي سليم ..
كلما أجد موهبة يا عبد الله متفرده في اي مجال .. احزن للمصير المحتوم المنتظر .. واتحسر على قصر الشباب والأطفال ..
| Quote: بس ما عارف كيف ( الدبارة ) مع ناس المشروع الحضارى ديل ، الذين يعتقدون أن كل ضروب الفن رجسٌ من عمل الشيطان ، و لا يجتمع فى قلب المؤمن إثنان ، الغناء و ..... لكن أنا متفائل برغم عتامة المشهد الماثل الان ، و أنا صغير .... رأيت وروداً تنمو فى مقالب الزبالة ، و يبدو لى أن العالم ما زال فى طفولته الدآئمة تلك ، يعنى مثلما لا يتعب البعض من صناعة ( الكوش ).... لم تنسى الورود كيف تنمو ... و لو هناك. |
ناس المشروع الحضاري يا عبد الله أول اسهام لهم في الجانب الثقافي علموا بقوة على استئصال كل ما يتعلق بالفن ـ تشكيل ، مسرح ، موسيقى .. عناصرهم المتشددة ساهمت بقدر كبير في تغييب الوعي الفني ومحاربته.. وإلى الان ما ذالت عناصرهم جاسمه في الكثير من المحافل الفنية بالرغم من عدم علاقتهم بالفن..
..
عافية واخواتها وكل الجيل الموهوب لا أدري ما هي اسهاماتنا التي سوف ننتشلهم بها من هذه الدوامة ، لكن فقط اطمح في أن تكون هناك ولو دار صغيرة لرعاية المواهب .. يتبناها زوي الخبرة والكفاءات العالية بالتعاون مع اصحاب الأمكانيات الضخمة وإن كان ليست بصورة طبق الأصل من قصر الشباب والأطفال ، لا تقل من الناحية العملية من تدريب وزرع روح وطنية ..
الف شكر يا عبد الله لمداخلتك العميقة جدا ..
| |
|
|
|
|
|
|
|
|
|
Re: ..نجمــات .. نجــوم الغــد (Re: المريود)
|
Quote: لكن البوست دا استفزاني .. وفي واحدة في النجمات دي مافي زول خت بالو ليها ولا حتى تمبس ماعبرها مع إنها فلتة جد (مرة لقيتها بتغني في أغنية لزكي عبد الكريم)على ما
اظن .. قلت للجماعة ياها دي بس .. لكن مامتذكر اسمها للأسف (وجه خجلان ) |
مريود..
كيفك يازول ..؟
مشتاقين أول حاجة .. ومعليش ح انط من الناس ديل كلهم وارد ليك بالملف ده
الزولة دي يا مريود برضو من ضمن المجموعة المرصودة في اللقاء ، بالاضافة لي البقيات ..
بحاول انزل باقي الاعمال كلها.. بشكل تتابعي
الاغنية المقصودة دي الظاهر لي .. في اغنية تانية بحاول برضو انزله
مشتاقين تاني . ووين الحي بيك ...
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
تسلم ياحبوب .. والله ريحتني 1000
قاعد في رياض السجم دي في دوامة الدوام المابتنتهي دي..
تعرف الليلة الخميس دا كنت داقش غبيرا كان القى السي دي حق الحلقة دي لكن بعد دا خلاس جلا..
لكن بجيك يوم متلب فوقك ماتنخلع بس .. اها ماكلمتني لسع مع الشركة ديك زاتها ولا غيرت
| |
|
|
|
|
|
|
|
|
|
Re: ..نجمــات .. نجــوم الغــد (Re: عمر الفاروق)
|
| Quote: طبعاً هي صوتها بكل تأكيد افضل واجمل بي كتييييييير من ندى القلعة لكن زي ما قلت ليك شكلها كانت بتسمع اغاني الحماسة من ندى القلعة .. |
تعرف يا عمــر انا بقيت كلما أسمع أي عمل لي نجوم الغد يا أي نجم جديد طوالي ( بستحضرك ).. وبستحضر معاك ( البرازيل ) طبعا في المقطع الفوقاني ده بالذات عجبتني لاني كنت قاعد افتش لي العلاقة بين الصوت السامعة ده .. وطريقة الغناء .. الصوت بصمتو واضحة أنو خاص بيها لكن طريقة ( النهرة ) للمفردة هي الخاصة بي ندى القلعة والأدت تماضر نفس الأحساس بتاع الإسترجال المقصود بيهو في الطريقة ( الترباسية )..
من ناحية أخرى
اتفق معاك أن حرم امكانياته الصوتية وانها بتغني بي راحة دي ما فيها شك عندي .. بس في حاجة واحده هنا شايفك زي عملت مقارنة بين صوت عافية وبين حرم في الامكانية الصوتية .. كل صوت ليهو محدودية بتعامل فيها ومدى محدد بيصل ليهو بينقطع فيهو ... في الحاد والغليظ بكل التصنيفات المعروفة .. يعني لو مسكنا درجة صوت عافية بتختلف من درجة حرم الصوتية .. وبالتالي المساحة الممكن تصل ليها عافية في حدود الدرجة الصوتية المخصصة ليها وتغني فيها بي هدوء..لا يمكن أن تغني فيها حرم .. يعني بإختصار ياعمر زي الفرق بين أبوداؤد وزيدان .. ابوداؤود بيمتع في الخط الخاص بيهو .. وزيدان نفس الطريقة .. علشان كدا مسالة العالي والواطي دي ما قادر اتعامل معاها كمقياس ممكن اطلع بيهو عيوب الدرجة الصوتية .. وزي ما قلت قبل كده التمرين الجاد المصاحب لي آلة البيانو .. بيجود الصوت الموسيقي وبيسهل للفنان معرفة أي امكانية صوتية بقيف فيها وما يتعداها بي أي نشاذ.. يضرس المستمع ويجي حانف ليك وشو يقول ليك انا قاعد ( أهرمن ) .
| Quote: بي صراحة البت دي بحس فيها بساطة القرية وناس القرية ليي ما عارف.. |
.. فعلا حرم فيها طيبة وبساطة ما عادية هي نفس بساطة الناس الطيبين .. ثبتت المسالة دي بي أغنية الحماسة ودخلت في الشخصية وبالرغم من إنها برضو اجادت الأغنية العاطفية التانية ..
| Quote: عموماً وزي ما اتحديت في عافية دي زماااااااااان انا حالياً اراهن على البت حرم دي كمان .. |
ما عارف ياعمر لكن لو حرم حصرت نفسها في لونية محددة ياكا الخسرت التحدي وطلعت الطيش ..
Quote: بالمناسبة عافية حسن دي غناية شدييييييييد وماشة صاح جدا في طريقها الفني ..
عندها عيب وااااااااااااااااااااحد بس لو حلتو بتكون ما عندها مشكلة ..
ما بتعرف تلبس !!!!
بتجي لابسة لبس زي الكأنها ماشة الجامعة .. |
ياخي ديل كلهن انا حاسس بيهن ماشات الجامعة كان لبست توب ح تقول لابساهو بالشمال لييه .. كان لبست فستان طويل ح تجي تقول الزولة دي ماشة حفلة قايله نفسه ؟؟ والله انا عارفك .. كدي حاول اقترح ليك تصمييم محدد كده يتواكب مع ظهور عافية .. لانو بالجد شايف اللبس ده متناسق جدا مع شكلها العام ..
| Quote: انت اظنك ملخبط والبخور ريحتو قامت بيك .. |
عندي نزلة الأيامات دي يا عمر وحساسية في عيوني ..
ياخ والله من ما قلت لي البرازيل يا عمر بقيت طوالي كل ما اتذكر لي حاجة حتى لو اتفقنا فيها طوالي ادخل ليك مسالة البرازيل دي .. واعنقد .. غايتو انا ما متذكر والله انك راهنت بي عافية .. لكن متذكر انك عندك حساسية مع صوت سارة النور ( طبعا ما راجعت البوست بتاع الحلقة الذهبية لسه) .. واللي هي كانت نجمة دورة من دورات نجوم الغد وفازت بالمركز الأول بعد كل المنافسات وبعد تقييمه من المتخصصين .. فما عارفك استندته لي شنو في إنها ما بتعرف تغني إلا تكون عنقده منك بس
غايتو براجع الأرشيف واشوف كلامك ده ..
Quote: يا حليلك يا تمبس ...
احرق البخور ده حرقو الجيلي.. |
| |
|
|
|
|
|
|
|
|
|
Re: ..نجمــات .. نجــوم الغــد (Re: الطيب شيقوق)
|
العزيز الأستاذ الطيب شيقوق ..
مليون سلام يا استاذنا .. وتقبل تحيات حميدة وطلال الذين يسالون عنك بشدة ..
للاسف يا استاذ شيقوق لا امتلك اي تسجيلات لي نانسي عجاج ..
لكن كلي وعد سأقوم باللازم حال توفر المادة
الف شكر يا ابو الطيب
عميق تحياتي للمعاك ..
| |
|
|
|
|
|
|
|
|
|
Re: ..نجمــات .. نجــوم الغــد (Re: معتصم دفع الله)
|
Quote: في حالة إستثنائية ..
لك ولنجمات نجوم الغد كل التحية يا صديقي .. |
حمداً لله علي السلامة يا معتصم
أدوك عين يا ود دفع الله
___
يا هالك -تمبس- شكراً لغدكـ الجميل دوماً
يا قول نابري، أنا فرحان بيك يا صاحب
_____
ليكم مكاييل مودة من وحدة الأردب
| |
|
|
|
|
|
|
|
|
|
Re: ..نجمــات .. نجــوم الغــد (Re: HAMZA SULIMAN)
|
استاذ حمزة سليمان
كم اطربتنا عافية ورتبت دواخلنا بالصوت المتفرد .. وبلا شك فيها ملامح زمن جميل قادم بقوة فيه من خلاصة الماضي الذي فقدناه بفعل فاعل .. وحاضر ملي بامكانيات متعددة هذا المستقبل يجب أن يسهم فيه جميع من لهم علاقة بالوسط الفني عن طريق تقويم هذا الجيل الذي اتضحت ملامحه من خلال هذه الإسهامات والمشاركات من المواهب المتعددة التي تخطو بثبات نحو مستقبل فني مشرق..
| |
|
|
|
|
|
|
|
|
|
Re: ..نجمــات .. نجــوم الغــد (Re: Yassir Tayfour)
|
صديقي الهالك دائما
ود طيفور ...
هكذا نصدر لك الفرح الجميل ليمنحك القليل من الدفء والطمانينة .. وعلشان تبطل مزازاة
ليك كميات من الموده من معتصم .. ومني أنا
وعودا حميدا بعد الكربنة بتاعت الكم يوم العملت لينا بيها زلزال دي ..
| |
|
|
|
|
|
|
|
|
|
Re: ..نجمــات .. نجــوم الغــد (Re: salma subhi)
|
العزيزة سلمى صبحي ..
لم يسعفني الحظ لاتابع حلقات نجوم الغد بالذات في الدورات الأخيرة .. لكن لقاء العيد حصلت عليه بالصدفة وتحسرت على عدم حضوري الحلقة في وقتها ..
عافية حسن تغنت بعشة صغيرة للبلابل .. وعادت بنا إلى الزمن الجميل ( مرفق الملف )..
التحية عبرك لنجمات الغد يسطعن في سماء الوطن ابتسامة
| |
|
|
|
|
|
|
|
|
|
Re: ..نجمــات .. نجــوم الغــد (Re: Tabaldina)
|
Quote: تمبس يا جميل ، كتبت بوست عن البلابل به مناشدة خاصة لك ، رجاءً تفضل للمرور عليه . شكراً يا فنان.
شمس |
استاذنا عبد الله شمس الدين ..
اولاص دعني اشكر لك كل اسهاماتك المميزة .. ويظهر انك على احتكاك بالوسط الفني من فترة طويلة .. علي العموم قمت كما ترى باللازم في البوست المعني .. وسأواصل متى ما توفر يل الزمن المناسب...
لك الحب ..
...
تبلدينــــا ...Quote: شايفكـ مركز على الجنس اللطيف
كدى خش على البقلد عثمان حسين داكـ .. |
.. والله فعلا يا تنقــا .. لكن أعمل شنو لقيتن خمسة قدامي في عينالعدو وكل واحده فيهن بي خمسة تانيات .. اطربوني حد الشبع .. فكان لابد من طرح لجمال ده هنــا..
بعدين انت نايم في العسل .. ياخي البقلد عثمان حسين ده نزلو راكوبة زمان .. واصلو ماف مشكلة تاني ممكن نجيبو ليك ..
| |
|
|
|
|
|
|
|
|
 Re: ..نجمــات .. نجــوم الغــد (Re: Raja)
|
تمبس يا صاحبي
سلام وشوق كثير وزمن طويل ، ولسه دروب عرفتك شاريها المحل
دخلته البورد الليله زعلته وفرحته حد الاتنين
زعلته لحزن طلال والضبح المستمر لبنات افكار البشر وحق الناس حتى في الحلم والتساوي قدام عرش الخالق الرازق .. دنيا !!
وفرحته فرحته بي رجاء وادتني جرعة امل انو الكثير ممكن ... يالله ما اجمله هنا
عندي مزاج ادردش معاك هنا ..
ولقيت نجومك
ساده خشم السما ضو وفرح
ياالله يا تمبس ..
ما احلاهم
ما احلاهم
زي ما قال ود المهدي
ما احلاهم ، ما احلاهم شالوا معاي الهم بالجمله وهتفوا البحر البحر ..
وبعد ما كبرت كراعي من الفرح .. الاتنين والله قريت الدوش في سري :
وقفت على امل شارد
ونازل من شعاع الروح
واقف فوق امل ناهد
وقفت معاك ظلال اشجار
علي كل الحصل شاهد ...
*****
يا نجمة صباح طلعت
على كون في الدجى مسافر
اذا كان لقياك انا الربحان وانا الخاسر
ويا غيمة زمان آسر
انت الفيك اصيل مخزون
من بهجة وطلاوة روح
يودي الزول محل ما يروح
(ده الدوش في ليل المغنين)
تمبس
بنات
زي فرحة صباح العيد
فرح وجوهم يطفي نار اي وجع ..
فنانات بي اصرار وفهم
الجواهم من طرب يهزم مليون مشروع حضاري ...
يالله قدر شنو الواحد مرات بحس انو الناس ديل سرقوا روح العباد وحجروهم ..
لكن شوف العافيه الشاره سنابل خيره ، تطمن بي جد انو لو ذبحوا كل حاجه ما بقدروا على الروح ، روحنا الحلوه المليانه غنا ..
زي البت دي
اتولدت واثقه ومليانه فرح يكفي بلد ، شفته بتغني كيف زي الكانها عاصرت ابوداؤود وحسن عطيه والفلاتيه والتاج مصطفى وووووووو مليانه بي تيراب الفرح زي عايز تطير وتفر جنحاته في كل الدنيا .
المزيكا ابدعوا فيها الشباب كمنجه وساكس واورغ وكانهم اوركسترا كامله ..
يااخي مافي طريقه يعملوا مليون قنات نيل ازرق في البلد المليانه نجوم دي ..
تمبس
دايما لمن تعجبني حاجه منك بققول ليك يديك الفي نيتك ويخدر دربك المره دي يديك الفي نيتك والمافيها ويخضر كل حاجه حواليك
يا جلاب الفرحه
| |
|
|
|
|
|
|
|
|
|
Re: ..نجمــات .. نجــوم الغــد (Re: Aymen Tabir)
|
الزول المن دورة مانعني ما نزوره
يا بت عزاز الناس هيبة و خيول ونحاس
امونة كاملة خلاص من القدم للرأس
امونة لمن جات لابسة القلوب عاجات
بضوي في الساحات فايتة درجات في الهيبة والنورا .
تميس اديك العافية و الفي مرادك
| |
|
|
|
|
|
|
|
|
|
Re: ..نجمــات .. نجــوم الغــد (Re: الصادق خليفة)
|
تامبا .. يا سلام عليكم يا أخي ..
أظنك أتصوفت .. والله تكون قد عقدت
العزم على دخول القفص قبل أن يصيح
الديك ..
وإلا فمالك تجمع كل الفن في جوف
البوست .. دون رفق بالقوارير بقانون
عليك بها صرفاً وإن شئت مزجها فعدلك عن ظلم الحبيب هو الظلم
هنيئا لأهل الدير كم سكروا بها وما شربوا منها ولكنهم هموا
تحياتي لك وانت ترصع بهن جيدالمنبر بعضهن فوق بعض
| |
|
|
|
|
|
|
|
|
 Re: ..نجمــات .. نجــوم الغــد (Re: Mohamed Abdelgaleel)
|
Quote: أظنك أتصوفت .. والله تكون قد عقدت
العزم على دخول القفص قبل أن يصيح
الديك .. |
الجنرال محمد عبد الجليل..
اتصوفت وصاح ديك الشيخ في العقبة .. ، ده الجمال يا جنرال ( البطرطش ) ( وبدروش )
( البدروش ) بالواحد..
خاصة لما يكون قاعد على الهبشة .. ( هبشة ) العقبة الفوق القبيل صاح فيها الديك دي.
ليس على السكارى والدراويش حرج يا جنرال..
ليس عليهم حرج..
| |
|
|
|
|
|
|
|
|
|
Re: ..نجمــات .. نجــوم الغــد (Re: Aymen Tabir)
|
ياسلالام يا ايمن ..
زي ما كأننا قاعدين بي هناك .. لا هم لا حزن لا ضيق لا خوف من بكره ..
وياسلام على عافية لما تلون بي صوته لحظات أن تشتاق..
القــاك وين
أكان الفرح قفل مسامات الضياع
غناك الزمن
ارشيف عشق
وتر التراخي موشحات..؟
من غبت
ما شرقت شمس .. والدهشة
ساساق الدروب لا وين تمش؟
..
تعرف يا أيمن .. كتير لما كنت بشوف عمر الدوش بي كوووم البساطة المعهودة فيهو .. وهو ود حلة عادي زيي زيك كدا .. وصاحب ـ بيحس بي فرح اصحابو وبي آلم الغير ويتحسر لي بعادهم .. كنت بتسغرب بلاي الزول ده يطلع مو كل الكلام الصعب ده ..
جيت لقيت الأصعب منو أبو سامر مصطفى سيد أحمد لما دخل كل الكلام في الصميم .. وترجمو بي لغة الإنسانية وخحتم عليهو بي صوت خرافي ..
لما سمعت عافية .. لأول مرة بتغني للبلابل .. حست انو في زمن جميل بدا يرجع .. ايوة كتيرين نو بعد البلابل .. لي البلابل .. ايوة طربت ليهم ـ لكن عافية دي بالذات حالة تانية..
كمان تجي تعمله مع الحلنقي حتة واحده ؟؟ يا الله ياخ..
وما طالبني حلليفة يا أيمن لما اسمع عافية بستحضر كل الناس الجميلة .. عميري ، حسن عطية ، أبوداؤد ، الكاشف .. منى الخير ، الفلاتية ، ثنائي الجيل .... وكل ناس الزمن الجميل الفات ..
اجمل ما في ذلك الجمال .. أنو عافية قدرت تجيبك .. وتردم كلام سمح زي ده يا أيمن ..
ح أزيدك من العافية دي .. علشان كل ما تمر تعتر ليك ..
| Quote: دايما لمن تعجبني حاجه منك بققول ليك يديك الفي نيتك ويخدر دربك المره دي يديك الفي نيتك والمافيها ويخضر كل حاجه حواليك |
اميــن يارب ..
تشكر ياصاحبي ..
واعلفني بي رسائلك الجميلة في انتظارك انا..
| |
|
|
|
|
|
|
|
|
|
Re: ..نجمــات .. نجــوم الغــد (Re: Raja)
|
يــا رجــاء ..
يا حنينة .. يا عصفورة ...
تصدقي ذكرتيني ايام ليها صفاء .. كل ما سمعناه هنــا .. وكل ما طلبناهو من أغاني .. وبوست التحدي الشهير للاشياء الجميلة .. ويوم العصيان .. وحضورك في كل إجتماعاتنا.. ووجودك في كل مساحة لنــا لبورداب الرياض خاصة ..
لا اتحسر على تراكم الزمن على هذه السنوات الجميلة ، فهي فال وتعويزة ضد كل حاجة صعبة في الدنيا..
وجودك هنا أمتداد لتلك الأيام وحلاوتهــا .. فهي لا تقل عزوبة عن صوت ( عافية حسن )
تخريمة:
علمتي لينا شنو في ( الاتنين )
| |
|
|
|
|
|
|
|
|
|
Re: ..نجمــات .. نجــوم الغــد (Re: صابرين الصباغ)
|
الأستاذة صابرين الصبــاغ..
مليون مراحب بيك في هذا المكان الفسيح ..
وفي حضرة الجميلات صوت الغــد .. وكما تفضلتي .. دخلن من دون استئذان ـ مرورك يؤكد ذلك
جميل أن تكوني معنــا يا استاذة
كل الحب..
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
العزيز تمبس
منذ سنين ليست بالقصيرة ادرت اذنى عن كل قادم وجديد
لدنيا الفن وبالذات الاصوات النسائية لانها تصيبنى بالاحباط
ومن فترة ايضا" لاحظت البوست بتاعك دا وما دخلت فيهو لانى
عرفت انك بتتكلم عن اصوات جديدة
ومنذ فترة ايضا" بسمع الناس بتتكلم عن فنانة جديدة اسمها عافية
ولكن لم اعر للامر اهتماما باعتبار انها ذى سابقاتها
ولكن بالامس كانت المفاجأة بينما انا مسترخى واذا بقناة النيل الازرق
تبث صوتيا" اغنية يا حنين ، استمعت للاغنية بكل حواسى
الكلمات وايقنت انها لاسحق الحلنقى بمجرد ما سمعت كلمة عش وعصفور ، ونوار ، وحنية
الاداء فكان اكثر من رائع
عندها سألت من التى تغنى فقالو لي انها عافية
يا سلام على الاداء والتميز والثقة والصوت الدافي
اتمنى لها مشوار حافل بالابداع وعدم التسرع
والابتعاد عن شى اسمه ( حنة العروس ) لانها مقبرة الفنانات .
لك مودتى
| |
|
|
|
|
|
|
|
|
|
Re: ..نجمــات .. نجــوم الغــد (Re: عبد الدائم سيد أحمد)
|
ياعبد الدائم سيد أحمد ..
من فترة طويلة كنت بعمل زيك كدا .. كلما اسمع لي صوت جديد طوالي بيكون Copy & Paste من القبليهو نفس التشنج وغناء الطير في الباقير . علشان كدا كنت بحبط زيك ( للمدرسة التشويهية.. الفتحوها الما بخافو الله في ( أضنين الناس ) .. )| Quote: وايقنت انها لاسحق الحلنقى بمجرد ما سمعت كلمة عش وعصفور ، ونوار ، وحنية الاداء فكان اكثر من رائع |
..يلالا هنا يا عبد الدائم الواحد بيثق في كلامك شديد في كلام الزول البيسمع ويقارن في الحــال . البحس كلمات الشاعر ـ وتلحين الملحن ـ وبيدي المغني حقــو كامل من غير مجاملة . دي النوعية بتاعت الناس الإختفت وظهرت بعديها مجموعة بتاعت شيل اورغنك وتعال كورك لي .. ودي الجابت الناس بتاعين الـ Copy & Paste القلتهم ليك فوق ديل..
| Quote: والابتعاد عن شى اسمه ( حنة العروس ) لانها مقبرة الفنانات . |
وفي حاجة تانية يا عبد الدائم .. الإبتعاد عن الإستهلاك اليومي .. يعني مش بقصد تتطنقع على الناس .. لالا ، لكن في الاستهلاك الضار .. يعني في أي برنامج استهلاك ، في أي مناسبة إستهلاك في اي شنو ما عارف .. استهلاك .. مع الإبتعاد عن الإستهلاك ده برضو التمارين الشديدة المصحوبة بي منهجية .. أولاد الحلال وبنات الحلال في .. طالما الدولة ما قاعدة تطلع ليها ( مليم أحمر ) تقيف بيهو مع مواهب زي دي ..
ح اعتبر أنك متابع معاي يا عبد الدائم.. بشكل دائم.
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
تامبا كيفك يا رفيق ..
تعرف من الأشياء الكنت عايز أكتب عنها نجوم الغد وما وجده هذا البرنامج من نجاح كبير بشهادة الجميع ..
هؤلاء النجوم فعلاً يحتاجون لرعاية كاملة لكي ينطلقوا فقد أثبتوا بالفعل أنهم نجوم للغد ويسلكون الدرب بثبات وثقة كبيرين لذلك أتمنى أن يتفاعل معها الجميع والقائمين على أمر الفن في بلادي حتى لا تكون التجربة كسابقاتها يكتب لها الموت سريعاً ..
كثيراً ما شاهدنا نجوم تتلألاء في الدورات المدرسية وفي كثير من مراكز الشباب وفي مناطق كثيرة من بلادي ولكن دون رعاية تزكر ودون إهتمام لذلك لم يكتب لها الإستمرارية ..
عجبني البوست جداً وأنت دوماً تتحفنا بالروائع وكل جميل ..
واصل يا صديق وحتماً لي عودة هنا مره أخرى ..
| |
|
|
|
|
|
|
|
|
|
Re: ..نجمــات .. نجــوم الغــد (Re: معتصم دفع الله)
|
| Quote: كثيراً ما شاهدنا نجوم تتلألاء في الدورات المدرسية وفي كثير من مراكز الشباب وفي مناطق كثيرة من بلادي ولكن دون رعاية تزكر ودون إهتمام لذلك لم يكتب لها الإستمرارية .. |
العزيز أبوالدفاع ..
الدول المتقدمة علمياً والتي لا تضع لشماعة الامكانيات حساب .. تهتم دائما بمثل هذه ( الخامات ) من خلال وضع برامج اكتشافية ومن ثم التركيز على المواهب المطلوبة ومتابعتها ورعايتها حتى ولو بالامكانيات المحدودة جدا ..
كانت مراكز الشباب المختلفة والأندية ـ توفر خدمات تطويريه للجيل الناشئ .. تمت اعاقتها.
الدورات المدرسية ولوقت قريب كانت تفرخ خامات ممتازة على مستوى كل الأقاليم تجد كانت الرعاية متوفرة ـ الآن التعامل معها يتم في شكل توجيه يخدم سياسات الدولة دون دراسة للحالة نفسها..
قديما:
كانت هناك الرعاية من المراحل الأولية .. بحصص الفنون ، الموسيقى جنباً إلى جنب مع حصص التربية البدنية والرياضة .. والأكاديميات . تغيبت كل هذه المواد .. وتم تجاهلها بشكل متعمد ..
..
هل تجربة نجوم الغد سوف تكون بمثابة نقطة يبدا بها التحول واسترجاع بعض مما فقد في المدارس ودور الشباب المختلفة ام ستكون مجرد ظاهرة وقتيه وتنتهي بانتهاء دورة البرنامج ؟؟
واصل يا صاحب فما تكتبه يجد كل العانية وأنت تتحسس مناطق الخلل.
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
يا تمبس كيف أحوالك واريتك طيب
طولنا منك ياخي لكن علي الأيمان بوستك دا بسطني
وقلت بالله تمبس دا لسه في حركاته ديك???
يايابا انت تنجبر...
البنية الرابعة دي عجبتني برضو بتغني زي سميرة دنيا
الا اتصرفت في كلمات لحن الحياة وفي بعض الحتات
كدا كان الشفيع بجرها اطول.. المهم والله كلو جميل
وانا برضي بوافق خدر اخوي والناس القالوا البت
التانية مستلبة بالغنا الرجالي...
ونديدتي كمان اضانها( عيني باردة عليها) سنينة
لانو البت التالتة دي فعلا بس ام بلينة+ شوية تحديث..
ياخ تسلموا كلكم ويسلم اخوي بابكر صديق ..
والله انا بالجد انبسط..
| |
|
|
|
|
|
|
|
|
|
Re: ..نجمــات .. نجــوم الغــد (Re: Abomihyar)
|
Quote: طولنا منك ياخي لكن علي الأيمان بوستك دا بسطني
وقلت بالله تمبس دا لسه في حركاته ديك??? |
والله يا اسامة الشوق مطــر بشكل .. وبسطتني نزلتك البلد .. بلاي شفت الدنيا دي سمحه كيف ؟؟ وناسها سمحين كيف ؟؟
والله يا اسامة البنيات ديل كلهن بسطتني زي بسطتك دي .. كل واحده مخصص ليها يوم للسمع .. والمقارنة اللقيته بتشبه امبلينه البتشبه ثنائي النغم البتشبه فاطنة الحاج . انا غايتو مستمتع متعة ما بعديها متعة .. زي البنيات ديل يااسامة بيدوا الواحد مساحة يتنفس كويس ويرتب نفسو من الفوضى الحوالينو دي ..
ابقى طيب يازول .. وبركة الشفناك طيب ..
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
تمبس .... والمتحلقين حول البوست ....
وين كان البوست ده .... وليه ما شفتو إلاّ هسة؟؟؟
دي روعة يعجز الواحد عن وصفها ..
ويا عالم ما تخلونا طاشين لحدى ما الواحد جاهو تخلف أحاسيس .. وجفاف فني
يديك العافية يا تمبس
| |
|
|
|
|
|
|
|
|
|
Re: ..نجمــات .. نجــوم الغــد (Re: خالدة البدوي)
|
Quote: نغيب ونجي نلقاك عامل ده كله
ومال بعد السامبل حا تعمل شنو ؟؟ |
خالده .. يــا خالده دائما..
طبعا بقولو الغاب جاب ..
ومع ذلك وبالنسبة للسامبل .. قاعد استهلك الحواس الخمسة بي اقصى معدلاته
حاليا ما عندي حل خلاف كدا
الواحد يشم بس .. قاليك خسران حاجة
| |
|
|
|
|
|
|
|
|
|
Re: ..نجمــات .. نجــوم الغــد (Re: الشفيع عوض شوشتا)
|
الاخtmbis
شكرا على هذه العصافير التي تغني للعصافير والبلابل والجمال وهؤلاء ليسوا نجوم الغد بل نجوم اليوم واللحظة و الغد المسافر والغد الذي حضر
فدائما ما اجد نفسي اهرب من العمل لبرهة لاردد مع هذه العصافير في غصنها الميال طربا وفي شجرة الالحان الشجية و ظلها الوارف تطريبا عذبا كالطفولة كالاحلام
مع شكري و امتناني
ابوهريرة
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
تمبس
ما اروع ما تزرعه من فرح عبر هذا الموضوع في حنايانا...
عافية بترد العافية فعلاً زي ما قال الملك ..
و حرم صوتها قوي ..
و لنا عودة لننهل من هذا الابداع ..
تمبس شكراً ليك كتير
| |
|
|
|
|
|
|
|
|
|
Re: ..نجمــات .. نجــوم الغــد (Re: ابوهريرة زين العابدين)
|
العزيز أبوهريرة زين العابدين ..
هي مساحة نرتاح فيها بكل ونعبر بالصوت الجميل والنغم ... دائما افعل مثلك اهرب إلى هنا كلما ضاقت بي المساحة الخارجية .. احتاج إلى هذه الأصوات الدافئة لايتمد بها طاقتي ..
الف شكر لك والتحية لهذه المجموعة من النجيمات ..
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
| Quote: يارمز العيد انت يا غالي... |
لقد هزت كياني يا تمبس..
واعادتني الى زمن كان مثل هذا الغناء يطويني في حناياه
أو كما قال الشاعر الصادق الياس ( روحك دي محل تفتشا ما تلقاها)
سلمت يا صديقي (يا رمز العيد انت ياغالي)
| |
|
|
|
|
|
|
|
|
|
Re: ..نجمــات .. نجــوم الغــد (Re: خدر)
|
Quote: انا سامع صوت حنان النيل حايم في معظم الاصوات الجميلة دي
سامعنوا معاي ولا انا فاقد حنان ساي ؟ |
ما فاقد حنان ولا حاجة يا ( صاحب عصام ) ..
تعرف أمس بالليل جاتني نفس فكرتك دي .. والله برضو سامع حنان النيل في عافية .. في ( آلطـــــو ) حائم مش كدا والا دي حركات مني ساكت ..؟
| |
|
|
|
|
|
|
|
|
|
Re: ..نجمــات .. نجــوم الغــد (Re: Abomihyar)
|
العزيز اسامة ..
طبعا لقيت رسالتك بي هناك .. ورديت ليك عليها ..
الغناء السمح ده يا اسامة ما ممكن يمر ساكت .. النجمات ديل بيعملن في شئ ما عادي الغناء البغنن فيهو ده ما ساهل .. ديل مش بهزن بس .. ديل قلبن كل الموازين ونضفن الاضنين من الهرج الكان حاصل ده .. بس ياريت يهتموا بيهن شوية ويفتحو ليهم مجال كويس والبجي منهن اكيد حيكون كلو جميل ..
ح ندعمك بي كل الموجود هنا .. ابقى قريب ما بنقصر معاك
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
بالذات عافية يا خدوري
تسلم أضانك .. والله أنا برضي (فاقد حنان)
وحزين على غياب صوتها.
تمبس يا عظمة
أن عارفك ما بتقصر، وهو انت عندك طريقة.
يا خي نحن تلفزيون النيل الأزرق دا ما بيجينا
هنا ممكن ترسل دي في دي بنجوم الغد ديل..
لو المسألة دي ممكنة نتفاهم على طريقة الأرسال والذي منه..
| |
|
|
|
|
|
|
|
|
|
Re: ..نجمــات .. نجــوم الغــد (Re: Abomihyar)
|
| Quote: لو المسألة دي ممكنة نتفاهم على طريقة الأرسال والذي منه.. |
كل حاجة ممكنة يا اسامة . بنجدع ليك في اي مكان يعجبك .. مع انو عندي فكرة بتاعت دعم للمجموعة دي كلها من البدايات .. في شكل مكتبة صوتية توثيقية لفكرة نجوم الغد لو لقينا لينا فرصة هنا في سودانيز .. وتكون دي بادرة كويسة وفي نفس الوقت مشروع دعــم باضعف الإيمان للمجموعات دي .. علشان نوثق ليهم وندعمهم لي قدام ..
كان قدرت تشيل من بي هناك كان بها .. ولو ما قدرت بنوصل ليك .. وفي كل الأحوال طلباتك اوامر يا عظمــة..
أنت قايل نفسك ساهل ؟؟
| |
|
|
|
|
|
|
|
|
 Re: ..نجمــات .. نجــوم الغــد (Re: حبيب نورة)
|
أخي وصديقي الودود تمبس
يسعد صباحك رفيقي ، ، ،،
أنا عملت مداخلة في الصفحة الاولى بس شايفها ما نزلت ، طبعاً ده أكيد من الزول الزفت الاسمه جمري ده ، بكون غطس حجرها أصله دائماً مغطس حجري معاه ، على كل حال معليش يا جميل ودوماً على دروب السعادة نلتقي ، وخليكم كده مع كسير الثلج إنت والمعاك أبو شخيرة ده لحدي ما أمير ده يغطس حجركم الاثنين ، مش كده يا خالــدة ؟ وســـلام يا عسل .
| |
|
|
|
|
|
|
|
|
|
Re: ..نجمــات .. نجــوم الغــد (Re: عماد محمود علي)
|
العزيز .. عماد محمود ..
| Quote: طبعاً ده أكيد من الزول الزفت الاسمه جمري ده |
.. أمير الأيامات دي يا عماد نحن مدنو حق الفيتو .. وحق أي حاجة .. يمسح يكتب ـ يجرح يداوي .. أصلو ما في حد يسألو ..
المسالة دي طبعا ليها حد محدد .. كمان ما يقوم يشطــح .. من ناحية أخرى .. أمير ده أنتو حاسدنو ساكت في وجاهتو دي ..
( الكلام الفوق ده طبعا يا عماد فيما يتعلق بي تكسير التلج .. صاحبك ده كمان ما يقوم يصدق )..
..
.
| |
|
|
|
|
|
|
|
|
|
Re: ..نجمــات .. نجــوم الغــد (Re: حبيب نورة)
|
حبيب نــورة
تبرا من النــار
يادوبك وقعت لي مريم دي .. أنا كنت فاكره حلقة من حلقات نجوم الغد الفاتتني ..
ما عندك مشكلة ورين انزله ليك وين .. وبعدين برجع البيت اظبطه ليك .. لاني الان خارج البيت والأجهزة القاعد قدامه دي ما فيها برامج ملفات موسيقية ..
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
تامبا يبدو انى حاكون معاك دائما"
استمعت الى الاغانى وحدة وحدة وحداااا ووجدت انى ظلمت نفسى وظلمت الاصوات
الجميلة دى معاي
ولفت انتباهى ثلاثة اصوات :
عافية ورفيعة و انصاف فتحى
اولا" عافية تمتلك الحضور الجيد بالاضافة لاغنية يا حنين ذى عش العصفور
اضافت لها الكثير ويكفى انها من كلمات الحلنقى برغم ذلك اجتازت مطب اغنية
عشة صغيرة لان اغانى البلابل حينما تغنى تستنبط فى داخلك احساس البلابل ودا مش لمصلحة
المقلد مهما كان صوته
وممكن اقول عافية كالاتى :
- الكلمات
- اللحن
- الصوت
ثانيا" رفيعة : لاول مرة اسمعها وفى رائي انها اجمل الاصوات مع ان الاغنية كلماتها بسيطة
وممكن اقول رفيعة كالاتى :
- الصوت
- اللحن
- الكلمات
ثالثا" انصاف فتحى : من غير مقدمات هى ام بلينة السنوسى الصغيرة ومشروع فنانة ناجحة بكل المقاييس وهى كالاتى :
- الصوت
- الكلمات
- اللحن
وقفة : انا عجبتنى رفيعة اكثر شى
| |
|
|
|
|
|
|
|
|
|
Re: ..نجمــات .. نجــوم الغــد (Re: عبد الدائم سيد أحمد)
|
العزيز عبد الدائم ..
كلامك جميل جدا .. بس صدقني انا محتار وكويس انك قدرته تختار التلاتة اصوات دي وترسى ليك على بر ..
( عافية ، رفيعة ، إنصاف ) .. فعلا كل واحده ليها خاصية بتميزه عن التانية .. لكن بختلف معاك في حاجة صغيرة انهن بتلاقو التلاتة في مسالة الحضور الجيد .. ايوة عافية احيانا بيكون احساسه عالي وبتعبر حركياً لكن لاحظ لي رفيعه في التعبير الصوتي وإنصاف في رشاقته أمام المايك .. دي كلها عوامل نجاح اتلاقو فيها ووصلونا بيها..
بتفق معاك أنت في إنصاف أنو لونيته مستمداها من امبلينه السنوسني او على الأقل في تأثير واضح ، عافية فيها حاجة واضحة جدا من حنان النيل ـ رفيعة هي رفيعة ..
طبعا دي اكتشافات بتتعمق لي كل فترة ، وكل ما اعيد الاستماع من جديد لكل الأعمال دي ...
خلينا متابعين يا عبد الدائم ..
| |
|
|
|
|
|
|
|
|
|
Re: ..نجمــات .. نجــوم الغــد (Re: Alsa7afa_30)
|
| Quote: بوست رافع للمعنويات...... |
     
والله كــلامــك صـــاح ياالصحــافــة30 .... ما دام العامل البوست دة فنــاااان لازم يرفــع المعنويــات و خصـوصـــاً بعــد أن تم رفــع معنــويـاته من الزعيــم أول أمبــارح.... و مبروووك للهــلال...
تعرف يا تامبا بالرغم من إنو البوست دة ليهو مدة لكن أنا في المكتب ما بقدر أسمعو لأنو عاملين دي آكتفيتيد للريال بلاير... و كان غايزني شديد لكن الليلة مشيت لهندي صاحبي و من اللابتوب قدرت أسمع و حاجة روعة يا تامبا...
لك كل الود و لرفيق الدرب ود دفع الله....
| |
|
|
|
|
|
|
|
|
|
Re: ..نجمــات .. نجــوم الغــد (Re: Haytham Abdulaziz)
|
الأعزاء اصدقــاء الحرف الموسيقي .. والالحان
الصحافة 30 وهيثم ود القوز ..
اشكركم لرفع المعنويات وتشجيع الشباب .. ومطالبين اكثر ان نقف بجانب هذه المواهب وندعمها حتى ولو بأقل الأمكانيات المتاحة .. هذه فترة الان فترة جديدة ننتقل فيها من فترة زمنية كانت حافلة بكل أنواع التدهور الفني في ظل غياب العديد من الأعمدة والكثير من الطيور المهاجرة ..
فلندعم هذا المشروع .. بكل ما لدينا من امكانيات ..
..
تعرف يا هيثم:
المعنويات والله مش في السماء بس .. الظاهر لي من يوم الأحد بالليل عملت ليها جناحات وطارت .. الشباب ديل والله طمنونا بالماتش الجميل ده .. ودخلةا فينا سعادة الواحد ليهو مية سنة ما مر بيها..
بعدين تعرف يا هيثم انا البرامج التشغيلية دي أهم عندي من الجهاز زاتو .. يعني بي صراحة الكمبيوتر خلاص كفاني من العديد من الأمور التانية .. أصبح تلفزيون .. مسجل ، راديو ، قب يبقى تلاجة غايتو علشان كدا لازم اول حاجة المداخل دي تكون مأمنة بالنسبة لي .. السمع والشوف ..
| Quote: آكتفيتيد للريال بلاير |
خلي يدك خفيفة ياهيثم الأمور دي ما توقفك ..
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
Quote: الأعزاء اصدقــاء الحرف الموسيقي .. والالحان
الصحافة 30 وهيثم ود القوز .. |
حبيبو تامبا لك الود قـواسيــب يا زارع الحرف الموسيقي بالمنبر...
Quote: تعرف يا هيثم:
المعنويات والله مش في السماء بس .. الظاهر لي من يوم الأحد بالليل عملت ليها جناحات وطارت .. الشباب ديل والله طمنونا بالماتش الجميل ده .. ودخلةا فينا سعادة الواحد ليهو مية سنة ما مر بيها.. |
الكـلام يوم 17-03 في مباراة الرد بالقاهرة .. و إنت عارف حركات اللعيبة المصريين الإستفذاذية...
| Quote: خلي يدك خفيفة ياهيثم الأمور دي ما توقفك .. |
و منكـم نستفيــد بس من غير غتــاتــة و كد و يدك معانا...
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
الاخ تمبس
والناس المنتشيه معاى
عارف بالا ضافه لى اداء الشبات ديل المافى شك فى حلاوتو وروعتو
لكن حقو نكون منصفين برضو...........
تخيل لو ان الفرقه المصاحبه كلها كانت مختزله فى اورغن ( اورغن بس )
كان الضجه الطالعه منو غيبت الاداء الرائع دا كلو
وكنا انشغلنا مع اصابع العازف وكميه ( الكشكش ) الطالعه من السماعات
لكن شوف معاى الكمجنه عامله شنو هنا
دى زابطه الاداء بطريقه مبالغ فيها
ادت فرصه للفنان يغنى
وادتنا فرصه نسمع الكلام كويس
ونقرا اللحن بى هداوه
تتخيل بعد دا كلو حنقول شنو؟؟؟؟؟؟
من غير شك حنقول ياااااا سلاااااااااااااام
زى ما قناها للعظام وردى والكابلى وبقيه العمالقه
الفنان فرفور بزكاءه الفنى فطن للفلم دا .. قام سجل شرايطو كلها بى اركستر فشوفو النتيجه كانت شنو
غايتو فى راىء المتواضع الفن السودانى تعطل مع ظهور اله الاورغن كاله واحده مصاحبه للفنان
ويا ريت تسمعنا غنيه لى واحده منهم بى اورغن ونفس الغنيه نسمعا من نفس الشخص بالات مختلفه واحكم براك بعد ده
| |
|
|
|
|
|
|
|
|
|
Re: ..نجمــات .. نجــوم الغــد (Re: يوسف الولى)
|
تمبس كيف حالك ياجميل
والله لي زمن داير ادخل على
البوست ده واقول ليك فتش لينا
السهرة بتاعت عافية - وحسين ده
بس انت ما ساهل تاني بخليك براك
وبرجاك بجاي كل يوم
بعدين والله رفيعة ده عندها نداوة
صوت وتطريب مبهر والله ذكرتني ام بلينا
السنوسي نادر في النساء عموماً التطريب
لكن ده متفردة وزي ما قالو ليك الشباب
حتكون حاجة ثانية لو لقت شوية رعاية واهتمام
وتطوير للمقدرات المهولة الاصلاً موجودة فيها
وربنا يبعدها هي والمعاها من ناس الشغالين
تدمير في المواهب وعاملين فيها ( حافظنها )
تعرف أنا دائماً بتسائل ليه زي الشباب ديل ما يتم
تبنيهم من قبل مبدعين حقيقيين زي وردي وعثمان حسين
ومحمد الامين الموصلي وهنالك كثير من المبدعين علشان نخلق أجيال
تكون امتداد حقيقي لارثنا من الفن الراقي ونربي في الشباب
ديل الالتزام بالفن ورسالته من الاول خالص اكيد ح تطلع نتائج مبهرة
خصوصاً كما تحدث الشباب عن غياب المؤسسات التي
تنمي مواهب الشباب وترعاهم رعاية حقيقية( ويا حليل القصر )( ومراكز الشباب)
والله ياتمبس ربنا يديك الفي مرادك ويسهل عليك
كان بتفشنا من الورم المحل ما بنقبل نلقاه ده
| |
|
|
|
|
|
|
|
|
|
Re: ..نجمــات .. نجــوم الغــد (Re: يوسف الولى)
|
العزيز يوسف الولي
سلامات
طبعا .. عندي رأي خاص جدا بعتبر فيه أن الأورغ هو آفة الموسيقى السودانية وساهم في تدهور الغناء بشكل واضح بالرغم من أنه إذا تم توظيفه بشكل سليم زي ما هو واضح هنا بنطلع بي نتائج جميلة وبيكون مكمل للحن وضابط للأداء بشكل جيد .. وزي ما عارف أن الأورغ من آلات الضبط الثابته الممكن تتوزن عليها كل الأوركسترا.
إذا انتبهنا لي ظاهرة الأورغ وهيمنتو على الشكل العام للاوركسترا لكل مجموعة الوتريات والنحاسيات وإيقاعات ... بنجد الأورغ اقتحم الساحة في غياب الموسيقين المهرة .. وساعد ايضا ظهور التقنية العالية بتقدم علم الكمبيوتر ووسائل البرمجيات المختلفة وتقنية محاكات الأصوات وبالرغم من ذلك لعب الأورغ دور كبير في تدهور الموسيقى في الفترة الزمنية من بداية التسعينات .. إذا كنت محق .. مع ملاحظة استعمال الأورغ في فترات سابقة كآلة مصاحبة للتكوين الأوركسترالي .. أو منفرد .. بشكل جيد جدا
..
الإنسجام الحاصل هنــا يا يوسف بين آلة الكمان ، والساكس ، والكيبورد .. هو انسجام تام بالإضافة إلى احترافية الثلاثي اسماعيل ، وناجي ، وياسر في مدى التعامل مع الآلة وتوظيفه بشكل سليم جدا وصل الفكرة والاحساس بعيد عن الاسقاطات الذكرناها فوق من نشاذ الآلة والأصوات المزعجة فنادر جدا أن أي مستعمل لي آلة الأورغ مصاحبا لفنان أن يوصل الاستماع بشكل جيد متلازم مع صوت الفنان ..Quote: زى ما قناها للعظام وردى والكابلى وبقيه العمالقه
الفنان فرفور بزكاءه الفنى فطن للفلم دا .. قام سجل شرايطو كلها بى اركستر فشوفو النتيجه كانت ش |
.. تعرف يا يوسف قبل ساعات كنت بستمع لي تسجيل حديثث للاستاذ محمد وردي ولاحظت تطوير الأوركسترا ودعمها بالآت إضافية ربما تكون غير شكل أوركسترا وردي المعروفة مثلا .. الـ درمز ، والترامبول ، والكونقــا .. وعدد اتنين ترامبت بدل واحد في السابق كل هذه الآلات ادت شغل جميل جدا ربما انتبه الأستاذ وردي لضرورة اضافة الآت جديدة تحافظ على القيمة اللحنية وده طبعا مع مراعاة عدم اسقاط آلة الأورغ بل اضاف كيبورد تاني وطبعا كل آله بتقوم بعمل مختلف حسب شكل النوته الموسيقية ..
| Quote: غايتو فى راىء المتواضع الفن السودانى تعطل مع ظهور اله الاورغن كاله واحده مصاحبه للفنان |
..ان برضو مع رائك المتواضع ده .. وسبق سمعتو من الكثير جدا من الفنانين والمهتمين بالموسيقى وتطويره ..| Quote: ويا ريت تسمعنا غنيه لى واحده منهم بى اورغن ونفس الغنيه نسمعا من نفس الشخص بالات مختلفه واحكم براك بعد ده |
.. بحاول يا يوسف اوفر النماذج دي لادعم بيها كلامك الجميل ده .. حتى تكتمل الصورة بوضوح
| |
|
|
|
|
|
|
|
|
|
Re: ..نجمــات .. نجــوم الغــد (Re: tmbis)
|
اخى تمبس
سعيد جدا عشان راىء المتواضع وافق راىء ناس خبره زيكم
| Quote: بنجد الأورغ اقتحم الساحة في غياب الموسيقين المهرة |
لسه الناس شايفه تعلم العزف والموسيقى شغله فارغه وعدم موضوع
زماااااااان كان عندى عود وبديت اتعلم اعزف عليهو ...
يوم جيت لقيت ناس البيت ولعو بيهو صاج الكسره .... قالو الشىء دا شاغل الولد عن قرايتو
مااستسلمته مشيت مركز شباب بحرى قلته ليهم عاوز اتعلم عزف العود.. قالو لى جيب عودك معاك ورسوم الف جنييه( دى كانت ماهيه موظف فى الزمن داك ) .. وبعد داك نشوف ليك زول يكون فاضى يعلمك ....
تخيل طيروها لى فى راسى..... ونسيت الفكره
شوف فى كم زول مر بنفس السيناريو بتاعى دا
وغايتو
اكرر شكرى ليك وفى انتظار الجميل منك
و
تحياتى
| |
|
|
|
|
|
|
|
|
|
Re: ..نجمــات .. نجــوم الغــد (Re: يوسف الولى)
|
Quote: لسه الناس شايفه تعلم العزف والموسيقى شغله فارغه وعدم موضوع
زماااااااان كان عندى عود وبديت اتعلم اعزف عليهو ...
العزيز يوسف الولي .. |
سعيد مرة تانية أنك بتشاركني البوست وتعمل علي خلق مساحة للحوار ..
تعــرف .. زمااان بتاعتك دي رجعتني برضو لي زمــااان بتاعتي . كان عندنا ( أورغن ) صغير جدا بيشتغل بي أربعة حجار بطارية صغار .. وAdabtor كانت المشكلة انو الأورغن ده لازم كل يوم يكون عند واحد فينا لاننا كنا مجموعة ـ طبعا ان بكتب ليك الآن وسامع صوت المقطوعة الكانت مسجلة في الأورغ المهم الفترة الكان بيكون فيها الجهاز عندي كنت بستغلها بشكل سئ جدا إزعاج بالنهــار شديد خالص ، وبالليل مافي حد بينوم بالساهل .. وفي النهاية قام الأورغن لحق ( عودك العاسو بيهو الكسرة ) وده كان اصرار لي أني ( اتعاند ) وابقى مزعج زيادة واتعلم آلة العود اصبحت المشكلة الاساسية انو مافي آلة .. فما وقفت عقبة في طريقنا قمنا نجرنا لينا جيتار بديل وعملنا فرقة جاز .. كمية من علب الصلصة .. وعلب اللبن ، دي مجموعة الايقاعات ـ ( مقدمة قزازة يفصل بينها والأخرى قصديرة سجاير) طبعا علشان تدي صوت مميز بعد النفخ . ودي كانت عبارة عن آلة الساكسفون والترامبول في وكت واحد .. طبعا بتقوم تتخيل النغمة وتضربة .. وللمفارقة العجيبة كانت النغمة بتجي طالعة زي ما هي .. والأغرب من كدا ولا واحد فينا ما طلع عازف .. اها لما كبرنا شوية مشينا قصر الشباب ومعاي اتنين من اعضاء الفرقة بتاعتي ديل انا طموحي كان محدود لاني عارف المافيا المسيطرة على قسم الموسيقى وقتها في قصر الشباب .. اتوجهت مباشرة للصالة الرياضية .. واصحابي الاتنين بعدما عملو المعاينة بتذكر الاستاذ ساقهم من يدهم ووقف بيهم في السور بتاع الطابق الخامس على الجهة المطلة على الصالة الرياضية .. وقال ليهم شايفين المكان داك .. في زول بيعلم كراتية امشو ليهو قولو ليهو مرسلنا ليك استاذ فلان .. فلاحظ يا يوسف بالرغم من قناعتي انو الموسيقى ما بيكتسبوها وانما هي موهبة وايقاع موزون بيكون داخل الشخص .. إلا انو احيانا الرغبة الأكيدة مع تنمية المهبة بواسطة شخص مدرب بتادي نتائج جيدة ..
عندي تجربة غريبة جدا .. الآن احد عازفي فنــان كبير جدا في السودان .. هذا الشخص ما كان ليهو اي علاقة بالمزيكــا .. بعد فترة اغتنم ليهو آلة موسيقية .. ما تتخيل مقدار الإزعاج الكان بيعملو في الحلــة قدر كيف .. بعد فترة غبت انا عن السودان .. فجأة أول مرة اشوفو شفتو في التلفزيون مع هذا الفنان القمة .. اتذكرت الازعاج بتاعو الكرهنــا بيهو الحلة .. وموقعو الآن مع قمة الفن في السودان ...
..
يوسف غايتو لو لحدي الآن ما اتعلمت العود من الزمن الكسرو ليك في راسك داك .. تكون بالغته
وكان قدرت تعمل اي حاجة فيهو .. ياريت تسمعنا أي حاجة في البوست ده
| |
|
|
|
|
|
|
|
|
|
Re: ..نجمــات .. نجــوم الغــد (Re: عبد اللطيف بكري أحمد)
|
وضــاح ومحمد الأمين ..
شكرا يا شباب للدعم المتواصل للبوست ولنجمات الغــد ..
..
عزيزنــا عبد اللطيف بكري ..
والله للاسف الشديد .. فتشت ودورت على زوروني كل سنة مرة في نفس السهرة المعنية وللاسف الشديد ما لاقيها وما زال البحث مستمر .. وفي انتظار اصحــاب القلوب الرحيمة  يدونــا دفره شوية ..
مافي خيانات يا عبد اللطيف .. كان لميت فيها ح انزله طوالي هنــا بس اجتهد انت معانا كمان
| |
|
|
|
|
|
|
| |
tmbis
عمر الفاروق
عبدالله شمس الدين مصطفى
معتصم دفع الله
الطيب شيقوق
Yassir Tayfour
HAMZA SULIMAN
salma subhi
معتصم الطاهر
Raja
Aymen Tabir
الصادق خليفة
Mohamed Abdelgaleel
محمد الامين احمد
صابرين الصباغ
saadeldin abdelrahman
عبد الدائم سيد أحمد
Abomihyar
محمد أبوالعزائم أبوالريش
خالدة البدوي
حبيب نورة
ابوهريرة زين العابدين
علي طاهر
خدر
Alsa7afa_30
Haytham Abdulaziz
يوسف الولى
الشيخ إبراهيم الشيخ
وضاح
فيس بوك
تويتر
انستقرام
يوتيوب
بنتيريست