|
|
 تعديل .. صور بروفايـــل الأعضاء ..
|
تحياتي للجميع..
وحتى نتمكن من متابعة البوستات بصورة سليمة سأقوم بعملية تعديل للكثير من الصور الشخصية الموضوعة علي البروفايل .. وتلاحظ هناك امتداد في حجم الصور .. ويأخذ حيز كبير من مساحة المداخلة المقدمة من العضو .. وبالتالي يحدث خلل بامتداد البوست في شكل افقي مما يساعد في فقدان المتابعة إلا عن طريقة ( سحب ) الماوس وتحويله من جهة الشمال إلى اليمين وهكذا..
..
سأقوم بتصغير بعض الصور الواضحة امامي ( بعد اذن اصحابهــا ) وهو غير ملزم أن يلتزم بخياراتي وله مطلق الحرية في ذلك .. وللمصلحة العامة أرجو ان يجدوا لي العذر الكافي.
...
كل من يرغب في هذه العملية عليه إيراد الرابط الخاص بالصورة هنا في هذا البوست حتى اتمكن من المتابعة ..
الشكر لكل من تجد هذه الفكرة طريقها إليه ..
ولكل من لم تروقه....
|
|
 
|
|
|
|
|
|
|
 Re: تعديل .. صور بروفايـــل الأعضاء .. (Re: doma)
|
| Quote: تتذكر صورتي الزمان نزلتها ديك ؟؟؟ لما كنت سمحه |
والله ياحجة دي .. ( عبد الرازق الطالب ) زاتو ما يلقاهــا ليك 
فتشي العدة بتاعتك دي كان لقيتيها شوتيها في البريد .. وبقوم ليك باللازم وبعمل ليك ملصقات انتخابية .. ماتخرش مية..
اتحركي معانا
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: doma)
|
| Quote: اجي يا تمبس الصوره ما جبتها لي انت زاتك اكان كدب انت خرفت |
يا حجــة..
.. والله دي كارثة .. ياهو الخرف البعنوهو زاتو..
الصورة اياهــا لكن لووووول كبيرة جدا .. انا يومه قلت ليك انسي واعملي نايمه ماسمعتي كلامي وفتيتيهو ..
حسع انا بكوس عليها من العصرية مالامي فيها
اها قولي لقيته وجبتهــا .. اقوم انزله هنـا كان قامو ( ضربوك عين اون لاين ) 
كان سحروك بتستفيدي شنـــو..؟
| |
|
|
|
|
|
|
|
|
 Re: تعديل .. صور بروفايـــل الأعضاء .. (Re: رأفت ميلاد)
|
كدى ، كدى كده شوية .
مشكور قبل لا نشوفها ، بس ما تكون قطعت الحبل اصلى دخلت على اللينك لقيتو فز ،
بس الحته دى اقرم منها شوية
الباقى خليهو
لا لا لا
هناك
هناك
( معليش يا تمبس ، جاى لى من مقابر امس ، وتنظيرات الناس اللى دايرين يريحوا المرحوم فى قبرو ) وانت عارف اهلك
على العموم مشكور
| |
|
|
|
|
|
|
|
|
 Re: تعديل .. صور بروفايـــل الأعضاء .. (Re: tmbis)
|
يا زميل دا كلام جميل ..
الغرض من وضع الصورة في البروفائل هي نفس طريقة أعمدة الصحف مع اختلاف المساحة ..
وزي ما قلت حتى لا تشوه منظر الصفحة وتاخد مساحة كبيرة منها ..
شكراً لتفاعل الجميع مع هذه الفكرة ..
كامل المحبة للجميع ..
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
| Quote: حجمها فعلاً كويس .. بس أبعادا ماظنيتا متناسقة !! |
لا حجم لا أبعاد, وأمشي شيلا وختها في بوست اللوتري 2008 بتاع الخير, شوف حيقول ليك شنو
| Quote: ما عارف .. لكن بتذكرني بي حاجة كدة (هسي ما متذكرا) !! |
خلاااااص داير تتغابه فيه العرفه وتنكره, تقول أصلك ما ركبتو
| Quote: بعدين ياخ أنا كنت فاكرك بتعمل تغيير وصنفرة في ملامح الوجه نفسو مش في حجم الصورة بس !! |
استغفر الله العظيم من كل ذنب عظيم
الله على المفتري
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: علوبه)
|
اقول شنو
يافرده
اقول يادفعة
ياصديقي الشوق مطر
والريده التحية والمحبة الخالصة
كده اتحرفن ورجغع لي صورتي بدون رابط
ولا اقوليك خليها كده اصلو مليان احباط
التحية لكل من قابلنامعكم
الى لقاء
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
العزيز رأفت ميلاد ..
مليون سلام .. وفي انتظار نوبي ..
..
هيثم بابكر..
يازول البتاعه دي قطعناها قطع معلمين .. عليك امان الله بي حبله الما خمج..
..
| Quote: الغرض من وضع الصورة في البروفائل هي نفس طريقة أعمدة الصحف مع اختلاف المساحة .. |
.. يا ابوالدفاع .. كلما دائما في محلــو.. يدك معانـــاالحبال كتيرة ..
..
ناذر ..>>>>>>>>>> مالك ؟؟
..
العزيز هيثم عبدالعزيز..
والله ما دي مكنتك لكن خليها بس مقفولة كده يوم الخميس اليوم الوحيد البتجدع فيهو كان في النوم كان في البورد .. طبعا عارف الدوامة كيف بتاعت هنــا.. أما صاحبك بتاع البشكير ايــاهو مدنو راحتو لحدي ما يعمل جولة ويعمل ليهو لياقة شوية بعد داك ح يعرف حاجة..
..
المعـــز ..
| Quote: لكن كان قدرت مرقت لي معاك الطيرة دي |
.. كدي اول حاجة هي زاته المدخله هنــا شنو؟؟ ذكرتني النكته بتاعت المسطول القال ليها حسع عملتي شنو يعني انا غايتو ( بقلبه ) كان ما طلعت تكون طيره بالجد بالجد
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
يا تامبا يا فنان افعل ما بدا لك
وبالمناسبة يا اخوي انا كنت منزل صورة وطشت ما لقيته .. قلت امكن ماعجبت الناس ومشيت الحلاق ومنو على الاستديو ومظبط الكرفتة وقعدت في الاستديو ساعة وكل مرة اغالط فيهو ولمن شلت الصورة برضو شاكلتو قلت ليهو الصورة شينة قال لي يعني انا اعمل ليك شنو ده ما شكلك يعني انا ذنبي شنو وجيت حاولت ادخلها والمرة دي اظنها ما عجبت المنبر ذاتو وكل ما احاول احمّلها ترجع لي ... واظنو لو كان بتكلم كان قال لي دي صورة تقابل بيها ............... (ناس المنبر)؟!
المهم يا نمبس انا في حواكم انت ومعتصم تشوفوا طريقة لي صورتي ولو رايكم طلع من راي الموقع برسل ليكم صور اولادي .
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: امير عوض الجمري)
|
يا امير الحســن لو سمحت ظروفك
يا امير ..
عليك الله الصورة نزلتها وين ..؟ غايتو إلا تكون نسيته عند الحلاق ..
حواكم دي جابت الصورة بتاعت المرة الفاتت غايتو يا امير كان ما عرفتها وين .. يكون دي علامات الخرف المبكرة .. حسن اعمالك بعد كده..
صاحبك معتصم ده الواحد ما يعتمد عليهو الايامات دي .. انا قلت اللقاهو ( حلق ) ليك نمرة تلاتة وظبط ليك الأمور ... وحاتك ولا هببو ليك ، ومدكن الصور في الجهاز ..بلاي ( كلب ) بوليسي ما يطلعه .. انا شغال معاه قلع بس ..حسع قلعنــا ليك دي .. الله يفتح لينا بالباقيات
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: عزالدين محمد عثمان)
|
العزيز عزالدين محمد عثمان ..
لا شكر على حاجة بسيطة يا عزالدين .. والف شكر انو المحاولة عجبتك..
..
نـــاذر
شابكنــا صنفره .. صنفره ..
اهــا شفت الصنفره كيف.. ؟؟ والله بقيت جديد لنــج
انا لو منك .. بطبعه في فنـــله .. زي بتاعت مايكل جاكسون الزمان ديك .. متذكر
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: رأفت ميلاد)
|
العزيز يحي مصطفى ..
منور والله بي زيارتك .. ونخدمك بي كل المستطاع وحتى الغير متوفـــر ..
انت اشر بس ..
تحياتي للمعاك ..
..
عبد الغفــــار ..
تم اللازم .. ووريني رايك ..
..
العزيز رأفت ميلاد..
الحمد لله ما حقرت بي ولحقتني محمد السني .. وعماد عبد الله ..
البوست في ايدي امينة وماهرة .. واصل كفاحك اصلو انا قاعد اغيب كتير الايامات دي ..
..
دكتور ود محجوب ..
تم اللازم اي مقترحات جاهزين..
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: Elmuez)
|
يا كــوزتاوي ..
بلاي ده حسع حمــام والا شـــارع ( ظلط )
أدخلك في كباية تدخلني في ( حيص بيص )؟؟ تشطفني في جردل بتاع ( زفــت ) يا مارشال؟؟
طيييب يا شاويش .. اديها صنة ..
..
يا معـــز...
تعرف كان سألت الخوجة بيكلمك عن برنامجي مع ( الحمــام ) زمان
الايامات دي الدنيا برد هنـــا .. بلاي الشافع الغاطس في الجردل ده عملتو لي بيهو ( زلعه )
كتر من ( الطير ) ... الطير فيهو البركة
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: يوسف السماني يوسف)
|
| Quote: ياتمبس بالله قبل ما تبدا في تصغير الصور كدي نزلي صورتي ونزل صور ناس الكاشف اخوي الماعندهم صور في البروفايل . |
يا جوزيف..
ياخي انتو ناس البيت ما عندكم مشكلة بالنسبة لي ناس الكاشف حسع انا شغال حفير شديد جدا .. في الملفات .. معتصم لامي الصور كلها عندو والله تقول ما قاعد اصور معاهو
| |
|
|
|
|
|
|
|
|
 Re: تعديل .. صور بروفايـــل الأعضاء .. (Re: mamkouna)
|
| Quote: تقدر تجيب لي العين التانية؟؟!!! |
ممكــونة ..
كان جبت ليك العين التانية ( بحــوص ) بيك
اتنين ( محوصين ) يا ممكونة..
واحد جاب ليهو ( بوهية ) عايز يضرب ( بابهم ) ضرب باب الجيران
جارو جا طالع الصباح .. لقى الباب ( مضروب )
قال:
الليلة ناس عـــادل ديل عندهم ( مناسبة ) والا شنــو..؟
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: ناذر محمد الخليفة)
|
| Quote: إنت وين من زمان ياخي عندي صورة كبيرة لمن خجلان منها عايز أعدلها ما عرفت بالله عليك أعمل اللآزم مع شكري |
العزيز عادل جبــارة..
مافي اي مشكلة .. يا اما ترسل الصورة بالايميل .. يا اما اتصرف ليك من صور سهرة عثمان حسين
البتشوفو تمام معاك .. وانا راجيك ..
..
ناذر..
| Quote: عليك الله صغر لي صورتك وإنت في الجردل عشان أختها في البروفايل بتاعي |
اصلو ما بمد يدي عليهــا
خلي كوستاوي المرة دي يجيب ليهــو .. ( جـــك )
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
تمبس
الجميل كيفنك والاهل
عليك الله اشتغل بينا شويه
العيال ديل كبرو خالص وكبرونا معاهم وكل يوم بيمر بزيدو زياده شديده(وصاحبك بيضيع ساكت)
عليك الله صغرهم لينا شويه
عشان نشوف
روحنا
** مشتاقين دون شك
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: Abir Abdulla)
|
الجميل جدا ..
فيصل عباس ..
الايامات دي في نشاط .. اريتك طوالي مفرهـــد .. وبطلت الانكماش
عليك الله كان ما اشتغلنــا ليك شن الفايده
البتاعات دي ظبطت .. وجضم لي الحلوين ديل معاك..
وتحياتي لي الماما..
وراجنك لو تحن ..
..
استاذنــا حيدر حســن..
يا مليون مرحب والله .. طبعا فكرة وضع الصورة فكرة ممتازة وبتربط القاري بالكاتب مباشرة لكن طبعا مشكلة التعامل مع البورد بتظل قائمة مع البعض هنــا .. وياريتنا نقدر نساهم بقدر الامكان في حل بعض الصعوبات دي ..
الصورة حجمها كبير جدا ودرجة الالوان شوية باهته . علشان كده عدلتها باقل خسارة ممكن والبنية الامورة ربنا يحفظه ليك
وجاهزين لي اي خدمة يا استاذ ..
..
عبير عبد الله ..
كلــو تمام .. شغل مظبوط والصورة واضحة خالص .. اي مشكلة طوالي اكتبيها ما تترددي
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
ظبطت بتاع ماذا يا مان
انت بتدقسنا ولا شنو؟؟؟
اسع عملت فيها شنو (مسحتها فوطه)
ما اهو التراب عالق في اللساتك (نظرك ضعف يا كافي البلا)
قولنا ليك صغرهم عشــــــــــــــــان ما
يكبــــــــــــــــــــــــــــــــرونا
خاشين لي وطن تاني
فهمت ولا تجيب اضانك....
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: tmbis)
|
يا Boss كيفــك يا وجيه،،
بالله عليك في صــور لافة المنبر دة زي واجهــة أستـديو فارتــي و دايرة تعدييييل و ارجو منك إنت و نوبي لو لميتو فيها تدخلوها الفرن و تظبطوها تمام و تحت المثلة:
أيمـن هارون
ناصر خليل (بتاع حفرة الدخان)
بقال (و ركز لي على قزازة الميرندا دي بس ما تكسرا .. لأنو ما حا يلقى غيرها)
DKEEN و ركز لي على الساكس
و لما أتذكر ناس تانيين بجيك صادي..
هيثــم،،،
| |
|
|
|
|
|
|
|
|
|
Re: تعديل .. صور بروفايـــل الأعضاء .. (Re: Kostawi)
|
تمبس يا فنان الفكرة أكثر من رائعة
بس أنا ما عندي صورة في البروفايل
أفتكر أحسن ننزل صورة في الأول وبعدين
أعمل الرتوش اللازمة 00 أليس كذلك 00؟
واذا عندك أي صورة لشخصي نزلها
بدون أي إعتراض 00
مع مودتي 000
| |
|
|
|
|
|
|
| |
tmbis
abuguta
حيدر حسن ميرغني
doma
الفاتح يوسف جبرا
ملكة سبأ
Mohamed Abdelgaleel
Emad Abdulla
ناذر محمد الخليفة
Haytham Abdulaziz
على محمد على بشير
فيصل نوبي
رأفت ميلاد
معتصم دفع الله
عزالدين محمد عثمان
abcde
Kostawi
فيصل عباس
علوبه
محمد سنى دفع الله
عبدالمنعم الرزوقي
Aymen Tabir
امير عوض الجمري
nour tawir
saif massad ali
يحيي مصطفي
ود محجوب
يوسف السماني يوسف
الملك
mamkouna
Abir Abdulla
Shams eldin Alsanosi
bob
bushra suleiman
عثمان سيد أحمد
فيس بوك
تويتر
انستقرام
يوتيوب
بنتيريست