|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: هلا (Re: ALMURADABI)
|
يا قرقوووووووور
كل سنة وانت طيب يامان .. مشتاقين كميات ..
الحلوين المعاك كيف عاملين ؟؟
اتوقعتك في خواتيم رمضان .. السنة دي ما جيت ؟؟
| |
 
|
|
|
|
|
|
|
 Re: .. من النيل الازرق .. نجوم الغـــد .. ريماز ميرغني (Re: tmbis)
|
تعرف يا تمبس انا احكي ليك طرفه عن هذه الاغنية
لقيت مره اتنين سودانيين موقفين العربية بين العين ودبي وفي واحد مواطن اماراتي واقف يعاين للجماعه ديل بيسو في شنو وهم يعرضو علي الاغنية وما شغالين بالشارع ولا بالناس البتعاين ليهم
خلصو الاغنية وركبو عربيتهم ومشو الاماراتي سالني ديل بيسو في شنو قلت ليه بيرقصو رقصه سودانيه تعبر عن الشجاعه قال لي والله يا الزولات عندكم حاجات جميله جدا وبتعرفو تعبرو عنها
عشان كده انا بقيت مدمن عليها وبسمعه كل يوم منها
وبكورك بكورك
| |
|
|
|
|
|
|
|
|
 Re: .. من النيل الازرق .. نجوم الغـــد .. ريماز ميرغني (Re: abas)
|
والله ياعباس ديل اخحلي ازوال في الدنيا وطيبين جدا
مش كويس انهم ما كان معاهم صوط وقامو عملوا الحركة ديك ؟؟
الاماراتي ده كان عرف حاجه ..
ياخ والله ما لقيته لكن لقيت واحده غيره .. بتنفع معاك ؟؟ والا اخليك في كواريكك دي
شايفك الليلة ما جيت عملت فوضي هنا
بكره الصباح كيف معاك ؟؟
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: tmbis)
|
حبيبنا تمبس
البوست ده فى ميزان و كلام الهلالابى عباس فى ميزان
Quote: لقيت مره اتنين سودانيين موقفين العربية بين العين ودبي وفي واحد مواطن اماراتي واقف يعاين للجماعه ديل بيسو في شنو وهم يعرضو علي الاغنية وما شغالين بالشارع ولا بالناس البتعاين ليهم
خلصو الاغنية وركبو عربيتهم ومشو الاماراتي سالني ديل بيسو في شنو قلت ليه بيرقصو رقصه سودانيه تعبر عن الشجاعه قال لي والله يا الزولات عندكم حاجات جميله جدا وبتعرفو تعبرو عنها |
الظاهر الجماعه ديل ممكونين و صابرين
تحياتى
تخريمه
ما هى ارخص طريقة تحويل شرائط VHS الى DVD
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: Elnasri Amin)
|
| Quote: الظاهر الجماعه ديل ممكونين و صابرين |
مكنة بلاد بره حاره يانصري ..والامكن منها لما تكون شايل تفاصيلك جواك .. وتطلع منك فجأة كده بي تلقائية زي بتاعت جماعة عباس الممكونين فوق ديل.. فاهمني طبعا؟؟!!
وبالنسبة للبرامج عندك برنامجين ممكن تتعامل معاهم بي كل سهولة إذا قدرت تتحصل عليهم.. مريحات في التحويل وساهلات في المعاملة ..
* Ulead Video Studio 7
* Inter Video Win DVD Creater
عن تجربة وانا عادة بستعملهم في التحويل ..
اما التخريمة الفوق لتخريمتك :
إذا لقيتهم اون لاين بيسهلو عليك شديد وما اظن بالساهل تلقاهم.. وهم طبعا املح طريقة إذا كانوا موجودين بالنت .. لكن إذا فشلت في الحكاية دي ما عندك اي مشكلة ايميلي في البروفايل رسل لي عنوانك الكامل بكندا وانا برسلهم ليك .. وان شاء الله افلس زاتو
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: Agab)
|
الغالي ود العجب
وانت طيب وبالف خير وربنا يحقق كل امانيك ..
معليش ياعجب
دائما البورد ما بيستقر علي حال واحد ومن المستحيل التوصل لي نقطة معينة نقدر نمارس فيها ادب الاختلاف الجميل .. من غير الانحراف لي جوانب تانية ترمي بي ظلاله سلبيا علي الجميع وتخلق نوع من الدبرسه وفي بالي طبعا ان هذا المكان اصبح متنفس للجميع وخاصة من هم بالخارج .. لكن ربما نعشم في يوم ما انو الحال يتصلح وبرضو بقدر الامكان بنحاول نحافظ علي وجودناباي طريقة مشروعه بالرغم من الاسباب البتحرضنا علي الابتعاد.
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: tmbis)
|
شكراً يا تمبس وكل عام وأنتم بخير، ربنا يحقق الأماني.
أنا في شخصك بحترم أشخاص، لم أسمع بأغنية غيرها لصاحبها إبراهيم إدريس ودالمقرن -رحمه الله- لكنّه لو اكتفي بها لكَفَتـْه! جلسة سمر ضمّتني وأصدقائي قبل شهور خلت، كنت أحمل في معيّتي ألبوماً غنائيّاً للفنانة سميرة دنيا ادعيت عند صدوره أنّها ما أصدرته إلا بناءاً على رغبتي!! وذلك لاحتواءه على أغنيات جميلة رصينة ذات وقعٍ عنديّ مثل (انت حياتي) و (عيون المها)  و (مالو قلبي الأسروه) و(لحن الحياة منّك) ، لكن (أنا في شخصك بحترم أشخاص) كان لها دون غيرها احتراماً خاصاً !! يومها طلبت الصمتَ من أصدقائي والاستماعَ باهتمام لهذه الأغنية التي خرجت بالأغنية السودانيّة من سياج الغزل الحسيّ لفضاءٍ واسعٍ من احترام الذات لا لجمالها وإنّما لدواخلها، نقلت لهم اهتمامي بأنّ شاعر الأغنية وضع برفقٍ و(حرفنة) لا مثيل لهما كلمة (هكذا) بين الكلمات الدارجة كما لم يضعها أحد من قبله فلا اختل المعنى ولا شَعَرنا بالتكلّف!
برضو ما في خلاص ... هكذا يا ظالم جزا الإخلاص
بيد أنّي أعجب لعجب الشاعر من جزاء إخلاصه وتفانيه، ولا أدري ماذا كان ينتظر؟ ألم يسمع بقول الشاعر (ميل وأعرض وكتر أمراضي، في هواكم بالهوان راضي)؟! ألم يعلم أنّ الحبّ إذا كان بين طرفين حَرَمنا من الإبداع الذي تولده المعاناة؟! هل كنّا سننعم بروعة (يا روحي أنصفني) لو رقّ قلب حبيبة شاعرها له وأنصفته؟! وهل كنا سنطرب ل(الليل ما بنومو) لو نام شاعرُها الليلَ بأكلمه سعيداً برضا محبوبته عنه؟! من أجمل ما وصل إليه الشعراء في الزمانين القديم والحديث هذه النتيجة...
في الصدّ تزيد في خبرتك وفي الحب أزيد في خبرتي !
ورد هذا في اغنية الحقيبة (عيوني وعيونك)، لله در شاعرها الذي علم بعد تجارب مريرة أنّ خلاصة حبّه زيادة له في خبرة الحب وزياده لمحبوبته النافرة عنه في خبرة الصدّ والنفور!! على أنّه -وأعني الشاعر- أراد أن يفصح عن تميّزه وانفراده بحسن الكلام ونادره فقال... أسباب تشوقي نظرتك واسباب نفورك نظرتي !
وبعودة ل(أنا في شخصك بحترم أشخاص) فإنّ لحنها الجذاب وافَقَ معناها كما لم يوافق لحنٌ مفردات أغنيته، لست دارساً محترفاً للموسيقى لكنّي أجد نفسي منحازاً للساكسفون أداة أساسيّة يمكنها إبراز هذا اللحن في ابهى صورهـ ، ولا بأس بمداخلات من فلوت حزين هنا وهناك وقليل من الأكورديون يطرز ختام الجمل الموسيقية ... أكتفي بهذا القدر قبل أن أقع في المحظور واتّهم بالكتابة في ما لا علم لي به!!
ريماز ميرغني صوت جميل أجمل ما فيه صفاؤه الشبيه بصفاء صوت سميرة دنيا، جاء منسجماً مع لمسات عازفي (الأورغ) البارعين، أعجبني جنوحها لهذا النوع من الأغنيات بعيداً عن الأغاني الصاخبة إن جاز التعبير، وأحْمَدُ لها حفظها لمفردات الأغنية حفظاً متقناً وقد اعتدنا من بعض المؤديين التلاعب بالأغنيات وإدخال مفرادت ( من عندهم) لها! وأخيراً فإنّ الإشادة واجبة باستوديو النيل الأزرق وإضاءته الباهرة -ما شاء الله-، هذا فضلاً عن اللمسات الديكورية الراقية الدالة على أنّ هناك جهداً مبذولاً، أتمنى لهم التوفيق.
أحمد الريّح
_____________________________________________________________________________________
أجادت سمية حسن اداء هذه الأغنية وبذلت فيها جهداً كبيراً لإخراجها بصورة جيدة، ولا أنسى أنّ الراحل العميري أحسن غناءها كعادته مع كلّ ما غنّى.
لو لم تخني الذاكرة، فإنّ (مالو قلبي الأسروه) أغنية للفنان الراحل محمد حسنين، وأذكر ايضاً أنّه تغني ب(يا ناس انتو وين انتو)، لم يلقَ هذا الفنان حظه من الشهرة الوافرة رغم جمال صوته وقدراته التطريبيّة العالية.
أطرب لكلّ ما غنّى الراحل عثمان الشفيع وازداد طرباً لأداء عبد المنعم الخالدي لأغنياته.
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: Ahmed Alrayah)
|
احمد الريح ..
كل سنة وانت طيب وموفق .. واتمني ان يحققق الله كل امانيك ..
تعرف يااحمد في اغاني بتظل خالده وبتتابع الواحد فينا من أول لحظه يستمع ليها .. وتشبك معاهو واجزم ليك ان كل اغنية من الاغاني الاشرت ليها دي .. عالقه بوجدان كل سوداني .. عندي علاقات معينة مع اغاني محدده .. لدرجة احيانا ( بشطح ) وبيني وما بين نفسي بتخيل انو مفصله لي من دون ساير الناس..
فترة دراستنا المتوسطه .. كان لي صديق حببني في عزف العود .. كان يتنقل بين اوتاره بكل حرفنه ومهاره عالية .. عندما يغني انا في شخصك بحترم اشخاص .. تحتاج إلي مسافه طويلة جدا بعد انتهاء الاغنية للطلوع من حالة الانجذاب .. احيانا كان يكرر الاغنية في اي جلسة استماع مرتين حتي تخلق معادلة للخروج من الحالة الاولي.. وعند سماعي لها من الراحل ود المقرن يطلع لي عصام ده ..اي كلام
اعجبني تهويمك وفرتقتك الحية داخل البوست .. وتشبعك بكمية ضخمة من الاعمال الخالده جدا .. وتجدني احمل نفس هذه الاعمال كنسخه اخري من ما تستمع له ..
انا غايتو عندي ليك اقتراح
خليك اسبوع ظلامي ..واسبوع مزيكاتي
شكرا يااحمدسرتني مداخلتك القيمه ..
واتمني ان نكون علي تواصل
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: alfatih)
|
العزيز جدا
استاذ الفاتح ..
وشكرا لزوقك انت كمان ..
ريماز صوت متميز وإذا حالفني التخمين فهي امتداد لجيل مني الخير وعائشة الفلاتية وغيرهن ..اتمني لها التوفيق والمحافظة بقدر الامكان علي التميز.
ودائما مسالة التمرين المصاحب للبيانو بيوصل لي نتائج سليمة..
اتمني ان تحجز ليها مكان مميز من الآن وسط الساحة وتلتزم دائما باداء الاعمال الجيدة.
الف شكر لمرورك استاذ الفاتح..
| |
|
|
|
|
|
|
|
|
 Re: .. من النيل الازرق .. نجوم الغـــد .. ريماز ميرغني (Re: برهان تاج الدين)
|
برهــان..
يديك الصحة والعافية .. ونحمد الله الغنية عجبتك ..
..
اها سعد الدين والقصاص ديل يعني خلو الناس شوية كده تتصالح مع الكيبورد في الاعمال ويتقبلوهو بي شكل كويس .. الشباب ديل متمكنين لي درجة الاحترافية وعرفو كيف يقرو ذاكرة الكيبورد كويس ..يعني عكس الشي الحاصل اليومين دي والحاجات البتعمل لي الواحد( انيميا ) لما يستمع ليها.. والله يابرهان قبل كم يوم حضرت لي حلقة كده في التلفزيون .. قربت اكسروو..الاورغن في سوباوالقون في ابوحمد...
وز ما قلته الناس دي كان فضت نفسها .. في ناس كتار مفترض تاكل نيم .. لكن ناس محمدية ديل طبعا خبرة الخبرة .. البروحو فيها الترزية ..
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: tmbis)
|
يا زول ريماز مشروع خطيبة عديل ..
تمبس شوفها لو بتقبل ح أنزل إيميلي في البروفايل صورة وصوت , أوكي ؟
وبي المناسبة أخبار صاحبك المعتكف في كهوف نجد شنو ؟
زول يخلي بوستك ده ويرجى الجمال في نجد ؟
شيل ليهو صورة عينة ومعاها صحن سلطة أسود وكتير سلامي ..
أبنوسي
| |
|
|
|
|
|
|
|
|
|
Re: .. من النيل الازرق .. نجوم الغـــد .. ريماز ميرغني (Re: tabaldy)
|
ابنوسي ..
بقيت تغيب وتجي علي كيفك ..
وما تظهر إلا مع المشاريـــع الناجحه دي 
مشتاقين شديد ياخ..
انــا غايتو كان علي قبلان لكن مع الشفتو الايامات دي .. الحشاش يملا مخلايتو..
Quote: وبي المناسبة أخبار صاحبك المعتكف في كهوف نجد شنو ؟
زول يخلي بوستك ده ويرجى الجمال في نجد ؟
شيل ليهو صورة عينة ومعاها صحن سلطة أسود وكتير سلامي .. |
اها شفت يا ابنوسي صاحبي ده أول المزارعية الممكن يداقروك في خريف زي ده ..
انت عارفو طبعا عينو طايره قدر شنو ..
كان حريص جدا يكون اول زول يفجر لي القنبلة دي وقال لي اللحق سجل المشاريع الكويسه في التلفزيون الآن ( وهو ما قايلني انابرضو ماسك موية في الحواشات ) وقال لي كمان احجز لي سيديهاتي ..
ومديني سيديهين وحات خوتك عايز يقبضني بيهم سنة لي قدام وعايز كمان يخم بيها كل المشاريع دفعه واحده
| |
|
|
|
|
|
|
| |
tmbis
Hussein Mallasi
Rakoba
معتصم دفع الله
شرووم
ALMURADABI
abas
samwal ebrahiem
معتز تروتسكى
ودقاسم
Elhadi
yumna guta
محمد الامين احمد
Rawia
Raja
مجدي شبندر
Agab
keiga2000
alfatih
Ibrahim Algrefwi
برهان تاج الدين
Elwaleed M. Ahmed
Ahmed Elsharif
فيس بوك
تويتر
انستقرام
يوتيوب
بنتيريست