هلا يا محمد لو الله مد في الايام هنالك بوست اجلته كثيرا نسافر به الي (ابيي- ناما) برفقة دفاع شعبي وجيش ومهندسين مساحين زي الورد ناس قريعتي ساكت.. طريق يربط اهم المناطق التي ورد ذكرها كثيرا في اورقة الساسة ونقتهم العجيبة وغريبة سنري امر منطقة(ابيي) ونحلق في مدارات الوصول اليها عندما (قالت الثيودلايت خلاص استوب)... ... الجزء التاني من ابكر لوتري سيكون هذه المرة باذن الله من داخل الجك وسنحاول شفط بعض الملامح من شوارع اولاد جون العجيبة.. ... بوست اخر يشابه(دخان علي حافة الخيانة).. وهذه المرة حكايات من سطح منزل احرار وسيكون في حديث المسكوت عنه وسيرة بنات الليل وبعض بنات النهار ايضا... .... بالاضافة الي بعض البوستات (اللقيطية) والمصطلح لخليل وهو البوست الذي يذهب سريعا الي لقيط المنبر وهي الصفحات الوراء 3و4و5 وعيييك ودمت خلاقا ملهما يا صديقي..
12-17-2007, 10:17 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لو كان المسنجر شغال كنت حكيت ليك أنا كنت كاتب شنو في الأول و شكرا لــ "شاهده قبل نشره" جري مسحت العنوان و البوست و كتبت دا وزي ما علقت لكيكي دي فكرة ملطوشة عديل او في رواية (مهكرة)
Quote: ده حايكون عنوان بوستى الجاى سمح؟
سمح ياختي
سي جي يا سجمان قول واحد
12-17-2007, 10:29 PM
Elawad Elawad
تاريخ التسجيل: 01-20-2003
مجموع المشاركات: 7226
أنا طبعا ما من كتاب المنبر و أهتم أكثر بقراءة ما فيه و عندي كتاب مفضلون كثر. بدون مجاملة يا محمد انت واحد منهم. محل ما ألقى اسمك طوالي بخش وما بتخذلني بملاحظاتك الذكية وكلامك الدايما في الصميم. فخطتي للربع القادم متابعة كتاباتك و متابعة كتابات حيدر حسن ميرغني المعتدلة و المتوازنة.
12-17-2007, 10:51 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: سؤال محيرني ياعمك... في ملعب كرة القدم يوجد قوس على رأس الصندوق بتاع التمنطاشر فايدته شنو دا؟
هلا يا عمك وده قوس العشرة ياردة او 9.15 متر وفائدته الاساسية بساعد الحكم في توقيف اللاعبين لمسافة العشرة ياردة في حالة تسديد ركلة الجزاء والقوس يا ماان يبعد من نقطة الجزاء في كل نقاطه عشرة ياردات.. شفت البلنتي ده بدلعو كيف في الكورة
12-18-2007, 00:01 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
والله يا كيكي قلبي كان حاسي لكن قلت أتاكد أحسن تشكر يا معلم وبالمناسبة دي أحجز لي لوج في الجزء التاني من حافة الخيانة بس أعفيني من مشوار الدفاع الشعبي دا ما بريد سيرته ذاتها
12-17-2007, 11:56 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
دا شكل بوستيني في الربع بسرعة وريني رايك في بوستيني دا بعدين انت مش فاتح لينا الونسة سودانية و بمزاااااااج لزومو شنو اخر الليالي تقلبا لينا ارباع وانصاص اوعا تقولي لي دا امتداد طبيعي لي داك بعد الارشفة
12-18-2007, 00:08 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
معلم يا اللمينز بس نسيت تاريخ مداخلتي ما عدلته ليه موضوع مهم ولفائدة النقاش ورفد الحوار بجيك صادي - أو كما قيل
Quote: بعدين انت مش فاتح لينا الونسة سودانية و بمزاااااااج لزومو شنو اخر الليالي تقلبا لينا ارباع وانصاص اوعا تقولي لي دا امتداد طبيعي لي داك بعد الارشفة
يا عمك البوست دا وكما ورد عاليه فكة دبرسة وكدا و الونسة بنتمها في الربع الجديد وكما لا يخفى عليك الجديد شديد بالمناسبة دي ما عندك حاجة لأيمن الربع
بسم الله الرحمن الرحيم الاخ العزيز ود البشري السلام عليكم ورحمة الله تعالي وبركاته اهنئك بالعيد السعيد وأرجو ان يعيده الله علينا وعليكم بكل الخير والبركات اما انا فالحمدلله ولا ينقصني شىء سوى حاجات تانية حامياني .. وبعد فلدي أكثر من بوست ساطرحه عليكم وآمل أن ينال اعجابكم ويجيب كثافة ناس كدا بعرفم أنا اما البوست الاول فعنوانه : أمونة حلبت الليمونة الثاني : ود البشري المنظراتي مالك ومال بوستاتي اما البوست الاهم والذي أرجو أن أقدمه هدية عيد فهو بعنوان .. دليل الغابرين في مشوار هلال المتجملين المتوهمين . والسلام عليكم ورحمة الله . اخوكم في الله وعدوكم في الكورة طلحة الاحمراني .
12-18-2007, 11:29 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
طلحة تنظير يا عمك كل سنة وانت طيب ويعود عليكم بالخير و السعادة و شوية منطق - باقي محتاج ليه بشدة
Quote: اما البوست الاول فعنوانه : أمونة حلبت الليمونة الثاني : ود البشري المنظراتي مالك ومال بوستاتي اما البوست الاهم والذي أرجو أن أقدمه هدية عيد فهو بعنوان .. دليل الغابرين في مشوار هلال المتجملين المتوهمين .
إذن موعودين بربع ممتع و تقيل حافل بالنقة و التنظير بس عندي طلب يا عمك ياريت تقوم بطلب ترحيل بوست دعم الأندية الفقيرة للربع الجديد زي ماقلت ليك الموضوع مهم ويحتاج نقاش بجدية خارج إطار المكاواة لا سيما أن الدوري (الهلالي ) الممتاز ما حيكون بدا
Quote: اخوكم في الله وعدوكم في الكورة طلحة الاحمراني .
أخونا في الله و حبيبنا في الكورة الله لا جاب عداوة ياااخ
12-18-2007, 12:01 PM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
ناذر كل سنة وانت طيب و السنة الجاية زي ما عايز إن شاء الله مستبشرين بالعودة القوية المتوقعة لك في الربع القادم - لا سيما بعد خسارتك اللقب السنة دي عقبال نشارك في بوست بعنوان مبروك يا ناذر الولد/البنت
Quote: أنا جادي تماما
دي المشكلة زاتا
12-18-2007, 03:28 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وكت اخونا الخضر مشى الصلاة نقعد نتونس شوية اها بالصح كدى يادينا شنو قصة العنبة الرامية فى بيتنا دى؟ لو كانت النيمة زى ماقلت نادية ممكن تكون منطقية
وبالمناسبة دى جاتنى فكرة بوست: مابين النيمة والعنبة الرامية فوق بيتنا وموضوعية الاغنية السودانية/ لاحوأأأأأأأأأأأأأألا مالو العنوان ده طويل كدى وبعدين الغنا ده لمن يكون منطقى وموضوعى فايدته شنو، صاح يادينا ولا انا غلطانة
يا ود البشرى. عشان الحاجات ما بتدسى في البورد دا .. فأحسن الواحد من حسع دي يطلع الحاجات عشان ما يجو ناس كدا يقولو ليك الزول دا ما ياهــوو .. عليه .. سيكون هناك بوست مفتوح وسأكتب فيه من أماكن مختلفة على سطح الكرة الأرضية .. ولاحظ لي مسالة الكرة الأرضية دي .. لكن العنوان الرئيسي: تمبس في كالفورينا .. وتداعيات رحلة كندا فمن حسع العندو جوابات يا ماسينجرات يجهزة من بدري .. عشان نخليها على الجمب مع الطرد بتاع فيصل نوبي الوصلنا قبل يومين وتم شحنه..
12-18-2007, 09:19 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
بالحيل مصدق تصدقي إنتي لما كتبت لنادية تعليق المسنجر دا كنت كاتب بعدو "او أديني ايميلك " وتاني شكرا لــ(شاهده قبل نشره) مسحتها اذكرت حساسيتك مع حكاية تبادل الإيميلات, خفتك تجيني طايرة بمفراكة ولا حاجة
Quote: يعنى انا تطير عيشتى ال بحكى لى منو ؟؟؟ وللا يابشرى اقعد اتفرج فيكم كدا كل زول يقول للتانى تعال لى وراء العنبة الرامية فى بيتنا ؟
تبري أمي من طيران العيشة انا احكي ليك ولا يهمك
Quote: دينا ومحسن (اولاد خالد ) على الهواء مباشرة
عنوان جدا قوي و مثير حاجزين صف أول من هسي
كل سنة وانت بخير والقابلة على أمانيك إن شاء الله
12-18-2007, 05:54 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ما دام الحكاية بقت جد اولا تحية لي كل الاخوة الفوق 00 وان جات متاخرة عنوان بوستي في الربع القادم هو ادمان سودانيز اونلاين وابداه من هنا والله يا جماعة ما عرفت اعمل لي سودانيز اونلاين دي شنو الصباح الظهر العصر بالليل لحدي ما عيوني طششن رسلت رسالة لي بكري قلت ليه شكرا على الايام الجميلة القضيتها في موقعك الجميل دا ولو سمحت افصلني انتظرت كم يوم يجيني رد وما جاني قلت كدي ادخل المنبر لقيت باسوردي ما زال ينبض بالحياة اخر حل توصلت الية اتصلت بي شركة الاتصالات وقلت ليهم افصلوا عني الخدمة نهائي ( هاتف + DSL ) قفلت الجهاز وقعدت يومين بدون سودانيز اونلاين في اليوم التالت شالتني الشلاقة والخفة قلت كدي اشوف الجماعة فصلوا مني الخدمة ولا ما فصلوها القى ليكم الخدمة شغالة زي الورد وكمان يتصل علي واحد مسئول من خدمة العملاء ويقول ليه يا اللمين عايز تسيبنا خدمتنا بسيطة وساهلة وما مكلفة وحتى لو عايز نوقفها ليك مؤقتا نوقفها وقعد يحنس هو طبعا ينظر ليها من ناحية مادية وانا نظرتي ليها صحية في النهائية استحيت منو قلت لي خلاص خليها شغالة ورجع اللميز لعادتة القديمة ورجع وجع العيون قلت ما ادفع الاشتراك اشوفهم بفصلوها وللا لا والله لي اربعة شهور ما دفعت ليهم ولا تعريفة واحدة وما فصلوها وشابكني ليك رسائل على الموبايل ( عزيزي العميل لقد صدرت اليك فاتورة بملغ كذا نرجو سرعة السداد حتى لا تتعرض الخدمة للالغاء وشكرا ) بي قلبي اقول الالغاء دا ما انا العايزو ذاتو وفي الشهر السادس فصلوا الاتصال من الهاتف لكن الDSL لحدي لحظة كتابة المداخلة دي شغال اها منتظر الشهر التاسع يارب ولد يريح عيوني واسميه مفصول بن اللمينز
12-18-2007, 09:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: انا شفت واحد صاحبي اسمو ناجي سمي مربوطة ببوهية واحدة واخذ (سيك في قبولوا)
لكن ما بالغ ناجي دا
زولك بتاع الجاكات دا أوحى لي بفكرة بوست تنفع للربع القادم بعنوان الجاكات الكبرى في التاريخ...رصد وتحليل يتناول الجاكات عبر التاريخ مع التركيز على الجاكات المحلية و السايبرية بصفة خاصة رايك شنو يا عمك؟
12-18-2007, 09:40 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
Quote: لقيتينا كيف بالله انا ومحسن اخوى دا ؟؟؟!!! بوست ما بددخل صاااااح ،، بس ساعدونا بالصفقة والموية الباردة !
غايتو يادينا لقيتك متفائلة جدا صفقة شنو وموية باردة كمان طيب دى مالجنة عدييييييييييييييييييل كدى يازولة قولى نساعدكم بالدراب طوب اخدر ولا احمر اها الموية دى الا تعملوا قمتكم دى جنب بحر ابيض تضجوا شوية وتتموا الباقى موية..
______________________________________________________________________________ كيف العيد والحب... بالله ده ماموضوع بوست كارب؟ كل سنة وانتى طيبة وأمانيك محققة
Quote: يكونو بوشوهو في بوهية تانية او قصوا بيهو وانجلد
يا راوية اس الاتو(ماكل ماكل) واحنا يوم صحبي بتاع الجاكات ده جاب الخبرية دي قعدنا ممكن شهر كامل نشوف فرضية عدم اكل اس الاتو دي ما لقينا ليها اي حل.. عشان كده انتي زميلك ناذر وانا خلو لي ابو (حتوت) ده وتعالو لماتش (وست) ..وهاك يا اسنافيك
12-19-2007, 00:16 AM
Rawia Rawia
تاريخ التسجيل: 11-23-2002
مجموع المشاركات: 8396
من ناحية زبطتها أوكي لكن كان راجيني أفتح ليك بوست زي ده ياها الواطاتك صبحت وباسويردك لحق ملفات المريخ المطوية كرهتي في الدنيا بوستات يا بكري الحقنا و يا المكاشفي تنجدنا يا بني إذا استعنت فاستعن بالله
ناذر بتاعات شنو ياخ... صاحبي اليومين ديل مدير مكتب للحج و العمرة يسفر في الناس للحج وهو ماشي يعيد في مدني .. قلت ليو هسي انت مقتنع انه ناسكـ ديل حجهم ده ماشي و كده !! قال لي تعال أسفركـ معاهم أمير حماعة او مُشِرف .. أظنه دايرني احججهم ليو في بانت طبعا الالذ من كده انه رفضو تأشيرة الحج بتاعتو هو ظاااطو .. أظنه أقصر من السن القانوني
_ الناس دي ضربت الشربوت خلاس ... نسأل الله السلامة
12-19-2007, 00:01 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
__ مجموعة من النساء في الحج من غير الناطقين للعربية ، يتقدمهن رجل يقرأ العربية ؛ إلا أنه لا يفهمها . وذلك أنه كان يقرأ من كتاب الأدعية ، وهن يردّدن وراءه ، حتى صار يقول : طُبع ، فيقلن : طُبع ، فيقول : في الرياض !! ، فيقلن : في الرياض ، فيقول : في مطبعة ، فيقلن : في مطبعة .....إلخ .!!
__
12-19-2007, 00:11 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: بتاعات شنو ياخ... صاحبي اليومين ديل مدير مكتب للحج و العمرة يسفر في الناس للحج وهو ماشي يعيد في مدني .. قلت ليو هسي انت مقتنع انه ناسكـ ديل حجهم ده ماشي و كده !! قال لي تعال أسفركـ معاهم أمير حماعة او مُشِرف .. أظنه دايرني احججهم ليو في بانت طبعا الالذ من كده انه رفضو تأشيرة الحج بتاعتو هو ظاااطو .. أظنه أقصر من السن القانوني
روميو .. الساعة كم هسي ؟؟!!! قومو إلى صلاتكم غفر الله لكم
12-19-2007, 00:18 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: يردّدن وراءه ، حتى صار يقول : طُبع ، فيقلن : طُبع ، فيقول : في الرياض !! ، فيقلن : في الرياض ، فيقول : في مطبعة ، فيقلن : في مطبعة .....إلخ .!!
دي زي واحد فلاتي جا حلتنا وفتح ليهو دكان وكل يوم يطلع المصلاية وعامل فيها شيخ قاعد يقرا من المصحف وبرضو ما بيفهم بس بيقرا لحدي ما وصل الفهرس وقعد يقرأ بالتجويد كمان : سورة الفاتهة ، سورة البقرة ، سورة أل إمران .... إلخ
غايتو لو ما سبتناهو قبلو كان قبل على لافتات المحلات الجمبو وقراهن كلهن .. وما بعيد بعد داك يقبل يقرانا نحن (نسأل الله السلامة) !!
12-19-2007, 00:27 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أنا ما عارفة أبدا من وين ، أولاً كل سنة وإنتي طيبة ومشتاقين بالجد والله نفسي أقابلك تاني مما شفتك في حفلة ود الامين في الأوبرا .
والله أنا كل يوم بقرا كلامك عني ونفسي من فترة طويلة أرد عليكي لكن ناذر ما مديني chance معاهو .
بصراحة انا بالجد بديت اصدق الكلام دا لكن البوري ناذر شنو؟؟ على العموم انا بالجد اتكيفت منك شديد ومن كلامك الزي العسل دا يا عسل,,تسلمي ياخي على كلماتك الرقيقة دي .. وانا شاء الله نتلاقى في ساعة خير لكي خالص مودتي وتقديري لميس
أنا ما عارفة أبدا من وين ، أولاً كل سنة وإنتي طيبة ومشتاقين بالجد والله نفسي أقابلك تاني مما شفتك في حفلة ود الامين في الأوبرا .
والله أنا كل يوم بقرا كلامك عني ونفسي من فترة طويلة أرد عليكي لكن ناذر ما مديني chance معاهو .
بصراحة انا بالجد بديت اصدق الكلام دا لكن البوري ناذر شنو؟؟ على العموم انا بالجد اتكيفت منك شديد ومن كلامك الزي العسل دا يا عسل,,تسلمي ياخي على كلماتك الرقيقة دي .. وانا شاء الله نتلاقى في ساعة خير لكي خالص مودتي وتقديري لميس
ليموووووووووووو العسللى بذات نفسها عندنا ؟ يالف تلتمائة مرحبا والله يادوب كده الليلة عيدنا ياحبيبة
والله سعيدة بى طلتك دى بطريقة ماتصصوريها ياغالية
ياخ هو ناذر ليه مادايرك تشتركى معانا ؟ ماهنا فى رجال كتاااار بى زوجاتهم صلاة النبى وعينى باردة ؟!!
هو بكون خايف عليك من الحسد وبصراحة معاه حق انتى تعالى اشتركى معانا لكن ماتختى صورتك لانو احتمال كبير سجيمان يألف فيك قصيدة غزل عصماء وناذر ده جعلى دمو حار يقوم يرتكب فى سجيمان جريمة قتل عامدا مستعمدا والدنيا عيد والشرطة ضاربة الشربوت ونائمة فى بيوتها وبكرى زاتو معاهم عليك الله ياناذر ياتخلى ليمو دى تشترك معانا ياتزح وتديها اللابتوب وتسلمها الباس ويرد بتاعك خليك جدع بقى .. ماينفعش تحرمنا من البت العسل دى كده ياباشا ولا ايييييييييه ؟!!
12-19-2007, 07:44 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
العيد مبارك عليكم جميعا الناس الساهرت دي قطع شك جلت الصلاة الليلة ---------------------------------------- اللمينز يا عمك وقت البوست دا مداخلاته فاتن المية
كان تسوي الصفحات إتنين قلنا ليك دفن الليل اب كراعا برة بـ(لعوزك) ساكت
اتمنى في الربع القادم أن أقرأ لجميع الاقلام - الكيبوردات - الغائبة واخص الإخوة الأحباب ياسر طيفور و لؤي شمت و محمد عمر الفكي و الشاعر المعلم إبراهيم فضل الله و دكتورة هبة عبدالله كما اتمنى ان تختفي الأسباب اللتي حملت العزيزة بيان على التوقف وان تتوقف حكاية رمي الناس بالباطل و الإتهامات المجانية وأن نشاهد ما نكتبه قبل نشره وان نحترم الرأي الأخر المخالف لرأينا وأتمنى أن تختفي ظاهرة ردم الصفحة الأولى ببوستات على شاكلة * , أب , فوووق وأتمنى ان لا نلجا للشتم و ذكر الخصوصيات و الأمور الشخصية مهما اختلفنا كما اتمنى ان تختفي - او تقل - العناوين المبهرجة و المثيرة اللتي لا تناسب المحتوى وأيضا اتمنى ألا أقرا في الربع الجديد بوستات على شاكلة أتوقف و أستقيل ووداعا وإن كان لا محالة فعلى الاقل يلتزم اصحابها بما يدعون واتمنى ان يعود المسنجر وان تقل الحذلقة و اللغة المتعالية المتفلهمة وان يختفي تثاقف المثقفاتية وتنطع المتنطعاتية و تقعر المتقعراتية و بري البرايين وقد القدادين و زعط الزعاطين وشو الشواتة و انا الأنانة واخيرا وليس آخرا أتمنى ان تنال سوركتي العضوية بالجد المرة دي (فقط لأجل خاطر ملاسي و عمران)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
عبدالكريم الامين احمد
Muna Khugali
Mustafa Mahmoud
Elawad
طلحة عبدالله
Ishraga Mustafa
حسين محي الدين
د.محمد حسن
ناذر محمد الخليفة
دينا خالد
tmbis
فيصل نوبي
شول اشوانق دينق
Rawia
فيس بوك
تويتر
انستقرام
يوتيوب
بنتيريست