إبادة التاما في تشاد .. إعتقالات واسعة شملت سلطان دار تاما .. ووزير الدفاع يلجأ للسفارة الليبية

Quote: شايف ماسك يا الصادق يا اخوي في الإسطوانة المشروحة مسكة مافي ليها فكاك .. أقصد حكاية الحكومة السودانية هي الورطت التاما وسلحتهم ورمتهم في أتون الحرب مع نظام ديبي .. الإسطوانة دي يا الصادق مافي زول ما سمعها .. والفلم ده العالم كله خشاه .. يعني الجديد شنو ؟ ما نفس السودان البتتكلم عنه ده سلحكم قبل كده بنفس الكيفية ورماكم في أتون الحرب مع نظام هبري.. يعني الجديد شنو؟ إشمعنى جاي تستنكر ذلك على التاما إن هم يفعلون ما فعلتم من قبل ؟ ولا حلال عليكم وحرام على التاما .. طبعا هذا لا يعني تأييدي لما يحدث بأي شكل من أشكال التعاطف .. فيا الصادق ياخوي حكاية معاقبة التاما بجريرة إستغلالها من قبل الحكومة السودانية التي سبق أن إستغلتكم بنفس الطريقة دي ما جاية.. شوفوا تبريرات تانية لمحاربة التاما واضطهادهم وإعتقالهم وقتلهم.. شنو البينفي مسئولية الحكومة الشتادية .. دي لو بقت الحكومة تشادية .. ما نحنا لسه ما اتفقنا هل هي حكومة أهلك ولا حكومة تشادية؟؟.. ليه البفتك بالناس المساكين ديل هسع أنتو ولا الحكومة السودانية ؟ وكمان داير تنفي مسئولية ما يحدث عن جماعتك.. لكن بالمقابل محاولاتك المستميتة لرفع الحرج عن جماعتك وإلصاقها بالسودان إقرار ضمني لما نقوله