|
بهاء بكري غادر مستشفي حمد العام اليوم الخميس 29 نوفمبر( توجد صور )
|
غادر الصديق بهاءالدين بكري مستشفي حمد اليوم بعد ان تماثل للشفاء , التقارير الطبية بتقول انه تجاوز محنة المرض تماما وان الكلي عادت تعمل كما كانت حسب توقعات الفريق الطبي المعالج بمستوصف فضيل ومؤسسة حمد الطبية , وقد شدد الدكتور المعالج علي ضرورة الراحة والمتابعة المستمرة للحالة ..... الشكر لكل بورداب الدنيا وشكر خاص لبورداب الخرطوم والاصدقاء هناك لوقفتهم التي كانت ذات اثر كبير في النتائج الطبية المذهلة التي وصلت لها حالة اخونا بهاء وكذلك جزيل الشكر لبورداب الدوحة والاصدقاء هنا . الف حمدلله علي سلامتك يامان .
|
|
|
|
|
|
|
|
Re: بهاء بكري غادر مستشفي حمد العام اليوم الخميس 29 نوفمبر( توجد صور ) (Re: معاوية الطيب)
|
بركه يا بهاء الشفناك بخير مع وليداتك واحبتك وبركه القومك الله بالسلامه لشعبك المهوم بيه.
واوعك تمشي تكوس محن السودان ثاني انا متأكده انه المرضك كله خلافات حق والجري و المساسقه ومحاولة اصلاح البين يا بهاء يا اخوي...ان لنفسك عليك حق ولاسرتك عليك حق....وخلي قلبك بارد شويه. والدنيا ما طايره و السياسه دي بتلحقنا كلنا امات طه.
وربنا يعينك على كثرة الحقوق في حياتك
شكرا اخي عوض حمزة وعليكم الله يا فرعية حق بالدوحه عوضا بهاء عن انهاك فرعية الخرطوم وربنا يخليكم لبعض.
| |
|
|
|
|
|
|
Re: بهاء بكري غادر مستشفي حمد العام اليوم الخميس 29 نوفمبر( توجد صور ) (Re: أبو ساندرا)
|
ياابوساندرا ..
زولك دا انا عرفتو ليك مابموت ..لانو بعد ماسمعت الخبر فتحت الجهاز قلت اجهز ليهو رثاء يكون (كارب) الراجل نسيبنا وكدا ..وحاتك قاعد ساعة ماعارف اكتب حاجة مالقيت ليهو حاجة سمحة اكتبا ..قمت طوالى قفلت الجهاز واتيقنت انو زول زى دا ربنا بديهو عمر زيادة عشان يصلح اعمالو شوية ....
عموما سلامة.. زول كان (نقرة) مافيهو .. ماشاء الله حرق (تب) و(سل ) لسانو ...
| |
|
|
|
|
|
|
Re: بهاء بكري غادر مستشفي حمد العام اليوم الخميس 29 نوفمبر( توجد صور ) (Re: عوض حمزة)
|
سلام علي الجميع بعد الاحتكاك الخشن مع العالم الآخر كما قال احد الاصدقاء اعود للتواصل ولعل الاستهلال الامثل هو شكر الجميع علي مافعلوه معي ولكني سوف انتظر شوية حتي نجد معا تفسيرا لهذه الظاهرة الانسانية الغريبة ,صحيح لقد كنت انا المريض وكانت حياتي مهددة ولكني لم اكن طرفا فيما حدث فقد كنت غائبا عن الوعي طيلة الايام التي اتخذت فيها قرارات حفظت لي حياتي . لاادري ماذا اقول لمجموعات من البشر لارابط بينها كانت لها مهمة واحدة ...... هي ان ابقي علي قيد الحياة ........ اها راجع
| |
|
|
|
|
|
|
| |