|
المريخ يشتري الهلال .. مقترح لجمال الوالي
|
بما انو المريخ كما قال تاج السر
Quote: عارف انهم ممكن يشتروا الدنيا كلها، تحكيم، اتحاد .. الخ
|
إذا فالأقتراح للسيد جمال الوالي ان يتقدم لشراء الهلال خاصة أنو .. تلاتة أرباع جماهيرو هم في الحقيقة مريخاب زعلانين .. والربع الأخير زهجانين منو بعد 77 سنة من القحط واليباب والفقر . وبعدين ذاتو أم درمان دى ضيقة ما ممكن تشيل أية حاجة .. أشترى الهلال يا جمال الوالي وينوبك ثواب ..
|
|
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
اللغة المستخدمة يفاوض وليس يشترى ياجماة انتو صحفين كيف
يعنى الوالى يشترى صلاح ادريس
مسحور يشترى ساحر,,,
كله من بعضو,,,لكن الشكر اجزله للصفاقس الذى اكرمكم وكانت هزيمته بردا وسلاما ودى دعواتى ياطلحة,,عشان المريخ يتبعه اسم السودان خفنا من الملطشة,,, اها مسعول من الخير مزمل طيب..ولا ميرود لسع عمال كوبى بست ما نقول شىء من صداه ودمت
| |
|
|
|
|
|
|
Re: المريخ يشتري الهلال .. مقترح لجمال الوالي (Re: abuguta)
|
Quote: مسحور يشترى ساحر,,,
|
والله يا ابوقوته ساحركم دا لم نرى سحره حتى الان الا اننا فقط لمسنا الحانه الساحره وكتابته الاكثر سحرا اما من ناحية الاموال فلم نرى له سحرا حتى الان
وبعدين تعال هنا اخير ليكم جمال الوالى والا اشرف الكاردينال والا اسامه حق السد ؟
| |
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
Quote: محمد البشري Quote:
ساحركم دا لم نرى سحره حتى الان
الكلام دا كيف يازول ..؟ ياخ الأرباب دا ليهو سنتين واللا تلاتة سنة قاعد يقول ح أعمل واعمل وأبني وأسجل ولحدى الآن ما نفذ حرف واحد من كلامو ودا طبعا غير كمية المشاكل الجرجرا للهلال ومع ذلك متحكر وقاعد في كرسي الرئاسة وعندو نية يترشح تاني ويفوز .. وبرضو تقول لى ما شفنا سحرو .. بس ورينى السحر دا كيف ياخوي .. |
خلاس رجفة يوم 29 بدت ركز يا عمك داك علي بشير صهيوني زيك من ناس "ستظل"
| |
|
|
|
|
|
|
Re: المريخ يشتري الهلال .. مقترح لجمال الوالي (Re: abuguta)
|
Quote:
اللغة المستخدمة يفاوض وليس يشترى ياجماة انتو صحفين كيف
يعنى الوالى يشترى صلاح ادريس
مسحور يشترى ساحر,,,
كله من بعضو,,,لكن الشكر اجزله للصفاقس الذى اكرمكم وكانت هزيمته بردا وسلاما ودى دعواتى ياطلحة,,عشان المريخ يتبعه اسم السودان خفنا من الملطشة,,, اها مسعول من الخير مزمل طيب..ولا ميرود لسع عمال كوبى بست ما نقول شىء من صداه ودمت
|
ود الجزيرة ابقوتة أعمل حسابك كدا نت بتقدح في كفاءة الأستاذ عبدالمجيد عبدالرازق يا زول .. المهم .. قلت ساحر قلب الهوبة واللا شنو ...؟
| |
|
|
|
|
|
|
Re: المريخ يشتري الهلال .. مقترح لجمال الوالي (Re: محمد البشرى الخضر)
|
Quote: عشان يطعم خشمو ببطولة مرة واحدة في فترة رئاسته بعد المليارات العفاها دي يا كافي البلا طوالي وصيف
|
يا ود البشري الوالى دا لما جرجروهو عشان يبقي رئيس المريخ قبل بشروط .. من هذه الشروط انو يخلي النادي والأستاد أبرز معلمين في السودان خاصة في أم درمان بعدما شاف حظائر العيش وورش العجلات الفيها .. وقال ليهم كمان ما تسالونى اسي من بطولات محلية لأنو أنا عايز أعيد أمجاد مانديلا وسيكافا لانو لو عايز لى بطولات محلية كان مشيت ناس قريعتي راحت ..
فذلكة : يقال ان جمال الوالي عندما قال ناس قريعتي راحت الجماعة كلهم حولوا نظرم ناحية نادي الهلال ..
| |
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
Quote: قال ليهم كمان ما تسالونى اسي من بطولات محلية لأنو أنا عايز أعيد أمجاد مانديلا وسيكافا لانو لو عايز لى بطولات محلية كان مشيت ناس قريعتي راحت . |
كلام سليم ياعمك لكن معناها الوالي دا نساي لأنو لما طقطقناكم في الممتاز لسنة الفاتت - فاكرها بتاعة ريتشارد وقودوين - جوة استادكم وخسرتو البطولة المحلية الكنتو متصدرينها بفارق سبعة نقاط حرد وقال ماداير لغاية ما مشى ليه هيثم مصطفى و طيب خاطره بالله ذكروا كلامه المرة دي عشان ما يحرد ما فاضين نحنس نحنا
يا عمك قلنا ليك بطل الرجفي و ركز عدل مداخلتك لعلي بشير
| |
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
Quote: دا كلام جرايد فول يا عمك .. تكضبوا وتصدقوا براكم .. |
يعني الوالي ما حرد ولا ما رشيناكم جوة استادكم ولا ما خسرتوا الدوري الكنتوا متصدرنوا بفارق 7 نقاط ولا يمكن كمان غلبتوا الصفاقسي و شلتوا الكاس وأسي بتسألوا منو الحايلعب معاكم السوبر؟ ما كلو كلام جرايد
| |
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
الله يسالني الزول ده لذيذ لذة
ياخ انت زرعوك ولا قمت بروس
والي منو البشتري الهلال
اسال الوالي قول ليه انت كنت بتحلم يوم لو ما كنت امنجي ومتسول كنت بتحلم بي انك تظهر في التلفزيون ساي خلي رئاسة نادي المريخ .
يا طلحة ارحموا نفسكم في النهاية الزول ده ببيع المريخ وبشوف مصالحه تاني الا تدللو النادي وتدخلو محاكم زي زمان ويحجزوا عليه
الهلال نادي الراسمالية يا سيد واحدد ممكن يشتري السودان كلوا
الله يرحم ايام ما قبل الامنجي
وقبل اكل اموال الشعب
حتقول صلاح ادريس جاب القروش من وين بنقول من بره السودان يعني ما اموال الشعب
| |
|
|
|
|
|
|
Re: المريخ يشتري الهلال .. مقترح لجمال الوالي (Re: abas)
|
Quote: الله يسألنى الزول دا لذيذ لذة
|
شكرا يا معجب ... دا من ذوقك بس ..
Quote: ياخ انت زروعك واللا قمت بروس
|
قمت سداري .. أها وبعدين ..
Quote: اسال الوالي قول ليه انت كنت بتحلم يوم لو ما كنت امنجي ومتسول كنت بتحلم بي انك تظهر في التلفزيون ساي خلي رئاسة نادي المريخ .
|
سألتو قال لي صهين يا بوي الطقيع بتاع الناس ديل ما قاعد يصلنا فوق ..
Quote: الهلال نادي الراسمالية يا سيد واحدد ممكن يشتري السودان كلوا
|
لا دي عارفنها ياخوي بدليل انو الرئيس بتاعو الحي القاعد دا قال عايز يبيع الأستاد .. ولو الجماعة ما لحقوها كان ... عيييييييييك .
Quote: الله يرحم ايام ما قبل الامنجي
وقبل اكل اموال الشعب
|
اللهم آمين وكمان أزيد عليها وأقول : اللهم يا رب الأرباب هدي روع الضلالاب وجنبهم الزول الكضاب واشفهم وعافهم من الحقد على المريخاب وأمنن عليهم برحمتك وخضر أرضهم اليباب .. (وش متبتل )
Quote: حتقول صلاح ادريس جاب القروش من وين بنقول من بره السودان يعني ما اموال الشعب
|
بلاي ..؟؟؟؟؟؟؟؟
| |
|
|
|
|
|
|
Re: المريخ يشتري الهلال .. مقترح لجمال الوالي (Re: طلحة عبدالله)
|
Quote: المريخ يشتري الهلال .. مقترح لجمال الوالي |
ولماذا جمال الوالي ؟؟ هذا الرجل نضعه لمهام الكبيرة والتي تتناسب مع امكانياته مثل شراء النفطي وغيره من المحترفين بالنسبة للهلال اظنه لا يكلف شرائه كثيرا فهو نادي مديون للفنادق وللاتحاد ولجهات كثيرة وبمنطق ربحي ومحاسبي بسيط نجد ان شراء الهلال بديونه هذه بامكان اي مشجع مريخي يملك محل لبهارات او عطارة بامكانه شرائه انا شخصيا اعرض علي ادارة الهلال شراء الهلال بديونه وهزائمه بالف جنيه سوداني (جديد) وما قصرت واظنها بيعة كسبانة معاهم وفي حال الموافقة اتمني من الاخ وليد المبارك ان يخلص معهم وسوف اقوم بارسال المبلغ بحوالة عبر صرافة الامارات للاخ وليد زائد اتعاب المحامي
| |
|
|
|
|
|
|
Re: المريخ يشتري الهلال .. مقترح لجمال الوالي (Re: Rakoba)
|
غايتو ممكن يستثمروا
كلية احفاد جديدة اصلهم جنب بعض وبالتالي مهمتهم حتكون واحده
انتو مالاحظتو شالوا ام درمان الاسلامية اولاد وجابوا فيها ام درمان الاسلامية بنات وبقن جامعات بنات (عذابه) جوار استاد الهلال ماهو السر في ذلك؟؟؟؟؟؟؟؟؟؟؟؟
الظاهر في سر ماحد بيعرفوا حتى الان
ابومصطفى
| |
|
|
|
|
|
|
Re: المريخ يشتري الهلال .. مقترح لجمال الوالي (Re: keiga2000)
|
Quote:
كلية احفاد جديدة اصلهم جنب بعض وبالتالي مهمتهم حتكون واحده
|
يا كيجا الاحفاد خشم بيوت .. عندك احفاد بعانخي احفاد الانجليز احفاد مستر كلارك كلية الاحفاد جامعة الاحفاد احفاد وراء احفاد لمدة كم وسبعين سنة ما لاقين ليهم واللا كويس يطعموا بيهو الخشيم ..
| |
|
|
|
|
|
|
|