|
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! (Re: sudania2000)
|
الأعزّاء تيسير(ة) ، سودانية ألفين وأب حريرة،
غايتو ما بتطمِنّو كلو كلو. يعني بِقت عَليْ حكاية جيتك يا ود اللمين تجيرني لقيتك يا ود اللمين محنان. أكان الأحزاب المنافسة مشاركاكم اليأس دا إيانا الركبنا التونسية جمب الكابتن. أقول شنو بَسْ: عظّم الله أجركم، أها...الفاتحة...الفاتحة، قوموا...قوموا...اتراوحوا وأكان الله سهّل ليكم تعالوا عاودوا.
أنا في حاجة واحدة محيّراني، المؤتمر الوطني يبذل قصارى جهده ليحكمنا وعبر صناديق الانتخابات وإنّي لأظنّه فاعل وقد كان مؤتمره العام طلقة البداية للسباق الهادف للحصول على هذا الحكم والناس كأنّها ما هنا كأنّو المؤتمر الوطني البنتكلّم عنّو دا المؤتمر الوطني بتاع جنوب أفريقيا!
يا تيسير، غُشّي عَليْ عليك الله...بقبلها مِنّك...قولي عَليْ الأرنب كِدا وأبو القدح كدا، مع إنّو أبو القدح الفي بالي شايفو قَلَع قدحو ختّاهو جمبو ويشيل ويعبِّي فيهو وحكمة الله لا عندو قشّة مرة ولا عندو نيّة يكفي قدحو دا...أرنب شنو البقارنوهو بيهو بعد دا.
وعليك السلام يا أب حريرة...بَسْ كلامك دا معناتو املاق مؤبّد مع الشُغل وألاّ شنو. الله في...بَسْ (زي ما قال خِدِر ود عبد العزيز) أحزاب مافي...فَدْ مرّة.
يا دكتورة تراك مشكورة ويعجبك الخير. السؤال غايتو طمّمتو بطني منّو وأكان على اللون...أبشّرك: أغبش! وقيل، عشان خاطر صاحبتك التركية دي، أغا بَسْ. إنتي قاصدة السلاحف وألاّ الجنادب المغطية سماواتكم؟!...الله يغطي عليك وعلى مدينتك الجميلة من كلِّ شر.
أشكركم والله يكضِّب الشينة. شكلنا يا دكتورة في زول داعي علينا.
|
|
|
|
|
|
|
العنوان |
الكاتب |
Date |
أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-25-07, 06:40 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | تيسير عووضة | 11-25-07, 07:34 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Ahmed Yousif Abu Harira | 11-25-07, 09:21 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | sudania2000 | 11-25-07, 09:50 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-25-07, 11:29 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-26-07, 09:03 AM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-28-07, 12:06 PM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-30-07, 05:08 PM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | الصادق ضرار | 11-30-07, 05:34 PM |
Re: أمسكوا الخشب: المؤتمر الوطني حزب "املاق" يصنعُ السلامَ ويديرُ الأداءَ! | Adil Al Badawi | 11-30-07, 07:04 PM |
|
|
|