|
.. مبروك الوليد يا أربــاب ..
|
الأخ الصديق خالد سعيد الأربــاب: رزق بمولود قبل قليل .. والفرحة لا تسعه بقدوم الأرباب الصغير جنبا إلى اخويه الأرباب ( جــدو سعيد ) والأميرة ( سمــاح ) مبروك الأربــاب الصغير يا خالد تمنياتي لمدام إيــمان بالشفاء جراء العملية القيصرية
|
|
|
|
|
|
|
|
Re: .. مبروك الوليد يا أربــاب .. (Re: tmbis)
|
Quote: الأخ الصديق خالد سعيد الأربــاب: رزق بمولود قبل قليل .. والفرحة لا تسعه بقدوم الأرباب الصغير جنبا إلى اخويه الأرباب ( جــدو سعيد ) والأميرة ( سمــاح ) مبروك الأربــاب الصغير يا خالد تمنياتي لمدام إيــمان بالشفاء جراء العملية القيصر |
الاخ العزيز خالد والاخت الغاليه الست مدامكم المصون الف الف مبروك عليك الوليد وان شاء الله يربى فى عزكم يا رب هو واخوانه والف حمد الله على سلامتك يا مدام ويديك الف صحة وعافية
تمبس سلامات وشكرا ليك للخبر الجميل وعقبالك انت كمان قاعد تبارك لى فى القيدومات والسمايات اتحرك ياخ كفاك
| |
|
|
|
|
|
|
Re: .. مبروك الوليد يا أربــاب .. (Re: soma)
|
شاعرتنا المبدعة / سومـــا الشكر أطنان من أم سعيد إيمان وسماح والأرباب الجديد على تهنئتك الطيبة التي أسعدتنا جداً .. وبعد ما أرحب بي حبيابنا المهنئين ..جايكم بي هنا في ظلال عصام محمد نور ذلك المبدع ... لأهنئكم على إبداعكم .. أما بخصوص تمبــــس .. العيار المايصيب يدوش .. شايف الناس شانين هجمة شديدة على عزوبية تمبس .. إنشاء الله تصيب يتزوج .. أو تدويش على الأقل يخـــطب . شكراً على حضورك الجميل ، تحياتي لك والأخ العزيز ود الجنيد والأسرة . أخوكم/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: طلحة عبدالله)
|
Quote: جعله الله أربابا مريخيا صالحا فالحا لا علاقة له البتة باهل الأرباب العارفو انا دا .. |
الحبيب طلحة .. شكراً جميلاً للتهنئة .. بعدين تعرف الأرباب ده حيخالف الأرابيب كلهم ويشجع الأهلي .. ماشفته أسمه منو [ ســــــامر ] وحسب رواية أبني الأرباب سعيد ده إسم مصريين ..
Quote: العقبي للدبيب تمبس .. (وش ....) |
آمييييييييين
شكراً ليك طلحة وعقبالك ياخي .. أخوك / خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: خالد عبد الله محمود)
|
الأخ الفاضل / خالد عبد الله محمود
التحيات الطيبات الصافيات .. والشكر أجزله لتنهئتك .. وإنشاء عقبالك ..
Quote: ألف مبروك و ربنايجعلوا من أبناء الوطن الصالحين ( يعني ما مريخابي ) |
آمييييييييييييييييييييييييين
لك إحترامي ومودتي ، أخوك/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: معتصم دفع الله)
|
معتصم ياصديقي كيف مشتاقين .. عقبال مانفرح بيك وبي عيالك يارب .. التجهيزات تجري على قدم وساق .. وسوف يكون هنالك إجتماع لمجلس الوزراء البوردابي عما قريب .. وإنشاء الله تكون سماية محضورة ..
لك التحيات ،
أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: Muna Khugali)
|
الأخ تمبس و كل الإخوة و الأخوات هنا
في مكالمة هاتفية كان طابعها الفرح و الإمتنان .. كلفني الأخ خالد سعيد الأرباب بأن أنقل إليكم جميعا الشكر و العرفان على التهاني.
و سوف يعود إليكم فردا فردا ..
و ألف مبروك يا أبو سعيد و يتربى في عزكم
| |
|
|
|
|
|
|
Re: .. مبروك الوليد يا أربــاب .. (Re: ود الباوقة)
|
الف مبروك وحمد الله على سلامة الوالده والمولود
Quote: تمبس سلامات وشكرا ليك للخبر الجميل وعقبالك انت كمان قاعد تبارك لى فى القيدومات والسمايات اتحرك ياخ كفاك |
تامبا سوما جابت ليك الهواء البارد
| |
|
|
|
|
|
|
Re: .. مبروك الوليد يا أربــاب .. (Re: على محمد على بشير)
|
الأخ العزيز / علي البشــير
شكراً للتهاني الطيبة .. ومن أسع ماترتبط معزوم سماية كاربة .. وإنته عارف سمايات بورداب الرياض [ مش حتقدر تغمض عيونك ]
حباب 1000 ياخي ..
Quote: سوما جابت ليك الهواء البارد |
والله ياتامــــــبا .. أنا بعد ده مالاقي ليك عذر .. أخطب ياخي .. إنشاء الله خطبت جمعــة ..
الأرباب
| |
|
|
|
|
|
|
Re: .. مبروك الوليد يا أربــاب .. (Re: ود الباوقة)
|
Quote: الف مبروك قدوم الارباب الصفير ..
جعله الله من الدبابين |
الاخ ود الباوقة تحياتي ياتو دبابين يا اخوي؟ دبابين الرياض!! حماه الله منهم تعرف اخطر حاجة في الاولاد الدبابين بتوع الرياض ديل انهم بيستغلو الخميس والجمعة في الرياضة دي ويا ريت لو بمشو خارج المدينة للاسف لا تحلو لهم هذه الرياضة الخطرة الا وسط الزحمة.!!
| |
|
|
|
|
|
|
Re: .. مبروك الوليد يا أربــاب .. (Re: ود الباوقة)
|
الريس / ود الباوقــــه الفيك إتعرفـــت .. بدل ما تقول الله إنشاء الله يطلع لاعب كوره .. عشان نروق ونرتاح ونسجله بي 100 مليون ولا 2000 مليون .. تقولي دبابيين .. ياخي الملايكــــه حايمــين في المنبــر .. ماتهظــر
تحياتي للأسرة الكريمة ،
أخوك/ الأرباب أبو الأرباب لاعب الكورة آمييييييييييييييييييييييييييييييييييين
| |
|
|
|
|
|
|
Re: .. مبروك الوليد يا أربــاب .. (Re: ابو جهينة)
|
الريس / أبوجهـــينة
الشكر أجزله .. وأنتو أهل العروس .. طبعاً أم الأرباب [ جماعة ناس أبوجهينة ] يعني بالعربي الفصيح [ بتاعة تركين ] ..
نقول ليـــك عقبالك يارس .. ولا نقول عقبال تمبس ..
تحياتي الطيبة ،
أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: Muna Khugali)
|
حباب الأخت الغالية منى بت الشيخ حباب أم آيـــة .. المرأة النيــــل .. عاشقــة عطبرة .. ليك السلام من أيمان أم الأرباب .. ترسله إليك مليان بالألفة والإحترام،
تحياتي لك وللأسرة ،
أخوكم/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: tmbis)
|
ألظريف تمبس..
شكرآ على الخبر الجميل.وألف مبروك مولود ألأخ/خالد سعيد ألأرباب.وزوجته....ونسأل الله أن يجعله من أبناء الوطن الصالحين.......
هنأت بالتلفون....وبارك الله فيك..
إسماعيل محمد احمد عباس.........
| |
|
|
|
|
|
|
Re: .. مبروك الوليد يا أربــاب .. (Re: ismeil abbas)
|
أسماعيل ياحبيبنا ... الشكر آلاف .. وعملتها في عادل جباره .. عشان تاني مايكلم زول قبل ما يتصل ..
رايك شــــنو نسمى المولد [ تمســـــــــــاح ] وندلعـــه [ صحــــراوي ] .
أعلم أن لك مكان كبير في القلب ياسمعــــه ..
أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: حافظ العشا)
|
حباب / حافظ العشـــا كيفك يازول يانيل ... شكراً للحضور المقدر
Quote: وعقبالك ياتمبس عقبال تبكر بالبنية عشان تخش الجنة |
الجنة عديل .. ماتبالغ .. سهل الأمور للراجل خليه يخطب ياخي ..
دم بخير ،
أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: jini)
|
حباب / جنـــــي والشكر بالجملة .. على تهنئتك .. وربنا يحفظ الأمورة الفي الصورة .. وعقبال ماتشوف أولاده وأولاد أولاده ..
تعرف تامبــــا .. المره دي مامارق منهــا .. شايف الهجمة قوية ..
تحياتي الزائدة ، أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: tmbis)
|
الفاضل الارباب مليون مبروك نسال الله ان يجعله من الاتقياء الصالحين
وان يقر به اعين والديه
السماية لازم تكون تاريخية
طبعا لا نسبق الحدث ونقول لتمبس عقبالك عليه ان يعثر على الام اولا
| |
|
|
|
|
|
|
Re: .. مبروك الوليد يا أربــاب .. (Re: محمود بكر)
|
الأخ الحبيب / محمــود بكــر
الود أطنان .. والشكر آلاف ..
Quote: السماية لازم تكون تاريخية |
نفيدكم بأن المجلس الوزاري البورادبي يجري المشاورات التنسيخة لهذا الحدث التاريخي بإذن الله ..
دم بخير ، أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: انعام عبد الحفيظ)
|
الأخت العزيزة/ إنعــام حبابك 1000 وحباب أهل السودان .. شكراً جميلاً .. وأم سعيد تهديك أجمل التحيات .. وحننقل ليكم السماية على الهوى إنشاء الله .. تحياتي لجماعة الأمل ولكل القيمة التي تكسوكم وتزيدكم جمالاً ..
أخوكم / خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: هاشم أحمد خلف الله)
|
الجمـــيل / هشـــــومي حباب الصحافة .. وناســه الحلويين .. شايف المايك .. ماشاء الله ماشي معاك .. يعني كده لقينا الفنان .. بس شد حيلك لي توب سماية الأرباب [ لازم توب جديد ذي بتاع تمبس ] ..
تحياتي لك وللأسرة الكريمة ،
أخوك/ الأرباب
| |
|
|
|
|
|
|
Re: .. مبروك الوليد يا أربــاب .. (Re: tmbis)
|
الأخ الحبيب / تـــامبا بي تباريكك زاد الفرح فرحين .. كانت لحظات عصيبة .. تصر أن تدخلني فيها زوجتي إيمان .. ثم ماتلبث أن تفرحني بأطفال يجملوا حياتي .. ويمنحونا زاد الطريق .. حقيقي أنا فرحان جداً بتهنئتك .. وشايف الجماعة هنا إنتهزوا الفرصة .. وبدأو يمارسوا الضغوط عليك .. غايتوا من غير ضغوط .. عقبـــــــــالك ياتامبــــا ...
لك شكري وتحيات إيمان وسعيد وسماح .. والمولد الذي إختارت أيمان أن تسميه سامر [ ولكن يوجد إعتراض من سعيد حيث قدم عذر مقبول قال أن إسم سامـر إسم مصريين ] وجاري البحث والتحري والإعداد للسماية بالتنسيق مع وزير الثروة الحيوانية العمدة طارق نقد ووزير الري للمؤلفة قلوبهم العمدة إدريس . دم بخير ياصديقي العزيز ، أخوك/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: عبد الله عقيد)
|
حباب ود عمي الأرباب عقيـــد الخيل الشوق كيمان ليك ولكل الناس الطيبين ... عساك بخير وعافية .. فاقندنك في الرياض .. الأرباب الصغير أم بتدور تسميه [ ســــامـر ] إلا الأرباب ســعيد ماقبلان قال ده أسم مصريين .. ودعم حجته بأنه سامر لمن يكبر بسلم عليهم سلام مصريين يبوسهم على الخدين والحكاية مابتجي مع الأرابيب .. وأنا محتار بين الأرباب سعيد وأمه [ ومفكر أمسيه سامــر ترضيه لي أمه] وندلعـــه [ نمـــر ] ترضيه للأرباب سعيد .. أه شن قولك ..
السلام أمانة لي كل الأهل بطرفكم ، دم بخير ، أخوك/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: عبد اللطيف بكري أحمد)
|
الريس / عبد اللطيف بكري ،
شكراً لكلاماتك الطيبة طيبة أهلنا في عروس الرمال .. تهنتك نزلت علينا برداً وسلاما .. وجعلتنا نتنسم ريحة الدعاش ونرى جمال الأبيض بعيني الراحل عوض الكريم القرشي طيب الله ثراه ..
دم بخير ياعزيزي ،
أخوك/ خالد الأرباب
| |
|
|
|
|
|
|
Re: .. مبروك الوليد يا أربــاب .. (Re: ناذر محمد الخليفة)
|
أبشــر ياأرباب ناذر هديتـــك سرتني بالحيــل .. ملتني طرب من راسي لي كرعي .. هيجيت دواخلي .. وجلبت معها أرواح أجداداي الأرباب أدريس ود سعيد .. قمر العشا الضواي والأرباب سعيد ود سعد .. صاحب سيف النصر والأرباب سعد ود سالم .. العزة الأسم فارس السعداب وفي قمة العرضــة والهوشـــة .. رايت المك نمــر يهز ويهوش .. شكراً يا أرباب هديتك وصلتها لي أم سعيد ولكل الأسرة .. وبيقولوا ليك .. عقبال مانفرح بي أولادك .. وأولاد أولادك .. ليك الود والمحبة الصادقة ، أخوك/ خالد الأرباب
| |
|
|
|
|
|
|
|