رهان الوعى الشايقى

Quote: الكلام كبار كبار وما فاهمين حاجة، فبالله براحة علينا "ان سلطة الشايقية على الحياة الاجتماعية ، السياسية،الاقتصادية والثقافية كانت بمعزل عن السلاح" ورينا سلطة الشايقية دي متنين ووين وماذا تعني أنها كانت بمعزل عن السلاح؟؟؟؟ "فهم بحكم الهياكل العامة القائمة لديهم " ما هي الهياكل العامة؟؟؟؟ أول مرة أسمع بيها " انها السلطة (الرمزية) التى تمارس كل النشاطات السودانية فى الوعى واللاوعى والمخيلة والحساسية " كيف تمارس سلطة رمزية نشاطات سودانية في الوعي واللاوعي والمخيلة؟؟؟؟؟ دا ياهو كلام الطير في الباقير؟؟؟؟؟؟؟؟؟؟؟؟؟ "وهذه الالفة بالسلطةالثقافية، الاجتماعة، السياسية والاقتصادية (من غير قصد منهم ) جعلتهم عرضة للانزلاق السلطوى عندما يتعلق الامر بهيكلة الحقل الاجتماعى ،الفكرى ،الثقافى ، وحتى الاقتصادى والسياسى واحتلال المراكز فيه وتوجيه الانتاج الرمزى. " ما هي الألفة بالسلطة وما هو الإنزلاق السلطوي؟؟؟؟؟؟ أول مرة أسمع بيهم (إذا كنت تترجم مفاهيم ومصطلحات وصعبت عليك الترجمة فأورد النص باللغة الأصلية) وأول مرة أسمع "للصراعات (العصبوية) " هل هي مختلفة عن الصراعات العصبية وورينا صرفتها كيف عصبوية دي؟؟؟ "ان هذه المحاولة لتفسير العداء المستحكم الذى تشنه القبائل الاخرى على قبيلة الشايقية " عداء ومستحكم كمان؟؟؟ جبت الكلام دا من وين؟؟؟؟ "خصوصية العملية الفكرية الابداعية ومعادلة الحرية ضمن الالتزام والانتماء الذى يصبغ ايدلوجية تنظيم الشايقية " الشايقية عندهم تنظيم وكمان التنظيم عندو أيدلوجية؟؟؟ وما هي معادلة الحرية؟؟؟؟ وما علاقتها بالعملية الفكرية الإبداعية؟؟؟؟ ------ الجماعة أفتكروه واحدة من بوستات الحنين ديك فجاءو بطانبريهم وقراصتهم وملاحهم الأخضر، لكن بكون هسع أعادو النظر كرتين.. المهم.... ذكرتني واحد كان بقيف في النشاط وبقول كلام كبار كبار كدا، والناس بيعملوا فيها فاهمين عشان التانين ما يظنوا بهم الظنون. ( زي حكاية فرعون والثياب التي لا يراها إلا الأذكياء، حتي لم يرها إلا طفل صغير فصاح أنظروا لملكنا العريان) نقطة أخيرة... نواصل فهمناها نواصل بإقتراح (صعبت علينا شوية بس فهمنا يمكن المرة الجاية تجينا بإقتراح ما) لكن "نواصل باقتراح والتزام كامل ووعى " دي صعبت علينا خالص