|
|
|
 Re: عماري أولاد الفاشر فرع نيويورك !!! (Re: نادر محمد الراضي)
|
الأخ الـحبيب الحـبوب،
نادر مـحـمـد،
تـحـية طـيبة،
خـلينا نـصـدر " الـتمـباك " ونـضوق قـروشـو .. مادام ماشـفنا حـاجـةمـن عائـدات الـنفط !!!
لك مـودتي.
مـلحـوظة: الـمكـسيك بتـصـدر " البـرسـيـم " للولايات الـمتحـدة،
والـصـيـن بتـصـدر للسـودان الـجلاليب السـودانية!!!.
| |
 
|
|
|
|
|
|
|
|
Re: عماري أولاد الفاشر فرع نيويورك !!! (Re: بكري الصايغ)
|
حبيبنا بكري الصايغ ...
عندي موقف عايز احكيهو ليك ...
عندي صاحبي كان مسافر لندن وهو من معتادي السف ...
انا قصدي سف الصعوط ما سف حاجة تانية .. المهم شال معاو من
هنا مؤونة حقة شهر .. لامن وصل مطار هيثرو السلطات قالوا ليهو
دا شنو .. قال ليهم snuff ... قالو ليهو دا فيهو نسبة مخدر عالية
قال ليهم try it and u will figure it by ur self ...
قام الضابط جربوا .. وقع دايخ ... دخلتوا في حيص ... لامن بعداك إقتنعوا
إنو دا مكيف وطني ... خ خ خ خ خ خ
وبرضو تقول لي شنو وتقول لي منو ؟!!! ... 
| |
|
|
|
|
|
|
|
|
|
Re: عماري أولاد الفاشر فرع نيويورك !!! (Re: نادر محمد الراضي)
|
العزيز نادر سلامات اخي
انا برضوا حصل لي موقف غريب شويه اول مرة اجي كوريا الجنوبية كنت شايل معاي صعوط يكفي سنة عديل المهم الصعود مرة ومافي زول فتشني بس لشلاقتي بعد ما طلعته من الممر بتاع تاشيرة الدخول طلعته الكيس بتاعي وكان كيس من الجمهورية الريحة بتاعتوا تنزل الصقر من السماء بس واحد من الامن الكوري جاء جاري فجاء علي لمن انخلعته انا ذاتي وشابكني ليك stop stop don move سريع كده يازول ناس الشرطة الكوريه اتلموا ده شنو يا زول احتيرته طبعا قلتليهم ياجماعة ده تابكو عادي قاموا مشوا جابوا ليهم جهاز كده الظاهر الجهاز ده بتاع مخدرات وبقى الزول يسلط ليك الاشعة في الكيس اصلوا ما جابته لي حاجه قاموا فتح الكيس وشمه الصعود الراجل قعد في الارض وطرش وجرى علي الحمام الباقين قالوا لي متاكد ده بستعملوا للكيف قلته ليهم نعم وبعد شويه جاء الزول القبيل قال لي يازول عشان صحتك حاول وقف البتاع ده
| |
|
|
|
|
|
|
|
|
|
Re: عماري أولاد الفاشر فرع نيويورك !!! (Re: انس التوم احمد)
|
الاخ نادر محمد الراضي
تحيات طيبات
يُطلق الامريكان على مدينة نيويورك عاصمة العالم، اذ تجد بها كل ما يخطر بالبال ومن مختلف بقاع الدنيا. عشت بها اكثر من خمس سنوات وبها اكبر جالية سودانية تقريبا بالمهجر لذا لاتستغرب من وجود التمباك والكول والويكة وجميع انواع عطورنا السودانية للرجال والنساء وهذا المحل لبيع التمباك يقع بمدينة بروكلن وهناك محلات أخري لبيع التمباك بالجملة والقطاعي وكمان على الاكياس تجد ماركة التمباك ومحل البيع.
لك وللسودانيين بنيويورك وبكل المهاجر التحايا والتقدير
عماد خليفة
| |
|
|
|
|
|
|
|
|
|
Re: عماري أولاد الفاشر فرع نيويورك !!! (Re: نادر محمد الراضي)
|
حـبيبنا نادر.
اسمع الحكاية دي!
سـوداني في الـمانيا قررت السـلطات الأمنية ابعاده من البلاد بعـد رفض المحكمة المختصـة بالنظر في شـؤون اللجـؤ منحـه حـق اللجؤ بالبلاد لعـدم كفايةالأدلة والـحجـج اللازمة لاثبات انه يسـتحق اللجـؤ.
اتصل هـذا السـوداني بصـديقته الألمانية وشـرح لها حـرج موقفه وانه مـهـدد بالابعاد من البلاد بعـد ان امـضي في المانيا سـت اعـوام، وانه لاحـل امامه الا ان يتزوجا حـتي يوقفا الابعاد والطرد من البلاد.
وافقـت الألمانية علي عـرض الزواج بشـرط ان يتـخلي عـن "التـمباك!!!.
............
............
............
حاليآ يعيـش صـديـقي في السـودان .. لاعـنآ الـمانيا التي لاتعرف قـيمة وفائـدة....
"الـتمباك"!!.
لك مـودتي نادر.
| |
|
|
|
|
|
|
| |
نادر محمد الراضي
osman abdala
احمد معتصم الطيب
انس التوم احمد
Imad Khalifa
فيس بوك
تويتر
انستقرام
يوتيوب
بنتيريست