|
|
 الحمى النزفيه تجتاح الخرطوم !!
|
.
.
.
الحمى النزفية
يقال انها تنتقل بواسطة البعوض الطنان (الباعوض المزعج)
وهو للعلم ليس باعوض المياه الغذبه ذلك المسبب للملاريا
وانما الباعوض المزعج يكون دائماً توالده في في مجاري الصرف الصحي
وعلب التخمير بسايفونات المنازل بالعاصمة والمدن الكبرى بالسودان
يعني الخرطوم دي يكون فيها بالميت في كم سابتـن تـنك كده
حولا !!!!
بالاضافه في كم مجرى صرف صحي (ردي التصريف ان لم نقل متوقف الصرف)
على كل بافتراض انه هذه النزيفه دي وصلت الخرطوم نتوقع بعد شهر من وصولها
ستكون تلك لمناطق خالية من السكان وهي :
جبره جنوب ... والاحياء الجديدة المجاوره لها ...
مربعات الصحافة المقابلة للسوق المحلي والمركزي
ابو آدم ... الكلاكلة... العزوزاب ... السلمه ...الخ
وكل منطقة سكنية مجاوره للحزام الاخضر
(جبر الله كسركم وتقبل الله عزاكم )
كان ذلك فيما يخص الانتقال بالباعوض
اما فيما يخص الانتقال باللحوم الحمراء واللبن
الاولى دي ما عندي فيها علم
الا انه اغلب الالبان الطازجة التي
نشربها في منازلنا سكان جنوب الخرطوم جاية من ولاية الجزيرة مباشرة
من المنتج للمستهلك يعني على ضو انتشار ذلك المرض في ولاية الجزيرة
و مع خطورته في الاماته السريعه كما انه من الامراض المشتركه بين الانسان والحيوان
فنتواقع ان ترد على مستشفيات الخرطوم اعداد كبيره فوق السعة الاستيعابية لتلك المستشفيات
مجتمعه من مصابي هذه اللعينه الحمى النزفيه ..
حتما سيكون وسط هولا اما انت او زوج او احد اولادك
وبعض عزيز من اهلك (دي لزوم ماهو متوقع من سيناريوهات)
يعني براهو جبه بعرف اعداد السيناريهات
نمش لي قدام
طيب الحل شنو
اللبن ده ممكن نفارقوا مفارقة الطريفي لي جملوا
واللحوم الحمراء دي تب ما ضايفنها من الليله
وماشين نشتري لينا صناره وجيناك يالبحر لمان تعدم السمك
يمين الصير ما بمرق من تحت ايدينا
اها الباعوضه المزعجه دي نسوي ليها شنو
نرجى المحليات - الرماد كال حماد -
نقعد نلوم في تقصير الحكومه وعدم التفاته للمواطن المغلوب على امره
يمين النزفيه دي قالوا اصلن ما بتشهد زول
يومين و التالت بتركب التونسية
اها الحل شنو ياجماعه الخير ..
اما انا عندي حلين وكل واحد اصعب من التاني وانتو اختاروا !!!!!
الاول ياجماعة الخير
نتكاتف ونحفر لينا مقابر تقديرية بعدد المتوفين
خلال موجه هذا التسونامي (الحمى النزفيه) لانو كترت الحفر والدفن بتعب
الناس اللسه ما وصلتم هذه النزفيه والي حتما حا تصيبهم في ظل هذه الاعداد
الفلكية من الباعوض المزعج الناقل للنزفيه في كل بيت من بيوت العاصمة
وحتى لو انت زول على قدر حالك وماعندك سايفون اكيد جارك عندو سايفون
يعني النزفيه لاحقاك لاحقاك
اها الحل التاني وده الاصعب منو
اقولوا ليكم ولا مافي داعي ؟؟؟
انا اقولو واطلعو من ذمتي (والموت وسط الجماعه عرس )
اها نتكاتف ودي مستحيله ونعمل لينا حمله شعبية لمكافحة الباعوص المزعج
يعني باعوض السايفونات ومجاري الصرف الصحي
العندو زيت راجع من عربيتو ما يقصر
والعندو بلاعه بتاعت حمام بتبيت اسبوع لحدي ما يفرغه يساعدنا شويه ويعمل على تجفيفه
وكمان العندو ناموسية قديمه يغسله ويشدها من العصر ما معروف يمكن واحده باعوضايه شبعانه نزفيه
نلاقينا العصر ومقابل المغرب - الاحتياطات لازمه-
وبما انه الحكومه استطاعت ان تفرغ وسط الخرطوم من موافقها
اعتقد انه ناس المحليات جات ليهم من السماء والمحليات حا تعدم نفاخ النار
نمش لي قدام
يعني هسي ياجماعه الخير نعمل شنو الخيارات كترت علينا
نحفر القبور ولا نكافح الباعوضه
انا راي نحفر القبور لانو قصة نكافح الباعوض وبي حملة شعبية كمان دي
صعبه شويه مش بتتفقوا معاي لانو اكان كلنا قمنا بي الحملة الشعبية دي
البقعد ينقد في تقصير الحكومه منو ؟؟؟!!!
لذا اقترح ان نقوم بعملين واحد صعب والتاني ساهل
قولوا لي كيف ؟؟؟؟ اقول ليكم !!!!
نحفر القبور وننقد الحكومه
ولا انتو رايكم شنو
عفواً لحظه :
يادكاترة المنبر ممكن تورونا الاتي :
طرق الانتقال الاخرى ؟
الاعراض الاوليه ؟
الاسعافات الاولية
طرق الوقاية ..
المرحوم البصاص
اللهم لانسالك رد القضاء لكن نسالك اللطف فيه
|
|
 
|
|
|
|
|
| العنوان |
الكاتب |
Date |
| الحمى النزفيه تجتاح الخرطوم !! | أبو عبيدة البصاص | 11-05-07, 02:09 PM |
 Re: الحمى النزفيه تجتاح الخرطوم !! | أبو عبيدة البصاص | 11-05-07, 02:11 PM |
| Re: الحمى النزفيه تجتاح الخرطوم !! | وليد محمد المبارك | 11-05-07, 02:17 PM |
| Re: الحمى النزفيه تجتاح الخرطوم !! | أبو عبيدة البصاص | 11-05-07, 02:22 PM |
| Re: الحمى النزفيه تجتاح الخرطوم !! | وليد محمد المبارك | 11-05-07, 02:31 PM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 06:09 AM |
| Re: الحمى النزفيه تجتاح الخرطوم !! | الرفاعي عبدالعاطي حجر | 11-05-07, 02:39 PM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 06:19 AM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 06:51 AM |
| Re: الحمى النزفيه تجتاح الخرطوم !! | محمد خليل إسماعيل | 11-06-07, 08:03 AM |
| Re: الحمى النزفيه تجتاح الخرطوم !! | Nasr | 11-06-07, 08:09 AM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 09:42 AM |
| Re: الحمى النزفيه تجتاح الخرطوم !! | محمد خليل إسماعيل | 11-06-07, 10:01 AM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 10:51 AM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 02:04 PM |
| Re: الحمى النزفيه تجتاح الخرطوم !! | الطاهر ساتي | 11-06-07, 02:10 PM |
| Re: الحمى النزفيه تجتاح الخرطوم !! | أبو عبيدة البصاص | 11-06-07, 02:19 PM |
| Re: الحمى النزفيه تجتاح الخرطوم !! | زياد جعفر عبدالله | 11-06-07, 02:34 PM |
| Re: الحمى النزفيه تجتاح الخرطوم !! | محمد خليل إسماعيل | 11-06-07, 02:47 PM |
| Re: الحمى النزفيه تجتاح الخرطوم !! | أبو عبيدة البصاص | 11-08-07, 05:00 PM |
| Re: الحمى النزفيه تجتاح الخرطوم !! | أبو عبيدة البصاص | 12-15-07, 10:51 AM |
| Re: الحمى النزفيه تجتاح الخرطوم !! | عمرو كمال ابراهيم | 12-15-07, 12:29 PM |
|
| |
أبو عبيدة البصاص
فيس بوك
تويتر
انستقرام
يوتيوب
بنتيريست