|
هل سمعتم صوت مشجع المريخ السب الدين؟؟
|
وحات الله في الشوط التاني وفي هجمة خطرة جدا كان واضح صوت أحد المشجعين المريخاب وكان بيكورك ويقول:
أرجعوا ورا ......دينكم؟
أستغفر الله العظيم..
صوتوا كان واضح في الإذاعة ..وكل زول بيكون سمعوا...
ده كلو من مزمل أبو القاسم ..
|
|
|
|
|
|
|
|
Re: هل سمعتم صوت مشجع المريخ السب الدين؟؟ (Re: mohmed khalail)
|
محمد سلامات..
Quote: خالد....
لو ده حصل يكون افلاس جوه وبره الميدان..
|
والله يا محمد لو ما سمعتها بأضاني دي..ما كنت بكتبها هنا..
وأتمني إنو ناس الإذاعة يعملوا حسابهم للحاجات دي..
Quote: بالله ناس تتغلب في النهائي وجوه ارضهم اربعة!!! دي حكزمة شنو دي؟؟؟؟ |
يا محمد الكورة دي كانت ماشة علي نص الدستة لكن ربك ستر ولطف علي الشعب السوداني ..علينا نحنا الصابرين علي الحكومة والمريخ..
والفكي الليلة إلا يطير..!
| |
|
|
|
|
|
|
Re: هل سمعتم صوت مشجع المريخ السب الدين؟؟ (Re: خالد الطيب أحمد)
|
سلامات يا خالد,
إقتراب الميكروفون من مدرجات الجماهير فيه خطورة كبيرة ودائما تسمع من بعيد بعض الألفاظ والشتائم!!
وحصلت قبل كده كم مرة والمعلق دخل فى هدومو لما حسّ إنو المشاهدين سمعو البلنتى
صاحبك السبّ الدين ده باقى ليك بكونو أقاموا عليه الحد ولا الراجل معذور!!
تحياتى
| |
|
|
|
|
|
|
Re: هل سمعتم صوت مشجع المريخ السب الدين؟؟ (Re: أيمن الطيب)
|
أيمن ..سلامات..
Quote:
إقتراب الميكروفون من مدرجات الجماهير فيه خطورة كبيرة ودائما تسمع من بعيد بعض الألفاظ والشتائم!!
|
فعلا يا أيمن..لأنو المستمعين والمتابعين بالذات لكورة نهائي بتكون كل الأسر والأطفال قبل الكبار والأمهات قبل الأباء..
Quote: وحصلت قبل كده كم مرة والمعلق دخل فى هدومو لما حسّ إنو المشاهدين سمعو البلنتى
|
هههههههههههههه....
Quote: صاحبك السبّ الدين ده باقى ليك بكونو أقاموا عليه الحد ولا الراجل معذور!!
|
أنا شخصيا بعذرو ..لأن الأمر عادي بالنسبة لمعظم جمهور المريخ..
| |
|
|
|
|
|
|
Re: هل سمعتم صوت مشجع المريخ السب الدين؟؟ (Re: خالد الطيب أحمد)
|
يا خالد ما تجيب للزول الهوا ناس الامن تلقاهم بباقي الليل هاجموا ليك بيوت الاربعين الف و يقعوا فيهم تعذيب لمان كلهم يعترفوا انهم الاتلفظوا باللفظ دا و انه قصدهم سب الانقاذ و المشروع الحضاري بتحريض من جهات اجنبية معادية للسودان,, ما كفاية عليهم الاربعة جلدات كمان يدخلوا في الطيارة قامت و تعليق في المروح و اعتقال اسرهم,, لكن تصور اني متفائل للمريخ برغم النتيجة القاسية دي و اليومين ديل حدثي شغال تمام التمام..
| |
|
|
|
|
|
|
Re: هل سمعتم صوت مشجع المريخ السب الدين؟؟ (Re: نصار)
|
الأخ العزيز نصار..
Quote: يا خالد ما تجيب للزول الهوا ناس الامن تلقاهم بباقي الليل هاجموا ليك بيوت الاربعين الف و يقعوا فيهم تعذيب لمان كلهم يعترفوا انهم الاتلفظوا باللفظ دا و انه قصدهم سب الانقاذ و المشروع الحضاري بتحريض من جهات اجنبية معادية للسودان,, ما كفاية عليهم الاربعة جلدات كمان يدخلوا في الطيارة قامت و تعليق في المروح و اعتقال اسرهم,, لكن تصور اني متفائل للمريخ برغم النتيجة القاسية دي و اليومين ديل حدثي شغال تمام التمام.. |
أنا لو كنت في إستاد المريخ و كان الموضوع ما سب دين يا نصار .. صدقني كنت قلت ليهم ده أنا..وأفتخر بالحاجة دي!
عارفين الكورة مدورة يا نصار في البداية وفي النهاية ..بس عاوزين البيمثلنا ..يمثلنا صاح.. وما يفضحنا كده..معقولة أرررررررربعة صورايخ في بلدك..يعني 8؟؟
| |
|
|
|
|
|
|
Re: هل سمعتم صوت مشجع المريخ السب الدين؟؟ (Re: walid taha)
|
Quote: الإنفعال سمة من سمات المشجع
وهذا لا يعنى بكل تاكيد تبرير لما إقترف ترى كم مرة سب ديننا الحنيف فى مباراة النجم الساحلي استغفر الله |
أتفق معك يا وليد.. الإنفعال سمة من سمات التشجيع..
ويمكن زي ما قلت يكون في مشجع مننا برضوا سب الدين في مباراة النجم..
لكن هل حصل سمعها السودان كله الـ(40 مليون جوه و90 بره) عبر الإذاعة كما بالأمس؟؟؟
طبعا لا..وده البيخليني أنصح ناس الإذاعة بالإبتعاد عن جمهور المريخ ..وحملتهم المسؤولية..
| |
|
|
|
|
|
|
|