|
|
|
 Re: يلالا تعالو لي بي جـاي .. (Re: ثروت سوار الدهب)
|
Quote: يا تمبس
حرام عليكم
المريخ مهما كان فريق سوداني برضو
ليه كدا؟ |
يا ثروت .. وحيات الخوه .. عمري ما عملتها كدا على الملا ..
لكن صدقني قاعدين نرد ليهم في الصاع .. اربعة صاعات ..
ياخي إنت ما شفت الناس دي كانت بتعمل شنــو؟؟
تعرف الفرق بينا وبينهم شنــو؟؟
نحن بندورهم بعد نهاية الكورة .. لكن هم مدورين فينا من بداية القرعة .,. وبعد كل مباراة كانت عندنا جرعات تنشيطيه .. قاعدين يسقونا ليها هنا دا .. كان فزعته ليك على الارشيف والله تعرف حاجة ..
بعدين يا ثروت بلاي بعد العملوهو دا .. فضلو حاجة لي سوداني تاني ..؟
ياخي نحن ننضف وهم يوسخو..؟
كدي شوف البوست دا احتمال تفهم حاجة .. وما عايز اجيب ليك باقي البوستات التانية ..
وبالمناسبة:
البوست دا فتحتو وبعد خروج الهلال العظيم من المنافسه في تونس .. بعد المباراة العالمية اللعبه الهلال وطلع وراسو مرفوع وراسنا نحن زاتنا مرفوع ..
لكن معقولة اربعة يا ثروت .؟ ووين .. ؟ في السودان .. ووين ..؟ في امدرمان ... ووين ..؟ في استاد المريخ ..؟
بلاي شوف البوست دا .. وفي بوست تاني ح اجيبو ليك عشان تعرف حاجة..
يا هلال يا عظيم .. اعذرنــا فقد امتعتهم ..
| |
 
|
|
|
|
|
|
|
 Re: يلالا تعالو لي بي جـاي .. (Re: mohmed khalail)
|
| Quote: تمبسكو الجماعة لبدو |
يا خلي ..
تعرف حسع الجايين يحششو ديل وعاملين ليك فيها روحهم رياضية ديل .. خايفين الواحد يقوم يمشي يطفي النور ويحاول ينوم ..
وجو هنا طبعا عشان بكره وبعد بكره وبعد بعده .. ح يسردبو سردبة السنين ..
اسالني أنا الفلم دا خشيتو ... كان لقيت فيهم واحد بكره الصباح تعال قابلني ..
| |
|
|
|
|
|
|
|
|
|
Re: يلالا تعالو لي بي جـاي .. (Re: omar altom)
|
Quote: تمبكو
اها انا جيت
وحاجز في الصف الاول....
راجي الجماعة يجوا
قالوا الليلة العشا علي حساب.....التونسية
فول وشيه.....وطعمية!!!!
اها
وينن؟؟؟؟؟ |
.. يا عمر التوم .. ياخي عندنا زيت زيتون تونسي .. بنفع ليك في الفول دا.. تكب منو شوووية بس ما تكترو .. أربعة معالق بس ..
اربعة معالق عند اللزوم ...
| |
|
|
|
|
|
|
|
|
|
Re: يلالا تعالو لي بي جـاي .. (Re: Ahmed musa)
|
Quote: والله كتر خيرك
ياخ المريخاب منشدة فرحهم بهزيمة الهلال نسونا إنهم سودانيين
أو قل شككونا في ذلك !!! |
والله يا بوحميد ما طالبني حليفه .. أنا القون الاولاني ما شفتو كويس .. كنت بين مصدق وما مصدق .. لما جابو القون التاني .. غلبني اقوم من الكرسي .. مش لحدي كدا كويس معاهم .. يلالا بعداك اتذكرت ليك الحركات بتاعت الجماعة اياهم ..
قمت علي طول حسيت بي انو في قرون طلعت لي بالجمبات .. قلت يازول كدي استهدا بالله .. الناس ديل اديهم فرصة وخليك على عهدك معاهم .. لاني كتبت ليهم قبيل نصت نهار حدي معاكم تلاتة صفر ..
اها
وحات الخوة لما تلاتة جات .. وحسيت انو ليبيا فتحت .. تعال شوف ليك تلفونات بقت تتطاقش علي من كل حدب وصوب ياخي اتاري الرشاشات ديل شايلين تقيل بشكل ..
لكن أربعة يا بوحميد ..؟
أربعة ..؟
..
طبعا راكوبة دا حسع ما تشتغل بيهو .. شايف احمد الريح استلمو .. خايفو يقوم بعد شوية يطقع زي الجماعة .. إنت في السودان الظاهر لي الرؤية بتكون عندك واضحة ما شفت قزاز الموية دا وقصب السكر اتحدف كيف من كل حدب وصوب ..
ياخي في واحد كدا ملص الفنلة وقعد يبكي .. والله (حنني) يا بوحميد .. يحليلو .. والله دا حسع يكون عايش نفسيات عجيبة خلاص ..
بس بيني وبينك أربعة كتيرة ..
وحارة عديل كدا ..
أربعة حاره ياخ ..
| |
|
|
|
|
|
|
|
|
 Re: يلالا تعالو لي بي جـاي .. (Re: tmbis)
|
تمبس بطل الحركات
قد يكون اللاعبين خسروا المباراة لكن أخلاقهم العالية أجبرت أفريقيا كلها تشجعهم
و الجمهور الصفوة حيهزم جمهور الصفاقسي خمسة عديل
و الجدع قارورة الموية دا واحد رشاشة أكيد
| |
|
|
|
|
|
|
|
|
|
Re: يلالا تعالو لي بي جـاي .. (Re: ahmed khidir)
|
Quote: تمبس
ســـــــــــلامات
انت المريخ لاعب فى تونس
احمــد خضــر |
يا أحمد خضر
ما تقول كلام زي دا ياخ .. إنت قاصد شنو ..؟ عشان يعني ما عندكم مقصورة زي دي ..؟ ونجيله زي دي .. وشبكات زي دي ..؟
يا أحمد خضر ياخي حرام عليك الجماعة ديل لسه ما مشو تونس مالك عايز تعمل ليهم زلعه من حسع دي ..؟ نحن بنحنس فيهم تحنيس إنت ترجع فيهم لا وراء
| |
|
|
|
|
|
|
|
|
|
Re: يلالا تعالو لي بي جـاي .. (Re: محمد البشرى الخضر)
|
تمبس ، سلام
كنت اقول لاصدقائي انني متشائم من رحلة الهلال (الخرطوم سوريا تونس ) ، قبل المبارتين ، وبعدها اطلقت عليها الرحلة المشؤومة ....
لكن والله متشائم جدا من رحلة المريخ .... الي المغرب العربي ،،، ربك يهون
ده ردي ليك في بوست راكوبة (شايفك جايب بدلة ابراهومة )
Quote: تمبس عاجباك البدلة ولا شنو ؟؟؟
لم اشاهد ناس ممحنين مثل هذا اليوم ،،،،
ابراهومة ، ماذدا ، واتوفستر
ولكن كم اتعاطف مع مشجع المريخ الذي خلع القميص
كان حزنه (الحزن النبيل) ،،،،
تمبس الموج المره متشارط علي شنو ....
عشان انا ح اورد ليه الرحط وال.... .
مجانا .....
عليك الله اتصلي علي اساسي وقول ليه ،، تاني بطل (...) |
طبعا ابراهومة صاحبك جاي قايل نفسوا احد عرسان اليوم ،،،،،
علي قولك
بلاي رجع البدلة لي صاحبها
| |
|
|
|
|
|
|
|
|
|
Re: يلالا تعالو لي بي جـاي .. (Re: رقم صفر)
|
Quote: والله كتر خيرك
ياخ المريخاب منشدة فرحهم بهزيمة الهلال نسونا إنهم سودانيين
أو قل شككونا في ذلك !!! |
نعم
شماتة كانت شديدة و مزعجة و تجاوزت حدود المعقول.
نعم كل ذلك حصل.
و لكن هل هم قدوة لنا؟
و إلى متى هذا العداء و شطط و الكيد؟
ارفقوا بهم قليلا. علهم يتعلموا منكم درس
و لما لا؟
يحياتي يا اخ موسي.
و الله يستر عليهم من تمبس الليلة
| |
|
|
|
|
|
|
|
|
 Re: يلالا تعالو لي بي جـاي .. (Re: محمد البشرى الخضر)
|
Quote: تمبس بطل الحركات
قد يكون اللاعبين خسروا المباراة لكن أخلاقهم العالية أجبرت أفريقيا كلها تشجعهم
و الجمهور الصفوة حيهزم جمهور الصفاقسي خمسة عديل
و الجدع قارورة الموية دا واحد رشاشة أكيد |
.. يا ود البشرى والله امس كنت قاعد احضر في النيل الأزرق في برنامج البحث عن هدف ... المقدمه بتاعت البرنامج المريخابية الاسمها ميرفت .. والله عملت ليك لي جمال الوالي عمايل النفطي ما عمله في جماعتك .. صاحبك بقى يدخل بي هنا .. ويمرق بي هنا .. الباقي تماهو سرحان عبد البصير .. وكلما يسالو واحد متصل بالتلفون .. يقوم يضحك ويبتسم ومتكيف من الوضع ..
اها
قام جابو ليك في الاستطلاع واحد رشاشة لكن زول نصيحة .. قال ليهو انا القدامك دا بعتقد انو جمهور المريخ اندهش واصيب بالخلعه والاحباط بالاهداف السريعة في اول المباراة ..
يازول عمك جمال الوالي .. ساب الناس ديل كللهم ومسك ليك في الرشاشة دا قال لي اصلو جمهور المريخ ما اندهش .. بلاي شوف الزول دا ..؟
بعدين كان ما اندهش في زول بيملص الفنله ويقعد يبكي ..؟
ياخي دي اسمها دهشة حد البكا
بعدين فعلا يا ود البشرى الزول الجدع الراجل دا بي قارورة الموية دي (رشاشة) والجدع قصب السكر ( ارش ) منو إنت قايل عرفتهم كيف..؟
بتاع الموية .. قارورة الموية لونه ازرق بي ابيض ..
بتاع قصب السكر .. كان كاتب فيها Zo0o0o0ot
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
Ya Tamba
wahid masri gal: walahi walahi ua ahmed howa ana kont batfarag min gair soat alashan ommi kanit nayma wi fakir elkora fi tonis'
la ya 3m, iza kida,... ilhilal howa 3mohom kolohom.
iks 3l mireek
| |
|
|
|
|
|
|
|
|
|
Re: يلالا تعالو لي بي جـاي .. (Re: Ahmed Al Bashir)
|
تمبس
مطعم الريم والملتقى الليلة زى يوم العيد
بالله الدنيا دكلها رشاشات
يوم الرجا كانو حمائم سلام
واليوم طلع الجمهور صفوة
والله با تمبا ناس الصفا قس ديل خجلو ما يزيدو الاهداف
يعنى خالفو على روحهم
على المريخ الاعتزار ولانسحاب
هنالك فضائح منتظرة
| |
|
|
|
|
|
|
|
|
 Re: يلالا تعالو لي بي جـاي .. (Re: tmbis)
|
حكاية جمهور مؤدب ومهذب دى شيعنا منها يا تمبس .. ده كلام فارغ .. الجمهور السودانى لمن يقنع من فريقو .. ويحصل ليهو احباط بشجع الخصم، ما اعجاب بيهو وانما (مكاواة) وغيظ واستفزاز وسخريه على اللاعبين والأدارة .. ما يقبضونا بى اخلاق ووهم وحمام ميت!!
________
من هنا اطالب بتنحى (الوالى) وابعاد (الصحاف) من أجهزة الأعلام فنحن اولى بفرعنا الصغير منهما!!
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
سلام يا تامبا
كتبتُ عقب تاهل الصفاقسي للمباراة النهائية:
Quote:
بحسب رأيي، فإن مشوار ندنا التقليدي نحو كأس الكونفدرالية لم
يبدأ بعد! أقول هذا من واقع مقارنة مستوى الصفاقسي بمستوى
الفرق السابقة التي واجهها المريخ |
Quote:
الصفاقسي فريق قوي ذو هجوم ضارب، فاز بأرضه على Sundowns
الجنوب إفريقي 4-0 وفعلها قبل ذلك مع القطن الكاميروني. Sundowns
بالمناسبة فريق منظم شاهدته مرتين أمام الأهلي المصري ومرة أمام
الصفاقسي "أمس الأول" |
Quote:
لم يتعرض المريخ طوال مبارياته خارج أرضه وداخلها لضغط هجومي مكثف،
وهو الأمر المتوقع حدوثه أمام الصفاقسي بتونس وربما بأمدرمان، ورغم ذلك
فإن تلك المباريات شهدت ثغرات في دفاع المريخ لا تخطئها عين. خير دليل
على ذلك مباراة الأمس أمام دولفين "بعيدا عن انحياز الحكم بطريقة سافرة"،
والتي أتيحت فيها لمهاجمي الفريق النيجيري 3 فرص مؤكدة -على الأقل- في
مواجهة بهاء الدين، والأمر ذاته ينطبق على مباراة الإسماعيلي بمصر.
|
الصفاقسي التونسي إلى نهائي بطولة الكونفدرالية الإفريقية
لكن أحلام جماهير المريخ غرقت اليوم في بحر التفاؤل غير المنطقي بصفع
الصفاقسي الذي بشر به بعض كتاب المريخ!
| |
|
|
|
|
|
|
|
|
|
Re: يلالا تعالو لي بي جـاي .. (Re: Ahmed Alrayah)
|
Quote: بصفع
الصفاقسي الذي بشر به بعض كتاب المريخ! |
سألتك يا ابوحميد قبل كدا
قلت ليك "رج الرجاء" تحولت ل "كمين الرجاء" يا ترى "صفع الصفاقسي" حتبقى شنو؟
وقد أراحتك جماهير الصفوة من عناء الإجابة
لفد إستحال "صفع الصفاقسي" إلى "تصفيق للصفاقسي"
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
كتب أحد أخواننا المصريين في موقع yallakora المصري تعليقا على خسارة المريخ:
Quote:
الاخوه السودانين كسبوا الاهلي بالصدفه 3 قالوا احنا اللي علمناهم و احنا اللي عملنا قلنا
ساعتها ياخوانا بلاش الكلام الكبير ده دا انتوا وصلتوا اللي ناس عملتوا من 50 سنه و لسه
باقي لكم 50 سنه للفوز بالبطولات مبروك للصفاقصي و هارد لك المريخ السوداني |
كده كويس؟ مكتسباتنا ذاتها ضيعوها يا تمبس!
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
اقول ليك حاجة
فكونا كلكم من الوهمة بتاعتكم دى
الاتنين ... الهلال والمريخ و باقي المرض ...
اتخارجو ياخى شوفو ليكم موضوع تانى
العبو بلى و لا ام الصلص و لا زنقة البصلة
اقول ليك : خللوهو
تعرف صاحبي طارق قبل كم سنة لما الفريق القومى كان لاعب في الخرطوم ضد نيجريا شبكنى ليك "اولاد زى اللهب و حريفين و حيتاهلو لكاس العالم و ... واك واك " المهم اكل راسي ومشيت حضرت الكورة لبلادتى, زعطوهم كم كده في الخرطوم, قلت لى طارق تانى لو شنو داك ما تضرب لى عشان كورة سودانية.
ياخى انا هلالابي, الوالد كان بتاع كورة للاخر و كان حكم و اسس اتحاد الكورة بتاع جبل اولياء ومن ناس الهلال, لما اللعيبة الموقوفين كانو بيتفكو بي مباراة ودية كان ناس الهلال بيجو جبل اولياء يلعبو بالصف التانى او التالت و يفكو النجم الموقوف, ايام العز ديك شفنا شخصيا من الدحيش للنقر
وعشنا من ناس الضب لغاية تنقا, و شفنا ناس قلة البدرنو ال 4/1 المغلوبين ليها في مصر من المحلة .... وناس سانتو البحشر القون في فاطيما من السنتر
لعيبة و اداريين وحكام ظبط .... زيهم و زى بتاعين ليفربول و برشلونة و ميلان.........
انتو دايرننا "نوسخ" ده بي كورة الليلة دى????
شوف ... الكورة دى زيها و زى الغنا و الموسيقي والمسرح والشعر والرسم
مافى موسيقي حتبقي كويسة لانها بس موسيقي وطنية ....
او شعر سمح لانو بس سودانى ...
اها كورة السودان الحالية دى مرض و وهم ... اى نعم في شباب حرفا لكن ده ما كفاية ...
مجتبي صاحبي , كنا سوا مرضانين هلال , ايام الجامعة كان مفروض نعمل لينا شغل سياسة مهم وفي نفس اليوم لاعبين الهلال و المريخ, كبينا مكنة كده و مشينا نتفرج في الكورة, واحد من الثقلاء شافنا و فتانا
قابلت مجتبي قريب ده, ومن ضمن الونسة جات سيرة الكورة والهلال, قلت ليهو اسه دى كورة تتفرج ليها? ردو كان: ما تتعلقن على, ده السودان انت قايل في حاجة تانية غير البكيات والفواتح!!!!
القمنى حجر ... و فهمتو
برضو ارحمو روحكم و ارحمونا لانها ما بتستاهل
و يا صهاينة ................ زووووط
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
.
تمبس يصرح:
(وحات الخوة لما تلاتة جات .. وحسيت انو ليبيا فتحت .. تعال شوف ليك تلفونات بقت تتطاقش علي من كل حدب وصوب ياخي اتاري الرشاشات ديل شايلين تقيل بشكل ..)
ما قلنا ليك كده قلت نوبة وما في غباين وما في شنو ماعارف
أها الله جابها على لسانك عديل قولة شايلين تقيل بشكل دي أنحنا بنسميها غبائن.
عشان كده أول ما يجيبو ليك سيرتها تقوم تقول للزول
يا راكوبة أمشي نوم أخير ليك.
وشكلك كده انت المشيت تنوم.
نوم العوافي وإن شاء الله ما تهضرب بمباريات الاياب.
بالله الحق الصفحة الاولى نصها بوستات شمات
ياخي اقول ليك انا الكلمتك عن الغبائن ده ما كنت قايلكم شايلين قدر ده.
الهم خفف عنهم يا رب.
| |
|
|
|
|
|
|
|
|
|
Re: يلالا تعالو لي بي جـاي .. (Re: abdelwahab hijazi)
|
| Quote: اللهم خفف عنهم يا رب. |
نحمدو و نشكر فضله
فشانا و خفف علينا
ولسة عشمانين في زيادة التخفيف في تونس و في الدارالبيضاء في مركب محمد (الرابع) حيث الرجاء (قاعد)
و املنا كبير في تمام التخفيف يوم 29 في الرش كتر ذات الأركان (الأربعة) حيث تحلو (القعدة)
وخليكم إنتوا عايشين على مكنة الصفوة
| |
|
|
|
|
|
|
|
|
|
Re: يلالا تعالو لي بي جـاي .. (Re: محمد البشرى الخضر)
|
تي مب سسسسس
هامسا
حتى ما يشوفني زول بي جاي
اطلعني شامت ولاحاقد
سامعني ياتمبس
تي مب سسسسس
الزول ده طلع ولا شنو ؟
تي مب سسسس
صوتي ده ما عالي
تي مب سسس
اربعة مرات
لالالااحسن نتراوح
تـــــمـــــبــــس
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
.
خوفي عليك يا محمد من بوست عنوانه " الوصيف خلاني وصيف"
المريخ على الاقل ضمن وصافة قارية والزيادة غير مستحيلة.
..
ده كلو هين زولكم ده خلى الصيوان ولا شنو؟.
بعدين كدي بالله ادي نظرة للصفحة الاولى في البورد
مش حاجة مفرحة انو في ناس بتفرح؟؟؟؟
| |
|
|
|
|
|
|
|
|
|
Re: يلالا تعالو لي بي جـاي .. (Re: abdelwahab hijazi)
|
حجازي يا عمك
ما ملاحظ سقف الطموحات قل شوية و اللغة الطموحة خفتت يعني من | Quote: منو الحايلعب معانا السوبر |
و| Quote: الأهلي و النجم الساحلي عينهم على مباراة اليوم |
نبقى في | Quote: المريخ على الاقل ضمن وصافة قارية |
لكن برضو يعجبني فيك الروح القتالية و التفاؤل| Quote: والزيادة غير مستحيلة |
تعرف المعلق المغربي السغيل بتاع الART المذيع سأله بعد الكورة قاليه الصفاقسي ضمن اللقب بنسبة سبعين تمانين في المية كدا
تخيل قاليه بالنسبة لي اللقب للصفاقسي مئة بالمئة
كدي يا عمك بحساب الفرص عشان تشيلو الكاس مفروض تغلبوا كم
| |
|
|
|
|
|
|
|
|
|
Re: يلالا تعالو لي بي جـاي .. (Re: abdelwahab hijazi)
|
يا شباب عن اذنكم عندي كلام سر مع عبد الوهاب حجازي دا ..
يا عبد الوهــاب .. ياخي انا امشي وين الليلة ..؟
أنا مشيت اتعشى وبعمل لي في كم حاجة كدا .. انا مشيت اتعشى أحمد ربي .. مبسوووووط (أربعة) وعشرين قيراط .. إنت قايلني مغلوب واللا شنــو..؟
بعدين حسع إنت تحت تأثير الصدمة ما بتقدر تستوعب كلامي الح اقولو ليك دا .. والمتعلق بالغباين .. وبقجتك دي ..
بكره الصباح كان ربنا صبحنا من ناس بكره .. تفطر تقيل وتضرب ليك كباية عصير .. وتجي بدري هنا الصباح عشان نوريك الحاصل شنـو .. حسع كدي خليني مع اخوانك الرشاشات ديل .. اصلنا محتفلين الليلة لي الصباح .. بس كدي هاك ذاكر لي في البوستات دي .. علشان بكره نعمل ليك اختبار الصباح .. كان سقطته بنديك (أربعة) أقوان .. اووب سوري اقصد أربعة جلدات ونعمل ليك لفت نظر .. ذاكر كويس أنا جني وجن الناس القاعده تنسى الناس بسرعة ..هاك الاتنين ديل مهمات جدا .. ولو كنت لبيب بالاضارة بتفهم :
يا هلال يا عظيم .. اعذرنــا فقد امتعتهم ..
2
نظرة لحال .. المريخاب بالبورد
أما الباقيات ديل .. فديل فاتحات شهية .. يعني زيهم وزي .. الفتوش والبابا غنوج .. والمتبل .. والكسكسي الطبق الرئيسي طبعا..
باذن الله كعادتهم سيغني فتية المريخ اليوم (فلاااااااته ...ا (عجب المعط الشبكة)
الهلال او البغل المزامل الخيل (بوست مفتوح لمعرفة حجم الهلال الحقيقى)
وبرضو تقول لي بقجة غباين .. إنت شفت ليك بقجة غباين .. كدي خلي الواااطه تصبح .. والله غلا تشوفو ليكم مكان غير البورد دا .. إنتو ملفكم تعبان هنا يا حجازي .. منظركم بايخ هنا ..
بكره الصباح ما تشيلك نومــه
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
نقل أحد أعضاء منتدى kooora (*) حديثا لرئيس المريخ جمال الوالي لإذاعة الرياضية FM،
عزي فيه أسباب الهزيمة إلى:Quote:
المريخ قادته ظروف إلى المباراة النهائية وهى ضعف المجموعة التى كان بها
النظرة الفنية الخاطئة والقراءة غير الجيدة للمدرب
انشغال المدرب أوتوبفستر بعرض الكاميرون |
وأضاف:
| Quote: إنه سوف يتخذ بعض القرارات التى تحفظ وجه المريخ و سيحاسب بعض اللاعبين |
| Quote: الوصول الى النهائي بحد ذاته انجاز |
وقال عن مباراة المريخ وإنترميلان:| Quote: مباراة المريخ والإنتر بها بعض المشاكل فى تحديد الزمن وستحل غدا |
_____________________________
(*) الكاتب كان متعجلاً فوقع في أخطاء عديدة اضطرتني لتصويبها حتى تستقيم المعاني
دون إخلال بها.
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
.
حاضرين والفورة مليون
لكن بصراحة ناسك ديل ما شكلهم دايرين ينوموا.
احكي ليك دي
واحد من اخوانا الجعلية اتزوج بت ريف. يعني زي نصها مصري كده.
الحفلة كانت بترباس اللي قام غنى ليهم في البداية غنية راسية كده والناس مبسوطة وكلو تمام التمام. الاغنية التانية وبعد وسوسة واحد من اخوانا الجعلية في اضان ترباس كانت اغنيةعرضة.
وعينك ما تشوف الا النور زي ما بيقولوا اولاد بمبة. نطيط ورفسي وغبار.
المصري قام من كرسيهو يحاجز ويكورك والنبي ياترباس بلاش من ده
والنبي يا ترباس بلاش من ده.
فهمت حاجة؟
الله يديكم عرضة كمان وكمان ياخي.
بس زي ما بنقول بالدارجي إن شاء الله فوق عزكم.
مش شماتة في ود أخوك وكده.
الهم اذهب عنهم الحزن.
.
.
.
| |
|
|
|
|
|
|
|
|
|
Re: يلالا تعالو لي بي جـاي .. (Re: abdelwahab hijazi)
|
Quote: مش شماتة في ود أخوك وكده.
الهم اذهب عنهم الحزن. |
عبد الوهاب ..
يا خوي الله يرضى عليك .. كدي حسع خليني ارد علي اخوانك الرشاشات ديل .. إنت مستعجل علي رزقك خبارك ..؟
البوست بتاع حامد بريمة وكدارة الحنه بتاع المحلي داخل عطبره شايفك عملت منو زغبير .. ما جيت راجع خليتنا مكومين البقجه بتاعت الغباين وراجينك ..
اها
حسع البوست دا خلينا النحتفل لحدت صباحات ربنا بي خيره .. بنجي ننظمك .. ونجيهك .. حسع ما تبوظ لينا النقاره بتاعت اخوانك دي .. عشان ما يزعلو منك .. والرشاشات ديل كان زعلو .. والله ما بتمسكو كدي امشي فتش أخوك راكوبه دا .. وامشي اخدو ليكم نومه
النومه دي بتريحكم..
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
شكرا أحمد الريح
لو قال جمال الوالي فعلا مانسب له
| Quote: المريخ قادته ظروف إلى المباراة النهائية وهى ضعف المجموعة التى كان |
بها
لقلنا رحم الله أمرء عرف قدر نفسه ويكون الوالي قد صدق فعلا في حقيقة
أن المريخ قد خدمته الظروف للوصول للنهائي !!!!!
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
عن الجزيرة.نت
اقترب الصفاقسي التونسي كثيرا من الفوز بكأس الاتحاد الأفريقي لكرة القدم بعدما حقق فوزا كبيرا ومفاجئا على مضيفه المريخ السوداني 4-2 مساء السبت في مباراة الذهاب بالدور النهائي للمسابقة.
وبينما احتشدت جماهير المريخ في أم درمان تتمنى فوزا مريحا، نجح الصفاقسي في مباغتة أصحاب الأرض بهدف مبكر جدا سجله لاعب الكونغو الديمقراطية بليز مبيلي "ليلو" في الدقيقة الأولى قبل أن يتكفل العاجي كواسي بتسجيل الهدف الثاني بعد أربع دقائق.
وقبل أن يفيق المريخ من الصدمة تلقى مرماه هدفا ثالثا عن طريق كواسي الذي سجل هدفه الشخصي الثاني في الدقيقة 18 لينتهي الشوط الأول بثلاثية نظيفة للصفاقسي.
وفي الشوط الثاني نجح المريخ في تقليص النتيجة إثر تسديدة للاعبه البرازيلي باولو روبرتو "باولينيو" في الدقيقة 54 لكن مبيلي أعاد الفارق إلى سابق عهده عندما سجل الهدف الرابع للصفاقسي في الدقيقة 60 ثم استقر الفارق على هدفين عندما سجل فيصل عجب الهدف الثاني للمريخ من ركلة جزاء في الدقيقة 78.
وبهذه النتيجة أصبحت مهمة الصفاقسي سهلة في لقاء الإياب الذي يقام بمدينة صفاقس التونسية في 24 نوفمبر/تشرين الجاري.
يذكر أن الصفاقسي نال لقب المسابقة عام 1998، علما بأنه بلغ نهائي المسابقة الأكبر وهي دوري أبطال أفريقيا الموسم الماضي لكنه خسر أمام الأهلي المصري صفر-1 إيابا في تونس بعدما تعادلا 1-1 ذهابا في القاهرة.
http://www.aljazeera.net/NR/exeres/20FDDC33-C625-45BA-BD26-C99BBABCF01D.htm
| |
|
|
|
|
|
|
|
|
|
Re: يلالا تعالو لي بي جـاي .. (Re: tmbis)
|
يا تامبا
لكن عجبتي الدقة لي الوصفاء
هم قايلين نفسهم خلاص جابو الكاس
الحاجة البتوجع هم ما عارفين نفسهم ما لعبوا مع فريق عليه القيمة
واهو اتبهدلوا بهدلة
قطعوا ليهم الرحط في بيتم
| |
|
|
|
|
|
|
|
|
|
Re: يلالا تعالو لي بي جـاي .. (Re: humida)
|
وووووووووووووووب علي
وووووووووووووووب علي
وووووووووووووووب علي
حي وووووب حي وووووب
حي وووووب حي وووووب
حي وووووب حي وووووب
حليلك الليلة وينك
يا البتجيب الكاسات و بتتغلب أربعات
الجمهورك صفوة و جبت ليه الكفوة
الإسمك زعيم وفعلك دميم
البشجعك راكوبة المسك لينا في الهوبة
الليلة وا فضيحتك
الضيعت عليناالعربية
و الأرض الفي المنشية
و المنحة الدولارية
وركبتنا التونسية
ولففتنا الصينية
كر علي كر علي
حي وووووب حي وووووب
والباقي هناعناوين الصحف ليوم الغد
جماهير الصفوة تحيي لاعبي الصفاقسي مما يثبت أنها جماهير راقية و بتشجع اللعبة الحلوة
-الحكم يذبح المريخ و يحتسب هدفين من تسلل واضح و جمهور المريخ صفوة
-بهاء الدين يخذل المريخ وجمهور المريخ صفوة
-أليجا تانا يخطئ و يسجل في مرمانا بالرجل الصليبها طالع و جمهور المريخ صفوة
- معلق ال Art يشيد بروح المريخ الرياضية وجمهور المريخ صفوة
-بلا بلا بلا بلا بلا و جمهور المريخ صفوة
----------------------------------------------------------------------------------
* طارق سيـــد ( منتديات كورة ) ..
| |
|
|
|
|
|
|
|
|
|
Re: يلالا تعالو لي بي جـاي .. (Re: abas)
|
Quote: Quote: مباراة المريخ والإنتر بها بعض المشاكل فى تحديد الزمن وستحل غدا
|
ده الصفاقصي .. الميلان حيعمل شنو
أكيد حيعمل مَيلان في (الرد كاسل)
بس إن شاء الله الميلان يكون في اتجاه كرري .. عشان أم درمان ما تغرق 
| |
|
|
|
|
|
|
|
|
|
Re: يلالا تعالو لي بي جـاي .. (Re: محمد عبد الماجد الصايم)
|
Quote: يا ثروت .. وحيات الخوه .. عمري ما عملتها كدا على الملا ..
لكن صدقني قاعدين نرد ليهم في الصاع .. اربعة صاعات ..
ياخي إنت ما شفت الناس دي كانت بتعمل شنــو؟؟ |
و الله يا تمبس شفت العمايل و المغايس بتاعت اخوانا المريخاب
و الله حاجة كانت مقرفة! انا معاك.
لكن نقول شنو برضو اسمو ظلم اولى القربى.
غايتو انشا الله يتعلموا درس ما يوصلوا الحال لدرجات زي دي.
بالمناسبة
هلال مريخ بتين؟
في دي انا معاك طوالي مافي لعب
تسلم يا حبيب
و انشالله مزيد من التقدم و للكرة السودانية.
و هلالنا فوق
| |
|
|
|
|
|
|
|
|
|
Re: يلالا تعالو لي بي جـاي .. (Re: abuguta)
|
الفيل تمبوس .. لك التحيه
مؤسف جدا ان تكون نشوة مشجعى الهلال عندما يهزم المريخ
والعكس...
صادق الامنيات لكل من يمثل السودان بالتوفيق
محمد الشيخ ..
من ناس مدنى ومابعرف اشجع غير الاهلى مدنى .
بس التمثيل بأسم السودان يسمو فوق كل عصبيه وقبليه ولون وشكل ...
| |
|
|
|
|
|
|
| |
tmbis
ثروت سوار الدهب
omar altom
mohmed khalail
Ahmed musa
محمد البشرى الخضر
ahmed khidir
رقم صفر
مزاحم الضوي
Ahmed Al Bashir
abuguta
MOHAMED EL-BEELI
kamalabas
حمد فتح الرحمن
خضر حسين خليل
gamal
محمد سنى دفع الله
tariq
Hussein Mallasi
abas
humida
محمد عبد الماجد الصايم
bob
mohamed elshiekh
فيس بوك
تويتر
انستقرام
يوتيوب
بنتيريست