|
|
 والله الليله بموت زول .. بالطريقه دي يالمريخ
|
.
.
.
الله يكضب الشينه .. ويتم منانا
نجضت .. نجضت ماتدوها بغاث الطير
عفواً لحظه :
اتى في الخبر ان الهلالاب عقب هزيمة المتوقعه بحساباتهم
سيقودون مسيرة وطنية ويطلقون ابواق السيارات
فرحاً بانتصار الصفاقصي
مدخل للخروج :
دور الاداره كمل
عربة موديل 2007 .. قطعة ارض سكنية درجة اولى ..
حوافز مادية تصل لعشرة الف دولار للاعب الواحد
الباقي على المدرب ولاعبيه
نجضت .. نجضت .. ماتدوها بغاث الطير ..
|
|
 
|
|
|
|
|
|
|
 Re: والله الليله بموت زول .. بالطريقه دي يالمريخ (Re: أبو عبيدة البصاص)
|
Quote: عفواً لحظه :
اتى في الخبر ان الهلالاب عقب هزيمة المتوقعه بحساباتهم
سيقودون مسيرة وطنية ويطلقون ابواق السيارات
فرحاً بانتصار الصفاقصي |
.. والله يا ابوعبيده البصاص بي طريقتك دي إنت الراح تموت مغصه ساكت ..
حسع قبل يومين ما اتعادلتو مع التونسية دي برضو ..
وبي حسابات الكورة ... مهزومين لانو مستواكم كان زي الزفت ودي ما عايزه اتنين يتغالطو
وبي حساباتنا نحن الهلالاب ... بتاعين البورد الهنا ديل .. كان ممكن نعمل ليكم حاجات كتيرة جدا ونمشي نجرجر ليك الجماعة الزاغو من هنا ديل .. ونعمل ليهم استدعاء بالبوليص
وبي حسابات الناس بتاعين ابواق السيارات ديل .. والله كان لتر بنزين واحد ما تلقوهو في الخرطوم ولا الدول المجاورة ..
يا سادتي:
إنتو محتاجين ليكم اي دعم من اي سوداني بغض النظر عن انو بنتمي لي ياتو فريق ..
لما كنا زمااان بنقول لي الناس الكانت بتعمل في حاجات بايخه هنا من بداية القرعة .. وحتى لما الهلال خرج من المنافسه .. كانو بيجو يتعولقو وقاعدين نقول ليهم الكلام دا عيب .. افرزو بين السودان وبين الانتماء ..
والله كنا بنسمع كلام يسم البدن .. وبوستات زي حقل الالغــام ..
اهــا
الحاجة المضحكة الليلة وصلني لنك فيهو واحد اعلامي مريخي معروف بي كراهيتو المفرطه جدا لي اللون الأزرق حتى لو كان السماء الأحمر ..
قال شنو:
Quote: لاعبو الهلال بزيهم الرياضي يؤازرون اشقاءهم لاعبو المريخ ويصافحونهم قبل بداية المباراة
هذا المنظر كنا نراه يتكرر كثيرا فى مباريات الفريقين خلال حقبة الثمانينات ومن خلال المباريات الهامة من اجل رفع الروح المعنوية
كثيرا ما وقف لاعبو المريخ بزيهم الرياضي خلف لاعبو الهلال قبل بداية المبارة
ووقف لاعبو الهلال بزيهم خلف لاعبو المريخ
والان انتشرت العصبية والتعصب بين الفريقين ولم تعد لتلك الروح الجميلة مكان الان
فهل نشاهدها غد ؟؟ خلال نهائي البطولة الكونفدرالية ؟؟
امل ذلك |
..تخيل ليك كلام زي دا .. ونفس الاقلام دي .. كان لما الهلال يكون لاعب .. بنقرا البوستات البتشتم في اللعيبه .. ابتدا من هيثم مصطفى لحدي عمر النقي ..
الآن عايزين نفس ناس هيثم مصطفى ديل .. يجو لابسين فنايلهم وجايين علشان يقيفو معاكم
بلاي تخيل ..؟
حسع يا البصاص .. نصدقك .. نصدق كاتب الكلام دا .. واللا نصدق نفسنا ..
وعلى كل حال ..
الليلة معاكم .. بس على شرط زي ما قاعد يقول زميلكم هنا يوم كل مباراة للهلال .. في البطلوة الافريقية
قاعد يقول .. معاكم بس حدنا اتنين صفر .. والباقي بنحسب من الرصيد بالماينص ..
أقول ليك حاجة:
معاكم لحدي تلاتة والباقي بنتمو موية
قصرت معاكم..؟
| |
|
|
|
|
|
|
|
|
|
Re: والله الليله بموت زول .. بالطريقه دي يالمريخ (Re: أبو عبيدة البصاص)
|
Quote: من هسي انا حاسي اني حا اتموت
وجاني قلب وضغط دم
الله يستر .. ويكضب الشينه .. |
. يا البصاص ..
بريــه إنت من الموت  . يعني عايز تموت لينا قبال ما نجرتقك هنا دا بالليل ..
كدي تف من خشمك سيرة الموت دي .. ولو عايز نصيحتي .. امشي شوف ليك طريقة بتاعت (بنج) من النهار دا .. ومن الساعة سبعة اعمل (فيتنام) الباقي خليهو لي انا دا بتمو ليك ..
بتفرج ليك في الكوره .. ونهاية المباراة بجي (بتورك) .. ولو غلبنا العشاء علي .. ولو كمان غلبونــا .. انا زول دغري جدا .. والله إلا تشوف ليك مكان تتضاير فيهو .. وتجي داخل البورد دا شايل معاك (ميزان ضغط) ليك ولي أخوانك الكابين جرسلين ديل .. وليك ولي زمانك ..
| |
|
|
|
|
|
|
|
|
 Re: والله الليله بموت زول .. بالطريقه دي يالمريخ (Re: معتصم محمد صالح)
|
Quote: عفواً لحظه :
اتى في الخبر ان الهلالاب عقب هزيمة المتوقعه بحساباتهم
سيقودون مسيرة وطنية ويطلقون ابواق السيارات
فرحاً بانتصار الصفاقصي
|
فتحت هذا البوست من اجل التمنيات لمريخ (السودان ) بالنصر ، ولكن مثل الكلام الفوق ده بخلي الانسان ما يعرف يقول شنو .....
"""""""""""""""""""""""""""""""""""""""""""""""""""""""""""""""""""""""""""""""""""""""""""
اتمني للاخ د.شهاب فوز فريقه باذن الله
| |
|
|
|
|
|
|
| |
أبو عبيدة البصاص
امير عوض الجمري
على محمد على بشير
مجدي عبدالرحيم فضل
شهاب الفاتح عثمان
بدرالدين يعقوب
abas
طلحة عبدالله
أبوالزفت
tmbis
معتصم محمد صالح
رقم صفر
عز الدين بيلو
abazar hamid
waleed dawash
حيدر حسن ميرغني
محمد البشرى الخضر
فيس بوك
تويتر
انستقرام
يوتيوب
بنتيريست