|
|
 القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!".
|
رسالة إلي حسين خوجلي.
-----------------------------
الـمصـدر: [email protected]
29 اكتوبر, 2007
شوقي بدري
[email protected]
سمعت يا حسين قالوا كنت عيان سلامتك وشكرا لأنك طريتني وشكرا مرة أخري للشرف الكبير الذي وصفتني به كصديق للخال محجوب عثمان . والسؤال يا أبوعلي إنت ليه ما صاحب محجوب عثمان؟ إنت مفروض تكون أقرب لأنه المربع بتاع ود درو مكي فريق اسحف فريق المغاربة فريق السيد المكي وهذه منطقتك أنت والأستاذ محجوب أم أن هنالك حواجز واختلافات منعت إمكانية وصفك بصديق للخال محجوب عثمان .أو لماذا أنت لست في معسكر المناضلة نازك محجوب عثمان رحمة الله عليها؟ والتي أفنت حياتها في الدفاع عن قضايا حقوق الانسان. في يوم العيد قبل أسبوعين وقف كل السودانيين من ألمانيا والسويد وهولندا وبلجيكا وفرنسا وانجلترا والدنمارك حدادا علي وفاتها في يوم رد الجميل. وفي أكتوبر 21 كان محجوب شريف يقول لي أكتوبر السنة الفاتت كان مميز لأني قضيته مع الأستاذة نازك محجوب عثمان في لندن.
الصادقون والشرفاء يكرمون بدون حشد للأتباع مدفوعي الاجر أو المحفزين أو المكرهين ولهذا يندفع الناس لمحجوب شريف لأنه صادق وشريف. سمعت أن الأخت نفيسة الشيخ من نساء أم درمان تنادي محجوبا بالعمدة البلا أطيان . لأن السرادق تنصب أمام داره بالشهور ويتقاطر الناس له ويخدمونه خفافا حفاة ولهذا أيضا كرموا نازك ويكرمون الخال محجوب عثمان.
أنا شاكر أنك تذكرتني بدون سابق معرفة. والشيء بالشيء يذكر . أنا سمعتك مرتين في برنامجك التلفزيوني تكذب وتضلل المشاهدين. مرة ذكرت انك كنت تجلس في قهوة شديد. يا حسين يا أخوي قهوة شديد دي أنا بعرفها جوه وبره ما كان بتقدر تجيها المرة التاني سمعتك بتقول انه أوروبا زراعتها معطوبة ولهذا هي تطمع في السودان ، أوروبا الأنا بعرفها يا حسين وحمتها زقاق زقاق كلامك ده ما بينطبق عليها . وحا نرجع للموضوع ده .
البعض وجد في كلامك بعض الاستخفاف فإذا كان الاستخفاف بي أنا شوقي ود أمينة فما في عوجه وأنت ود أم درمان وقريب اخوي الهادي ووالد الابنة ملاذ التي أعجب كثيرا بكتاباتها وأتنبأ لها بمستقبل باهر في الكتابة . لكن الخال محجوب عثمان ده خط احمر.
سنة 1998 دخل الباقر احمد عبد الله مكتب جريدة الخرطوم في القاهرة وتفاجأ بوجودي جالسا مع احمد عبد المكرم والأستاذة رجاء العباسي ومحمد الحسن سكرتير التحرير وآخرين فقال لي مباشرة بعد التحية : والله ما حاتطلع مننا يا تدفع لينا دعم يا تدينا إعلانات فقلت له والله ما أديك "...." فقال لي : أنا عارف ليه لأنه محجوب عثمان صاحبك فقلت له لا الكلام ده ما صاح وعندما رأيت الدهشة في وجهه قلت له أنا ماممكن أقول محجوب عثمان صاحبي لكن أنا اطمع في أن أكون صاحبه لان العين لا تعلو علي الحاجب. فقال مباشرة أنا ما عندي حاجة ضد الشيوعيين لكن الراجل ده أنا بكرهه الزول ده قال انه أنا قلت للسعوديين ما تسمحوا للأيام إذا طلعت تجيكم لأنها حا تجيكم حمراء والكلام ده أنا ما قلته . فقلت له: الكلام ده يا الباقر كان ما قلته بيشبهك . بعدين أنت منو عشان تكره محجوب عثمان؟ ، في الفترة الأنا وأنت كنا حايمين بالأردية محجوب عثمان كان رئيس تحرير .
يا حسين رؤساء التحرير زمان أكثر الناس مصداقية واعلي الناس خلقا وبي عيوني الحايكلهم الدود ديل أنا شفت رؤساء تحرير زي بشير محمد سعيد ، أحمد يوسف هاشم أبو الصحف وعبد الله رجب والتجاني الطيب أمد الله في عمره لا يعرفون الكذب لان رسالتهم رسالة سامية وشريفة .
في حوالي يوم عشرة ابريل 1978 اتصل بي الباقر وأنا في السويد وهو في لندن وطلبت منه أن يستلم مفتاح البيت من الشركة في لندن وان يقابلني وتقابلنا وذهبنا في نفس الليلة للسهر في ملهي الكيو كلب وكان هنالك جامايكي غريب الأطوار يرقص لوحده فقال الباقر العب ده شكلو زي أحمد الميرغني وبليد زيه . وفي يوم السبت الذي يلي ذلك ذهبنا لزيارة الأخ الشريف الهندي رحمة الله عليه الذي كان مريضا في المستشفي وكان معنا الضابط الخواض ويوسف محمد دفع الله شبيكة ابن أخت الشريف وعشرات الناس وكان الباقر يتحدث عن خيانة آل الميرغني لأنه كان يسكن في شقة الشريف الهندي ويشاركه السكن عوض عبد الرازق سكرتير الحزب الشيوعي الأول وآخرين .
وفي نهاية التسعينات كان للباقر مواضيع يهاجم فيها الشيوعيين ويطاعنهم في مقالات بعنوان "أحمد الميرغني المفتري عليه" . في اجتماع بادنجتون في لندن في بداية ربيع 1982 تطرق الباقر في خطابه للشريف الهندي وبكي بدموع حقيقية وأشاد بدور الحزب الشيوعي السوداني. وشكره خالد الكد رحمة الله عليه علي ثناءه فقلت أنا : أن هذه الروح الجميلة تماثل الروح بعد أكتوبر ولكن بعد أكتوبر بأيام غدر بالحزب الشيوعي وحظر من العمل . نظام نميري يلفظ أنفاسه فلنتذكر هذا الكلام فيما بعد ، بعد سقوط نظام نميري. وأذكر أن الدكتور عز الدين علي عامر قال لي : ما هو العمل السياسي كده أنت عايز الناس ديل يدونا صك ؟ فقلت : لا ما عايز صك بس عايزين الناس تتذكر بعدين لان الناس دي لما تصل للحكم اول حاجة تفكر في ضرب الحزب الشيوعي السوداني وقوى اليسار . يا حسين يا أخوي أي نوع من رؤساء التحرير أنت ؟ الصحافة هي ليست السلطة الرابعة كما يقولون بل السلطة الأولي . أين كنت يا حسين عندما شنقوا اركن أنجلو وجرجس ومجدي؟ لماذا لم تتحرك ؟ هذه الجريمة لا يقرها شرع ولا قانون. أين كنت عندما فتحوا بيوت الأشباح وفرضوا أطول نظام حظر تجول في العالم . أين كنت عندما أذلوا الرجال والنساء واجبروا كل مواطن أن يحمل وثيقة زواجه في جيبه؟ . أين كنت عندما كانوا يصطادون الشباب كالأرانب في الأسواق ويشحنونهم للحرب في الجنوب ؟ . أين كنت عندما قال إبراهيم السنوسي أنهم قضوا علي الجريمة في كردفان عندما فتح السجون وأرسل المجرمين للحرب والجهاد في الجنوب ؟ . أين كنت حينما طردوا 70000 من المتعلمين من وظائفهم ؟ .
رؤساء التحرير يا حسين كانوا يحسون بألم الشعب وكانوا مرآته وزول أم در كان بيحس وبيعف وبيقدم.
ونواصل
التحية
شوقي.
|
|
 
|
|
|
|
|
| العنوان |
الكاتب |
Date |
| القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!". | بكري الصايغ | 10-29-07, 03:25 PM |
 Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 10-29-07, 03:40 PM |
 Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | حيدر حسن ميرغني | 10-29-07, 03:50 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | ابراهيم عدلان | 10-29-07, 03:55 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 10-29-07, 04:00 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | تاج السر حسن | 10-29-07, 04:15 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 10-29-07, 04:30 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | Zoal Wahid | 10-30-07, 05:32 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | mohamed elshiekh | 10-30-07, 07:48 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | ALazhary2 | 10-30-07, 07:17 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | Tragie Mustafa | 10-30-07, 11:39 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | adil amin | 12-19-07, 03:31 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | abubakr | 10-30-07, 11:58 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | ابراهيم عدلان | 10-30-07, 03:02 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 10-30-07, 05:35 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | jini | 10-30-07, 07:54 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 11-05-07, 02:38 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | suliman ibrahim | 11-05-07, 04:58 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 12-01-07, 11:38 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | Mohamed Moatasim | 12-12-07, 06:45 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | Basheer abusalif | 12-12-07, 07:32 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 12-12-07, 11:56 AM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 12-18-07, 03:37 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | zumrawi | 12-18-07, 04:26 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 12-18-07, 07:54 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | هشام هباني | 12-18-07, 08:30 PM |
| Re: القاص والـروائـي الكـبيـر شوقي بـدري كـتب مـقالة أدب فيها حـسيـن خـوجلي " أدب الفيلة!& | بكري الصايغ | 12-19-07, 03:01 PM |
|
| |
فيس بوك
تويتر
انستقرام
يوتيوب
بنتيريست