|
|
 تــــوب تـــمـــبــس
|
مدخل
كنت اعرف تمبس من خلال متابعتي لمنبر سودانيز اون لاين ولكني لم التقيه كثيراً
علي ما اذكر في مناسبتين فقط المناسبة الأولي هي حفل تكريم الفنان عثمان حسين
هو وصديقه الخلوق ( معتصم دفع الله ) والمناسبة الثانية في دارنا برابطة ابناء
مدينة الصحافة بالرياض في ليلة ختام أعمال اللجنة الثقافية .
ثم تطورت المعرفة عقب انضمامي لسودانيز اون لاين , حيث كان اول لقاء لي مع
بورداب الرياض في حفل تدشين رائعة الأستاذ/ جلال الدين ابو جهينة ( اماندا والأبنوس)
ثم تعاقبت المناسبات بعد ذلك فكان حفل التعارف الأسري لبورداب الرياض وغيره
من المناسبات وقد إنصهرت بين البورداب وواسرتي الصغيرة.
ثم جاء حفل وداع ابن الصحافة الفنان فيصل عبد اللطيف وكان بورداب الرياض
حضوراً ايضاً , وفي لحظة حضور تمبس سألتني زوجتي يا هاشم انت تمبس
ده متزوج قلت ليها لا ابداً لكن اعتقد انو خاطب .
وفي احدي المرات وبينما انا اتسوق في اسواق العقارية بالعليا لفت نظري احد
معارض الأقمشه وهو يعلن عن عرض ثياب سودانية نسائية بأسعار مخفضة
دلفت إلي الداخل وقد اعجبني احد الثياب المشجرة وعلي الفور قمت بشراءه
وبينما انا اسدد في قيمة التوب لمحت سيدتان سودانيتان يشيرون إلي فلما اقتربا
مني سالتني احداهما ياخي والله عجبنا التوب المعاك ده , ياربي بنلاقي واحد
زي ده !! قلت لهن والله ما بعرف كدي اسالوا صاحب المحل , ولما سالوا
صاحب المحل قال لهن والله ده كان اخر توب لكن في منو اشكال تانية قالوا
ليهو لا والله نحنا عجبنا التوب ده بس , وهنا إنفرجت اساريري وتملكني الغرور
حيث حظيت بإلاشادة في اختياري للتوب قبل وصولي للبيت وعليه اكيد ام احمد
حاتكون سعيدة لسببين السبب الأول هو الهدية ( التوب ) علماً بان التوب حايجر
معاهو الإسكرت والبلوزة والشبشب والإشارب وشنطة اليد ( لزوم تطقيم وكده )
المهم كعادة النساء لبست التوب وطالعت لنفسها في المرآية وكانت الإبتسامة
عريضة كعرض البحر الأحمر , قامت قالت لي انت عارف يا هاشم التوب ده
انا حا البسو في عرس تمبس !! قالتها بثقة كانما تلقينا كرت الدعوة من المدعو
العريس تمبس , لم ارد عليها فوقتها كان كل همي قبولها للتوب المشجر
ثم تعاقبت المناسبات وكل مرة تطلع توب تمبس تطالع فيهو وترجعو تاني للدولاب
اقول ليها مالك رجعتي التوب تاني ما عايزة تلبسي تقول لي بري ده توب عرس
تمبس وقد تكرر هذا الأمر مرات عديدة واخرا كان يوم حفل المعايدة لبورداب
الرياض ولكن هذه المرة كان توب تمبس في السرير وعند رجوعنا للبيت قالت
لي شوف نسيت ارجع توب تمبس للدولاب ثم قامت بتطبق التوب برفق ووضعه
في الدولاب .
اها يا جماعة الخير شوفو لينا حل مع توب تمبس ده وإلا اقوم ارجعو تاني للمعرض !!!!!!!
|
|
 
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
Quote: التوب ده
انا حا البسو في عرس تمبس !! قالتها بثقة كانما تلقينا كرت الدعوة من المدعو
العريس تمبس |
يسمع منها يا هاشم
تمبس انسان جميل ونتمنى له كل السعادة
بزواج تمبس ينهد ركن من أركان العزوبية 
| |
|
|
|
|
|
|
|
|
 Re: تــــوب تـــمـــبــس (Re: انعام عبد الحفيظ)
|
Quote: يسمع منها يا هاشم
تمبس انسان جميل ونتمنى له كل السعادة
بزواج تمبس ينهد ركن من أركان العزوبية |
إنعام كل سنة وانتي طيبة ومشتاقين كتير والله
تخريمة :-
الظاهر التوب ده حايدخل لينا الجكس كلو في البوست .
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
عزيزي هاشم
تحياتي لك و للأسرة
سلم على المدام و قول ليها تحافظ على التوب كويس و تختو في شنطة براهو و تخت معاهو مضادات تمنع عنه كل ما يتلفه أو يغير ألوانه ..
لأن أخونا تمبس راسو يابسة و ما داير يسمع الكلام ..
في رمضان دة عملت ليهو هو و صلاح شتات و معتصم دفع الله أكتر من إجتماع .. و إغراءات و حوافز عشان يدخل قفص الجن دة .. يمشي معاي لغاية خشم باب القفص .. يعاين ليهو و يفرتق .. يقول لي بجيك راجع ..
و يا ريت يا هاشم تختار توبين من نفس النوعية للمدام واحد لعرس معتصم و واحد لعرس صلاح شتات.. و تختهم مع توب تمبس دة
| |
|
|
|
|
|
|
|
|
|
Re: تــــوب تـــمـــبــس (Re: ابو جهينة)
|
Quote: عزيزي هاشم
تحياتي لك و للأسرة
سلم على المدام و قول ليها تحافظ على التوب كويس و تختو في شنطة براهو و تخت معاهو مضادات تمنع عنه كل ما يتلفه أو يغير ألوانه ..
لأن أخونا تمبس راسو يابسة و ما داير يسمع الكلام ..
في رمضان دة عملت ليهو هو و صلاح شتات و معتصم دفع الله أكتر من إجتماع .. و إغراءات و حوافز عشان يدخل قفص الجن دة .. يمشي معاي لغاية خشم باب القفص .. يعاين ليهو و يفرتق .. يقول لي بجيك راجع ..
و يا ريت يا هاشم تختار توبين من نفس النوعية للمدام واحد لعرس معتصم و واحد لعرس صلاح شتات.. و تختهم مع توب تمبس دة |
اول اعتذر عن التاخر في الرد يا ريس لكن مداخلتك دي جاتني متاخرة شديد خلاص
وعلي كل حال إقتراحك ده علي العين والراس وانا من دربي ده بمشي اشتري توبين
واحد للوجيه معتصم دفع الله والتاني للوجيه البكائي صلاح شتات ويلا ابداء معاي
طيب ياخي انا عندي إقتراح ليه ما نعمل عرسهم كلو في يوم واحد ؟؟؟
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
عزيزي هاشم والعريس تمبس ربنا يقرب البعيد أن شاء الله
حقوا أنت ياهاشم تقوم تشتري لتمبس الجلابية والملفحة وشبشب الحنة
لزوم قطع الرحض وكده تكون حليت الأشكالية دي!!
مع تمنياتنا القلبية لتمبس بزواج سعيد بمناسبة توب تمبس؛؛
والباقي علي بورداب الرياض لوماعندهم العروسة يجنا هنا في جده
ونزفها له بالعديل والزين كمان.
،،،،أبوقصي،،،،
| |
|
|
|
|
|
|
|
|
|
Re: تــــوب تـــمـــبــس (Re: مجدي عبدالرحيم فضل)
|
Quote: عزيزي هاشم والعريس تمبس ربنا يقرب البعيد أن شاء الله
حقوا أنت ياهاشم تقوم تشتري لتمبس الجلابية والملفحة وشبشب الحنة
لزوم قطع الرحض وكده تكون حليت الأشكالية دي!!
مع تمنياتنا القلبية لتمبس بزواج سعيد بمناسبة توب تمبس؛؛
والباقي علي بورداب الرياض لوماعندهم العروسة يجنا هنا في جده
ونزفها له بالعديل والزين كمان.
،،،،أبوقصي،،،، |
ابو قصي والله انا ماعندي مانع اشتري الجلابية والملفحة والشبشب والعكاز
ظاتوو لزوم العرضة بس تمبس ده ما يقوم يعلقنا كده والتوب ده موضتو
قربت تنتهي ؟؟؟؟؟
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
هاشم
لك التحية
تمبس دا رجل عجيب والله - يارب تسهل لي تمبس اخوي دا الزواج - آمين
أنا متمني أقابلو والله تمبس دا ياخي
يا تمبس اخوك في الخبر وماشي النعيرية ما تجي غاشيني يوم كدا
ولا اديني تلفونك اكلمك لو انا جيت الرياض
أبوفتحية
| |
|
|
|
|
|
|
|
|
|
Re: تــــوب تـــمـــبــس (Re: الصادق صديق سلمان)
|
Quote: هاشم
لك التحية
تمبس دا رجل عجيب والله - يارب تسهل لي تمبس اخوي دا الزواج - آمين
أنا متمني أقابلو والله تمبس دا ياخي
يا تمبس اخوك في الخبر وماشي النعيرية ما تجي غاشيني يوم كدا
ولا اديني تلفونك اكلمك لو انا جيت الرياض
أبوفتحية |
ابو فتحية والله العظيم تمبس ده عسل عديل كده ومعرفتو كنز عشان كده
عايزين نشوفو عريس ونعمل عرس ما حصل قبال كده وإنشاء الله ربنا يجمعك
بيهو قريب .
| |
|
|
|
|
|
|
|
|
 Re: تــــوب تـــمـــبــس (Re: ادريس خليفة علم الهدي)
|
غايتو الله يستر .. البوست دا الليلة يا عرس لي .. يا غتس لي حجري ..
ومبدئيا كدا أنا ما راح اقول حاجة إلا يجي صــلاح شتات ومعتصم دفع الله .. هنا دا
معتصم دفع الله اخذت تسيطر عليه افكــار هدامه اليومين دي وشايفو بدا يتمحرك .. ويتململ والله امس القريبة دي بالليل خالص وانا مفتح عين ومغمض عين وراسي بدا يتقل واتملى نعاس .. قام معتصم جاب سيرة البحــر زول كان ما متحسس يجيب ليك سيرة عرس الساعة واحده صباحا وإنتي تصارع النعاس ..
..
الحاجة المهمة:
إنو كلما الواحد يفكر جادي ينهي الموضوع دا .. يطلع ليك صلاح شتات زي الشيطان .. ايوه اقوله بصراحة يطلع صلاح شتات بلاي يصوط ليك الراس بكل الاتجاهات .. لحدي ما يزين ليك إنو الدنيا دي كلها ممكن تنتهي في رمشة عين ..
وأنا يا سادتي العبد الفقير .. ما بين مطرقة بحــر معتصم .. وسندانة شيطان شتات جايطه في النص .. يصحيني معتصم انصاص الليالي .. ويبوظ اعصابي شتات كلما لقى فيني فرصة..
..
اللذيذة شنــو؟:
واحد صاحبي شديد قال لي إنت بقيت عامل زي الزين .. بتاع عرس الزين .. كلما تحب ليك واحده ( كــف ) يخطفوها منك .. قال لي أنا عندي نية أعرس واهل حبيبتي معنقدين حقــو أجي ( اقرش ) حبيبتي عندك تحبها لي شهرين كدا عشان اموري تسلك  ..
يا هاشم..
والله الفيك اتعرفت .. بسرعة كدا زهجت مني ..؟
أم أحمد وصلت معاها لي اتفاق آخــر يوم اتلاقينــا فيهو في لقاء العيد .. وصبرتها شوية .. لأجل قريب، وشايفه بدت تقتنع لانو عدلنا شوية في الخطة ..
وبالمناسبة التوب دا يا هاشم استاندارد موضة .. وطويل الأجل .. وأم أحمد ماشاء الله زولة انيقة جدا ولها رؤيتها الفنية فيما يتعلق بعلوم الموضه .. فاكيد ما ح تتمقلب بي مسالة الزمن دي ..
والله بي صراحة البوست دا مخيف والورطة فيهو ظاهرة ..
يللا يا صلاح شتــا ومعتصم يدكم معانــا .. أخوكم ( اتورط ) وبالطريقة دي ببيع القضية .. اصلو ذمتو تعبانه ..
| |
|
|
|
|
|
|
|
|
|
Re: تــــوب تـــمـــبــس (Re: tmbis)
|
تمبس كيف حالك وإزيك , ياخوي شايفك فقدت المنطق وبقيت تفتش لمعتصم وشتات !! يا خوي انتا قائل
المسالة وقفت علي الإتنين ديل براهم لسع الطابور طويل واخونا الشاعر عبدالله داش عامل فيها
ماشايف البوست ده لكن علي منو والله جايكم واحد واحد وكمان حااستعين بصديق عارفين الصديق ده منو ؟؟
خالد المحرب والسوط في يديو اليمين والباقي جاي في الطريق.
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
Quote:
لسع الطابور طويل واخونا الشاعر عبدالله داش عامل فيها
ماشايف البوست ده لكن علي منو والله جايكم واحد واحد
وكمان حااستعين بصديق عارفين الصديق ده منو ؟؟
خالد المحرب والسوط في يديو اليمين والباقي جاي في الطريق.
|
حســيت بى ورطــه ياتمبس مش ..؟
صاحبك دا أصـــلو نا وى لينا على خير
أها ...
يا هاشم خير إنشــاء الله
الحمى دى شنو ياربى الجابا لى شنو ..!
اها ...
هُــو قام هبش البحــر
كرف المسافه
نسيم وهبابى
والله غايتو جنس كتاحه ........
ههههههههههههههاى
هاشم العزيز
شنو الورطنى فيك ..؟
| |
|
|
|
|
|
|
|
|
|
Re: تــــوب تـــمـــبــس (Re: عبدالله داش)
|
Quote: حســيت بى ورطــه ياتمبس مش ..؟
صاحبك دا أصـــلو نا وى لينا على خير
أها ...
يا هاشم خير إنشــاء الله
الحمى دى شنو ياربى الجابا لى شنو ..!
اها ...
هُــو قام هبش البحــر
كرف المسافه
نسيم وهبابى
والله غايتو جنس كتاحه ........
ههههههههههههههاى
هاشم العزيز
شنو الورطنى فيك ..؟ |
داش مالك جيت داخل بالراحة كدي وبدون صوت !! والله لو كتبت
المعلقات السبعة ظاتها ما بتحلك ابقي داخل للصالون المآذون قاعد اتصل
بشهودك عشان يجوا ماعندنا وقت .
آل ورطني آل عالم مطاليق شئ شِعر وشئ ويست وشئ حريق وشئ مجنونة !!
خلاس كفاية كرهتونا العزوبية ظاتا
| |
|
|
|
|
|
|
|
|
|
Re: تــــوب تـــمـــبــس (Re: هضيبي علي سعيد)
|
Quote: تحياتي أخ هاشم
أخ علا الدين اقدم نحو حياة جديدة
أنه عالم ستندم بعده على أي ثانية تأخرت فيها عنه
نسأل الله أن يوفقك |
الأخ العزيز هضيبي تشكر علي النصيحة الممتازة وربنا يوفق تمبس
ومرتي تقدر تلبس توب تمبس .
| |
|
|
|
|
|
|
|
|
 Re: تــــوب تـــمـــبــس (Re: ابو جهينة)
|
| Quote: يقول لي بجيك راجع .. |
أبو جهينة
غلبوك ولا شنو ؟
Quote: و يا ريت يا هاشم تختار توبين من نفس النوعية للمدام واحد لعرس معتصم و واحد لعرس صلاح شتات.. و تختهم مع توب تمبس دة
|
انا ما مع الإقتراح دا لأنو إمكن تمبس دا
هسه خت الرحمن في قلبو بعد ما إسمو
بقى على التوب وقرر يعرس !!!
اها يقعد ينتظر ليكم معتصم وصلاح ديل لمتين؟
هسه تلقى معظم الرياض اشترت توب تمبس دا
تخريمة:
النبي يا هاشم كان ما اشتريت لي من توب تمبس دا
وتجيبوا لي معاك في إجازتك الجاية
| |
|
|
|
|
|
|
|
|
|
Re: تــــوب تـــمـــبــس (Re: انعام عبد الحفيظ)
|
Quote: أبو جهينة
غلبوك ولا شنو ؟
Quote: و يا ريت يا هاشم تختار توبين من نفس النوعية للمدام واحد لعرس معتصم و واحد لعرس صلاح شتات.. و تختهم مع توب تمبس دة
انا ما مع الإقتراح دا لأنو إمكن تمبس دا
هسه خت الرحمن في قلبو بعد ما إسمو
بقى على التوب وقرر يعرس !!!
اها يقعد ينتظر ليكم معتصم وصلاح ديل لمتين؟
هسه تلقى معظم الرياض اشترت توب تمبس دا
تخريمة:
النبي يا هاشم كان ما اشتريت لي من توب تمبس دا
وتجيبوا لي معاك في إجازتك الجاية |
إنعام حبابك الف وابشري بالخير ولو المدام سمحت لي اجي الإجازة الجاية براي
توب تمبس اكيد حا يصلك واكان ما سمحت لي عاد شوفي تمبس لانو بقي ماركة مسجلة!!
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
والله لكن تمبس الليلة ورطتك كبيرة
الجماعة كلهم إتلملموا ليك
لكن انت صلاح شتات دا عامل فيها رايح من البوست دا مالو؟
Quote: إنعام حبابك الف وابشري بالخير ولو المدام سمحت لي اجي الإجازة الجاية براي
توب تمبس اكيد حا يصلك واكان ما سمحت لي عاد شوفي تمبس لانو بقي ماركة مسجلة!!
|
يا هاشم انت ما تخلي الإجازة الجاية تجينا المدام براها
عشان تكونوا متعادلين وبعدين عايزين نحتفي بيها
والتوب هي تجيبوا لي معاها
| |
|
|
|
|
|
|
|
|
|
Re: تــــوب تـــمـــبــس (Re: انعام عبد الحفيظ)
|
QuoteQuote: : إنعام حبابك الف وابشري بالخير ولو المدام سمحت لي اجي الإجازة الجاية براي
توب تمبس اكيد حا يصلك واكان ما سمحت لي عاد شوفي تمبس لانو بقي ماركة مسجلة!!
يا هاشم انت ما تخلي الإجازة الجاية تجينا المدام براها
عشان تكونوا متعادلين وبعدين عايزين نحتفي بيها
والتوب هي تجيبوا لي معاها |
إنعام مداخلتك دي عملتيها متين والله ماشوفتها إلا هسع
وبعدين ليه ماتقولي نجي نحن الإثنين مع بعض عشان اعرفكم عليها وبدل
توب تمبس تكون معاهو حاجات تانية ولا شنو ؟؟؟
| |
|
|
|
|
|
|
|
|
|
Re: تــــوب تـــمـــبــس (Re: ابو جهينة)
|
Quote: هاشم
إقتراحي ال فوق دة ما نفع معاك ولا شنو ؟ |
كيف ما نفع معاي يا ريس بس خلينا نكبر الحفرة دي شوية ونلملم باقي العزابة
وشكلهم كده خلاص قربو يتمو
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
هاشم
مساء الخير
Quote: , قامت قالت لي انت عارف يا هاشم التوب ده
انا حا البسو في عرس تمبس !! |
عارف لما وصلت الحته دي قلته : سجم خشمك ياتمبسكو الجماعة ورطوك .... !
اتعهد وانا بكامل قواي العقلية اني متبرع ليهو بتوبين علي كيفه وحسب اختياره واني احضر الزواج في اي مكان ومهما كانت الظروف بس هو يبقي .......!
التحايا لك وللاسرة الكريمة
هارون دياب
| |
|
|
|
|
|
|
|
|
|
Re: تــــوب تـــمـــبــس (Re: humida)
|
والله يا ( هاشم ) .. وبعد ( قراءة ) متمحصة للموضوع دا ..
اتضح لي بما لا يدع مجال ( للشك ) انه ( التوب ) سالف الذكر .. ( شين جدا ) ..
و المدام ما دايرة تحرجك والله .. ولقت انه دي احسن طريقة ( للمخارجة ) من الورطة بتاعت ( التوب ) دي ..
خصوصا انك ( معجب ) بيهو شديد ..
..
..
التوب ما ( تمبس ) ..!
| |
|
|
|
|
|
|
|
|
|
Re: تــــوب تـــمـــبــس (Re: humida)
|
محمد حميدة احيييييييييييييييييييييييييييييييي انا منك قلت لي وبعد ( قراءة ) متمحصة للموضوع دا ..
طيب شوف المكتوب تحت ده كان شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Quote: وفي احدي المرات وبينما انا اتسوق في اسواق العقارية بالعليا لفت نظري احد
معارض الأقمشه وهو يعلن عن عرض ثياب سودانية نسائية بأسعار مخفضة
دلفت إلي الداخل وقد اعجبني احد الثياب المشجرة وعلي الفور قمت بشراءه
وبينما انا اسدد في قيمة التوب لمحت سيدتان سودانيتان يشيرون إلي فلما اقتربا
مني سالتني احداهما ياخي والله عجبنا التوب المعاك ده , ياربي بنلاقي واحد
زي ده !! قلت لهن والله ما بعرف كدي اسالوا صاحب المحل , ولما سالوا
صاحب المحل قال لهن والله ده كان اخر توب لكن في منو اشكال تانية قالوا
ليهو لا والله نحنا عجبنا التوب ده بس , وهنا إنفرجت اساريري وتملكني الغرور
حيث حظيت بإلاشادة في اختياري للتوب قبل وصولي للبيت وعليه اكيد ام احمد
حاتكون سعيدة |
في مداخلتك الأولي قلتا حنطو !! التوب ما تمبس وفي المداخلة التانية قلتا
اتضح لي بما لا يدع مجال ( للشك ) انه ( التوب ) سالف الذكر .. ( شين جدا ) ..
Quote: و المدام ما دايرة تحرجك والله .. ولقت انه دي احسن طريقة ( للمخارجة ) من الورطة بتاعت ( التوب ) دي ..
خصوصا انك ( معجب ) بيهو شديد ..
..
..
التوب ما ( تمبس ) ..! |
يا خوي ارسي ليك علي بر يا تقول تمبس عديل كده ولا تقول التوب عديل كده .
| |
|
|
|
|
|
|
|
|
|
Re: تــــوب تـــمـــبــس (Re: haroon diyab)
|
Quote: هاشم
مساء الخير
Quote: , قامت قالت لي انت عارف يا هاشم التوب ده
انا حا البسو في عرس تمبس !!
عارف لما وصلت الحته دي قلته : سجم خشمك ياتمبسكو الجماعة ورطوك .... !
اتعهد وانا بكامل قواي العقلية اني متبرع ليهو بتوبين علي كيفه وحسب اختياره واني احضر الزواج في اي مكان ومهما كانت الظروف بس هو يبقي .......!
التحايا لك وللاسرة الكريمة
هارون دياب |
ايو كده نحنا عايزين ناس زيك كده يا هارون وتمبس لازم نعرس ليهو بإي طريقة عشان اخوانه الباقين
يلحقوا بيهو لاني شايف بصراحة كده المسألة طالت !! ياربي يكونوا ناسين حاجة إسمها عرس ؟؟؟؟
| |
|
|
|
|
|
|
|
|
|
Re: تــــوب تـــمـــبــس (Re: الق هاشم)
|
ابو الشوش
سلامات ..الله يستر على التوب من التحنيط..لمن موضتو تفوت والحق ناس كرسي جابر ودموع بثينة
وتمبسكو الله يعرس ليه ولي كل العزابة المعزبين.
| |
|
|
|
|
|
|
|
|
|
Re: تــــوب تـــمـــبــس (Re: mohmed khalail)
|
Quote: ابو الشوش
سلامات ..الله يستر على التوب من التحنيط..لمن موضتو تفوت والحق ناس كرسي جابر ودموع بثينة
وتمبسكو الله يعرس ليه ولي كل العزابة المعزبين. |
يا خلو خليك معانا بس والبوست ده انا ماعايزو اصلو ينزل تحت ونشوف يا انا يا العزابة ديل !!!!
| |
|
|
|
|
|
|
|
|
 Re: تــــوب تـــمـــبــس (Re: هاشم أحمد خلف الله)
|
يا هاشم انت مالك بتفتح في دروب صعب الدخول إليها ..
هسي انا مطمن ومتيقن انو الأمور ماشه هادئه ..
في داعي تجيب سيرة التوب بتدور تجيبلنا الهواء
غايتو انا ما عارف لكن ح ادق ليكم جرس هنا لمن تعرفو حاجة ..
صاحبي دا يشيل ويرميها فيني ..
أمانة في ذمتك دي انا صحيتك وتورت عليك المواجع
شكلك كنت حلمان ويديك محننات والدلوكة في السماء ..
شتات كان عرف بالموضوع دا ح يعمل انقلاب شديد الفوضى ..
اصلكم انتو عاملين زي فولترون ..
مالكم عايزين تخربو التشكيله ..
بجيكم راجع ..
اصلو اليومين ديل مشغول على الآخر ..
| |
|
|
|
|
|
|
|
|
|
Re: تــــوب تـــمـــبــس (Re: معتصم دفع الله)
|
يا هاشم إزيك
وحمدا لله على السلامة ( بتاعة السفرة الزمان ديك)..
معليش أصلو أخوك (دوامو) خارب إجتماعياتو .. بس نقول شنو !!
وبقيت أجي أقرأ العناوين بس عشان ما أكون (برة) الصورة ...
خاصةً بوست زي ده ...
ياخي ده شمارو حار وعزمتوا ليهو ناس الحلة عديل كدة ...
ونصيحتي ليك التوب ده خليهو قريب
| |
|
|
|
|
|
|
|
|
|
Re: تــــوب تـــمـــبــس (Re: عمران حسن صالح)
|
Quote: علماً بان التوب حايجر
معاهو الإسكرت والبلوزة والشبشب والإشارب وشنطة اليد ( لزوم تطقيم وكده )
|
يا هاشم الفلم الهندي الفوق ده
شفتو كتير خلاص .....وأصلو ما حبيتو
تجننوا يالنسوان
| |
|
|
|
|
|
|
|
|
|
Re: تــــوب تـــمـــبــس (Re: عمران حسن صالح)
|
Quote: Quote: علماً بان التوب حايجر
معاهو الإسكرت والبلوزة والشبشب والإشارب وشنطة اليد ( لزوم تطقيم وكده )
يا هاشم الفلم الهندي الفوق ده
شفتو كتير خلاص .....وأصلو ما حبيتو
تجننوا يالنسوان |
عمران اخوي الظاهر الحال من بعضو ياخوي البيئه واحدة .
| |
|
|
|
|
|
|
|
|
|
Re: تــــوب تـــمـــبــس (Re: عمران حسن صالح)
|
Quote: هاشم إزيك
وحمدا لله على السلامة ( بتاعة السفرة الزمان ديك)..
معليش أصلو أخوك (دوامو) خارب إجتماعياتو .. بس نقول شنو !!
وبقيت أجي أقرأ العناوين بس عشان ما أكون (برة) الصورة ...
خاصةً بوست زي ده ...
ياخي ده شمارو حار وعزمتوا ليهو ناس الحلة عديل كدة ...
ونصيحتي ليك التوب ده خليهو قريب |
عمران اولاً كل سنة وانت طيب وربنا يريحك من الدوام الكعب دا
وتوب تمبس دا خلاس شكلو كده قرب يتلبس بس ساعدونا انتو .
| |
|
|
|
|
|
|
|
|
|
Re: تــــوب تـــمـــبــس (Re: معتصم دفع الله)
|
Quote: يا هاشم انت مالك بتفتح في دروب صعب الدخول إليها ..
هسي انا مطمن ومتيقن انو الأمور ماشه هادئه ..
في داعي تجيب سيرة التوب بتدور تجيبلنا الهواء
غايتو انا ما عارف لكن ح ادق ليكم جرس هنا لمن تعرفو حاجة ..
صاحبي دا يشيل ويرميها فيني ..
أمانة في ذمتك دي انا صحيتك وتورت عليك المواجع
شكلك كنت حلمان ويديك محننات والدلوكة في السماء ..
شتات كان عرف بالموضوع دا ح يعمل انقلاب شديد الفوضى ..
اصلكم انتو عاملين زي فولترون ..
مالكم عايزين تخربو التشكيله ..
بجيكم راجع ..
اصلو اليومين ديل مشغول على الآخر .. |
شوف هنا يا حبيب مشغول ولا ما مشغول والله هسع دي جينا من السوق وإشترينا توبك
مع العلم القصة دي بقت مكلفة شديد خالص لكن برضو يهون في سبيل إدخالكم للقفص
الذهبي والدور جاي علي صلاح شتات وقول ليهو اركز لحدي ما نشتري توبك كمان .
تخريمة :-
معتصم ما تفتكر خلاس كلامي انتهي معاك ولا مع تمبس لسه جايكم برواقة كده بس
اخد لي شوية راحة كده واشوف المستشارين نظامهم كيف ؟؟؟
| |
|
|
|
|
|
|
|
|
|
Re: تــــوب تـــمـــبــس (Re: Ahmed Abdallah)
|
| Quote: قول للمدام الجاتكـ في توبكـ سامحتكـ |
شنو يااحمد ياخي ما قلنا الموضوع دا خلاس انتهينا منو هسع دي باقي لينا إتنين فتح عيونك
معانا والجاتني في البوست حقي فرحتني .
| |
|
|
|
|
|
|
|
|
|
Re: تــــوب تـــمـــبــس (Re: 3mk-Tango)
|
إنعام
أولا بالتبادي جيتي من مصُر متين ؟
تانياً:
التلاتة ديل يغلبوا شياطين عتامير نجد و اليمن .. كيفن مابغلبوني ؟
صراحة فترت معاهم.. و حسع في واسطة كبيرة حتتدخل و أظن الحكاية حتنجح .. حأقولها ليك بعد تبدا
| |
|
|
|
|
|
|
|
|
|
Re: تــــوب تـــمـــبــس (Re: ود الباوقة)
|
| Quote: قول للمدام الجاتكـ في توبكـ سامحتكـ |
اريتكم يا هاشم كان سميتوه توب ( الكاردينال ) هس كان لبستو ..
ان شاء الله ربنا يسويلكم الفيها خير يا هاشم ....
ود الباوقة
| |
|
|
|
|
|
|
|
|
|
Re: تــــوب تـــمـــبــس (Re: ود الباوقة)
|
يا جماعة الخير طالما المسالة ماشة بالطريق الحلوة دي بهديكم السيرة دي لزوم الفرح
والزواج القادم إنشاء الله لجميع العزابة شباب وشابات ابو جهينة وود الباوقة ما معانا (عجائز)
| |
|
|
|
|
|
|
|
|
|
Re: تــــوب تـــمـــبــس (Re: Muna Khugali)
|
Quote: يعني هودي لسه ما جابت طقم الدهب للتوب يا هاشم؟
خلاص لما عرس تمبس يجي أعزموني...ممكن؟ |
يا مني هسع عليك الله الجاب موضوع الدهب ده شنو 
مش كفاية التياب والإسكرتات والبلوزات والشباشب القاعدة تلم فوفهم
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
Quote: يا مني هسع عليك الله الجاب موضوع الدهب ده شنو
مش كفاية التياب والإسكرتات والبلوزات والشباشب القاعدة تلم فوفهم |
عاد أماني ما تلومت!
كيفن يعني الجاب موضوع الدهب شنو؟
الله يسألك شفتلك زوله في بيت عرس مطقمه بالتوب مع الشنطه والشبشب والاسكيرت والبلوزه
ومالابسهطقم دهب ماتشينج معاهم؟
براك بس ما عايز تشوف زي ده
| |
|
|
|
|
|
|
|
|
|
Re: تــــوب تـــمـــبــس (Re: Muna Khugali)
|
Quote: Quote: يا مني هسع عليك الله الجاب موضوع الدهب ده شنو
مش كفاية التياب والإسكرتات والبلوزات والشباشب القاعدة تلم فوفهم
عاد أماني ما تلومت!
كيفن يعني الجاب موضوع الدهب شنو؟
الله يسألك شفتلك زوله في بيت عرس مطقمه بالتوب مع الشنطه والشبشب والاسكيرت والبلوزه
ومالابسهطقم دهب ماتشينج معاهم؟
براك بس ما عايز تشوف زي ده |
شنو يا مني اختي لزوم تحريش وكده ولا كيف؟؟ طيب شوفي تاني البيطلع معاكم
رحلات الفيك إتعرفت يامني شكراً ما قصرتي هسع نحنا في موضوع تمبس ده عايزين نخلص
موضوعو في الأول ولا رايك شنو ؟؟
| |
|
|
|
|
|
|
|
|
|
Re: تــــوب تـــمـــبــس (Re: ود الباوقة)
|
Quote: Quote: قول للمدام الجاتكـ في توبكـ سامحتكـ
اريتكم يا هاشم كان سميتوه توب ( الكاردينال ) هس كان لبستو ..
ان شاء الله ربنا يسويلكم الفيها خير يا هاشم ....
ود الباوقة |
ود الباوقة تتعدد الأسباب والزواج واحد
| |
|
|
|
|
|
|
|
|
|
Re: تــــوب تـــمـــبــس (Re: ود الباوقة)
|
Quote: الاخ هاشم ...
اقترح تسمية التوب .. تمبس .. شتات .. معتصم .. وبالعكس ...
غايتو كان راجي تمبس لا بد من شراء تابوت لوضع التوب فيه ...
ود الباوقة |
ود الباوقة الحبيب ياخي ما تكون متشائم والله تمبس دا شكلو
جاهز بس عايز ليهو دفرة اسالني انا !!!
| |
|
|
|
|
|
|
|
|
|
Re: تــــوب تـــمـــبــس (Re: ابو جهينة)
|
العزيز ابو جهينة
Quote: أولا بالتبادي جيتي من مصُر متين ؟
|
رجعت الخرطوم قبل العيد بيومين
وكل سنة وانت طيب
Quote: التلاتة ديل يغلبوا شياطين عتامير نجد و اليمن .. كيفن مابغلبوني ؟
صراحة فترت معاهم.. |
ياخي يغلبوا الشياطين شنو ديل الشياطين زااااااتهم | Quote: و حسع في واسطة كبيرة حتتدخل و أظن الحكاية حتنجح .. حأقولها ليك بعد تبدا |
وانا في إنتظار مجهودات الوساطة
انت عارف انا إتخيل لي أزمة الشريكين في الحكم ممكن يحلوها
بس أزمة العصابة دي ما أظن ليها حل
| |
|
|
|
|
|
|
|
|
|
Re: تــــوب تـــمـــبــس (Re: Alsa7afa_30)
|
يا تمبس اخوى قالو البتبلبل بعوم
وفى رواية اخرى المحرش ما بكاتل
انت يات واحد من ديل؟
غايتو (انبليت ) بقيت للنص فاحسن حاجة تكمل (نص دينك )
وجاهزين بدون دعوة بنجى
نغنى ليك لمن تاااااااااامن
ونرقص ليك جنس رقيص دايرو ونعزمك شهر عسل عندنا
التذاكر عليك
والسكن علينا والتاشيرة ما مشكلة
بنخارجك وامكن نخليك تكسر ركبة عندنا
اها تانى شنو ليك؟
وفيها نهربك لكتوص فى كندا
دى اغراءات كتيرة غايتو جاهزين يا ابو الشباب
بس انت وافق
وقول خير واحسن ليك تكون مقاتل بدل محرش
مش فكرة سمحة؟
وياهاشم اوعه تخليهو ينط
قلت كيف ؟
| |
|
|
|
|
|
|
|
|
|
Re: تــــوب تـــمـــبــس (Re: سلمى الشيخ سلامة)
|
Quote: إنو كلما الواحد يفكر جادي ينهي الموضوع دا .. يطلع ليك صلاح شتات زي الشيطان ..
ايوه اقوله بصراحة يطلع صلاح شتات بلاي يصوط ليك الراس بكل الاتجاهات ..
لحدي ما يزين ليك إنو الدنيا دي كلها ممكن تنتهي في رمشة عين .. |
ألحق يا شتات
تمبس رمى اللوم عليك..
قلت لي شيطان يا تمبس؟ أعوذ بالله
علييييك الله يا تمبس كان ما عرست
عاوزين نشوف توب أم أحمد ده
والله يا هاشم، المدام ما مستبده
حسة كان لبست التوب ده وإشترت واحد تاني
لعرس تمبس.. يعني، لزوم الموضة
بوست لذيذ والله
| |
|
|
|
|
|
|
|
|
|
Re: تــــوب تـــمـــبــس (Re: غادة عبدالعزيز خالد)
|
تمبس ياخوي في رد تاني منتظرك هنا شوفو
Quote: ألحق يا شتات
تمبس رمى اللوم عليك..
قلت لي شيطان يا تمبس؟ أعوذ بالله
علييييك الله يا تمبس كان ما عرست
عاوزين نشوف توب أم أحمد ده |
وانا حاارد علي المكتوب تحت ده
Quote: والله يا هاشم، المدام ما مستبده
حسة كان لبست التوب ده وإشترت واحد تاني
لعرس تمبس.. يعني، لزوم الموضة
بوست لذيذ والله |
غادة كل سنة وانتي طيبة والمدام ما مستبدة انا عارف
بس البوست القديم بتاع ( تسلط الزووووجات إلي متي ؟؟؟؟؟) هو العمل
الضجة دي كلها , لكن تصدقي امبارح بالليل مشينا السوق وإشترينا توب
معتصم دفع الله , عقبال لتوب شتات والظاهر قروشي حا تكمل بالشكل ده
| |
|
|
|
|
|
|
|
|
|
Re: تــــوب تـــمـــبــس (Re: سلمى الشيخ سلامة)
|
Quote: يا تمبس اخوى قالو البتبلبل بعوم
وفى رواية اخرى المحرش ما بكاتل
انت يات واحد من ديل؟
غايتو (انبليت ) بقيت للنص فاحسن حاجة تكمل (نص دينك )
وجاهزين بدون دعوة بنجى
نغنى ليك لمن تاااااااااامن
ونرقص ليك جنس رقيص دايرو ونعزمك شهر عسل عندنا
التذاكر عليك
والسكن علينا والتاشيرة ما مشكلة
بنخارجك وامكن نخليك تكسر ركبة عندنا
اها تانى شنو ليك؟
وفيها نهربك لكتوص فى كندا
دى اغراءات كتيرة غايتو جاهزين يا ابو الشباب
بس انت وافق
وقول خير واحسن ليك تكون مقاتل بدل محرش
مش فكرة سمحة؟
وياهاشم اوعه تخليهو ينط
قلت كيف ؟ |
اختي الحبيبة سلمي شوفي
Quote: يا تمبس اخوى قالو البتبلبل بعوم
وفى رواية اخرى المحرش ما بكاتل
انت يات واحد من ديل؟
غايتو (انبليت ) بقيت للنص فاحسن حاجة تكمل (نص دينك )
وجاهزين بدون دعوة بنجى
نغنى ليك لمن تاااااااااامن
ونرقص ليك جنس رقيص دايرو ونعزمك شهر عسل عندنا
التذاكر عليك
والسكن علينا والتاشيرة ما مشكلة
بنخارجك وامكن نخليك تكسر ركبة عندنا
اها تانى شنو ليك؟
وفيها نهربك لكتوص فى كندا
دى اغراءات كتيرة غايتو جاهزين يا ابو الشباب
بس انت وافق |
يـا تـمـبـس رد عـلـي سـلـمـي دي
Quote: وياهاشم اوعه تخليهو ينط
قلت كيف ؟ |
طلباتك أوامر يا سلمي ما شايفاني حارس
البوست ده كيف ؟؟؟؟
| |
|
|
|
|
|
|
|
|
|
Re: تــــوب تـــمـــبــس (Re: Alsa7afa_30)
|
Quote: شايف الحكاية جابت ليها العديل و الزين ...
عقـــدتوا ؟؟ |
حسام الدين قول لي بس نعقد كيف وانتا مافي , بعدين ما تتزاوغ
نحنا في إنتظارك بس بنجمع في العزابة وإنشاء الله العقد والمآذون يكون واحد.
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
| Quote: انا حا البسو في عرس تمبس !!!!!!! |
تمبس ؟
من ورانا ؟
وبتي الخطبتها قدام الناس كلهم
عايز تجيب ليها نفسيات؟
ما كفاية السواها فينا المانع
لعل المانع خير
هاشم
التوب عندك والحكومة عسكرية
انا منتظر بلوزة تمبس
| |
|
|
|
|
|
|
|
|
|
Re: تــــوب تـــمـــبــس (Re: د.محمد حسن)
|
Quote: تمبس ؟
من ورانا ؟
وبتي الخطبتها قدام الناس كلهم
عايز تجيب ليها نفسيات؟
ما كفاية السواها فينا المانع
لعل المانع خير
هاشم
التوب عندك والحكومة عسكرية
انا منتظر بلوزة تمبس |
والله يا دكتور تحير يعني اللخو كان عايز واحدة من التومات
ولا شنو ؟ عشان نفهم وبعدين ياخوي بلوزة تمبس بتاع شنو نحنا خلاس عملنا
الحنة والذي منو, بس انا عايز تمبس يجي يكمل الشوط التاني لاني بصراحة
خلاس فترت .
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
تمبس عريس ؟؟؟
تعرف في أربعة في البورد عندهم كان مشكلة مع الشغلانة دي
دكين
أساسي
أنور كينق
وتمبس
..
..
..
أساسي وأنور كنق أتخارجوا
فضل الغول والعنقاء
أما عن التوب ؟؟ فلا يمكن الحكم على غايب
وانا زاتي بميل لوجهة نظر حميدة
التوب ده أكيد شين
وموضوع عرس تمبس ده فرمانة مخارجة ساااااي
أبنوسي
| |
|
|
|
|
|
|
|
|
 Re: تــــوب تـــمـــبــس (Re: tmbis)
|
أخوي هاشم والعريس تمبس شايف الحفرة كبرت شديد
ممكن تعملوا عرس جماعي لبورداب الرياض وأنا من ناحيتي
ناوي أدبل وأبقي نص بور رياض + نص حلو في جده والدير يعمله
يرفع يــــدوا ؟؟
| |
|
|
|
|
|
|
|
|
|
Re: تــــوب تـــمـــبــس (Re: مجدي عبدالرحيم فضل)
|
Quote: أخوي هاشم والعريس تمبس شايف الحفرة كبرت شديد
ممكن تعملوا عرس جماعي لبورداب الرياض وأنا من ناحيتي
ناوي أدبل وأبقي نص بور رياض + نص حلو في جده والدير يعمله
يرفع يــــدوا ؟؟ |
ابو قصي قلت لي عايز تدبل !! عافي منك والله
ممكن تديني تلفون بيتك عشان اتصل عليك .
| |
|
|
|
|
|
|
|
|
|
Re: تــــوب تـــمـــبــس (Re: tabaldy)
|
Quote: تمبس عريس ؟؟؟
تعرف في أربعة في البورد عندهم كان مشكلة مع الشغلانة دي
دكين
أساسي
أنور كينق
وتمبس
..
..
..
أساسي وأنور كنق أتخارجوا
فضل الغول والعنقاء
أما عن التوب ؟؟ فلا يمكن الحكم على غايب
وانا زاتي بميل لوجهة نظر حميدة
التوب ده أكيد شين
وموضوع عرس تمبس ده فرمانة مخارجة ساااااي
أبنوسي
|
وابشرك يا آبنوسي البقية الباقية دي برضو الدور جايهم
لكن موضوع التوب ده مزعلني شديد ياخي ارجع تاني لردي علي حميدة وشوف
انا قلت ليهو شنو بخصوص التوب ده , وبعدين ياجماعة ساعدونا وما تحبطو
نفسيات تمبس .
| |
|
|
|
|
|
|
|
|
|
Re: تــــوب تـــمـــبــس (Re: هاشم أحمد خلف الله)
|
Quote: معتصم ما تفتكر خلاس كلامي انتهي معاك ولا مع تمبس لسه جايكم برواقة كده بس
اخد لي شوية راحة كده واشوف المستشارين نظامهم كيف ؟؟؟ |
يا جماعة غوانتنامو دي بي وين
والله يا هاشم أخوي إلا تفتح ليك محل ملبوسات
| |
|
|
|
|
|
|
|
|
|
Re: تــــوب تـــمـــبــس (Re: معتصم الطاهر)
|
تحية للجميع
وخاصة لصاحب البوست
تمنياتي للعزيز تمبس بدخول القفص ( الذهبي )
بس أنا شابف في ناس بدأ يشككو في التوب أنو ( شين )
لكن أنا لو مكان تمبس أقوم أحقق للناس دي كلها أمنية
أن يشاهدو بأعينهم ( التوب ) ...
مبرووك للعزيز تمبس وحقيقة عايزين نفرح بيك وتأكد إننا معاك
قلباً وقالباً وجاهزين لأي شي
ابوشهد
| |
|
|
|
|
|
|
|
|
|
Re: تــــوب تـــمـــبــس (Re: محمد خليل إسماعيل)
|
Quote: تحية للجميع
وخاصة لصاحب البوست
تمنياتي للعزيز تمبس بدخول القفص ( الذهبي )
بس أنا شابف في ناس بدأ يشككو في التوب أنو ( شين )
لكن أنا لو مكان تمبس أقوم أحقق للناس دي كلها أمنية
أن يشاهدو بأعينهم ( التوب ) ...
مبرووك للعزيز تمبس وحقيقة عايزين نفرح بيك وتأكد إننا معاك
قلباً وقالباً وجاهزين لأي شي |
يا سلام عليك يا ابو شهد ده الكلام الصاح واللي نحنا بنفتش ليهو لكن والله
التوب ما شين سمح شديد وبعد ده إلا اقوم اصورو ليكم .
| |
|
|
|
|
|
|
|
|
|
Re: تــــوب تـــمـــبــس (Re: معتصم الطاهر)
|
Quote: أبشر بطول سلامة توب أم أحمد ..
الفكرة الرئيسة هي ابعاد هذا الثلاثي عن بعضه |
بشرك الله بالخير يا الطاهر اخوي
والشبكة بتشيل السمك الكبار اول والباقي هين بتلحق
تمبس صاحبك ده ناوي علي العريس بس خائف ما عارفو مالو ؟؟؟
| |
|
|
|
|
|
|
|
|
 Re: تــــوب تـــمـــبــس (Re: وليد محمد المبارك)
|
| Quote: يا هاشم ما كانش القصد .. بس الطريفي زول نصيحة |
| Quote: إنعام حبابك الف وابشري بالخير ولو المدام سمحت لي اجي الإجازة الجاية براي |
| Quote: يعني هودي لسه ما جابت طقم الدهب للتوب يا هاشم؟ |
Quote: ودّيت كسوة العيد ؟
تخريمة :
يا زول والله انت كده حباااااااابك مالك ومال وانت نازل شيل معاك كيس الزبالة وانت جاي جيب معاك خبز |
......
قالو العريس بعدما يشيلو اصحابو ويهيصو بيهو .. ويجدعوهو فوووق معناته دخل أول مرحبة في كلية علوم الطيران .. في نوعية كدا قالو من ديك وعييييك بتطير ما بترك .. وما بترجع تاني الله يسترنــا ..
يا جماعة بلاي كدي عاينو لي النصف الممتلي من الكوووب**  .. وعاينو للاقتباسات الفوقانيه دي .. مش حاجة تخوف بلاي ..؟
- واحد من أخواني .. بلاي كان لما يحتدم الوطيس .. والله زيو مافي .. بلاي لو اتكلم مجرد كلام .. كان بتكسر قزاز اي شباك في الحله .. حتى لمبات الشارع .. قام عمل عرس الزين .. لحدي هنا كويس معاكم..؟ قمت مشيت إجازة بصحى الصباح اللقاهو مافي .. يا جماعة الزول دا وين .. يجي شافعو الصغير جاري .. بابا مافيش مشى يجيب ( اللبن ) .. واكتشف انو بابا مشى الشغل .. اجي نصت نهار يا شباب الزول دا وين .. يجيني الشافع التاني بابا مافيش مشى يجيب ( اللبن ) اكتشف إنو بابا لسه في الشغل .. يجي بالليل اشوفو داخل البيت اقول اخد لي معاهو عشرة ونسه .. امشي ليهو .. يقول لي دقيقه بس بجيك حسع دي .. اقول ليهو ماشي وين يازول ..؟
يقول لي عايز اكوي التوب بتاع المره .. لاحظو اكوي التوب بتاع المره ..
ناديتو قلت ليهو ياخي اسمع إنت الحاصل شنو ..؟ بقيت مسكين كدا مالك ..؟
قال لي بي صوت خااافت لحدي ما دنقرت عليهو علشان اسمعو .. ياخ ما مسكين ولا حاجه .. لكن بعد العرس الواحد ببقى عاقل.. قلت لي دي مكنتك ؟
لاحظو يا جماعة الفرق أو صلة القرابه بين التــوب المكوي وبابا مشى يجيب، اللبن، والواحد بعد العرس ببقى عاقل .. وقارنو بينها وبين الاقتباسات الفوق دي ..
بلاي بعد سنين الغربة دي والشقا دا .. الواحد يفتح ليهو تاني برنامج بتاع بابا مشى يجيب اللبن، واكوي لي التوب دا، وغسل لي العدة دي قبال ما تنشف .. وارحكه وديني الحنانه، وشيل معاك الزباله دي .. وكمان مرات مرات فيها إرهـــاب كان الواحد مشى لي اصحابو ساكت .. بتاعين سودانيزاونلاين الزماااان
 بلاي حسع دا ما عرس
ـــــــــــــــ
** ( مثل سري منبري ) يشبه لحد بعيد عبارة ( توجد صورة ) التي تلي عنوان الكثير من البوستات
| |
|
|
|
|
|
|
|
|
|
Re: تــــوب تـــمـــبــس (Re: حيدر حسن ميرغني)
|
QuoteQuote: : خلاس يا جماعة إتحننا
يا هاشم بالله دى كراع مغترب
تمبسنا ده كان بيلعب كورة .... ما بطارد غزال الخلا |
ياحيدر اخوي انتا قائل الحنة دي عملوها لشنو ؟؟ ما لناس تمبس ديل
عشان شوية كده يتنعمو , الزواج ده ما نعمة كبيرة يا حيدر
| |
|
|
|
|
|
|
| |
هاشم أحمد خلف الله
انعام عبد الحفيظ
ابو جهينة
مجدي عبدالرحيم فضل
Alsa7afa_30
الصادق صديق سلمان
هضيبي علي سعيد
حيدر حسن ميرغني
ادريس خليفة علم الهدي
tmbis
haroon diyab
humida
mohmed khalail
معتصم دفع الله
عمران حسن صالح
Ahmed Abdallah
Muna Khugali
سلمى الشيخ سلامة
غادة عبدالعزيز خالد
salma subhi
د.محمد حسن
عمر الفاروق
معتصم الطاهر
محمد خليل إسماعيل
ملكة سبأ
خالد العبيد
طارق جبريل
وليد محمد المبارك
فيس بوك
تويتر
انستقرام
يوتيوب
بنتيريست