|
Re: الخرطوم تفتح الباب 8 ضلف للهلال ... بقت واضحة ومكشوفة (Re: eyes of liberty)
|
الأخ حمزاوي
شاهدت المباراة وخرجت منها بالانطباع التالي:
لو كان الهلال بائع المباراة للخرطوم، لما ساتطاع الأخير الانتصار
لو لعب الهلال بنفس الروح والضغط الهجومي إبان منافسات كأس الأندية الأبطال، لنال الكأس
على الأقل كانت ستكون هماك مبررات للبيع لو كانت الأهداف تؤثر في ترتيب الفرق. ولكن الهلال يتصدر بفارق أميال وفراسخ عن أقرب مطارديه. هدف واحد كان سيكفي ويبعد شبهة الفتح
الهلال قادم كالسيل الجارف أو الرمح الملتهب، وعلى الجميع أن يبلوا رأسهم حتى لا تصيبهم الثمانيات والتسعات في مقتل
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: hassan bashir)
|
اخوي حسن بشير مسكاقمي سيل جارف ايه ... الرمح الملتهب ايه الحكاية واضحة يا اخي هل يعقل ان يأتي فريق يلعب مع المتصدر والهلال بهذه الخطة والطريقة بتاعت اللعب اي مدرب بيعمل حساب الفرق الكبيرة ومعروف عن فريق الخرطوم تلاتة اجادتها تقفيل المنطقة واللعب على الهجمات المرتدة المنسقة ونفس الطريقة الموردة فجأة تغيرت الطريقة والاداء المفتوح أيه البيخلي الخرطوم تلعب لعب مفتوح امام فريق ذي الهلال .... أفهموها يا ناس
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: حمزاوي)
|
الغريب في الأمر هو تمسك إدارة تلاتة بالفاتح النقر! والأغرب هو تصريح النقر عقب لقاءات المريخ مع الخرطوم 3 وهجومة المتواصل على المريخ لاعبين وجهاز فني. وعجني هتاف الجماهير في مباراتنا السابقة مع النقر حين هتفوا بصوت واحد " النقر شرب ، النقر شرب" بعد هطول الأمطار عليه وتناوله لكميات تجارية من المياه المعدنية وبعد المباراة يصرح ويقول المريخ تعبان وهو المهزوم بالأربعة والخمسة وحتى الثمانية!
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: Rakoba)
|
تخيل يا راكوبة تصريحه بعد كورة التمانية
قال إنو سعيد بالأداء الهجومي وإنو ما زعلان
على النتيجة ودا بيرجعوا لإنو دوافع الهلال
أقوى من دوافع فريقه .. الزول دا والله ما بختشي
عمنا حمزاوي مسكاقمي
أكاد أحلف ليك قسم إنو الرشيد فيصل ما وقع
في الواطة عشان يصد كورة واحدة عملها واضحة
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: الصادق صديق سلمان)
|
الأخ حمزاوي
الحكاية الأوضح أن فريق الخرطوم يمر بأزمة واضحة، وليس غريباً أن يفوز عليه الهلال بالثمانية. ودونك ما كتبه الأخ راكوبة - والذي احترم تحليلاته المتعمقة والموضوعية - (عيبه وعيبك الوحيد أنكم مريخاب )عن أزمة التدريب بنادي الخرطوم وبالمنطق كدة يا حمزاوي
ما الذي يجعل الهلال، المتصدر بفارق النقاط وليس الأهداف، والذي يلعب مرتاحاً بين جمهوره (في الخرطوم)، أن يسعى لاستمالة فريق ضعيف مثل الخرطوم لكي يقدم له تسهيلات ويفتح مرماه على مصراعيه؟
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: hassan bashir)
|
الاخ حسن بشير مسكاقمي طيب الفريق البيمر بازمة يجي يلعب بطريقة مفتوحة وهجومية كمان يا اخي اقل شئ يقفل ورا ويلعب على تشتيت الكورة يعني يلعب بخطة دفاعية بحته انا لمن شفت طريقة لعب فريق الخرطوم قلت الجماعة دول لاعبين امام الرميلة ولا ديم سلمان ... الهلال ما استمال بس مدرب الخرطوم تحرك وجدانه للحب الاول وأنا متأكد ان الهلال ليس في حاجة للكباري .. بس نعمل أيه مع لاعبي الهلال السابقين الذين صاروا مدربين لبعض الفرق ودايرين يسهلوا المهمة للحب الاول ... يا اخوي حسن راجع مباريات الهلال مع الفرق أياه المدربيه من لاعبي الهلال السابقين وحتلاحظ مدى صدق كلامي ... الكلام دا مش الموسم دا لا المواسم السابقة كمان . الاخ معتصم دفع الله مسكاقمي نحن جاهزين للكنفدرالية جاهزين جاهزين ومريخ الوالي للكاس طوالي والكاس كاسنا باذن الله بس تعال يوم الاحتفال وشارك معنا
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: حمزاوي)
|
عمنا حمزاوي.. كل عام وانت بخير.. تعرف يا حمزاوي الواحد مع فورة الناس عن الرياضة الأيام دي طلعوا ناس كتار وإتشعبطوا في موضوع التحليل والتنظير حول الكورة .. منهم من صاب وأخرج إبداعات كروية وأصبح مرجع ومنهم من خرمج وطبّز .. كلامك بتاع الليلة ده كلام خرمجة وتطبيز صدقني !! الهلال لعب مع الخرطوم 3 20 مباراة في الدوري الممتاز فاز في 16 منها وما خسر ولا مباراة .. يعني بي كلامك ده الخرطوم 3 دي فاتحة للهلال على طول السنة ومنذ صعودها للمتاز ؟ طيب يا عمنا حمزاوي حاجة تانية إمكن فايتة عليك : لو الخرطوم 3 فتحت للهلال فيكفي أن تخسر بفارق هدف أو هدفين لأنو الهلال ليس في حوجة لفارق الأهداف عن المريخ كما أن البطولة بوضعها الحالي وحسب قوانين الإتحاد العام لا يتم فيها الرجوع لفارق الأهداف .. يعني بالعربي كده لو لا قدّر الله تعادل الهلال والمريخ في النقاط فلن يتم الرجوع للأهداف للفصل في البطل وهذه سنة إبتدعها شداد العام القبل الماضي عندما وجد أن المريخ لو فاز على الهلال سيتساوى الفريقان في النقاط لكن الهلال حسم البطولة بفارق النقاط .. وإن شاء الله السنة دي الهلال كمان حا يحسم الدوري بفارق النقاط .. بالمناسبة الهلال قبل مباراة الخرطوم 3 دي كان عندو 50 وعليهو تلاتة أهداف وبفارق طاشر هدف عن المريخ .. يعني بالعربي كده الهلال ما محتاج للفوز بفارق كبير من الأهداف فهو لا يسمن ولا يغني من جوع !!! ولو كان من فائدة مرجوة ولو تم طبخ اللعبة لأصبح كليتشي هدّاف العرب وسمح له دفاع الخرطوم 3 بإحراز سبعة أهداف على الأقل !! بالمناسبة وعلى ذكر هداف البطولة ففي العام الماضي تم إيقاف كليتشي مباراتين بتعمد من التحكيم واللجنة ليتمكن إيداهو من اللحاق به ولم يتمكن إيداهو في المباراة الأخيرة من تسجيل هدف فما كان من الحكم إلا وإحتسب ضربة جزاء وهمية وخارج خط ال18 ليسجل إيداهو هدف التعادل مع كليتشي.. وبالمناسبة ف إيداهور سجل أكثر من 8 أهداف من ركلات جزاء في حين لم يسجل كليتشي إلا من جوة الصندوق .. ولو عايز تتكلم على البيع فهاك الكلام النجيض وصحي صحي اللي كان في مباراة المريخ وحي العرب الإنتهت بي فوز المريخ بهدف ولعب حي العرب دون الأساسيين وتم تحفيز برهان تية مدرب حي العرب والمريخابي المتعصب بمكافأة تدريب المنتخب القومي الأولومبي وتم الإعلان عنها قبل المباراة .. دي ياها الطبخة ..
| |
|
|
|
|
|
|
Re: الخرطوم تفتح الباب 8 ضلف للهلال ... بقت واضحة ومكشوفة (Re: عمر الفاروق)
|
الاخ عمر الفاروق مسكاقمي ما ظاهر يا اخوي حتى العيد ما تظهر فيه كل عام وانتم بخير
Quote: منهم من صاب وأخرج إبداعات كروية وأصبح مرجع ومنهم من خرمج وطبّز .. |
انت بقى يا اخوي من ياتو فيهم أما بخصوص الاهداف وكثرتها أو قلتها في المباراة انا لم اتكلم عن الاهداف والفوز يا اخوي عملها مدرب الخرطوم واضحة واذا انت شاهدت المباراة تقول الفريق لاعب امام ودنوباوي ولا الزهرة مش الهلال والدليل تصريح المدرب ونجاح خطته الهجومية ... اي خطة هجومية هذا فريق يصارع لعدم الهبوط يلعب بخطة هجومية امام المتصدر الهلال ... يا اخي قول ليه يحترم عقولنا أما بخصوص مين هداف الدوري إذا كان المنافس علي اللقب لاعب اجنبي فمن المؤكد إدارة أي فريق لا يكون حريصاً لنيله اللقب لأن اللقب بيجير للاعب وعند انتهاء عقده بيسافر بي لقبه أما بخصوص الدكتور كمال شداد وما ذكرته من انه الغى فارق الاهداف من اجل عيون المريخ وعشان يشيل الكاس ... الحمد لله دكتور كمال شداد بقي مريخابي وصار يحب المريخ ويعمل لصالحه وضد الهلال ... ما عشان كدا قلنا ليكم ان الهلالاب دول اصلهم مريخاب بس قاعدين في العرضة شمال قلت لي حي العرب فتح كبري للمريخ فعلاً والدليل ان المريخ فاز بصعوبة وبهدف يتيم ياريت لو فتح لينا كنا احرزنا ثمانية اهداف وكان حارس حي العرب يعمل ذي حارس الخرطوم يقع قبل الكورة والمدافع يجري عكس اتجاه الريح ... يا اخوي خليها مستورة مش كدا
| |
|
|
|
|
|
|
|