|
|
 تاني مرة.....قـدلة يا لاهـــاي... حافي حــالق
|
قبال كدي كتبت قلت اي زول يسجنوهو في لاهاي دا زول بخيت وسعيد وربنا بي يريدو....وحات الله.... واللا اقول ليكم" علي الطلاق بالتلاتة"..... لو اي زول من الناس الماشين لاهاي ديل ما دايرين على استعداد طب امشي بدلو...وحسي بكتب تاني وخسوسن بعد شفت صور السجن...يا اخوانا دا ما سجن...دا دلع راسو عديل كدي...حسي كدي شوفة العوضة دي:-
شوفتو النعمة دي؟....والله انا فترت من الجري ورا لقمة العيش ,,, لو القى لي فرد سنة في العوضة دي... ارتاح.... نوم واكل بس اكل... نان تحسبوهو زي الرمرام البناكل فيو دا؟ ها قادر الله..... اووووخ اووووخ... سجيمان قوم الفطور... فنترب اخفس اكل واخت لي سفة بعد اشبع.... شوية وارجع اوووووخ اووووخ.... سجيمان قوم الغدا.... فنترب اقوم اكل... وارجع اوووووخ اووووووخ... سجيمان قوم العشا... فنترب اخفس اكل وارجع تاني اوووووخ اووووخ.... وفي امان الله لا دوشة لا خوتة ... لا بتاع موية داير قروش الموية ولا بتاع نفايات داير قروش نفايات عشان يشيلوهن في العربية والعربية ماشة وتشتت فيهن فوق الدرب في الشارع ونجي نلم نحن تاني وندفع قروش ولا جمرة خبيسة للكهربا... اشبع في الكهارب المجاني دي ساااااكت... نحن حسي الكهربا بنجيبا عشان الناس يقولو عندنا كهربا.... نولع لمبة وااااحدة نتلما تحتا انا والوليدات...ونقعد نتونس و نساكك ونضرّب في الجراد والجندب بالشباشب...والايام دي كمان لامي فينا جراد ...جراد طاشم اطانكم طرشا اول ما نولع النور يقعد يحوم ويدوش ويوقع فوقنا... ومن الله خلقني ما شفت جراد بياكل شعر...محمد ولدي لما فيهو الجراد دا ووقع زعط في شعرو.....الجرادة تاخد لها دقيقة تلقاها اكلت لها بالة شعر..بعدين تقول مركبة موس في خشما... حسي راسو كلاكيع كلاكيع.. كل كلكوع وكلكوع جنبهن شعيرات شوية...اما الجندب داك شغلو نفرو براهو... علا نافعاتننا السراويل الطوال وضمضيم الكرعين...الجندبة تقول موجهة بالليزر اصلها ما تضهب.....
اها حسي شوفو جنس الشغلة دي؟؟...السيخ دا الزول يعلب زين ووقت يزهج ويفتر يملصو من هنايتو دي و يجيب اللحم ويحشرو في سيخة سيخة ويسوي كباب ويقعد ياكل ساااكت...وبعد يشبع يرجع علي العوضة المو خمج ديك و..اوووووووخ
غايتو انا كان بقيت مسعول في شركة سوداني اللت الموبايلات كان نزلت السجن دا في المسابقة مع الفلل النزلوها ديك....
|
|
 
|
|
|
|
|
|
|
|
Re: تاني مرة.....قـدلة يا لاهـــاي... حافي حــالق (Re: سجيمان)
|
من تالاى حاجزة الاوضة الجمبك
نخستك بالونسة والونسة الدقاقة بعد النور يطفوه اول ياربى ما بطفو النور
انت يا سجيمان السجن دا عندو الفة ؟
يعنى ظبط وربط ولا طالق ساكت
وما وريتنا الحوش عشان نقدل فى الحوش
ونمشى ونجى نحسب فى الايام
اها والسبورة كمان لحساب الايام نشخت فيها عشان الايام حسابن مايروح علينا
بعد المدة تنتهى بكون بقيت سمينة اكتر مما حالى هسى
ووكتين امرق دا كان مرقت
المارقة ليها شنو؟
للوكت داك البنية بكون عرسوها وتموا حلوها ويجونى فى السجن يا يمة والشفع حلاتن وليدات بتى فسحة وزيارة للوالدة المسجونة
علا يا سجيمان تهمتنا شنها ؟
| |
|
|
|
|
|
|
|
|
|
Re: تاني مرة.....قـدلة يا لاهـــاي... حافي حــالق (Re: سلمى الشيخ سلامة)
|
سلمى يا اختي
السجون ظااااطا حظوظ.. ناس اتسجنو في شالا وفي كوبر وفي بورصوضان....وناس تراهو نوع النعمة الشفتيها دي.... وبعدين سجن زي دا قطع شك ان بقى فيهو الفة ما بيبقى بيشبه الفة السجون التانية....بعدين النور طافياهو لشنو يا سليمة اختي.... دايرين نخمج في الكهارب البي ساكت دي... فترنا من الدفع هنا... ما قلت لك لمبة واحدة نتلما تحتا انا والوليدات ونقعد نساكك في الجراد والجندب؟؟....
بعدين الليام حاسباهن لشنو يا سلمى اختي.. سجن زي دا ما بنمرق منو باخوي واخوك....علا يحاكمونا ويعاقبونا نرجع اهاليتنا...
مافي ايك يا تهمة .. بس يكونو اتفنجرو علينا وحنو علينا من حالتنا النحنا فيها... ويقولو شوية نسوقهم ونرشدهم بالاكل ... ونسمنن ونرجعن لي بلودهم....
| |
|
|
|
|
|
|
|
|
|
Re: تاني مرة.....قـدلة يا لاهـــاي... حافي حــالق (Re: saif massad ali)
|
شفت يا سجيمان السجن سجن
واول حاجه سفتك البتعدل راسك دي حتكون ممنوعه
| Quote: واخت لي سفة بعد اشبع.... |
لانه ممكن يفتوا حولها يوقولا لك بتسبب سرطان اللسه ونحن عايزنك شيديد ولضيض
ولو مته ما كويس,اها سجن بلا سفه!! ده رايك فيه شنو؟؟؟
اسأل ترهاقا..بالله رمضان بيتعبه تعب
وكله من السفه.
| |
|
|
|
|
|
|
|
|
|
Re: تاني مرة.....قـدلة يا لاهـــاي... حافي حــالق (Re: سجيمان)
|
سجيمــان كل سنة وانت طيب .. والعاقبة فى لاهاى ..
على الحلف العويضة الشافته عينى دى عوضة شهر عسل عديييييل.!!
تقولى هاواى .؟؟
حـَــرم انا الحق اخش فيها تانى بى خلو رجل ما اطلع.!!
لكن ياربى الزول لو داير يعرس ويجيب وليداتو معاهو ما بيخلوا .؟؟؟ كدى استوكدلى من النقطة دى .. الناس ديل قالوا بيحترموا حقوق النسوان .
| |
|
|
|
|
|
|
| |
سجيمان
سلمى الشيخ سلامة
saif massad ali
Tragie Mustafa
MOHAMED EL-BEELI
نصار
ayman haroun
السر عبدالله
فيس بوك
تويتر
انستقرام
يوتيوب
بنتيريست