|
Re: يا زول أقيف: قول البلنتي لمسة كتف أو ما كتف......... طعم البطولة بيختلف ............وما بنخ (Re: Mohamed Abdelmotalib Hassan)
|
يا ريتا لو لمسة كتف.. ما إظنو كنا حا نختلف.. نبدا الحكاية من الألف؟ كومركم العجب إنبرش.. ما الزول كبير ودّر خِرِف.. لمن خلاص غلبو اللعب.. بقا زي سمسار يدوّر يلف.. حكم الهنا قال ليو أقع .. وأكيد أكيد ما بنختلف... ما الوالي مسّاح الشنوب.. عوّدنا ديمة على الصرِِف.. وعشانو تكرم ألف عين .. حتّى الطرد كان (لاعبين) .. والضربة عدّتها مرّتين .. انا لي عليكم (حق) ولِف.. وروني كيفن نختلف..؟ وسمعتو بي قصص(الحمام)؟ قالوا الحمام لاقا الحمام.. مريخ قطن ..مريخ شلف.. وين ناس ترجي وناس أسيك..؟ أهلي وزمالك مختلف .. والله جد الزول قِرِف.. من ناس شلف من ناس علف .. وهلالنا ده سيد البلد .. بيهو كورتنا بتتعرف.. ومريخكم إنتهى من زمان .. غنّايو مات جيلو الخِرِف.. وبرضو تقول لي نختلف؟
|
|
|
|
|
|