|
كتب الكاتب الفاتح جبرا المتوفرة بمعرض الدوحة
|
|
 Re: تــاليـــلا أنين الزحـف نحـو المنابـــع (Re: عبدالله داش)
|
Quote: غــيمك مــطّـر
نازل زيفك
حُــلمي إتخــيل شــوفتك لمْــحه
وين يا سَــمحه
وين الغُــول اللافِــح فاطنــه
في الكــترابا المن تالاهــو
|
تالاهو هجير البلد الحارقة بنيها
ودم جنياتها
حلف يبنيها..
وما بخليها
للضبان وعساكر السطة
تسمسر فينا ,,
وفينا بصيص من نور جايينا
خيخلينا
بشارات ثورة
حتما جاينا , سمعنا انينا
هديرا ينادى
الجاى والغادى
بالدم بالدم نفديك يا بلادى
داش ياخ سلامات ..
كلامك احلى وطاعم ..
| |
 
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: abubakr)
|
تدهشنا كثيرا يا داش
هذا أنين زحف نحو المنابع
Quote: وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
نبني ســـراريق
نســقي الحـــنضل ...
لو بتعـــالج أو يــداوا |
زبد الشيمة
الشلال
الصلصال
السراريق
الحنضل و سر الدواء فيه
إنه ضجيج الزحف نحو حضن النيل
دمت
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: ابو جهينة)
|
Quote: وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
نبني ســـراريق
نســقي الحـــنضل ...
لو بتعـــالج أو يــداوا |
حتي انا اصابتني الدهشة يا ابو جهينة , داش انت مبدع وخلاق وامثالك قليلون
في هذا البحر الشعري الجذاب , واصل ونحنا معاك بنواصل شكراً يا داش .
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: ابو جهينة)
|
Quote: مــتْشلهِت ناشـــف رِيقــو
غــنا غـــناوي الليل الأولى
وللواسوق المجدوع حنَّا
وبالجابودي إترنـْـم غــنى
غــنى غــناوي
غـــناوي الليل الكانت ناعسه
في مرباط الضبيه وحزمه
للعربان الفوق والتِحــتِي
يوم لاقيتك نص أفكاري |
أبداع ياداش دائما ماتدهشنا بماروق أفكارك
تنبت نبته وتزرع فينا حدائق وفرحه مزروبه
بتوب وترحه.
،،،،أبوقصي،،،،
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: ابو جهينة)
|
العربوس
أم حنيو
البودا
الحاحايه
أبوجهينه
العزيز
تداخلات
فى علوها ترسمنى
كيفما تشاء
...
..
.
ومسار رحيلا المنتبه
بيفضل على الهوا مسريح
لا راضى يكست من صياح
ولا قدره يبداهاالنويح
لمتين تكون السكه مفتاح الفرج
تاليلا شوفى معاى
كفاف فكرتنا
فى البلد الكسيح
ولا أحسن ما آآآآ قولِّك
ياااخ
لما أشوفك بحكى ليك
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: د.محمد حسن)
|
يا ساتر على الوهـج البِفِــج العين
ويفتح طاقة الوكت الضــليله عليك
يجــيك فى غفــله من جـواك
يناغمــك يشدهــك بالفرحه
أو بى أى شئ
ويرحل معاك للسِـكه
فى درب التوحّـد يلتفِـت يلقاك
بتنســـج حاجه من معناك
ومعناك يشبه وحدك
يا بوحميد
يا حزمه من ضو
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: عبدالله داش)
|
كترة بين وماأدراك ما كترة بين
تبين ما ....
ألعن ذاكرتك دائمآ وانت تدري لماذا وربما اكره (بت المجمر)
أكتب الشعر إستنادا علي زمن اعيشه ومستقبل أتخيله وزمن آخر لا هذا ولا ذاك مزيج بينهما بعضه لا يوجد وبعضه يجب ان لا يوجد أبدآ
أنت تكتب بهذا الماضي الجميل العنيف بتلك الذاكرة المحتشدة بألف قصة لم توثقها ليالي شهرذاد ولكن خصتك بها عنوة أنت تدرك المغزي هنا سيدي داش بعض اللعنات قد تصيبك وأنت تفردجديلة الاسطورة
ذكريات جميله تحضرني وقت مثولي أمام نصكم
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: mustafa egaimi)
|
القوامــيس التى تنهــل مــنها ذاكــرة الوجــع كفـــيله بأهــات تُبشــر بدمــعٍ غـزيـر
ولعــنة المصــائب هى مصــيبه واقفــه على التأهــب دائمـــا لما يحـدث بغــته
وللأقـاصيص التى نعــرفها تكملات تتســـارع حين نســدعــيها بأدب
فتدخـــلنا ونحن لانــدرى كــيف ومتى ..؟
نتــرك ســـباحتها للريــح ونحســـب تســارع نبضــنا للخــوف
( كِــترَه ) وارفــه لا يخـدشــها الضــوء
ولاتســـتعين بالظِــل منه
ولاتخــاف العواصف
عجــمى ...
دع الشوق للشوق
فيما يوازى إرتعاشتنا للغناء
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: عبدالله داش)
|
Quote: غــيمك مــطّـر
نازل زيفك
حُــلمي إتخــيل شــوفتك لمْــحه
وين يا سَــمحه
وين الغُــول اللافِــح فاطنــه
في الكــترابا المن تالاهــو
نحــنا نعــزْي ( حــليلا .. حــليلا )
ونفـــس المشــهد
تاني إتكرر يا تـا ليــلا
يا تــاليــلا ..
أقيــفي إتشـــرفي
مجرى البحر الهُــولنا إتعرْج
وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
نبني ســـراريق
نســقي الحـــنضل ...
لو بتعـــالج أو يــداوا
يا بنْــاينا الفـــالح أخـــجل
نتمـــنْالك مرض الفـــالج
قمَّح رُوحـــك شــيل العربوس
جرد كـــتفك مرض الحُـــمى |
يا دهشــــــة ..
يسلم حرفك
كن بخير .. مودة ..
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: هند محمد)
|
Quote: أقيــفي إتشـــرفي
مجرى البحر الهُــولنا إتعرْج
وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
|
ابو عبده
مالك يا وليد..شن النجض جوفك قدر ده..
الكترابا !!!!!
يانا نحن حالنا منك..الوحل لي حد الركبه..عتمة وخوف
يا لطيف..
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: mohmed khalail)
|
بتســألنى الســؤال الجـد
نشــاف محــريب ربيع باكــر
وقطــره من المطــر
والشـــر غَــلب أُســس المفــارقه
بالنشــيد الوهــمى ...
تالــيلا لو شــافت تفاصــيل الكدر
ماغــنت مع الأحزان
ولا مرقــت على الجــيران
وماعـــارفه الخـــبر
بوحميد بن خليل
مؤكد إنك الفرح البهيج
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: هند محمد)
|
النيــل مكــتّف
متهم محكــوم
بقــانون الطــوارئ
وفجــأه يطــلع مفــتى يفــتينا التوالى
ومافى صــوت غــير الهــوايد
نحــنا نهتف إختيارى
ولا نصــمد
ولا نســـكت
نســبق الريح والمهــارى
ونبــقى فى الصف المحايد
مسكين النيل
هند ....
تحــيه يصــبغها الشــوق باللون
بالخطــو .. نحو الوصول
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: Masoud)
|
الدراويش
والكــلام.. والنوبه
والذِكِر البصاحب الطار
السبحه للعدد البكمّّل
سابحات الليل
ركز فى منتهى الاحكـــام
فتــح عين البصره بشيش
وقال :
مســعود الخليل
تعال نادى الغياب يحّــضر
تعال إبهار...
وضو من نار
محايه ولوح
شكرى الموشّـح
بالفرح من فعلتك
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: bushra suleiman)
|
لوقلت ليك مليان
من الفرح...
وبحـــرِى غِشّــيْم حاقن دمعو
شان ما غَــرق كل جزايرك
بشـــرى يا بشرى
يا ســـليمان
يا ســـبأ
يا هدهد الخبر
أورادك البِــ..لّيل
هــزّت جذوع قيف الســفر
للرحله بالتوب والمراكب
والزهور ...
فى اللحظه خالجنى الحبور
فرحان ..معاك
لك منى ما أود
لك أحلام مملكتى
وسعيد بيك
يا فنان
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: الفاتح الجنيد)
|
أخي عبدالله
رمضان كريم
أحرف مدوزنة في إيقاع شعري بدبع تتخلله الرمزية والأزمنة والأمكنة المخبوءة في أعماق تعتمل كالمرجل أو البركان وعند ثورته يكون هذا الدفق البديع أمتعتنا بهذا الجمال.. أشكرك في عطاء نحتاجه لإرواء نفوسنا الظميئة لهكذا نسج دفيق
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: الفاتح الجنيد)
|
الشـــوق ياالفاتــح
فاتح باب اللهفه
وغــارس وردة شــوك
مــبروك الدرب الجــابك
دابـى ودابــك ...
فُقنا على الوجع المنهوك
وسرحنا هناك فى العبره
الســكه...
الصــوت ...
إتخطى حود الواقع
أصلك زولاً واضح
راسم حرفك
شكل اللوحه التحفه
وبرضو أكيد نشتاقك
ود الجنيد
رسوخ تلك الذكريات سيظل
إلى أمد العمر
لك الود
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: تماضر الخنساء حمزه)
|
مجهـــول
بيغنى فى نص الليل مســدارو
وقــرر فضح الزول البحر النيل
ممحـــوق القصّـــر عُــمر أيامو
ونشّف ريقو الهِـــيِلا
الســرق اللون الأســمر
وبعثر نسـق الورد السكّســك
للإكليل ... ونساكم
ماأظن من باكــر يكـبر
ويجـرى يســيل
يا خـيراً جـانا وجــاكم
بشّـــر بالمدلول
تالــيلا
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: خضر حسين خليل)
|
وين نلقاك وما نختاك
وعاد يومداك
تشيل ختوتنا نمشى وراك
ما كنا حداك
يصك أسماعنا قول الزيف
لهيب الوجعة
قالوا خريف
قالوا أصبروا بعد الهجعة
سربة ونجعة
قلنا الرجعة
لما الساجعة تنسى السجعة
لما القمري يمسخ حسه
لما الفال يقالد نحسه
أبقوا أرجعوا
لاتنفرقوا لاتنجمعوا
لو المولود بحس بمخاض
ما إتعسر الميلاد
لو السرفة تاكل البجعة
ماحضرنا توب لحداد
ولو قايضنا الدم بمداد
... عبدالله داش
حيت دموع الأمل
يانع الدواخل
مختلف ألوانك
تمنح الشفاء
الميعاد .
سمية الحسن محمد طلحة
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: سمية الحسن طلحة)
|
إتنفسـك
طين الأرض
فاضت مســام الدهشــه بيك
فى العين حــدودك فى الرموش
إتوحّـــدت عندك مقامات الحروف
والنيل بِعــزك بالنســيم
ملكة الدوبيت
...
أستسلم للوجد
للحزن
للإرتعاش
للإرتواء
من الخوف والدمع
فى سيرة الشوق ذكرى
وآخرى فى ذات السبيل
إحتمالات حزنى
ومن شدة الإحتراق
أطفو خفيفاً
ولا شئ أكثر
لك الود والإحترام
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: أبوذر بابكر)
|
مــطر فى ضواحى الصباح
يا .. رزاز الضحى
يا قفارى الملامح
أحبك عميقاً
فأدنو إلىّ بعطرك
وفوحك وزهرك
وشِــعر الحروف الصِحاح
أحبك ...
لأنك مسار التعجّب
وأكثر ...
.........
.....
..
.
من حته فى غــور الكلام
الجاى منك وليك مآب
يا وهده فى العالى البِرجّّــح
كفة النضم الحصيف
يا زول وريف
شَــبَه المطر ..
رشّــرشنا بالفرح الخريف
بالنيّــه هاك كل الســلام
ويــــاخ يا ســـلام
أبو الصحب ...
الشوق بركان صاخب
لك الموده
| |
|
|
|
|
|
|
|
|
 Re: تــاليـــلا أنين الزحـف نحـو المنابـــع (Re: عبدالله داش)
|
Quote: أقيــفي إتشـــرفي
مجرى البحر الهُــولنا إتعرْج
وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
نبني ســـراريق
نســقي الحـــنضل ...
لو بتعـــالج أو يــداوا
يا بنْــاينا الفـــالح أخـــجل |
تحياتى احى عبدالله رمضان كريم
ده كلام جميل مليان حكايات ماضى وحاضر
ومسكين النيل الجابد خيطو ذى ماقلت انت سيد دستورو
ومافى ابلغ من كده شريان الحياة مجرور ومربوط
كلها بتوصف حال واحنا ذاتنا حالنا حال
تسلم انت يارب
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: عبدالله داش)
|
لما يكتر فينى صوتك
برتجيك بين الصدى الراعش
يردد فيك غُنا
وبلقاك رحيل
المستحيل فتش عليك
ولقاكِ إنت المستحيل
ياوارفه قدر الدهشه وين ..؟
وين السكه ليك
داخرانى فى خانة صهيل
خانتى فيك اللقيا
والعشم الســنا
الخيل تفتشــلك تداقش
ليل سكاتك
ما لقيتك
ولا الرحاب الممكنه الكانت هناك
مزدهيه من لون الأصيل
فرحانه بيك
جايك عديل
لو بكره تصبح رؤية الحُلم الجميل
سكة وصول
....
تاليلا كيفك ..؟؟
يا وجع ...!
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: عبدالله داش)
|
Quote: تاليلا كيفك ..؟؟
يا وجع ...! |
سلام اخى عبدالله وكيفك بس مامنتهى ذى سؤالك
بوجع والله لاحابو ليك قول يارب
استغربت لمن لقيت البوست ليك ايام انت ماكتبت فيه بالرغم كان عندى احساس انك هتواصل فيه لغاية
نهايه رمضان طبعا بقيت ذى ستات الودع البيحسو وياصادفت صح وياكمان كانت غلط عموما
هو بوست جميل جدا اتمنى انو يكون عندك الوقت تواصل فيه الزحف نحو المنابع مابيتساب فى النص
تسلم يارب
| |
|
|
|
|
|
|
|
|
|
Re: تــاليـــلا أنين الزحـف نحـو المنابـــع (Re: ماجدة عوض خوجلى)
|
آمين
ويديك الفى بالك
يا زوله يا مطره
اها النحكى ليك قصه ...
جات سيرة الودع
تعرفى يا ما جده
ذكرتينى جــدى الله يرحمو ...
كان أنصارى متشدد أكان حضر زمنّا دا كان صنفوهو إرهابى
كان زول بســـيط أكتر من الفكره البدائيه عن نشأة الكون
وماهية الما عارف شــنو داك
المهم ...
لما يكبّر ويستقيم للصلاه
يصلى كما يعرف ..
ويختم عادةً بدعائه الذى كنا نردده فى غيابه
ونضحك ..
( بركة ســيدى الصادق .. والصديق
وســتى أم ســلمه
الطالبنى ســطيه
يسّـــطو سطيه
يرميهو أم فندكــيه
بركة 114 ســوره
نسمعه بصمت وعندما ينفجر أحــدنا بالقهقــهات
يلعننا بأعلى صوته
يا شـــنو ماعارف ...
غايتو جنس كلام
الله يرحمك يا جــدى
وفيما يخص زيارتك
بقرالك كفى
وحترب قهوة كيفنا اليابس
ودعاتك خطّــن
سيرة البحر الصافى
قعدن فوق التبر اللامع
فترن من كم قصه
وقالن :
سَـــبح وربــح
....
...
.
مبروك عليك
الجاى بالروى
من بعيد
مبروك عليك الفرح
سعيد بيك ..
| |
|
|
|
|
|
|
| |
محمد حيدر المشرف
abubakr
ابو جهينة
هاشم أحمد خلف الله
مجدي عبدالرحيم فضل
د.محمد حسن
هند محمد
mohmed khalail
bushra suleiman
الفاتح الجنيد
خضر حسين خليل
سلمى الشيخ سلامة
أبوذر بابكر
ماجدة عوض خوجلى
حسين محي الدين
فيس بوك
تويتر
انستقرام
يوتيوب
بنتيريست