|
|
 إختار ليك ميتة!!
|
إختار ليك ميتة!!
عاوز تموت من الحسرة؟
- ياتتفرج على نواب الشعب وهم يمارسون (فضيلة الصمت) تجاه مشاكل المواطنين
- يا تتفرج عليهم وهم يمارسون (حق) الكلام عن (زيادة مخصصاتهم)
عاوز تموت مفرووووس ؟
- يا تقرأ لذلك (الكاتب) الذى يكتب (عموداً يوميا) يعدد فيه حسنات وإنجازات (الحكومة)
- يا تسافر عن طريق أحد شوارع (الموت) التى لا تصلح حتى كشوارع (داخلية)
- يا تخرج فى مظاهرة (سلمية)
عاوز تموت بالسرطان ؟
- يا تتناول الخبز المحسن (بالبرومايد) الذى يباع (عينى عينك) أمام نظر السلطات
- يا تتناول (المواد الغذائية) منتهية الصلاحية المفروشة (عينى عينك برضو) على الأرض فى
الأسواق .
عاوز تموت من الغيظ ؟
- يا تستمع لتبريرات (الحكومة) فيما تختص بقوات (الهجين).
- يا تستمع لتبريرات (الداخلية) حول إطلاق النار على المواطنين فى (كجبار) .
عاوز تموت مغبون ؟
- يا تقارن بين قيمة (معاشك) وعدد السنوات التى قضيتها فى الخدمة المدنية .
عاوز تموت م الجوع؟
- ياتنتظر (الدولة) توفر ليك (شغل) تسد به رمقك.
- يا تحرى ليك (قريشات) من (بيت مال المسلمين).
عاوز تموت من الهبل ؟
- يا تستمع لما تبثه (الإذاعة والتلفزيون) من إعلانات (ساذجة)
- يا تستمع لإحدى المذيعات فى احدى محطات الإف إم FM
عاوز تموت مرعووووب ؟
- يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة والتى تجاوز عددها 47 حسب شهادة مسئول كبير.
- يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
عاوز تموت من الضحك؟
- ياتقوم تتذكر إنو نحنا (دولةبترولية)
- يا تقوم تتذكر أيام قبل ما يتم (إنقاذنا)
عاوز تموت مليونير؟
- يا تكون مسئول وعندك (بيزنس).
- يا تكون عندك (بيزنيس) وقريبك (مسئول) .
عاوز تموت من الإندهاش ؟
- يا تسأل روحك (مرتبك ده مكفيك إنت والأولاد كيف؟)
- يا تسأل روحك (المسئول ده عمل العمارات دى) من مرتبو كيف؟
عاوز تموت من الحزن ؟
- يا تعود إلى البلاد من أى سفرية (خارجية) وتقارن بيننا وبين الناس البره
- يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
عاوز تموت على الحديدة ؟
- يا تعمل ليك مشروع تجارى و(يتشالبوك الجماعة)
- يا تدخل ليك مرابحة مع (بنك إسلامى)
عاوز تموت قبل يومك ؟
- يا تقوم بإجراء عملية جراحية (دقيقة) فى احدى (المستوصفات الخاصة).
- يا تقوم بإجراء عملية جراحية (غير دقيقة) باحدى المستشفيات (الحكومية) .
عاوز تموت من الإستغراب؟
- يا تشوف مواطن عاوز يعمل ليهو عملية تتوقف عليها حياتو (بشهادة الأطباء) وديوان (الزكاة) يديهو (ملاليم).
- يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
عاوز تموت من الزهج ؟
- يا تنتظر الكهرباء المقطوعة (من الصباح) تجى راجعه.
- يا تنتظر دورك الـ 96 فى عيادة الاخصائى الكبير !
عاوز تموت مخنوق؟
- يا تقيف فى صف العربات الطويل المتوقفة فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
- يا تكون واقف فى (صف دفع الجمرة الخبيثة) يوم نهاية (الدعم)
عاوز تموت مليونير؟
- يا تمارس (تنزيل) يا تكون قريب (وزير)
عاوز تموت وفى نفسك سؤال ما لاقى ليهو إجابة؟
- يا تسأل عن (خلوها مستورة دى لمتين ح تكون مستورة) يا تسأل روحك (طيب ليه ما يخلونا فى الصورة) ؟
عاوز تموت مبسوط؟
- (صدقنى) يا بتحلم يا ........ بتحلم
كسرة :
لو عاوز تموت فى حالك أعمل نفسك دايما....مش واخد بالك !!!!
|
|
 
|
|
|
|
|
|
|
 Re: إختار ليك ميتة!! (Re: elameen)
|
الأخ الأمين
إضافة:
قريت موضوع إختار ليك ميتة للأمين جبارةالله
يا تموت من الضحك على المفارقات الفيهو  يا تموت من الضحك على شر البلية
أسعد الله قلبك مع عاطر التحايا
| |
|
|
|
|
|
|
|
|
|
Re: إختار ليك ميتة!! (Re: elameen)
|
اخي العزيز الأمين تخيل ما قدرت الاقي لي ميت من ميتاتك دي , لاني كنت في السودان خلال اجازة الصيف هذه وقفدت الذاكرة في السودان , يعني مجنون عديل كده والجن اخير من الموت بإسلوبك وطريقتك دي !!!
لكن بس بدعو من ربنا يورينا يوم في جماعة الانقاذ ديل والكيل بمكيالين , ياخي ديل كرهونا اي حاجة
حتي الإجازة كانت زي الخدمة الإلزمية .
شكراً ليك كتير يا الأمين والله الواحد إلا يشوف ليهو بلد تاني غير السودان ده ونشوفهم حايعملو بيهو شنو ؟؟؟؟؟؟
| |
|
|
|
|
|
|
|
|
|
Re: إختار ليك ميتة!! (Re: هاشم أحمد خلف الله)
|
Quote: اخي العزيز الأمين تخيل ما قدرت الاقي لي ميت من ميتاتك دي , لاني كنت في السودان خلال اجازة الصيف هذه وقفدت الذاكرة في السودان , يعني مجنون عديل كده والجن اخير من الموت بإسلوبك وطريقتك دي !!!
لكن بس بدعو من ربنا يورينا يوم في جماعة الانقاذ ديل والكيل بمكيالين , ياخي ديل كرهونا اي حاجة
حتي الإجازة كانت زي الخدمة الإلزمية .
شكراً ليك كتير يا الأمين والله الواحد إلا يشوف ليهو بلد تاني غير السودان ده ونشوفهم حايعملو بيهو شنو ؟؟؟؟؟؟ |
المشكلة يا اخي هاشم الواحد عندما يود ان ينزل اجازة تجده اشد الشوق الى ذلك لكنها يصددم باشياء ويندم على نزوله اجازه.... وتعاد الكره ثانيا ويقضي فترة في بلاد الغربة لكنه يتشوق ثانياً.. نقول ربنا يلطف باهلنا في السودان..
تحياتي
الامين
| |
|
|
|
|
|
|
|
|
|
Re: إختار ليك ميتة!! (Re: elameen)
|
Quote:
عاوز تموت مفرووووس ؟
- يا تقرأ لذلك (الكاتب) الذى يكتب (عموداً يوميا) يعدد فيه حسنات وإنجازات (الحكومة)
|
لا يا صديقى داى اسمها
ميتة وخراب ديار!
ميتة اليابانى!
أجارك الله منها!
متخصص فيها ود الزومة!
جنى
| |
|
|
|
|
|
|
|
|
|
Re: إختار ليك ميتة!! (Re: jini)
|
Quote: لا يا صديقى داى اسمها
ميتة وخراب ديار!
ميتة اليابانى!
أجارك الله منها!
متخصص فيها ود الزومة!
جنى |
والله يا جني كل الميتات عندنا في السودان ود الزومة والياباني ده زاتو يكونوا جابهوا من عندهم
تحياتي
امين
| |
|
|
|
|
|
|
| |
أشرف البنا
هاشم أحمد خلف الله
jini
فيس بوك
تويتر
انستقرام
يوتيوب
بنتيريست