|
|
|
 Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: Tragie Mustafa)
|
شكرا لك أختي العزيزة تراجي على فتح البوست وعلى الدعم . وهو تعبير عن شعور خاص يجمعنا نحن أبناء مدينة بورتسودان وشرق السودان .
أدرك تماما الظلم والتبخيس المخل الذي نتج عن حسابات غير إبداعية ولا علاقة لها بالإبداع في مسابقة أمير الشعراء بأبي ظبي . وكان ذلك الظلم وجها من وجوه الإنحياز الدعائي بحسب المثل الإنجليزي  الذي يدفع هو الذي يقرر الأغنية)ففي ظزني أن التقييم الحقيقي في نتائج مسابقة أمير الشعراء كان يفترض أن يكون عكسيا تماما إبتداء من الآخر إلى الأول .
لكن صاحب القناة ومقدم البرنامج ذكر في أول حلقة من هذه المسابقة أن الإنحياز سيكون للإبداع فقط ... أتمنى أن يكون ذلك صحيحا .
كما أشكر كل الأخوة المتداحلين في هذا البوست ، دون التعرض للنوايا
فصاحب هذه السطور أصلا لم يدخل إلى هذه المسابقة بأوهام كبيرة أو رغبة في شهره ـ قد لا يكون في حاجة إليها ـ وإنما تطبيقا لمبدأ ظل يؤمن به وهو : أن (إكرام الشعر نشره) ، تماما كما أن إكرام الميت دفنه !!؟
مودتي للجميع
محمد جميل
| |
 
|
|
|
|
|
|
|
|
Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: Imad Khalifa)
|
تناص بين الوجه والقناع
قال : (أمنكم الحوفزان بن شريك قاتل الملوك ، وسالبها أنعمها ؟
قالوا : لا ... قال :ـ فلستم من ذهل الأكبر)
كتاب : " سبائك الذهب"
ــــــــــــــــــــــــــــــــــــــــــــــ
ياحوفزان *:
هاهم بنو شيبان قد شربوا
صقيعَ الصمت إذ رفعوا شعاراتِ المسيحْ
الليل أوصد كوّةَ الشفقِ الشحيحْ
وهناك خلف نهارك الأبديِّ
زحفُ هياكلَ الموتى على الوطن الكسيحْ
كيف ارتحالك في حِمى الرومان حين
تكون أقنعة المنايا السودِ
خلفك كالرّديفْ
وعلى المضارب خيمةُ الوطنِ المسجّى
في المدى .... تتناوحُ " النَّخوات "
" يا ذهلا " وترجع كالثرى
الصادي إلى المطر العنيفْ.
هذي يمينك يا أبا الفرسان ...
صائلةٌ ودونك من دمِ " الشُّذاذ "
محجمةٌ تقطّع تحت جسر الموتِ
أوردةَ النـّزيفْ
كيف التفاتُك من رجيم الغيب للوطنِ
المسجّل في المطارات البعيدةْ
جسدٌ تعجُّ قبائل الدنيا بساحته
وخيمته طريدةْ
أو كلما وليتَ رحْلكَ شطَّ ماء الرومِ
غرّبَ وجهك الصيفيُّ يلهثُ في السرابْ
وتظلُ في الدنيا تغادرُ سيفكَ
المكسورِ من بابٍ لبابْ
ترنو إلى الحًُلمِ الذي أكلت
حشاشته بنو يعقوب كاللحّم
المذابْ
" سالومي " ترقص فرحة الموتى
على الشرفات من فرط الشرابْ
وهناك في شرخ الشبابْ
وطنٌ يمدُّ الموتَ أشرعةً تعانقُ
سكةَ الأبدِ الطليقْ
خنقت نسائمه رياحُ الصَّيفِ
حين تلوّن الأفقُ الصّفيقْ
* * *
يا حوفزان
ها أنتَ تُسْرِجُ حافراتِ الرّيحِ
في جسدِ الغيابْ
تهتز في الصَّهواتِ بين مضارب
الدنيا وأقْبية السّحابْ
ترجو المواعيدَ التي صدأت
وخلّف رعدُها المأمولُ
رقْرقةَ السرابْ
أو كلما فجعت شُهودكَ
دمْدَماتُ الرّعبِ تجْهَلُ
ما تريدْ ؟
ترنو إلى الشهداء خلفَ نوافذ
الموتى وتقبعُ في شبابيك العبيدْ
نفقت خطاوي السلم تحت
سنابك الصَّلفِ العنيدْ
وبقيت وحدك في الصَّقيعْ
خلفَ التماثيلَ التي شربت كؤوسَ
حليبك الصَّافي وأهْرقَتِ النَّجِيعْ
كيف التجاؤك ...
حين تفرُّ خيمةُ " هانئ "** المغدور
في المنفى على الوطنِ الصَّريعْ
كيف احتلابُك ثأرَ من قُتِلوا
بأبقارِ الرَّبيعْ
* * *
ياحوفزان
يا سيِّدي يا سيد الفرسانْ
تقطَّعتْ يداي دونَ سيفك الكسيرْ
ونابَ عن قتاليَ اللِّسانْ
ها هم بنو شيبان يحلبون من
شياهنا المغُيرْ
ويرقصون في الدِّمقسَ والحريرْ
ترَّهلَ الطُغْيانُ في خيامهمْ
والليلُ في المصيرْ
والثأرُ في أشعارهمْ
أنشودةٌ للحالمِ الغَريرْ
...................................... ينبع البحر 2001
ـــــــــــــــــــــــــــــــــــــــــــــــــــــــــــــــــــــ
عن صحيفة الحياة اللندنية 20/6/2001
* الحوفزان = من أبطال معركة ذي قار في الجاهلية
** هاني بن قبيصة الشيباني الذي كان السبب في ثبات بني شيبان يوم ذي قار أمام الفرس حين نصب خيمته في قلب المعركة وقال قوله الشهيرة: (والله لا أفر حتى تفر الخيمة)
| |
|
|
|
|
|
|
|
|
 Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: خالد الطيب أحمد)
|
Quote: ومن جميل يا اعضاء وقراء
هو ابن الشرق وابن بورتسودان
وقريب لمبدعنا الراحل ادريس الامير.
رجل وطني ومستنير وقلبه على الشرق خاصه و السودان عامه. |
أهــا شفتي يا الغطستي حجر الزاوية زاته .. شفتي عشان متسنير بتاعتك دي .. أنا جميل دا ما ح اديهو صوتي وهو قاعد معانا هنا يسمع في كلامي دا .. ودا سبب
والسبب التاني لما تجي تقدمي ليك زول لي حاجة بيمثل فيها السودان .. تكتبي السودان من غير ما تحددي لينا منطقتو وين .. .. وتجيبي لينا شهادة بحث من اللجنة الشعبية بتاعتكم في تورنتو ويكون موقع لينا عليها شهودين وباصم عليها (استيف) من الغرب الأمريكي .. وممهورة بي ختم الأمير الكوشي (بشاشا).. مش احتمال يطلع الزول الجايباهو لينا دا عندو مشكلة مع الجلابة .. ؟
أان من ضمن سياساتي للعام المنصرم . والبعد المنصرم صوتي دا ما بديهو لي اي زول عندو حساسية مع الجلابة ..
أقول ليك حاجة..؟:
امسكو الخشب بعد كدا وأرجو الراجيكم.. والحشاش يملى شبكتو بس خلو رمضان الدخل العضم دا .. ينتهي ..
بعدين للحظ السعيد شايف .. الولد خالد الطيب عصام أحمد (اللهم اني صائم) .. جاي وعايز كمان نصوت معاهو في سرج واحد ..
هوووي هــا .. إنت ما قالو عندكم عيد وعندكم كيته .. أهـا خالاتك وخيلانك الفي (تل ابيب) كيف مع العيد دا .. إن شاء الله يصوموا ويفطروا على خير .. مع العيد دا ..
المهم..
شنو عليك الله الخليني انا القدامك دا .. اجي ادي صوتي لي (محمد جميل أحمد) .. واتضامن معاك إنت وخالتك تراجي بي ربطة المعلم ..
إنت بدورك .. حقو تنقز كدي وتسحب رجولك .. وتجيب لينا كمان شهادة خلو طرف من اي مكان إنو الزول دا ما عندو اي (لبط) مع الجلابة .. وما بستعمل كلمة جلابة .. وأهم حاجة ما يكون ( بيحلم ) كتير .. ملاحظ لي بيحلم كتير دي يــا (اللهم اني صائم)..؟
ورونا محمد جميل دا تبيع ياتو منتخب في منتخباتكم دي .. عشان نعرف لما نصوت صوتنا دا ح يمشي وين..؟
قبل رمضان قلت ليك إنت البتريديهو .. بتحمريهو وتديهو (قلبه) .. والبتكجنيهو .. بتحمريهو وتديهو (للكلبه) ..
يا محمد جميل .. والله الواحد بيحب يدعم أي زول في الدنيا دي بيعمل في حاجةن علشان السودان .. لكن المسالة مسالة مبدأ ليس إلا ..
الناس الفوق ديل قبل فترة كانو متبنيين حملة مارسوا فيها كل انواع الجهل والانحطاط اللغوي .. وطول اللسان .. في ناس جات جاريه ساكت وما عارفه الحاصل شنو .. والواحد مط لسانو مترين في ظل السياسة بتاعت مط اللسان الحاصلة هنا دا .. هو اصلو اي واحد كان ما مط لسانو وطولو .. وجا بما هو غير معقول ..بيفتكروا أنو ما من الهامش ..
واللا رايكم شنــو يا مهمشين إنتو ..؟
اللهم اني صائم ..
| |
|
|
|
|
|
|
|
|
|
Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: محمد جميل أحمد)
|
| Quote: أدرك تماما الظلم والتبخيس المخل الذي نتج عن حسابات غير إبداعية ولا علاقة لها بالإبداع في مسابقة أمير الشعراء بأبي ظبي . وكان ذلك الظلم وجها من وجوه الإنحياز الدعائي بحسب المثل الإنجليزي الذي يدفع هو الذي يقرر الأغنية)ففي ظزني أن التقييم الحقيقي في نتائج مسابقة أمير الشعراء كان يفترض أن يكون عكسيا تماما إبتداء من الآخر إلى الأول . |
يا استاذ محمد جميل .. طالما الكلام جاب الكلام:
حبيت اوضح ليك نقطة صغيرة .. طالما الإعلان عن دعمك جاي مباشرة بي بوست من السيدة تراجي والبعتقد انها ما أن دخلت في حاجة وإلا غطست حجره ..
في معرب ردك عليها ذكرت ما اقتبسته أعلاه .. ودي ما المشكلة .. المشكلة بدأت من هنا ـ عندما قاد هذا الفصيل حملة منظمة ضد الشاعرة روضه الحاج بحجة انها انقاذيه .. بل تم مهاجمة العديد من العضوية هنا في بوستات خصصت لمثل ما خصص لك الآن ..
يعني بي وضوح .. إنت بتتكلم عن ابداع .. وعن شاعرية . وعن نظام تحكيم .. والشلة دي كانت بتتكلم عن ايدلوجية .. والادهى من كدا شنو ومضحك .. جابت ليه تصنيف عرقي كمان من ست البوست دا .. وحسع برضو شايفه برضو مصنفاك عرقيا..
يعني روضه الحاج قالت .. أنو امها من عندهم من الغرب .. وقالت برضو ما بتدعمه .. جو واحدين قالو لي روضة هنا عاين لي وشك في المراية .. وكان بشاشا في اصلو ما كان اتورع في انو يقول ليها .. إنت قاكرة نفسك عربية يا (خادم) .. زي ما قال لي واحده زميلتنا هنا محترمة واختنا وسمعه ليها بالفم المليان وسكتت هنذه التراجي .. وهذه الشلة الجاية الآن .. تفتح بوست علشان يصوتو ليك ..
والله يا استاذ جميل ربنا يسهل ليك .. وللاسف الشديد لكل المغالطات الفوق دي .. اسمح لي اقوله ليك هنا قدامك .. ما ح اقدر اصوت ليك .. علشان عدة اسباب من ضمنها .. تراجي .. وتابعها عصام أحمد خالد الطيب ( اللهم أني صائم ) وما قاموا به هنا وما يقومون به هنا من شق للصفوف .. وتصنيف عرقي سمج ..
وصدقني طالما ديل اتولوا الموضوع دا .. الله يسهل ليك .. على الاقل في اصوات البورد دا .. إلا ما فتح الله ..
معليش يا محمد جميل .. الواحد احيانا بيكون حاسي أنو لازم يركب ليهو موجه مع موجاتيه علشان يتعايش معاهم .. على قدر معطياتهم ..
| |
|
|
|
|
|
|
|
|
|
Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: بكري اسماعيل)
|
Quote: ومادام يشارك بإسم السودان
فدعونا نصوت له بعيداً عن أي تشنج .. |
يا بكري الكلام دا قلناهو زمان .. لكن بتتذكر الاسمو خالد دا والاسمها تراجي ديل عملو شنو هنا ..
شفت طولة اللسان بتاعت الاسمو خالد دا كانت عامله كيف ..؟ وكمان جابت ليها شتيمة ...
علشان كدا انا عايز مرة واحده بس اتخلى عن سودانيتي دي .. وأدخل معاهم في حتة ضيقة جدا .. والمنبر دا مليان ارشيف .. وعلشان يعرفوا أنو الكلام الفارغ البقولوهو دا بيضر بي اي زول هنا .. وطالما هم راكبين ليهم وهم بتاع موجــه .. البيضر شنــو .. أننا نركب ليهم موجه مضاده على الاقل في البورد بتاع بكري ابوبكر دا ..
فعلا باقي تلاتة ساعات .. لكن على خفيف نشوف مويتهم شنو الجماعة ديل..
بعدين لاحظ معاي زي التعليقات دي .. هل في واحد ممكن يتجرا الآن ويكتبه لي الاستاذ محمد جميل دا .. لو في اي ملامح رضا خلونا نكتب .. اهو سد . دين قديم جدا للقايمين على أمر النضال والتصنيف العرقي في البورد دا .. خالد الطيب / عصام أحمد ( اللهم إني صائم ) والشلة التابع ليها ..
..
Quote: إنشاء الله تجي الطيش..ما حا أصوت ليها..لأنها لا تمثلني..
وسأصوت لغيرها..فيقيني أن هناك من هم افضل منها..
وأكره من هم مثلها من الشعراء والهواة..مطبلاتية الأنظمة الدكتاتورية.. |
شوفو العواره دي عليكم الله .. وبعد دا جات قبال الطيش .. صوّتوا للشاعرة روضة الحاج في مسابقة قناة أبوظبي
| |
|
|
|
|
|
|
|
|
|
Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: Tragie Mustafa)
|
الأخت تراجي
سلام ومحبة
سبقتيني بكتابة هذا البوست ، واشكر لك هذا العمل الذي حمل عني عبئاً ثقيلاً وهي مهمة التبشير بشاعر وسط هذا الزخم المريع وفي ظل إنعدام الوقت الكافي للكتابة والمتابعة ...
محمد جميل من الشعراء المميزين ومن الكُتّاب المجودين وأعتبره قامة سامقة لم يتعرف الوسط الفني والشعري في السودان عليها بعد ، رغم أنه يكتب في كثير من الصحف العالمية والعربية والسودانية وينشر مقالاته وأشعاره على مواقع الأنترنت المختلفة
فلنقف مع هذا الشاعر الذي يمثل السودان
التوصيت عبر الSMS يكون بكتابة رسالة قصيرة بالرقم 6 (الرقم 6 الخاص بالأخ محمد جميل) تسبقها كلمة رشح أكرر كلمة رشح (راء شين حاء) لتصبح الرسالة كالتالي:- (رشح 6) أو كلمة Vote 6
وتقوم بإرسالها للرقم المعني في البلد الذي تقيم فيه مثلاً للسعودية (ترسل لارسالة للرقم 6436 لمستخدمي شبكة موبايلي و84408 لمستخدمي شبكة سوا والجوال )ساعود لتبين الأرقام لكل دولة ...
بدأ التصويت يوم أمس الساعة الثالثة ظهراً بعد الحلقة ويستمر لمدة أسبوع حتى يوم الثلاثاء القادم موعد الحلقة القادمة
| |
|
|
|
|
|
|
|
|
|
Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: وليد محمد المبارك)
|
شكرا لجميع الإخوان الذي دعمو هذا البوست
شكرا تراجي ، خالد الطيب أحمد ـ رأفت ميلاد ـ عماد خليفة ـ تمبس (ياتمبس لك الخيار)
بكري اسماعيل ـ محمد سليمان ـ حيدر حسن ميرغني ـ صديق رحمه ـ وليد مبارك
شكرا لكم جميعا من كل قلبي
أخي تمبس من حقك أن أن تختار أو لا تختار ، طبعا، لكني أظن أن ليس علاقة بين قرارك نحوي في الحالين ، وبين خلافك مع تراجي وخالد .
عزيزي حيدر حسن ميرغني ما زلت كريما وخلوقا ومحبا لإشاعة التواصل المعرفي بين الآخرين من موقع النبل والروح الوطنية
محمد سليمان شكرا على تفهمك الجميل لموقفي من الجميع .
وليد مبارك شكرا لتمنياتك ودعواتك الطيبة
محبتي للجميع
| |
|
|
|
|
|
|
|
|
 Re: أدعموا اخوكم عضو البورد الشاعر (محمد جميل احمد) بقناة المستقله في مسابقة( شاعر العرب) (Re: الطيب شيقوق)
|
يا استاذ شيقوق سلامات ..
Quote: ومن جميل يا اعضاء وقراء
هو ابن الشرق وابن بورتسودان
وقريب لمبدعنا الراحل ادريس الامير.
رجل وطني ومستنير وقلبه على الشرق خاصه و السودان عامه. |
.. لم اعلق على رد تراجي لرأفت ميلاد أو غير رأفت ميلاد .. فلهم حرية أن يردوا بالطريقة المناسبة معهم لطالما هم من بادروا بعدة بوستات توجهت من هنا ضد الشاعرة روضة الحاج .. التي كانت تنافس بأسم السودان .. واستندوا على اثباتات مخجلة ..
أما ما يتعلق بعنصرية وجهوية تراجي .. فلا احتاج أن تخبرني عنها يا استاذ الطيب أو غيرك في هذه المساحة .. ما تكتبه تراجي عن الجهوية .. والتصنيفات العرقية لا احتاج أن يخبرني عنها غيرك أو أنت .. هناك بوست خاص ابتدرته هذه التراجي تتحدث فيه عن والدة روضة الدارفورية .. وأبوها الجعلي .. في بوست مخجل .. مالنا نحن وأمها وابيها وجدهــا ..؟
ومال هذا التصويت هنا .. ببورسودان محمد جميل .. أو الشرق .. أو الوسط .. أو كل ما جاء في اقتباسها أعلاه ..
إذا كنت لا ترى في خطاب تراجي ما أراه أنــا .. فهذا من حقك .. لكن ليس من حقك أن تريني كيف افرز جهوية تراجي من عدمهــا .. وفي النهاية كلنا لنا حدود الرؤية المتاحة لنــا ..
..
| Quote: أخي تمبس من حقك أن أن تختار أو لا تختار ، طبعا، لكني أظن أن ليس علاقة بين قرارك نحوي في الحالين ، وبين خلافك مع تراجي وخالد . |
.. يا استاذ جميل اشكر لك تفهمك لوجهة نظري .. ولو بحثت في مكان آخــر لوجدتني كتبت عن ما يتعلق بهذا الأمر .. مع استبعاد هؤلاء النفــر (خالد + تراجي) حسب قناعتي التامة بأنهم لا يصلحون أن يتعاطون أي شئ يتعلق بالسودان .. أو شعب السودان .. هذا استنادا لما نراها لهم هنا من ممارسات ..
هذه التراجي صرحت انها لا تقتنع بعلم السودان في حد زاته .. فكيف لي أن اتبع ملتها .. أو ملة هذا الخالد .. الذي فعل وفعل .. وكتب وكتب ضد إنسان السودان .. الذي لا ينتمي لعرقــه الذي يحسه في دونيه ذات تدعو كل صاحب ضمير واعي للوقوف امامه بشده لتدمير ما يمكن تدميره من اجندة يحاولون تمريرها هنا هم ومجموعة ضخمة ما يطلقون على انفسهم ابناء الهامش .. وهم لا يعلمون ان السودان كله اصبح هامش .. في هامش ..
..
.
| |
|
|
|
|
|
|
| |
Tragie Mustafa
رأفت ميلاد
Ahmed Abdallah
محمد جميل أحمد
Imad Khalifa
tmbis
Mohamed E. Seliaman
حيدر حسن ميرغني
Sidig Rahama Elnour
وليد محمد المبارك
الطيب شيقوق
hamid hajer
فيس بوك
تويتر
انستقرام
يوتيوب
بنتيريست