|
|
|
 Re: فجـراوى (Re: ود العجمى)
|
تعال قص البلد وارجع
تعال قص البلد وارجع
تعال ادي الغبش طلة
بقالا اليل غطى ومقنع
سترتك يا صباح الله
ضراعك مدو لي رضع
ضروع اماتا قطن قط
مراكب شوفا لا مشرع
ولا بان في مداين شط
تعالنا نحن من شفع
نفك الحيرة بي حيرة
متين ما الليل نصن
نسمع وراء الاهات غلب نوره
ابوى قالولنا جيبن ده
صباحات الله بخيرها
تويب امي الزمن هدا
صباحات الله بخيرها
وصباحات الله لاقيتا
لا كراسا لا قلما
صباحات الله لاقيتا
ململم في العيون الما
صباحات الله لاقيتا
تليس في شقوق بيتا
صباحات الله لاقيتا
وشيها عليهو ورتابه
صباحات الله لاقيتا
رمت للمعزه ورتابه
تودي الترمه للبقرع
تباصر وكم رجه اتقطع
مكان خليتا تتوجع
اكان لاقيتا في مستشفى
في طندايا جامع سوق
محطة ملمة اكان في بيتا أو مصنع
صباحات الله ما انتو
شنو الخايفينلو يا فقرا
شنو الداخرنو في متره
دقيقاً ما يفك الريق
سمكة مافي في بحرا
شديراتن بقت حطبها
تمرة ما تفك طلبها
بيوتا جنها المطره
| |
 
|
|
|
|
|
|
|
 Re: فجـراوى (Re: ملكة سبأ)
|
هووووووي ياعنصرية بلاش حركات بقوم هس ارسل لنك لبقال
الملكة اشتقنالك ياصاحبة اجمل بوست (حش التمر)
فجراوي من غير لعمر ادريس اتلاشي غاب
| |
|
|
|
|
|
|
|
|
|
Re: فجـراوى (Re: ود العجمى)
|
ودالعجمى
ياحنين
حياك الغمام
مالك على ياخ .....
الخواجه مجارطنى والدنيا مقلبنه
...فجراوى كان ببكى وشاف نفسو قبل يومين فى برنامج البيت السعيد فى التلفزيون ...كانت الحلقة تحكى عن عذاب الطفولة
وعمل الاطفال احباب الله, والوجع الانسانى الذى يدفعهم للشوارع ,والاسواق, والافضل حالا للمناطق الصناعية حيث نيران اللحام تلهب جلود الكباروكيف مع الصغار؟,وطرق االشواكيش الذى يتلف السمع,وطعنات المفكات التى تدمى الايادى الصغيرة...زمان كنا شوية اطفال ذهبنا فى هذا الطريق الدامى الحزين والسبب هو نفسه..... الفقر, وقسوة الحياة وظلم الحكام . الان ياحبيب ...العدد مخيف والعيون براقة ,والألم كبير ياود العجمى .والدنيا فى القرن الواحد وعشرين ؟
واحد من الاولاد لخص بتعابير وجهه البرئ كل فظاعة هذا العالم الذى يجبره وهو الطفل ان يعمل قبل ان تنقضى سنين الدهشة الاولى ..وان تتحول احلامه العذبة الى كابوس مرعب اسمه الشقاء
أخ ...
ويسال منك الخير
الملكة ..يا ملكه
لوصف الغيوم على ان اسرع كثيرا ,فبعد هنيهة لن تكون ماهى عليه ...ستصير أخرى.....(شيمبوسكا)
شكرا وشجرا جميلا على القصيدة
العزيز ابويسرا
ولو حنيت لعهد الشوق اجيب من وين عمر تانى ؟
شكرا جزيلا
| |
|
|
|
|
|
|
|
|
|
Re: فجـراوى (Re: ود العجمى)
|
Quote: ولو حنيت لعهد الشوق اجيب من وين عمر تانى ؟
|
ياهو ده السؤال
لو ماقدرت يا عمر تجيب عمر تاني وما ح تقدر
ضع آمالك في الحياة الأخرى
وحسن العمل
وكرب الأداء
عسى أن يبل الله شوقك في آبري لقيا
كتر خير ودالعجمي الفقدك
وكتر خير قصيدة ملكة سبأ النكتتك من جب الغياب
وكتر الف خير ابويسرا المعذبك بالشوق العظيم وتمام الفقد
يا رفيق
{ الليل طوييييل طولن يجنن }
| |
|
|
|
|
|
|
|
|
|
Re: فجـراوى (Re: أبو ساندرا)
|
الخواجة بتاعك دة يافجراوي انت رامي اي شي عليه!!!!
جيت جيت ماجيت بنعذبك باغانينا الحنينة ونخليك تذرف الدموع وانا عارفك حنين
| |
|
|
|
|
|
|
|
|
|
Re: فجـراوى (Re: ابو يسرا)
|
ود العجمي .. ابويسرا ... والملكة
والزول السمح عمر ود ادريس ..سلام
تعرف يا محمد عمر ده بكون عسمته الرطوبة
وبقت طقطقت الكيبورد ده ما بقدر عليها
بلبد للراحة ويسويها في الخواجة المسكين
تحياتي للاسرة ورمضان كريم
| |
|
|
|
|
|
|
|
|
|
Re: فجـراوى (Re: ود العجمى)
|
كرهك جابر ياود العجمى كشفت ورقى .....ابوساندراالعزيز شافنى ابحلق فى خشوم الخلق ,ويكون موضوع الونسة عن الحمام الزاجل وانا اتكلم عن ملاح القرع .. فقدر ان هذا نوع من العبقرية ولسان حاله يقول لله فى خلقه شئون .....
اها خم وصر. وادنى معاك.... ياكا دى الناقزلها ؟
ابو يسرا
ياعزيز
مسود وسيف المصرى الله يطراهم بالخير قاعدين فى درابتين جنب نادى الحارة الرابعة,كملوا الونسة والغلاط والبحلقة فى المجهول ..سيف قال لى مسود تتخيل فى قعدتنا جانا أسد انت بتعمل شنو ؟ قالو بنط بالحيطة دى ..سيف قالو بلحقك ..مسود قالو بجرى اطلع فوق راس الاوضة ديك شايفها
سيف قالو بلحقك ...قالو طيب بمشى اغطس فى البحر سيف قالو بلحقك ...قام مسود اتنفض وعاينلو قوى وقالو انعل .... يا حلبى يالوح انت اصلك صاحبى ولا صاحب الأسد ...
دحين انت بدل تفزعنى تخت راسك مع الخواجة الملعون
ياحليلى
الشيخ ياجميل
كيفك والدنيا معاك
هسه كان ود العجمى دا فارقة معاهو ماساكت الغايب انا ولا انت
بعدين
رطوبة ايه ياكابتن ...عليك امان الله فى الكورة بعزلونى اول زول ولا بشارة زاتو بس مرة مرة بودونى فريق العجائز ودى مافارقة لانها لاسباب فنية
لكم جميعا الود والسلام
| |
|
|
|
|
|
|
|
|
|
Re: فجـراوى (Re: ود العجمى)
|
افتكر اني ماطاشة دي حتتنا (الرابعة) وديل اولادنا
بس ملكة سبا دي شكلها راكبة غلط وله شنو يابو نبتة.
| |
|
|
|
|
|
|
|
|
|
Re: فجـراوى (Re: ود العجمى)
|
| Quote: انسان جميل أطرش اصم الأذن . أحوص ولماح . (رازى ونطاح) |
انت يا بكري بتخلف وتشتم براك مالك لو قاصد ( عمر محجوب ) قول عديل
ما تتضارى في عمر ادريس اسع كلامك ده ما واضح قاصد منو .
| Quote: رطوبة ايه ياكابتن ...عليك امان الله فى الكورة بعزلونى اول زول ولا بشارة زاتو بس مرة مرة بودونى فريق العجائز ودى مافارقة لانها لاسباب فنية |
هو زاتو كونك بتلعب كورة ده والله شباب وربنا يحفظك والله نحنا الواحد بقى يتفرج نفسو يقوم
| Quote: ياشيكو كلامك دا لو سمعوه ناس الدريوش وعبد المنعم (الخواجة) |
هو با قيلك الدريويش والخواجة لسع بسمعوا ما ظن .. اتخيل لي لحقوا الزينين عديل.
تحياتي
| |
|
|
|
|
|
|
|
|
|
Re: فجـراوى (Re: ود العجمى)
|
يا شيكو
قال زمان فى السيرة (اللهم أنصر الإسلام بأحد العمرين)
وعطفا على الصفات السابقة فى البوست المكلوم دا .. محل ما تلقى ليك (عمر) ببتخيل فيهو .. الهم الا يكون عمر مهدى
ناهد على ود ريا
ملكة سبأ دى حنديها جواز أمبداوى ...
ابوعثمان
ورينا يا زول وين ضريحك يا جميل
ومرحبتين حباب الشر محل ما بتق
منتظرنك
| |
|
|
|
|
|
|
|
|
|
Re: فجـراوى (Re: ود العجمى)
|
ابوبكر العجمي
انا غايتو ضريحي ودوهو لي في ساقة ناس ملكة سبأ ويكون قريب من درب الترك وبعيد من جوطة البوابير
تحياتي يا شهم
| |
|
|
|
|
|
|
|
|
|
Re: فجـراوى (Re: ود العجمى)
|
العزيز
ابو عثمان
انت ذاتك وين يازين ..ووين شرووم
للليلى مع غربة "السعوديى"؟ نعلهابرضو مادايرى الصبر ..ويا ربّي وين بلدو
لا يبقى شالو قبر ...وراقد مع الرقدوا
لك الود والتحايا
ياللروعة
ناهد على
يابنية.. اتفلحت بالنور ,مهجنة من غناء الاطفال ومن سعف النخيل والنيل
أأأأ خرابة انتى هنى من متين ؟
مرحبتين حبابك
| |
|
|
|
|
|
|
|
|
|
Re: فجـراوى (Re: ود العجمى)
|
| Quote: لو قاصد ( عمر محجوب ) قول عديل |
الشيخ انا برضى قلت كدة ...بس اتذكرت عمر محجوب
شوف الوسامة دى تاريخو نضيف من ناحية سمع
| |
|
|
|
|
|
|
|
|
|
Re: فجـراوى (Re: ود العجمى)
|
ورد الي الان من مصدر موثوق به (فيصل ابوشنب) ان علي الجوكر وحسن خنفس (الراجع من بلاد الغربة بعد 28 سنة) سوف يحيون حفلة في ثالث ايام العيد بنادي الحجير وان هنالك كلمات لاغنية جديدة من تاليف د.السر فشنك .
كما خصصت بطاقات vip للاخوان (شريف)شوشو والاخ عبد الرحيم ابو الكبار.
فمرحبا باخوتي العائدين بعد طول سنين وعقبالك ياعمر حتي نحجزلك بطاقةانت ومسعودفي الكراسي الامامية .
0
0
اناالتقول علي كان لي شهر وله شهريين0
| |
|
|
|
|
|
|
|
|
|
Re: فجـراوى (Re: ناهد علي)
|
Quote: الشيخ انا برضى قلت كدة ...بس اتذكرت عمر محجوب
شوف الوسامة دى تاريخو نضيف من ناحية سمع |
هو فعلاً يا عمر تاريخه نضيف من ناحية السمع وكمان الشوف نضيف خالص لو ما مصدقني اسأل (الصرب)
يا بكري العجمي الزول ده ما تنكتو لينا لبره خليه يجي البوست ده مشتاقين ليه والله
بعدين يا ترنتيني ما تفلع اسع اولاد العجمي ديل وصلوك .. وانا خليني لابد لي فوق راي
| |
|
|
|
|
|
|
|
|
|
Re: فجـراوى (Re: ناهد علي)
|
Quote: ورد الي الان من مصدر موثوق به (فيصل ابوشنب) ان علي الجوكر وحسن خنفس (الراجع من بلاد الغربة بعد 28 سنة) سوف يحيون حفلة في ثالث ايام العيد بنادي الحجير وان هنالك كلمات لاغنية جديدة من تاليف د.السر فشنك .
كما خصصت بطاقات vip للاخوان (شريف)شوشو والاخ عبد الرحيم ابو الكبار.
فمرحبا باخوتي العائدين بعد طول سنين وعقبالك ياعمر حتي نحجزلك بطاقةانت ومسعودفي الكراسي الامامية . |
ناهد علي اولاً البركة فيكم وربنا يتقبل الوالدة واختك ويسكنهم فسيح جناته
كيف حالك ورمضان كريم كيف اخبارك وناس البيت .
الكوامر ده جبتيها من وين يابت الناس ديل لو عملوا حفلة إلى تكون ابيض واسود من الارشيف.
تقبلي تحياتي والاسرة
| |
|
|
|
|
|
|
|
|
|
Re: فجـراوى (Re: ود العجمى)
|
فجرواي وعمر إدريس وناهد علي والحجارة الأصليين أهل الحارة الرابعة كيفنكم ورمضان كريم وانا من زمان أول ما شفتكم عرفت لمتكم السمحة كان العين خلتكم الحيكومة ما بتخليكم تحياتي لكم وعبركم لأهل الرابعة ويا ناهد حاولي سوي ليك قراصة بالتقلية ولا الدمعة وادينا خبر................
لكم الود
| |
|
|
|
|
|
|
|
|
|
Re: فجـراوى (Re: ود العجمى)
|
يامعتز انت اصلها ناهد الجن دي من نيران الدوكا دي مامارقة طوالي في القراريص والدمعات وبعد بكرة فطور نادي الحجير نقبل وين نحن .... ياملكة سبا بحق استخراج جواز امبدويات تعالي ارمي ليك حرف حرفين بس ماتجيبي دقيق سيقا من حداك عندنا قمح بالحيل علي نضيف اليوصفو ليك ابويسرا من طاحونه عمك (السر) .
تخريمة:-
دحين امبدويات الهنا في المنبر دة مامن الرابعةوله شبة ساي .
| |
|
|
|
|
|
|
|
|
|
Re: فجـراوى (Re: ود العجمى)
|
Quote: ورد الي الان من مصدر موثوق به (فيصل ابوشنب) ان علي الجوكر وحسن خنفس (الراجع من بلاد الغربة بعد 28 سنة) سوف يحيون حفلة في ثالث ايام العيد بنادي الحجير وان هنالك كلمات لاغنية جديدة من تاليف د.السر فشنك .
كما خصصت بطاقات vip للاخوان (شريف)شوشو والاخ عبد الرحيم ابو الكبار. |
اى لاحولا
ياناهد
دا كلام عجيب
الله يعلم جانى احساس انو القيامة قامت ,ودلوقت بندهو فينا
الجوكر, وحسن خنفس د.السر -نعل مو سر الختم ود تاج السر- شريف ,عبد الرحيم ابو الكبار ؟
كان كدا نشوف قطر الاحد دربوا وين
امبدويات ياهو ذاتو ..هسع يجيك شايل الصور والبرتكان
| |
|
|
|
|
|
|
|
|
|
Re: فجـراوى (Re: ود العجمى)
|
العزيز
معتز
يسلمك الرحمن من كل بلا ..يازول من ديك وعييك ؟حكايتك شنو تظهر مرة
ومرة املى مع القمرا
لك الود والسلام
وقراصة طيانة بملاح سبروق
| |
|
|
|
|
|
|
|
|
|
Re: فجـراوى (Re: عمر ادريس محمد)
|
ياسلام علي اخونا فيصل اب شنب
شريف سايق ركشة في الصحافة
ابو الكبار تزوج ورزق ولد اسماه توني بلير
السر آس او سر الختم تاج السر عاد من السعودية نهائياً وشغال مدرس
حسن خنفس عاد برضو ومستقر في الرابعة
الجوكر اصبح مديرنادي الحجير وماسكك الرموت كنترول بتاع تلفزيون النادي وحاكم الناس حكم الانقاذ
| |
|
|
|
|
|
|
|
|
|
Re: فجـراوى (Re: ود العجمى)
|
اي لا حولة ولا قوة إلا بالله ود العجمي كيفنك ورمضان كريم وبقن علينا أتنين الكبر ورمضان إنشاء الله طيب ومبسوط ويا حليل الرابعة وناسا الجمليين ............ تحياتي
ناهد علي بطلي الجرسة انا جاي للقراصة في رمضان دة وما تقولي الدقيق زادو الزادوه دة سيقا ما من طاحونة السر وبالمناسبة امبدويات هو الرجل الظريف الراقي زميلنا بالاسكندرية وكنا نسكن سوياً هو ذلك الرجل من الزمن الجميل الأخ عادل ترفس
| |
|
|
|
|
|
|
|
|
|
Re: فجـراوى (Re: ود العجمى)
|
اي لا حولة ولا قوة إلا بالله ود العجمي كيفنك ورمضان كريم وبقن علينا أتنين الكبر ورمضان إنشاء الله طيب ومبسوط ويا حليل الرابعة وناسا الجمليين ............ تحياتي
ناهد علي بطلي الجرسة انا جاي للقراصة في رمضان دة وما تقولي الدقيق زادو الزادوه دة سيقا ما من طاحونة السر وبالمناسبة امبدويات هو الرجل الظريف الراقي زميلنا بالاسكندرية وكنا نسكن سوياً هو ذلك الرجل من الزمن الجميل الأخ عادل ترفس
| |
|
|
|
|
|
|
|
|
|
Re: فجـراوى (Re: ود العجمى)
|
اي لا حولة ولا قوة إلا بالله ود العجمي كيفنك ورمضان كريم وبقن علينا أتنين الكبر ورمضان إنشاء الله طيب ومبسوط ويا حليل الرابعة وناسا الجمليين ............ تحياتي
ناهد علي بطلي الجرسة انا جاي للقراصة في رمضان دة وما تقولي الدقيق زادو الزادوه دة سيقا ما من طاحونة السر وبالمناسبة امبدويات هو الرجل الظريف الراقي زميلنا بالاسكندرية وكنا نسكن سوياً هو ذلك الرجل من الزمن الجميل الأخ عادل ترفس
| |
|
|
|
|
|
|
|
|
|
Re: فجـراوى (Re: ود العجمى)
|
ابو يسرا ، فجرواي ، جنا إدريس ، ناهد علي
شربت الموية وجيتكم ومعليش علي الرونيو دي حاجات الصيام بالله عليكم حدثونا عن الحجير والبلد والحارة الرابعة موطن الرائعيين والعندو الإيميل بتاع عادل ترفس يلكزو زمن طول ما طلا علينا
ورمضان عندنا حار بالحيل .........
تحياتي
معتز
| |
|
|
|
|
|
|
|
|
|
Re: فجـراوى (Re: ود العجمى)
|
Quote: تعال قص البلد وارجع
تعال قص البلد وارجع
تعال ادي الغبش طلة
بقالا اليل غطى ومقنع
سترتك يا صباح الله
ضراعك مدو لي رضع
ضروع اماتا قطن قط
مراكب شوفا لا مشرع
ولا بان في مداين شط
تعالنا نحن من شفع
نفك الحيرة بي حيرة
متين ما الليل نصن
نسمع وراء الاهات غلب نوره
ابوى قالولنا جيبن ده
صباحات الله بخيرها
تويب امي الزمن هدا
صباحات الله بخيرها
وصباحات الله لاقيتا
لا كراسا لا قلما
صباحات الله لاقيتا
ململم في العيون الما
صباحات الله لاقيتا
تليس في شقوق بيتا
صباحات الله لاقيتا
وشيها عليهو ورتابه
صباحات الله لاقيتا
رمت للمعزه ورتابه
تودي الترمه للبقرع
تباصر وكم رجه اتقطع
مكان خليتا تتوجع
اكان لاقيتا في مستشفى
في طندايا جامع سوق
محطة ملمة اكان في بيتا أو مصنع
صباحات الله ما انتو
شنو الخايفينلو يا فقرا
شنو الداخرنو في متره
دقيقاً ما يفك الريق
سمكة مافي في بحرا
شديراتن بقت حطبها
تمرة ما تفك طلبها
بيوتا جنها المطره |
تليس في شقوق بيتا
صباحات الله لاقيتا
وشيها عليهو ورتابه
صباحات الله لاقيتا
رمت للمعزه ورتابه
تودي الترمه للبقرع
تباصر وكم رجه اتقطع
مكان خليتا تتوجع
اكان لاقيتا في مستشفى
في طندايا جامع سوق
محطة ملمة اكان في بيتا أو مصنع
صباحات الله ما انتو
شنو الخايفينلو يا فقرا
شنو الداخرنو في متره
دقيقاً ما يفك الريق
سمكة مافي في بحرا
شديراتن بقت حطبها
تمرة ما تفك طلبها
بيوتا جنها المطره
الحجير نعاين ليها عديل بي فوق البحر
الشايقي
| |
|
|
|
|
|
|
|
|
|
Re: فجـراوى (Re: Al-Shaygi)
|
وهاكم دي من حميد
مساورة
محمد الحسن حسن سالم (حميد )
يا جمة حشا المغبون .. في الزمن الهلاك منجا
تكون حانت مواعيدك .. يكون وقت المطر قد جا
شرق ضو البلد عيدك .. وطابت نسمتو العرجا
نكون يا طيبة تمينا .. وبدينا ولفنا .. غنينا الغنا الراجا
وبدت كاس المودة تلف .. عشق من حلفا لي راجا
ألف في ألف .. حبابك ألف .. إيه يا عنزنا القرجا
يا لـبّانة في الزمن المراحو نشف ..
يا جـبّانة للخوانة .. للعوج البدور ويلف
دميرتنا البتروي جرف
ضفيرتنا وعرش بيتنا .. تميراتنا اللي كانو وقف
أصابعين الرجال رصاص .. صمغ راس البنية سقف
أصابعين الرجال رصاص .. عضم ضهر القضية سقف
تكون دارة الزمن عمرت ..
نكون لمينا في الفاتو
وتكون فاقت ملامحنا وتضاريسنا القبيل غمرت
دغش ساقت بوابيرنا وندت شتلات بعد ضمرت
ضراعيك يا الولد كبرت .. مراعيك يا البلد كترت
خدار .. خدرت
غزار .. غزرت
نضاراً زين
برغم الصيف وصناتو ..
وسموم البين وأناتو
عصافير الجلد قدرت تباصر غيمة منتحرة
تضاير نسمة مندحرة
تضاير الغابة والصحرا
من الغمة وضلاماً شين ..
ومنك يا دقين ننفك .. تكون فكت عقدة الدين ..
عقب سيرة البلد سارت على الدرب العديل والزين
بعد ها الحال بلا مرسال .. يجو العمال .. يجوز الزراع .. يجو الكداح
يجو الناس البخبرو شليل .. وشقيش راح
وقمريتين جناحن دلّ فوق الصاح
من الغفلة وعساكر الليل .. ولي الدنيا الجديدة جناح
صباح نندلّ شدة حيل ... بلدنا وما بنقيف بين بين
فيا خيالة عدو الخيل .. ولي الطيبة البتملى العين
مدى ونياه .. في حز القلب غنوة وآه
حنان بلدو .. وحنين منفاه
يا بت العز .. يا ست الجاه
يا هسع دية .. يا بكرانا .. يا ماضينا .. يا بعدين
نكون كنا .. وبقينا متين
وكيف تكدح مواعيدك مواعيدنا ونساورك وين
| |
|
|
|
|
|
|
|
|
|
Re: فجـراوى (Re: ود العجمى)
|
 صورة سهكها الزمن ...فريق الاصدقاء العريق بالحارة الرابعة بمناسبة إنتصاره على فريق النضال 2 صفر والفوز بكاس رابطة امبدة -التاريخ ماعارفو بالضبط-اها ياجماعة البسوا النظارات وفيدونا الناس ديل منو ,قاعدين وين, والحصل عليهم شنو ؟
ابو يسرى , والشيخ الكرة فى شبكتكم, طبعا ود العجمى إلا كان نبعت ليهو ماكيرسكوب
| |
|
|
|
|
|
|
|
|
|
Re: فجـراوى (Re: ود العجمى)
|
Quote: بعد ها الحال بلا مرسال .. يجو العمال .. يجوز الزراع .. يجو الكداح
يجو الناس البخبرو شليل .. وشقيش راح
وقمريتين جناحن دلّ فوق الصاح
من الغفلة وعساكر الليل .. ولي الدنيا الجديدة جناح
صباح نندلّ شدة حيل ... بلدنا وما بنقيف بين بين
فيا خيالة عدو الخيل .. ولي الطيبة البتملى العين
مدى ونياه .. في حز القلب غنوة وآه
حنان بلدو .. وحنين منفاه
يا بت العز .. يا ست الجاه
يا هسع دية .. يا بكرانا .. يا ماضينا .. يا بعدين
نكون كنا .. وبقينا متين
وكيف تكدح مواعيدك مواعيدنا ونساورك وين
|
شكرا جزيلا يامعتز ..دى واحدة من اجمل قصائد حميد
| |
|
|
|
|
|
|
|
|
|
Re: فجـراوى (Re: ود العجمى)
|
| Quote: العزيز عمر ادريس انت بس اطلع منها برا .. |
العزيز محمدين
ولك الحضور هنا ....
إسمك معضلة الجبر والإختيار مافى شك
وعليك الله شوف جدل الإسم عند درويش
اما انا فاقول لاسمى دعك منى
وابتعد عنى
خذ صفاتك وامتحن غيرى
اختارك الاباء كى يتفاءلوا بالبحث عن معنى
ولم يتساءلوا عما سيحدث للمسمى
عندما يقسو عليه الاسم
او يملى عليه كلامه فيصير تابعه! فاين انا؟؟
الى ان يقول
كنت احاور اسمى !هل انا صفة؟
فيسالنى وما شانى انا
اما انا فاقول لاسمى
اعطنى ماضاع من حريتى
مودتى وكل الاعزاز
| |
|
|
|
|
|
|
|
|
|
Re: فجـراوى (Re: ود العجمى)
|
 ياحليل امبدة والذكريات ...الغنمايات ديل عشنا مع بعض ايام حنين لا توصف..فى عز النوم لو ائنت واحدة, ضاقت او جاها الطلق اقوم جارى زى المجنون وتلقانى معاهامتحزم باصلاح الخطأ,ومرة مرة أنده فى الصالحين ...وشويتين نتحلا- يارب ياما انت كريم- ونقعد نتبسم انا والسخيل او السخيلة .وافرح وانطط لما يجى محمد محجوب الفنجرى من جبل اولياء يساهر معاى ويوصينى قبل النوم صحنى معاك نحلب الغنم سواء "متعة يازول"او يجى موسى خضر ودالجميل شايلو رغايف حارات من الفرن وقبل مايسلم يسال الخرابات ديل فيهن شى ؟ولا نبدأ نقرض ...او يجى عبد المنعم (الخواجة) نص نهار الجمعة ويتاوق من خشم الباب ويصيح ياناس هوى شاى العصر جا؟ولا للليلى, او يظهر عصرا متاخر معلم الاجيال على عبدالحميد "قولها كترى السكر"وتجى العافية تضحك وعلوية,ونعيمة ,وبخيتة, وسميرة,ونجلاء ,ويجوا..على الدرويش, وعزالدين ,وعادل عثمان, وعمر محجوب,وعمر مالك "امام الصرب"واحمدالعربى, وعدلان خلف الله يتبجح شاى لبن ؟نحن فى امقد؟ وحذيفة الجميل,وبشير عبد الصمد............ وعييييييييك لا حولا معقول بس ..الزمن دا انقضى فات ياناس؟ وبعدين معاك ياالسحابة الراحلة فى جوف المسا
| |
|
|
|
|
|
|
|
|
|
Re: فجـراوى (Re: عمر ادريس محمد)
|
| Quote: ابو يسرى , والشيخ الكرة فى شبكتكم, طبعا ود العجمى إلا كان نبعت ليهو ماكيرسكوب |
كورة شنو يا عمر ادريس بتبالغ اسع صورتك المن زمن حقيبة الفن ده يعرفوها ليك
كيف ... بعدين ياخي فريق الانتصار بتاعك ده من زمن توتو كورة ... إلى ترفس غيرو ما اظن زول يحل
طلاسمها لكن يا عمر اظنها من زمن كدارتك البيضاء ديك طاريها لسع .. يا خي نحن كبار لكن ما قدر
كده كمان ... بس اظن الواقف من اليمين ده زكي محمد كرار والقون حيدر ابو علامة والواقف الثالث
من اليسار صباحي الامين والجالس الثاني من اليمين علاء الدين ابراهيم الشيخ .. والله اعلم ... تحت
تحت الزمن داك انت كنت الكوتش .. بعدين ود العجمي الزمن داك بكون لسع بيحبي
مودتي للجميع
| |
|
|
|
|
|
|
|
|
|
Re: فجـراوى (Re: ود العجمى)
|
يا عمر ود إدريس انا ما من الرابعة لكن ايامك الطشن ديل عندي فيها سويعات ويا حليل عمر مالك ومبارك وبكري علي وامير علي وعم علي افندي الفنجري وحاجة شامة وليلي وإشراقة ومصطفي كونج وعدلان خلف الله وآل الفنجري واه يا عبد الحي ربنا يرحمك ويتولاك وراكوبة عمر إدريس والبنيات ناس نبتة زي ضو القميرة.................
زمن وراح يا ود إدريس (الرابعة في انفاسنا).........
| |
|
|
|
|
|
|
|
|
|
Re: فجـراوى (Re: ابو عثمان)
|
مرحبا الزنجي وامبداويات
ترفس فك طلاسم الصورة المروية وهو طبعاص من العصر الجاهلي زمن ناس عليش وكدة
سالت الفاضل محمد خير عند دفعتة في الاصدقاء فقال لي انا جيت بعد ترفس مباشرة او بالاحري حضرنا نهاياته وواصلنا بعده
ود العجمي عمل لمة عجيبة وزاغ
ناهد دخلتو بها لعصر لم تحضرة ونطالب بكري ابو بكر بعمل اشتراك لفيصل اب شنب ليواصل معكم
التحايا للاخ الحبيب امير
ابو عثمان بلاش كلام ناس كلحية دة انت وود العجمي اتكلموا عربي يا اذهبوا للماسنجر
انا والشيخ اولاد دفعة
| |
|
|
|
|
|
|
|
|
|
Re: فجـراوى (Re: ابو يسرا)
|
| Quote: انا والشيخ اولاد دفعة |
أبويسرا اكيد انت قاصد الشيخ المحرق صاااااااااااااح
ياخي انت دفعت علاء الدين وعادل حسنة وتحت تحت قالو احمد
المواطن الدفعة البعدك .
بعدين الفاضل ده من زمن توتو كورة بس عمل ليه 20 شهادة تسنين
ده غير الشهادات المدرسية يعني من زمان (ربيع محمد علي) ما بقدر اقول
ربيع منو ينط علينا واحد يشتكينا لحقوق الانسان ويكون ناطي من النص بالا فهم
انت عارف كان سألته بيقول ليك أنا لعبت مع الشيخ يعني دفعته .. وهو وحاتك بادي
من الدفعة القبل عمر إدريس ( ده كسير ثلج لعمر إدريس وكده)
مودتي
| |
|
|
|
|
|
|
|
|
|
Re: فجـراوى (Re: الشيخ إبراهيم الشيخ)
|
ربيع العب
لو لفيت امبدة دي كلها وقلت غير ربيع العب مافي زول بيعرفه
الشيخ شية يا شيكو حرام عليك
انا وانت لعبنا في رابطة تحت 16 سنة وكنت قاعد تدقنا في الكورة ياراجل بلاش تغيير وتحوير في التاريخ
| |
|
|
|
|
|
|
|
|
|
Re: فجـراوى (Re: ود العجمى)
|
Quote: بس اظن الواقف من اليمين ده زكي محمد كرار والقون حيدر ابو علامة والواقف الثالث
من اليسار صباحي الامين والجالس الثاني من اليمين علاء الدين ابراهيم الشيخ |
الشيخ ياحبيب ركز معانا ياخ
الزول الوحيد الصاح عندك زكي
حيدر ابو علامةوصباحى البجيبهم لينا شنو..بعدين علاء الدين زول فنان ..دا فريق عتالة ساكت واغلبهم حاربوا مع جيش الخليفة...
وفيهم عصام,وبدأ, والبشاقرة,وسعادتنا, والقون مصطفى شنطة, وحسن المسحلب,عمر احمد,وعوض, وسيف "ما المصرى" ومحمد انا ذاتى بخرتو
وفى انتظار صور عادل
وبالمناسبة دى عملتو شنو فى موقع امبدة ؟
http://umbda.piczo.com/
| |
|
|
|
|
|
|
|
|
|
Re: فجـراوى (Re: ود العجمى)
|
 على عبد الحميد امبدة فى انسان الونسة معاهو تساوى الكون يتحدث عميقاوويحلل وينكت ببساطة مدهشة التاريخ, التراث ,الحركة الوطنية الاغانى,الامثال..وتكتمل الروعة عندما يكون حاضرا صديقه ابن امبدةالمثقف الاصيل عبد الحى احمد عباس. لهما المحبة والسلام *ابويسرا يامبدع لقاء صحفى مع العمالقة ديل حايكون حاجة ماتخلص عن امبدة وامدرمان ومما جميعه
| |
|
|
|
|
|
|
|
|
|
Re: فجـراوى (Re: ود العجمى)
|
| Quote: سالت الفاضل محمد خير عند دفعتة في الاصدقاء فقال لي انا جيت بعد ترفس مباشرة او بالاحري حضرنا نهاياته وواصلنا بعده |
ونعل ماصدقتوا... الفاضل بالميت دفعت حسن البطحانى ,وربيع
وكان ما اخاف الكضب يكون لعب مع ناس ابوروف ,وعمك محى الدين
عليه/هم الرحمة
| |
|
|
|
|
|
|
|
|
|
Re: فجـراوى (Re: ود العجمى)
|
شخصيات امبداوية من اجيال مختلفة اثرت الحياة الاجتماعية,والدينية والرياضية والثقافية, بالقرية"امبدة" التى اصبحت من اكبر واهم المدن بالسودان لازم تجيبوا خبرهاوتوثقوا ليها وتسلموا عليها....
نبدا بالجيل الاكبر ومن توفوا عليهم الرحمة وعليكم الله كلكم شاركوا:-
*الشيخ المرحوم عثمان الفنجرى اول من ادخل نظام نقل التراب للبناء فى امبدة عن طريق اللوارى "كومر التراب" وسرعان ماأضاف له بعبقريته الفذه, وحسه الاجتماعى المميز عمل اضافى هو نقل الموتى والمشيعين الى المقابر,وبالعكس. وقد توارث عنه هذه المهنةالعظيمة التى قدمت خدمات جليلةلسكان امبدة ابناء اخيه منهم عبد الوهاب خضر الفنجرى .
*الشيخ دفع الله .. صايم ديمه, مؤسس اكبر مجمع فى امبدة لتدريس القران والذكر توارث طريقته بالاضافة الى ابناءه عدد كبير من ابناء امبدة اذكر منهم على سبيل المثال عبد الوهاب ابو حديد واخوانه,وعبد الرحمن "كيكم".
نواصل
واصلوا
| |
|
|
|
|
|
|
|
|
|
Re: فجـراوى (Re: ود العجمى)
|
عمر إدريس وبكري فتحتوا ليكم كنوز حقيقية
من الصعب الحديث عنها لعدم الايفاء بحقها
علينا .. لكن لابد ان نحاول.
تلكم النجوم الاجتماعية والسياسية والرياضية
اجدادنا وحبوباتنا الاباء والامهات الاخوان والاخوت
ياه ياعمر حنقدر على الكلام ده .. يارب نقدر نديهم
ولو جزء يسير مما اعطونا.
الرحمة والمغفرة وعالى الجنات على من مات منهم
موفور الصحة والعافية لمن هم على قيد الحياة.
يلا تعالو نحاول نوثق ليهم لانهم نحن
مودتي للجميع وبالتاكيد حاكون قريب إنشاء الله وربنا يسهل
| |
|
|
|
|
|
|
|
|
|
Re: فجـراوى (Re: ود العجمى)
|
اهلي ناس الرابعة التحايا لكم وعبركم إلي كل الحبان والأهل في الرابعة وكل الناضرين من ابناءها الذين غادروا وفي الحلوق غصة ، فجرواي فتح علينا ايام زاهرات في أحضان الرابعة تجعلنا وقوفاً علي اصابعنا من الدهشة فلك الود اخي فجرواي ولكل من لامست مشاعره كتابات هذا البوست .... فللجميع الود.........
ترفس ::::::::::: صور اسكندرية وين
| |
|
|
|
|
|
|
|
|
|
Re: فجـراوى (Re: ود العجمى)
|
طالما الناس هنا صاميين والرويحة مارقة نديكم حاجة من الطود حميد
عم عبد الرحيم
حميد
فتاح يا عليم
رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق هم همـة
صنقع للسما
وكان فى الجو
فى غيم
وكم نجمات بعاد
وكان الدنيا صيف
لا قالتو كيف
كيف اصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
ايام الدفى
***********
كانت ماهـا فى
كانت فى المراح شدتـلـو الحمار
تحلب فى الغنم
لى شاى الصباح
والطير ما نضم
ما رسل نغم
عم عبد الرحيم
اتوكل نزل
فى المشرع لقا
زملان الشقا
الجا من الجريف
الجا من الجبل
عل الناس بخير
صبح هاظرم
نقنق ناقرم
غاظوه نعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس حنان
كل الناس صحاب
كل الناس اهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل
**********
عم عبد الرحيم
كت فتاح فى يوم
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار ما بدوم
عم عبد الرحيم
ماشى على الشغل
فى الباب القديم
اتعارض تكل
تنشايح جراح ..
يا كيف الغسل ؟
الدنيا ام صلاح
تبدا من التكل
من حج الصباح
فى حق الملاح
فى اللبس الجديد
فى القسط القديم
وبيناتن عشم
فى الفرج البعيد
***********
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزى القريب
بس يا ام الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
شان يا ام الرحوم
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب اذن
وايه الدنيا غير
لمة ناس فى خير
او ساعة حزن
عم عبد الرحيم يا حر
ماكا حر
ياريت التمر
يا ريت لو يشيل
كل تلات اشهر
والله ايام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
*******
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما
باقى على التمور
وارضك راقدة بور
لا تيراب وصل
لا بابور يدور
والماهية اف
عيشة هاك وكف
فى هذا الزمن
تب يا دنيا تب
فى هذ الزمن
تف يا دنيا تف
يا العبد الشقى
ما اتعود شكى
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تقدح بالاجر
ومرة بلا اجر
عيشهم كمهو
ديل شوف كمهم
وديل شوف هان قدر
*********
وناسا حالا زين
مصنع مصنعين
طين فى طينو وين ؟
ما مرابو مر
بارد همها
لا بعرق جبين
لا وشا يصر
عين والله عين
كلها كمها
عزها هان قدر
دى الجنة ام نعيم
الجنة ام قصر
يا عبد الرحيم
الا ورا القبر
يلكد فى الحمار
لا تسرح كتر
وان كان الفقر
يا عبد الرحيم
اشبه بالكفر
***********
حكومات تجى
وحكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
نقرط للحمار
نقريط الحمار
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
ب الابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
السكة الحديد
يا عم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع انهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاع السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دوية الكجر
جفلت الحمار
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة حمار
مقطوعين ضهر
عم عبد الرحيم
يا كم من بشر
عم عبد الرحيم
يا كم من بشر
صحى الموت سلام
ما يغشاك شر
صح فى الموت سلام
ما يغشاك شر
| |
|
|
|
|
|
|
|
|
|
Re: فجـراوى (Re: امبدويات)
|
اشهد
وان لم اكن من سكان امبدة شمال
ان حارتكم كانت في ذلك الزمان بكان الثقافة والمثقفين
في امبدة ...
بكري ... ان عروضنا المسرحية وحكايانا عن مسرح مختلف دائما ما تبداء
من منصة ناديكم العامر ...
والجميعاب وشارع مدني سكنوهم كتير من مبدعي بلادنا ...
عشت بعضا من سنوات عمري في امبدة جنوب نادي الترسانة والناصر وشباب
كانت الالفه كلامهم ..
لكم الحب
معتصم سيد احمد
| |
|
|
|
|
|
|
|
|
|
Re: فجـراوى (Re: ود العجمى)
|
العفو بكرى لكن كلنا يمكن ان نساهم فى توثيق بعض المعلومات ويمكن فى النهاية نلخص هذه الكتابات
لندونها واعتقد لا زمن للشفافية
نادى الحارة الرابعة يعد شيخ الاندية بامبدة
هو انتاج فكرة امدرمان القديمة التى استطاعت ان تتحول مدينة لا تعرق العصبية الدينية والعرقية
وحقيقة رحلت سكان الاقاليم المختلفة لكل المدن فى المستقبل لابد ان ينتج نموذج لامدرمان وان كانت الهجرة للمدن الان باعداد كبيرة لظروف معروفة لنا اضافة للهجرة العكسية لسكان المدن للخارج.
توفى الشاعر عبد الرحمن الريح فى الزمن الملامح معكرة، فقامت راطة طلاب وخريحى الجامعات بالحارة الرابعة. باحياء ليلة له فى الرابعة فى اوئل التسعينات ، وقد شارك فى الليلة الراحل على المك والراحل التاج مصطفى والشاعر يحي فضل الله . وسعدت الان لنتظيم الحزب الشيوعى بامبدة ليلة للفنان الراحل التاج مصطفى .
اتمنى ياشباب ان تحاول توثيق لو بتسجيل فيديو للعم الشاعر عثمان على طالما الجهات الرسمية قصدت ان تتجاهله هو شاعر سمس القضارف التى سجلها للاذعة مدنى صالح وله اغنيات اخرى ،انا كنت اسجل له زيارات واحكى معه فى ومن اخر
| |
|
|
|
|
|
|
|
|
|
Re: فجـراوى (Re: امبدويات)
|
نعم يا عادل امبده حبلى بالكل مع التخصيص فانت ممن يعرفون التاريخ جيدا...
فلو أريدنا ان نتحدث عن امبده تلك البقعة الاسرة لحتجنا ان نجعل من النيل مداد
وياليتنا نوفيها ولو قليل مما تستحقه ومما عايشناه بين ربوعها الخيرة.
سوف احكي هذه الروايه على لسان الاب الجميل عليه رحمة الله يوسف شروم الذي كنت
اجلس معه كثيرا كغيري من ابناء الرابعة وهو عليه الرحمة لايبخل بالحديث عن امبده
وهذا ديدن اباءنا الاجلاء جميعا من مات فله الرحمة ومن هو على قيد الحياة الصحة
والعافية... فقد تحدث معي في ذلك اليوم الف رحمة ونور عليه عن دخول المياه لامبدة
في عام 1967 وكيف ان ذلك المقترح لشبكة المياه كان من المفروض ان يذهب لمنطقة اخري
من امدرمان وتحول بفضل الرجال من اهل امبده ومساهمة المرحوم حسن عوض الله الذي كان
نائبا للدائرة الجغرافية ابان فترة الديمقراطية بعد اكتوبر فكان معه اصدقاء من
مكونين مؤتمر الخريجين وهم من رحلوا كما اسلف الاخ امبداويات من امدرمان لامبده امثال
عثمان أبو الدهب عليه الرحمة والامين شروم وإبراهيم الشيخ والاستاذ حماد مدير اول
مدرسة لابناء امبده والعم المرحوم محجوب شروم وكان من ضمنهم بالطبع العم يوسف عليه
الرحمة وكانوا في ذلك الزمن ينتمون للوطن الاتحادي فتحدثوا عن حوجةالمنطقة للمياه فتحول
المشروع بمجهوداتهم إلى واقع فلهم التجلة على صنيهم وهمهم المتعاظم بالانسان فكان هذا ديدن
الرجال في مثل هذه المواقع وهم يتجردون لخدمة اهلهم لعلمهم التام بان هذه المواقع تكليف
وليست تشريف (وعود لينا ياليل الفرح).
هذا ما كان عن إدخال المياه للمنطقة وسوف نتحدث بلسانهم عن دخول الكهرباء وقبل ذلك
المدارس والشفخانة التي كانت في ذلك الزمن تعدل اعظم المستشفيات والتعاون القبل الحكومة
الذي اسس على التكافل بين الناس في ذلك الزمن لايجاد الجاز والعم سليمان بتاع الجاز
عليه الرحمة والمواد التموينية التي كانت توزع على الناس بالعدل والمساواة في منزل
الوالد المرحوم عثمان حسن ابوالدهب .
لله دركم رجال امبده فمنهم من قضى نحبه ومنهم من ينتظر
وسف نعود حتما إنشاء الله إن كان في العمر بقية.... لكم الود
| |
|
|
|
|
|
|
|
|
|
Re: فجـراوى (Re: ود العجمى)
|
عندما كنا طلاباَ بمدينة الإسكندرية في الأعوام 85-86-87 كانت معرفتي بالأحباء امير علي وبكري علي رد الله غربتهما وكان المجتمع الطلابي ناضجا وفاعلا وكان ابناء أمبدة وخاصة الحارة الرابعة ملح المجتمع الطلابي وكانو اكثرنا صلة وتواصلا وكان حظي كبيراً بأن زاملت بكري وأمير وعادل ترفس في السكن وتربطني صداقات ذات خصوصية مع كل ابناء الرابعة عمر مالك - عدلان خلف الله - عادل حسنا ولاحقا في السودان كل أل مالك مبارك وأخوته وأسرة الأخ عدلان خلف الله وكل آل الفنجري وعموم اهل الحجير ونادي الرابعة وأسرة العم عبد الرازق طارق واحمد وابناء اسرتهم محمد وحاتم وآل حدوب الصديق العزيز جابر وحتي الصوفية ابناء الشيخ دفع الله صايم ديمة ومن الجموعية آل ابو عركي (محمد ابوعركي) ومهدي عاشق الأفلام الأجنبية وصديقي العزيز زميلنا بالإسكندرية بابكر إبن شيخ الحسانية بأمبدة وأسماء كثيرة سقطت من الذاكرة فالعذر لكل من سقط سهوا وفي بعض الأوقات ليس سهواً إنما الحارة الرابعة أكثر مناطق السودان يحمل أبنائها أكثر من لقب وهو نوع التوثيق غير المكتوب للشخصيات ..............
لكم الود
مـــعــــــــتز
| |
|
|
|
|
|
|
|
|
|
Re: فجـراوى (Re: معتز سعيد الحسن محمد خير)
|
في بداية عهد الانقاذ الشؤم ورقم كل شي اقمنا ندوة رياضية كانت تحت عنوان
خروج الاندية السودانية والمنتخب من البطولات /الاسباب والحلول
تحدث فيها دكتور كمال شداد ومحمد حسين كسلا وادار الندوة الرشيد يدوي عبيد واذكر جيداً تعلق دكتور شداد على جريدة حائطية اصدرها ود العجمي لتلك المناسبة وكانت عناوينها مثيرة فمر عليها دكتور شداد وقال برضو عدلان يوسف معاكم
| |
|
|
|
|
|
|
|
|
|
Re: فجـراوى (Re: ود العجمى)
|
ًواوين ..ياجماعة لهذا التداعى الجميل
ياسلام ..امبدويات ياممكون بالذكرى,وامبدة والتاريخ
واصل .....
المرحوم محمدخير احمد صلاح "دقدوق" وابنه المعلم محمداحمد اقدم سكان امبدة وقد تخرج من ورشتهم بالمنطقة الصناعية اعلام فى مجتمع امبدة.. عبد الغفار, وشقيقه الحاج, وعثمان خليفة واجيال بعدهم.
| |
|
|
|
|
|
|
|
|
|
Re: فجـراوى (Re: ود العجمى)
|
Quote: في بداية عهد الانقاذ الشؤم ورقم كل شي اقمنا ندوة رياضية كانت تحت عنوان
خروج الاندية السودانية والمنتخب من البطولات /الاسباب والحلول
تحدث فيها دكتور كمال شداد ومحمد حسين كسلا وادار الندوة الرشيد يدوي عبيد واذكر جيداً تعلق دكتور شداد على جريدة حائطية اصدرها ود العجمي لتلك المناسبة وكانت عناوينها مثيرة فمر عليها دكتور شداد وقال برضو عدلان يوسف معاكم |
   
| |
|
|
|
|
|
|
|
|
|
Re: فجـراوى (Re: ابو عثمان)
|
تضحك مالك ياابو عثمان؟؟؟
ود العجمي كان كاتب في تلك الجريدة الحائطية احاديث لشداد لم يقلها وبالخط العريض ماعارف شداد يقول كذا وكذا
| |
|
|
|
|
|
|
|
|
|
Re: فجـراوى (Re: ود العجمى)
|
سلام فجراوي واهل الرابعة وكل عام وانتم بخير وربنا يحقق الأماني وهاكم حتة من حميد
مناقيش العدالة
محمد الحسن سالم
**حميد**
مِنِّي متعشِّمْ طلوعِكْ ..
كُلِّي مستنيك تعودي ..
ويغسل السّاحات رجوعِكْ
في حشى أحراش الليالي
منتظر بقّة شموعِكْ
تشتلي الضّو في الضّهابة ..
ترخي للجايعين ضروعِكْ
يرجع الطير المهاجِرْ ..
يملأ في الفجّاج ربوعِكْ
.......................
في كلام النّاس بفتِّشْ ..
بين عوينات المدارِسْ
في صدى آذان المساجد ..
ورنّة أجراس الكنائِسْ
في إندهاشات العذارى ..
في إرتعاشات الموامِسْ
في بحر فرحان يبشِّرْ ..
موجو لي جية النوارِسْ
الرّوَاويس طَمْبروك ..
وهزّ بيك في الدّارة فارِسْ
بين سُكَات القرية أفتِّشْ ..
بين هضاريب المدائنْ
يا نسيماتاً تَكَرْبِتْ ..
شايلة أشواق الجنائنْ
لي جديول حلقو ناشِفْ ..
أو عَرَق تُربال يكادِنْ
في وشي الأفراح بفتِّشْ ..
بين قفا اللّحظات أعاينْ
بين سواقير الفقارى ..
الجاية من تالا المدافِنْ
مَرّة طال اللّيل عليّ ..
ووصلت الآهات مداها
قلت لي النجمات مو جايي ؟؟؟ ..
قالت الأيام تراها
يا ضيا القمرا القُبَالي ..
شوكة الظُّلْم الخيالي
عَسّمَتْ فوقنا اللّيالي ..
خُبِّي في إسراعِكْ تعالي
يا مناقيش العدالة
بتنا فوق الصّبر عالة
يا تعاويذنا وعَزَانا ..
خلِّي نور الفرحة يطفُرْ
من عوينات الحزانى
صخرة الأحزان تقيلة ..
واحنا ما بنملِكْ سِوانَا
قولي هيلا هوب معانا ..
من على الشّارع نشيلا
سكّة العمر الطويلة ..
ترتى في الجايين ورانا
صرنا زي رحّالة عنِّكْ ..
فَتّش الكون تبني لبني
وراح سأل طيانة تبني ..
وقالوا جاية
بالعوينات البقومن بدري شايلات القراية
في تلوت الليل تبوِّغْ .. سارقة للدّنيا السّقاية
ولما تورَدْ ..
بنسلينا ..
الجَرْدِقَة ..
القَرَضْ ..
المحاية
جاية من ضهر المسافة ..
البين بناء الطِّين والسّرايا
طالما في الدنيا ناساً ..
فاتو للجايين فداية
وناس على جلاّتا تكتب بالثبات ..
والنيل دواية
جاية .. جاية
دفّة التاريخ في إيدا ..
دَمْ عروق أماً بتنده
راجية نُص اللّيل وحيدا
بيّتَتْ في القُلّة مويتو ..
وزادو في المُعْلاق عصيدة
جاها في جواب يسلِّمْ ..
للبلد داني وبعيدا
يمة يا نفس الوصية ..
الكل ما شَرَقَتْ نعيدا
يانا يا شخب القضية ..
الصافي في قدح القصيدة
مانا قنعانين تملِّي ..
من دواية الصَبر نكتب فينا والإصرار يملِّي
تنعدِمْ موية وضونا ..
بيها نتيمم نصلِّي
الزّمَن ينقُض وضونا ..
تاني نتوضأ ونصلِّي
ونمشي فوق دربِكْ نباصِرْ ..
في الرِّمال والشّوك نحاصِرْ
بي شُعَاع بكرة المسافة ..
وسطوة اللّيل والعَسَاكِرْ ؟؟
تنهزِمْ ريح العوارِضْ ..
والمواريث التّعوقِكْ
ومن شَقَايا الحال تبقِّي ..
وتقدَحْ التّاريخ بروقِكْ
| |
|
|
|
|
|
|
|
|
|
Re: فجـراوى (Re: ابو يسرا)
|
للجميع كل سنة وانتم بحصة وخير
وربنا يجمعنا جميعاً في ظل الوطن
في مقبل الاعياد.. وربنا يحقق أماني الجميع
الخاصة وامانينا العامة .
ترنتيني يازول البوست ده ما فاضل ليك إلى تشلخو
نحن صديق احمد ما بناباه بس انت الفيك اتعرفت
بكري العجمي الحق البوست بتاعك ده قبل الشلوخ
كل سنة وكل ناس أمبده بخير وبالاخص ناس الرابعة
| |
|
|
|
|
|
|
|
|
|
Re: فجـراوى (Re: الشيخ إبراهيم الشيخ)
|
عيد سعيد كل البورداب
عيد سعيد امبدة
(باى حال عاد العيد بمامضى عندما كنا نحمل المفاريش والبروش من الجامع الى ميدان بركة هل عدنا للصلاة فى ميدان بركة، ام نحن فى ضياع المنافى فى اخر الدنيا مع الخواجة بتاع عمر ادريس )
| |
|
|
|
|
|
|
|
|
|
Re: فجـراوى (Re: ود العجمى)
|
أضبط ..... أمبدة نفر  حسن نابليون حالة كونه متجدعا ايام العيد السعيد فى سدنى والله زمن ....فين التفة, والسفة, وتموت تخلى وغبار الرابعة الشيخ ... يازول يمين الصورة عندك ود العجمى ياعميان بطل الفصاحة ولراكوبة سوق الناقة بعض اللقطات
| |
|
|
|
|
|
|
|
|
|
Re: فجـراوى (Re: عمر ادريس محمد)
|
والله يا عمر صورتك قوية ياخ ده لقطة الموسم
بالله ده حسن ابو السنجك بعد التعديل
لكن يبقى لي بقى اصغر من زمن تموت تخلي والتفة
ياخي زمن مابعود... شكلو بعد كدة ممكن يهرش عزمي عوض وهبي براحة
والله الزول ده زمن منه بالله يا عمر لمني فيه باي طريقة وتحياتي ليه
بعدين صور العميان على قولك ابو شيب وده مني ود العجمي الصغير
حارمنا منها مالك بالله نزل ... تعرف اول ما الزنجي نزل الصورة ده
عمك ترفس ضرب تلفون ويضحك قال لي كنت داير انزل صورك الزمان قلت ليه اكتب
تحت الصور كان زمان كده .. الشباب بقو دمهم فاير الظاهر
تحياتي لكل الاحباب
| |
|
|
|
|
|
|
|
|
|
Re: فجـراوى (Re: الشيخ إبراهيم الشيخ)
|
كل سنة وانت طيبين شنو رخمتو من الخبيز
من الذى كان يردد هذه العبارة خبزتو ولا لسا ؟
العزيز حسن نابليون ما فى كلام وكنت اتمنى ان يشوف الصورة دى عبد العزيز محى الدين وسيف المصرى ما عندهم اى كلام مع الزول دا تانى .
انا لو نزلت صور تحتاج لترجمة عديل كدا
| |
|
|
|
|
|
|
|
|
|
Re: فجـراوى (Re: ود العجمى)
|
Quote: سلام
عمر ادريس شكرا على السؤال عن الصفحة المقترحة اتقدم اليكم بخيارين الشروع فى تصميم صفحة جديدةاو تحويل هذه الصفحة لتكون منبر عام لامبدة
عادل |
ياكرفس
انا مع خيار تحويل الصفحة لتكون منبر عام لامبدة وبالمناسبة الموقع عموما جميل جدا وجذاب وتصميمو راقى الالوان شوية صارخة.
بعدين يامكار قافل الصور كلها؟..لو اديتنا فرقة كان جبنا صوركم كدنصورات عاملين فيها قوى حديثة واجيال جديدة
اعزازى
| |
|
|
|
|
|
|
|
|
|
Re: فجـراوى (Re: عمر ادريس محمد)
|
والله انا بوست فجراوي دي عاجبني جنس عجب
كل يوم بتلصص و ادخل بالدس و احوم وسط ونستكم دي
واضحكـ التقول بعرفكم كلكم و بعرف الناس البتحكوا عنهم ديل
يا سلام عليكـ يا عمر ياخي و يا سلام علي اصحابكـ
_________________
ملحوظة
انا فطيت كل الصور وابيت اشوفها عشان ما القي لي صورة تحتها مكتوب عمر ادريس
عندي ليكـ صورة في راسي ده عاجباني و مابغيرها تب
| |
|
|
|
|
|
|
|
|
|
Re: فجـراوى (Re: ود العجمى)
|
Quote: ملحوظة
انا فطيت كل الصور وابيت اشوفها عشان ما القي لي صورة تحتها مكتوب عمر ادريس
عندي ليكـ صورة في راسي ده عاجباني و مابغيرها تب |
خدر
كان كدا أبقى عشرة على صورتك الفى راسك
أو بالأحرى ممكن تشاهد صورة أخونا فجراوى لكن شرطا تكون مخمور
اجارك الله ياخى
| |
|
|
|
|
|
|
|
|
|
Re: فجـراوى (Re: ود العجمى)
|
Quote: : ملحوظة
انا فطيت كل الصور وابيت اشوفها عشان ما القي لي صورة تحتها مكتوب عمر ادريس
عندي ليكـ صورة في راسي ده عاجباني و مابغيرها تب
خدر
كان كدا أبقى عشرة على صورتك الفى راسك
أو بالأحرى ممكن تشاهد صورة أخونا فجراوى لكن شرطا تكون مخمور |
يا خدر يا اخوي في الاول كيف حالك ومرحب بيك الف ... بعدين ما تسمع لي كلام ود العجمي ده
عندنا مصنف من الناس المطششين يعني مركب نظارة قعر كباية من الروضة (اقصد من الخلوة)
بعدين ازيدك في الشعر بيت حبيبنا ود إدريس ده مهما تكون صورتك الفي بالك (برغم جمالها)
هو اجمل من كل الصور شكلاً ومضموناً برغم إنه مريخابي ( مريخابي الواحدة ده بدون تأويل )
فعاين في الصور بمهلتك ولا يهمك حتلقى زولك الجواك بالتأكيد ... ده زول مسكون بينا كلنا
في اجمل من كده ما أظن.
مودتي لك ... وتعال تاوق وشاركنا
وتحياتي للجميع
قبل الخروج :
حاج ترفس شنو ما منتظرنك
| |
|
|
|
|
|
|
|
|
|
Re: فجـراوى (Re: ود العجمى)
|
يامعتز ما تيأس .واصل كفاحك
كان اللمبة قالت بق ..تبقى اللبمة دايرى الدق
..كرفس خايف على صلعتو ...كان نشر حاجات الاسكندرية هو عارف نحن مابنريحو
| |
|
|
|
|
|
|
|
|
|
Re: فجـراوى (Re: عمر ادريس محمد)
|
| Quote: قبل مدة جونا شباب زيارة لمحمد قعدت معاهم زى المافى حاجة, بعد شوية واحد داير يتناول الرمود بتاع التلفزيون حاولت برشاقة اناوله ليهو كلهم صاحوا لا ماممكن ياعمو, قعدت اتلفت اكوس فى عمو الجن دا نعل مو انا .ام محمد قعدت تضحك قلت ليها زعلان البضححك شنو ..ما وراء كل رجل عظيم حاجة تجره الى الخلف, او تدفروا لامن يقع يكسر سنونو وصورتو تبقى بالحالة دى |
اتخيلت المنظر
والله يا فجراوي الله يديكـ العافيه
ود الجمي يا اخوي
فجراوي ده عندو بوست جميل خلاص في سودان فوراوول
ماجبتو لينا هنا مالكـ ياخي
| |
|
|
|
|
|
|
|
|
|
Re: فجـراوى (Re: ود العجمى)
|
* شكرا ياخدر
يازول يارايع
____________
*الشيخ الزول لميت ليك فى
نضاراتو ..فضلت الجتة
___________
* ياجماعة الشابة ناهد على
إعتمرت ورجعت ولا فى كلام
__________
* بسال - وارجو المساعدة - عن سيف الدين المكى
وهو فى القاهرة الان وتلفونه مغلق باستمرار
ياريت إى زول/ه يلمنا فى وسيلة اتصال بيهو
لامر هام.
تحياتى
| |
|
|
|
|
|
|
| |
ود العجمى
ملكة سبأ
ابو يسرا
عمر ادريس محمد
أبو ساندرا
الشيخ إبراهيم الشيخ
ابو عثمان
ناهد علي
محمدين محمد اسحق
Al-Shaygi
امبدويات
الزنجي
معتصم ود الجمام
خدر
فيس بوك
تويتر
انستقرام
يوتيوب
بنتيريست