خريجي جامعة أسيوط ، أين الأحياء منكم؟

Quote: كمال محجوب 000000 الحاج حمد 00000 الاسايطه 0000فى ناس اختفت من البوست 000وبقت تظهر كل فترات طويله والكلام دا كده ماحلو الزول وينو000الزول دا منو البيعرفنا ونحن ماعارفنو ؟ عبدالله عبد اللطيف( بستم )كان اخر المتصلين كجميل اخر من جمايل هذا البوست ربنا يقدرنا على جزاتو!الباشا البشوش بستم كان من الذين يخدمون البرالمه بعينهم وما ان يقابلك فى الكليه يبادر بالسؤال عن احوالك ويزيل كل المخاوف التى تتنتاب البرالمه عن المذاكره 000والامتحانات الاوشكت كان من شلة صلاح تكونه وعمر ابودم والشيكانى قلبا وقالبا محمود حسين عمار00كانت الكليه ليها طعم بوجود هذه الكوكبه الفريده 00تحس انو فى زول وراك وانك مابراك 00امان مابعدو امان000كانت الناس بتكبر سريع وتنتشر سريع لانو الناس القدامك الزى ناس( بستم) ماكانو بيبخلو عليك بخبرتهم ،وبعد شهر شهرين بتحس انك اتخلصت من كل التردد الفيك 000وبقيت تعطى بلا حدود كاللذين من قبلك000ولذا كانت تجاره صداره فى كل المجالات فى السياسه فطاحله 000واجتماعيا اعيان 000ورياضيا 0 حدث ولا حرج000فى الخلط خلاطين000والبكى بكايين0000!!!!!كانت بيت اسرة ليهو كبير 00والناس عارفه اولوياتها00وواجباتها00الاحترام العلامه المميزه 00المشتركه00وتحدد علاقة الناس مع بعض00 ياحاج حمد00نعم المرحوم مطيشه كما قلت000مبدع ككل المبدعين الذين لايطول امدهم فى هذه الدنيا000كنت من المحظوظين الذين نعمت بقربه والتعرف عليه00ايام اسيوط 0000الايام الرائعه0000الخالده0000التوم بابكر سليم او ولد هتلر كما كان يطلق عليه المطيشه 000عبد الواحد000كان رفقاء عصام 00فى السكن بشقتهم فى النميس000والشقة الاخرى فى المحافظه000المرحوم المطيشه كان مبدعا فى اطلاق الالقاب0000ومن النادر اين ينادى احد باسمه الاول 000ما ان يتعرف على احد الا والصق به احد الالقاب الظريفه(000وما حاقول ليك كان ملقبنى بشنو)000وبعد اسيوط كنا نتقابل فى الخرطوم 000فى البنك الصناعى 00او( نقيل) عند ناس مطيشه فى الرياض00اوعندنا فى الحله الجديده 00ونتذكر الايام ونتحسر عليها00كانت الجلسات تجمع التوم بابكر سليم وعادل عبد اللطيف وعبد العظيم حسن شيخ ادريس000عبود الساير0 عصام مطيشه هذا الرائع000 يا المافى ومالى الفجه000 انت دائما زى سحابا الريح تعجل بى رحيلا000000 مطيشه يا حاج حمد مازال هناك فى الركن داك0000 صوتو وغناهو وضحكتو 00وصورو المعلقه فى الجدار000 جرايدو000والكتب الزمان000 مصباحو فى الركن الحزين 00ومكانو مازال فى انتظار000 عدنان ابو اشرقت