خريجي جامعة أسيوط ، أين الأحياء منكم؟

Quote: لاسايطه 0000 استاذنا الراقى كمال محجوب 000لك التجله 000انا السعيد وباين على000 بالتواصل 00والمحبه الشايلاها قلوب الناس معزة 0واتمنى اكون قدر الحته الجبرت خاطرى 00يجبر الله خاطرك حبيب الكل الحاج حمد00000صحى الايام مشت لكن00000 نحن الليله موجودين لابنتعب ولاواقفين ولا كملت مشاويرنا الاسايطه الرائعين 000البوست فكرة راقيه000ومفيده وملهمه 000لكن المهم الناس تتعامل معها بصوره جاده وتروج ليها عند الاسايطه الما متواصلين اكثر واكثر00ونكون عندنا الاصرار فى ان يكون البوست بالجد لسان خريجى اسيوط 0 حسبو الجسور الغيور عندىليك كميه من الصور حتعجبك 000مشتاقين 00وفعلا يا ابو الشباب مباريات شيكان مابيتنسى بس ماتزعل مننا الجماعه لانو يتخيل لى بتكون ليهم الذكرى المنسيه!!!يا سلسل طبعا لقيت الايميل؟!!!! فى مره عندى خالى المرحوم الحاج دبل كان مسافر من اسوان الى القاهره وفى القطر (المجرى)لقى واحد من ناس سوهاج الله يديهو العافيه (مايكون دا دكتور صديق ؟) المهم الخال قام سالو : بتعرف طالب اسمو عدنان عبد الدائم ؟ قام قال ليهو :عدنان بتاع الكورة!!! طبعا الخال اول ما رجع السودان قابل حجه عشه(الوالدة ) قال ليها ولدك دا مشى يقرا ولا يلعب كوره؟!!!!!!!! فى سنه ثالثه كان ساكن معانا الانسان الفريد الفنان عوض التجانى العصملى 000عوض التجانى من ناس شمبات 000ارض الابداع 000من بيت كلو فنانين 000زورتو مره فى شمبات وكان عندهم بروفه البيت ماشاء الله كل واحد من اخوانو بيعزف على الة او اكثر 000عوض التجانى فنان بالقريحه وراجل حساس ومرهف وكسلان جدا(0000يوم الميز بتاعو مع البصل بيغنى ظلمونى الناس 0000وفى الغالب بيعملو ليهو واحد متعاطف 00ويقول ليك والله تطبخ لى بغنى ليك بعدين!) عطر ليالينا بالكثير من اغانى الجابرى وحمد الريح وزيدان كانت من اجمل السنين فى اسيوط000كان يخفف علينا الغربه عندما تهيج الذكرى 00وتعصف الاشواق فيشدو: حد يشعر بالسعاده يمشى يختار البعاد حكمه والله وحكايه تشغل اذهان العباد ناس بتتعذب وحيده وناس بتنعم بالوداد00000 وقبل ان نفيق من هذا الالم النعيم 000يذيدك التجانى الما جميلا اخر فتصبح كدرويش الفيتورى ترقص بلا ساق حين يغنى: نار بعدك والغربه شوقى لاهلى والصحبه شوقى لكل جميل فى الحى شوق للشيمه لو صعبه بين الليقظه والاحلام 0000بين اجفان تقول للناس اريت النوم يزورنى اليوم 000انوم لو ليله فى كل عام00000 -عوض التجانى خريج معهد تجارى اسيوط 00000انقطعت اخبارو اتمنى ان يكون هذا الرائع بالف خير 0000 ونواصل عدنان ابواشرقت