خريجي جامعة أسيوط ، أين الأحياء منكم؟

Quote: كمال محجوب 000000 الحاج حمد 00000 الاسايطه 0000 ( الله يدى الناس العملوا البورد دا العافيه) كل يوم بقيت تفاجنى ليك مكالمه!!!!!! ما معقولة 000الصوت دا ماغريب على !!!000لا عليك الله منو ؟ واضحك تلك الضحكه المكبوته عشرون عاما 000وعام اخر فى كبد السماء 000لذا فان الشمس لم تطلع علينا ذلك الصباح 0000تلفون ولا اروع !!! عثمان طه 000هذا الكسلاوى الاصيل اصالة جبال التاكا ،عندما رايته لاول مره فى اسيوط كنت اظنه( سينيرا ) مضى عليه الزمن فى هذه المنطقة المقطوعه من الدنيا 000فى تلك السنه كنت( والكثيرين مثلى )نحسب ان اسيوط ابعد بقاع الارض واننا غير محظوظين والا لكان تم قبولنا فى الاسكندريه اوالقاهره000مش حته تركب ليها قطر لمن ينقطع نفسك 00!!!!كنا مخطئين 000معذورين عذر البرالمه الدايشين 00اكتشفنا اسيوط المحنه00 اسيوط الامان000اسيوط الحبيبه يومى المشيت مجبور على السكه المريبه 0000ادتنى احساسا الرطب0000 وشهرت ضحكتا العذبه ومشت000 كانت رؤاها بتحتشد 000 زى نار بتسجن روحا فى عود الثقاب وتعلن مهرجانات الحريق0000 عثمان طه كان بالفعل (سينيرا ) 000فهو اول الواصلين من ناس الدفعه 000واشهر ناس كسلا 000بحكم انه كان يلعب هناك فى الدرجه الاولى بالمرغنى ومريخ كسلا 000واهم من هذا وذاك انه اول واحد فى الدفعة طلعت ليهو (صلعه)00كان شكلو حاج 000حاج لكن دمو خفيف00 وصاحب نكته ومتخصص فى ناس الشرق000 كان لهو تلك الشخصيه التى تحدث ضجة الكون فى المكان0000معروف من الجميع 000محبوب من الجميع 000واحرف من لعب كرة قدم 0 وتوثقت علاقتى به لاشياء كثيره مشتركه 00المريخ 000الكوره 00الكليه 00حب الفرفشه 0 فى اخر سنه (رابعه) دعت ظروف ما تواجدى فى القاهره منذ بداية العام وحتى وقت قريب لبداية الامتحانات 000لم احضر الى الكلية لا نادرا 00الزملاء الله يديهم العافيه لم يقصروا ابدا000فى الدعم اللوجستى 00المذكرات 00الشرح 00عثمان طه فى (القاب) بتاع امتحان مادة المحاسبه المتخصصه 00جاب المذكرات وجانى الشقة وقالى تعال اقعد 000وبدى يشرح لى شرح متواصل لمدة 48 ساعه بالتمام والكمال 000والله لو كنت حضرت المادة دى مع الدكتور ما كا ن فهمتها زى ماشرحها عثمان طه (الله درك ياادروب)00المهم ظهرت النتيجه وجبت جيد ولكن المفاجاة انو عثمان طه جاب مقبول 000قال للحماعه(عليكم الله دا حلال دا ؟000والله اولاد الهرتوم (الخرطوم) ديل هيرونا 000تشرح ليهو يفوتك 000ما تشرح ليهو يزاعل منك) -عثمان طه متواجد فى السعوديه فى نجران ولديه بنتين زى العسل وولدين واحد عندو (صلعه) والتانى حريف جدا 00000 ونواصل عدنان ابواشرقت [email protected]