|
|
 Re: خريجي جامعة أسيوط ، أين الأحياء منكم؟ (Re: الزوول)
|
Quote:
وقد أسفت حقيقة أن لم يشارك الشاعر الهبوب في مسابقة أمير الشعراء
|
تعرف يا د.الزوول لو ناس عصام محجوب وود الفزع ومعاهم
اخيرا كباشي الحاج ..ديل شجعوني في كتابتي للشعر
ايام اسيوط الخالدة..لكان لي شان عظيم بين الشعراء
في قصائدي ومنها ما يردده كباشي الحاج واضحك عادل حامد
مثل تلك القصيدة التي اقول فيها :
(استكان .. ثم انشكح ..) والله ماني مذكر فيها سطر!
كنت اكون بالنسبة للشاعر الهبوب ده مش امير الشعراء
خليها ساكت ..سلطان الشعراء عديل كده..
ولا مش كده يا كباشي؟؟
اعتقد بان الهبوب هذا شخصية للتمويه
يبدوا من القصيدة انها مكتوبة من مجموعة من الناس
فاليوضح لنا البروف .. اوليعترف لنا باي من الابيات خاصته
في هذه القصيدة..
تخريمه ونداء بمناسبة الشعر والشعراء
يا اخوانا الدكتور الشاعر هاشم ابوزيد نقد (بيطره)
في السعودية ...هل من اتصال به؟ وهل منا من دعاه الي هذا البوست؟
| |
 
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
Quote: تعرف يا د.الزوول لو ناس عصام محجوب وود الفزع ومعاهم
اخيرا كباشي الحاج ..ديل شجعوني في كتابتي للشعر
ايام اسيوط الخالدة..لكان لي شان عظيم بين الشعراء
في قصائدي ومنها ما يردده كباشي الحاج واضحك عادل حامد
مثل تلك القصيدة التي اقول فيها :
(استكان .. ثم انشكح ..) والله ماني مذكر فيها سطر!
كنت اكون بالنسبة للشاعر الهبوب ده مش امير الشعراء
خليها ساكت ..سلطان الشعراء عديل كده..
ولا مش كده يا كباشي؟؟ |
يا ميكي ما تبالغ بالله
هسه لو كتفوك يتقدر تقول كلام زي
لا يكون الخداع
وسقط المتاع
هل الى الوصال سبيلُ
أم الى سبيل الحمام المطّوق
أو كمان شوف الصورة الناطقة
فأنت تشبهي اللائي هن يشتغلن في الجمارك
إبداع
لكن .. كمال ده ما جا عشان يورينا هبوبهم دي لسه هابة والا خلاص (كَرَستْ)
غايتو آخر حاجة سمعتها ليهو
مطلع قصيدة يقول
الا ايها النجم الضواي
يا أم عيناً قالت واي
ولم أحظ – للاسف – ببياقي القصيدة
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
العزيز مكي
بصراحة انت البقيت نجم ضواى وبعد مساهماتك الرائعة في هذا البوست لا مانع من استخدام مصطلحات
( الداون تاون او الباك ستريت لانقويتش ) فلولا مشاركتك المستمرة انت ود الزول لانفرط عقد الاسايطة ‘ كمال طبعا صاحب البيت ،وجحا اولى بلحم تورو كما يقول المصريون .
ورد سؤال مصاحب لصورة الاخ احمد عثمان عازف الجيتار وابن سوهاج الوفي، عن برالمة 84 ، ولاجل التوثيق هم :
1/ محمد حمد النيل وهو مذيع لامع اليوم باذاعة ام درمان
2/ حسن علي عثمان دبلوماسي مرموق بوزارة الخارجية
3/الماحي سليمان الماحي اداري لامع بالسعودية
4/بشير جبارة موسى استاذ لغة انجليزية متميز بالسعودية
5/ زاكي الدين ابراهيم اداري بسلطنة عمان
6/ حنان عبدالله مسؤولة علاقة عامة بالهيئة العامة للتلفزيون
7/ منال موسى ادارية بجامعة الخرطوم
8 / ابوعبيدة الطيب علي معلم لغة انجليزية بالقضارف وشاعر معروف
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
Quote: كم في فؤادي من الاشــواق واسئلة حيري تجــول في اعماقي
سرحت في عمق المدي التمس سببـــا في رحيلك عني بلا عناق
وظللت انقب في كل المقاعد تمر بي السويعات لعلك في سباق
رحلتي(.....) وتركــت(.....) اسمــاء بلا عنوان حتي للابـراق
سالت عنك هدأة الليـــــل ووهــج النـــــــهار والاشراق |
................ ....................
والله يا ميكي النصيحة لى الله انا كنت مستهونك سايي
يعني موهبتك الشعرية ما كعبة خالس خالس
لو راجل أملأ مكان النقط
رحلتي(.....) وتركــت(.....) اسمــاء بلا عنوان حتي للابـراق
...........
د. مطلب
صراحة .... شيء مشرف الأسماء الجميلة الناجحة دي
وما كضب القال الصعايدة رجال
................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الأعزاء الكرام
يبدو أن نهاية الأسبوع تأتي بالإبداع ويظهر فيها الرائعون ،،،
ميكي ،، الزوول ، د. طلب والحاج حمد
تحياتي
الزوول
Quote: لكن .. كمال ده ما جا عشان يورينا هبوبهم دي لسه هابة والا خلاص (كَرَستْ)
|
لقد فتحت اليوم جرحا قديماً ، كنت أنا الوحيد في قريتنا الذي له حق رواية وقراءة ونسخ شعر الهبوب .... وهو جاري وصديقي الأقرب إلى قلبي ...
كان الهبوب يعشق كل شئ جميل ، فكل نساء العالم جميلات عنده إلا رباب وهي قريبة لنا وقد هجاها ذات مرة:
رباب يا رباب
بتشبهي الغراب
والبامية بالكباب
دة وشك ولا شراب أصيب الهبوب نهاية العام 2005 بمرض نفسي ،، زرته آخر مرة فوجدته ليس كما كان وعند عودتي من إجازة العام الماضي كان قد توفي تاركا بنتا صغيرة كانت أحب إليه من نساء الدنيا كلها... لم أستطع دخول بيتهم في الصيف الماضى فاكتفيت بالوقوف على عتبة الباب الرئيسي التي شهدت معظم ولادة قصائده ... اللهم أرحمه وأغفر له.
مكي ... ما تقوم تسمع لي كلام د. عبد المطلب وتبدأ تتكلم برة من راسك ...
الزوول دة حيرني عديل ، يعني دة واحد من أقرب الناس لي ، فلم لم أعرف أسلوبه وطريقته في التعبير ،، اللهم يا مثبت العقول..
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الموهبة ميكي
ياخي الا تكون شاعر بحمى ، يعني موهبة زي دي مفروض تظهر من أسيوط لكن يبدو أن اللوبي الذي يضم ود محجوب و فزع و عادل حامد لوبي حاقد بس رجاء ما تضمني لهذه المجموعة لأنو أنا
بقدر الفن الراقي البظهر بدري
خاصة من أولاد بري
شفت المواهب دي؟
كيمو شكرا الصورة وصلت و نصيحتك لميكي غالية : مفروض تكون أول و آخر قصيدة
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الموهبة ميكي
ياخي الا تكون شاعر بحمى ، يعني موهبة زي دي مفروض تظهر من أسيوط لكن يبدو أن اللوبي الذي يضم ود محجوب و فزع و عادل حامد لوبي حاقد بس رجاء ما تضمني لهذه المجموعة لأنو أنا
بقدر الفن الراقي البظهر بدري
خاصة من أولاد بري
شفت المواهب دي؟
كيمو شكرا الصورة وصلت و نصيحتك لميكي غالية : مفروض تكون أول و آخر قصيدة
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
بسم الله الرحمن الرحيم
الاخوة والاخوات الاسايطة
لا اعرف لماذا يريد البروف كيمو والحاج حمد
ان يارشفان ( من ارشيف ) تلك القصاصات..
والتي هي اصلا مارشفه..
فالبروف مثلا تعامل مع ذكرياتي ( دفتر السفاسف )
باثر رجعي عندما يتبع اسلوب الباشكتبة ( جمع باشكاتب )
وهو يحول قصاصاتي الي الارشيف في سودانيز اون لاين او في قوقل
عندما يقول:
Quote:
ونصيحتى لك أن تكون هذه أول وآخر قصيدة تكتبها في حياتك المديدة بإذن الله وما في داعي لأي تهور من هذا النوع
لك الود
* صورة لدكتورالزوول
* صورة لدكتور عبد المطلب
* صورة لأرشيف الحاج حمد |
تلك الصور بعثها الارشيفيه بعث بها الي:
1- صورة الي الزول حتي يتبع اثري في هذه التكنولوجيا الاسفيرية
2- صورة الي الدكتور عبد المطلب حتي يتبع اثري في كل وسائل الاعلام
3- صورة الي الحاج حمد باعتباره اكثر التصاقا بخلائي وابناء حلتي
ولكن دفوعاتي في هذه الارشفة انني وجدت فتورا اسيوطيا في هذا الشهر المبارك
وقلت في نفسي ياولد دي فرصتك تتجدع شويه في الاسايطة ديل لحدي
ما رمضان ده يفوت ولكن ارشفني البروف بسرعة قبل ان اتمطي..
وعموما لقد قفلنا علي ذلك الدفتر الاسيوطي بالضبه والمفتاح مرة اخري
ولكنني اضيف للاخ البروف بان تلكم ماهي الي ذكريات
ذكريات ..ذكريات ..ذكريات عمرها ما قبل 1989 ؟؟
لان تلك الموهبة المتقدة شبابا قد قام بنحرها نفر من الاسايطة
ذكرنا علي قمتهم عصام محجوب ومزمل فزع ثم جاء كباشي الحاج من بعدهم
عموما غلطتنا زمان انو ما جارينا ليكم ناس د.هاشم ابوزيد(بيطرة)
ولا د.رفعت (طب) ودسينا قصاصاتنا في ادراجنا
ولقد حاولنا الغناء ايضا في نهايات عهدنا باسيوط
ثم بعدها .. وحتي عهد قريب بعد الزواج فاذا بحرمنا المصون
ايضا تثبط من همتي وعزيمتي وتقتل موهبتي في الغناء في ريعان شبابها
غايتو فوضناامرنا لله ..
بعدين يابروف انا خمنت انو الهبوب ده د.الامين الطيب
وبرضوا ما طلعت صحيح!
طيب المحيرك اسه صاحبك د.الزوول القريب منك شديد
ليه ما يكون هو ذاتو..
بلغة ارخميدس وجدتها.. وجدتها..
د.الامين الطيب!
اما الاخ الحاج حمد فقال
Quote:
بقدر الفن الراقي البظهر بدري |
يعني زمان لو جئيت شكيت ليكم عصام انت وناس الرفيع
كنت حا تشجعوني ؟؟ ياراجل كنت اكيد حالاقي اسمي في دفتر
المحظورات بالاتحاد العام للطلاب السودانيين باسيوط
وبمباركة الاخ منير العوض؟؟
بالمناسبة هو وين ؟؟ بعد تهديده لنا عن طريق كباشي الحاج
والصورة الجماعية الفوق ديك فيها منير (بتاوق في النص )
بصفته رئيس الاتحاد وقتها يعني (الحكومة.. بلغة عادل امام
والحكومة بتعرف الاسماء كلها) فهو مطالب باسماء من هم بالصورة!
كلامي كثير مش كده ..
نقيف هنا بلعة ريق وجاي راجع!
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
وهذه رسالة من الاخ كباشي الحاج
Quote:
صباح الخير أيها الشاعر
From: Kabashi Al hajj ([email protected])
Sent: September 29, 2007 8:58:29 PM
To: مكي الحسن ([email protected])
الأخ العزيز مكي
الإخوة الاسايطة المتداخلين الذين أعدتم إلينا بسمة بل ضحكة كدنا ننساه من طول العبوس في الدنيا العبوس . لكم جميعاً عاطر التحايا والود
الأخ الدكتور كمال مبروك النجاح الكبير في إدخال الصور وكمان التصغير والتكبير وأرجو منك كما أتحفتنا بصور أنجال العزيز مزمل أن تزودنا بأخبار الغالي البيه د. مرتضى محمد زين فقد ظللت أستمطر السماء أخباره دون جدوى منذ بلغني مصابه مع خالص أمنياتي أن يكون قد تعافى ليسهم في تعافي أهل السودان .
أخي مكي لم تخيب ظني أبداً في محاولاتك التقول على الشعر وأرجو أن تعمل بنصيحة د. كمال رجاءاً ، فالتهور عواقبه وخيمة وتسمية الأشياء بغير أسمائها الحقيقية خدعة للنفس مكشوفة وعاقبتها على الصحة النفسية اكتئاب محقق وقاك الله فنحن نريدك لمهام كبرى ليس من بينها الشعر لأن الذي كتبته هنا والذي كان يضحك منه عادل حامد حتى تجري دموعه لو قال عنه اثنان إنه شعر لكنت أنا الفائز في مسابقة أمير الشعراء بما كنت أخفيه عنكم من همزيات و رأيات ولو لا الخوف من فتح أبواب وتحقيقات لا داع لها لأفحمتك الآن بعصماء لا يملك الزول الذي أشاد بهردبيسك إلا أن يضعها في عيون الشعر العربي ، المهم من كل ذلك أن تعدم هذا الدفتر فوراً ولا تنساق وراء مجاملات البوست فالحاج حمد الحاج كما تعرفه طبعاً رجل ظريف ومجامل جداً أنا عارف دا ما رأيه الجو لكن بجاملك له مني التحية والأشواق الغالية .
|
لا تعليق يا كباشي سوي شكرا جزيلا لك
والحمد لله انني انتزعت منك اخيرا وبعد 20 سنة
ان تبدا بمناداتي وتحيتي بعد مكابرة وعناد با
ايها الشاعر
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
العزيز مكي والشباب
Quote: ولقد حاولنا الغناء ايضا في نهايات عهدنا باسيوط
ثم بعدها |
عشان تعرف إنو ربنا دة رحيم بعباده كيف.. أوع تقول لي كمان بتلحن أعمالك وبتغنيها براك ... إنت يا ميكي بالضبط ماذا كنت تود أن تفعل بخلق الله المساكين ديل ؟
كباشي شكرا لدعمنا في تكسير أجنحة الشاعر الطموح .... عن الأخ د. مرتضي فهو بخير ويمارس عمله الآن بصورة طبيعية وقد علاه الشيب ولكنه ترك التمباك ولا زال صامدا
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
هذه الصورة على سبيل الرفع الإيجابي للبوست الذي انتشلته من صفحة 4 ... لا أدري أي حديث كان يدور بيني وبين مزمل فزع وهو ينصت باهتمام لكني متأكد أنه حديث غير جاد خاصة عندما يكون مع ود فزع ، إلا أنها قد تكون نميمة إما في فضل الله أو الأمين الطيب أو المرحوم الكنين ... في الخلف يجلس فضل الله وعثمان ،،، عثمان هذا كان من طلاب المعهد الصحي وهو الآن يعمل بالسعودية لكني لا أدري أين ... فضل الله استقر في السودان مع بناته الصغار ... خلف مزمل يجلس الرجل الرقيق السنجك وتبدو عليه آثار الأناقة والإبتسامة التي يتصدق بها على الجميع ... خلف السنجك يجلس الفنان د. عادل قريش يراقب شيئا ما وبجانبه د. مرتضى (قميص أزرق غامق) ...
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
| Quote: خلف مزمل يجلس الرجل الرقيق السنجك وتبدو عليه آثار الأناقة والإبتسامة التي يتصدق بها على الجميع ... خلف السنجك يجلس الفنان د. عادل قريش يراقب شيئا ما |
كيمو
كمان البوصلة بتاعتك جلّت
هسع في ذمتك ... عليك الله السنجك ده قاعد وراء فزع
غايتو كان على البوصلة ساهله ... الخوف ما تكون جليّت حاجات تانية ...
................
يا جماعة
بما أنكم أثبتوا فشلكم الذر يع في التعرف على قائل العبارة الخالدة
(وما أظن فصلي نتج الا لموقفي مع الجماعات الأسلامية ، والذي به جنّبت كل ذو بشرة سمراء مغبة حرب نحن خاسرون فيها لا محالة)
فذكروني بالله – طال عمركم – بالفنان الكان في اسيوط اسمه عبده ..... نسيت باقي اسمه لأن الجماعة كانوا يطلقون عليه لقب (عبده ضيوف) ولا استحضر اسمه الحقيقي ... شخصياً كنت بحب أداءه ... حصل عليهو شنو يا ميكي ؟؟
...............
حزنت جداً لخبر وفاة الشاعر الهبوب ، رحمه الله رحمة واسعه وأدخله الجنة مع الشهداء والصديقين
................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
ومن الرائع الدكتور عصلم كمتور
Quote:
التحية عبرك
From: isam kamtor ([email protected])
Sent: September 30, 2007 9:26:16 AM
To: [email protected]
التحية عبرك عزيزي مكي للأسايطة عامة من رواد البوست وخاصةلجهابذة البوست (كيمو، الزوول، ميكي والحاج )تلقيت قبل يومين رسالة عبر وسيط ثم مهاتفة من الأخ أحمد النور ( تربية) والذي يقيم في حفر الباطن بالسعودية وهو من كسلا ودفعة د/ كمال محجدوب ، وبالطبع تذكره جيداً يا كيمو وهو يهديك سلامه وبعد أن أبلغته بموقع البوست أبدى تحمساً للمساهمة والمشاركة0 أسيوطي آخر يعمل في إحدى المدارس الخاصة بالمنطقة الشمالية بالسعودية وهو بشير كوكو تربية ( من أبناء جنوب كردفان) وقد قدِم لأسيوط- لا أقول كبير السن - بعد أن قضى سنوات معلماً في المرحلة الإبتدائية وله من البنين والبنات ما له، وهو يسلم عليكم جميعاً وتحية خاصة منه لكيمو0أعتقد أن أمثال بشير كُثر ممن درس في أسيوط ( بعد أن بلغ السن النظامية) ليس في التربية فحسب وإنما في جميع الكليات تقريباً، ويا ليت أخد الجهابذة يمدنا بمثل هؤلاء0 كان المصريون يجدون صعوبة في نطق الاسم الثاني لبشير ( كوكو) بل لهم أسلوب خاص في نطقه على سياق أسماء أخرى كثيرة لعل الزوول أشار لبعضعها في أحدى مساهماته ، فما عارف يا مكي كيف كان المصريون ينطقون اسم كوكو؟عصام كمتور0
|
الدكتور كعادته ياتينا محملا بالاخبار
التحية عبره للاخ احمد النور ( تربية لغة انجليزية)
واعتقد باننا حضرنا الاخ بشير كوكو ( تربية لغة انجليزية)
لهم منا في هذا البوست التحايا واطيب الامنيات
ونرجو مساهمتهم باطلالة من ذكريات واخبار ونفحات اسيوطية
امااسم كوكو وسؤالك يا دكتور عصام كمتور
والله حكاية النطق دي مرات صعبة تكتتب
والاخ بكري ابوبكر ما طور لينا المسنجر لي ناطق حتي نسهل
المهمه وتبقي صوت بدل حروف للاستهجاء
فعليه ارجو ان نكون قد اوفينا نطق الكلمة باللهجة المصرية حقها
انهم يقولون:
كوكو
بتسكين الكاف وبمد الواو !! والله اعلم
واشتهرت الكلمة في برنامج الاطفال في رمضان باغنية
كوكو واوا ..كوكو واوا..
ثم جاءت الكاميرا الخفية واستخدمت الكلمة للتندر من كل من من يلبس
جلبابا او قفطان..
مع الاعتزار والتحية مرة اخري للاخ بشير كوكو
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الاخ الدكتور الزوول
Quote:
فذكروني بالله – طال عمركم – بالفنان الكان في اسيوط اسمه عبده ..... نسيت باقي اسمه لأن الجماعة كانوا يطلقون عليه لقب (عبده ضيوف) ولا استحضر اسمه الحقيقي ... شخصياً كنت بحب أداءه ... حصل عليهو شنو يا ميكي ؟؟
|
بعد شراب المويات بتذكروا ليك؟؟
انت قايلني عندي كراس زيك
لكن كان د.كمال - البروف او الحاج حمد
عندهم الرد اصلوا ما يتاخروا
لانوا انا شراب المويه باخد فيهو زمن طويل
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الإخوة الكرام :
الزوول
ميكيوصلتني هذه الرسالة من الأخ الدكتور الجيلي عبد الله الريح وفيها الخبر اليقين عن قائل العبارة ومناسبها ... طبعا أنا ما حاضر بيت الطالبات دة عشان كدة ما عرفت قائل العبارة دي منو
ولكن قطعت جهينة قول كل خطيب:
Quote: احدهم كان بكليةالهندسة وهو معروف بنشاطه الفني والرياضي والاخر بكلية التربية وهو معروف بنشاطه السياسي يذكر انه انتزع كلمة البرالمة انتزاعا حاسما فى حفل استقبالهم....المثل بيقول المقدم ما موصل ولكن اخوانا اصروا علي التوصيل فالخلطة جميلة جدا طالما ان الوجهة عزبة السجن فالمسافات لا تهم في مثل هذه الحالات (تذكر كلمه المسافات ديه جيدا???) لم يدر الاخوة انهم تحت رقابة الجماعة الاسلامية من البداية.... وصل الشباب بيت الطالبات فى عزبة السجن...ولكن لابد من وقفة (نجر نفس شوية.....)ولا مش كده يا ميكي????...وفجأة هجمت الجماعة الاسلامية على الشباب فما كان من الاخوين موسى جوده والكشيف حسن الا ان اطلقا ساقيهما للريح...الرواة يذكرون ان الباشمهنس اقتحم احد المساجد(من دخل المسجد فهو امن....)??بعدين عيب ياناس الجماعة تدخلو المسجد....??خلاص الراجل استجار بالمسجد...??اما الاخر فلم يقف الا في شقته..دهاليز العزبة..الترعة الابراهيمية..الكبري..شارع الجمهورية..وكانت الجرية جديث اسيوط فى الايام التالية واصبح العدائين من اشهر الناس..فما كان من الاخير الا ان قال كلمته المشهورة(واني وان هربت من الجماعة الاسلامية قد جنبت كل ذي بشرة سمراء مغبة حرب نحن الخاسرون فيها لا محالة.....).....
المراجع:
سعد دبيبة فى اخبار الجكس والشبيبة/د احمد قسم الله دليل
الحجج الواهية في اختراق الضاحية /العوض عبد الله محمد طه
الفصول التمباكية في عزبة السجن والوليدية/اللمين الحيوان التمباكي |
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
Mr.Wind
مباااالغة لكن
والله ضحكت جنس ضحك
ياخي ريحتني عديل كده
والله العبارة دي كانت واقفة لى في زوري عديل كده
بالرغم اني لسة ما متأكد مية في المية من الشخصيات
لكن اتذكرت الموقف تماماً
وده هو المهم...
غايتو فلان داك القالها
قال فأوجز ، وعبر فأتى ببلاغة نادرة
شوف بالله
(واني وان هربت من الجماعة الاسلامية قد جنبت كل ذي بشرة سمراء مغبة حرب نحن الخاسرون فيها لا محالة.....).
هسه لو طه حسين ذاتو جابوه بيقول كلام زي ده
.............
الجيلي ... والله انت زول هردبيس .. عرطبيس ..مزوّر ...شلولخ ....عديل كده
.........
| Quote: سعد دبيبة فى اخبار الجكس والشبيبة/د احمد قسم الله دليل |
وين الشخصية دي ؟؟
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
كيمو
تعرف.. بغض النظر عن الموقف الذي ولد العبارة فلا بد لنا من تقدير البلاغة اللغوية التي أتى بها الرجل
ودايما العبارات الزي دي بتكون منحوتة بالذهن
ذكرتني بصاحبك الأمين الطيب
كان بصفة عامة معجب بالأديب الطيب صالح
وبصفة خاصة برواية موسم الهجرة إلى الشمال
وفيها كان يحفظ أجزاء بالكامل عن ظهر قلب
عندما كان يسير في شمس أسيوط اللاهبة
وتلسعه سخونتها
فيردد هذه العبارة المستقاة من الرواية وصفاً لها
( تجلد الأرض بسياطها ، وكأن بينها وبينها ثأر قديم )
أو شيء مثل هذا
............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
الزوول
تحياتي
الأمين الطيب دة شخص لو جلس معه كاتب رواية لأخرج للأدب الإنساني رواية كل شخصياتها الأمين الطيب ... كان يتذوق الأدب كله شعره ونثره ، روايته ومسرحه ... كان يتذوق كل شي جميل ويحب الآيسكريم ... يدخن السيجارة فيخرج لك الدخان والكلام الجميل في تناغم الأضداد...
تحياتنا له أين ما حل ولا أظن أنه قد رأي هذا البوست أو سمع به ، فإن كان ، نرجو منه أن يمدنا بعنوان أو رقم تلفون
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الزوول
بما أنك رجعت لمذكراتك فانني أضطر للرجوع لألبوماتي و انت أصلو تفوقت بقلمك الرائع و أحاول بالصور دي القى معاك موضع قدم في البوست ، و اليوم أبدا بصور من رحلة الجمعية الطبية للفيوم عام 1986م و كانت من أجمل الرحلات و كانت مليئة بالبرامج الثقافية و الترفيهية ، و دي أول صورة و الباقي في الطريق:
طبعا الصورة واضحة و الأشخاص واضحين و يظهر جالس في الخلف الأخ الرفيع رحمة الله (تجارة - سنار)
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
السلام عليكم
الحاج حمد
| Quote: اذا بتقصد الفنان عبد الرحيم محمد علي و الذي كان يغني لابن البادية و بعض أغاني الطمبور و هو كان يدرس تجارة و حاليا مقيم بالهفوف و يقوم بادارة عمل خاص به حقق فيه نجاح كبير. |
تحياتي
أعرف عبدالرحيم محمد على صاحب الطنبور وليس هو ما قصدته ولكن من أعني اسمه عبده فعلياً وليس دلعاً لاسم عبد ال.. وبسبب مداعبة البعض له باطلاق اسم عبده ضيوف ضاع اسمه الرسمي فيما ضاع
كان يغني اغاني الحقيبة ، وكان صوته جميلاً
سأحاول أن آتي بصورة له
....................
| Quote: طبعا الصورة واضحة و الأشخاص واضحين و يظهر جالس في الخلف الأخ الرفيع رحمة الله (تجارة - سنار) |
دبلوماسية تحسدك عليها كونداليزا رايس 
يبدو أنك نسيت جلوس الصورة ، ولربما ضاعت عليك الأسماء ...عموماً
هم من اليمين ، العوض عبدالله محمد طه (صيدلة) صاحب النظارات ، هارون زكريا ( طب) ، محمد المصطفى (طب)
....................
كيمو
شفت شفوت الصور كيف ...؟ تقول لى بروفيسر ؟؟
....................
ميكي ..
ما معناها ناس المجد رشوكم تقاطع ناس اسيوط !!!
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
كتب الزوول:
Quote: دبلوماسية تحسدك عليها كونداليزا رايس
يبدو أنك نسيت جلوس الصورة ، ولربما ضاعت عليك الأسماء ...عموماً
هم من اليمين ، العوض عبدالله محمد طه (صيدلة) صاحب النظارات ، هارون زكريا ( طب) ، محمد المصطفى (طب) |
لم تضيع مني الأسماء و ناس الجمعية الطبية بالذات كان عددهم محدود و ناس صيدلة طبعا كانوا معانا في الجامعة القديمة لذلك كلهم معروفين لي الا القليل جدا جدا لكن من في الصورة و الذين تفضلت بذكرهم معروفين جدا و اعلام..تحياتي و هاك دي كمان (كمان قول لي منو؟):
و عشان ما أكون دبلوماسي أذكر بعض الأسماء الظاهرة:منال محمد أحمد (تجارة) ، الحاج حمد الحاج (تجارة) ،نادية عراقي (تجارة) ، خلف اله (حقوق) ،محمد المصطفى ، عمر الأزرق ، عصام جاويش ،لمياء كمال ساتي ، نجم الدين (زراعة) ، صديق (طب) مرشد م عبد الرحمن (تجارة) ، عبد القادر - قدورة (تجارة)
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
الاعزاء الاسايطة
عزرا فقد انشغلت بامتحان في الجامعة
وكمان ما اتوفقت فيهوا 10 من 30 نعوض في الامتحان الجاي...
ولسه ما رفدوني..!!
وبهذه المناسبة سوف احكي لكم قصتي مع صديقي مزمل
بالرغم من انني لم استشيره في روايتها .. ولو زعل.. ما يزعل!!
طبعا في السنة الثانية ودعنا دفعتنا ناس نادر محجوب وطارق وودابوكنه
وعملنا دبلر - تانية تاني ( اعادة للسنة)
المهم الطلاب السودانيين بمصر وكالعادة تعلق نتائج الامتحانات
للذين لم يحضروا النتيجة باسيوط لاستعجالهم بالسفر الي السودان
فيقوم الاتحاد العام والروابط والجمعيات
والاسر برصد نتائج الامتحانات للسنة الدراسية
واعلانها بجامعة القاهرة فرع الخرطوم.. ذهبت واستطلعت النتيجة
فوجدت شخصي والكاشف اخوي الذي اوصاني باحضار نتيجته
قد دبلرنا.. ذهبت من هناك اي مباني جامعة القاهرة الفرع
الي الصحافة شرق حيث يسكن صديقي ..لم اجده ولكنني وجدت ابن خاله
الذي اخبرني بان صديقي في شندي وسوف يعود بعد باكر ان شاء الله
المهم اخبرته بالنتيجة المؤسفة وان يبلغها لصاحبي
ود خالوا خشموا خفيف قام كلم ليك الحلة والاهل واي زول بيعرف صاحبي الكاشف
وكانه رب العالمين اراد ان اكون معه في هذا التشنيع
بالاخفاق ... لدي خاله علمت برسوبي في ذلك العام ايضا فعلت
الشئ نفسه اخبرت الاهل والجيران حتي سيد اللبن ذاتوا..
وعندما عدت في اجازة منتصف العام التالي (تانية تاني)
عندما طبق نظام السمستر لاول واخر مرة في عهدنا بالجامعة
عندما عدت للسودان كمااخبرتكم سابقا
مع الاخ عصام محجوب.. ونحنا داخلين من الباب
في منزلنا ببري والدنيا صباح وناس البيت متجمعين
علي شاي الصباح ولم يكونوا متوقعين رجوعي في اجازة منتصف العام
فاذا بالخالة تصيح وباعلي صوتها:
راجع في غير زمن رجوعك مالك رفدوك
د.الزوول الفنان الاسمه عبده ده انا زاتي
Quote:
ضاع اسمه الرسمي فيما ضاع |
وبعدين يابروف الزوول ده قصدوا ينزع اللقب
ولا شنو؟
Quote:
شفت شفوت الصور كيف ...؟ تقول لى بروفيسر ؟؟ |
اما موضوع الازرق الوهاج ده كما يسميه د.كمتور
Quote:
ميكي ..
ما معناها ناس المجد رشوكم تقاطع ناس اسيوط !!!
|
ان موعدنا تونس واللقاء بالقاهرة ثم الخرطوم
ان شاء الله..
لكن والله رشونا ليك بي هوبه ملعوبا
وعلي فكرة مبروك للميرخاب الصعود لدوري العرب
والله مباراة عظيمة ترفع الراس مع الرفاع البحريني
تخريمة:
الحاج حمد اول مره اعرف انك من ناس المحمولة جوا
ومتعصب وبتشارك في مثل تلك البوستات المتعصبة رياضيا
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
Quote: تخريمة:
الحاج حمد اول مره اعرف انك من ناس المحمولة جوا
ومتعصب وبتشارك في مثل تلك البوستات المتعصبة رياضيا |
يا ميكي زمن التعصب كنا تمارين المريخ ما بتفوتنا و لكن رغم ذلك يبقى حبنا للمريخ العظيم صاحب الكاسات المحمولة جوا..الجماعة من تونس بالتونسية لكن أتمنى من قلبي للهلال و هو يمثل السودان الفوز في مباراته للصعود للنهائي..
صورة رائعة خلال رحلة الفيوم تضم مجموعة من تجارة و جلست معهم الأخت هدى الجزولي (زراعة) ، من اليمين : منال محمد أحمد ، هدى الجزولي ، الحاج حمد الحاج ، نادية عراقي و سلوى محمد عبد الله.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
السلام عليكم
| Quote: صورة رائعة خلال رحلة الفيوم تضم مجموعة من تجارة و جلست معهم الأخت هدى الجزولي (زراعة) ، من اليمين : منال محمد أحمد ، هدى الجزولي ، الحاج حمد الحاج ، نادية عراقي و سلوى محمد عبد الله. |
الحاج حمد
يا زول انت رمضان طار لك في راسك ؟
سلوى محمد عبالله دي تقصد اقبال محمد عبدالله الشهيرة ب (بَلّو)
أو يكون انا رمضان طار لى في راسي؟
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
Quote: الحاج حمد
يا زول انت رمضان طار لك في راسك ؟
سلوى محمد عبالله دي تقصد اقبال محمد عبدالله الشهيرة ب (بَلّو)
أو يكون انا رمضان طار لى في راسي؟
|
الآخيرة دي الصاح لأنو دي سلوى محمد عبد الله (تجارة) اقبال بيلو (زراعة) و بجيبها ليك في صورة تاني تصوم و تفطر علي خير.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الاخوة والاخوات الاسايطة
السلام عليكم
عوده للمكتوب فوق ..
فعندما حولنا العبارة الشهيرة المنقولة من د.الزوول
الي الاخ:
Quote: لذلك فانني مازلت علي ندائي يا شيخ الجيلي
يا Mr.Wind تنجدنا بذاكرتك.. ولا ما عندك كراسة برضوا؟
|
جاء رده الحاسم مزيلا ب
Quote: سعد دبيبة فى اخبار الجكس والشبيبة/د احمد قسم الله دليل
الحجج الواهية في اختراق الضاحية /العوض عبد الله محمد طه
الفصول التمباكية في عزبة السجن والوليدية/اللمين الحيوان التمباكي |
نحنا عندما حولنا الموضوع الي د.الجيلي كنا نعلم بانه سياتينا بالمفيد
مسنودا بالمراجع والادلة قطعت مصاريني بالضحك يا Mr.Wind
الزوول انا نسيت ما قلت ليك الحاج حمد ده ما تستفذ ذاكرتوا
خاصة عندما يحصل دويتو زي ده بينكما
Quote: Quote: الحاج حمد
يا زول انت رمضان طار لك في راسك ؟
سلوى محمد عبالله دي تقصد اقبال محمد عبدالله الشهيرة ب (بَلّو)
أو يكون انا رمضان طار لى في راسي؟
الآخيرة دي الصاح لأنو دي سلوى محمد عبد الله (تجارة) اقبال بيلو (زراعة) و بجيبها ليك في صورة تاني تصوم و تفطر علي خير. |
اولا ده رباطابي يعني الكلام ما بفتشوا
ثانيا جاي من السودان اسه يعني طازج بالاخبار مش زي البروف
وثالثا ما بتغالط في الجكس
رابعا بحندكنا بالصور العندوا..وبنزل فيها بالسيسي
بلعة ريق وجاي راجع
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
Quote: اولا ده رباطابي يعني الكلام ما بفتشوا
ثانيا جاي من السودان اسه يعني طازج بالاخبار مش زي البروف
وثالثا ما بتغالط في الجكس |
يا ميكي أولا و ثانيا صاح بس ثالثا ما بتغالط في الجكس دي ما صاح ياخي دي المادة الوحيدة الشيلتها في الشهادة ، على ذكر الجكس مرة صاحبنا الرفيع واقف قريب من البوستة في كلية التجارة و كان متوقع خطاب مسجل و ما لقاهو و دبرس شديد و هو واقف كان قريب من واحد من الخلاطين جدا و كان في حالة خلطة قوية و هم قريبين من الرفيع و باين كان بسمع في الحنك ، أنا جيت سلمت على الرفيع و قلت ليهو : ما ماشي ؟ (كنا ساكنين مع بعض) قال لي ياخي أمشي وين خليني أسمع لي كلمتين تلاتة يمكن أصلح (الكمبوسيشن) بتاعي دا و أقدر أخلط شوية انتو لا تخلطو لا تخلونا نتعلم الكلام البنخلط بيهو أمشي أنا ما ماشي.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الاخ الحاج
لقد نسيت رابعا وهي حندكة الصور
ولقد زرتك في بوست الشعبية مرورا واطلاع فقط
ووجدتك قد دعمته بالصور الطازه من السودان
اجازتك عامره ومفيده للناس المتداخلة معاك
اما الفقرة الثالثة وهي الخاصة بالجكس
كان عليك و الاخ الرفيع رحمة الله ان تدفعاء
نثريات درس عصر مع الاخ عبدالعظيم علي السنجك
حتي تتعلما فنون (الكلام والخلط والهيام)
وبالمناسبة وين اخونا الدكتور تاج السر علي حميد
ذلك الرجل الطيب؟؟ علمت انه بالسعودية
لنا ايام جميلات معه بالقاهرة في منتصف التسعينات
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
Quote: اما الفقرة الثالثة وهي الخاصة بالجكس
كان عليك و الاخ الرفيع رحمة الله ان تدفعاء
نثريات درس عصر مع الاخ عبدالعظيم علي السنجك
حتي تتعلما فنون (الكلام والخلط والهيام) |
يا ميكي شنو الغتاتة دي جاي تكلمنا بعد عشرين سنة زمان كنت وين؟ بس مالك ما وصيت صاحبك عصام محجوب و هو كان صفر كبير في الحتة دي.
أشكرك لمرورك على بوست الشعبية نجم تزين سماء الخرطوم بحري و اعجابك بالصور التي حاولت من خلالها اثراء البوست.
تخريمة:
عصام محجوب سيكون طرفنا بجدة يوم غدا السبت لأداء العمرة ، تقبل الله من الجميع صالح الأعمال.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
| Quote: الحاج انظر للفرق في الصور ما بين ايام الصبا والشباب والحفرية الجاياك للعمرة! |
تعرف يا ميكي الزمن سيحفر على كل واحد مهما عمل ، لكن عصام محجوب ما شاء الله أكتر واحد من خريجي أسيوط أستطاع أن يقاوم آثار الزمن عليه و هو ما شاء الله تبارك الله محافظ جدا جدا.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
ومن الجيلي عن العوض هذه الرسالة
Quote: اخونا العوض عبدالله محمد طه اشتهر بالنسيان كان يسكن هو وعادل عبد العزيز قريش(طب) وعازف الاكورديون والاورغ البارع ايهاب القباني(طب)..يقابل عادل قريش العوض في الطريق:
عادل:الشقة فيها منو يالعوض...??
العوض:فيها......
عادل :منو.....
العوض :يآخيييي هو ده.... يآخييي اسمو....
عادل :مين يالعوض...?
العوض:قلت لك...آ آ..انت ماعارفو..... ده ..يآخي..هناي ده..
عادل:مين هناي ده..?
العوض: مآآآنت عارفو ياخي.....هو..يآآخييي...... بتاع الاكورديون ده...????
عادل:ايهاب..????
العوض: بس هو ده....
|
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
من آخر فنون النسيان عند العوض ، وهو الخبير في ذلك النوع من الإبداع الإنساني .. إليكم هذه القصة والتي كان مسرحها في دولة الإمارات المتحدة حيث يعيش الآن بطلنا... وهو بالطبع العوض....
رزق العوض ذلك العام بطفل آخر ،، أطلق عليه العوض إسما ثم توالت الأيام فالشهور والطفل ينمو ،، حتى حان موعد اجازة العوض السنوية فجهزت الأسرة أمتعتها استعداد للسفر للوطن .. كان العوض يحمل ذلك الطفل على كتفيه وتقدم نحو ضابط الجوازات الذي حدق في العوض طويلا وسأله : طفل من ذلك الذي تحمله معك؟
أجاب العوض أنه طفله
لا زال ضابط الجوازات مصرا على أن ذلك الطفل ليس طفل العوض ... وقد كان الضابط قانونيا محق في كل ما قاله ،، إذ نسي العوض أن يضيف ذلك الطفل الرائع إلى جواز أمه ...
التحية لذلك العوض الذي إن بقي في الكون لقب(إنسان) لمنحناه إياه وحده
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم
تعرف يا كيمو
صاحبنا العوض
اشتهر بموضوع النسيان
وأظن أنه فعلاً كان نسيجاً لوحده في موضوع النسيان هذا
ولكني أظن أيضاً أن هنالك زيادات كثيرة أُضيفت وأُلصقت به اعتماداً على الشهرة النسيانية التي اقترنت به
وبداية شهرته النسيانية اعتقد انها بدأت مع نسيانه موعد أمتحان الملحق ، والذي كانت نتيجته أن أعاد السنة الأعدادية كما حكى ميكي في هذا البوست
سألته عن عدد كبير من الوقائع التي تنسب إليه
نفى معظمها ولكنه روي لي هذه الواقعة
يقول :
كنت أسكن مع الأخوة أمين فريجون ، الأمين الطيب ، محمد عوض الله وجميعهم صيدلة بالإضافة لأبوبكر حسب الرسول (شقيق علي حسب الرسول)
في موسم الأمتحانات وفي عز الزنقات المشهورة لكلية الصيدلة كنت مندمج في المذاكرة اندماجاً شديداً
وفجأة سمعت الباب يدق
ذهبت إلى الباب وأنا لا أزال اردد ما أحاول حفظه
وقفت أمام الباب لأفتحه
يقول ... لآ أدري ما الذي جعلني أعتقد بأني أقف خارج الباب وأنني الشخص الذي يريد الدخول
فبدأت أدق على الباب من الداخل
والشخص الثاني يدق من الخارج
استمرت هذه المسرحية الإيقاعية لدقائق أنا أدق من الداخل وهو يدق من الخارج
وأخيراً انتبهت إلى أنني الشخص الذي يجب عليه فتح الباب
عندما فتحت الباب وجدت أمين فريجون يقف بالخارج
يقول العوض
لا أنسى ما حييت النظرة المندهشة المذهولة المرتسمة على وجه أمين فريجون
والتي توحي انه بدأ يشك فعلياً في سلامة قواي العقلية
والغريبة انه – أي أمين فريجون – لم يتفوه بكلمة واحدة
حيث أخذته المفاجأة تماماً واكتفى بوضع ما كان يحمله من أغراض وهو لا يزال يحملق بوجهي
ومن ثم انفجر في ضحك هستيري تجمع على أثره باقي الشلة ليحكي لهم أغرب موقف يصادفه في حياته
.......
عندما حاصرته أيضاً بموضوع البيض لم ينكره
وإن كان قد تعلل بأنها خطأ بسيط لا يستدعي كل هذه الإشاعات
وهو باختصار
عندما تريد أن تقلي البيض
فالشيء الطبيعي أن تكسر البيضة أولاً
ثم تضع ما بداخل البيضة في الطوة ثانياً
وترمي قشر البيضة في صفيحة الزبالة ثالثاً
...
يقول العوض أن كل ما كان يحدث له انه احياناً كان ينسى
فيغير ترتيب ثانياً وثالثاً
وهذا ما كان يكلف الميز عبئا إضافيا لتعويض البيض الضائع في الزبالة
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
Quote: فبدأت أدق على الباب من الداخل
والشخص الثاني يدق من الخارج |
هذه الرواية أكدها لي د. أبو القاسم عبد الحفيظ قبل شهور ، وقد كانت الجلسة بالطبع كلها تدور حول أسيوط ومجتمع أسيوط الذي يتفرد بكل جميل ورائع
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
و رسالة من الأخ حامد محمد أحمد (الأنصاري) (تجارة) ، أرحب بالأخ حامد و هو بلا شك من الذين يملكون الكثيرين ليكتبوه
Quote: salam nas assuit
Date: Sun, 7 Oct 2007 03:06:33 +0300
Salam to all brothers and sisters those they were been time time in south of egypt.
Iam one of you now in Elobeid west Sudan
working with world food programme since 2003 up to now bentiu-wau-kosti-now elobeid..
dear kabashi I nearly to forget you but digging my brain then I remember you to confirm that you are the long
man in commercial ,,
I hope you remember Hamid (ALANSARI) from Gazeerat Aba.
my warm regards to Hajhamad (al arabi markit)and to Dokhri and to Lana Mahdi the great habeiba to find this
opportunity to see you
please try to pass this lettter to all .
you find my picture attached ...you can share others even by internet post
sorry I have no arabic keyboard ...I will be online soon by arabic.
there are many assayta in elobeid but also there is no gathering or associan collect them we meet by accedents
Hamid Mohammed Ahmed (alfaki) mobile 0918219966 or 0122457144 or [email protected]
kolo aam wantom balf khair (happy Eid to all of you) Allah will bless you and accept our fasting ameen
|
الصورة المرفقة للأخ حامد
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الاخ الحاج حمد الحاج
اولا التحية للاخ حامد الانصاري ( تجارة اسيوط - وابن الجزيرة ابا)
والذي يعمل كما جاء في رسالته مابين بانتيوو كوستي وواو والابيض
مع برنامج الغذاء العالمي.. ارجو ان لا تنقطع وياريت رسالتك دي
تجيب لينا الدخري داؤد عشان يرد ليك التحية لانها في الاسلام وفي رمضان
بالذات فرض..اما كباشي الحاج اطول زول في تجارة فاكيد عنده تحية
حمدا لله علي سلامة الاخ عصام محجوب وكما بيقولوا متجمعين في الحرم
ما تنسونا معاكم بخالص الدعوات
Quote:
يا ميكي قلت ليك عصام محجوب ما شاء الله محافظ جدا و دي صورة التقطتها له فجر اليوم بمنزلي بجدة حيث حضر لأداء مناسك العمرة |
انا بشاغل فيك وفي ناس البوست لانو كما قلت ليك
ياهو عصام ذاتوا الاقيتوا 2005 في زواجي بالخرطوم
شرايط الحفلتين معاي! ماشاء الله تحياتنا له وساتصل بيكم
ارسل لي تلفون يمكن ان القاكم به علي الداخلي.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
تعليق طريف جدا أطلقه أحد الظرفاء أيام دراستنا بأسيوط و لكن ضحكنا و لم نشرك الآخرين في ذلك الوقت طرافة التعليق ، كان الأخوان الرفيع رحمة الله و فيصل دفع الله أعضاء باللجنة التنفيذية لأسرة شيكان و كان أن ذهبوا للعمرة و يوم حضورهم صادف أن هناك اجتماع للجنة التنفيذية و كانوا يضعون كحل اقتداء بالسنة و كان هناك اتنين من الأخوات اعضاء في اللجنة و يبدو أنهن يضعن كحل أيضا ، عند خروجهم من الاجتماع لاحظ هذا الظريف أو الخبيث أن الأخوات مكحلات و الاخوان جايين من العمرة مكحلين ، عندما حضر لشقتهم علق قائلا : و الله الليلة اللجنة التنفيذية كلها مكحلة و انفجر الجميع ضاحكين و كتموا التعليق كسر لليوم.
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
Quote:
كان الأخوان الرفيع رحمة الله و فيصل دفع الله |
بالاضافة الي الاخ عصام محجوب وهو ليس عضوا باللجنة التنفيذية انذاك
لقد ذكرت في البوست اعلاه سؤلا عن الاخ الدكتور تاج السر علي حميد
ولقد ذكرته بذكري عبد العظيم علي السنجك وكلاهما من البسابير - شندي
وعندما ذكرتم الاخ العوض - صيدلة ونسيانه فللاخ تاج السر ايضا بعض
من النسيان او كما يقول بعض الناس فانه (يسهي) او يسرح بعيدا
من حديثك وفاجاه يعود الي النقاش في نقطة فاتها الناس منذ فترة
اما من احد يخبرنا عن خبره وينقل اليه منا تحياتنا!!
وبعدين ده من شنو يا الزوول من القراية ولا من محنه من محن الدنيا
اسه نحنا وكما يطلق علينا البروف خرفنا بقينا ننسي كثير
الزهايمر حان وقته ولا شنو؟
يا بروف انت بتعزم الناس الحردانين
ديل في بيتهم ولا شنو؟
و لو ما حردانين ما لهم ما دايرين يجو يفطروا معانا؟
ولا مدخرين كل جميل عيديه!!
محمد الشيخ سليمان
توفيق زياده
بهاء الدين ارباب
الدوخري داؤد
د.محمد ابراهيم قرض
د.عبد المطلب صديق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
سعدت اليوم باتصال هاتفي من الأخ مكي محمد الحسن أو كما يحلو لناأن نناديه (ميكي) تحدثنا طويلا و الرجل مخلص للعلاقات الأخوية الأسيوطية الطيبة و يعمل لربط خريجي أسيوط من خلال هذا البوست و من خلال اتصالاته التلفونية ، لك كل الود يا ود بري يا أصيل
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
Quote:
و من خلال اتصالاته التلفونية ، لك كل الود يا ود بري يا أصيل |
الاخ الحاج حمد
خلي التلفون دائما مفتوح ولولا معرفتنا بسهركم في رمضان
لما اتصلنا في مثل تلك المواعيد
( مواعيد صلاة التهجد بتوقيت مكة المكرمة)
طبعا المواعيد ديك البروف عامل نائم
وكعادته متكل علينا نرفع ليهو البوست
عاين لي اسه يجيك يسال يا اخوانا وين فلان؟
ويكب الزوقة 5 ايام علي هذا الحال
والويك اند(خميس وجمعة) اوف لاينoff line
or out of service
لكن والله بجد كده وين البنسال عليهم؟؟
وين الاسيوطيين؟ وين..؟ وين..؟
وسلم لي علي جوليا بطرس
| |
|
|
|
|
|
|
|
|
 Re: خريجي جامعة أسيوط ، أين الأحياء منكم؟ (Re: Mekki M Alhassan)
|
السلام عليكم
انا غايتو يا ميكي بديك الصف الأمامي
وبخلي الباقي للشباب الباقيين
وهم من اليمين
مزمل فزع ، مزمل صيدلة ، ميكي ، محمد أحمد هارون طب
أها ...
لقيتني كيف؟
.....................
ميكي شايفك قلبت لونك على اللون الأخضر
شنو ؟
غيرت من الهلال لنيجريا والا شنو؟
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
Quote: انا غايتو يا ميكي بديك الصف الأمامي
وبخلي الباقي للشباب الباقيين
|
الزوول
ياخي تقول لي انت دبلوماسي اكتر من كوندليزا رايس ، هسع انت ما تفوقت علي كسنجر زاتو يعني اخترت الص الأمامي فيهو أربعة بس منهم ميكي لكن أظن برضو ما نجحت و شوف ميكي بيقول شنو
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
يا جماعه والله متأسف جدا الزنقه حاصله
اها هسى جيت عشان اقول ليكم
كل عام وانتم بالف خير
ويتعاد علينا وعليكم باليمن والبركات
ومتجمعين كلنا هنا فى حوش بكرى مليانين صحه وعافيه
وبحاول ادخل عليكم خلال العيد لو لقيت طريقه
وتانى كل عام وانتم وكل الاسايطه بالف خير
محبت لكم جميعا
على جنب
رقم تلفونى الجديد
00966563097147
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
هذه الصورة لشخصية اسيوطية قليل من تعرف عليه
من بورتسودان وكان يدرس بكلية الهندسة
سكن مع الاخوة باشمهندسين احمد ابو القاسم - تعدين - القضارف
وجوهر ادم الطاهر - كهرباء - الفاشر
انه؟؟
...................
...................
الزوول والله كان ما قلت ليك اسمه في كراسك الماكن داك ما بتلقاه
انه
الاخ حمزة فتحي عباس هل منكم من يدلنا علي اخباره؟؟
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
| Quote: مزمل فزع/؟ /مكي / عصام جاويش |
يا ميكي عاوز تخمنا الزول البينك و بين مزمل فزع البيشبه صابر الزبير دا فطيتو مالك؟ طبعا الزوول مسطح البيجيب ناس صيدلة و طب في تخريج تربية شنو ؟ و كمان يلبسو روبات و يتصورو؟ الزوول كيكي دا رمضان طار ليهو في راسو و الله دي عطشة
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الاخوة والاخوات الاسايطة
اين خبر هذا الجيل؟؟
وي ما قال جوهر انهم جيل جاؤا الي اسيوط
زمن البطاقة الجامعية حجر طوب منحوت عليه الاسم
باللغة الهيلوغروفية
يا ودقرض .. ده ما جيلك؟؟
قال ما بيجي الا يجي الناس القدروا
اها جبناهم ليك صور
اين الباشمهندس صديق كاكوم -كهرباء
اخر عهدنا به انا والكاشف اخوي ودابوكنه انه اشتغل مع ناس الانقاذ
ديل في اول عهدهم مديرا لكهرباء العاصمة المثلثة؟!
وصاحب الصورة يا بروف يا مخرف ويا الزوول هو
الباشمهندس احمد ابوالقاسم - تعدين - القضارف
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
وهذه تجمع صابر احمد الزبير- شريعة وقانون الازهر اسيوط والباشمهندس احمد ابوالقاسم - هندسة
اما الشخص الثالث ده والله نسيت اسمه له العزر هل منكم من يذكره؟؟
يا اخوانا سيد البوست ده مشي وين؟
مشي يشتري لينا العيدية وضاع في الاسواق ولا شنو؟
ولا كلاموا خلص والصور العندوا كملت؟ وعرض الاسكانر للبيع؟
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: El Dukhri)
|
كان يا مكان في حاضر العصر والزمان
بوستا لخريجي اسيوط في المنبر العام غاب واستكان
وصاحبه عامل لا يري ولا بيسمع وكمان طرشان
والعندهم باسورد كل واحد فيهم كسلان
وتكاسل الجميع .. حتي الزوول والحاج معتكفان
ولعل الجميع قد قرروا الصيام عن الكلام بعد انتهاء رمضان
..................
في سبيل الرفع الايجابي للبوست
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: El Dukhri)
|
كاني بالاخ النشط ،المحبوب ، اخو الاخوان مكي يقول :
ارى خلل الرماد وميض نار واخشى ان يكون لها ضرام
فالنار بالعودين تذكى والحرب اولها الكلام
وقلت من التعجب ليتي شعري اايقاظ بني اسيوط ام نيام ؟
واقول له :
الاسايطة قادمون حافظ على معنوياتك يا ميكي
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
رسالة من الأخ العزيز د.منتصر يوسف حسن و أرجو ان يتواصل معنا بكتابة ذكرياته بأسيوط ، منتصر يسأل في رسالته عن الأخوان عبد الرحمن التجاني (زراعة) و الأخ حمزة السراج ، الأخ حمزة السراج آخر أخبار سمعتها عنه أنه يعمل بالسعودية بمدينة الرياض و أرجو أن كان للأخوان معلومة تزويدنا بها حتى تتحقق أهداف البوست بربط خريجي أسيوط ببعضهم البعض:
Quote: الاخ العزيز الحاج كل عام وجميع الاخوه الأسايطة بخير و صحه وانشاءالله دائما مجتمعين فى هذا البوست الذى اصبح واحه نجتر فيها ذكريات الزمن الجميل بالذات رسالة الاخ عدنان التى شملت جميع الكليات و جمعت اغلب الاسماء. و الا خ بستم و العزيز الامين البرلوم الذى كان مع الاخ العوض عبدالله يمثلان فاكهة الجمعيه الطبيه. ياحاج بسال عن الاخوان عبدالرحمن التجانى من زراعه والا خ حمزه السراج. تحياتى للجميع
منتصر
|
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
و رسالة أخرى من الأخ العزيز منتصر حسن يحكي فيها عن ذكريات جميلة و أيام حلوة:
| Quote: الاخ العزيز الحاج لك تحياتى مره اخرى . اليوم فقط علمت بما حدث للاخ بطانيه و اقول ليه سلامتك والجاتك فى مالك سامحتك و بالمناسبه الاخ بطانيه هو اول شخص تعرفت عليه فى اسيوط فعندما وصلت المحطه اخذته حنطور طلب وقلت ليه عاوز امشى كلية الصيدله فاخذنى الى مبنى ص بالمدينه الجامعيه دخلت للمشرف وقلت ليه انا مقبول فى صيدله وعاوز اسجل فضحك وقال ياابنى دا انت حاتصيع و عندما عرف انى من السودان اخذنى لغرفة اخ سودانى وطلع الاخ بطانيه والذى كان عندما تزوره و يعزمك على شاى و تقول له شكرا مافى داعى عندما يودعك يقول ليك شرفته وما كلفته. اما العزيز كرجويل فكنا نسكن انا و طارق عبدالعال تجاره و عبدالمجيد بيجن وعامر ابوكدوك و كان للاخ كرجويل مفتاح انجليزى و عكاز لزوم تادبينا اذا خالفت النظام وفى يوم خميس كنا مساهرين و اليوم التانى كانت هناك مباراه و كنت مفروض اكون رجل خط فقال لى محذرا احسن تقوم تنوم ولا حاتندم والصبح حاول ايقاظى بالعكاز و لما لم يفلح فجاءه شعرت بالم فى رجلى فاذا بكرجويل رابط المفتاح الانجليزى فى رجلى وعمال الف. والله كانت ايام حلوه ....منتصر |
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: mohamed elshiekh)
|
الاخوة والاخوات الاسايطة
السلام عليكم
هذه الصورة تجمع من اليمين الي اليسار
فضل الله - المرحوم سليمان المهدي يوسف جميل - الاخت سلوي عثمان سعيد - محمد الفاتح مصطفي ابوكنه
في رحلة من رحلات بخت الرضا..ودابوكنة اختفيت مالك ان شاء الله خير؟؟
.............
مرحبا بي محمد الشيخ مرحبا والله برضوا ما قصرت خليك صاحي لز معانا البوست ده
صاحبوا اصابته تخمة اكل الخبائز والكعك ..يشرب في الشاي ويتاوق مره مره
الاخ مزمل فزع اتصل علي في ثاني ايام العيد وقال لي هو البوست لسه موجود
عارف ده معناه شنو يا بروف ان بعض الناس ما عندهم زمن يفتشوا عليهوا في الصفحات
لذلك اصحي يابريش.. خلي البوست في الصفحة الاولي دائما
د.منتصر سلامات وارجو ان يرد الاخ د. محمد ابراهيم قرض ( بطانيه) علي تحياتك
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
نود أن نهنئ الجميع بحلول عيد الفطر المبارك أعاده
الله على الجميع وقد تحققت الأماني و راحت الإنقاذ !!!
ثم أود شكر كل الذين سألوا و تسائلوا عن شخصنا السمين
الذي لا يستطيع دخول هذا المنبر إلا عبر ال (DSL) وهذا يتوفر
فقط بحدوث معجزة كما هو الحال الآن ..
ثم أن المؤمن لا يستحي من الحق ، و إن طال الزمن وبلغ دهورا ..
خاصة و أن مناسبة العيد السعيد تتطلب وقفة مع النفس ، وفي حالتي
هذه وقفة مع الجيب ..
ذلك لأن لشخصنا السمين ديون متلتلة و مستحقة على الكثير من الزملاء الأسايطة
خاصة أولئك الذين ظهرت صورهم العجيبة في هذا البوست ... و أنا لا أدري ولا أفهم
كيف يجروء أحدهم أن (يتصور) في هذا البوست وهو لم يقم بعد بتسديد الديون
الواجبة عليه لشخصنا السمين وقد طاف عليها الحول بعد الحول ؟؟؟؟!!!
أ لهذه الدرجة بلغت قوة العين ؟؟؟
وأنا في هذا المقام لا أستثني حتى الجنس اللطيف .. ذلك أنه ليس بالذنب
كون أنني أنحدر من أسرة استقراطية حباها المولى بالمال الوفير .. خاصة
و أن وضعي الأسري هذا قد سخرته بالتمام و الكمال لإسعاف الكثير من الأسيوطيين
و الأسيوطيات الذين و اللائي بلغ بهم و بهن المسغبة و الفلس الشديد أنهم
مدوا و مددن أيديهم و أيديهن إلى شخصنا السمين ، الذي لم يردهم و يردهن
خائبين و خائبات ...
كنت لوحدي-و الحمد لله-أمثل إدارة شاملة للشئون الاجتماعية بعد أن تقاعست
سفارة السودان عن مساعدة الطلبة و الطالبات .. و لقد بلغ بي الجود و الكرم
أن قمت بإسئجار سكرتارية متكاملة لاستقبال طلبات الأسايطة و الأسيوطيات ، و من
ثم فحص حالهم و احوالهن ، تمهيدا للقيام بالواجب ...
الآن وقد توظف من توظف ، و استوزر من استوزر ، و اغتنى من اغتني ... فقد
حان وقت تسديد الديون و على دائر المليم ...
و لعل أن تواضعي الجم المشوب بالحياء ، يمنعني في هذه اللحظة من ذكر أسماء
الأسايطة و الأسيوطيات الذين و اللائي قد استلفوا و استلفن مني مبالغ طائلة أثناء
سنين الدراسة ، خاصة و أنهم و أنهن يعرفون و يعرفن أنفسهم و أنفسهن جيدا (يكفي
فقط مراجعة الصور العجيبة المنشورة على هذا البوست) !!!
لكن أود طمئنة الجميع أن لهذا التواضع الجم المشوب بالحياء حدود ...
و خاتمة الأمر كالتالي :
-تسدد العليك تسلم ..
-تسددي العليكي تسلمي ..
-ما تسدد العليك فضيحتك بجلاجل ..
-ما تسددي العليك ، الترابة في خشمك ...
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: محمد ابراهيم قرض)
|
مرحبا بالاخ الدكتور محمد ابراهيم قرض - بطانيه
كل عام وانت بخير
قال قرض:
| Quote: كيف يجروء أحدهم أن (يتصور) في هذا البوست وهو لم يقم بعد بتسديد الديون |
انت قصدك منو لانو في واحد بس سمح لنفسه بالتصوير في
هذا البوست واول حرف من اسمه عصام محجوب .. عرفتوا ولا اقول ليك اسمه كاملا..
.............
حادثني هاتفيا الاخوة عصام الدين محجوب محمد احمد والحاج حمد الحاج
من جدة بالمملكة العربية السعودية.. الاخ الحاج وعد بانزال بعد الصور
(طبعا مسالة الصور دي مؤرقةد.بطانية وهنا نناشد د.الزوول بانزال صورة
للدكتور قرض علي هذا البوست) والحاج سوف يقوم بانزال صور
لبعض الاخوة الاسايطة الذين اطلقوا اللحيه التي شاب شعرها
وذلك للمشاغل وعميق التفكير في المستقبل ..الاخ الحاج في انتظار مفاجأءتك!؟
الاخ عصام محجوب كعادته في الكرم قام باستضافة الاخ الحاج حمد
علي العشاء والسحور والاستعداد لصيام 6 شوال علي سندوتشات
طعمية من محلات فول مصري بجدة .. مما اضطر الاخ الحاج حمد
علي افطار اليوم التالي وعسي ان يعوضه بيوم اخر
عصام محجوب منذ زمان اسيوط وهو يحب الطعمية
حقوا الواحد يطلق عليه عصام (طعمية) علي وزن عصام (باسطة) هل تذكره؟
تخريمة:
الكثيرون يمرون علي النبر العام ويكسلون من رفع البوست
بعض الاخوة الاسايطة قالوا لي بالحرف :
ما عندنا اشتراك وما عندنا زمن نبحث بين الصفحات
لذلك ارجو من من يستطع ابقاء هذا البوست علي
الصفحتين الاولي والثانية .. بطلوا اتكالية
يا ناس الباسورد ؟؟؟
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
من شخصيات اسيوط النادر مشاركتها في
انشطة.. تخرج من كلية الهندسة عام 1989
هل منكم من يعرف من هو؟واين هو الان؟
...
ياامين فريجون وين الزوول؟
ويا خالد ابراهيم وين الزوول؟
اما صاحب البوست ..
لكن والله العيد عندك؟
اين د.عصام كمتور؟
اين كباشي الحاج؟
اين د.عبد المطلب صديق؟
اين فلان ؟..اين فلانه؟..اين الاسايطة؟..
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
الأخ ميكي عمل مقدمة لصور سوف أقوم بانزالها ، ميكي طلب مني عدم ذكر أن هؤلاء الأشخاص دفعة أو خلافه و اذا كان لا بد فيجب أن تذكر أنهم من الخريجين الأوائل بأسيوط لأنو اذا ذكرت انهم دفعة ح تبوظ لينا.
بدعوة كريمة لحفل زواج بمدينة الرياض من الأخ الفاضل عبد الرحيم محمد علي (تجارة - أسيوط) و هو فنان الطمبور المعروف و الذي أبدع كثيرا في حفلات التخريج ، قمنا بتلبية الدعوة و كانت كاميرتي هناك و كانت هذه الصور :
الشيخ / عبد الرحيم محمد علي (تجارة - أسيوط)
الشيخ / الرفيع رحمة الله ادريس (تجارة - أسيوط)
الوجيه / الحاج حمد الحاج (تجارة - أسيوط)
بالله يا ميكي ديل موش الواحد ليهو حق يزوغ منهم و يقول ما دفعتي
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
الأعزاء الكرام
أول يوم عمل بعد إجازة العيد ... وأول شي الواحد يعملوا قبل القهوة هو فتح هذا البوست ... سعادتنا لا توصف بظهور د. عبد المطلب والغائب الملياردير ود قرض رد الله أمواله (على وزن رد الله غربته) .... محمد الشيخ والظهور الضنين ... الدخري ، كل عام وأنت والأهل بخير ... مكي البوست دة ما حقي وهو محفوظ ومستمر بروحك الجميلة ... الزوول دايرين صورة بأي طريقة ومن خلال مصادرك لو قرض
لكم كل الحب
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الحاج حمد سلالالالالالام
أفضل شي تجيب لينا الصور زي اعلان دواء الصلعة صورة (قبل) وصورة (بعد) يعني ديل لو لاقوني في الشارع ما بعرفهم .......
وصلتني رسالة من الدكتور منتصر يوسف ويا الحاج حمد وميكي وكلنا نرجو الإهتمام بما جاء فيها لانها بحق تمثل معني الوفاء :-
Quote: اخى العزيز الدكتور كمال وانت قد طرقت باب الزكريات والاخوه الاسيوطيه فقد غيب الموت اخوه اعزاء علينا العملاق عادل الياسين القمه ود المجذوب الطرافه عصام والاخت العزيزه انتصار وكثير من الاخوه الذين لم تسعفنى الذاكره وبما ان هولاء الاخوه كانوا كالنجوم اضاءت سماء اسيوط فمن واجبنا ان نخلد ذكراهم فماذا يادكتور لو قمنا بجمع تبرعات من الاخوه الاسياطه او كل انسان خير وقمنا بعمل خير يهدى لتلك الارواح الطاهره يعنى مثلا لو توفر مال كافى نقوم بتاسيس عنبر فى احدى المستشفيات التابعه لولايتهم من سراير ومراتب وبعض مقومات العنبر او شراء ادوات تحاليل للمعامل فى تلك الستشفيات مثل مايكروسكوب وادوات تحاليل او المساعده فى تاسيس مكتبه فى الجامعات واعتقد انت بما لديك من خبره فى مجال الجامعات تسطيع ان تنسق وتساعد فى هذا .اكيد الاخوه الاسياطه لديهم من الاقتراحات العديد والمفيد و اكيد انت و الاخ الحاج حمد والاخوه فى هذا البورد عندهم المقدره على هذا العمل والبحث عن بعض الاخوه لتكوين لجنه والاتصال بباقى
العقد الفريد ونكون احيينا ذكراهم وتكون صدقه جاريه ولكم منى كل الشكر... اخوك منتصر
|
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
ومن عصام كيشو هذه الرسالة القصيرة جدا ، ولكن يا ناس مكي نرجو مساعدته في باسوورد ، والطريف انو عصام متأكد مية في المية من جنون مكي :
Quote: السلام عليكم ورحمة الله
شفت صورتك القديمة والجديدة يا بوعمر
وضحكت مع قفشات مكي المجنون
ورسلت ليك وللجيلي ومكي عشان تسجلوني
يا حليل اسيوط وناس أسيوط
عصام كيشو |
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الاخ كمال
الخالينا نهرب من البوست هو الوثائق التاريخية التي تثبت ان مياه كثيرة جرت من تحت الجسر ،مثل صور الاحبة اعلاه ، وعرفت ايضا ان عشاق اسيوط هم عشاق ايام الصبا التي لن تعود . الله يجازيك يا ميكي فانت الذي استدرج الابرياء الى التوثيق بالصوت ولكم كل الود جميعا .
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
السلام عليكم
بدا الاسايطه في الظهور تباعا ونحمد الله ان جعل للتواصل
طرقا ودروبا ودهاليز e-mail / messenger وتلفونات وهلمجرا..
بالامس وجدت شخصا يسمي عصام قد اضاف اسمي لقائمته في المسنجر
علي الهوت الميل ...كنت مستعجلا فرديت عليه بالاجابة علي انه الاخ عصام محجوب
ذهبت الي المدرسة ورجعت مساء وجدته علي المسنجر
وقد كانت محادثة اسيوطية 100% اجتررنا الذكريات الجميلة
وذلكم الشخص هو الاخ عصام محمود ( كيشو) حقوق اسيوط 1987- القضارف
والاخ عصام كيشو اخر لقاء لي به قد كان صدفة في شوارع المدينة المنورة
في الطريق الي الحرم المدني عام 1994 وقد كنت في عمره برفقة الوالده
واثنين من الخالات وابن احداهن .. التقيت عصام كيشو وزوجته
والاخ عمر الامين الازرق ...عصام مازال هو وزوجته يذكرون المرحومه
خالتي نفيسه والتي كانت تغرد بمدح المصطفي صلي الله عليه وسلم
منذ ان غادرنا مدينة جده عليها رحمة الله تعالي كانت تجانية
كما يقول اهل الصوفية ( غرقانة ) .....
عصام اضحكني وهو يصحح لي بان الاخ عمر الامين الازرق يعمل الان
بوحدة السدود بالسودان وليس كما جاء بانه صاحب مغلق مواد بناء
( لو في اسيوطي قفل علي تخفيضات في الاسمنت ولا السيخ .. ينسي؟!)
كما قال كيشو الازرق كان يعمل بالسعودية محاسبا وعندما سالناه
مستغربين ماهي العلاقة بين اللغة الانجليزية والمحاسبة ..اجاب:
بان الالة الحاسبة كتبت الارقام عليها باللغة الانجليزية!!
كيشو تذكر معي الاخ كباشي الحاج خاصة عندما ترك كباشي التدخين
باستعمال القليون ( الكدوس ) ثم ادمن الاثنين معا .. كباشي الحاج
هل مازلت مدخنا شرها لذلك ال ( دنهيل )؟؟
عصام كيشو قال بانه اشتهر في اسيوط بين الاتحاديين بالاخ غير الشقيق
وبين الشيوعيين بالرفيق غير الاعلي ..
عصام محمود(كيشو) يعمل بصندوق الزكاة في دولة قطر وابت نفسه الا وان يقول لي
انا والكاشف اخوي الاخ الهادي هباني الذي يعمل في شركة تمويل اسلامية
تسمي ( بالاولي ) في دولة قطر ايضا..
د.عبد المطلب صديق انتو في بلد واحدة (اصحي يابريش) اجتمعوا ان شاء
الله علي شاي في قهوة ومدونا بالصور وما تخاف من عوامل التعرية!!
اها ياد.كمال ويا د.منتصر عندكم بعدنا طبعا مصادر تمويلية لمشرع الصدقة الجارية
قروشها مدفقة عديل كده..!!
كيشو يسال عن بعض الاسايطة منهم:
عبد القادر (علوم) الذي كما قال كيشو كان يحضر معهم بعض المحاضرات
في كلية الحقوق
ويسال عن ابوبكر حسب الرسول ..يا دكتور الزوول!!
وعن الصادق محمد حامد (بيطره) من الشوال وعن رمزي عثمان( بيطره)
ود.ايهاب قباني (طب) .. اتغالطنا انا وعصام في انوايهاب قباني كان
يعزف الجيتار (ده كلام كيشو) ام كان يعزف علي الاوكرديون( ده كلامي)
كذلك يسال عن الاخ منير العوض .. وعلي فكره يا منير فهو مازال يذكرك
بالبدلة الكحلية اللون علي وزن الاغنية ( بدلتوا الكحلية ... وسهر المنام
لي وحدي)...
...................
الحاج حمد بالله خليك واضح
انت مع ناس طالبان النزلت صورهم ديل في بلد واحده ؟
غايتوا لو قررت تجي كندا ولا امريكا اعمل ليك
بيان باخلاء طرف من تلك اللحي..؟؟
الناس دي مالها كبرت كده؟
غايتوا الواحد بيقول الحمد لله علي كل حال
تحياتنا للاخوة عبد الرحيم محمد علي والرفيع رحمة الله ادريس
......................
فترت من النقير في الكي بورد
طقطقة اصابعين وراجع ليكم تاني..
ناس الباسورد بالله خلوا البوست ده في
الصفحة الاولي
| |
|
|
|
|
|
|
|
|
 Re: خريجي جامعة أسيوط ، أين الأحياء منكم؟ (Re: Mekki M Alhassan)
|
سلالالالالالالالالالام
الحاضرين والغائبين
Quote: من شخصيات اسيوط النادر مشاركتها في
انشطة.. تخرج من كلية الهندسة عام 1989
هل منكم من يعرف من هو؟واين هو الان؟ |
هذا هو الأخ عبد الرحمن الحاج موسى ،،، تقابله فجأة ويختفي فجأة
Quote: عبد القادر (علوم) الذي كما قال كيشو كان يحضر معهم بعض المحاضرات
في كلية الحقوق
|
عبد لقادردة كان صامتا وصاحب فلسفة خاصة جدا ، تعرفت عليه في احد أيام صرف (البريزة) ،، وهو شخص لطيف للاية إن تعرفت عليه وشاء الله أن يتحدث اليك.
وهذا بريده الإلكتروني :[email protected]
| Quote: ويسال عن ابوبكر حسب الرسول |
وهذا عنوان شقيقه على حسب الرسول يمكن مراسلته عليه : [email protected]
Quote: اتغالطنا انا وعصام في انوايهاب قباني كان
يعزف الجيتار |
إيهاب يا كيشو كان يعزف الأوكورديون ، أما عازف الجيتار حتى وقتنا كان أحمد سوهاج ، وعازف الإيقاع كان عادل قريش وفي رواية أخرى صالح يوسف جميل .. الفنان عوض التجاني كان يعزف على العود ويغني ...
| |
|
|
|
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الجميع
| Quote: ،مثل صور الاحبة اعلاه ، وعرفت ايضا ان عشاق اسيوط هم عشاق ايام الصبا التي لن تعود . الله يجازيك يا ميكي |
... د.عبد المطلب ...
تعرف يا دكتور مقارنات كثيرة بقيت أعملعا منذ أن رأيت صور الديناصورات التي أدرجها الحاج حمد هنا للرفيع وعبد الرحيم وشخصه ... شفت صور الحاج حمد والشعر الكثيف ومقاس البنطلون (32) وهلمجرا... أولادنا يكبروا أمام أعيننا ونقول الأولاد كبروا وننسى نفسنا ... هذه هي السنين تفعل بنا مثلما يفعل المطر ببيوت الطين ...
كيكي دة أكيد يكون الزوول .........
أين أبو كنة؟
| |
|
|
|
|
|
|
| |
Mekki M Alhassan
hajhamad
الزوول
حتي لا ياتينا د.عبد المطلب الصحفي/ المراقب )
د.عبد المطلب صديق
mohamed elshiekh
فيس بوك
تويتر
انستقرام
يوتيوب
بنتيريست