|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
السلام عليكم ميكي اللذيذ كيفك ؟ مبروك أولاً على النجاح (المنقطع النظير ) في موضوع الصور ده ويبدو والله أعلم ناس عمك كيمو ديل كمّلو مخهم كلو في الدكترة والقراية وبعد ده ما بيقدرو على جنس التكنولوجيا دي غايتو الحمد لله لى هني ما قصروا طالما بيفتحوا زي هادي البوستات البهية ويوم الخميس والجمعة ،يسوقوا العربية من منفوحة للدرعية ويصلوا لغاية الفيصيلية ما قصروا تب
........................ وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
الزول شكرا جزيلا علي هذا الاطراء لكن وكما قلت الظاهر مشاوير العيال وامهم بتخرب التركيز تلقي الرجل منهم يحادثك في امرا وباله مشغول في امر اخر. د.كمال محجوب ركز معاي في الايام الجايه لقيت ليك صورة قديمة داير اعمل ليها رتوش في الاسكانر لكن ماعندي ليها زمن سوف تجد نفسك تردد : اللاليت ايام الشباب تعود يوما.......................
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الزوول ميكي الناس الغايبين د. عبد المطلب ود قرض الحاج حمد سيد البيت تحياتي محاولات عديدة لانزال الصور ، باءت كلها بالفشل الذريع ، صورة واحدة وضعتها في (الاسكانر) طلعت بالحجم الطبيعي ، يعنى عايزة ليها لوري حتى يشيلا وبعد أكثر من ثلاثة ساعات وشوية وبرضو مافي فايدة ، عموما بعد ما ولدي يخلص امتحانات بخليهو ينزل لي بعض الصور من تلك التي أحب ..... مكي محمد الحسن ... كنت أطلق عليهم لقب أولاد ، مزمل فزع ، طارق ، نادر والمرحوم سليمان يوسف جميل (الكنين) ، كانوا صغارا ولكنهم ولدوا بأسنانهم .. ويشهد الله أنهم في غاية الذوق والأدب وشقاوة (العيال) ... تحياتي لهم أينما ذهبوا .. الصور يا مكي كيف قدرت تنزلها بعيدا عن طريقة الزوول التي تحتاج لعام دراسي كامل مبارك نصر الدين وعلى حسن سمعت قبل سبع سنوات أنهم بالسعودية ولكن الآن ل أعلم أين هم ، ود أبو كنة قد يكون عنده الخبر اليقين لكم كل الحب ومن الحجم العائلي
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ميكي باين عليك دايش دوشة شديدة ، ياخي القاعد جنبك دا ما أنا ، البقعدني مع ناس تربية يوم تخرجهم بالروب شنو؟ باين عليك خلاص بقيت تلخبط ، بعدين القاعد جنبك دا ما عرفتو؟ أنا عارف قد يكون في شبه جهجهك شوية ، هاك دي صورتي يوم التخرج يمكن تكون نسيتني
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الحاج حمد الصور الحلوة دي بتنزلوها كيف ؟ ما تقول لي أرجع لي بوست الزوول لأنو اتعقدت عديل من كترة الخطوات ، الطريقة الوحيدة البعرفا هي (كت آند بيست cut & paste ) نرجو منك أن تبحث عن د. عبد المطلب وكذلم ود قرض لك التحايا العاطرات
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
البرنامج العربي عالجته والحمد لله الاخ الحاج حمد انا ما داقس لكن الاستعجال نزلت صورة مع تعليق غير مطابق وضغطت علي اضف رد قبل ما اراجع اي صورة تلك التي نزلتها والاعتزار للاخ فتحي المهل الصورة رقم 3 وبدون خرف مابين قاسم وفزع في الصف الواقفين الاخوة نادر محجوب سيد احمد(المفروض يعرج معك مرتين هنا في هذا البوست وفي بوست الشعبية بحري ) وابو فلينة نص ده ما طارق عوض الكريم والاثنين شغالين معلمي مرحلة ثانوية حتي اخر خبر في السودان مزمل فذع انجدني بالناس الفي الصور الثانية باقي لينا شعرة في الذاكرة ومحتاجين ننعشها شوية ويا اخوانا الاسايطه البعرف زول في صورة يورينا ال 20 سنة دي ما عمر زول عديل كده؟؟ الزول بعد كل هذه الفنيات ما عارف انزل الصور المرسله عبر الايميل بواسطة برنامج ( الرسم) الموجود في الوندوز ممكن شوية شرح لعل الاخ د.كمال درس العصر ده يدخله في الصورة
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الصور المنشورة تعبر عن ثقافة حقبة مضت ليتها تعود ،وهي بالضرورة مختلفة عن صور الطلاب المغتربين هذا الزمان والذين اتيحت لي الفرصة لرؤيتهم في ماليزيا والمانيا وايطاليا ،احسست بالخجل نوعا من صور طلابنا اليوم رغم قناعتي بعدم مثالية صورنا تلك على كل حال .. عقدة كمال محجوب هي الويك اند وحاج حمد لا يضيع دقيقة واحدة مع النت في اجازته الاسبوعية .. عبد المطلب
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
هاتفني الاخ محمد الفاتح ابوكنه اليوم من الرياض وكان قد تحدث مع د. عصام كمتور في المنطقة الجنوبية بالمملكة العربية السعودية وجاء منهم التصويب التالي: الصورة التي فيه يظهر الاخ فضل الله جالسا وشمالا من الاخ د.كمال محجوب يظهر الزملاء من كلية التربية قسم الاحياء ودفعة الاخ د.عصام كمتور وهم الاخوة صلاح ابوسيل والفاضل اسماعيل لهما الاعتزار علي النسيان والعتبي حتي يرضيا. طبعا الاخ د.كمال محجوب كبر وخرف وبقي ينسي أل عمر أل...... الاخ الحاج حمد وانت ماشي الشعبية ادي اسيوط غشوة لرفع البوست.
---------------------------------------------------- الحاج نصر( الطباخ ) شخصية مصرية اسيوطية كان يعمل بالكثير من شقق الاخوة الطلاب الاسايطة تعلمت منه كيفيه( فلفلة الرزالمصري )كان يتصرف في مد ( الميز ) ببعض الخضارات والخبز والعدس وندفع اليه ما صرفه علي بطوننا لاحقا عمل معنا في شقتنا سنتين منفصلتين الاولي في سنة البرلم وانا اسكن مع الاخوة صابر وجمال ثم في السنة الثالثة وانا اسكن مع الاخوة ايهاب تاج السر- زراعة وعصام محمود بريمة - تربية والشقيق عصام محجوب - تجارة .. بعض الاخوة من الاسايطة اتهموا الحاج نصر في انه يعمل مع الرائد امن دولة ْْأنذاك مهران( توفي في حادث حركة شنيع ونحن في فترة التسعينات بالقاهرة ) تذكرت ذلك و د. عبد المطلب يطالع في اشكالنا في الصور التي بالبورد مقارنا جيلنا وجيل كا ميرات الديجتيل الحديثة والتي يمكنك اظهار الصورة الماخوذه عنها في أجمل مايكون زي ما بيقولوا تعما ليها رتوش ومكياج ولكن الزمان غير الزمان .. ونقول ياريت الحاضر يرجع زمان ونواصل عن شخصيات أسيوطية...
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الإخوة الصعايدة في البوست وخارج البوست تحياتي: د.عبد المطلب يبدو أن الإمتحانات شغلتك شوية ... الحاج حمد كيفك يا رائع؟ ميكي : أعطيت البوست روحا جديدة .............. وصلني هذا الإيميل من الأخ الدخري والذي كان من أوائل من طرق اسمه هذا البوست ، لكنه اختفى فجأة دونما إنذار .....
Quote: الأخ / كمال محجوب
الإخوة الأحباب الأسايطة – سلام من الله عليكم ورحمة الله وبركاته
في البداية لايفوتنا أن نترحم على روح المغفور له بإذن الله تعالى السيد/ موسى بشير موسى – نسأل الله أن يتقبله مع الصديقين والشهداء ، وأن يلهم اله وذويه الصبر وحسن العزاء - لقد كان المغفور له أحد أعلام كلية التجارة والعمل العام بأسيوط . لقد وافته المنية فجاءة وهو في إجازة حيث كان يعمل هنا بالرياض .
ما يكتب في الشبكة في تقديري أنها ذكريات طيبة عن أسيوط والأسايطة ، لقد كانت أسيوط بحق محطة هامة من حياتنا الأكاديمية الإجتماعية والعامة تشكلت فيها بكل صدق أبرز ملامح الأنطلاق نحو العمل سواء كان ذلك على الصعيد العام أوالخاص ويتجلى ذلك بوضوح فيما كُتب حول هذا الموضوع ، لقد كان حب الوطن وأهله الطيبين وصدق الإنتماء له هو ما جمعنا بقطع النظر عن ألواننا ومشاربنا السياسية . ستظل ذكريات أسيوط محفورة في ذاكرتنا ، رغم مشغوليات الحياة .
كنا نتحدث قبل نحو أسبوع مع الأخ محمد جودة دفع الله – كلية التجارة ، وهو يعمل الأن دبلوماسي نرويجي في فلسطين ، كان جل الحديث عن أسيوط وذكرياتها وكان بسأل عن الجميع وسوف أرسل لكم بريده الإلكتروني .
الأخ الدكتور بهاء الدين أرباب تحياتي لك وتحياتي للدكتورة أمل الخاتم ، وللأستاذ توفيق زيادة والذي ظللنا لفترة طويلة نسأل عن أخباره .
الأخ الدكتور أمير كمبال / أنا لا أدري هل بيتذكر ذلك الموقف في القاهرة وفي محطة سكك حديد مصر (رمسيس ) وكان برفقتي الأخ الحبيب/ محمد جودة ونحن نهم للمغادرة لأسيوط على قطار الساعة 7 ص إن لم تخن الذاكرة ، الصدفة وحدها جمعتنا في ذلك اليوم بالأخ أمير كمبال على ذات القطار ، تبادلنا التحايا والمجاملات ، المهم الراجل دخل فيني كدة وقال يا دخري أنا لو مأ إتورطت كان أجلت السفرية قلت ليه خير ياأمير إنشاء الله مافي مشكلة ، نسيت حاجة ولاشنو!! ممكن ننزل في الجيزة ، ومن خلال النقاش قال لي أنا ناس السياسة ديل ما بحب أمشي معاهم أي حتة ، قلت ليه يأمير نحن زملاء عاديين لنا علاقتنا الأجتماعية المميزة سواء كان مع ناس سياسين أو غيرهم وقناعتنا أن العلاقات الأجتماعية تسمو فوق أي إعتبار سياسي ، وما تفتكر نحن بعبع ، وفعلا إستطعنا تكسير الحاجز الوهمي والذي ما كان له أن يكسر لولا هذه السفرية ، بعد عام من هذه الرحلة تقريباً تقابلنا أمام دار إتحاد النميس ويومها كان أنقلاب يونية قد وقع بقيادة البشير ، والراجل بخفة دمه المعهودة قام قال لي ( إزيك يادخري – حضارة سادت ثم بادت ) ـ الكلام مفهوم .
الذكريات كثيرة : ومتنوعة سوف نحاول أن نستدعيها تدريجياً .
عن أخبار الأسايطة ، وأنا مغادر في إحدى الرحلات في مارس الماضي من الخرطوم - أبوظبي إلتقيت الزميلة نادرة الياس الأمين – خريجة علوم أسيوط وأفادتني بحصولها على درجة الدكتوارة من إحدى الجامعات الألمانية – وهي تعمل في إحدى الجامعات السودانية –
على مستوى الرياض حاول بعض الأخوة جاهدين قبل شهر جمع عدد من الأسايطة ممن توفرت لديهم أرقام هواتفهم وكان عدد مقدر التقينا في إحدى حدائق الرياض بإعتبار ذلك ضربة البداية وتم تكليف عبد المنعم كارلوس بالإتصال بعدد أخر لنجتمع على الأقل مرة في الشهر _ كان اللقاء شمل كل من :
أحمد عبدالقادر حسين – تجارة ، عبدالله محمد علي -تجارة - محمد بشير الطيب – تجارة – أحمد يس – صحي عبد المنعم حسب الكريم – صحي ، هجو – تجاري - نيازي فضل المولي –صحي سابقا ـ أيمن – صحي . وشخصي .
الأخ الرائع ود الشيخ : كان مفروض نحضر زواجه لكن حال سفري خارج المملكة دون حضوره . التقيته في إحتفال سودانيز اون لاينز .
الأخ فايز عثمان إدريس (هندسة ) يزورني كلما زار الرياض وهو بالدمام .
فأجأني السيد/ منير العوض الصديق بإتصال مباغت بعد غيبة طويلة وطبعا أخباره معلومة من خلال الشبكة .
التقيت بالدكتور / هرون زكريا وقضينا ليلة جميلة كانت أسيوط والأسايطة هي محورها .
تحياتي للإخ الحاج حمد الحاج وهو يقوم بهذا المجهود المقدر مع أخرين لأجل أن يكون الأسايطة حاضرين ، وتحياتي للزميل بركة ذلكم الروائي صاحب القلم الذهبي ، وللأستاذة عفاف عباس ، وللأستاذ حافظ بهولندا . وتحياتنا للأستاذة سارة حسن عابدين بالولايات المتحدة والتي لم تضن علينا بأخبارها يوماً . سلام للأستاذ حسب الله عباس مختار .
شكراً لكم وللحديث بقية .
My e-mail is : [email protected]
|
لا سعنا إلا الإيمان بقضاء الله وقدره ونترحم على روح أخيناموسى ونسأل الله أن يتغمده برحمته وينزله منزلة الصديقين والشهداء ... ولا حول ولا قوة إلا بالله .. وتعازينا موصولة لأهله ولجميع الأسايطة .... ................................... الدخري بعد التحيات لا تنسانا من مثل هذه الإطلالة الجميلة
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
عزائي لجميع الإخوة الأسايطة في وفاة العزيز موسى بشير موسى ،،، أبرز ما كان يميز الراحل الغالي هو أدبه الجم وهدوءه الأخاذ الذي يجبرك على أن تحترمه . اللهم اغفر له وارحمه ، وانزل على قبره شآبيب رحمتك ،،، واغسله اللهم بالماء والثلج والبرد ،، واكرم اللهم نزله ، واجعله في أعلى عليين وفي معية الصديقين ، وأرجو أن يتمدد عزائي ليسع أسرته وجميع أهله ومعارفه. ولا حول ولا قوةإلا بالله العلي العظيم ، وإنا لله وإنا إليه راجعون
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
اللهم ارحم موسي بشير موسي واسكنه فسيح جناتك مع الصديقين والشهداء وحسن اولئك رفيقا .. اقسم بالله وانا أكتب هذه الكلمات اذا بأذان الصبح يرفع في مدينتنا وينيبيغ حسب برمجة الكمبيةتر علي مواعيد الصلاة وبرنامج الأذان عن IslamicFinder.com .. الاخ الدخري داؤد في سيرتك كلما التقيت بالاخ ياسر الضو من شباب حزب الامة ومقيم في مدينة وينيبيغ - كندا يعمل بالتجارة .. الاخ الدخري داؤد التقيته اذا كان يذكر في مدينة جدة وبحي الجامعة وفي منزله زائرا عام 1994 وكان هو الدخري مضيافا ومتواصلا وكنت حينها( كاسر كرونه .. ركبة يعني ما مقيم وبفتش في شغل مع اقامة) جمعني به بعض الاخوة من الزقازيق - عطبرة فزرته وتواصلنا.. انقطعت الاخبار ولكنني اشتم رائحته في النت ( في مرات كثيرة ياتي في احاديث السياسة وللاخت لنا مهدي التحية ... عزائي في الفقيد موسي بشير موسي موصول لكل اصحابه واحبائه وزملائه في كلية التجارة بجامعة اسيوط ولمؤتمر الطلاب المستقلين حينها والي الاسايطه جميعا
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ومن ظرفاء أسيوط شخصيتان صديقان لبعضهما البعض ومحبين للاخرين هما الشناوي - تجاره وجلالين كان جلالين دائما ما يبتدر الطرفة في حق الشناوي وعلي الاخير الرد عليها باطرف حتي لا تصبح النكته فيه سارية في اسيوط بدون رده.. أرجو أن يستسمحاني ( والعهده علي الراوي ): جاء الشناوي يوما الي دار الاتحاد في النميس وهو في ابهي ( قشراته) وكان قد سبقه الي الدار الاخ جلالين( وكانت هنالك ندوه حضورها قد ملأ الدار فاصبح بلا متنفس) .. والاخوات الزميلات من أسيوط بعضهن خارج دار الاتحاد يحطن بالاخ جلالين وهو يحكي لهن ما يضحكهن ويزيل بعض الهم, ظهر الشناوي والقي بالتحية فاذا بجلالين يرد عليه ... بالله ياشناوي امشي شوف ناس السياسة ما تخوف البنات ديل بي شناتك دي فرد عليه شناوي ..تعرف ياجلالين وانا باستعد في الشقة للحضور هنا كنت اسرح في شعري وانظر الي المرأة قلت : يارب لماذا خلقتني شين هاكذا؟؟ فجاني صوت من المرأة يقول لي اسكت يا شناوي الم تنظر الي خلقة جلالين... ضحكناجميعا وضحك جلالين وأجابه ( دي قوية يا شناوي ما بقدر عليها...) التحية لهما اينما كانوا فقد كانا فعلا من ظرفاء أسيوط لا تملهم في الونسه. راجع في الصفحة 1او2 ماذكره الاخ الحاج عن جلالين وهو يصيح مستنكرا علي شقتهم هو والاخ الرفيع اكل الايسكريم الا اذا كان زائرهم الاخ عصام محجوب. ونواصل عن شخصيات اسيوطية
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الاخ العزيز مكي سلامي الحار الاخ محمد الحافظ تركته انت متدربا لكنه سرعان ما شب عن طوق الاذاعة ليصبح مذيعا كبيرا بصوت متميز وحضور اعلامي له مكانته ،لكنني اشفقت عليه لاسباب سياسية ايضا رغم انه غاية في المرونة والتعايش مع الريا الاخر لكن كما تعلم ان لم تكن من ال البيت فلن يجديك صوت قوي ولا حضور اعلامي ولا غيره ، هذا طبعا ديدن كل الحكومات في السودان ولنا عودة .
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
أترحم على الأخ موسى بشير موسى ، اللهم أرحمه رحمة واسعة ، لم أكن أعلم أن الأخ موسى بالرياض الا من مشاركة الأخ الدخري..نسأل الله له الرحمة و المغفرة..هكذا حال الدنيا..كل مرة نسمع عن فقد عزيز و تسير عجلة الحياة لنسمع بفقد أخر..نسأل الله الرحمة لهم جميعا و نسأله حسن الخاتمة (انا لله و انا اليه راجعون) ، لقدكان موسى يتميز بأخلاق عالية و هدوء و أدب جم ، يتحدث بصوت كله أدب..لبق في حديثه..اذا تكلمت استمع..انا لله و انا اليه راجعون..اللهم أرحم موسى رحمة واسعة يا ذا الجلال و الأكرام..
الأخ محمد الحافظ التحق بمعهد المصارف و عمل به لفترة و حاليا يعمل مدير لمكتب السيد / صابر محمد الحسن- محافظ بنك السودان ، وهو يتميز بعلاقات طيبة و معروف بذلك منذ أيام الدراسة بأسيوط ن لا يفوتني أن اتصل به تلفونيا على الآقل خلال زياراتي للسودان و التي تكون أحيانا لأسيوع فقط و أحرص على الاتصال بالأخ محمد الحافظ فارجل له في نفسي مكانة خاصة و هو من الاخوة المتميزين الذين يحفظون الود..تحياتي له من على البعد..
تحية خاصة للأخ الدخري و سوف اتصل به تلفونيا و تحياتي لكل الأسايطة المنتشرين في كل المعمورة...
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الإخوة الكرام /أولا أعزي نفسي والجميع في وفاة الأخ موسى بشير الآن تذكرت موسى ، ذلك الهادئ الوادع ، كان حديثه همسا، يبتسم في كل الظروف ، نسأل الله له الرحمة والمغفرة ...إنه سميع مجيب الدعاء ........................ د. عبد المطلب تحياتنا الحاج حمد .. يبدو إن البوست دة زي (حمى الملاريا) مرة يبرد ومرة ترتفع درجة حرارته فوق الخمسين وصلتني الرسالة التالية من الأخ موسى ، :-
Quote: الأخ / كمال تحية طيبة وبعد لقد ارسلت لك هذه المداخلة عبر بريدك الإلكتروني بالرابط ولكنها لم تصل فيما يبدو وهانذا أرسلها مرة أخرى مباشرة وهي موجودة أدناه وكذلك مرفقة في ملف لتستخدم إيهما شئت وأرجو نشرها بالبوست وشكرا موسى أنا إسمي موسى درست بتجارة أسيوط للفترة 84م-88م ولربما كان يعرفني البعض والآن ربما يذكرني بعض ذلك البعض وأنت منهم بلاشك .ظللت لفترة طويلة متابعا لما ينشر بالمتندى وقد تعرفت بالطبع على الكثيرين ممن كتبوا وتحية لهم وعلى سبيل المثال للأخ/ عبدالعزيز بركة وأقول له أن حالي لم يكن بعيدا عن حالك مع الفروق النسبية وهو بلاشك يعرفني جيدا لأنه على الأقل كنا دفعة وكذلك تحية لدفعتي أيضا توفيق زيادة (الرجل الهاديء) وأقول له بأني كنت أعرف أنك بسويسرا منذ حوالى 10 سنوات عن طريق أحد أهلك الدناقلة خريج جامعة المنصورة حيث كنا نعمل معا وكذلك عن طريق الأخ/ جلال الجميل على إعتبار أننا أبناء منطقة واحدة ، وأنت تسال عن الأخ/ معاوية جاويش وقد إلتقيته آخر مرة قبل خمسة عشرة سنة ووقتها كان بمكة المكرمة. وكذلك تحية للأخ/ محمد ميرغني حسين رغم أنه قضى معنا سنة أولى فقط وأقول له (شنب السماكي) وهو يسأل عن عصام الجميعابي وأقول له وحسب علمي بأنه يعمل بديوان الضرائب بمنطقتهم (الشهيناب) ويمارس أيضا الزراعة وربما التجارة، وتحية لحسب الله وهو دفعتي أيضا وللحاج وعدنان ومكي ونسال الله الرحمة والمغفرة للزميلة إنتصار وللأخ/ ودالمجذوب الذي توفى بسنار وفاة طبيعية مفاجئة قبل عامين .وأنا من جهتي قد التقيت بالعديد من الأسايطة مثل صالح صديق(تربية) بمكة المكرمة وعبد المجيد محمد احمد (تربية) بمكة المكرمة ومحمد الفاتح ابوكنة (تربية) بالرياض وجمال محمد مصطفى (تربية) وقد كان بمكة المكرمة وقد حصل على الماجستير وهو قد عاد نهائيا للسودان وفرج الله كرامة (تجارة) كان بالرياض وعاد نهائيا للسودان وأسامة جميل (علوم) بالرياض و علي عبدا لله (بيطرة) بحائل وعصمت أحمد (تربية) بالدمام ومنير العوض (أبها) وعبدا لله محمد علي (جدة-الرياض) والرفيع (الرياض) وبجدة من خريجي كلية التجارة عبود السابر وعبدا لله مصطفى والفاتح صالح وعبدا لمجيد آدم بشار وزين العابدين الشيخ ورشاد إبراهيم وكذلك الأخ/ عبد العظيم دوتم وهو يعمل بالبنك الزراعي فرع إنجمينا بتشاد منذ 15 عاما وصديق زكريا وقد كان نائبا لمدير بنك أم درمان الوطني فرع أم درمان وكذلك إلتقيت في يونيو الماضي الأخ/ وصفي الجمري بأحد فنادق كسلا حيث كان في زيارة عمل بوصفة موظفا كبيرا بوزارة المالية الإتحادية. وممن يعمل بديوان الضرائب فقد إلتقيت منذ سنين طويلةبصلاح الشناوي وإبراهيم يوسف(كوستي) وعادل شايب ومحمد ود الفكي وجلال الجميل قبل مغادرته لإستراليا . أضف إلى ذلك أن الأخ/عمر عربي (بيطرة) كان بمكة المكرمة ومعه ودالسما (بيطرة) إلا أنه غادرها منذ بداية التسعينيات وقد حصل على الدكتوراة من ماليزيا وهو يعمل أستاذا الآن بإحدى الجامعات السودانية وكذلك أسامة عثمان حميدة (علوم) كان بالأحساء بالسعودية ولكنه عاد للسودان ليمارس بيزنس خاص به بسنار على إعتبار أنه إبن تجار كذلك زرت قبل عامين سليمان عبدالباسط (علوم) حيث كان يعمل بفندق هيلتون بينما يواصل دراساته العليا. وتحية خاصة لدفعتي بسنار الثانوية والذين درسوا بأسيوط ففي كلية التجارة (الرفيع رحمة الله وفيصل دفع الله ووصفي الجمري وحيدر إبراهيم سعيد) وصديق شيخ الدين (طب) وأبوزر خضر (م . صحي) وصلاح خالد(حقوق) ومن لديه أية أخبار عن جمال دفع الله (تجارة) نرجو شاكرين تزويدنا بها. Email: [email protected] |
موسى يبدو أن لديه الكثير ، نرجو ألا يبخل على الأسايطة بجزء من وقته تحياتي له
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
ورسالة أخرى من الأخ أسامة عثمان (أب شيبة)، وسبق أن كتب هنا من قبل وتوقف ، يبدو أنه مشغول فالرجل (أبو بنات) وسوف يصبح جد عما قريب
Quote: العزيز .. كمال ..
لا اذهب الي النوم .. قبل الاطلاع علي بوست الاسايطة .. واسترجاع تلكم الذكريات الثرة
ومعرفة اخبار الاسايطة الرائعيين .. المنتشريين في مشارق الارض ومغاربها ..
وقد زاد البوست روعة أنضمام " خفيف الظل" .. ميكي .. الذي يبدو انه يحتفظ بخفة ظله ومرحه .. رغم السنين (الجائرة) ..
أخزنني رحيل " موسي بشير موسي" وبالفعل كان الرجل ذو أدب جم . وشحصية سلسة وهادية .يحترمها الجميع.
الا رحم الله "موسي " واسكنه فسيح جناته مع الصديقين والشهداء وحسن أولئك رفيقا . والهم آله وزويه الصبر والسلوان ..
المغفور له تربطني به نسابة .. احد اقربائي متزوج من أخته .
ومن بعض فوائد هذ البوست .. اتصالي هاتفيا بالاخ "عدنان عبد الدائم"
وكنت منذ فترة طويلة ابحث عن هاتفه .بعد سماعي بان شقيقه الأكبر "خالد" قد تعرض لحادثة مرورية في الامارات.
ودار بيننا حديث طويل ..عنه وعن خالد شقيقه وعن اسيوط والحلة الجديدة ..طبعا "عدنان" وانا من حلة واحدة
تقدمت بطلب عضوية للمنتدي .. وهمتكم معانا في التزكية .
الوالد قادم لزيارتي بعد شهر تقريبا .. سأطلب منه احضار بعض الصور .لانزالها في البوست .
وعشان الحكاية ماتكون مقتصرة علي ناس تربية وتجارة بس .
الأنقسنا حديد ..
لك التحية . مجددا وللجميع الاسايطة
اسامه اب شيبة ..
|
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
عاجل تاثر الأخ محمد ابراهيم قرض بالاعصار الذي تعرضت له سلطنة عمان و قد فتح بوست بهذا المعتى و هذه هي كلماته أرجو من جميع الاخوة الدخول لهذا البوست لمؤاساته على فقده لبعض الممتلكات و أحد زملائه ما زال مفقود حتى موعد فتحه لهذا البوست ، نسأل الله أن بعوضه في ممتلكاته التي فقدها و ان يجمع زميلهم الذي فق..هذه رسالته:
Quote: أكتب على عجل و لقد تعرضنا في السلطنة لإعصار و أمطار كاسحة ...
عشنا أياما عصيبة ... نعم .. فقدنا ممتلكات .... نعم ...
لكن فقدنا و مصابنا الجلل ، تمثل في زميلنا الأستاذ (نابت) المحامي الذي لم يزل مفقودا بعد أن جرفته السيول و الأودية ولم يعثر حتى الآن (بعد مضي 4 أيام) إلا على سيارته و بطاقته الشخصية ... نأمل في حدوث معجزة ..
بقية أفراد الجالية السودانية بخير ...
قد أعود للمزيد من التفاصيل لو وجدت الفرصة .. |
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
رسالة من الأخ العزيز محمد الفاتح (ود أبوكنة) له تحياتي و سوف اتصل به تلفونيا:
Quote: بسم الله الرحمن الرحيم الأخ العزيز الدكتور . كمال محجوب الأب الروحي لأسرة تربية الأخ العزيز / الحاج حمد مع التحية جزاك الله خيراً على هذا العمل الرائع الذي لم شمل الأسياطه ونفض الغبار عن ذاكرة الكهول الخربة وبدأت الذاكرة تعمل جاهدة لاستدعاء تلك الذكريات الجميلة وبدأت تتداعى الرسائل محملة بالذكريات والمعلومات فأصبح عندي وعند البعض برنامجاً يومياً ملازماً لكباية الشاي فلك التحية وللزملاء الذين يشاركونك الأجر ( المخضرم الحاج حمد ودكتور عبد المطلب وإبنناء البار المبدع مكي محمد الحسن) بالرغم من أنه زميلي ودفعتي ولكن تظل روحه شبابية ومرحة وعلاقته واسعة سيما مع السناير ( وكلمة ابني إعجاباً به ) أنا موجود بالرياض منذ أن غادرت مكة حيث كنا نسكن أنا وأنت وأسامة جميل وعلي عبد الله ( بيطرة ) والشيخ صالح صديق ( عايز رقم جواله إن أمكن ) ومجموعة من الزملاء طبعاً يوجد مجموعة كبيرة من الأسايطة بالرياض تم ذكرهم سابقاً ولكن أضف إليهم أسامه جميل - علي عبد الله - الصادق العاقب ( زراعة ) – ناجي الصديق ( علوم ) أما الزميل فضل الله أحمد بابكر ( حاج طرمبه ) مشيت ليهو في سكنه قبل شهر قالوا سافر السودان منذ رمضان ولم يرجع أعتقد إنه استقر بالسودان وحاولت الاتصال به بالسودان لكن أظن أن رقمه تغير فله التحية . اتصل علي الأسبوع الماضي الأخ سيد أحمد أبو شعر وهو في الخبر وقبل فترة اتصل الأخ / علي عبد الله ومعه شقيقه محمد عبد الله الذي سأل عنك وأظنه اتصل عليك بعد أن أعطيته رقم جوالك التحية لكل الأسايطة في كل مكان هذه ضربة البداية وسوف نتواصل إن شاء الله .... رقم الجوال : ( 00966503431962) البريد الإلكتروني : [email protected] [email protected] أخوكم / محمد الفاتح مصطفى أبوكنه ( ود ابوكنه) |
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الإبن محمد الفاتح أبو كنة(الإبن دي مجازاً) حيث أن الشيب قد خط رأسه فأصبح مثل جبل الثلج ... قد كان صدفة جميلة حينما التقيت ود أبو كنة في أسيوط أن علمت أنه من مواليد قريتنا ، تلك الوادعة التي ترقد على يسارالنيل الأزرق ، وذلك لأن أباه (يرحمه الله ) كان قاضيا بمنطقتنا ، ولأني أحب قريتي كثيرا فقد أحببته ، ومحمد الفاتح شخص يمتلك أكواما من السخرية لا تتناسب وحجمه البدني ، إلا أن يكون قد أصابته بدانة (الكبر) تلك التي تأتيك بغتة لتقول لك ها أنت الآن قد تخطيت الزمن القانوني فالعب في الزمن الإضافى ، إلى أن يخرجك الهدف الذهبي . عائلة أبو كنة شرق النيل ، تتلمذ على يديها الكثيرون جدا ، خاله درسني في الثانوية وبهذه المناسبة : أين هو يا محمد الفاتح الآن ؟
كا اللذين جاء اسمهم في قائمتك هذه واللذين كانوا بمكة قد تفرقت بهم السبل ، إلا شيخ صالح صديق فقد كنت معه قبل أيام حيث رزق بنتا ... وهو كذلك قد ضربه جفاف البشرة وبياض الشعر وشي من (كرمشة) ... سوف أرسل للأخ مكي بعض الصور attachment حتي يرينا نعمة الله عليه في معرفة ادراجها في البوست ، الله يسامحك يالزوول ما لقيت ليك طريقة غير حساب المثلثات دي؟ لكم كل الود وللشيخ الكبير الحاج حمد
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
يالهذا السعد اهلي الاسايطه وصلوا الف تحية للاخوة الكبار والقدرنا موسي ادم موسي و اسامة عثمان (ابو شيبه) محمد الفاتح ابوكنه وحمد ابراهيم قرض اعانه الله في مصابه وعوضه خيرا وجميع الاسايطه الذين ذكروا في الايميل المرسله في اعلاه لهذا البوست. الاخ مزمل فزع يرسل تحياته للجميع وبيسال يا د.كمال عن احدي شخصيات (الصقل - بمعني الونسه) الا وهو الاخ عبد الواحد ابراهيم الزاكي ( الملقب بالجعول) اين هو الان اخر المعلومات يااخ الحاج حمد انو في السودان فهل من افاده؟؟
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الاخوة عمر الازرق - كان بالمدينة المنوره وعصام جاويش - بالسودان كسلا - وحسين مصطفي - التوم ( يظهر في صورة من صور التخرج المنزله في هذا البوست والاخ الضو الشيخ الطيب المرين وهم في السنة الثانية بكلية التربية جئت قاصدا زيارتهم ولدي بعض من حاجيات مع الاخ الضو وكان معهم بالشقة الاخ فضل الله وحيث ان الحالة واحدة بين الطلاب والبساط احمدي فتحت باب غرفة الاخ الضو وقد كان نائما فاستيقظ وبعد ان حادثته وخرجت تشمر لي الاخ فضل الله قائلا: الله ينعل مجانية التعليم علي الايمان في الهلالية ما تدخل علي الضو بالسهوله دي الا بعد ان تمر بكذا حوار وخليفه ضحكت وقلت له انا ود الخرطوم ذاتي مابتدخل علي بسهوله الا تدق الجرس .. ضحكنا جميعا واستيقظ الضو ليشد لينا شاي باللبن مدنكل لزوم الونسة .. اين انتم الان ايها الاخوان. التقيت عمر الازرق و الاخ عبد الرحيم السبكي في المدينة المنورة في عمره رمضان لعام 1994 للجميع التحية والسلام. د.عبد المطلب الاخ مزمل فزع بيسال من عمر عبد المطلب وقد حكي لي انه قد هاتفه في لندن من الرياض مع الاخ فضل الله وعندها كان عمر قنصلا علي ما اعتقد
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
علمت من صديق هنا في مدينتي وينيبيغ - كندا د.ياسر عبود انه قد زامل الاخ عبد المنعم محمد علي ارتولي في دراساته العليا عبد المنعم حصل علي الدكتوراه في الفيزياء من هولند ويعمل أستاذا بجامعة النيلين ولديه نشاط بحثي في البرتقال .... علمت انه قد حصل علي جائزة الدولة التقديرية لبحوث العلماء من وزارة التعليم العالي ( لقد علق د.عبد المنعم لخالتي الحاصلة علي جائزة الاحياء باننا نعمل بحوثنا دي في الخارج وامكنيات الخارج عشان ديل يجوا يقولوا الدولة بترعي العلماء وبتكرمهم .. وقبل ده ما قادرين يلتزموا ليهم بتوفير امكانيات البحث العلمي _ بحث ارتولي تم في البرتقال وبحث قريبتي في الرياض بالمملكة العربية السعودية) الاخ اسامه أبو شيبة ناس تربية وتجارة واداب ما مستلمين البوست لكن انتو مختفين والله نحن في اشد الشوق الي جميع الصعايده يلا رسل الصور عشان ننزلها.
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: الزوول)
|
و رسالة من الأخ منير العوض الذي أشكره على اتصاله الهاتفي و الونسة الحلوة (الصقل) و هو رجل فاضل يسأل عن أخبار الناس و احوالهم ليطمئن عليهم :
Quote: الاخ الحاج وجميع الاخوان
السلام عليكم ورحمة الله
لقد حزنت لوفاة الاخ موس بشير موسى اللهم اغفر له وارحمه واجعله من اصحاب اليمين لقد كان نعم الاخ والصديق والزميل لقد كان معنا في دورة 1988 للاتحاد رغم اننا كنا نختلف سياسيا لكن كان ذو اخلاق عالية وادب جما اللهم ارحمه يا رب يا كريم و أقول للأخ محمد ابراهيم قرض الف حمدا لله على السلامة و ربنا يعوضك كما ارحب بالاخوة موسى ادم موسى والاخ اسامة ا ب شيبه والاخ الدخرى
منير العوض
|
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: hajhamad)
|
الإخوة الكرام تحيات صباحية عطرة الأخ محمد ابراهيم قرض ... قلوبنا ودعواتنا معك راجين من الله أن يجمعكم بمن فقدتم ... الأخ مكي محمد الحسن: لك الف سلام ولا زلت تحتفظ ببعض شباب كما تقول الصورة. الأخ عبد الواحد (الجعول) يعمل بمدني في الجزيرة وقد تزوج واستقر هناك ... عمر عبد المطلب الآن هو لواء ومدير أمن الخرطوم ...
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الأخ كمال محجوب
تحياتي و دعواتنا الطيبة للأخ محمد ابراهيم قرض
ميكي ما شاء الله محافظ ربنا يمتعك بالصحة و العافية
تحياتي من البعد للأخ عبد الواحد (أبو الجعول) و لكل الأسايطة اينما كانوا
تحياتي للأخ عمر عبد المطلب و قد التقيته آخر مرة قبل سنوات طويلة في مدبنة القضارف حيث كنت في مهمة عمل و كان هو نازل في نفس الفندق (فندق المتوكل) و قد حضر ايضا في زيارة عمل..
هاتفني اليوم الأخ العزيز عبد الرحيم محمد علي فنان الطمبور المعروف و الذي شاركني السكن طوال 4 سنوات بأسيوط كان خلالها نعم الأخ و الصديق و قد أخبرته بهذا البوست و قد وعد بالمشاركة
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الحاج مكي محمد الحسن التحية لكل من ذكرت ، أتمنى من بقية الإخوة أن يحذوا حذو مكى في الكتابة عن ذكرياتهم وأيام الدراسة الأولى باسيوط ، كما أأمل أن يمدونا بعناوينهم وعناوين من يعرفون لأننا سوف نخصص مساحة في هذا البوست لعناوين وأسماء كل من طرق الباب حتى يسهل التواصل معه وسوف نقوم بجمعها من أول مداخلة في هذا البوست ويتم تعديلها والإضافة عليها كلما جد جديد.... بالمناسبة الأخ موسى جديد أقابله مرات كثيرة وهو بجدة وقد حصل على زمالة المحاسبين القانونيين ويعمل الآن مديرا ماليا مرموقا ... ولا زالت ابتسامته تلك تعلو وجهه في تحت أي ظرف . الحاج حمد د. عبد المطلب دعواتكم لأخينا الرائع ود قرض الزوول ... أين سعادتك؟ البقية أكتبوا لنا على أي من العناوين الواردة في هذه الصفحة : مكي ، الحاج حمد أو على عنواني [email protected]
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
وحتي لا يزعل الاخ ابوشيبه ويقول كما قال البوست ده بتاع تربية ارجو من الاخ الدكتور الشاعر الجيلي ان يمدنا ببعض قصائده الشعرية خاصة تلك التي يجاري فيها التجاني ادم بشير عند مرضة وعلي مااذكر قافيتها ( القاف) .. فيها تراياق وما شابه ذلك.. ناس علوم زي ناس ابوشيبه كانوا بيزعلوا من الناس لما تجي تخلط في معمل الالبان بين مبنيي جيولوجيا والنبات حيث معمل الالبان التابع لكلية الزراعة .. وفيه من العسل بالزبادي ما يغنيك وجبة ساندوتش طعميه .. ورز بالبن ينسيك ماعيك من التزام بالميز في شقتك .. لنا عوده لمعمل الالبان في سبيل الرفع الايجابي للبوست
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
و رسالة من الأخ محمد الفاتح أبوكنة الذي أشكره على التواصل عبر البريد الالكتروني
Quote: بسم الله الرحمن الرحيم الأخ العزيز / الحاج حمد لقد اتصلت اليوم بالأخوه عثمان محمد خير وناجي الصديق وهم يبلغونكم التحايا ويسألون بشده وشوق شديد عن جميع الأسايطه وأخبارهم وهم طبعاً بالرياض الأخ عثمان يستعد للسفر للسودان مع أسرته الأسبوع القادم في إجازة ، الأخ ناجي الصديق العريس تزوج في 11/8/2006م بالسودان وحضر الزواج عدد من الأسايطه منهم صديق زكريا وصديق نورين ألف مبروك للأخ ناجي وبيت مال وعيال وقد كلفني بكتابة أخباره ، الأخ أمين فريجون علمت أمس أنه إنتقل إلى المدينة المنورة وسوف أحاول الإتصال به لاحقاً من / محمد الفاتح أبوكنه الرياض في 13/6/2007م |
الأخ ميكي مشاركة رائعة و لي عودة بس شوبة زنقة شغل أنتهي منها و برجع ليك
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ميكي كيف حالك تحياتي لك وانت تنافح في هذا البوست كما عهدناك دائما ... عند الحديث عن معمل الألبان فإنني أتوه ، ذلك لأني لم أره حتى خروجي بالضربة القاضية من أسيوط ... أرجو أن تكتب لنا عن ذلك ... دة شاعر جديد ولا شنو ؟ بطل استعجال (وشفقة) إنت للآن في نفس ذلك الإيقاع السريع؟ الشاعر إسمه (التجاني يوسف بشير)
Quote: الدكتور الشاعر الجيلي |
هل تقصد الجيلي عبد الله الريح ؟ الجيلي دة كنت التقيه يوميا وكنا لا نغيب عن بعض أكثر من 24 ساعة بالرغم من أنني كنت أسكن مدينة السادات وكان هو بعيدا عني ، لكن لم أعرف انه شاعر؟ أعرف فقط محاولاته في الغناء والتي باءت بالفشل الذريع لعدم صلاحية صوته إلا داخل الأماكن المغلقة حيث يأتيك الصدى ... الآن هو بايرلندا ....
Quote: في سبيل الرفع الايجابي للبوست |
+++++++++++++++++++++++++++++++++ وصلني الإيميل هذا من الأخ الفاتح أبو كنة
Quote: بسم الله الرحمن الرحيم الأخ العزيز / كمال محجوب لقد اتصلت اليوم بالأخوه عثمان محمد خير وناجي الصديق وهم يبلغونكم التحايا ويسألون بشده وشوق شديد عن جميع الأسايطه وأخبارهم وهم طبعاً بالرياض الأخ عثمان يستعد للسفر للسودان مع أسرته الأسبوع القادم في إجازة ، الأخ ناجي الصديق العريس تزوج في 11/8/2006م بالسودان وحضر الزواج عدد من الأسايطه منهم صديق زكريا وصديق نورين ألف مبروك للأخ ناجي وبيت مال وعيال وقد كلفني بكتابة أخباره ، الأخ أمين فريجون علمت أمس أنه إنتقل إلى المدينة المنورة وسوف أحاول الإتصال به لاحقاً من / محمد الفاتح أبوكنه الرياض في 13/6/2007م
|
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
مهداه للاخ صالح صديق عبدالله فهل يذكر من معه في الصورة البوست ده مالوا اهلوا فايتنوا؟؟ د.كمال محجوب .. مع الاولاد في الويك اند الحاج حمد الحاج .. مشغول بالشعبية بحري د.عبد المطلب صديق .. غشواتك بقت محدوده في من سوهاج رابط باسيوط تحياتنا للاخت اماني وعلي فكره وين الزميلات من الكليات المختلفة ؟؟؟ الزول .. ما أنا كان عرفتك؟؟ لكن بسك دربك ..وأصبر لي لانو بيتين شعرك ديل لقيتم في مداخلات في www.alnilan.com + up دي لرفع البوست ممكن يااخوانا تعبنا من التفتيش ؟؟
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الناس مختفية ولا تركت لي مهمه رفع هذا البوست من صفحة 3 وحدي are you guys giveup ? اليوم اجريت اتصالا هاتفيا طويلا في وقت break من المدرسة مع الاخ د.علي حسن والذي بدوره ينقل تحياته لجميع الأسايطة ويسأل عن تلفونات الاخوة كباشي الحاج _ السعودية ود.محمد عثمان بشير في الامارات ولقد علمت من علي بانه يعمل في سلخانة خارج مدينة ابوظبي ( مشغول بال BarBQ ) كما تقول الفرنجه.. أنقل لكم ذلك للتواصل وربط الناس .. الاخ علي حسن قال لي انه والانترنت في خصام تكنولوجي وذلك يرجع لانشغاله .. الاخ زهير الحاج اتصلت عليك وما رديت علمت من علي حسن انه الوقت وقت صلاة المغرب (حرما ان شاء الله ....)
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
أخر زيارة لي الي أسيوط كانت في عام 1997 لاستخراج شهادات الاخ محمد حسن عثمان دبلوك بالوكالة التي ارسلها لي فاذا بها مدينة غير تلك التي بالذاكرة قل فيها الهوس الديني وعمتها الحدائق والميادين وبل وجدت كل الكليات قد اضيفت داخل الحرم الجامعي ( والاختلاط بين الجنسين زي الجامعة الامريكية في القاهرة وبناطلين وكده...ألخ) ذكرني هذا بموقف صاحبنا السيوعي الذي درس بجامعة الخرطوم في عهدنا وبعد تخرجي في عام 1989 كنت اتيه وأصحابه زائرا في كلية الاقتصاد وكانوا في أواخر السنة الخامسة وكنت اخطط للذهاب الي اليمن للعمل هنالك (مطلع 1990 ) فاذا به يقول لي : يااخي انت مالك في دنيتك دي قريت في السعودية وفي اسيوط مع الجماعات الاسلامية وجئيت لقت ناس الجبهة استلموا الحكم ... بضيع في زمنك للموت مالك ما تمشي تجاهد مع مجاهدي خلق وتخلص!!!! ضحكنا.. وضحكت الدنيا حولنا لانه انتهي به الحال في بنك اسلامي في قطر وانا بكندا ..فتأمل.
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
تحادثت اليوم مع الاخ محمد حسن عثمان دبلوك وهو مقيم في مدينة ابوظبي بدولة الامارات العربية المتحدة ومعه رهط من الاخوة الاسايطة منهم الاخ محمد هاشم والمحمدان اصحاب وزملاء دراسة وأشقاء سياسة التقيتهم قبل عامين وانا في طريقي للسودان لاكمال مراسم الزواج تعشينا سويا بالنادي السوداني بابوظبي وأشتري لي دبلوك ( علبه سجائر برنجي ) حتي أشم انفاس السودان والذي كنت بعيدا عنه 15 سنة.. الاخ دبلوك جاء اسيوط من الامارات سياسي ( بسنونه ) كان يعتلي اركان النقاش وقد حباه الله بصوت جهوري يخرج من حنجرته خطابا اتحاديا.. سكن دبلوك مع الاخوة كباشي الحاج ومعاوية جاويش فاصبح في عداد السناير ثم سكن هو ومحمد هاشم من بعد في شقة ( بحري ) كانت بلكونتها تفتح علي النيل .. ويمكنك منها ان تراقب الداخلين والخارجين من نادي الحقوقيين ذلك النادي الهادي النسائم والمعبق باجواء الرومانسية .. أيام كانت ذات ايقاع.
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ميكي يا خطير
ذاكرة متقدة و حضور رائع ، لقد أصبحت اضافة حقيقة للبوست ، و قد أتحفتنا بذكريات جميلة عن أسيوط و هذا ليس غريبا على ميكي فقد كان أخ للجميع بمختلف ألوان الطيف السياسي و كانت البسمة لا تفارق ميكي يقابلك هاشا باشا و بأحضان كلها شوق..لك تحياتي أخ مكي و أعجز عن أن أوفيك حقك فقد كنت و مازلت حيوية و نشاط و حب للآخرين و لمعرفة أخبارهم..
تحياتي عبرك للأخوين محمد حسن دبلوك و محمد هاشم..
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الأعزاء الأخ محمد الفاتح أبو كنة هو أحد أولادي في أسيوط ، أحييه من هنا وصلتني منه هذا الرسالة ونتمنى أن يواصل مثل ميكي الذي ابدع ونحن نطمع في المزيد ، بقية الإخوان أين أنتم الآن؟
Quote: بسم الله الرحمن الرحيم الأخ كمال محجوب ( كيمو ) تحياتي وتقديري بداية نترحم علي الزميل موسي بشير موسي نسأل الله له الرحمة والمغفرة وكل من توفاهم الله من الزملاء أن يسكنهم فسيح جناته نرحب بالأخ موسي آدم موسي وقد ذكر انه إلتقانا في مكة قبل 15سنه علي الأقل لأنه أنا في الرياض منذ 15 سنه ، وبمناسبة 15 سنة دى أذكر إننا عندما تخرجنا ورجعنا السودان كنا نتابع إعلانات الوظائف في الجرائد وعندما نجد أن هناك وظيفة ضمن شروطها خبره 15 سنه كنا نضع أيدينا في رؤوسنا وننفجر بالضحك ونقول بالله عليك الله دا دايرين بيه شنو بعد دا . وكنا نعتبره شرط تعجيزي ، لم نكن نتخيل أننا يمكن أن نتجاوز ذلك بكثير . هل تصدق يا كيمو انه ( أخوى الكاشف ) مكي محمد الحسن عنده 20 سنه خبره ( هاك الشباب دا يا مكي ) والله مش لو ختيت لينا صوره ( العمر دا بتوديه وين ) وكانت أيام جميلة عندما كنا نتقابل في لجنة الاختيار للخدمة العامة ونجلس تحت الشجر ونتونس ونسأل عن أخبار الزملاء وعن همومنا المحدودة وهي الحصول على وظيفة ، ونقعد نعاين في البورد إذا نزلت وظائف جديدة ونشرب من الأزيار عين على البورد وعين على الأزيار إلى أن تخلص موية الأزيار قبل الساعة اثنين بقليل نقوم نتنفض ونودع بعض ولا ننسى أن نوصي الفراش أن يملأ الأزيار بالليل عشان الصباح نلقاها باردة. ولنا عودة لذكريات أسيوط في الرسالة القادمة بإذن الله ،،،، ود أبوكنه - الرياض
|
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
الاخ محمد الفاتح أبو كنه تحياتي يارائع .. لكن يا زول ما تلخبط 20 من بعد التخرج لكن ما خبرة عمل ( تصدق انو اشتغلت بالصحافة المعارضة - جريدة الاتحادي الدولية في نتصف التسعينات أكثر من التدريس .. فتأمل! ). اضافة للجنة الاختيار كان الجميع يلتقي هناك ونتجازب أطراف الحديث الاجتماعي والسياسي ( اهل الانقاذ لن ننسي انهم ارادوها وظائف حكومية لانفسهم اولا ثم لغير المنتمين - فقة التمكين ولم يكن ذلك بخافيا علي أحد حيث لم نجدهم معنا في صفوف التقديم للوظائف الحكومية عند الابواب .. ثم نتلفت بعدها لنجدهم وعبر الشبابيك يجلسون علي ديسك الوظيفة سامحهم الله ان كانوا يستغفرون ..) المهم من الطرافة ان بعضنا قد اكتسب خبرة في التقديم للوظائف بدون جدوي ومنهم الاخ عبد المجيد حسن عبد المجيد والذي كان يجلس معنا تحت ظل شجرة ويراقب .. جاء احد الخريجيين الي الشباك لم يمكث طويلا حتي عاد ادراجة سالنا الخبير عبد المجيد أها يازول ده مالوا رجع اجاب بخبرة الخبير في التقديم والرفض أكيد ما عنوا كرت التجنيد الاجباري .. وفعلا كان عبد المجيد علي حق الامر الذي جعل مزمل فزع أو معاوية جاويش يقول لعبد المجيد متهكما يازول انت ما لقيت وظيفتك .. تعرف تجيب ليك طربيزه وكرسي من بكرة وتقعد قدام الباب ده وتكتب عليها نصائح واستشارات قبل تقديم الطلبات .. بس ان شاء الله ناس الحبهة ديل ما يزاحموك غيها دي كمان..................
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
الاخ مكي لقد تعرفت على الشيوعي الذي قال لك تخرجت من اسيوط معقل الجماعات الاسلامية وتعمل في السعودية ، وازيدك انه اصبح علم في عالم الاستثمار الاسلامي ومن البارعين في تصميم مشروعات التمويل الاسلامي ولو شئت مزيدا من القفشات اقول لك : اقواكم في الجاهلية اقواكم في الاسلام . امام عبد المجيد حسن عبد المجيد فهو ابن عمي ،ومقيم حاليا بباريس وهو حاضر النكتة وساخر من الدرجة الاولى ، له ولك وللاسايطة التحية وله ايضا حسن العزاء والصبر الجميل فقد كان المرحوم موسى بشير صديقه الوفي .. عبد المطلب
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
الشباب الأعزاء تحياتي الحاج حمد ، يبدو أن مكي قد كفاكم شر لبحث عن البوست بين الصفحات ، ما تنوم كما نام د. عبد المطلب الذي أصبح يظهر فجأة ويختفي فجأة هكذا مثل الزوول ، ولكن أين عدنان؟؟؟؟؟؟ رسالة من الأخ عبد الله عبد اللطيف بستم والذي أيضا اختفى لفترة المهم تحياتي للجميع ،،،
Quote: الأعزاء /الأسايطه سلام عليكم ورحمة الله وبركاته نأسف للإنقطاع عن الكتابه لفترة بسبب الإنشغال ولكن والله لم يمنعني هذا من الإستمتاع بما تكتبون ومن الذكريات الرائعه وهذا التواصل الرائع بين الإخوان وخاصة كتابات الأخ مكي وسرده الجميل للأحداث والذكريات ( ربنا يديكم العافية جميعا ويجعلكم دائما إخوه ومتواصلين دائما)ز أبدأ بالترحم على من فقدنا من الإخوه الزملاء والأخت انتصار محمد عبدالله رحمهم الله رحمة واسعة وأسكنهم فسيح جناته وأنزلهم منازل الصديقين والشهداء وحسن اولئك رفيقا ما زلت أبحث عن الدفعه ولكن يبدو أنهم لم يسمعوا بهذا أو لم يكتشفوا هذا البوست الرائع وأنا متأكد أنهم ما كان حيتأخروا عنة الكتابه وكم أتمنى أن أجد لهم طريق أو عنوان أو وسيلة اتصال نتمنى أن نراهم قريبا في البوست طبعا هناك الكثير من الذكريات ولدي كم هائل من الصور لكن عشان أنزلها عايز ليها سايت كامل ويمكن ما يكفيه وعلى كل سوف أحاول الأيام القادمه أرسل ليك يا كيمو بعض الصور الطريفه ( وبطريقتك تشوف تنزلها كيف ) أصلو الإجازات بدت وشوف ليك طريقه بعد ده. واحده من الطرائف الأسيوطيه أحكيها ليكم وحدثت في شقة ناس عصام مطيشه عليه الرحمة وله المغفره ( حكاية فرخه ) قرر الإخوه يومها التمتع بهذا المذاق النادر أيامها فقد تم إرسال أخونا عبدالواحد الزاكي لإحضارها من السوق وقد استخدم يومها عجلة فارهه لاأدري لمن تعود ملكيتها المهم بعد شرائها وفي طريق العوده كانت الفرخه مستسلمة لقدرها وأكيد تكون قرأت في عيون أخونا عبدالواحد مصيرها ولما وصل عبدالواحد قدام كلية التربيه أصدرت الفرخه صرخة استغاثه مدويه وكأنها تستنجد بجموع تربية ولكن أخونا عبدالواحد طبق على زمارة رقبتها ولما وصل البيت قال للجماعه والله كاكت الأولى جنب تربية والثانية جوه الشقه دي وبعد داك طبعا دخلنا في قضية مين يذبح الفرخه وبعدها تبرع المرحوم عصام والأخ عبدالواحد بذبح الفرخه وبعد التقطيع قام الأخ حافظ عديله بتنظيف الفرخه وفي زيارة خاطفه للمطبخ وجدت الفرخه داخل حلة وبها كمية كثيفه من رغوة الصابون مما استغرق وقت طويل في إزالة الصابون عنها وبعدها تم التحمير وطبعا ما في وقت للصحون كل واحد اتناول قطعه ( من الزيت الى المعده مباشرة ) بدون توقف . أرجو ألا أكون قد أطلت ولنا في قادم الأيام المزيد من الذكريات أخونا الحاج حمد لك كل التحايا ولك الشكر على مجهودك الرائع العزيز عدنان وين ياخوي اختفيت وما زلت في انتظار كتاباتك الجميله الأخ أحمد القاسم وين انت بعد الطله الجميله الإخوه جميعا لكم الود والتقدير والسلام عليكم
عبد الله بستم |
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
دكتور عبد المطلب تحياتي وتحياتنا عبرك للاخ عبد المجيد
Quote: اقواكم في الجاهلية اقواكم في الاسلام |
دة (خرف) الغربةولا شنو؟ ... مكي دة أصلا (مخرف) منذ أن عرفته ... واحدة تانية من موديل 2007م التحية للجميع ولهذا الرجل المبدع فعلا ، أن يمزج ما بين هذا وذاك ويخرج بما يفيد الناس
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Kamal Mahjoob)
|
Quote: الحاج حمد ، يبدو أن مكي قد كفاكم شر لبحث عن البوست بين الصفحات ، ما تنوم كما نام د. عبد المطلب الذي أصبح يظهر فجأة ويختفي فجأة هكذا مثل الزوول ، ولكن أين عدنان؟؟؟؟؟؟
|
الاعزاء الاسايطه والاخ عبد الله عبد اللطيف بستم تحياتي واشواقي .. بستم عليك الله واصل ذكرياتك خاصة مع اخونا الغائب عبد الواحد ( الجعول ) فلقد كان هو والمرحوم عصام مطيشة روادا ( للصقل بمعني الونسة والحكاوي ). ذكرني الاخ مزمل فزع بان اطلب من الجميع كتابة ارقام تلفوناتهم للاتصال هاتفيا بهم !!!!!! تاكسي الغرام هو الاخ الشقيق الرائع محمد عابدين ( تربية لغة انجليزية ) كان ولطيبته يأمن الزميلات في كل الكليات صحبته معهن في مشاويرهن وجاءت تسميته بهذاالاسم من القصة التالية: سكن مزمل فزع في السنة النهائية بحي عزبة السجن ( جوار سجن أسيوط وجامعة فيصل - الازهر الاسلامية ) وكان منزل الطالبات بتلك العزبه أيضا وكان الغاشي والماشي يطرق باب مزمل اما انتظارا لموعده أو اكمالا للونسة بعض قضاء مشواره الي بيت الطالبات , وكانت حركة محمد عابدين مرصوده من قبل الاخ كباشي الحاج وفي يوم ما جاء كباشي لمزمل وخرجاء سويا في مشوار اخر فاذا بكباشي ينبه فزع قائلا :شايف زولك موصلاتي كيفن زي تاكسي الغرام , فصار ذلك لقبا لازمه حتي تخرج بل يناديه به الجميع بمن فيهم الاخوات الزميلات والشقيقات خاصة .. له مني ومن الاخ فزع التحاياوالأشواق.
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
في السنة الثانية سكنت بالنميس مع الاخوة مزمل فزع وطارق عوض الكريم عادل الكديوه وكان يسكن مقابلنا في الطابق الارضي اخوانا الزملاء اسامة حمد النيل الكاشف بدر الدين زراعة وكانت الابواب بين الشقتين مشرعة للساكنين والزائرين .. وفي زمن الانتخابات الطلابية محروسين من الخارج بجهابذة ومخبري الامن المصري واذكر انني وبعد حضوري للشقة نسيت احضار الرغيف ( ذلك العيش المصري المهجن بالفينو والذي افتقد طعمه الان اسماه طلاب مصر بالجينز لان في مبيته او اكلة بعد 12 ساعة صعوبة في القطع والمضغ والهضم ..) المهم وضعت حاجياتي الاكاديمية من كراسات وروب معمل وخرجت من العمارة مهرولا الي الفرن والذي لم يكن بعيد من العمارة فاذا باثنين يتبعاني الي الفرن وهم يصيحان بلهجة صعيدية : عم بتدري ( بتجري ) ليه؟ فاجبتهم لاحضار الرغيف سالاني هل اسكن في العمارة قلت نعم فقال لي أحدهم سكان مع الشيوعي أسامه الكاشف فاجبت بلا فقال لي : روح ياعم بس ماتدريش ( ماتجريش ) تاني خلينا نشوف شغلنا...!؟ رجعت مستغربا ولكن من يومها اتضح لي لماذا يوجد بجوار كشك السجائر امام العمارة والذي كنا نستدين منه الشاي والسجاير متي ما فرق الميز في ميزانيته والجيب في الخرمه وكانا دائماهناك او واحد منهم علي الاقل يراقب الداخل والخارج ( مخبرين سريين جدا قال ...) أعتقد انهم يعملون علي تامينهم من اعتداءات الهوس الديني ( الجماعات الاسلامية ) ونحن في جاههم محميون.
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ميكي تحياتي في الصورة الثانية ما عرفت إلا اثنين فقط هما مزمل فزع وعصام كمتور والباقي لم أقابله من قبل. تحياتي وهذه رسالة من ود ابو كنة وفيها طلب من يعرف اي شى عمن ذكرهم أن يمده بالمعلومة ، أعرف أن الأمين الطيب في قطر ولكن ليس لدي اي عنوان له.
Quote: الأخ كيموالمحترم أذكر انه في السنه الأولى سنة البرليم جئت متأخرا جدا بعد أن تم نقلي من القاهره الي اسيوط بناء علي رغبتى لكي أكون مع ابن خالي عادل العوض بيطرة ) وقام بدوره بتسليمي لكم شخصيا ومن يومها لم أفارقكم أبداً حتى تخرجت أنت من أسيوط ثم لحقت بكم في مكه أيضا .نعود لأسيوط حيث أول ما قمت به انت قمت باسكاني مع مجموعه من الفطاحله وخيرة الرجال وجميعهم من التربيه وهم الشقيق هجو يوسف وأزهري يوسف (الرميتاب-الحوش) والأخ الهادي (الحلاوين) والأخ حسن البربري أبوشنب وقد كانوا نعم الرجال ونعم الأخوان ولم يحوجوني لعمل أي شئ حيث كانوا يقوموا بكل ماهو واجب حيث لم أدخل المطبخ حتى نهاية السنه ، حتى المرسال للبقاله لم يسمحوا لي به بل انه حتي الكليه لا اذهب الا معهم لدرجة انه عندما اكون شغال في كلية العلوم يقوم الأخ هجو بتوصيلي الى هناك ثم يذهب الى التربيه طبعا كانوا بيعملوا معاى كده لصغر سني وحجمى (وقتها )ولأنني جئت متأخرا قريب امتحانات التيرم الأول وكانت تلك من أجمل أيامي الدراسيه وكان يسكن الي جوارنا الرجل الفلته الذي جاء الى اسيوط بيسنونو وهو الأخ الأمين الطيب (صيدله) حيث كان يناطح السناير في الصقل وقد زارني هو والأخ الهادي في قريتنا بالجنيد فلهم التحيه جميعا كما أرجو ياأخ كيمو لو عرفت أي معلومه عن هؤلاءالرجال ان تبلغني بها فورا والكلام موجه لجميع من يطلع على هذا البوست .الأخ حسن أبوعلي كان يحبني كثيراويضحك معي كثيرا وكان يحب النكت وتعليقاتي الساخره وكنت انكت له ويقعد يضحك حتى تتمتلئ خدوده بالدموع مستغربا من هذا الكائن الصغير الذي يضحكه وكان أيضا مستغربا عن علاقاتي الواسعه في اثناء التعارف الذي يكثر عادة في بدايه العام الدراسي حيث الوجود الكثيف للبرالمه حيث كنت عاده ماأستوقف الشخص اثناءالتعارف عندما يذكر منطقته فأقول له بتعرف فلان وفلان فكان الأخ حسن يستغرب ذلك ويقول لي ياخ انت كلك قدر شنو وعرفت الناس ديل بتين فقلت له نحن أولاد موظفين بنتنقل مع الوالد في جميع اقاليم السودان وانا شخصيا قريت في 13مدرسه مختلفه قبل الجامعه وذكرت له المناطق التي درست فيها فقال لي والله القصار ديل ما ساهلين ومن يومها صرت له مرجعا وكان كلما عجزوا عن معرفة شخص يقول ليهم كدي شوفوا القصير ده .والله ياكمال هذا الشخص لم أقابله او أعرف عنه شئ منذ أن تخرج ارجو أن تساعدني في البحث عنه والي أن القاكم في بعض المواقف والطرائف في اسيوط أستودعكم الله اخوكم / محمد الفاتح ابوكنه
|
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
وهاك دي كمان بتسال عن عدنان شوفوا هنا بشيل في الغناء منطرب ( بس ياربي هو وعمر الازرق ده قابضين عداد ولا تطوع ساكت ) في حفلات اسيوط في السنة الاولي لي غاب فايز هندسة عن البيز جيتار وقمت انا بمعرفة الاخ فيصل ادريس -هندسة بربط الجيتار حول رقبتي والتمثيل بانني اعزف لفترة امتدت لاغنيتين ( مسكت ليك الجو بعدها في تلك الحفل وقلت لكل الجكس انو انا بعزف هاوي في الشقة .. انقر بعضهن ما صدق لكن اصحاب الخشوم الخفيفة كثيرين صححوا المعلومة في اقل من 48 ساعة بعد انقضاء حفل التخرج ذلك.. ما قلت ليكم ايام لها ايقاع بس ما فيش بتاع بنقز http://www.sudaneseonline.com/u/singer.JPG
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
عندما قبلنا للدراسة بمصر كان شباب الحي ( بري المحس ) يذكرونني بان اسعي لكي التقي باحد مشاهير مصر من الممثلين والممثلات أو الفنانين والفنانات .. ولكن ذلك لا يتاح الا لطلبة القاهرة أو الاسكندرية ( لقد التقيت بعض الفنانات لاحقا في حي المهندسين بالقاهرة ميرفت أمين , الهام شاهين , الفنان محمد منير .. الخ ) ولكن في أسيوط لقاءهم شي من المحال وحيث انني ولد مغتربين وقتها ( برلوم ) فقد كنت أدخن سيجائر ( ميريت الاصفر ) ولم يكن متوفرا في الكثير من الاكشاك والبقالات الاسيوطية وفي يوم ما وانا قادم الي الشقة ( مع صابر وجمال بطاطس هذا لقبه في بري لمن لم يعرف من الاسايطة واعتقد انو اخونا اسامة ابو شيبة يعلم ذلك في زياراته الكثيرة لشقتنا وسماعة لصابر وهو يناديه ببطاطس ) ولقد اخذت طريقي من كلية التربية بشارع الجمهورية في اتجاه السوق ولكنني لمحت بقالة قبل سندوتشات الشرق تحت اسم ( بقالة سيدهم ...) اسم عادي .. دلفت الي الداخل وسالت البايع هل عندك سيجائر ميريت اجاب بنعم وانا احدق فيه قائلا في سري ..: ياربي الزول ده انا شايفوا وين ؟؟ فاذا بذاكرتي تنشط وبسرعة .. فسالته اثناء اجراءات ابتياع السيجائر منه : عندك علاقة بالاستاذ الممثل الكوميدي جورج سيدهم ؟ أجابني علي الفور نعم هو شقيقي الاصغر . خرجت من البقالة وانا اتطلع شوقا الي موعد عودتي للبراري الحبيبة حتي اخبر اهل الحي من الاصحاب بانني قد التقيت مش الممثل كمان اسرته كلها .. ( لقد أضفت لبعض الاصحاب كذبا بان ابنه اخية زميلتنا ...... قادرين تفوتوا دي ولا نقسمها!).
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
للناس في شرخ الصبا قبل ان يشرخ الشيب امالهم ، وله شديد بالتعرف على الشخصيات المشهورة ،كان نجوم التلفزيون السوداني عندما يسافرون معنا الى الاقاليم في التغطيات الصحفية يحرص ابناء الريف على ادعاء معرفة القادمين من الخرطوم من مذيعين ومقدمي برامج ،لا زلت اذكر بكثير من الفخر ذلك اليوم الذي جمعنا في مصر بالشاعر السوري الكبير نزار قباني وعلية الجعار ومحمد ابراهيم ابوسنة وارملة امل دنقل المبدعة عبلة الرويني ، كنت فخوار بذلك بينما لم يحرك ساكنا في دواخلي لقاء عدد غير محدود من الوزراء والرؤساء بحكم عملنا الصحفي ، بعد ان اصبحت كما يقول عمنا يحى العوض في شيخوخة الشباب او شباب الشيوخة . عبد المطلب
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
الاخ الدكتور عبد المطلب عودا حميدا لديار الاسايطة بعد غياب .. ونواصل وبمناسبة انني ( رشاشه ) هلالابي علي السكين وان شاء الله ربنا يعوض الهلال في مباراة الرد بالخرطوم طرفتان:
الاولي تتعلق بااسيوط .. كنا في دار الاتحاد نشاهد مباراة الاهلي المصري والاشانتي كوتوكو في دوري الثمانية او الاربعة لنهائيات ابطال افريقيا ولان تلفزيون الدار بالملون حيث ينعدم التلفاز في الكثير من الشقق ولان التعليقات كثيرة وغير محببه لاخوتنا المصريين لذلك يشاهد اغلبية الطلاب الكرة في منازلهم او بدار الاتحاد حيث القهوة والشاي ومتعة المشاهدة والتعليق .. ولكن بضنا كان يتعصب في التشجيع وكان الاخ فايز هندسة من مشجعي الاشانتي وبتعصب تصحبه تعليقات وكان الاخ جمال ( علي ما اعتقد من الاقباط بزراعة) من مشجعي الاهلي وبتعصب ايضا وفي لحظة احرز الاهلي هدف السبق في المباراة فاشتعل استاد القاهرة لهيبا من التشجيع وكذلك مشجعي الاهلي من حضور المباراة في دار الاتحاد فاذا بالاخ منير يقف منبريا للاخ جمال ( علي فكره هو فاتح البشره كالمصريين تماما واظنه من اقباط عطبره) قائلا له: يازول انت الصريين ديل بتشجعهم كده بحرارة لي انت اصلك مصري ؟ ... فرد عليه وانت بتشجع الاشانتي ده بحرارة كدة لي انت اصلك غاني ... ضحك الجميع بعدما ادركنا انها لحظات انفعال كورة وصافي يالبن حليب ياقشطه
والثانية عن المشاهير والشهرة وكانت عندما صعد الهلال الي المباراة النهائية مع الاهلي المصري وقبل المباراة وبعد حضور الهلال من نيجيريا منتصرا وصاعدا الي المباراة النهائية كنا في حفل زواج احد الاقارب بحي المنشية بالخرطوم وكان معي نسيبي عثمان عبد القادر ( قبل ان يتزوج ) وهو شديد الشبه والملامح لكابتن الهلال طارق احمد ادم دخلنا الي خيمة كزام المبهرجة واذا برهط من حديثات العهد بكرة القدم يشرن الينا ويصحن .. هي عاينو طارق احمد ادم .. التفت الي نسيبي عثمان هامسا يازول اقفل خشمك انا جاي من السعودية وبفتش لي في مره يمكن صدفه شهرة ناس الكورة ديل تخلينا نتوفق وقد كان.. ذكرت ذلك يا د. عبد المطلب صديق حتي اوكد لكم أن شهرة اهل العلم والسياسة لا تضاهي شهرة اهل الفن والرياضة ... مش زمان قال المثل ياكفر يا وتر......
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: د.عبد المطلب صديق)
|
كلامك صحيح يادكتور من حيث ان اهل السياسة ( وعلي فكرة انا منهم ) يشاركون الناس في معايش قوتهم ولكن اهل الرياضة والفن يروحون عنهم ولن تغالط اذا قلت لك بان الفرنسيين سيسعدون باعادة خطبة من خطب شيراك بقدر ما سيسعدون اكثر بمشاهدة المباراة النهائية لكاس العالم وزين الدين زيدان يرفع كاس البطولة بعد الفوز المستحق علي البرازيل - حسب مثلك .. واليك من بيليه الي ديفيد بيكهام وشهرة سياسي بلديهما مقابل شهرتهما ... قريبي قال لي لكي يوقف مناقشتي السياسية له حول اوضاع السودان : يا ولدي شوف ليك شغلة ثانية السياسة شغلانية من لا عمل له! لا اجزم ولكنني اعيش في كندا والمواطن هنا لا يكترث للسياسة الا عندما تصيب عصب ووتيره حياتة فمن انتخب ليحكم يعطي فرصته لتحقيق برنامجة كاملا بدون تدخل العسكر او اي قوة اخري فوق قوي البرلمان والقانون ... والخواجات ديل ما كضابين ولا نفاخين بيخططوا وبيعملوا وبمناسبة الغلاط اليك هذه النكته القديمة: يحكي ان احد الناس في حي ما كان مشهورا بغلاط الاخرين وفي يوم من الايام جاءه احد ابناء الحي بان في الحي الاخر مغالط يفوقة غلاطا .. وقال له يا اخي انت بالنسبة ليهو تلميذ غلاط ... زعل صاحبنا وتحمس وانتفش وقال له : يلاك نمشي ليهو في حيه ولا في بيته ونشوف .. الصاحب الاخر يترجي : يازول ما بتقدر عليهو ده ملك الغلاط .. اصر صاحبنا وذهبا فاذا بالصاحب يقول للمغالط المتحدي : شايف الباب المتاكي داك ده بيتوا انا بقيف هنا وانت امشي اتعرف بيهو براك ... ذهب المتحدي وطرق الباب كو كو كو من الداخل صوت: منو في الباب من خارج المنزل المغالط المتحدي: انا من داخل المنزل رد: لا ده ما انت بهت صاحبنا و.... ضحكتم ولا اخلي صاحبي بتاع الكيف يحكيها ليكم..
| |
|
|
|
|
|
|
Re: خريجي جامعة أسيوط ، أين الأحياء منكم؟ (Re: Mekki M Alhassan)
|
ناس الكورة في اسيوط كثيرون واذكر تلك المباراة لفريقنا القومي واصرار اخونا سيد احمد محمد سيد احمد ابو شعر - علوم علي ان نذهب لشخصي ومزمل محمد ابراهيم فزع لمشاهدة المباراة في قهوة لاستمتاع بتعليقات اخوانا المصريين - هذم فريقنا هذيمة شنيعة وكنا نشاهد في تحسر تلك الخسارة والمهذلة الكروية وبعد كل هدف نلتفت لابوشعر قائلين الله يجازيك دي عملة تعملا فينا وبعد الهدف الثالث لم نستحمل تلك الرقصات عشرة بلدي مع تعليقات اخوانا الاشقاء المصرين خرجنا لنستكمل المباراة في شوارع سوق اسيوط ونتحاشي المرور علي قهوة الشرق مرة اخري ----- تصويب كان فريق الهلال والزمالك والهذيمة كانت كبيرة تاريخيه
| |
|
|
|
|
|
|
|