|
Re: امام الجامع الكبير يطرد مصليا (بتهمة) اصابته بالايدز !!!!! (Re: الشفيع عوض شوشتا)
|
Quote: ان صح ان المصلى المطرود من المسجد مصابا بالايدز فمن حق الامام اخراجه من المسجد حفاظا على صحه غيره من المصلين ولعل الامام وهو بالطبع ملما بالشرع اكثر منى وغيرى |
اكثر منك اوكى لكن بالطبع ما أكثر مننا
الدين و رجال الدين عبر السنين
كدى ورينا الأمام ده بصرف كم؟ من صلاته, وعلاوته كم؟ وغلاء المعيشة كم؟ ولو علاوته ما جات حيضرب من الصلاة ولا شنو؟ كم فعل المؤذنين ايام نميرى لتأخر علاوتهم.. رفضوا ان يؤذنوا ودخلوا فى اضراب حتى تحل مشاكلهم العلاواتية.. حسبى الله ونعم الوكيل.. وله فى خلقه شئون..
لطفى
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
حصحص وهلا وغلا من الموسف ان الاخوة الذين ذهبت بهم الظنون الي التشكيك في مصداقية الاخ عب منعم بل ذهب محمد فرح بانكار وجودية صحيفة باسم الاسم في السودان والان رايناها تتهادي عبر الاسكانر الذي وضح حتي عنوان الحادثة المشار اليها.. منعم لم يفعل ااكثر من جلب هذا الخبر الي النقاش وهذا هو دوره وليس هو متحري او مخبر صحفي يقبقب المحررين ويذهب الي الجوامع والمحلات لكي يسال عن مصداقية هذا الخبر... شي اخير وحتي وان سلمنا بعدم صحة الخبر اعتقد بان مجرد نشر هذا الكيس هنا وتداوله بالنقاش يفيد في نشر الوعي والتنوير والراي والراي المفيد مثل المعلومات التي نشرها الاخ فيصل منعم بررررافو keep it hot ya maaaaaan
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
اخي كيكي
ماذا اضاف هؤلاء الطفابيع للمنبر غير التشكيك في مصداقية الاعضاء ومحاولة تجميل وجة الحكومة القبيح
ثم ماذا اضاف هذا النكره للمنبر غير الاخبار المملة امثال بشرى تخفيض ضريبة المبيعات ..!!!
لعنة الله عليهم
ثم ان الخبر صحيح بدليل ان لا وزارة الارشاد نفت الخبر وللا الامام الجاهل اشتكي وايضا الصحيفة لن تنفي صحة الخبر الي الآن .
لك التحية يا صديقي وانت تتصدى لقوى الظلام
محبتي
منعم
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
يامنعم
إمام الجامع هذا أيضآ قد يكون مصابآبالأيدز..!!
إن الإيدز مرض , وليس بسبة..
فيلم( فلادلفيا) صور حقبة صعبة فى التعامل مع المرض فى العالم الأول, وليس بمستغرب أن يتحول أمر الإصابة بالمرض لهاجس عند ذوى الوعى المنخفض,. إن ثمانية عشر عامآ من الطرد والتشريد والإحلال ,حتى على نطاق الأئمة, لن تنتج سوى فاقد دينى ,وخطاب شائه .. فالدين عرف فى السودان بتسامحه وتوسطه وبصوفيته التى لاتحاكم مريضآ وتستن له سيفآ لقتله من جنس عبادته ودينه..
هذه دولة الفساد والقتل والإغتصاب
هل ستنتظر منهم سوى توظيف الدين لنفى وجود مرض الأيدز, (وإنه , ولقلة المصابين ومعرفة العامة بهم, حتى أئمة المساجد يمنعنوهم عن تناول وجبتهم الدينية من طهار وسجود ونقاء وضياء)
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
عبدالمنعم ياخي اذا ما فهمت كلامي عشان افهمك ... لم اشكك ان الخبر نشر في الجريدة لكن كل الطلبتو منك ان تاتي بدليل انو الامام طرد هذا المصلي من المسجد و انو الحادثة حقيقة ليس مجرد كلام جرايد للنشر و البيع او على قول بول كتينغ Fish and Chips of Tomorrow. نقلت اخبار لم تتماشى مع فكركم و منهجكم فاقمتوا لدنيا تتطالبوا بالدليل و طالبتوا ناشر الخبر بان لا ينقل خبر قبل ان يتحرى من مصداقيته. طيب الفرق هنا شنوا. انت نقلت الخبر باعتبار انوا صحيح و ان كقارئ للمنبر عايز اتاكد من صحة الخبر, لان عبدالمنعم عندي مجرد اسم, يعني ما بعرفك عشان اصدقك او اكذبك. فعليك بالدليل و البينة على من ادعى. و بالمناسبة كان في خبر نشر هنا وانت من طالبت الناس تتحرى قبل الخوض في الوضوع و اظن انت من الناس الاتحروا في الموضوع. فرقت في ايه. اما حطاية جريدة مزعومة كتبتها لانو في واحد شكك في وجود اصدارة بهذا الاسم. اما ياعبدالمنعم حكاية كيزان و من لف لفهم دي ما بتشتغل معاي ابدا, ما اتعب نفسي لانفي هذه الصفة لانو العارف عزو مستريح ... و عشان افرق بين الحق و الباطل عايز دليل ... و ماعندي بيك سابق معرفة عشان اصدقك او اكذبك.
الاخ احمد الامين بما انك الوحيد الردك كان محترم حارد عليك ... ياخي انا لم اشكك في مصداقية عبدالمنعم و كما ذكرت عبالمنعم عندي مجرد اسم فقط ما بعرفوا عشان اصدقو. و الخبر نقل عن امام مسجد و كل المتداخلين صدقوا الخبر و ابتدوا يتهكموا من الامام لمجرد انوا في جريدة نقلت خبر ما عارفين مدى صحته. اذا كان هنالك نقاش موضوعي لمضمون الخبر يمكن الواحد يساهم او يقراء للاستفادة, لكن الموضوع شخصي و صخرية و تهكم من امام مسجد و الدين. اما ان عبدالمنعم ما متحري عشان يتاكد من مصدافية الخبر فهذا لا يعنيني في شئ ابدا, الشئ اليعنيني انو نقل الخبر و عليه اثبات صحتوا, ما بنقل صورة من الجريدة, بالتاكد و التحري.
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: Alfarwq)
|
Quote: ياخي إنت كان مازول فارغ في زول بشتري جريده إسمها (الحلوة) |
محمد فرح شنو يازول جادع المداخلة دي كده زي السندوش وسط كوم المداخلات وعامل نائم يازول كدي في الاول في جريدة زي دي ولا مافي؟؟؟؟ ولو خلاص بقت في طبعا الجريدة هي وريقات تنشر المعرفة واهتمامات الناس مختلفة وكل زول يقراء في بكان يعجبو حسب مزاجه ولاشنو.. سوالي لسع قائم في جريدة ولا مافففي يا محمد فرح؟؟؟؟
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
Quote: افرض الجريدة دي اسمها الشينة زولك ده حيقراءها ولا لا؟؟؟؟ |
يقرا شنو يا كيكي ده بقول ليهو خش شوش واطلع زي صاحبك مهند مامون الله يرحمه
شفت فرح الكذاب وتكتيكاته قال شنو ؟ ما في جريدة اسمها الحلوة في السودان
جبنا الجريدة قال فارغ
ده يا كيكي بذكرني زولك دااك ال لقوه ما لقو الخرابه قامو لقوا الخرابه قال فارغ
____
مجاهد
الجماعة بقوا يطردوا الناس من بيوت الله
الله يلعنهم ويلعن محمد فرح الكذاب ده
مودتي
منعم
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
Quote: المشكلة وين ? فى وجود الجريدة أم طرد مصلى بسبب الجهلوالتخلف..?? |
والله يا الجيلي انا الموضوع ذااتو جاط لي جوطة شديدة خلاص وماعرفنا الاشكال القانوني والفقهي وين هل منعم مروج لصحف محظورة بموجب قوانين النشر والجريدة دي بوزعهوها بالسر ام ان الامر محاولة لتمييع الوعي واشاعة محاربة هذا المرض الذي يفتك في الناس بالتضامن من الجهل والفساد والسلطان الظالم الموضع اشبك واتعبك وبقي حكايتو واضحة
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
وعندما وقف المصلون للصلاة ترك الإمام مكانه ووقف قائلاً : - أيها الناس ساووا بين الصفوف ثم وقف بين الصفين الأوائل ماداً عنقه ينظر إلى نهاية الصف الثانى مخاطباً احدهم : - يا زول إنت يا الهناك ... آآى اللابس الشال الاصفر والنضارات ده .. آآى إنت بالله قوم فذ برة إنت قائلنا ماعارفين عندك (أب عديلات) !! ثم يتخطى الصف الثانى للثالث ويقف هنيهه ثم يشير بيده : - إنت يا أب شرابات الهناك .. ما ترجع لى وراء انا شايفك ... الشرابات دى كان ما عندك (جزام) لابسا عشان شنو؟ قوم بالله إتخارج شوف ليك حته تانيه صلى فيها !!
كسرة : كيف تأكد لهذا الإمام (العينه) أن هذا (المصلى المطرود) مصاباً بالأيدز ؟
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: مجاهد عبدالله)
|
Quote: Quote: ان صح ان المصلى المطرود من المسجد مصابا بالايدز فمن حق الامام اخراجه من المسجد حفاظا على صحه غيره من المصلين ولعل الامام وهو بالطبع ملما بالشرع اكثر منى وغيرى |
اكثر منك اوكى لكن بالطبع ما أكثر مننا
الدين و رجال الدين عبر السنين
كدى ورينا الأمام ده بصرف كم؟ من صلاته, وعلاوته كم؟ وغلاء المعيشة كم؟ ولو علاوته ما جات حيضرب من الصلاة ولا شنو؟ كم فعل المؤذنين ايام نميرى لتأخر علاوتهم.. رفضوا ان يؤذنوا ودخلوا فى اضراب حتى تحل مشاكلهم العلاواتية.. حسبى الله ونعم الوكيل.. وله فى خلقه شئون..
لطفى
| |
|
|
|
|
|
|
Re: امام الجامع الكبير يطرد مصليا (بتهمة) اصابته بالايدز !!!!! (Re: عبد المنعم سليمان)
|
ده امام مسجد او ضابط هجره ؟؟؟؟ الحمد لله الما رحلوا خارج السودان ....
الامام ده بيذكرني بي ضابط في مطار جده ... معانا تأشيرات عمره ... وقال لينا مطلوب منكم شهادة اسلام ... !!!! والله العظيم وكتابه الكريم ...كنت عايز اديهو كف ... وادخلوا الاجاويد .. وجابوا لينا امام مسجد ... وبمية دولار حرر لينا شهادة اسلام بدون حتي ما يسمع الشهاده ...
| |
|
|
|
|
|
|
|