|
|
 ألذّ إعلان مرّ عليّ في السودان!
|
سلام يا جماعة ورمضان كريم ...
كنت في السودان في مايو الفات. في شارع الوادي بأمدرمان، لفتت نظري لافتة إعلانية كبيرة ..
اللافتة كانت بتقول:
إعداد الفتاة الجامعية للحياة العملية ..
لحد هنا، إفتكرت إنها لافتة عن واحد من المشاريع والبرامج الكتيرة الكل فترة والتانية الحكومة بتطلع بيها (من وين ما عارف!) 
المهم ..
لمّا نزلت السطر التاني لقيت آخر حاجة كنت أتوقّعها:
فير آند لفلي .. وشك منوّر .. مستقبلك منوّر!!!!!!!
بالله عليكم ده يقولو عليهو شنو!
|
|
 
|
|
|
|
|
|
|
 Re: ألذّ إعلان مرّ عليّ في السودان! (Re: smart_ana2001)
|
يازول إنت شفت حاجة
في الصحافة كانت هناك لوحة كبيرة في بداية حكومة الانقاذ معلقة بمحل بنشر مكتوب عليها
" البنشــــــر الاســــلامي "
في سواكن قرأت لوحة غريبة جداً
محل اتصالات وبيض وتركيب عطور !!!!!!!!!!!
أجبرني الفضول على دخول المحل
فعلاً وجدت الاتصالات ومجموعة عطور وكذلك أطباق البيض !!!
في الحصاحيصا لوحة عجيبة هي الأخرى
مطلوب حنانات 00 يفضل شهادة جامعية !!!!!
اها شوف اللوحة الغريبة دي { تأمين عربات 00 استخراج رخص عربات 00 تأمين شامل 00 اعادة تأمين }
الى هنا وكل شيء تمام
ولكن المحل من الداخل يبيع المديدة !!!!!!
عربة كارو حمار توجد بها لوحة مكتوب عليها { السعودية تصدير } !!!
لكن أكثر ما اثار فضولي صاحب اللوري الذي كتب عليه من الخلف
" الله اكبر القدييييييييييمة " !!!!!
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: الخير محمد عوض)
|
ولله في خلقه شؤون
لوحة عجيبة جدا
يا ابو حـراز ممكن تشرح لي فسـخ الاطفال دي شنو يعني
دي على وزن فسخ الخطوبة يكون الراجل فسخ خطوبتو
قال علاج حمير قال
مرة عندي كريسيدا عاجباني جدا
جاء واحد من اولاد أختي كتب عليها بمسمار
" الحصاحيصا - الشيخ البصير }
والله العظيم العبارة دي كلفتني أكثر من 300 الف سمكرة وبوهية
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: الخير محمد عوض)
|
غايتو يا الخير ما عارف أقول ليك شنو!
مع إنّي ما عارف يعني شنو الفهق، ولا الفسخ (وليه أطفال بس؟) ...
ولا عارف البصير ممكن يعمل شنو للطحال 
إلا دخول علاج الحمير في الشغلانة ده واسع شويّة!
----
شايف أبوحراز إجتهد ليك شديد في حكاية الفسخ دي!
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: ابوحراز)
|
سلام يا أبوحراز،
رمضان كريم ...
حلوة لكن (البنشر الإسلامي) دي
لكن بتاع الإتصالات والبيض وتركيب العطور ده مبالغة! متذكر إنّو كانت طالعة موضة حكاية الإتصالات وتركيب العطور مع بعض دي. لكن معاهم البيض دي جديدة!
Quote:
مطلوب حنانات 00 يفضل شهادة جامعية !!!!!
|
دي عشان "يخُطّو" الحنة كويس ولا شنو؟!
Quote:
اها شوف اللوحة الغريبة دي { تأمين عربات 00 استخراج رخص عربات 00 تأمين شامل 00 اعادة تأمين }
الى هنا وكل شيء تمام
ولكن المحل من الداخل يبيع المديدة !!!!!!
|
إنت جادّي؟!!! عليك الله ما سألتو دخل المديدة بالكلام ده شنو؟!
Quote:
عربة كارو حمار توجد بها لوحة مكتوب عليها { السعودية تصدير } !!!
|
وصلنا مرحلة إننا نستورد عربات الكارو من السعودية بالله!
أمّا سيد اللوري داك فشكلو الجماعة ضايقوهو ولا حاجة قام حدّدها معاهم
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: smart_ana2001)
|
سلام يا سمارت إنتي!
رمضان كريم وكل سنة وإنتي طيبة ..
السودان خليهو ساكت! بقول ليك مشيت في مايو، يعني حر ألف!
الله يكون في عون الناس ..
مشيت الجامعة مرة أو مرتين عشان أعزم الأساتذة لزواج أختي (عقبالنا يا رب!). كلهم تمام التمام ..
Quote:
و بعدين يا اخى خلى البنات فى حالهم !!!
|
تقولي شنو بس ...
أها خليناهم!
-----
لسه شوية علي الدال دي، لكن قررررربت إن شاء الله
علي فكرة يا سنيرنا، لسه ما عرفت إنتي منو، لكن شاكك في إسم ولا إتنين!
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Mohd Ibrahim)
|
عزيزي خالد:
إعلان فير أند لفلي ده بايخ بوخ شديد,
أنا بحب كتابة كمال الجزولي
وعااادي بقد الناس وأحكي ليهم كمال كتب شنو الليلة
لكن إتخيل لي أكتر كلام حكيتو للناس
بكون السطور الجاية دي
لأنو كنت مغيوظ منهم شديد الجماعة ديل :
Quote: الثلاثاء29مايو2007
" الرأي العام ".
الإثنين:
---------
لافتة ضخمة في مواجهة المجلس الوطني بأم درمان تحمل إعلاناً عن أحد كريمات تفتيح البشرة ، بالعبارات التالية: (برنامج تأهيل الفتاة الجامعية للحياة المهنية: وشك منور .. مستقبلك منور)! وطبعاً العكس صحيح بمفهوم المخالفة: (وشك مضَلم .. مستقبلك مسَجم ومرَمد)!
ترى ، أية (أصناف!) من الفتيات (الجامعيات!) يُراد استهدافهن بمثل هذا البرنامج؟! بل أية (مهنة!) يمكن أن (تؤهلهن!) لها هذه الشركة بمثل هذا الاعلان البذئ في .. دولة (المشروع الحضاري)؟ |
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Ishraga Haimoura)
|
Quote: æÇááå ÃäÇ ßäÊ äÇæíÉ ÃßÊÈ ÈæÓÊ Úä ÇáÅÚáÇäÇÊ æÇááÇÝÊÇÊ ÇáÛÑíÈÉ Ïí
ÅäÊ ãÇ ÔÝÊ Ýí ÔÇÑÚ ÇáÌãåæÑíÉ (åÇÈí åæã ááÃÓáÍÉ æÇáÐÎÇÆÑ¿¿¿¿¿[
/QUOTE]
يخيل لي محل الأسلحة ده كان أسمه " عطية للأسلحة والذخائر" زمن شارع الجمهورية كان شارع.. الظاهر بعد ما عطية صاحب الأسم مات جاء الأبناء وقالوا نحدث الأسم.. وجاءوا بالاسم النشاز ده والله أعلم..
شفت لي ملحمة أسمها "ملحمة الثلج الأبيض"
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Khalid Osman Jaafar)
|
الذ اعلان انتو قايلنو ياتو؟؟؟
في الراديو بتاع مارومينا للاثاثات
المرة هرشت الراجل (عصام)
الذا مقطع : عصااااااااااااااااااام يا مارومينا يا تخلينا
اها اللتخة رد قال: خلاس مارومينا مارومينا
بجيني احساس انو هز راسو ودلدل شلاليفو لما قال الكلام دا
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Ishraga Haimoura)
|
| Quote: مكتبة الأسنان الثقافية |
وفيها شنو يا إشراقه؟ مش كان في منظمة بعنوان ثقافي وكانت تبيع الفراخ؟
والعنوان زاتو ما بالضروره يعكس ما بالداخل ( كحال بعض البوستات هنا).
والله لو ما الدنيا رمضان والواحد كتّرا على سيد البوست كان جبت ليك النماذج.
على أية حال هاك النموذج ده وانشاء الله آخر مداخله.
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: محمد أبوالعزائم أبوالريش)
|
Quote: الله أكرم يا محمد المرتضى
لكن ما شيخ زبالة بااااالغ عديل كدا |
يا Amir Omer
سلامات ياخ،
الأيام دي أبحث عن سيارة بعد أن ذهبت بسيارتي الأنواء و أهو لقيت الإعلان في إيميل وماشي
للجفيري ،
رينا يدينا خيرا ونقطِّع لساتكا بمشاوير العافيه .. قول آمين.
كنت داير أوقف مداخلات لكن قلت أقول لخالد سيد البيت ده انو إعلاناتنا بالنسبه
لإعلانات بعضهم قمة في العبقرية والإبداع. والله قصص.
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Khalid Osman Jaafar)
|
يااااا اخي بالبوست دا منقة عدييييييييييييييل
هي نسيت ازيكم يا صاحب البوست والبقيه اللذيذين
انا اكتر اعلان موتني من الضحك
وانا ماشه وانا قليلاً ما امشي
لقيتو ليكم محل مكتوب عليهو :
اتصالات ... واستنساخ عطور
بجيكم راجعة الموضوع لذيذ
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: ahmed khidir)
|
يا خوانا كده حسستوني بي الذنب وحاضطر أغير يافطة المدرسة الخاصة الكنت ناوي افتحها في الخرطوم
اليافطة بتقول:
مدرسة الأقمشة لبيع الاحذية الغذائية
الإسم الجديد لازم يكون اسم حضاري اشان ما اساهم في تشويه معالم عاصمتنا الحضارية
حسميها...هممممم :
مدرسة آه ونص النموذجية
كيف معاكم كده؟؟؟
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: عبد المنعم سليمان)
|
والله يا خالد أنا شفت البوست بتاعك ده أول ما ختيتو
بس قاتل الله الشغله،، ما لقيت فرصة أدخل
وكانت عندي نظريات طويله كده عن المرأة،، وعن من الذي أقنعها
أو أقنع المجتمع أن المرأة البيضاء هي الجميلة؟
وما هو المستقبل الي سينور يمجرد أن ينور وجه الفتاة؟
لكن لقيت البوست مشى إتجاه تاني
وبس قعدت أضحك على كل التعليقات والمشاركات
هييييه،، نخلي مداخلتنا الكنا مخططين ليها
لبوست تاني ولا شنو
كل الود
غادة
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: محمد المرتضى حامد)
|
الاخ خالد وضيوفه الكرام
رمضان كريم
رغم من اول يوم نزلت فى بيتكم ده لكن لحدى حسع ماقلت سلاما عشان {اديكم صبرا يبل الآبرى}
الموضوع شيق جدا وفى سنة 1995 قدمت ورقة اكاديمية اثناء تحضيرى لرسالة الماجستير فى كلية اعلام فييناوكانت بعنوان {صورة المرأة فى الاعلانات} وكنا اربعة طالبات وطالبين واخذنا نماذج مختلفة ونموذجى كان {توسكا لمسة حنان، ميسو محلبية}، اذكر حينها تعبت جدا للحصول على صور تدعم تحليلى...
اها شكرا ليكم وانتو بتوفروا لى مادة ارجع اضيفها لبحثى القديم
تخريمة: ناس ماجوج ديل منو يا محمد المرتضى؟
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Ishraga Mustafa)
|
إشراقه،
أوعى تكوني أخدتي تصحيحي بجديه،
الإعلان يا العزيزه صيني وسمعنا انو ناس الصين وكورياوكمبوديا (خصوصا الخمير الحمر) ديل هم ناس ياجوج الذين ورد ذكرهم في القرآن ، على أي حال ناس الصين هم ناس ياجوج وناس كوريا هم ماجوج
ونحن ناس ..تاجوج.
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: محمد المرتضى حامد)
|
Quote: على أي حال ناس الصين هم ناس ياجوج وناس كوريا هم ماجوج
ونحن ناس ..تاجوج. |
شكرا ان جعلتنى اضحك لاول مرة من الصباح، غايتو نحنا ناس تاجوج دى بالغت فيها
وبعدين:
| Quote: أوعى تكوني أخدتي تصحيحي بجديه، |
طبعا لازم اخدو بجدية عشان تساعدنى اكون دقيقة، الدقة مطلوبة وعدم الدقة دى هى الخلتنا نكون بس من ناس تاجوج.
ساعدنا باعلانات عن النساء يساعدك ربنا
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Amir Omer)
|
| Quote: ساعدنا باعلانات عن النساء يساعدك ربنا |
والله والله يا إشراقه الإعلانات عن النساء كثيره لكن :
1- الدنيا رمضان.
2- تاني الدنيا رمضان.
3- أنا بخاف ( مش بتاعة أبوعركي الجميله بتاعت ما قبل الزواج ، أنا قاصد بخاف بخاف ذاتا.)
4- نحن ذاتنا ما بنرضى الإعلانات عن النساء..
تعرفي يا إشراقه من أذكى الإعلانات كان عن المرسيدس ، ففيه تظهر على الشاشة علامة
المرسيدس الشهيرة فقط ثم تتلاشى ثم يجئ تعليق ( هناك أشياء لاتحتاج إلى دعاية) وبس,
أها النساء ديل ... الله يحفظم.
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Khalid Osman Jaafar)
|
سلام يا جماعة،
رمضان كريم لضيوفنا الأعزاء
وتحية خاصة لكل العملو البوست ده إستراحة رمضانيّة بمشاركاتهم الجميلة ..
عندي واحدة قويّة، لكن للأسف فات علي إنّو أصوّرها! 
في جامعتي في غرفة مخصصة لطلاب البحث العلمي من قسم معيّن. الظاهر إنّو كان في فار مجننهم ساكن فيها. مرّة جيت داخل الغرفة فلاحظت إنّو في ورقة صغيرونة ملصقة في الباب فوق الأرض بشويّة - يعني في مستوي نظر الفار ...
الورقة كانت بتقول ما معناه:
عزيزي الفار،
يُرجي ملاحظة إنّو غير مسموح ليك بدخول الغرفة دي!
| |
|
|
|
|
|
|
|
|
|
Re: ألذّ إعلان مرّ عليّ في السودان! (Re: Khalid Osman Jaafar)
|
هذا بوست لطيف ويا ريت لو تابعتو لينا شقلبة الأسماء - زى افتكر "سياف" الدولة الأموية اسمه مسرور ومغن بها اسمه "صخر"
وأسماء مثل:
زكى اليمانى - وزير بترول سعودى
الشريف الهندى - زعيم حزب سودانى
فلاح سودانى = وزير التجارة العراقى
افتكر المغربى - سفير سابق للسودان ببيريطانيا
هانى المصرى - وزير أردنى
عثمان اليمنى - مغنى سودانى
شارع الحرية بالخرطوم - زى ما لاحظ المصريون - يؤدى الى "السجانة"
| |
|
|
|
|
|
|
|
| |
Khalid Osman Jaafar
smart_ana2001
ابوحراز
الخير محمد عوض
Ishraga Haimoura
Mohd Ibrahim
Motaz Ahmed
Kamal Karrar
walid taha
نهلة عمر
Ahmed Mohammed Osman
محمد البشرى الخضر
Amir Omer
Khalid Saeed
محمد المرتضى حامد
عامر تيتاوى
الزبير صالح الزبير
othman mohmmadien
ياسر الامير ابوجكة
محمد أبوالعزائم أبوالريش
abdelrahim abayazid
Mahjob Abdalla
Shayma
عزيز عيسى
محجوب البيلي
MOHAMED EL-BEELI
ahmed khidir
عبد المنعم سليمان
غادة عبدالعزيز خالد
Nader Abu Kadouk
salma subhi
الفاتح الجنيد
دوت مجاك
Ishraga Mustafa
عبدالله عثمان
فيس بوك
تويتر
انستقرام
يوتيوب
بنتيريست