ناس طلتهم دائما بتكون مسكونة بالروح الفيهم .. وانت ماشاء الله روحك لذيذة بمعني الكلمة .. وطلتك قمر 14 .. وانا بعشق الحاجات الخفيفة دي .. بس لو فكرتي تتكلمي عن طريقة كتابات البعض فانت كدة دايرة صبر وطولة بال وفهم لكل نفسية .. وعضلات مااظن عندك ليها مع رقتك دي .. فاختاري (الحب او اللاحب) زي ماقال نزار .. وفي كل الحالات نحن معاكي ؟؟ لك الود الشديد
بهاء//
09-19-2007, 07:28 AM
Shayma Shayma
تاريخ التسجيل: 09-09-2007
مجموع المشاركات: 501
Quote: بس لو فكرتي تتكلمي عن طريقة كتابات البعض فانت كدة دايرة صبر وطولة بال وفهم لكل نفسية .. وعضلات مااظن عندك ليها مع رقتك دي .. فاختاري (الحب او اللاحب) زي ماقال نزار .. وفي كل الحالات نحن معاكي ؟؟
عارفاك ما بتقصر يابهاء خليك قريب بس اما ان اكتب طريقة كتابات البعض دي ماااااا اظني ناوية عليها الا غايتو كان تعليق في مداخلة على الماشي عشان ما نزعل زول كل التقدير
09-24-2007, 09:36 AM
AmroKamal AmroKamal
تاريخ التسجيل: 11-21-2006
مجموع المشاركات: 795
يابتي ما كي عرفتي تجي من وين ولميتي خلق الله دييل ؟؟ بعدين التركيين والملوحة قالو طاعمة ومغزية وبشان كدة نحن الرطانة شطار ولبلب ( مع اني غريبة وفي عمري الطول دة لا اكلت تركيين ولا حضرت وليمة تركيين لكن اكيد في الجينات بعض من التركيين )...قولي العايزة تقوليه طالما ما بيجرح ولا بضر زولا ... افردي جناحاتك للدنيا دي وطيري فهي دنيتك ودنيا جيلك والجاييات والجايين وربنا ما يحيركم ( انتو بس خلو الحيرة لينا العجائز لانو نحن برانا طيناها ولخبطناها )...
09-18-2007, 08:23 PM
Shayma Shayma
تاريخ التسجيل: 09-09-2007
مجموع المشاركات: 501
Quote: خلاص طيب ابقى على الجنس اللطيف وناسو اللطيفين ومسالمين ومواضيعهم الخفيفة ناس (غادة ورجاء واشراقة وسودانية ومنى خوجلي) وغيرهم كتير ... أها طيب لما نستثني الفوق دة كلو نتكلم معاهم في شنو؟ غايتو ما فضل الا الحنة والطبيخ وكان لي موضوع الجندر داك الله يرحمو قُتِل بحثا في المنبر دة
.
ازيك يا شوشو.. دايره اقول ليك حكاية الحنه والطبيخ دي حكايه لذيذه جدا ماتستهوني بيها.. بالذات الحنه..تقدي تتدلعي وتدي في الأوامر وانتي ماده ساقينك قدام.. ولو زول جه ماشي جنبك تنهريه لأنه ممكن يلخبطها.. ودي ميزانيه زوجك أبدا ما بيحتج عليها.. بس نسيتي السوق..ليه نسيتيه وده أهم حاجه.. تشتري منه التياب وخاصه التياب 'البيربطوها'.. وماتنسي الدهب.. يعني اصلك شوفتي ليك زوله قيافه متحننه ولابسه توب ربط ومالابسه دهب؟ سمح تكتمل الصوره كيف يعني؟؟ البوست ده ظريف خالص..والايام دي المنبر ماشي بالعافيه لسببن واحد فيهم رمضان والتاني بكري.. صيام وارشفه وترقب ووداع.. المهم خليه معاك عشان نرجع ليك..اصله موضوع الحنه والطبيخ موضوع مهم..ولازم يحصل فيه نقاش كتير..
كل سنه وانت وزوارك بألف خير ومرحب بك..
09-18-2007, 11:33 PM
Shayma Shayma
تاريخ التسجيل: 09-09-2007
مجموع المشاركات: 501
منى يا حبيبة وينك انتي اسمك منور البوست وانتي غايبة مداخلتك متعة بجد هي براها بوست لحالو
Quote: البوست ده ظريف خالص..والايام دي المنبر ماشي بالعافيه لسببن واحد فيهم رمضان والتاني بكري.. صيام وارشفه وترقب ووداع.. المهم خليه معاك عشان نرجع ليك..اصله موضوع الحنه والطبيخ موضوع مهم..ولازم يحصل فيه نقاش كتير
وانتي خليك على الوعد نجي نناقش موضوع التياب الربط والدهب والذي منه والدهب دة بالذات بالله ركزي لي عليهو
شيماء هي بعض الرحيق .. وربما هي البرتقالة نفسها .. هي عطر في منبر فيه عطور كثيرة ولكنها تميزت .. والتميز ماصنعة .. وربنا اداها روح حلوة .. الحمد لله .. وبس //
. سلامات أخت شيماء رمضان كريم ، وكل سنة وانتي طيبة *الأدباء الذكرتيهم : مختفين عن الساحة .. *السياسيين وين هم ؟؟ في قلة صوتها عالي قاعدة طول اليوم تنظر و( تصنف ) في الناس داك كوز .. وداك عروبي إسلامي .. وداك جلابي ... الخ وبتعكس صورة ( قبيحة ) جدا للسودان الجديد البنحلم بيهو .. *ناس الطرب والفن: منزويين ... عشان كده يا شيماء ما تحتاري واكتبي البيجي في خاطرك واضح انو كتاباتك عندها ( نكهة ) مختلفة فيها طيبة وروعة وأصالة السودانيين..
مرحب بيكي ألف .. .
09-18-2007, 10:51 PM
غادة عبدالعزيز خالد غادة عبدالعزيز خالد
تاريخ التسجيل: 10-26-2004
مجموع المشاركات: 4806
شيماء رمضان كريم اسمعي يا تكتبي موضوع او رجعي لينا الباسورد بتاعنا اصلوا في ناس كتيرين في ال Waiting List وبعدين شنو شابكانا جندر وجنجويد نحن ناقصين جندريات في المنبر دا مش كفاية صديقاتي الجندريات جدا
1-الخمسينية سلمي الشيخ 2-اشراقة مصطفي 3-مني خوجلي 4-وصفية مساعد اوSafia Mohamed.
بعدين ما تنسي يا شوشو لو لقيتي لي اي بوست تدخلي فيه حتي لو تكتبي UP.
تشربي شنو ؟ اه ولا الدنيا رمضان
اللهم نحن صائمون .
ودي
09-19-2007, 07:41 AM
Shayma Shayma
تاريخ التسجيل: 09-09-2007
مجموع المشاركات: 501
Quote: اسمعي يا تكتبي موضوع او رجعي لينا الباسورد بتاعنا اصلوا في ناس كتيرين في ال Waiting List وبعدين شنو شابكانا جندر وجنجويد نحن ناقصين جندريات في المنبر دا
بالراحة ياخي ومال كلمناكم فوق قلنا ليكم خوافين لي شنو ما عشان الكلام الزي دة ذاتو
Quote: عارفه منى دى قاعده تنزل ليها وشوش كدى ما بعرفها بتجيبها كيف خليها تنورنا بالله وتمبس بعد ما فتح لينا خشمنا انتظارا زاغ..لاحظتى ؟؟ انى لسه برلومه
سهام يا سينيرة لسة برلومة انتي البوست النزل الرابط بتاعه تمبس شفتيه؟ لو ما شفتيه شوفيه في الصفحة الاولى ويا زولة بعد نمسك اول الدرب بنعرف الباقي وتاني نجي نعمل دروس خصوصية هنا بالقروش للبرالمة البيجوا بعدنا والعايد ندي بكري منه عشرة في المية ونقسم الباقي ايه رايك في المشروع دة
ويا منى تعالي ورينا حكاية الوشوش دي والله المنبر دة فيه ازمة شديدة في الوشوش معقول ستة وشوش بس لي كل التعبيرات الفي الدنيا؟!!!
09-20-2007, 07:42 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: وتمبس بعد ما فتح لينا خشمنا انتظارا زاغ..لاحظتى ؟؟
Quote: وتاني نجي نعمل دروس خصوصية هنا بالقروش للبرالمة البيجوا بعدنا والعايد ندي بكري منه عشرة في المية ونقسم الباقي ايه رايك في المشروع دة
.. ما زغته يا سهـام المجمــر .. الدنيا رمضان .. وفي شوية سخانة ..، وشيما قالت الشرح (بزنس).. والضحاكات في نهـار رمضان .. بتلطف الجــو نشرح وتلطيف الجــو علي منــو..؟
09-19-2007, 11:12 AM
Shayma Shayma
تاريخ التسجيل: 09-09-2007
مجموع المشاركات: 501
Quote: وبعدين ما عرفنا انتي حتناسبي طارق ولا عاطف ولا بتلعبي على الحبلين على البت اللسة ما اتولدت
والله صحي برلومه الشكلة كانت على ريم الحلوة (ما شاء الله عليها) -علشان ما تقول بسحر خطيبة ولدي يا طارق- أها، ولو كان عندك لت صغيرونه كان خطبناها لشهاب كمان أعملي حسابك لكن، أنا لما الليل يجي وأتقلب نسيبة ببقى صعبة خلااااااااس
09-20-2007, 03:14 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: عارفة يا غادة ألذ تعريف للنسابة مر على هو أنهم " أهل يفرضوا عليك على كبر "
عارف يا عاطف معرفتي بالنسابة لم تتعدى خالتي آمنه وعمي هاشم وهم في ايام القاهرة كنا نزورهم ونعود لوتيرة حياتنا السابقة في زيارة السودان هذه، أول مره أتعامل مع (النسابة) وهم حقيقة بيبقوا أهل،، عندهم عزومة، لمة، عندهم ولادة وهلمجرا مرات كده كنت بحتار إنو أنا بزور وببيت مع أنا أول مرة ألاقيهم وأتعرف عليهم في حياتي،، لكن فعلا هم أهل بيجوك على كبر
ملحووووظة هاااااامة ده مجرد سرد لتجارب فقط وليس للشكوي من النسااااابة ما تعملوا لينا مشاكل ساي
سلامات يا عاطف
أما شيماء،، فالبوست محروس وستو .....
09-20-2007, 07:07 PM
Shayma Shayma
تاريخ التسجيل: 09-09-2007
مجموع المشاركات: 501
بتسوي في الفطور يا غادة وبعداك فطرت جات لقتك انتي ونسيبك عاطف استلمتو البوست لغاية الخيمة نصبتوها واظني كان اتأخرت شوية كان جيت لقيت العقد فاتني العقد بتاع البت اللسة ما اتولدت لكن يا زولة ما مشكلة انتو اعقدوا وجيتها ملحوقة!
الحالة واحدة يا غدّو اخدوا راحتكم لكن عليك الله كل شوية ذكِّرينا انا والقراء موضوع البوست شنو طيب؟!!
شيمون خالص الشكر علي جميل الكلام تصنيفك لي جميل تمنيت ان اكون بذلك الجمال
غازلي قلمك ودللي القلم
يكون الغزل بشوق القلم البركان بدواخلك الندية
تقول الراحلة المقيمة الحلوة الجميلة الصالحة صلحة
اضاء الله قبرها برحمة و مغفرة رمضان
سأشكــر دائــما قلمي يا نــون الآي والقســـم حــلو القســمات يا صبوحــا
شفــاء الروح من ســـقم يا وطنــي الشــامخ صـروحا رقيــق حواشـــي الكلــم يا مفُــتي شريعة القيــــم
حبيـــب النفــس يا صفيــا أيا قلمــي يا مغزولا بخيـــط النـــور
يا ضــوء القمـــر مجدولا يا آسي الجرح ملتئــــم يا مــن بالحــب مســقيا
يا منســوجا بهمس نسائم الصيف تعانــق مــوجة الطيــق تســافر غيــر مرئيــة يا أغلى دواعــي النعــم يا مــن بالعشـــق معنـــيا
يا خيط الفجـــر ممتــدا يا عبــق الزهر والندَا يا ســقيا اليقظة من حلــم يا طعــم اللقيــا دون صــداَ يا رجــع اللحــن منســجم يا بـــدراً أضــاء أُمســـية
ســأهديك بعض أناملــي ديــارا وبعض منـــهايحكيــك خفــايـا القلـــب أســــرارا وبعض منــها تسبيــحاً يمجــد في معاليــــك يا راويةً حكــــايايا سكونــك في حنــايايا مرافـــئ نيـــلي شرقيــــة يا سكــنى ملتقى النيليــن يا شهــب سمائي يا ثــريا
كوني انتي
وبك تكون حقيقة الانسان
09-23-2007, 07:28 PM
Shayma Shayma
تاريخ التسجيل: 09-09-2007
مجموع المشاركات: 501
لست وحدك عزيزتى ... فانا رغم اننى سابق لك بسنين تعد طويلة فى عالم المنتديات ولكنى اخيرا احترت فى هذا المنبر وتصدقى كلما اغيب واجى القى نفسى زى الزول الجديد السجل يا دابك فى المنبر لانه المنبر كل فترة بغير جلدو ويغير لونه وما تعرفى الحاصل شنو ....
غايتو انا اخيرا ولانى شخص غير مصادم وما بحب المشاكل ولا ناس المشاكل لقيت احسن حاجة اكتب فى موضوع البيئة وحمايتها وتوعية الناس حماية البيئة ضمان مافى زول حايقيف لى فى حلقى فيها لانه الناس هنا بتتربص بالاخرين وما تفتكرى انك كتبتى عبارة يمكن ان تنسى او تصبح من الماضى ... ممكن واحد يجيك بعد فترة ويقول ليك انتى قبل كده مش كتبتى كده ؟؟؟ ليه هسع تكتبى كده .....
صدقت اخيتى فالمنبر امره عجب ومن حقك ان تحذرى جدا خشية ان يظهر من ينط ليك فى حلقك....
وكل سنة وانتى طيبة ويديك العافية واللقمة الدافية (بس وقت الفطور وما بعده وليس فى نهار رمضان) ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
baha eassa
Shayma
AmroKamal
abubakr
Muna Khugali
غادة عبدالعزيز خالد
salah elamin
Siham Elmugammar
tmbis
عاطف عمر
مجدي عبدالرحيم فضل
قرشـــو
عواطف ادريس اسماعيل
فيس بوك
تويتر
انستقرام
يوتيوب
بنتيريست