نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الباقــر العفيف حـول لقائـه بمحمد جمعة (Re: Osman M Salih)
|
وردت الروايتان المتصارعتان في بوست لـ للاستاذ محمد حامد جمعه و المعنون : يؤسفني يامولانا
أدناه نص البوست :
من قبل ارتكب مولانا اسماعيل التاج خطأ كبيرا حين نقل رواية عن السيد الباقر العفيف تتعلق بما ورد عن خطف جثمان الراحل الخاتم عدلان رحمه الله واحسن اليه واننى شاركت فى المسالة وكنت بمطار الخرطوم لحظة وصول الجثمان - بالبدلة السفارى والنضارة - وتذكرون جميعا يومها بوست (مارثونى ) لاسماعيل التاج دلق فيه احبارا كثيفة بشان تلكم القصة وقد تعهد الرجل بالاعتذار - وهو تعهد يتضح كل يوم انه مكذوب - اذا ثبت ان روايته ونقله لم يكن صحيحا ودقيقا .
وفى تلكم الايام اتت شهادة شقيق المرحوم الخاتم نفسه واوردها الزميل تمبس ... لكن مولانا وبعض شيعته ابوا ان ياخذوها - غالطو اخو المرحوم زاتو - وبالتالى لم يحدث اعتذار
واتت شهادة الزميلة صباح احمد فى كون اننى كنت يوم التشييع بقلب الخرطوم وايضا لم يابه (مولانا ) ولم يعتذر ...
وقصص اخرى وشهادات وافادات اخرى ... مفيدة ... كلها تعامى عنها مولانا ...
والتقيت انا شخصيا بالباقر العفيف وتاكدت وتاكد هو اننا لم نلتقى من قبل لا فى المطار او المقابر او مدرجات الدراسة او تشجيع الكرة ...
حسنا ...
الان اخيرا ظهر (مولانا ) فى بوست عليك الله يا مولانا
...
حسنا ... اسماعيل التاج ... برضو شايفك تسوف وتمط و(تلف وتدور ) .. ساعتذر بعد ان التقى العفيف ... سنة يا انا .. ويؤسفنى ان هذا يجعلك كاذب اشر ... ولو كنت متعقلا باستار العمل العدلى الجالس والواقف ...
صنقر لغاية ما امشى واجيك راجع عشان نعرف الوهمة شنو بالله ...
بالمناسبة اخوكم عندو مفاجاة (داوية ) .... داوية ... يا سماعين ... امسك الخشب ... والمسالة عموما نهايتها فى يدك ... انت ... مش العفيف الباقر
| |
 
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
ثم نص الرسالة التي بعث به مولانا إسماعيل التاج
إلى الدكتور الباقر العفيف
هنا الرسالة التي بعثتُ بها إلى الباقـر العفيف.
الأخ الباقـر.
تحياتي
في إطار زيارتك الأخيرة إلى الخرطوم في أغسسطس/سبتمبر من هذا العام، إلتقيت بالأخ محمد حامد جمعة في مكتبه. لكي أكون أكثر تحديداً قمتَ بزيارة محمد حامد جمعة في مكتبه ودار – كما يبدو – بينكما حوار حول الأحداث التي صاحبت وصول جثمان الراحل الخاتم عدلان إلى الخرطوم.
في نفس اليوم، 22/8 ، أفرد جمعة مقالاً هنا في موقع سودانيز أونلاين يشير فيه إلى ذلك اللقاء. وحسب الكلمات التي ذكرها جمعة أنك لم تـلتـقـه من قبل.
كتب جمعة:
Quote: والتقيت انا شخصيا بالباقر العفيف وتاكدت وتاكد هو اننا لم نلتقى من قبل لا فى المطار او المقابر او مدرجات الدراسة او تشجيع الكرة ...
أنظر بوست:
يؤسفنى يا مولانا !
سؤال:
فهل فعلاً حدث هـذا؟؟ هل صحيحٌ ما نـقـل جمعـة هنا من تأكيده وتأكيدك (على لسانه) أنكما لم تلـتـقيا من قبل لا في المطار أو المقابر؟
وكان جمعة قبل ذلك قـد ردد ذات الحديث في بوست:
والتقيت البـ(ظهر اليوم )ــاقر العفيف ....
حيث قال:
Quote: الزول ضيف وما ممكن اكون اشتر لدرجة فتح مواضيع شترا ....
انا واثق اننى لم التق بالعفيف الا اليوم واثق انه وصل معى لذات الثقة .....
سؤال:
- هل ما نقله جمعة هنا من أنه واثـق من أنك وصلت لذات الـثـقـة (النتيجة) هــو أمرٌ حقيقي؟ أي أنه لم يلتـقيك، وأنتَ أيضاً لم تـلـتـقـه؟
وأيضاً قولـه:
Quote: تاكدنا - بعد اللقاء - ان لا الباقر العفيف ولا شخصى قد التقيا من قبل ....
سؤال:
- هل فعلاً تأكدتما معاً (أنت الباقر العفيف ومحمد جمعة) من أنكما لم تلتـقيا من قبل؟
وبـوجـهٍ عام :
هل ما نقله جمعـة هـو عين ما توصلتما إليه؟؟
تكمن أهمية الإجابة على هذه الأسئلة في إجلاء بعض حقائق عـلى خلفية الأحداث التي صاحبت وصول جثمان الراحل الخاتم عدلان إلى مطار الخرطوم.
لأنه في حال حدوث مثل هذا الحوار (التأكيدات) يتوجب علىَّ الإعــتــذار علناً لجمعة عن الرواية التي قمتُ بنـقلها هنا عن تلك الأحــداث.
وأقـدر الظروف الصعبة والضاغـطة التي صاحبت
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
ثم تلاه جواب الدكتور الباقر العفيف على الرسالة أعلاه
عزيزي الأخ إسماعيل،
تحيتي ومودتي، وعذرا على التأخير، فلقد رأيت أن أكتب ردي على تساؤلاتك مباشرة في المنبر بعد أن انضممت إليكم عضوا جديدا. وأنت نقلت نصاً للسيد محمد جمعة هو النص أدناهكتب جمعة:
Quote: والتقيت انا شخصيا بالباقر العفيف وتاكدت وتاكد هو اننا لم نلتقى من قبل لا فى المطار او المقابر او مدرجات الدراسة او تشجيع الكرة ...
وبنيت عليه سؤالك التالي:
فهل فعلاً حدث هـذا؟؟ هل صحيحٌ ما نـقـل جمعـة هنا من تأكيده وتأكيدك (على لسانه) أنكما لم تلـتـقيا من قبل لا في المطار أو المقابر؟
وإجابتي ببساطة هي أن في هذه الجملة بهتان وتضليل. فأما البهتان فكونه قال على لساني قولا لم أقله. فمن أين استمد السيد جمعة معلومته من أنني "تأكدت" من كوني لم أره من قبل؟ إما أن أكون قلت له ذلك أو أنه كاذب. وأما التضليل فهو أنه يتحدث عن "لقاء" وأنا أتحدث عن "رؤية" إذ أنني لم أزعم مطلقا أنني التقيته، بل قلت أنني رأيته، والفرق بين العبارتين واضح. فالرؤية قد تكون من طرف واحد، و رؤيتي له كانت كذلك، بينما لا بد أن يكون اللقاء بين طرفين، وبطبيعة الحال فاللقاء يتضمن تبادل النظر على الأقل إن لم يكن تبادل الحديث. وعلى ذلك فتأكد السيد جمعة، بعد مقابلتي له في مكتبه بالخرطوم، من أنه لم يرني من قبل، لا يضيف شيئا و لا ينفي شيئا.
أما ما أوردت من نصوص آخري للسيد جمعة فهي في معنى النص الأول هذا، وردي عليهما هو ذات الرد أعلاه. مع التحية
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
ما كتبه كل من الأخوين عادل فضل المولى و محمد حامد جمعه
أعلاه غامض لاتحديد فيه و لاقطع
ـ في أية ساعة وصل جثمان الفقيد الخاتم عدلان مطار الخرطوم
ومتى خرج من صالة المطار ؟
وأين كان كل من عادل فضل المولى و محمد حامد جمعه ساعة
وصول لجثمان الخاتم عدلان حتى خروجه من صالة المطار ؟
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: عادل فضل المولى)
|
عادل ...
جزاك الله خير
اه يا سماعين (الخير على قدوم الواردين ) ..
بالمناسبة يا عادل انت يوم الحادثة والفيلم دا مش كان نفس اليوم الكان فيهو الاستاذ محمد الحسن احمد والطيب صالح فى مجلس الصحافة ... انت كنت هناك مش كدا ... انا رايتك ...
اتمنى ان يكون التاريخ ... مختلفا ... لانو لو صادف اليوم نفس اليوم ... الضحك شرط ناس كتار ..
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: محمد حامد جمعه)
|
الأخ محمد حامد جمعه
تحية طيبة
لم تبد إعتراضاً على كل ما ورد في
إفادة الأخ عادل فضل المولى و التي
ذكر فيها أنك كنت من الحاضرين لندوة
مصغرة عن الصحافة السودانية بقاعة
محمد سعيد معروف و تحدث فيها الاستاذ
محمد الحسن أحمد و أن الندوة إستمرت
قرابة الساعتين مما يعني أنها إنتهت
في الواحدة ظهراً تقريباً
أين كنت قبل الندوة وبعدها ؟
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: محمد حامد جمعه)
|
شوف الون تو ده
Quote: عادل فضل المولى
للاخ محمد حامد جمعة
يا محمد
وضّح
أبن
أفصح
أين كنت بالضبط في ذلك اليوم
...
التسويف ما بحلك
الزوغان حيورطك أكثر
...
وما تنسى انا نفسي شفتك (..)! |
حمد و الديبة حاجة عجيبة
Quote: محمد حامد جمعه
عادل ...
جزاك الله خير
بالمناسبة يا عادل انت يوم الحادثة والفيلم دا مش كان نفس اليوم الكان فيهو الاستاذ محمد الحسن احمد والطيب صالح فى مجلس الصحافة ... انت كنت هناك مش كدا ... انا رايتك ...
اتمنى ان يكون التاريخ ... مختلفا ... لانو لو صادف اليوم نفس اليوم ... الضحك شرط ناس كتار .. |
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: إسماعيل التاج)
|
قلنا ليكم قبل كدة
واهو الكلام مشي وجا
Quote: الخطأ الاكبر وبعد كل هذه التجربة الطويلة هو التعامل بغفلة وحسن نية "سودانية" مع عناصر الامن والجبهة المعلنة كجمعة و غير المعلنة وهم كثر والمتعاونون معهم بوعى او بلا وعى او لغباءهم او لمصلحة او لاحقاد شخصية تجاه خصوم الجبهة.
جمعة ده كل طاقاته وامكاناته فى smc موظفة للكذب والتلفيق يعنى شغله الكذب والتضليل، ماذا تفيد مقابلته؟ وحتى لو كان لابد منها فالحذر ثم الحذر ثم الحذر ثم الحذر،لمتين يا سياسيي و مثقفى السودان هذه الطيبة والغفلة، الى متى نلدغ من نفس الافعى عشرات المرات، انا لو خيرت بين ابليس والكوز فساصدق ابليس لانه سيكون يتعجب الان ويقول "ده عملتوه كيف يا الكيزان" و ربما الكيزان هم احدث موديل من ابليس. |
جمعة دة ممكن يجيب ليكم 100 شاهد يحلفوا مصحف و طلاق موش انو كان فى قاعة الصداقة بل انو كان فى الاسكيمو زاتو
يا ناس هووووى
انتو نسيتو اذهب للسجن و انا اذهب للقصر؟؟
الكضبة الغتست حجر بلد كاملة بقت على الباقر واسماعيل
قال كش ملك
كشة براميلا تتطاقش
ديل و اشباههم بيكضبو زى ما بتنفسو
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Hatim Elhassan)
|
لا يا الحسن انت
معرفتك بالسيد محمد حامد شيء
ومعرفتك بـ(من) يمكن لمحمد حامد ان يجره الى هاهنا للشهادة شيء آخر
وان كنت لا تدري الى اين يتجه خطابك فالأفضل لك الا تكتب
لأن ما تكتبه سيكون وبالاً عليك...
مرة أخرى راجع ما كتبت بحقي وكن صادقاً مع نفسك
ولا تدع موقفك من الانقاذ أو محمد حامد يدفعك للاساءة للآخرين والتشكيك في ذمتهم
...
وليد الحبيب
والله انا ما داير زول روحو تنسل والموضوع دا عارف فيهو كميات كبيرة من (الشتارة)
وقد تناسيته وتجاوزته منذ شهادة صباح في ذلك اليوم ..لكن يبدو ان الاقدار ارادت لنا
ان ننال جزءاً من الشتائم بسبب هذه الشهادة.
على أية حال شكراً لهذا (التعب) غير المقصود وخمة النفس
وللتوضيح هذه الشهادة رهينة بمطابقة تاريخ انعقاد الندوة مع حضور جثمان الخاتم
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: ناذر محمد الخليفة)
|
خالص التحايا الجميع
وعيد مبارك
مداخله لكل من الاعزاء ناذر وعادل فايت
كتب عادل فايت نقلا عن ناذر
Quote: كما قال أخونا ناذر..
Quote: يبدو أن المنبر سيشهد فصولا جديدة من ذات الرواية المكسيكية المدبلجة !! |
تنويه وتوضيح انومصطلح المسلسل المكسكي المدبلج ده من انتاجى الخاص فارجو مراعاة حقوق النشر..
لكن اقول ليك بطنى طمت من المسلسل ده..
ولو دايرين تستعملوه من هنا لى يوم القيامه حلال عليكم
وزى ماقلت ياعادل
Quote: هبشه:
الله يجيب العواقب سليمه.. |
وكما يشوف علينا..
كل الود،،،
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: ناذر محمد الخليفة)
|
Quote: هل أغلق الملف !!!
أتمنى ذلك من كل قبلي ؟!!!
|
لا ولا اعتقد لان لم يوجد من لديه المقدرة في اتخاذ قرار مثل هذا وضح لى من مداخلات عديدة ان هذا البوست يفترض ان يقفل من مداخلة د/ الباقر العفيف لانها اوضحت كل شى على الاقل بالنسبة لى ولا ادرى الاخرين ولا ادرى ماذا يودون اثباته وهذا امر يصعب التكهن به
الشكر/ الى اسماعيل التاج على مشاق الردود والمتابعة الدقيقة للبوست
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: هشام مدنى)
|
المحترم هشام مدنى
والجميع
لقد ورد اسمى فى ثنايا حدث وموقف - غض النظر عن ماهيته - فانا لم اكن حاضرا وحين نفيت ذلك هاجت الدنيا وشتمت هنا امامكم وكل الذى طالبت به اثبات المسالة بحقى او اثباتها على الاخرين
وكل الشهود الذين وقفوا الى جانبى تم التعريض بهم والسخرية منهم لصالح اسماعيل التاج و الباقر العفيف ...
لماذا واى نزاهة وعدالة هذه
اسماعيل التاج نقل نقل خاطئا وجاء الباقر العفيف واصر على انه رانى هناك وهو كاذب ثم كاذب ثم كاذب ... لاننى ببساطة لم اكن هناك
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: محمد حامد جمعه)
|
يا جمعة
اها بعد ما كسبت البراءة دى من شيخنا وليد كدى شوف لينا الملفات ديل معاك بالمرة الظاهر عليك سرك باتع
ملف الشهيد عبد المنعم سلمان
ملف الشهيد الدكتور علي فضل
ملف الشهيد عبد المنعم رحمة
ملف الشهيدأبوبكر الراسخ
ملف الشهيد البشير الطيب البشير
ملف الشهيد سليم محمد ابوبكر
ملف الشهيدة التاية أبوعاقلة الطريفي
ملف الشهيد أبوبكر الأحمدي
ملف الشهيد طارق محمد إبراهيم
ملف الشهيد محمدعبد السلام
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Hatim Elhassan)
|
قررت التوقف هنا ....
اذ واضح الا كرامة للحقيقة فى هذا المنبر ..الذى علمنى من بين الانبياء نبيين صادقين لا ياتى الباطل من بين يدى او خلفهما ... مولانا ... والباقر العفيف ... واى شخص سواهما كاذب اشر
لقد قررت التزام الصمت ...
شكرا والى اللقاء
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Hussein Mallasi)
|
أدناة شهادة الدكتور الباقر العفيف و الواردة في بوست مولانا اسماعيل التاج
لقد فوجئت بردة الفعل العنيفة للسيد محمد حامد جمعة على المعلومة التي أوردتها من كوني رأيته ضمن مجموعة عناصر الأمن التي كانت ترافق جثمان الراحل العزيز الأخ الخاتم، ووصفه لي "بالكذاب الأشر". فقد كان بإمكان السيد جمعة نفي تواجده دون الحاجة للشتائم، اللهم إلا إذا كان مصدر غضبه أني فضحت أمراً كان يريده مخفياً. فأنا لم أسيء إليه، وإنما قدمت شهادة على أنني رايته. فقد تعرفت عليه من صورته، كما يتعرّف أي إنسان عاقل على شخص آخر من صورته، وقد كان يلبس بدلة رجال الأمن المعروفة، ويضع على عينيه نظارة سوداء، ويقود عربة دفع رباعي لم أهتم بأخذ تفاصيلها. ولقد رأيته في المرة الأولي عندما كنا نقف قرب ساحة محلات عفراء التجارية، ولقد تحركت عربته أمامنا، ثم رأيته في المرة الثانية في قرية أم دكة الجعليين بعد أن عدنا من المقابر، وكان جالساً في خيمة العزاء. وأنا، بطبيعة الحال، لم يفاجؤني وجوده، بل ظننت أن السلطات الأمنية ربما ارتأت أن توكل تنفيذ المهمة الأمنية لمجموعة تضم أحد أقرباء الأسرة، السيد أحمد علي، وأحد الذين كان لهم اتصال مع الفقيد عن طريق البورد، وهو السيد محمد حامد جمعة. وأنا لا أحمل ضغنا ضد السيد جمعة، بل بالعكس فقد أكبرت ما أبداه من تعاطف إبان مرض الفقيد الخاتم، و تمنياته له بالشفاء، و كذلك كلماته الطيبة عنه عنه عقب وفاته.
وإن كان السيد محمد حامد جمعة صادقاً حقاً في نفيه، وأنه لم هناك فإن هذا سيعني بالنسبة لي أمراً واحداً وهو أن هناك نسخة طبق الأصل منه، أي his clone، يعمل معه في جهاز الأمن السوداني. أما الإثبات الذي يطالبني به فأنا لا أملك سوى شهادتي هذه، وأنا صادق فيها عند نفسي، وليس لي من دافع يجعلني أرجمه بالغيب.
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
أدناه جواب الأخ محمد حامد جمعة والوارد في بوست
الباقر العفيف يروي ماحدث
السيد الباقر العفيف :
ابتداء اقدم اعتذارى ان مسك شى من رهق قلمى فى سياق نفى الصاخب لشهادتك الواردة اعلاه ولكن دعنى اقول لك شيئا .... انت تروى رواية بها لبس وغموض فضلا عن انها ليست صحيحة يا رجل
انا فى ذلك اليوم لم ابرح مكتبى وهذه مسالة منتهية عندى ... كنت بمكتبى لم اسير كل تلك المسيرة التى سردتها فى رسالتك ....
ورغم ادبك الجم وما شهد به بعض الاخوة هنا فيؤسفنى ان اؤكد لك انك مخطئ ....
الشخص الذى تتحدث عنه فى رسالتك لم اكن انا وكما قلت لو اننى كنت فى الجنازة لما رايت ان ذلك عيبا او مسالة محرجة بل على العكس فانا ارى ان اقل ما يمكن ان افعله - وانا شخصيا اجل الفقيد - ان اكون معلنا حضورى ....
ولا ازال مصرا على موقفى .... انا لم اكن فى مكان التشييع ...
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
أقتبس من جواب الأخ محمد حامد جمعة
الوارد أعلاه الفقرة التالية
"انا فى ذلك اليوم لم ابرح مكتبى وهذه
مسالة منتهية عندى ... كنت بمكتبى لم
اسير كل تلك المسيرة التى سردتها فى
رسالتك .... "
وهي فقرة تتعارض مع ما أورده الأخ عادل فضل
المولى عن مشاهدته للأخ محمد حامد جمعة في
قاعة محمد سعيد معروف حيث عقدت ندوة في
الحادية عشر من صباح يوم وصول و تشييع
جثمان الفقيد الخاتم عدلان
فأين كان الأخ محمد حامد جمعة يومئذ ؟
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
وفي بوست: " الباقر يروي حقيقة
ما حدث عند وصول جثمان الراحل
الخاتم: محمد حامد جمعة ومجموعة
من رجال الأمن تابعـوا الجثمان
حتى نهاية الدفن" وردت الفقرة
التالية و التي لا يعضدها دليل
مما ورد في كل إفادات الدكتور
الباقر العفيف و شقيق المرحوم
" انتـظـر الجميع الجثمان خارج المطار
مع مجموعة السودانيين الذين حضروا
لاستقبال الجثمان. وطال الانـتـظار لحد
القلق. أخيراً ظــهــر عدلان ليخطر
الجميع بأنَّ ناس الأمن أخرجوا الجثمان
خارج المطار وأخذوه إلى شارع مدني-
الخرطوم بالقرب من عفراء مول وأنَّ ناس
الأمن رفضوا السماح بإحضار الجثمان إلى
مكان تجمع المستقبلين بالمطار وأيضاً
رفضوا السماح بأخذه لجامعة الخرطوم حسب
ما أعـدت اللجنة القومية لإستقبال وتأبين
الراحل الخاتم"
بإنتظار توضيح من مولانا اسماعيل التاج
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
الأستاذ عثمان
خالص التحايا
هذا سؤال جيد بحق
Quote: مالذي دفع دكتور الباقر العفيف للقاء
الأخ محمد حامد جمعة في مكتبه بالخرطوم
|
ربما ذهب للتأكد من الشخص الذى كان بالمطار هو الأستاذ محمد حامد جمعة
هو في كل الاحوال الموضوع محتاج اجابة من د/الباقر العفيفي
تحياتى
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Osman M Salih)
|
الأستاذ الأديب عثمان / الأستاذ حسين ملاسى
خالص التحايا
لا ادرى ان كنتم بتبحثوا عن الحقيقية ام شى اخر وجوابكم في كل الاحوال ان كانت الحقيقية فهى موجودة في مداخلة د.الباقر العفيف ووافية ولا تحتاج كثير عنا لفهمها او فك طلاسيها فهو قال ماعنده وعليه من ارد ان يصدق او يكذب فله مطلق الحرية في ذلك ولكن
واقولها صراحة اننى معكم من اجل الحقائق من هنا الى ما يشاء الله ان امد الله في الاجال سوف لن تصلوا لى حقيقية بخصوص هذا الموضوع . لان به جوانب كثيرة خافيه رغم وضوحهاوهى محل تعجب!! بحق وحقيقية حتى شهادة الاخ عادل الذى سطرها اكتنفها بعض الغموض.فهل ما سطره الأخ عادل كان على الاقل مقنع لكما واقصد الأستاذ عثمان والأستاذ حسين؟
هذا الموضوع فيه مواقف بعض الاخوة حقيقية غريب جدا فهل كانت مناصره د.الباقر العفيف والأستاذ اسماعيل التاج بحكم المعرفة بهم فقط ام هناك دلائل مؤكد تثبت وجود الأستاذ /محمد حامد جمعة فى المطار. وهنا سؤال يطرح نفسه ماهى مصداقية شقيقي الأستاذ الخاتم رحمة الله عليه بالنسبة لهم؟؟؟؟؟
نفس هذه الاسئلة مطروحه لمن ناصر الأستاذ / محمد حامد جمعة؟
ان وصلت لربط بين كل الشهادات هنا ربما تصلوا لحقائق ربما تعجب او لا تعجب الجميع
لذلك سطرت في هذا البوست من قبل مخاطبا الاطرف جميعها بقفل هذا الملف....
وبجدد ذلك الطلب...
تقديري واحترامي لكما ولكم جميعا
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: Hussein Mallasi)
|
لماذا لا يمكن ان يكون محمد حامد احد خاطفي الجثمان؟
1-لان صباح شاهدته قبل وصول الوفد من ام دكة
2- لان عادل فضل المولي قال شاهده فى ندوة الطيب صالح
3- لأن صديقي جدا كان معه في الماسنجر في ذلك اليوم
4- لان محمد حامد قال انه لم يذهب
5- لان الجثمان لم يخطف اصلا
6- لان مولانا اسماعين مشهود عليه الكذب واللف والدوران لأن العفيف ايضا شخص غير امين وقد بعثته حكومة الانقاذ ليعمل الدراسات العليا ثم لم يعود و أخذ لجؤ سياسي.
7- لان وجود محمد حامد فى الجثمان لا يؤخر ولا يقدم
ولأنكم كلكم ساسة تبيعون الحديث لا غير.. وزعلتكم دي بس لان الجثمان ما حارب حروبكم.
الاختشوا ماتوا
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: إسماعيل التاج)
|
قال السيد محمد جمعة ما يلي:
Quote: الدكتور الباقر العفيف
يؤسفنى ان اقول لك اننى فجعت فيك ... انت كاذب ولا شى فى الدنيا يلزمنى بتصديقك وتكذيب نفسى وعشرات الاشخاص الذين كانوا معى يومها او التقيت بهم - وانت ترانى كما تدعى فى الوقت ذاته فى عفراء مول -
انا املك الشهود وانت تملك فقط روايتك ورؤيتك ... سبحان الله ...
أما أنا فلم أفجع فيك يا سيدي، فأنت تنتمي لقبيل أنتج فقه الكذب "لمصلحة الدعوة"، فهو يكذب ويتحري الكذب، حتى كتب عند الله كذابا. ومن يكتب عند الله كذابا يكذب وإن أراد الصدق. وإني لا أراك قد استفدت من هذه التجربة شيئا، فرؤيتي لك، في أسوأ أحوالها، قد تحتمل الخطأولكنها لا تحتمل الكذب. أما تقولك علي قولا لم أقله، فلا يحتمل سوى أمر واحد، هو الكذب الصراح. فأين هذه من تلك.
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: إسماعيل التاج)
|
العجيبة فى ناس بقروا و بشوفوا العاوزنو بس
سؤالنا ده راجي ليهو اجابة
اجابة لله يا محسنين و محسنات
خاصة من الكيزان الما كيزان
Quote: جمعة باقواله وعضمة لسانو: لم يبرح المكتب ذلك اليوم لكنه تواجد فى ندوة مجلس الصحافة فى ذات الوقت.
الاحتمالات:
- جمعة صادق لكن عندو جنى يشبهه فى الهيئة والاسم والوظيفة وكل حاجة،جمعة بقى فى المكتب والجنى مشي ندوة مجلس الصحافة.
- جمعة ليس له جنى فهو كاذب فاما انه كان فى المكتب او فى ندوة مجلس الصحافة.
- الشاهد عادل
1- التاريخ يطابق يوم الحادثة ولان جمعة لم يبارح المكتب اذا عادل راى الجنى
2- التاريخ مختلف عن يوم الحادثة اذا لا يوجد كش ملك و كواريك جمعة فى الفاضي و رواية الباقر صحيحة
اها جمعة عندو جان و لا .....؟ |
قال بحث عن الحقيقة
| |
|
|
|
|
|
|
|
|
 Re: الباقــر العفيف حـول لقائـه بمحمد جمعة (Re: Hatim Elhassan)
|
حاتم الحسن ..
برافووو والله
زنقت الناس دي في حتة ضيقة جدا جــــــدا..
لاهاي مش قريبة ليك بي هناك .. اقترح انك تتعين فيها ..
انت قريت قانون بي وراي والا شنو ؟؟
..
.
ياخي البوست ده الناس رفعت ايده منو جاي انت عامل فيها اسئلة واستشارات قانونية والحقل والعلم وما عارف ايه ..؟؟
يازميل
الموضوع ده منتهي ..
منتهي من ( ايلول ) الماضي ..
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: tmbis)
|
تمبس بتاع الحقيقة و الصور و فرع الاستنارة والكدندارة
اولا كل سنة و انت طيب والجاية على امنياتك.
تانيا يا اخونا التدقيسة طالت شوية، انحنا لا بنتعارف و لا حاجة و لا عندى علاقة بامدرمان او العاصمة المثلثة حقتكم دى، اسف للمكنة المشت فيك دى والله انا قبل ما اخش البورد ده انت كنت من القلائل البتكيف ليهم انا حبيت اشاغلك و عاوز اصاحبك والقصة جرت... الكيف قل شديد جدا لانو ميزان عدلك بقت كفتو واحدة وده موضوع تانى .
انت فطيت كل الناس الفوق ولتت وعجنت ما لقيت الا حاتم ده يا "حقانى" و افوكاتو المستضعفين فى البورد.والناس الفهمتهم انى من امدرمان يا حقانى و ما بتقطع، امشي قول ليهم الرجل طلع عربى ضهارى تب.
تالتا شكرآ ليك على كل النصائح السابقة وارجوك ان تتوقف عنها من موقعك بتاع التعالم والتهكم والتصغير ده، اذا عندك نصائح بروح مختلفة فمرحب لانى لا اخلو من عيوب .
نصيحة اخيرة و فكر فيها شوية وبعدها اعمل ما تريد من حاتم "الوهم" ده، كن مع الحق لو فى موضوع صورة و لاجثمان و لا برتكان، لكن افعل هذا دوما و ما تتخير , ما تغرك هيلمانة الكرور اللازيك فى وش المدفع و اقف يصفق ليك يحمى النيران.
شتان ما بين تمبس الكان ينثر الفرحة والنقاء والابتسامة والجمال و كان اصحابو المطر وشتات الجندرية وغيرهم، وبين تمبس الحالى بوستات حقيقة حولاء و مائلة واصحاب يطفح عفن حرفهم فى المنبر وخارجه
عد كما كنت تمبس علاء يونس
والعفو والعافية
عيد سعيد
حاتم
| |
|
|
|
|
|
|
|
|
 Re: الباقــر العفيف حـول لقائـه بمحمد جمعة (Re: Hatim Elhassan)
|
حاتم الطلع ما صاحبي ..
كل سنة وانت وطيب ..
والقابله يا لورد يدوك ( وكيل عريف ) حقوقي مستنير ..
بعدين حسع انت طلعت لي ما حاتم ( سمبرية ) صاحبي الزمان انا حسع اقول لي ناس البيت شنو وأقول لي اصحابي الكلمتهم ديل شنو ؟؟
اقول ليهم الزول ده طلع البرادعي يعني ؟؟ ما طلع حاتم ..
..
والله القلوب عند بعضيهايا حاتم انت كنت عايز تصاحبني وعملت المكنه بتاعتك القلتها دي .. اها وشوف حسع انا بفطفط الناس دي كلها وانت من دون الناس برتاح ليك . تتخيل برتاح ليك يا حاتم ولي ردودك علشان كدا من كل فترة بدخل علشان ( أخمس ) معاك ..
بس تاني خلي عندك ذمة ياحاتم .. ما تبقى ذمتك زيي كدا قابله للتعديل في اي لحظة ..
خليك زول ذمتك غير قابلة للتعديل ياحاتم ..
| Quote: الكيف قل شديد جدا لانو ميزان عدلك بقت كفتو واحدة وده موضوع تانى . |
تعرف ياحاتم ( النت ) بطنو غريقة حسع الكيف بتاعك ده ذاتو ممكن يطلعنا ( نسابة ) بدل ( متكيفاتيه )... نسابة بالكيف ياحاتم نسابة اون لاين ..
وكدي عليك الله راجع نفسك في موضوع الكيف ده ( يعني المرة الجاية اكسرو بي صودا ) شان الميزان ده يمشي مظبوط ..
Quote: و افوكاتو المستضعفين فى البورد.والناس الفهمتهم انى من امدرمان يا حقانى و ما بتقطع، امشي قول ليهم الرجل طلع عربى ضهارى تب.
|
يعني طلعت ( روسي ) ياحاتم ؟؟ روسي ضهاري .. تمام يا فرده خلينا نلعب على المكشوف بس تاني لما تجي تصاحب ليك زول أون لاين ما تكضب عليهو أنت زول شيوعي والشيوعييين ما بلعبو بي شرفهم ده خالص .. يعني الواحد كان حلف ليك بي شرفو خلاص الكلام كمل ..حسع لما تجي راجع قول لي ( وحات شرفي ) ده ما انا حاتم سمبرية صاحبك علشان اقدر اصدقك وبالمرة اقنع الجماعة الكلمتهم انك من امدرمان ديل ..وأقنع فضل صاحبي الهندي دا..
Quote: تالتا شكرآ ليك على كل النصائح السابقة وارجوك ان تتوقف عنها من موقعك بتاع التعالم والتهكم والتصغير ده، اذا عندك نصائح بروح مختلفة فمرحب لانى لا اخلو من عيوب .
|
بعدين يا حاتم انا ما قريت قانون زيك كدا وحتى كان قريت قانون ممكن امسك القضايا الخاسرة لكن ما بمسك الخاسرة خالص واعمل فيها ( المهلاوي )
وتالتا
عفوا ياحاتم اهو الواحد بين كل فترة وتانية بيحاول يساعد اخوانو بي شوية بتاعت نصائح كدا لما يحس انو مركب مكنة ( عمكم مختار ) علشان كدا معليش وقعت فيك انت .. وعادة ما بتحصل كتير اها من هنا ولي قدام امسحه لي في وشي .. ولا عندي ليك نصائح سمحة ولا كعبة وكان جيت بتلقاني قاعد من غير نصائح .. قاعد في الصقيعة ساكت يا حاتم ومن غير نصائح .. وعيوبك دي شوف ليك ( سمكري ) شاطر عندو ذمة وكان لقيت اديني خبر معاك
Quote: نصيحة اخيرة و فكر فيها شوية وبعدها اعمل ما تريد من حاتم "الوهم" ده، كن مع الحق لو فى | Quote: موضوع صورة و لاجثمان |
و لا برتكان، لكن افعل هذا دوما و ما تتخير , ما تغرك هيلمانة الكرور اللازيك فى وش المدفع و اقف يصفق ليك يحمى النيران.
|
نصيحتك سمحة ياابو النسب الالكتروني .. لكن بس كدي تأمل فيها شوية .. لانو بالجد ما بتصدر من زول كان مفترض يصاحب ليهو زول أونلاين .. انت تنصح فيني وتقول لي الكرور اللازيك .. ياحاتم الله يهديك انا ما قاعد يلزني زول ياخ وحات شرفك .. انا تعرف مشكلتي شنو ؟؟ لما اللقي لي كلام ما يعجبني ممكن اخليهو شهر كامل لكن لما يسخن معاي ممكن احكو سنة كاملة لي قدام والمسالة في البورد ده بقت شغاله بي فقه ( الحككان ) يعني يا( حاكك ) يا ( محكوك ) حاكك معناته انت زول بتفتش ليك على ابرة حقيقة في كوم قش وكوم القش ده ذاتو بكوموهو الشفوت .. قائل بكوموهو كيف ؟؟ بكوموهو بالنقة يعني واحد يجي يكتب ليك كملتين تكون لافي سنة شان تربطهم مع بعض ما يتربطو ليك .. اها وفي النهاية تطلع كوز .. يعني تتحك تمام وفي اللفة الاخيرة يجيك زي حاتم شايل معاهو كراس حساب مسطر مربعات صغيرة وقلم رصاص يقطع ليك ورقة من النص ويكتب ليك تمبس الكوز ويطبقة ويربطه ليك في عرق جبينك علشان تكون ظاهرة ..
ياحاتم علشان اقبل نصيحتك دي في شرط واحد أرجو انو تقبلو واللي هو اني زول كبير وعاقل وعارف الصاح من الغلط يعني مسألة انو زول يقنطرني في وش المدفع والا يحمش بي النيران دي صدقني يلقاها عند الغافل .. كل ما في الامر ياصديقي أنو المسالة بتاعت قناعات .. يعني أهو انت الآن لاعب دور افكاتو خطير جدا علشان تصل لي حقيقة أنو الزول الاسمو محمد حامد ده كاذب آشر وحتى الشهود بتاعنو طلعتهم اي كلام .. اها انت هنا ساكي قناعاتك .. صاح ؟؟ طيب ما تخلينا نقعد نركب في سرج واحد وكل زول يفتش عن قناعاتو ويبحث عن الحقيقة والا رايك شنو ؟؟
وطالما يا حاتم شبكتني المسالة حق وكفة ميزان واردب فحم وحنك زي ده .. ياريت تدخل في المكان ده وتشوف الحاصل علشان تعرف تمبس ده دخل المعمعه دي بي ياتو فهم .. يعني يا حاتم الهطرقة الحاصلة هنا دي كلها انا محسومة عندي من بدري زي ما قلت ليك من ايلول الفات .. وحسع زي ما شايف البوست ده كلوووووووو انا ما فتحت خشمي لكن والله قاعد اقرا واضحك ،، اضحك في كيمان القش بتاعت اللغة دي والضحكني اكتر صاحبي حاتم الطلع البرادعي ..أوالبعاتي .. بعدين موضوع الصورة ياحاتم عندو مقام تاني بي هناك وبوست مفتوح .. وبرضو هو جزو من الحقائق المنطلقة من قناعاتي .. اها تاني ياحاتم إذا مهتم بي تمبس ده كتير ح تلقى حاجات كتيرة جدا زي دي .. وبالمناسبة في كمية بتاعت صور كتيرة حايمه في بوستات مختلفة مجلوبة من مكانات تانية ما ليها علاقة بالحاصل .. فإذا كنت مهتم بالمسالة دي بوريك كيف تتعامل معاها ..
حوار مع شقيق الراحل عدلان ... حقائق حول مواراة جثمان ف...الخاتم عدلان الثرى
كدي بلاي ياحاتم اتأمل البوست ده .. وتلفوني في البورد ده قاعد كان باحث عن الحقيقة زي ما بتقول اتصل علشان نديك تلفونات بتوصلك الحقيقة من اكبر ابوابه المفتوحه ..
لانو المسالة ما مسالة ايدلوجيات وادبيات حزب المسالة في المقام الاول ضمير يا سيد حاتم ضمير وانسانية جواك ..
Quote: شتان ما بين تمبس الكان ينثر الفرحة والنقاء والابتسامة والجمال و كان اصحابو المطر وشتات الجندرية وغيرهم، وبين تمبس الحالى بوستات حقيقة حولاء و مائلة واصحاب يطفح عفن حرفهم فى المنبر وخارجه
عد كما كنت تمبس علاء يونس
|
تعرف يابرادعي ..
تمبس ده ياهو تمبس ذاتوووووووو واصحابو لحدي الآن نفس اصحابو إلا بعض الرماديين للاسف الشديد الخسرتهم بعد البوست الفوق ده .. وللحقيقة انا مرتاح خالص لانو بتعرف الناس الصاح من الناس الغلط الناس المفترض يكونوا معاك مش يكونوا معاك ويتأخرو شوية علشان يمدو لسانهم فيك .. ما ندمان علي الناس الخسرتهم لانو بالمقابل كان فيهم ناس بشر ناس مواقف .. لكن اقول ليك حاجة والله ما ندمان اني خسرت النوعية دي وعندي استعداد كبير جدا افقدهم كلهم في لحظة واحدة زي النوعية دي ما فارقة معاي كتير ..
بعدين حاول ادخل في كلامك ده شويتين وفتشو حبه حبه .. وينهم الناس البتقول علهيم ديل حسع ؟؟ ما ياهم مشو خلو المكان ده علشان الحاجات الحاصلة دي .. لكن بعرف بلقاهم وين ولي معلوميتك يا حاتم والله الحمد لله الواحد كل يوم بيكسب ليهو ناس حلوين خالص من البورد ده ومن بره البورد ..ودي في حد ذاته نعمة كبيرة جدا لانو الواحد إذا كان غلط صدقني كان ( بوش ) من زماااان ..
زي ما نهيته بالعفو والعافية
برضو ربنا يبيض النية ،، والدنيا عيد العفو والعافية ياالبرادعي ..
وإذا صدقت روايتك دي بتاعت انك ما حاتم سمبرية .. صدقني تعبت معاي وممكن ابقى كووز عديل كدا علشانك
تصدق ؟؟
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: tmbis)
|
بمناسبة عيد الفطر المبارك اتقدم بالتهنئة الخالصة للسيد جمعة
بمناسبة حصوله على كاس دورة سودانيز اون لاين الثانية للشطرنج
لعام 2005.
كما اتمنى حظاً اوفر للسيد مولانا و السيد العفيف في المسابقة
القادمة لاغتيال شخصية السيد جمعة.
و كل عام و الجميع بخير.
| |
|
|
|
|
|
|
|
|
|
Re: الباقــر العفيف حـول لقائـه بمحمد جمعة (Re: إسماعيل التاج)
|
!!!!!!!!!!!
Quote: بمناسبة عيد الفطر المبارك اتقدم بالتهنئة الخالصة للسيد جمعة
بمناسبة حصوله على كاس دورة سودانيز اون لاين الثانية للشطرنج
لعام 2005.
كما اتمنى حظاً اوفر للسيد مولانا و السيد العفيف في المسابقة
القادمة لاغتيال شخصية السيد جمعة.
و كل عام و الجميع بخير. |
صنفرة :
وأنا زاااااتي
| |
|
|
|
|
|
|
| |
Osman M Salih
Hussein Mallasi
عادل فضل المولى
محمد حامد جمعه
waleed500
ناذر محمد الخليفة
معتز تروتسكى
إسماعيل التاج
tmbis
فيس بوك
تويتر
انستقرام
يوتيوب
بنتيريست