|
|
 السودان الجديد والحلة الجديدة !
|
تمكنت قائمة القوي الوطنية من الفوز بانتخابات المحامين للدورة الجديدة بفارق268 صوتاً بين أعلي المرشحين وادني المرشحين. وقد أعلن ذلك مولانا محمد الحسن شرفي رئيس لجنة الاشراف علي انتخابات المحامين في المؤتمر الصحفي الذي عقده أمس بقاعة الامام علي بالجهاز القضائي لاعلان نتيجة الانتخابات مشيرا الي نتائج المرشحين لنقيب المحامين فقد تحصل الاستاذ فتحي خليل علي 1765 صوتاُ والدكتور أمين مكي مدني 1385 صوتاُ والاستاذ وجدي صالح عبده خليل 32 صوتاً موضحا ان الفارق بين الاستاذ فتحي خليل ود. امين مكي 380 صوتاً
وقال بان المرشحين لاعضاء الاتحاد حوالي خمسين عضواً تحصل الاستاذ عزالدين الصبابي علي أعلي الاصوات 1855 صوتاً وآخر المرشحين تحصل علي 22 صوتاً ...
كلام جميل ... وقبلها اتحاد المزارعين .. ميه ميه ... طبعا الحنك الجاهز والمكنة المقسمة ... النتيجة مزورة ... دى على وزن نرفضها ولو جاءت مبراءة من كل عيب ...
المؤتمر الوطنى ... ماشية معاه طراوة ... والله بالجد الواحد -ودى نصيحة لى الله دا - الواحد بقى مشفق على باقى الاحزاب ... اقول ليكم سر المؤتمر الوطنى البيدرش فى الناس انتخابيا دا حزب فيهو مليون علة واى اسلامى ملتزم ولا نصير للانقاذ عندو راى وراى كبير فى الحزب دا ... لسه معسم وفيهو لطشة سجومية ... لكن برضو بيضقل بباقى الاحزاب .. ودا معناه حاجة واحدة انو باقى الاحزاب دى ... لاحقة امات طه ... وحالتها بالبلا ...
طبعا فى ناس (حزبيين ) كتار انتظرو الحركة الشعبية تجى تاخد ليهم حقهم ... غنو ليها وفى ناس رقصت وناس كشفت ما حبا فى السودان الجديد ولا (الحلة الجديدة ) لكن بس كيتا فى الكيزان بس .. وقالو اهى فرصة يجو ناس قرنق ديل ونحن نضارى وراهم ونحرشهم يبقو للحكومة فى تولا دى ... البشير يقول يمين سيادتو سلفا يقول شمال .. وشوية شوية تجوط المسالة وينصدم الطرفين ... هوبا .. نخش نحن بحنك انتفاضة وجبهة هيئات وكدا ننشل الحركة الشعبية والمؤتمر الوطنى ونمرقهم بره الفيلم ..
الحكومة .. الكيزان ... عملوا فيها عبطاء ... طنشو .. ناس الحركة الشعبية غايتو وضح انها ( واقعة ليهم ) وانو الغابة خلتهم (مفتحين ) ... لمن غلط .... سردبو ساى ... يجيهم ليهم نقد يشبكو يا (استاذ ) يمرق يخش عليهم شيخ حسن يشبكو ليك ( يا شيخنا ) يجى عليهم السيد الصادق يشبكو ليك يا (ديمقراطى ) والناس ديل كلهم الحركة الشعبية باعت ليهم الترماى ... .. جاييكم راجع ... انا ... الدمل .. !
|
|
 
|
|
|
|
|
| العنوان |
الكاتب |
Date |
| السودان الجديد والحلة الجديدة ! | محمد حامد جمعه | 12-18-05, 01:44 AM |
 Re: السودان الجديد والحلة الجديدة ! | A.Razek Althalib | 12-18-05, 02:13 AM |
 Re: السودان الجديد والحلة الجديدة ! | محمد حامد جمعه | 12-18-05, 05:23 AM |
| Re: السودان الجديد والحلة الجديدة ! | زول ساكت | 12-18-05, 02:13 AM |
| Re: السودان الجديد والحلة الجديدة ! | محمد حامد جمعه | 12-18-05, 05:30 AM |
 Re: السودان الجديد والحلة الجديدة ! | ebrahim_ali | 12-18-05, 02:40 AM |
| Re: السودان الجديد والحلة الجديدة ! | اروتى | 12-18-05, 04:38 AM |
| Re: السودان الجديد والحلة الجديدة ! | محمد حامد جمعه | 12-18-05, 05:43 AM |
| Re: السودان الجديد والحلة الجديدة ! | محمد حامد جمعه | 12-18-05, 05:40 AM |
| Re: السودان الجديد والحلة الجديدة ! | Murtada Gafar | 12-18-05, 05:49 AM |
| Re: السودان الجديد والحلة الجديدة ! | محمد حامد جمعه | 12-18-05, 06:05 AM |
| Re: السودان الجديد والحلة الجديدة ! | hanadi yousif | 12-18-05, 06:08 AM |
| Re: السودان الجديد والحلة الجديدة ! | محمد حامد جمعه | 12-18-05, 06:19 AM |
|
| |
محمد حامد جمعه
فيس بوك
تويتر
انستقرام
يوتيوب
بنتيريست