|
|
 أمانة ما دقس راجل .. يا ناس دِلّوني!
|
زي ما قال الغنّاي
براي سويتا في نفسي
رسلت لي بكري قلت ليه انا عايز اغير اسمي اسويهو بالعربي
قال لي خلاص..
ودخلت بالعربي.. وإذا باسمي القديم موجود.. ولم يتعدل
انا طبعا كنت فاكر القصة زي تغيير الصورة، أول ما تخت صورة جديدة
تلقاها ظهرت في مشاركاتك القديمة كلها..
أتاريهو بكري عمل لي اشتراك جديد، وسحب الباسويرد حق القديم
أها لقيت نفسي بهذا الطلب ضيعت قرابة 800 مشاركة!!
أصبحت من الماضي، من الأرشيف.
بصراحة لو عارف كِدا ما كان طلبت تغيير الاسم..
لكين هسي لمن شفت إسمي بالعربي.. برضو قلت معليش الواحد
يفتح صفحة جديدة..
أنا الآن محتار..
افتح صفحة جديدة، ولا أقول لي بكري معليش ياخي ياريت ترجع لي
الاستم السابق وتاني ما بعمل كِدا؟؟!!
يا ناس دِلّوني .. يا ناس دِلوني
|
|
 
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
علما بان هذه المشاركات تحوي أكثر من 80 مسدارا
في بوست (مسدار يا أهل المسادير) وحده.
كما تحوي عددا من النصوص الشعرية بالفصحى والعامية
إضافة إلى مسادير في بوستات أخرى.
وعددا من المقالات.
إضافة إلى الردود المختلفة.
فماذا أفعل..؟!
دِلّوني عا السبيل..
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
تحياتي يا عبدالله
في رايي مافي داعي لتغيير الاسم وتضييع المواضيع القديمة لان التغيير فقط في اللغة ...
يعني لو كان الاسم مختلف خالص زي مثلا من تغيير اسمي من ابو امنة الي الاسم الحالي كان ممكن لاعتبارات كتيرة لكن طالنا ان التغيير في اللغة فقط افضل الرجوع للقديم اذا كان هنالك امكانية..
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
انت رصيدك من الاحترام والمعزة متوفر بكثرة فى قلوبنا ياود عقيد ومساهماتك القيمة تشهد عليها البوستات ..
اسمك بالعربى احلى والله
وبالانجليزى برضو كان حلو
المهم بكرى اخوى ده ماتزهجو !!
زهجو كعب .. هو زول طيب لكن زهجو كعب !!!
فاهمنى موش ؟!!
ونحنا عاوزنك معانا ياود امى !!!
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: سجيمان)
|
المحـترم
عبد الله عقـيد ..
ما يجبرك على المر إلا الامر منو................
يا ريتك كنت شاورت قبل اتخاذ القرار ... بقت عليك (براي سويتها في نفسي) زي ما انا سويتها في نفسي .. تعرف قبل كدا انا برضو في حوش تاني من الاحواش المجاورة وفي ليلة من ذات الليالي اتهورت وغيرت اسمي من الـ399 إلى الوليد احمد فاذا بهم قد نسفوا كل ما بنيت خلال السنوات الماضية بكل سهولة ويسر .. قلت ليهم داير القديم قالولي بنفس المستوى ح تبدأ من الصفر .. وبقيت في حيرة وراعيت (الجيرة) وسكته | Quote: انت رصيدك من الاحترام والمعزة متوفر بكثرة فى قلوبنا ياود عقيد ومساهماتك القيمة تشهد عليها البوستات .. |
بعدين انت يا عبد الله زي ما قالت ليك ندوية وبيها ختمت الكلام والقول .. حبيناك من قلوبنا .. وزدناك يا حلو .. انت رصيدك اكبر بكثير من اي تغيير اسم تغيرت اللغة من الانجليزي إلى لعربية ولم يتغير الحب والتقدير والاحترام .. لو تفتح الدواخل سوف لن تقوي على موران القلوب بالود والأشوق ورصيد وافر من الحب والتقدير والاحترام .. ويظل ارشيفك القديم قابع في مخازن بكري ذات الحصون القوية السامقة .. وتظل انت كما انت فينا عبد الله عقيد الذي عرفناه وعرفنا أحببناه واحبنا ويبقى الود واصلاً ...
خالص محبتي واحترامي .........
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: waleedi399)
|
الوليد
لك التقدير
وتشكر على هذه الكلمات الطيبة
ولنادية وجعفر وسجيمان وعمران الشكر أجزله.
يبدو أنني سأبقي على الاسم الجديد.
والقديم محفوظ زي ما قلت..
والودتني الشلاقة، ولّا سحروني ماعارف..
800 مشاركة في 50 يوم.. دي عين دي
عييييين.. وانا عارف السحرني منو.
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: نادية عثمان)
|
العزيزة نادية
لك التقدير
Quote: المهم بكرى اخوى ده ماتزهجو !!
زهجو كعب .. هو زول طيب لكن زهجو كعب !!! |
والله ياخ الله يستر.. إن شاء الله ما يزهج
بس ما تخافي علي يا نادية
ما بوصلو الحد..
أول ما احس بيهو بدأ يزهج
بقيف من الطلبات..
بس طلب واحد يا بكري
أعمل لي قطرة تجر مشاركاتي الفاتت دي
بالله عليك.
| |
|
|
|
|
|
|
|
|
 Re: أمانة ما دقس راجل .. يا ناس دِلّوني! (Re: عبد الله عقيد)
|
قبلك يا عقيد فكرنا فيها لكن لقيناها زى أعد تبدأ من أول...وقلنا أحسن بالطريقه العجيبه...بقت زى الشلوخ تشيلها مشكله للآخرين تخليها مشكله ليك والله بعوضـك بعض البوستات يمكن إعادتها ثانية ولكن حتما سيدخلها آخرون وإذا رجعت للقديم ستفقد عشرين مداخله و ستجده ذهب للإرشيف....
لك السلام والمواساة
منصور
| |
|
|
|
|
|
|
|
|
 Re: أمانة ما دقس راجل .. يا ناس دِلّوني! (Re: zoul"ibn"zoul)
|
دقسه معلم ياعقيد
.
.
تعرف دي المشكلة الواقع فيها انا.. وعملت استشارات عديدة .. وفي النهاية نسيت الموضوع كنت عايز احول من تمبس لي الاسم الاصلي
لكن تمبس والله بعد السنين الطويلة دي ما هاين على
علشان كده .. عمل نايم بالموضوع ..
ونصيحتي ليك ( اعمل موية سكر للاسم الجديد ده ) والعافية درجات
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: tmbis)
|
حبيب الكل .. الجميل تامبا
بحثت في الذاكرة
عنى أحلى الكلمات في الاعتذار
ولم أجد غير:
سامحني غلطان بعتذر
لم أتجاوز مداخلتك عمدا.. الله بشهد
بس زي ما قلت:
براك قلت كِدا..
انا عارفك قلبك ابيض.. وانت اكتر من جميل
يلا بعد كِدا جيب لينا موية السكر
بمعرفتك الخاصة
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
أستاذنا عبد الله عقيد!!!!!
يعني نفهم من كدة بقيت برلوم تاني 
يا خي كفارة عليك وحاول مع بكري تاني يرجع ليك البوستات (دا لو ما كان فكاها في أقرب سلة مهملات في نيويورك)
صنفرة :
إنتا الإسم غيرتو مالك !!!! فاكرنا ما بنعرف إنقليذي ولا شنو !! 
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: ناذر محمد الخليفة)
|
الفنان (العادي) والكاتب والشاعر (الإسفيري)
الحبيب ناذر
لك التقدير
| Quote: إنتا الإسم غيرتو مالك !!!! فاكرنا ما بنعرف إنقليذي ولا شنو !! |
والله ياخي في كم سبب كِدا دفعوني لتغيير الاسم..
لكين بعد التغيير حاولت أتذكر الاسباب دي
لقيت نفسي نسيتا..
المهم في الأمر أن الاسم بالعربي اسهل من الانجليزي
يعني نحن بنعرف انجليزي لكن متعودين نقرا بالعربي أكتر
لذلك تصل أعيننا إلى العربي قبل الإنجليزي..
بعدين (أستاذنا) دي مش كبيرة شوية؟!
لك الشكر أخي ناذر
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
Quote: بعدين (أستاذنا) دي مش كبيرة شوية؟!
لك الشكر أخي ناذر |
لا والله لا كبيرة ولا حاجة !!!
أتابع كتاباتك بإهتمام جدا في هذا المنبر وأرى من إسلوبك الذي تتبعه في إفحام وإقناع محاوريك أنك استحق صفة الأستاذية دون شك ..
صنفرة :
(أخي) دي مش صغيرة شوية !! 
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: فيصل نوبي)
|
Quote: [bبس طلب واحد يا بكري
أعمل لي قطرة تجر مشاركاتي الفاتت دي
بالله عليك. |
استاذنا الحبيب ود عقيد:
الليله العقيد صبحت همومو زوايد
ضاع ارشيفو منو ومشاركاتو عدايد
اسمو العربوهو خلاو جديداً عايد
لكن في قلوبنا فوق الحبيب ات زايد
| |
|
|
|
|
|
|
|
|
 Re: أمانة ما دقس راجل .. يا ناس دِلّوني! (Re: عبد الله عقيد)
|
يا ودعقيد هسي نبارك ليك ولا نحزن عشانك ..
غايتو الجاتك في يوزرنيمك سامحتك ..
تخريمة ..
Quote: ود عقيد كيفنك
وكأني بك أخي عبد الله قد فتحت حساباً في بنك الراجحي مثلاً ثم فتحت آخراً في البريطاني وطلبت منهم إضافة رصيدك بالراجحي إلى الحساب الجديد بالبريطاني ... أو هكذا |
هسي في داعي لي جنس دا ..
حساب وفي كل البنوك كمان ؟؟؟
ثقافة عربية ..
على قول الراحل الفاضل سعيد ..
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: بدرالدين شنا)
|
| Quote: وعشان ما تدقس تاني تمبس دا خلا ليهو حاجات هنا |
هههههههههه
والله يابدري ضحكتني ...
تشكر ياهميم ..
مسألة انو الرد يروح ف يالرجلين دي عادي يابدري
لكن طبعا بتحرق روحك شايفه هههههههههههههههه
تعرف
تاني كان لقيتك في اي مكان حقي ما حقي برد ليك مرتين .. وفي مكان براك اصلو ما بلخبطك مع زولاً تاني هههههههههههههههه
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: tmbis)
|
يا تامبا..
الحكاية دي ما محرِّقة روح بدر الدين براهو
أنا براي بتحرِّق روحي وبتزعلني
عشان كِدا لمن أدقس دقسة زي دي
بحاول بأي طريقة أحصل على رضا الزول
الما رديت ليهو..
وفي حالتك انت بالذات السبب ما مني
السبب من سجيمان.. أي والله.
وبرضو غلطان بعتذر
سامح يا جميل
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: فيصل نوبي)
|
فيصل نوبي (حاليا)
Quote: تاريخ التسجيل: 16-09-2005
مجموع المشاركات: 374 |
سنيَر
نور كامل (سابقا)
(....)
جونيَر
امسك عندك.. (201) والبقية تأتي..
كيفك يا فيصل.. تصوم وتفطر على خير
راجنك في خيمة ود عكر..
لك التحية والتقدير
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
الحبيب عبدالله عقيد
كل سنة وانت طيب يا حبوب
تعرف دى حصلت على قبل كده لكن فجأة لقيت الاخ بكرى اضاف لى كل مساهماتى القديمة وتضخم رقم مشاركاتى مع انى لم اطلب منه ذلك..
عشان كده بقول ليك شيل الصبر وبتلقاها يوم
فى الحوش ده مافى حاجة بتروح يا فردة
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
الأخ فيصل
لك التحية.. دي نقشتها كيف دي..
بالصح والله البنيّة كتّابة..
عشان كدا.. سويتا في نفسي
وتاني بسويها..
شنو ليك!!؟
الأخ العزيز جعفر
لك التحية والود وشكرا لمرورك الكريم
وبعد دا الظاهر الرجعة قااااسية
لك خالص التقدير
عزيزنا العمدة قرشو
لك التحية والود
وحمدا لله بسلامة العودة
والجاتك في (الباسوورد) سامحتك
بركة الشفناك طيب
والعيد مبارك عليك
وكل سنة وانت طيب
لك خالص مودتي
| |
|
|
|
|
|
|
|
|
|
Re: أمانة ما دقس راجل .. يا ناس دِلّوني! (Re: عبد الله عقيد)
|
| Quote: ونصيحة اخوية اعتبرها دين هالك وانسى الموضوع |
دا الكلام والله يا محمد عبد الله
وعسى ولعل كلام العمدة قرشو يحصل
وعمنا بكري يضيف المشاركات القديمة علي الجديدة
وعلى العموم ترا كلها موجودة في المنبر
لك التحية والتقدير
أخي محمد
| |
|
|
|
|
|
|
| |
عبد الله عقيد
سجيمان
waleedi399
عمران حسن صالح
munswor almophtah
tmbis
ناذر محمد الخليفة
فيصل نوبي
nashaat elemam
معتصم دفع الله
بدرالدين شنا
Gaafar Ismail
قرشـــو
فيس بوك
تويتر
انستقرام
يوتيوب
بنتيريست