|
|
|
 Re: أريد أن أترشح لرئاسة السودان! (Re: مريم بنت الحسين)
|
الأخت مريم،
منذ فترة طويله كنت أود أن أعلن أنضمامى الى حزبك ، و هذه طبعا فرصه طيبه لهذا الأعلان (هذا أذا ماقبلتى بى)...
إن (ناقشتى) البشير ،و إن كان أبن قبيلتك أن يتخلى لك عن هذا الكرسى السحرى ديمقراطيا ...لما فعل، و ربما ناقشك أن يأخذك سيدة ثالثه للعرش ...فماذا يفهم الرجل من أفكار مريم بت الحسين ، و ماذا يفهم عن مريم بت الحسن ؟
و أما أن كنت متزوجة أو على حب ، فقد كان بداؤد بعضا من الظلم، فقد سأل عن المرأة الجميلة التى رآها فى قصرة، فقيل له، أن أسمها (بتشبع) و هى زوجة (أوريا) و أوريا هو جندى فى جيشك...قرر داؤد النيل من (بتشبع) زواجا، فأرسل الى زوجها أوريا بحجة الأفادة الى عن الحرب، فأفادة الجندى خير أفادة. حمله داؤد رسالة الى قائد الجبه (يوآب)، كان مفاد الرساله كما قرأها يوآب فى أرض المعركه : (أجعلوا أوريا فى وجه الحرب الشديده فيموت)
أرسل يؤآب يوريا على رأس حملة لمحاولة أختراق وسط جيش العدوء ...كان يعرف أنها خاسره ، و لكنه أطاع ...فقتل. قال داؤد أن (الحرب تقتل أفضل الرجال) . بكت (بتشبع) زوجها الذى أحبها و أحبته طويلا و كثيرا، و عرفت أن الملك سيطلبها للزواج، و عندما فعل كانت (على أهبه الأستعداد) ففعلت، فمن هى لترفض زواج داؤد النبى و الملك ؟
وعندما ولدت بتشبع طفلا فرح به الملك ، و الشعب ...أما الله فلم يكن فرحا! و أن كان الكثير من أفراد الشعب يفرحون بكل نبى أو ملك يستولى على القصر ، و يجلس على ذاك الكرسى...فاللة لم يفرح!!!
على كل أن نجوت من مصير (بتشبع) و أن فعلت و قبلتى عضويتى فى حزبك الخلاق ماهى أول (تكليفاتى)...و أن لم تقبلى بى عضوه فاعله فى حزبك الذى ستخوضى بة الأنتخابات...ساكتفى بالتصويت لك...و أما اذا ماكنت تنوى الأعتلاء ثورة (أمازونية) فسيقولن ...أنة (أنقلاب)
| |
 
|
|
|
|
|
|
|
|
Re: أريد أن أترشح لرئاسة السودان! (Re: Roada)
|
رودا...
أتشرف بك.. وبكلماتك يا رائعة...
طلبي للترشيح بسيط.. لا أريد أن اتمم للبشير فرحة ثالثة... أنا هنا أطالب بمنافسته ديموقراطيا... كند لند... لا ينقصني شيء لأكون مكافئة له... أنا عمليا انتقلت من مرحلة المقارنة بيني وبينه .. إلى مرحلة إختيار الشعار... وحصدت أصواتاً لا بأس بها....
حزبي يقول.. لا.. لكل شيء.. ليس لأنه حزب أمازوني.. بل هو حزب حر.. مفكر.. مثقف... يجمع الكل.. ... وهو لا حزب.. هو حزب المحبة المطلقة بين الناس.. الكل أخوة... والكل أخوات... ... واللاحزب.. هو حزب الفكر..
يا رودا
لا زواج من البشير!
لا انقلاب أمازونيَ!
نعمي الوحيدة.. هو انضمامك إليّ... وإن لم أكن حزباً...
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
سودانى سافر مصر بعيد أغتيال السادات .... سألو واحد صعيدى ...انتو مرتاحين مع نميرى يا بيه ..... السودانى قالى ياخى دا منشف روحنا .....الصعيدى قالى ....ما تاخدو على المنصة يا بى
وعادل إمام سألو مرة فى لقاء إذاعى بعد إنقلاب البشير ...رأيو فى سياسة وادى النيل ....قاليهم دول أول واحد بصحى الصبح بدرى تلاقى هوب ماسك الحكومة..يعنى ما تترشحى قومى بدرى بس ما تنسى تنومى من المغرب
لك التحية أختى مريم
| |
|
|
|
|
|
|
|
|
|
Re: أريد أن أترشح لرئاسة السودان! (Re: WAD ELGAALI#4)
|
ود الجعلي أو الجيلي رقم 4.. سلام
من قال أني قد انتزعت السلطة..؟ أنا أطرح فكري وطريقتي.. وسيرتي الذاتية لحكم الشعب عليّ.. فإن صلحت.. كان بها.. أما إن لم أصلح.. فاستنكر ...
بالجد
.. وبالحديث الديموقراطي ...
هل ستنتخبوني؟ لنفترض أن المنافسة بيني وبين عمر حسن أحمد البشير...
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: سارة منصور)
|
السارة... سلام...
أملي حبرك.. وتعالي أحلمي معانا... أصله حلم الجعان بصله.. وأنا ناوية أحلم على تقيل.. وقت الرجال ديل من زمن الاستقلال مافي واحد فيهم وقّف البلد على حيلها.. مالنا، ما نجرّب إحنا!
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: Elmosley)
|
مـريــم،
إزككرت حاجــة تانيـة!
بما إنك لســه ما وصلت السـن القانـونيــة للترشيــح للـرئاســة، فلمـاذا لا نقـوم بعمليـة "تحجــزون"..... وأتـرشــح أنا أولا، لحـد ما تصلى أنت السـن القانـونيـة.. ثم أعينك النائـة الأولى، وأستقيل بعـد يومين، لتكونى أنت الرئيســة بمقتـضى الدستــور.
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
بت الحسين
ندعم ترشيحك من منطلق الحرص على مصير شعبنا
و اضمن لك اصوات 6900 طالب في تلات جامعات سودانيه
شريطه الاتفاق على دستور نيابي و اجراء اتخابات برلمانيه قبل الانتخابات الرياسيه
و بالمناسبه انا رئيس البرلمان و الا ما عاوز معاكم
| |
|
|
|
|
|
|
|
|
|
Re: أريد أن أترشح لرئاسة السودان! (Re: Amjed)
|
موافقة يا أمجد على كل شروطك معادا آخر سطر...
لو انتخبوك الشعب عشان تدخل البرلمان.. وبعدها انتخبوك ناس البرلمان رئيس... انا ما عندي مانع... وتكون ساعدي الأيمن.. 
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
هو نحنا لاقين وش حلو يحكمنا مش احسن من الوش الكلو يوم شايفه دى الواحد يقراء في الاخبار ويمص في ليمونه من طمام البطن من الوشش دى مبروك ليك صوتى وماعايزين راجل واحد في حكومتك احسن مادام البلد فقران نشوف وشوش حلوه في الحكومه
| |
|
|
|
|
|
|
|
|
|
Re: أريد أن أترشح لرئاسة السودان! (Re: theNile)
|
بي مناسبة وش حلو القالا نايل دي وين صورتك يا مريوم؟
أنا كان بعرف كان آزرتك و ختيت صورتي جمب أليلتك،، بس عشان لمن تبقي رئيسه أشيلا و أفرج فيها الناس،، دي مريوم الكانت صورتي جمب صورتا أسع بقت رئيسه،،
أنا قبلانه بي الوظيفه،، لكن عندي طلب،،
ناجي أخوي يبقي مدير مصنع و نرضي علي حميد ،،موافقه؟
سوميتا
| |
|
|
|
|
|
|
|
|
|
Re: أريد أن أترشح لرئاسة السودان! (Re: Soumeta)
|
مريومة
جد كده الجماعة المصوتين ديل مصوتين والله مصوتين
يعنى مثلا لما يقول فلانة صوتت يعنى كوركت انتى دايرة ياتو واحدة غايتو فى الحالة حقت التصويت انا معاك وهاك صوتى ما انى محتاجو كفاية نبيح من الصبح
سوميتا
كان مدير مصنع ما داير معاكم شنو يعنى ماتادونى وزارة بسسسسسس؟؟؟
| |
|
|
|
|
|
|
|
|
|
Re: أريد أن أترشح لرئاسة السودان! (Re: Soumeta)
|
سوميتا.. صاحبتي الظريفة.. صورتي شلتها لأسباب كتيرة.. جهزي الجبنه.. وبحكيها ليك.. والله عندي صداع كارب.. ما نفع فيهو ولا شي من قبيل.. يمكن الجبنه تنفع...
وبعدين ناجي ده.. بقى ليك زي الكاشف أخوي.. لا لا.. إنت وبس الوزارة.. ما عندنا مصانع ..
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
*
الآنسة: رئيسة جمهورية السودان الإنسانية الحرة الديمقراطية الجديدة...
لك التحايا... ودعمنا المشروط بما ستفعلينه في السنة الأولى: يعني عاوزين وعود انتخابية ، وكدة...
مثلاً ماذا ستفعلين حيال مرتكبي جرائم حقوق الإنسان في العهد البائد؟ ما هو برنامجك لأطفال السودان الجديد القادم؟ وهكذا... خلينا نشوف احلامك بالسودان الجديد....
أخيراً:| Quote: بما إنك لســه ما وصلت السـن القانـونيــة للترشيــح للـرئاســة، فلمـاذا لا نقـوم بعمليـة "تحجــزون"..... وأتـرشــح أنا أولا، لحـد ما تصلى أنت السـن القانـونيـة.. ثم أعينك النائـة الأولى، وأستقيل بعـد يومين، لتكونى أنت الرئيســة بمقتـضى الدستــور |
إحذري مثل هذه الإقتراحات ، ويا أبو الريش ، قديييييييمة!
مع الود ، كله...
| |
|
|
|
|
|
|
|
|
|
Re: أريد أن أترشح لرئاسة السودان! (Re: farda)
|
السيدة الرئيسة مريم بنت الحسين
أول حاجة نحنا مطالبين بوزارة جديدة لنج ..
نسميها وزارة البهجـــة على راي الفنان زيدان إبراهيم ..
لأننا من قمنا إنقلابات .. حروب .. نزاعات ..
عايزين نفرح شوية ونفرفش عشان نكتر الصدقات ..
ما عايزن ندوات ولا منابر لا حرة ولا مستقلة ..
ما أصلو نحن جننا نضمي وكلام كثير في الفاضي والمليان ..
في كل مكان ندق خيمة والكل ينادي يلا يا جماعة أفرحوا معانا ..
وعلى ضوء ذلك بنديك صوتنا ..
| |
|
|
|
|
|
|
|
|
 Re: أريد أن أترشح لرئاسة السودان! (Re: مريم بنت الحسين)
|
ههههههههههههههههه......
هههههههههههههههههههههههههه
السلام والرحمة
والله قريت العنوان بتاع البوست دة وقعدتا اضحك جنس ضحك جنس ضحك والله ما بعدة ضحك
عارفين لية؟؟
لانى انا زاتى عاوز اترشح لرئاسة السودان
وبما انوا البشير ماسك فيها قوى قلتا ابداء برئاسة المربوع الساكنين فية وبعدداك رئاسة الحلة ومنها للعاصمة القومية وكان الله بعد داك ادانى عمر انشاء الله بترشح للرئاسة
ويا عمر جااك بلاء
AND GOOD LUCK FOR BOTH OF US
وفى امان الله
| |
|
|
|
|
|
|
|
|
|
Re: أريد أن أترشح لرئاسة السودان! (Re: Hisham Amin)
|
يامريومه علي اول ماتفوزى كدى عايزنك تسضيفى ملك جمال العالم وملكه جمال الكون في السودان وعليك خلينى اكون المنظم وبعد داك اموت وكمان مدينه سينما كده تكون اكبر من هليود الامريكيه وبليود الهنديه وكنفال كبير كل سنه اكبر من يتاع البرازيل في ريودجانيري ونتق هيل في لندن مهرجان تسويق اكبر من بتاع دبى ساحه سباق سيارات للفرما ون مدينه للبهجه البر لاسقيجاس عليك اهم حاجه الفرع والبهجه خلينا نفرفس اصلو وشنا اتكرفس من الصرصه والنبز عاش السودان وطن عالي مبنهجه علي ماتنسى لازم اكون منظم مسابقه ملكه جمال الكون والعالم خلونا نخاد كم صوره الواحد يعوض بها الحرام
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
لأجلكم جميعاً.. لأجل هذا الشعب المقهور.. لنحلم...
لن نبدأ ببينات انتخابية...
أريد لجنة فنيّة... لتعرفني إلى السودانيين....
لأبث عبرها وعودي...
أريد مصوّرا بارعاً... يصور مريم... صورة .. وصوت.. وشخصاً...
ملامح الجديّة ضرورية... والأمل الذي نسعى إليه.. سنرسمه معاً....
أول أولوياتي.. ومنذ أن كان عمري خمسة عشرة عاماً.. أن أزرع الأراضي المحاذية للنيل.. فقط!...
نحتاج لأموال.. لنبنيه البنحلم بيه يوماتي....
أشكركم.. سأعود لأرد على كل تعليق.. ..
لكم المحبة والشكر
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
صديقتي مريم
احس انك جادة فيما تقولين؛
واحس ان الاغلبية تهزل ..
جوابي لك كما جواب مريوم في رواية مريود
للطيب صالح :
وليش لا ؟
تاكدي لو كنت جادة؛
فستجدي العديد من الاصوات ومن الدعم؛
ولكن السياسة تستدعي برامجا وخططا وتنظيما؛
فهل وددت الانخراط فيها ؟
كنا نؤمل علي شيري؛
لكن عملتا لينا انقلاب مرة
وكفاح مسلح مرة اخري؛
بعد ان تبنا من كل ذلك.
اذا كنت تتحدثي بجدية؛
فلك صوتي بعد ان نعرف برنامجك ونتحاور.
عادل
| |
|
|
|
|
|
|
|
|
|
Re: أريد أن أترشح لرئاسة السودان! (Re: Abdel Aati)
|
عادل عبد العاطي (أستاذ عادل)
كيف حالك؟
الردود مازحة، وأنا جادة كل الجدّية... تعجبني البسمة التي يرسمها الناس حول الموضوع، لكني جادّة... ولا أرى سبباً يمنعني ... (ليش لأ)!!
لازلت أصيغ برنامجي... وكنت أفعل هذا منذ أكثر من سبعة سنوات مضدت...
سأشارككم بها...
أنا جادّة..
هل أنت جاد؟
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
حسنا ....
لن أمثّل حزباً.. ولا حتى حزب الأحرار!!
سأكون فقط، مريم أحمد مصطفى الحسين....
كل ما تحتاجون لمعرفته هو ما سأقدمه لهذا الشعب....
أريد مكتباّ لإدارة الحملة في كل اتجاه في السودان الممتد....
أنا إمرأة ... أبلغ من العمر أربعة وعشرين عاماً... أعدكم بألا أعدكم ..
لا أريد أن أرسم لكم أحلاماً وردية.. سوداننا في مستنقع عميق....
سنخرجه أولا.. ثم، نبحث عن الأحلام...
... شعاري.. هو "لا" .. أرفض وبشدة.. كل شيء.. لأن لا شيء يسيؤ بصورة صحيحة في ذاك البلد....
في حياتي الخاصة.. أنا جمهورية.. فكري يتبع الفكر الجمهوري الذي دعا إليه الأستاذ محمود محمد طه... والذي يدعو لأشياء كثيرة، لن يهمّني أن تعرفوها .. لأنها منهج شخصي في معاملة الناس.. والاحسان إليه.. ذلك بانتهاج طريق النبي عليه الصلاة والسلام...
رغم أن الجمهوريون تاريخياً لم يدخلوا معترك السياسة.. لم لا...
وكما قال عادل عبد العاطي... "ليش لأ"... إمراة ستنافس البشير...
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: Abu Mariam)
|
أبوي.. أبو مريم.. سلامات...
حسي ده كلام ده.. الحاج يكون وزير وأنا رئيسة جمهورية، الكلام ده ما بنفع.. .. أحسن يستمر في الجامعة..
عارف يا أبو مريم.. واحده الحاجات الطريفة الحصلت لما انا امتحت شهادة، وقبلوني في الجامعة البدرس فيها والدي زاتها.. والدي اعترض، وأعلن تركه لمهنة التدريس لأنه (حيدرس ناس مريم)! الشفع.. وبما أني كنت في تخصص بعيد عنّه.. لم ينفذ الكلام...
حالياً مازن أخوي ممتحن.. وعاد الوالد لنفس الكلام.. "هو ناس مريم الشفّع، ما نافعين معاي، أدرس ناس مازن".. بعد ده إلا أدرس في الروضة..
خليهو في الجامعة أحسن...
الوالده.. تمسك وزيرة شؤون اجتماعية.. حاجة كده مبالغه..
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
السودان محتاج لقلب معادلته السياسيه
جزريا ولقلب تلك المعادله لابد من تضحيه
تكفل الحداثه في كيفيه صياغ الحكم للسودان الجديد.
فالجداره تكمن في نسائنا وتنعدم في الرجال
الا من رحم ربي!!!
فعضويتي لك وزمني اهبه للحمله
الانتخابيه وقوه بنيتي تاهلني لاكون
بودي قارد رفس وشلوت لاعداء المراه.
| |
|
|
|
|
|
|
|
|
|
Re: أريد أن أترشح لرئاسة السودان! (Re: Mohamed Adam)
|
أخونا محمد آدم.. أشكرك على كلمات التشجيع...
السودانيين خير وبركة.. بس البرجعنا شنو؟
سأحسب صوتك.. بعشرة... فهو دعم كبير .. وتسلم..
على هذا المستوى من الأصوات... سأفكر في الترشح بجدّية.. 
بنت الحسين
| |
|
|
|
|
|
|
|
|
|
Re: اريد ان اترشح لرئاسة السودان (Re: محارب)
|
محارب.. شكرا على الصوت..
لكن...الشرط ده ضروري؟
بعدين قائد عام لشنو بالضبط؟؟
ولا نخليها مفتوحه؟
وانا وذوقي..؟
بعدين ناس حلتكم دلي.. هو زاتم ناس حلة أبومريم؟ ولا حلة غيرها.. عشان الحساب يكون صاح..
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
أولاً بعد جدل شديد مع نفسي
أيقنت بأنك لا تصلحين لقيادة السودان
والسبب تهميشك للآخرين والدليل عندك راجعي ردود المتداخلين
وقد درجت الحكومات السابقة والحكومة الحالية رعايتها
للموالين والمحسوبين عليها لذلك سنظل ندور في هذا الفلك
ويكون السودان هو الخاسر
ويا ستي مبروك عليك حكم السودان
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
الأخت مريم
حقيقة لم أعرف ما هو سبب عدم ردك لمداخلتي ..
وهذا الرأي لم يكن نتيجة شئ في نفسي تجاهك إطلاقاً ..
ولقد حاولت أن أضيف شئ من النكهة في مداخلتي لكسر ذلك الحاجز ..
وحينما قرات ردودك لكل المتداخلين عدا العبد لله سألت نفسي لماذا كل هذا ؟
هل هو تجاهل متعمد منك ؟ أم تهميش ؟
وحتى نرى ردك ..
لك كل الحب والتقدير ..
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
هذه هي مداخلتي الأولى راجعي الردود من الأول ..
Quote: السيدة الرئيسة مريم بنت الحسين
أول حاجة نحنا مطالبين بوزارة جديدة لنج ..
نسميها وزارة البهجـــة على راي الفنان زيدان إبراهيم ..
لأننا من قمنا إنقلابات .. حروب .. نزاعات ..
عايزين نفرح شوية ونفرفش عشان نكتر الصدقات ..
ما عايزن ندوات ولا منابر لا حرة ولا مستقلة ..
ما أصلو نحن جننا نضمي وكلام كثير في الفاضي والمليان ..
في كل مكان ندق خيمة والكل ينادي يلا يا جماعة أفرحوا معانا ..
وعلى ضوء ذلك بنديك صوتنا .. |
وعشان ما أكون ظلمتك لم اتعمد أن أجرح مشاعرك ..
وحقيقة أنا لظروق عملي ووقتي ما بكتب في كل المداخلات ..
ولان هذا البوست عجبني وعنوانه جميل رديت عليه ..
والشئ بالشئ يذكر لقد ضمنت هذا الموضوع من ضمن المواضيع التي أكتب فيها لعمل بوست منفصل ..
ومره أخرى أكرر إعتذاري إن أصابك شئ من الظن ..
ولك السلام
| |
|
|
|
|
|
|
|
|
|
Re: أريد أن أترشح لرئاسة السودان! (Re: معتصم دفع الله)
|
معتصم.. تصدّق وتآمن بالله....
لم نتبه إلى هذا الرد... وأكرر عميق الأسف.. وشديد الندم على هذا الأمر...
وبالفعل.. نستحق وقتاً من الراحة بعد كل الانقلابات .. والحروب.. والمآسي التي عشناها كشعب...
قدّم أوراقك.. لنرى.. هل تصلح لتمثل هذه الوزارة
لك التحية.. وعميق الأسف مرّة أخرى
دوماً.. بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
Quote: غايتو يا مريوم ح تكونى اول جندرية تتبوأ المنصب ده
لكن ختى فى اعتبارك ان الحكومة كلها تكون جندريات
ولا عزاء للرجال
|
| Quote: كان حلمي منذ أن كنت صغيرة.. أن أنتزع هذا السودان من بين يدي هؤلاء الأطفال |
يا بت الحسين
لك صوتي القابل لكل صور و أشكال التزوير وحتى إشعار أخر!!
وبالجد الفكرة دية خطيرة و جذابة جداً
فقط سؤال.. ألم أقرأ في وعودك القديمة جهة أول البوست كده إنك لا ترفعين أي شعارات أمازونية؟؟؟
حسي كلام الجندريات
و المطابخ المقلوبة
و (الأطفال) لي ناس بدقونم
و كمان لا عزاء بعد دا كله!!!
الشغل دا ما شغل أمازونيات راسو عديل يا جماعة الخير..
نحتاج تطمينننن عاجلا و إلا بعنا الصوت!!
| |
|
|
|
|
|
|
|
|
|
Re: أريد أن أترشح لرئاسة السودان! (Re: Hashim.Elhassan)
|
يا هاشم الحسن... يبدو أنك لم تنتبه إلى الإشارة في آخر جملة كتبتها للنا مهدي...
Quote: خلينا نكون عادلين. .ونبقى أحسن منهم..
|
لست من النوع الأمازوني من النساء.. ولا أحبذه أساساً.. أعيش (بسلام) مع الجنس الخشن.. ولم أعن أبدا أن مكانكم البيت.. وحديثي عن الطفولة ذات (الدقون) هو من باب الحديث عن اللعبة التي يلعبون بها كالأطفال...
وهذا النفي ليس من باب شراء الأصوات...
بنت الحسين
| |
|
|
|
|
|
|
|
|
 Re: أريد أن أترشح لرئاسة السودان! (Re: مريم بنت الحسين)
|
مريومة .....
مبروك انا ما شايف اى زول معارض ترشيحك لكن عندى سؤال فى وزارة باقية الواحد يرضى ويستلمها ........؟؟؟؟
وبالمناسبة :- الموضوع كان بداية حلم وشوية بقى جد كمان الكلام دخل المطبخ يعنى رجعنا للمشكلة القديمة .....
كنت فى واجب عزاء فى الشمالية قبل يومين مشى معاى واحد اول مرة يمشى الشمالية من الصعيد يعنى اتخيلى انو ما فات شندى وبعد ما وصلنا قال لى  انت شابكنى الشمالية الشمالية والله انتوا المفروض تعملوا تمرد من زمان قبال قرنق لو اصلوا الحال ده كده,,,, اسى كان النيل ده زعل ساى ابا ما يجى حتسوا شنو) ... لم استطيع الرد وحاسالك رايك شنو فى البلد يعنى حتسوى شنو بس ما تكون الجابرية مرة أخرى
مع تحياتى
كرور
| |
|
|
|
|
|
|
|
|
|
Re: أريد أن أترشح لرئاسة السودان! (Re: ناجى الزبير الملك)
|
Quote: إنت يا شيري يا بت عمّي....
انا شايفه أم بالينا دي زاتها حنبنه وقت وقفت ليهو على المدق.. يعني انا رأي ده يتقطّع مكعبات... ويفرز كيمان كيمان.. ويوضع في أكياس.. وكل كيس يمشي لجار من الجيران.. كرامة وسلامة لله ورسوله... عان ده كمان.. هي تقطع في البصل وتحشي في منو.. ما فيك إنت وأولادك.. تجي تبحلق عيني عينك .. يمين بالله.. التلفزيون زاته يلحق الصح....
وده بالذاااااات.. مافيهو مجال للدعوة السلمية للحوار....
بنت الحسين |
بت الحسين .. أمشى أسحبى كلامك دا بسرعة و الله تلاقى صوت الجماعة الفوق ديل كلهم بقى سـوط أو مدق .. رغما عن دا .. بديك صوتى حتى لو تسوطيها
| |
|
|
|
|
|
|
|
|
|
Re: أريد أن أترشح لرئاسة السودان! (Re: ناجى الزبير الملك)
|
| Quote: مبروك انا ما شايف اى زول معارض ترشيحك لكن عندى سؤال فى وزارة باقية الواحد يرضى ويستلمها ........؟؟؟؟ |
إيه التواضع ده يا ناجي.. ياخ يا بالغته عديل كده.. على أي حال.. لسه ما حددت الوزراء منو.. بس رسل لي السيرة الذاتية.. وبعداك نشوفك بتنفع وين...
| Quote: رايك شنو فى البلد يعنى حتسوى شنو بس |
الشمالية.. يا سلام ياخ.. قلت لي صاحبك ما فات شندي.. انا ما فت الخرطوم.. أقصى شي مشيت ليهو مدني... (جنوب الخرطوم)... اهل أبوي من الزيداب... ممكن الواحد يمشي يشوف الحاصل شنو بي فوق.. ضمن الحملة الانتخابية....
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: ناجى الزبير الملك)
|
| Quote: واوعك تمشى الزيداب فى حملتك الانتخابية انتى ماك عارفة الجعليييييين....... |
ياخ دي أهم محطة في الحملة الانتخابية.. والله حتكون برنامج ظريف خلاص.. بت أحمد ود الحسين.. وقصص.. يازوووول..
بالنسبة لموضوع الوزارة.. خليها على ذوقي .. زي الأخ الفوق داك..
بنت الحسين
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
سيادة الرئيس والقائد الأعلى
مريم بنت الحسين
ارجو من قيادتم الرشيدة تكليفي بوزارة الدفاع والأمن القومي وانا خير من يقوم عليها
ولن أدخر جهدا في سحل وقتل كل من تسول له نفسه بالتغول على مكتسبات الشعب والثورة
ولا تلقي بالا لمدعي الديموقراطية فهي اوهام يريد الغرب ان يلوث بها مسيرتنا الخضراء
بين قوسين عظيمين ... ولي فيها مآرب أخري
| |
|
|
|
|
|
|
|
|
|
Re: أريد أن أترشح لرئاسة السودان! (Re: مريم بنت الحسين)
|
بت الحسين سلام الظاهر في باقي ملاريا ماهذه الهضربه تترشحي للرئاشة وعينيك على كرسي البشير اخير ليكي كرسي جابر يا اختي قبلية وطائقية واحلام طفوليه لرئاسة الجمهورية الحاجات دي كلها الجابت لينا الجلا راجعي طبيب مختص في طب المناطق الحارة
| |
|
|
|
|
|
|
|
|
|
Re: أريد أن أترشح لرئاسة السودان! (Re: حبيب نورة)
|
يا سلام عليك يا حبيب نوره... شايل همّه وهم أولاده..
ما تخاف... بوفّق بين (الرئاسة) وشغل البيت.. أنا أصلي (إمرأة) عاملة... وبعرف كيف ما أظلم ناس البيت
بعدين ناس البيت.. كان بقيت رئيسة .. كان قعدته.. ما بعوس.. والله غلبتني كله كله.. يا جماعة مافي زول يدي دروس خصوصية....
بنت الحسين
| |
|
|
|
|
|
|
| |
مريم بنت الحسين
Ibrahim Algrefwi
Hussein Mallasi
Deng
omer almahi
Soumeta
WAD ELGAALI#4
WaD OmI
قصي مجدي سليم
Elmosley
Amjed
theNile
farda
معتصم دفع الله
Hisham Amin
ودقاسم
دورنقاس
Abdel Aati
AnwarKing
Abu Mariam
Mohamed Adam
صديق الموج
lana mahdi
Hashim.Elhassan
طيفور
nadus2000
الفاتح يسن
حبيب نورة
فيس بوك
تويتر
انستقرام
يوتيوب
بنتيريست